كتب الكاتب الفاتح جبرا المتوفرة بمعرض الدوحة
|
يابورداب الدوحة هههههههههههههههوى يانى منكم وفيكم بس جيت من حوش تانى يشرفنى أتعرف عليكم.....
|
الاخوة ألاعزاء اعضاء المنبر بالدوحة اتشرف باننى من السودانيين المقيمين بالدوحة التى تتسم بخصوصية تعلمونها جميعامن طيبة معشر اهلها وطيبة وترابط السودانيين فيمابينهم. وأعتذر لاننى مقل فى علاقتى بالاخوة القاطنين بوسط الدوحة وذلك لسببين اولهم لانى مكثت داخل الدوحة لمدة شهرين . وبعدها انتقلت للعمل بمنطقة عععععععععععععععيك دخان . والحوش المشار الية بعنوان البوست هو ذلك الحى الرائع أمتداد الدرجة الثالثة. أمد يدى بالسلام للجميع؛ واتمنى ان اكون بكم ومعكم خير سفراء لبلادى
|
|
|
|
|
|
|
|
Re: يابورداب الدوحة هههههههههههههههوى يانى منكم وفيكم بس جيت من حوش تانى يشرفنى أتعرف عليكم.... (Re: الخير محمد عوض)
|
ألف مرحب ببابكر ودالتوم ,
الخير العزيز , سلامات ,
الدوحه قال عنها زمان الطيب صالح , صغيره لكنها غريقه !
وبالمناسبه دى أحكى ليك نكته:
طبعاً فى فترة السبعينات السودانيين كانوا أقل بكتير ,
أها كان فى واحد من أولاد بحرى معروف بى ( ودعواض ) , النوع القندف كده , راجل لذيذ وكان جنو كوره وتمارين وماتشيات ....... أها قام جاو جواب من السودان مبعوت باليد . الجواب مكتوب فيو : ( قطر .. الدوحه .. ودعواض ! ) , وبس !
يعنى لا صندوق بريد , لامحل شغل , ولا أى حاجه ! .... أها طبعاً الجواب ده لفه الدوحه كلها لامن وصل لى ودعواض ! أها لما شاف الجواب , عاين ليو كده وراح جادعو فى الهوا , وقال :
ياخ إنعل أبوالشهره ذاتا ياخى !!! يعنى خلاص الود مشهور !
أخوى الخير , الدوحه صغيره , لكنها غريقه !
| |
|
|
|
|
|
|
Re: يابورداب الدوحة هههههههههههههههوى يانى منكم وفيكم بس جيت من حوش تانى يشرفنى أتعرف عليكم.... (Re: elameen)
|
حباب ود التوم حبابك والف مرحب بك وسط اخوانك واخواتك في بورداب الدوحة ورغم اني شهادتي في الجماعة الحلويين ديل مجروحة لكن بنقولها وسجن سجن وغرامة غرامة يا زول.... اجمل ما فيهم هولاء المساخيت بانهم يحبون الوطن والجمال وشياليين تقيلة ورغم تباين الوان طيفهم السياسية والفكرية وتباين الاعمار امتداد من كبيرهم الذي علمهم السحر (ابو ساندرا) والعجوز التاني بدرالدين والثالث معتصم الطاهر وكمال سالم الي اصغر بوردابي فيهم الشباب الطاعمين ناس طارق المكي محمد الطيب وصحافة 30 وما بينهم يجري كما النيل موجات من الاعمار المختلفة... نادوس ورقم صفر معاوية الطيب وبها بكري وعوض حمزة وابو الريش ومعتز قريش وضحية الراجل محمد عبدالرحمن وودرملية العريس وبكري الامين العريس السابق وود العباسية وعمر سعد وهارون دياب المريخابي الحاقدوالامين الفنانين السني وعادل التجاني وعادل ابوجقادو ونور الهادي وعماد عبدالله (حقنا ولا يزال حقنا) صلاح عبدالله وفيصل عباس (وديل شغل منشتاتك واعمل ليهم باي باي) مامون ونور الدين بدري والهميم ناس الفن والاركلوجيا عامر تيتاوي (تيتا) وراكوبة المريخابي الحاقد علي هلالنا الصعب الكاساتو دهب.. سيد وشيخ الخور(ليس بخور بكري) صديق عبدالمنعم وياتي الي هنا في شكل صديق عمر....... زول تاني مسلط ومسخوت وكلامو كلو فاكي الدرب (خليل) بوستاته بنصحك بانك تقراها لكن اعمل نايم فالعيار الذي لا يصيب يدوش (كلام كلو من الصرة ولقدام)..... عمر بوب وود الزين وفيصل الزبير ومعاهم زول جميل جدا اسمه دفع الله خطاب دكتورنا احمد عثمان بمر عليك في المنبر ده في طلعات نادرة لكنها شحمانة وفيها مادة دسمة... بناتنا وتاج راسنا ناس رندا (ويمكنك ان تشير لها برندوك) وماهيتاب بركات ونانا واميرة الشيخ التي كانت اخر القادمين الينا ولكن لو شفتها تقول الزولة دي قاعدة في الدوحة من زمن حفروا الدفنة,,, عندنا وعندنا لدينا ظلاميين عكاليت يوقفوا ليك المنبر علي كراع كديس هجو الاقرع الذي بحضورك انت اصبحت دخان منطقة محررة من سطوة عمنا الظلامي الجميل هجو... معانا كمان شيخ الطقي جزاه الله خير ...... كثر ولهم جمعيا كل الود والحب فهم من جعل ومع اخريين ايضا مثل هذا المكان وطنا يضخ بعوالم الدهشة.... وفي دخان بالله تحياتي واشواقي للرجل الجميل المهندس نادر هداية الله, صديق ودفعة الزمن الجميل....
