|
Re: كريبتونيت..... (Re: Emad Abdulla)
|
ربح البيع..حزن االمغنى و حزن الربيع ، فهل تقمص المغنى سمت الشاعر و هيئة الشعر ووهج الوان اللوحة .. و ما اطفأ ضوءه عصف ريح الخفاض......... ..يتبع
| |
|
|
|
|
|
|
Re: كريبتونيت..... (Re: Tagelsir Elmelik)
|
...يكون حديثه تواريخ المدن وواحدة لا يمل الحديث عنها، ساج مثل عمق الليل فى علياء كبرياءه، و هو للناس و للمدن جميعا و القرى..يشع أخضر أحمر، يحمل مصباح الحوار فى عتمة صبح الجبر كريبتونيت....عظمة تواضع الجنس البشرى.... يتبع
| |
|
|
|
|
|
|
Re: كريبتونيت..... (Re: Tagelsir Elmelik)
|
Quote: يكون حديثه تواريخ المدن وواحدة لا يمل الحديث عنها، ساج مثل عمق الليل فى علياء كبرياءه، و هو للناس و للمدن جميعا و القرى..يشع أخضر أحمر، يحمل مصباح الحوار فى عتمة صبح الجبر كريبتونيت....عظمة تواضع الجنس البشرى.... |
يا سلام يا تاج.. جميل حد الألم!
ليتنا حضرنا.. شفنا.. وسمعنا!
كربتونيت للأسى والقبح..!
| |
|
|
|
|
|
|
Re: كريبتونيت..... (Re: Tagelsir Elmelik)
|
كبريتو من انكربو ونت من المواقع الهوائية تخيل عقلي راح بعيد الله انعله السيجارة المعطوبة هههههه لكن لو كربيبتونيت تشظى ما على العالم السلام ومنو الحانحاول ننقذوا في مركبة لوحدو حتى يحافظ على الحضارة السابقة ويحكي لي الناس الجاية عن حاجة اسمها كربتو نيت
| |
|
|
|
|
|
|
Re: كريبتونيت..... (Re: محمد سنى دفع الله)
|
Quote: لكن لو كربيبتونيت تشظى ما على العالم السلام ومنو الحانحاول ننقذوا في مركبة |
يا السنى المسمى على مدنى السنى أهل كريتون رحلوا مبكرا فى هذه الرواية وصلوا بحمد الله الى مجرات متعددة و معهم شنط الرصاص منغلقة على قطع الكريبتونيت سنواليك بأسماءها و مسمياتها و بعضهم حبيس مدينة ( كندور)
| |
|
|
|
|
|
|
Re: كريبتونيت..... (Re: Tagelsir Elmelik)
|
المـــلـــك ...
جــزولــوت ...
عماد عبد الله ....
وكمان السني ....
اجمل صحبة مع ابوعركي والناس الغبش ...
افسحوا لي معاكم مكان ....
هنا يحلو الجلوس .. والمكوث ..
تخريمة : اول ما قريت العنوان طوالي اتذكرت سوبرمان .. والحجر الاخضر الذي يسلبه قوته .. ويجعله كاي بشي عادي .. يتالم .. ويعاني ..
| |
|
|
|
|
|
|
Re: كريبتونيت..... (Re: Gazaloat)
|
" في البدء قال الواهمون : يا للسعادة بيت صاحبنا القرنفل .. سقفه الغيم الحنون " . قاموا الواهمون التانيين قالو ليهم : " قومو كده بلا فقر معاكم " .
