كتب الكاتب الفاتح جبرا المتوفرة بمعرض الدوحة
|
قراءة طالع 2008 للمشهد السياسي.. سيناريوهات حالمة
|
الأحباب جميعا.. عام سعيد عليكم وعلى بلدنا الحبيب..
لعدد سنوات ظللنا نتابع المشهد السياسي في بلدنا.. عشنا لحظات الأمل في تغيير قادم. وجرًبنا سنوات إحباط بإتفاقيات مشوًهة طبب المجتمع الدولي مشكلة الجنوب. ولكنه نسى (فوطة أو مشرط) داخل جسم المريض.. تجمع (أجاويد) ليقنعوا أهل التجمع بأن (يباركوها).. فباركوها و(بركوا). حاول سحرة البوليتيكا (خواجات وأفارقة) معالجة مشكلة دارفور.. ولكنهم عجزوا عن قراءة ما يحدث فأتوا بإتفاق ناقص يشبه (دفن الليل أب كراع برًة).. نفس الأجاويد باركوها مع أهل الشرق.. .. شخصيا تفاءلت قليلا عندما (حردت) الحركة الشعبية.. وقلت في نفسي: Better late than never .. يمكن.. .. ولكنهم لم يخيبوا الظن لإنسان السودان (المحبط دوما).. فجاؤا (زي الما حصل شئ).. ولا زالت (أبيي) منتظرة ولا زال الشرفاء يعتقلون (إطلاقهم بمكرمة فقط من صاحب الحليفة المشهورة). ولا زالت الصحافة تلبس حذاء من حديد. ولا زال أهل دارفور في خيامهم البلاستيكية في هذا الشتاء ايضا.. المهم.. لدي سيناريوهات حالمة أتمنى ان يقوم (ولاة أمرنا) السياسي بعمل واجبهم المنزلي.. ليصبح عام 2008 عام سعد وهناء لكل الشعب وليس فقط مواليد (الجدي والثور والعقرب).
يناير: يبدا أهل الإنقاذ بالإعتراف بعدم وجود سلطة أو هيبة لدولتهم على شرق وغرب وجنوب وشمال القصر الجمهوري. فيقومون بإعلان ذلك وطلب المساعدة من كل سوداني (حزبا كان أو منظمة) الإنضمام الحقيقي لتنفيذ الإنقاذ الحقيقي للسودان. كما تبدا الحركة الشعبية الإنتباه بأن السودان ليس ورثة بينهم وبين المؤتمر الوطني..
* فبراير: تتوقف كل العمليات العدائية الدائرة الآن.. فالعدو ليس الآخر وتبدأ مفاوضات حقيقية.. يشارك فيها مناوي (بعد إعلان ندمه) وعبدالواحد الذي يرجى منه الكثير (على الأقل الرجل لم يوقع اي وثيقة مشوًهة أو مشبوهة). د. خليل لا يمكن تجاهله. مع الأمنيات أن تنضم باقي الحركات تحت مسمى واحد. (هناك تكثر من ؟؟؟ حركة).
* مارس: الإعلان عن عقد مؤتمر يجمع كل الأحزاب، ومنظمات المجتمع المدني والناشطين للتوصل لبرنامج عاجلة التنفيذ لإستعادة العافية للبلد وتهدئة خواطر أبنائه المكتوين بالنيران والمهاجرين.. والبدء فورا في برنامج لإزالة آثار حكم الجبهة. ووضع قانون وطني جديد لتنظيم الأحزاب وللصحافة وميثاق للعمل النقابي. وتكوين جيش وطني جديد يضم كل أبناء السودان ويشترط فيه (حلق اللحى). إضافة إلى مراجعة علاقاتنا الخارجية.. وإستعادة القضاء لسيادته. ووضع برنامج عاجل لمساعدة متضرري الحرب والنزوح للعودة إلى ديار آمنة مؤهلة. على أن يتم الإتفاق على عقد مؤتمر آخر في يونيو وآخر في سبتمبر لمتابعة ما تم تنفيذه.
* أبريل: وضع البرنامج الإقتصادي الذي يضمن التنمية المتوازنة لكل أقاليم البلاد.. لأنه لا سلام ولا بلد بدون تنمية.
* مايو: يقوم عدد من المتطوعين من أبناء السودان في الخارج (مهنيين وفنيين). بتقديم خدمات (3 أشهر لكل منهم).. في جميع أنحاء السودان (يعني ما يمشوا يقعدوا في الخرطوم بس).