والف مرحب با بابكر وحبابك الف .....
| |
|
|
|
|
|
|
Re: يابورداب الدوحة هههههههههههههههوى يانى منكم وفيكم بس جيت من حوش تانى يشرفنى أتعرف عليكم.... (Re: elameen)
|
حباب ود التوم حبابك والف مرحب بك وسط اخوانك واخواتك في بورداب الدوحة ورغم اني شهادتي في الجماعة الحلويين ديل مجروحة لكن بنقولها وسجن سجن وغرامة غرامة يا زول.... اجمل ما فيهم هولاء المساخيت بانهم يحبون الوطن والجمال وشياليين تقيلة ورغم تباين الوان طيفهم السياسية والفكرية وتباين الاعمار امتداد من كبيرهم الذي علمهم السحر (ابو ساندرا) والعجوز التاني بدرالدين والثالث معتصم الطاهر وكمال سالم الي اصغر بوردابي فيهم الشباب الطاعمين ناس طارق المكي محمد الطيب وصحافة 30 وما بينهم يجري كما النيل موجات من الاعمار المختلفة... نادوس ورقم صفر معاوية الطيب وبها بكري وعوض حمزة وابو الريش ومعتز قريش وضحية الراجل محمد عبدالرحمن وودرملية العريس وبكري الامين العريس السابق وود العباسية وعمر سعد وهارون دياب المريخابي الحاقدوالامين الفنانين السني وعادل التجاني وعادل ابوجقادو ونور الهادي وعماد عبدالله (حقنا ولا يزال حقنا) صلاح عبدالله وفيصل عباس (وديل شغل منشتاتك واعمل ليهم باي باي) مامون ونور الدين بدري والهميم ناس الفن والاركلوجيا عامر تيتاوي (تيتا) وراكوبة المريخابي الحاقد علي هلالنا الصعب الكاساتو دهب.. سيد وشيخ الخور(ليس بخور بكري) صديق عبدالمنعم وياتي الي هنا في شكل صديق عمر....... زول تاني مسلط ومسخوت وكلامو كلو فاكي الدرب (خليل) بوستاته بنصحك بانك تقراها لكن اعمل نايم فالعيار الذي لا يصيب يدوش (كلام كلو من الصرة ولقدام)..... عمر بوب وود الزين وفيصل الزبير ومعاهم زول جميل جدا اسمه دفع الله خطاب دكتورنا احمد عثمان بمر عليك في المنبر ده في طلعات نادرة لكنها شحمانة وفيها مادة دسمة... بناتنا وتاج راسنا ناس رندا (ويمكنك ان تشير لها برندوك) وماهيتاب بركات ونانا واميرة الشيخ التي كانت اخر القادمين الينا ولكن لو شفتها تقول الزولة دي قاعدة في الدوحة من زمن حفروا الدفنة,,, عندنا وعندنا لدينا ظلاميين عكاليت يوقفوا ليك المنبر علي كراع كديس هجو الاقرع الذي بحضورك انت اصبحت دخان منطقة محررة من سطوة عمنا الظلامي الجميل هجو... معانا كمان شيخ الطقي جزاه الله خير ...... كثر ولهم جمعيا كل الود والحب فهم من جعل ومع اخريين ايضا مثل هذا المكان وطنا يضخ بعوالم الدهشة.... وفي دخان بالله تحياتي واشواقي للرجل الجميل المهندس نادر هداية الله, صديق ودفعة الزمن الجميل....