.... يا كريبتونيت يا مولِع .. يا الضُلك بقى متشلِع .. رقراق و كمان بيفلّع .. فلِعنا و كسر راسنا .. قبلك كم غرضاً داسنا .. أوغاد من ساسنا لراسنا .. راسنا الساكناهو قبيلة .. و جهات من " باو " " لهبيلة " .. و بطون و أفخاد شاراتك .. شاراتك هُم تاراتك .. تارات أعراق , يا حزبك .. حزبك يا الرافعو هوية .. يا الجهة ساويها قضية .. سجم أمك يا كريبتون شقاك ولدك كم لون .. شظاك خلاك كُسّار .. كسار تتباع بالكوم .. كومك ما أبخس تمنو .. يا فلتة و يا فريد زمنو .. زمنك فارِق إيقاعو .. في عرضك سامو و باعو .. رقصك مضبوح يا طير .. يا طير يا رُخ يا خطير .. يا زلابية هوينة فطيرة .. و شووك قايلنك طيرة .. يا الصقر عشا البايتات .. يا الدود حارس الجِنيات .. باعوك بالتمنٍ الأبخس .. البت و الولد الأرخس .. أبخس من حق السفة .. يا الغادرك ولداً أتفه .. و حسابو براهو الألفة .. في فصل المليون ألفة .. و المدرسة للألفات .. يا هواك البقى فتفات .. و نشيدنا الوطني عشاننا .. خليهو الفات الفات .. سجم أمك يا كريبتون .
| |
|
|
|
|
|
|
Re: كريبتونيت..... (Re: Emad Abdulla)
|
وسجمنا معاك ياعمدة سجماً حامينا الغمدة والغمدة سلاح العاجز والدنيا ملانة حواجز تحجز احلامنا عساكر احلامنا الليلة وباكر باكر فى علم الغيب والغيب قد يملا الجيب والجيب الدايما فاضى محجوز قدام القاضى والقاضى عصايتو تقيلة ماقادر حتى يشيلها شالها التمساح فى المَلـَجـَة وعشمنا الضرب الدلجة دلجة بيت سيد الطار عدمان نفاخ النار والنار فى الجوف منسية وبى غـُبن الناس محشية حشوة سلطاناً جاير خلانا بقينا جزاير وجزاير زى ماداير اشكال والوان ياحاير والحيرة عديمة القيمة ياعمدة حكاية قديمة من ما التاريخ اتزور زى الثعبان اتدور دورانو ودخل العيش وكتاب الدين والديش دايش يازول بالبلفة من نمولى لحدت حلفا حالف لاخيرا يصيبنا لا موتة مريحة نصيبنا نصاب واستلم المقعد خلاك يالهامش مـُقـْعـَد والقعدة فى وطنا وارف لازمك اصحاب ومعارف تعرف بتسلك حالك ود عمك، صاحبك، خالك خلاك مسنود فى الشحدة وماسك نيران الوحدة والوحدة عشان نمشيلـَه دايرالها دبارة تقيلة
| |
|
|
|
|
|
|
Re: كريبتونيت..... (Re: Tagelsir Elmelik)
|
علمتنا
للحزن عيون دون دمع
وابتسام
وللمحبين الوفاء
ولإنسانيتنا نغم يبدد الحزن والأسى
عركي لك الله في حزنك
ولنا انت يا نغم الكمان
ليتنا حضور ....كنت أسمعتنا
ما نشتهي :
الأصيلة ندى الشروق الغنا لي زراع أرضنا
الأصيلة زي الشعاع تدخل رواكيبنا أوضنا
ود الملك ....سلامات استمتعوا لكن والله حساداكم
| |
|
|
|
|
|
|
Re: كريبتونيت..... (Re: Tagelsir Elmelik)
|
Quote: ;مرة غنت00عن هوانا فرّحت00كل الحزاني ومرة لاقت00في المدينة الحمامات الحزينة قامت أدّتا من حنانا
|
اللهم يا ذو الجلال أمح أميتنا الإلكترونية
وهبنا من لدنك قدرة لإنزال فيديوهات ودهشات
لا عين رأيت ولا أدن سمعت يا قادر ياكريم
| |
|
|
|
|
|
|
Re: كريبتونيت..... (Re: Tagelsir Elmelik)
|
كريب تو نييت كريب تو نييت
(chorus) نييت نييت نييت نييت نييت نييت نييت نييت نييت نييت نييت نييت
