|
Re: عيدية خفيفة بمناسبة اعياد السلام .. صور ... (Re: ود الباوقة)
|
الحبيب ود الباوقة ..
(الحبيب دي طبعاً مصطلح حصري لزحب الأمة جناح الصادق) ..
كل شيء جميل يقام في بلدان أهلنا الطيبين يسر النفس .. فهم يسحتقون كل جميل ..
الصور رائعة وعالية الجودة .. ولها دلالات أجمل ..
بعدين :::
أرجو أن تكون أراضي جدي فكي أحمد ود آمنة في الباوقة قاعدة سالمة وكاملة ..
بنجيكم قريب ..
الله أكبر على الجد ..
شكراً لكم ..
جاد
| |
|
|
|
|
|
|
Re: عيدية خفيفة بمناسبة اعياد السلام .. صور ... (Re: JAD)
|
Quote: الحبيب دي طبعاً مصطلح حصري لزحب الأمة جناح الصادق) .. |
لكن برضو شايف ناس الاصلاح والتجديد بقولو يا حبيب ...
شوف يا حبيب جاد والله الصور جايكم بالكوم . شدوا حيلكم معانا بس ..
Quote: رجو أن تكون أراضي جدي فكي أحمد ود آمنة في الباوقة قاعدة سالمة وكاملة |
قاعدة في مأمن بس تعال ما تبتعد ...
Quote: الله أكبر على الجد .. |
تكبير ...
تهليل ..
تحميد ..
الله اكبر والعزة للسودان ...
ود الباوقة
| |
|
|
|
|
|
|
Re: عيدية خفيفة بمناسبة اعياد السلام .. صور ... (Re: ود الباوقة)
|
-------------------------------------------------------------------------------- صـور تتحدث عــن نفسها ولاتحتاج لتعليق وليتوحد أبناء السودان الوطن الواحد من أجل نهضة تنموية شاملة
بشايــر الخيــر للشاعر الطيب طمبل (ابن الزومة )
بشاير الخير يى دى هلّـــتْ .. شعاعــا مـن الشـمال ساطع
وأيــــام حرمــانا ولــّتْ .. وزمـان الشقـا فــات مو راجــع
أجراس الفرحــة دقّــتْ .. ومـلتْ كُــلْ بيــت وكُــلْ شارع
ورقصـــت جنياتنـــا غــنت .. ونظمـــت أحــلى المقــاطع
**********
حلمــنا الكنِّــا بنشــوفــو .. بعـــيــد جمــب السمــا الســابع
يى دة أصــبح حقيــــقــة .. وحقــيقــــة مصـــدقــا الواقــع
ســد مــروى بنينــا شامــخ .. لى هدير توربيناتــو ســامع
وباكــر فـــى خــيرو نسبـــح .. ونشــيـِّـدْ ونبنى المصــانع
مطار مــروى دليل وشــاهــد .. على الخــير الجايى دافع
والكبرى إتعــلى صــرحو.. وحنكــمل رصــف الشـوارع
**********
أرضنــا الكــانت صحــارى .. حتخضــر وتطـــرح اليانع
تجيــــب الخـــير للغــــلابــة .. وتخيِّــب مطمــع الطــامع
جـــنايـنا تعــود وريــفة .. ويعــود فـــوقـا القمرى ســاجع
وتعـــود أيامــــنا الجمـــــيلة .. ونــــودع ســىء الطــالــع
**********
خــلاص يا الغــبش الصبرتو .. وسنين قاســيتو المواجــع
سنيــن الضنــا ليــلا ودِّعْ .. وقــمـــر راحتكــم جـــا طالع
شمالنا الكــان منسى ضمـة .. يعانــى وفى فـقـــرو قابــع
وفــوق جمــر الفـقــر مقــلى .. وراجــــى الواهـب المـانع
صبــر لامــن صبــرو كــلِّ .. وشـكى ولكــن مافـى سامع
**********
نحْمِـــدُو العِّــوض صـــبرو خيرأ ..يعـــم الكــل بالمنافــع
ووهبــــوا رجــالن فــناجــر .. عن العــزة تزود تــدافــع
بكــرة نصبـــح سلـــة العالـــم .. نعبى ونمــلا الصـــوامع
وبعـــد ما كـــان يغــــيثونا .. نكــــون غـوث لى كل جائع
**********
يلا يا الهاجـــرتو ورحلــتو .. كفـــاكم سكــب المـــدامـــع
تعالــوا وصـــونو لى خيـــركم .. وأغرفــوا مــــن المنابع
بلادكم محتاجة ليكـــم .. تنــــادى إن كــان فى زول سامع
تعالوا وما ترجـــوا باكـــر .. ويصيـر باقى العمر ضايــع
| |
|
|
|
|
|
|
Re: عيدية خفيفة بمناسبة اعياد السلام .. صور ... (Re: ود الباوقة)
|
أبو النسب
سلام
مشكور على الصور
Quote: يلا يا شباب نخليكم تهضموا الصور دي بعدين بجيب ليكم التحلية ... |
هضمناها ... هات التحلية
Quote: ادريس الوصفة الطبية بجهز فيها ليك عشان الصور دي ما تعمل ليك حرقان .. |
إدريس إتصل بي و قال جاييك يعضيك في نص راسك ..
قاعد يشاور جني
تخريمة : إنت قاعد تجيب الصور دي من وين؟
| |
|
|
|
|
|
|
|