|
Re: ست البيت (Re: sudania2000)
|
الأخت / سودانية تحياتي لك وأنت تضغطي على وجع الغربة بداخل قلوبنا التي أرهقها التعب وأعياها البعد عن الأهل والأحباب وعلى رأسهم الوالدة أطال الله في عمره ومدها بالصحة والعافية .. هذه الأغنية من أحب الأغاني لوالدتي الحبيبة .. وعندما علمت حبها لهذه الأغنية ذهبت إلى محل الكاست وإبتعت شريط مبارك حسن بركات وأهديته لها وكان ذلك في إحدى زياراتي للسودان .. وماتزال تحتفظ به بل أسمته شريط خالد .. لك التحية ولكل الأمهات السلام والمحبة . خالد الأرباب
| |
|
|
|
|
|
|
Re: ست البيت (Re: Khalid Saeed)
|
Quote: ليه ماشكرا مطاوعاني وحافظه لمتعتي وحافظاني حاويه من الانوثه معاني ومها ابقى مر بالعاني بريدا براها ترتاح روحي كل ما أطراها بريدا براها ست البيت |
بكل تأكيد ، إبداع ما بعده إبداع ، وامثال ودالرضى وإبراهيم العبادى وعبد الرحمن الريح وأبو صلاح ، وغيرهم كثير من كنوز أمتنا يحتاج شبابنا أن يلجها ويغوص فى أغوارها ليستمتع بها ويتعلم منها الكثير ..
لك التحية ... محمد مختار جعفر
| |
|
|
|
|
|
|
Re: ست البيت (Re: محمد مختار جعفر)
|
أختي سودانية سلامات بحجم الجمال في ودمدني
الشاعر والفنان عموماً هو مستودع القيم والأخلاق والفضائل في مجتمعه لأنه يختزن كل ما هو جميل لينفثه في أوصال المجتمع عبر هذه الكبسولات المحببة ... عليه كان ومازال وسيظل كل صاحب موهبة فضيلة محل إحترام لكل لأنه مصدر الإشعاع ومبعث الموروث القيمي والأخلاقي ... والشاعر ودالرضي رحمه الله واحد من هؤلاء العظماء الذين نالوا عن جدارة هذا الإحترام لأن ما قدمه في فنه كفيل بأن يخلق الدولة الفاضلة ناهيك عن المدينة ... والذي يرغب في المزيد فقط عليه مطالعة ديوانه الجزء الأول والثاني ليجد كل مايستحق الإحترام والإعتبار ... وما هذه القصيدة إلا لمحة من مشهده الرهيب المهيب ... ففيها قدم منفستو الزوجة السودانية المسلمة الصالحة ... وهي التي أتمناها ويتمناها كل رجل اللهم يا فاطر السموات والأرض أكرمني بها يا الله ... اللهم آميييييييييين...
| |
|
|
|
|
|
|
Re: ست البيت (Re: ناذر محمد الخليفة)
|
الاعزاء هناوهناك من قراء ومر من هنا ومن نظر واستهجن ومن ضحك واعجب ومن طوفت به الكلمات في حوش كبير وامه العزيزة تسكب القهوة لوالده وهو يراقب المنظر ويحلم بست بيت بمواصفات امه ومن وجد ست البيت ومن يحلم بست البيت أقول سلامات وربنا يحقق كل الامنيات ويدي كل بنوته سيد بيت يشكرا ويحفظها ويدي كل سيد كريم بست بيت تملا عليه كل الافاق حتي تسد السموات فلا يري غيرها ولا يتغني الا بخصالها
ست البيت الاغنية المحببة ايضا الي أمي رحمها الله واكاد أجزم بان هذه الاغنيه هي لامي رغمي علمي بغير ذلك فقد كانت مثال ومنهاج مثل هذا الوصف الرائع للزوجة الصالحة السمحة في الخلقة والاخلاق
ناذر : ما سامعة حاجة شكرا ليك برضو
| |
|
|
|
|
|
|
Re: ست البيت (Re: محمد عثمان)
|
محمد عثمان
سلامات
وين مختفي؟؟
مشتاقين والله..
النبي عليك تنكش المكتبة وتشوف لي التسجيل القديم
تحياتي ومودتي
| |
|
|
|
|
|
|
Re: ست البيت (Re: sudania2000)
|
سوداانية..
سلااام و مشتااقين اكتر خلاص بشوف ليك التسجيل القديم
علا قول لى ود الرضى دا كان مؤجر البيت الساكن فيهو من مرة ولا شنو..؟؟؟
يلا..
| |
|
|
|
|
|
|
Re: ست البيت (Re: sudania2000)
|
اختي سودانيه كيفك
Quote: راقيه سكوته من ميلادا مو سكاتاً تنوبوبلاده نضيفه ومنظمين اولادا برضها عندي حلوه جلاده |
رائع
| |
|
|
|
|
|
|
Re: ست البيت (Re: إسماعيل حميم)
|
علا قول لى ود الرضى دا كان مؤجر البيت الساكن فيهو من مرة ولا شنو..؟؟؟
محمد عثمان
يكون يا ربي !!!!!!!
ناس تفتش لاعذار في الكلام الحلو .. بس سؤالي : انتو متاكدين الراجل دا سوداني
الاستاذ اسماعيل الحميم
تشكراتي واحترامي
كان بقت علي الوردية ياكا النايم
ابقي عشرة علي الحراسة
شكرا عميقا علي الاضافة النوعية
خربشة : صوت مبارك موجود في الكاست والنت و السيارة .......
| |
|
|
|
|
|
|
Re: ست البيت (Re: sudania2000)
|
Quote: كان بقت علي الوردية ياكا النايم |
ياني النايم!! يعني أفهم من كدا أستلمتي الجرد تمام؟
Quote: ابقي عشرة علي الحراسة |
على الوردية بس ولا البوست كلو
Quote: خربشة : صوت مبارك موجود في الكاست والنت و السيارة ....... |
أمس مش السبت؟ نحنا بنقلم الأظافر يوم الجمعة! تعالى نهاية الإسبوع عشان ناخذ حقنا في الخربشة
مودتي
إسماعيل حميم
| |
|
|
|
|
|
|
Re: ست البيت (Re: خالدة البدوي)
|
خالـــ البدوي ـــــدة
السلام عليكم يا ست الكل
مشتاقين كميات
وبركة في ست البيت الخلتنا نشوفك
تحياتي يا جميلة الروح والكلمة
اشرقت انوار البيت وفرحت ست البيت بك
____
الحميم
يا زول انا مربية اظافري للخربشة قطيع ما معانا
____
يقول كل ازعاجها لي قوم صلي لا حول الله نعم الازعاج ونعم الزوجة ولذلك وصي الحبيب المصطفي بذات الدين
تعجبني اخت لي في الدنيا دي : قررت ان تكون احدي حجرات دارها مصلي لها ولزوجها وجمعت فيها كل التفاسير
وعطرتها بكل العطر والبخور ... وتسميها الركن الاخضر ...
كم جميلة انتي يا ست البيت
تحياتي لكل ست بيت
| |
|
|
|
|
|
|
|