والف مرحب با بابكر وحبابك الف .....
| |
|
|
|
|
|
|
Re: يابورداب الدوحة هههههههههههههههوى يانى منكم وفيكم بس جيت من حوش تانى يشرفنى أتعرف عليكم.... (Re: عبدالكريم الامين احمد)
|
الاخ/ ود التوم
مرحبيتن حبابك ونبارك لك انضمامك لكوكبة الجمال والدهشه هذه الشله الطاعمه ؟لكن نصيحه لوجه الله ماتسمع كلام كيكى ده زولنا كيكى ده كورته فكت ومكنته خفت اصلا هو زول كنابى والكنابى مشهوره بالكانجى مورو والدقه والعسليه وزى ما انت عارف الجو والطقس فى الدوحه اليومين دى يدعو الى المعصيه والدليل على كلامى هذا كيكى نسى ناس كتار من بورداب الدوحه وناس رائعين منهم:
الاستاذ / عصام حسين الاستاذ/ ماضى ابو العزائم الاستاذ/هاشم كرار الاستاذ/ابوبكر القاضى الاستاذ/حامد مراهد الاستاذ/ كمال على الزين المريخابى الشرس/كيغا2000 الاستاذ/بشير جبريل الفنان/يسرى صلاح الود الكتاب/ابوعاقله الطريفى الشاب/مهلب القريش الاخت الزميله/ شاديه الطيب
| |
|
|
|
|
|
|
Re: يابورداب الدوحة هههههههههههههههوى يانى منكم وفيكم بس جيت من حوش تانى يشرفنى أتعرف عليكم.... (Re: معتز القريش)
|
ولدنا بكور
مرة تانية أهلاً بيك ، وألف مرحب بابكر معرفة قديييييييمة ، زول بتاع كورة وبرامج وكده وطبعاً شاركت ناس الامتداد (حلتي التانية) في التثنية للعضوية ، والترحيب في البوست المعمول خصيصاً لبكور وأهو يا باشا حصروا ليك العضوية
Quote: صلاح عبدالله وفيصل عباس (وديل شغل منشتاتك واعمل ليهم باي باي) |
لكن يا كيكي الفيك انعرفت ، لغتك اتغيرت ، بقت (لوترابية) عديل وأنا وصاحبي الكاشف ده (فيصل) خلونا في النحن فيهو ده ، يا فارات وباكر الفولة بتنملي ، ويومك التجي داك يا كيكي ، والله تلقاني لابد ليك بي عكازي
| |
|
|
|
|
|
|
Re: يابورداب الدوحة هههههههههههههههوى يانى منكم وفيكم بس جيت من حوش تانى يشرفنى أتعرف عليكم.... (Re: بابكر التوم)
|
الأستاذ والأخ بابكر التوم ..
تحية طيبة من الأعماق ..
لم نلتق من قبل - وأنا أتأسف لعدم ردى عليكم فى البوست الخاص بالأخت تراجى .. الا أن كلماتكم الرقيقة والتى لا أستحقها.. تركت فى نفسى بصمات لا يمكن أن يمحوها الزمن .. وليتنى أكون عند حسن ظنكم دائما.. ياأخى بابكر .. يا أمير ..
وأثناء تجوالى .. وعلى صفحاتها التى بدأت تأخذ اتجاها آخر وعلى الصفحة الثالثة .. وجدت هذا البوست .. وقلت هاهى الفرصة التى يجب على أن أرد بعضا من الجميل .. أقوم بالرد وأرفع البوست الى السطح مرة أخرى ..
وعلى الرغم من عدم وجودى فى الدوحة .. الا أن دوحة وشجرة السودان غنية بفروعها وأصولها وأصلها .. فاعتبرنى قاطنا فى أحد دوحات السودان المهاجرة .. والعامرة ..
فلك كل الود .. ومرحبا بكم فى هذا المنتدى ..
وتقبلوا فائق احترامى وتقديرى ..
أخوكم وعمكم العجوز .. أرنست
| |
|
|
|
|
|
|
Re: يابورداب الدوحة هههههههههههههههوى يانى منكم وفيكم بس جيت من حوش تانى يشرفنى أتعرف عليكم.... (Re: بابكر التوم)
|
الأستاذ والأخ بابكر التوم ..
تحية طيبة من الأعماق ..
لم نلتق من قبل - وأنا أتأسف لعدم ردى عليكم فى البوست الخاص بالأخت تراجى .. الا أن كلماتكم الرقيقة والتى لا أستحقها.. تركت فى نفسى بصمات لا يمكن أن يمحوها الزمن .. وليتنى أكون عند حسن ظنكم دائما.. ياأخى بابكر .. يا أمير ..
وأثناء تجوالى .. وعلى صفحاتها التى بدأت تأخذ اتجاها آخر وعلى الصفحة الثالثة .. وجدت هذا البوست .. وقلت هاهى الفرصة التى يجب على أن أرد بعضا من الجميل .. أقوم بالرد وأرفع البوست الى السطح مرة أخرى ..
وعلى الرغم من عدم وجودى فى الدوحة .. الا أن دوحة وشجرة السودان غنية بفروعها وأصولها وأصلها .. فاعتبرنى قاطنا فى أحد دوحات السودان المهاجرة .. والعامرة ..
فلك كل الود .. ومرحبا بكم فى هذا المنتدى ..
وتقبلوا فائق احترامى وتقديرى ..
أخوكم وعمكم العجوز .. أرنست
| |
|
|
|
|
|
|
|