العزيز انور اعرف شغفك بالمعرفة خاصة في مجالك العلمي و انك تسعي بصدق و دافع قوي لتحقيق الفائدة للوطن و الاهل و قد تعرض حماسك لعقبات اغضبتك لكني هنا اعيد ايماني القاطع بك و بجيلك العلمي و انكم زخر وطني يفوق كل الثروات المادية.. دفعني لهذا القول ما يمتاز به هذا العصر من امكانيات هائلة متوفرة لاصحاب العقول النيرة و الارادة الصلبة و الروح الوطنية ليوطنوا المعارف و ينقلوا المتاح من معينات الحياة العصرية لاوطانهم.. سبق ان كتبت عن مشروع كمبيوتر محمول لكل طفل في الدول الفقيرة و كذلك موبايل لنفس الشريحة.. الان Mary Lou Jepsen صاحبة المشروع المذكور ابتدرت مشروع اخر اسمته Pixel Qi تهدف خلاله لتطوير نوتبك رخيص سعره 75 دولار و تسويقه في كل دول العالم بكميات ضخمة.. فوددت ان اطلعكم علي ذلك عل و عسي نتمكن يوما ما من خدمة مشروع نهضة و تطور و طني مستعينين بمواكبتنا لما يحدث حولنا و نقل و توطين قدر معتبر منه...
01-16-2008, 09:58 PM
نصار نصار
تاريخ التسجيل: 09-17-2002
مجموع المشاركات: 11660
لكن الحمد لله Mary Lou Jepsen باصرار تحسد عليه تعيد الأمل... سأقوم بالاتصال بها لاحقاً وأسألها عن كيفية دعم المشروع وتطوينه في السودان إن أمكن....لتقليل النفقات ما أمكن.
خالص الشكر عزيزي نصار وهناك الكتير الكتير ممكن الإستفادة منه، اذا فقط تحسن الاتصال بالانترنت في السودان...وأعني كل السودان وليس الخرطوم وحدها.
مازلت اقرأ في الموقع ....
Quote: Qi [noun] [pronounciation : chee]: the circulating life energy that in Asian philosophy is thought to be inherent in all things.
مودتي ولي عودة
أنور
01-18-2008, 00:42 AM
نصار نصار
تاريخ التسجيل: 09-17-2002
مجموع المشاركات: 11660
العزيز انور مرة نقلت كلام عن مشروع مبتكر عن خدمة الهاتف النقال بتقوم فكرته علي استخدام هواتف المشتركين كسرفرات او هوائيات تقوية. المكالمة تنتقل من جهاز لجهاز لحد هاتف الشخص المطلوب!!!.. الفكرة اتوصل ليها تيم اثناء رحلة سفاري في كينيا... كانت سياراتهم علي بعد امتار من بعضها لكن لا خدمة في المنطقة.. بشوف افكار زي دي كأنها معني بيها السودان بكبر حجمه و غياب البنيات التحتية.. لكن نحتاج لروح المبادرة و الاخلاص و الابداع.. الطاقة و مصادرها البديلة يبقالي ح اموت و في نفسي شئ منها لكن البركة فيكم lool
01-18-2008, 07:45 AM
AnwarKing AnwarKing
تاريخ التسجيل: 02-05-2003
مجموع المشاركات: 11481
العزيز نصّار... مرة برضو -عام 2004- على ما أظن كنت كنت عن مشروع يرعاه بروفيسور كوري في جامعتي عن نقل البيانات باستخدام الكهرباء فقط لا غير...لا سلوك تلفون ولا أي شبكات أخرى غير الشبكات الموجودة أصلاً للكهرباء... فتخيل معي ان كل كوبس كهرباء جمبك ممكن يوصلك بالانترنت، أو ممكن تنقل بيهو أي بيانات ممكنة من Text Or MultiMedia or Application program يعني حاجة مذهلة فعلاً... شفتا موديل صغير من المشروع خلال معرض إقيم في الجامعة...ولا أدري أين وصل هذا المشروع الآن نسبة لسكني بعيد جداً من الجامعة. ذلك المشروع مش بخاطبنا احنا بس، انما البروفيسور بالأسم، قال لي انتو يا ناس السودان محتاجين مثل هذا المشروع بدلاً من بناء بنيات تحتية جديدة للاتصال وغيره...
والحديث ذو شجون يا نصار...بس خلينا نخلص من دراستنا دي ونقبّل على الممكن والما ممكن نقله الى السودان، وتوطينه كمان.
ونواصل بكل الحب
أنور
01-18-2008, 12:02 PM
نصار نصار
تاريخ التسجيل: 09-17-2002
مجموع المشاركات: 11660
العزيز انور القاعدين نقول فيهو دا ما مالي عين زول غيرك انت الجبناك بالعنوان lool شفت دي زي حكاية الصديق الجاهل جاتك ضقلا يتلولح في صمة خشمك lool عندي كوم من المواضيع المكوجنة في حقول علمية مختلفة و انا اصلا بحب اللخبتة بجيب منها شوية و اسوي لي بوست كشكول للبعض الاخر.. بس ربك يحل القيد..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
نصار
Frankly
AnwarKing
فيس بوك
تويتر
انستقرام
يوتيوب
بنتيريست