عريض مشرور
كبير مفرور
تقيل مجرور
موهوم مغرور
مخدوع مكسور
وقع اتكسر ... شتت بعثر
شافو حقيقتو ... حقيقتو البشعة
يا كريب تو نييت
كريب تو نييت كريب تو نييت
(chorus) نييت نييت نييت نييت نييت نييت نييت نييت نييت نييت نييت نييت
حكومتك سفلة ساستك جهلة فارسك سخلة حبيبتك بطلة سلبوها القتلة باعوها ببصلة دقنا و دجلا منصب و عجلة
واليوم في السوق... معروض للبيع
يا كريب تو نييت
كريب تو نييت كريب تو نييت
(chorus) نييت نييت نييت نييت نييت نييت نييت نييت نييت نييت نييت نييت
يتبع .... اذا لم يتشظى كريبتو لحينها
| |
|
|
|
|
|
|
Re: كريبتونيت..... (Re: Tagelsir Elmelik)
|
سوا ليكم بي يدينا شاي
وجال بالكم
ضي القمرا مخبية في جيوب
متى ما دوروا بترويكم
ما بتقدر تخليكم
تجيب ضياً يكفيكم
عشان لو نورا ما كفى
وعن حبيبتي بقولكم
ولسه برضي حاقولكم
يلا افرحوا كلكم
| |
|
|
|
|
|
|
Re: كريبتونيت..... (Re: Mohamed Moatasim)
|
Quote: Mohamed Motasim - Sudanese photpgrapers |
يا محمد المعتصم سعيد و الله برؤيتك فى هذه الضفاف .. و سعداء بك فى فليكر نتمنى رؤيتك دائما و ابدا فى حضرة السماحة..يا سمح يا زين.
| |
|
|
|
|
|
|
Re: كريبتونيت..... (Re: Tagelsir Elmelik)
|
يابلد مَالِكْ؟ اتنهب مالِك، وحق عيالِك، ضاع كذلك. والوجع نشَّف جمالِك. ونيلك انشف من خيالِك. البناضل فيكِ هالِك. والبيسكت برضو هالِك. لاجنوبك.. دربو سالِك. لا كذلك، جوَّة بالِك، غربِـِك الكاس انفصالِك. وشرقـِِك الكتَّاحو شالِك. مافضل فيك غير شمالِك، وبكرة بِـتقسَّم ممالك.
| |
|
|
|
|
|
|
Re: كريبتونيت..... (Re: Tagelsir Elmelik)
|
جانى هاتف فى المنام قال لى اكتب عن عيونك صحيت لقيت دوايتى فى يدى اليمين و الريشة معطونة فى حبر مليان كلام كلام ..تمام..تمام..تمام و كتبت فى الورق الكبار طلعت قصيده بتشيهك الخالق الناطق تمام
| |
|
|
|
|
|
|
Re: كريبتونيت..... (Re: Tagelsir Elmelik)
|
Quote: جانى هاتف فى المنام قال لى اكتب عن عيونك صحيت لقيت دوايتى فى يدى اليمين و الريشة معطونة فى حبر مليان كلام كلام ..تمام..تمام..تمام و كتبت فى الورق الكبار طلعت قصيده بتشيهك الخالق الناطق تمام |
تمها ياتى ام
| |
|
|
|
|
|
|
Re: كريبتونيت..... (Re: Gazaloat)
|
غنيتا فى وسط الصغار حلوا المسائل فى المدارس باهتمام غنيتا للناس الكبار ضحكوا بوقار و قالوا لى انتى حددتى المسار غنيتا للوطن الحزين و المحرزمين قالوا المعارك لازم تتحسم بالجد و بحد عقول العرفين.
| |
|
|
|
|
|
|
Re: كريبتونيت..... (Re: Tagelsir Elmelik)
|
وكرب كرب تنيت وجيت... تونين مسافة وغنيتين مسدار مسولف بيتو بيت.. فاتح مسار بحر الخجيج والدنيا زار هيصة وضجيج.. نجامة تكرد في السنين كجامة قدام العرين..
بين بيت وبيت سلك الدرب.. تبانتو مشلة وخيت كرب..
عقد النجيمة الصاحية ضو فانوس مشحتف في الكوو..
شريانو من زيتك طلع لا قبلي فالت يوم شلع..
الشرعي من تالاك يفور الفرعي نايم في قصور والشارع المجنون طلع..
-------------- برغم حزنك ياجميل بتصحي كون
| |
|
|
|
|
|
|
|