|
|
|
 Re: نساء و رجال (حماريت) في تلفزيونات سودانية Fair & lovely!!? ولا كيف!!!؟ (Re: TahaElham)
|
صديقنا طه جعفر
والله الناس ديل جهجهونا بقينا ماعارفين شنو حق منو
محل ما تمسك حاجة ينط ليك كوز قدامك
ياخي الله يفكنامن عقدة العرب.
زمان الناس بمشو مصر وسوريا يجيبو كتب
شوية شوية بقت هدوم وعدة
أسة بقت مذيعات
دي عقدة نقص ولا يقولا عليها شنو
الحلاقة دي صعبة
حلاقين البلد كلهم بقوا حبش ومصريين وأتراك.. ده شنو ده
والله بعد شوية يعملوا لينا برلمان مصري
وبعد شوية نبقى جالية في البلد دي
| |
 
|
|
|
|
|
|
|
|
Re: نساء و رجال (حماريت) في تلفزيونات سودانية Fair & lovely!!? ولا كيف!!!؟ (Re: TahaElham)
|
العزيز طه
تحياتي لك وللأسرة
يعني تاني غنانا بتاع زرقتنا ما دايرنو ناس التلفزيون؟
الأخدر الليموني .. مشنق الطاقية
زولا خدرتو دقاقة
يا الماشي الفابريكا ... أنت الليمون .. وأنا الجدول بسقيكا
رقصة زاندية كاكاوية
الجننونا بالخدار
الله الليموني
الله لي الليمون سلامة برية
واليانع خدارا (في يوم الزيارة)
ما بين دي واحدة صفرا وما بين دي واحدة خدرا (قضينا ليلة ساهرة)
وقام اتعزز الليمون عشان بالغنا في ريدو
وأسماءنا ناس
أزرق
وزروق
الإزيرق
الباقر موسى
| |
|
|
|
|
|
|
|
|
|
Re: نساء و رجال (حماريت) في تلفزيونات سودانية Fair & lovely!!? ولا كيف!!!؟ (Re: TahaElham)
|
الأخ العزيز طه جعفر
تحياتي العامرة ليك ولي إلهام والأسرة
وكل سنة وانتو بألف خير
فعلا لي نفس الملاحظة
وعجبني كلام الأخ الباقر
Quote: يعني تاني غنانا بتاع زرقتنا ما دايرنو ناس التلفزيون؟
الأخدر الليموني .. مشنق الطاقية
زولا خدرتو دقاقة
يا الماشي الفابريكا ... أنت الليمون .. وأنا الجدول بسقيكا
رقصة زاندية كاكاوية
الجننونا بالخدار
الله الليموني
الله لي الليمون سلامة برية
واليانع خدارا (في يوم الزيارة)
ما بين دي واحدة صفرا وما بين دي واحدة خدرا (قضينا ليلة ساهرة)
وقام اتعزز الليمون عشان بالغنا في ريدو
وأسماءنا ناس
أزرق
وزروق
الإزيرق
الباقر موسى |
تعابيرنا لوصف اللون (الأخدر) أجدها من أجمل التعابير، ولما أحب أدهش صاحباتي الأجنبيات -حتي المصريات منهن-بقول ليهن
نحن بنقل للأسود أخدر لما يكون زول.
إذن معاكم بنادي الاخدر الليموني، والخدرة الدقاقا، وخدوري، وأزرقاني.
حكاية فير اند لوفلي دي مشكلة عالمية مزمنة
والله يستر علينا من عواقب الhydroquinone وشبيهاته
سلامات
إيمان
| |
|
|
|
|
|
|
|
|
|
Re: نساء و رجال (حماريت) في تلفزيونات سودانية Fair & lovely!!? ولا كيف!!!؟ (Re: TahaElham)
|
وبمالناسبة يا جعفر وإيمان
دي سياسة الحكومة عديل كدة
اللون الأزرق دا ما عاجبهم
أولا
أندهشت مجموعة من الشخصيات المصرية
في لقاء مع عبد الرحيم حسين
عند ما طالب بهجرة المصريين للسودان
"لتحسين التركيبة السكانية
لأنو في هجرات من غرب أفريقيا"
ثانيا
سمعنا أنه كان من توجيهات المجاهدين في الجنوب
زرع جيل أفتح لونا في أرحام الجنوبيات
ثالثا
في دارفور
تم تهجير منظم لقبائل الزرقة من حواكيرهم التاريخية
واستدعاء من يوصفون بالعرب
حتى من الدول المجاورة وتسكينهم في تلك الأراضي
وتسليحهم
تنفيذا " لخطة قريش" لتعريب المنطقة
ولـ"تلاشي" الفور
كما وجه حسن الترابي
الهندسة السكانية
هي من أسوأ أشكال الفاشية
الباقر موسى
| |
|
|
|
|
|
|
|
|
|
Re: نساء و رجال (حماريت) في تلفزيونات سودانية Fair & lovely!!? ولا كيف!!!؟ (Re: إيمان أحمد)
|
الاخت الغالية ايمان احمد
شكرا .. نورت المكان
الحبيب الفنان الباقر موسي
كلكم جمال .... مسألة الكيزان و اليمين عموما مع الحماريت مسألة غريبة
بلد الخير افريقيا مكاني
فيهو جدودي جباهم عالية
كما قال السر قدور فيما غني العظيم الكاشف الراحل المقيم
كانت و ستظل اغنية اغنية تتكلم عن حقيقتنا الافريقية العظيمة و عظمة اهلنا السود النايرين المتأ نقين ذوي الطلعة البهية الاكثر اشراقا من شموس الواهمين
طه جعفر الخليفة
| |
|
|
|
|
|
|
|
|
|
Re: نساء و رجال (حماريت) في تلفزيونات سودانية Fair & lovely!!? ولا كيف!!!؟ (Re: TahaElham)
|
في برنامج مساء جديد اليوم الاربعاء ينارير 16 بقناة النيل الازرق (العربية)
في ختام البرنامج الذي استضاف الدكتور المصري الاصل و الجنسية وحامل الجنسية الامريكية فاروق الباز .. سألته علي طريقتها لو ربنا اعطاك عمر جديد هل عندكم يا دكتور الباز اي احلام .. بمشاريع للعالم العربي و مصر ؟؟؟؟
طبعا الاخت اكثر حرصا علي العالم العربي من( العرب الاتراب )
ردا علي سؤالها القرمي العربي قال الدكتور نعم بان له حلما تنمويا يتعلق بمجري النهر المقدس يبتديء من شمال مصر عابرا السودان الي افريقيا منابع النيل و هو مشروع للمواصلات والطاقة اي ان احلامه افريقية جدا مؤكدا علي ذلك قام بتمجيد القارة السمراء و جدد الامل في طاقاتها البشرية و مواردها الطبيعة ونسي تماما موضوع العرب و عالمهم الذي يضج بالجهل و الاستبداد و الفقر والتخلف و المذيعات الغبيات
مذيعتنا الهمام اكثر حرصا علي عروبة الدكتور الباز منه شخصيا
بلد الخير افريقيا
مكاني فيهو جدودي
جباهم عالية
طه جعفر الخليفة
| |
|
|
|
|
|
|
| |
عمار عبدالله عبدالرحمن
Elbagir Osman
إيمان أحمد
فيس بوك
تويتر
انستقرام
يوتيوب
بنتيريست