* يونيو: عقد المؤتمر الثاني لإحياء الوطن..
_______
باقي الأحلام أتمنى أن تشاركوني فيها..
وتصبحون على وطن
|
|
|
|
|
|
|
|
Re: قراءة طالع 2008 للمشهد السياسي.. سيناريوهات حالمة (Re: اسامة جعفر)
|
الفاضل العزيز أسامة جعفر.. عامك سعيد وألف مرحب بيك معانا..
تعليقك صحيح.. وهناك تفسيران في هذه الحالة: - على بال ما الأولاد يخلصوا مدارسهم أو يتقدموا شوية، وترتيب أمور الحياة في البلد من بيت وخلافه.. قد يستمر ذلك لمدة لا تقل عن ثلاث سنوات في رأيي. - إن كان فعلا من يعيشون بالخارج يعيشون فقط لوجود الإنقاذ في الحكم..
ونضيف السيناريو أو الحلم بتاعك..
يوليو: ان يعقد الحزب الشيوعي السودانى مؤتمره الخامس
تحياتي مرة أخرى وشكرا على مشاركتك
لك الود
| |
|
|
|
|
|
|
Re: قراءة طالع 2008 للمشهد السياسي.. سيناريوهات حالمة (Re: Raja)
|
سلامات الاستاذة رجاء وكل سنة وانتي طيبة وبصحة وعافية.
Quote: مايو: يقوم عدد من المتطوعين من أبناء السودان في الخارج (مهنيين وفنيين). بتقديم خدمات (3 أشهر لكل منهم).. في جميع أنحاء السودان (يعني ما يمشوا يقعدوا في الخرطوم بس). |
جاهزين في حالة تحقيق السيناريوهات الحالمة، لكن ما في غير شهر مايو ويونيو، لانها شهور ارتبطت عند السودانيين بالانقلابات.
مع خالص الود والتقدير
| |
|
|
|
|
|
|
Re: قراءة طالع 2008 للمشهد السياسي.. سيناريوهات حالمة (Re: Raja)
|
ديسمبر .. أن تسود ثقافة السلام والتآخي والمحبة الحقيقية بين كافة أبناء الشعب السوداني جنوبا وشرقا وغربا وشمالا ..!!
أن تختفي كل المصطلحات العقيمة والعنصريةالتي سادت في عهد الانقاذ وماقبله !!
أن يعم الخير والنماء كل شبر من أرض الوطن الحبيب فلا طفل في دارفور يصرخ جوعا ولا في الجنوب طفل مهمل بلا تعليم ولا في الشرق طفل مريض ولا في الشمال طفل معاق !!
ان يعود كل طائر مهاجر الي حضن البلد فلا يبقي خارج السودان أحد !!
و
يارب حقق أحلامنا من أجل وطن معافي ديمقراطي ..
وتسلمي رجوية الغالية ومحققة أحلامك يارب
| |
|
|
|
|
|
|
Re: قراءة طالع 2008 للمشهد السياسي.. سيناريوهات حالمة (Re: نادية عثمان)
|
رجاء قلت ليك شنو.. انا مابقدر احلم في يناير.. علشان بكون لسه ماعارفه السنه انتهت والتانيه بدت ولا لسه.. لكن في فبراير ممكن..ولما يجي فبراير بقول ليك..مشينا شارع القصر ووضعنا اكليل زهور علي شهداء السودان كله..وبعد كده مشينا علي مقبرة شهداء ابريل بعد ما سلمونا رفاتهم واخترنا مكان مقبرتهم ووضعنا اكليل تاني.. عارفه أجمل مشهد قابلنا شنو..الشوارع كانت منظمه جدا ومافي ولا عسكري غير عساكر الحركه في الشوارع..والناس مبسوطه بشكل ما اعتيادي..لأنهم كلهم كانوا رجعوا اشغالهم..والحكومه الجديده سلمت الناس تعويضات من قروش البترول..وبعدين الشركات والهيئات الاستثماريه كلها سودنة الوظائف وفتحتها للسودانيين..
لما يجي فبراير بكمل ليك الحلم..سمح حبيبتي؟؟
| |
|
|
|
|
|
|
Re: قراءة طالع 2008 للمشهد السياسي.. سيناريوهات حالمة (Re: Raja)
|
سلام يا رجـاء وأعياد مباركـة كلهـا.
أى ســودانى مفروض يقعـد فى الوا طة، ويدى نفسـو عشــرة كف جامـد.. بعـد داك يقوم يشيل طوريتو ويمشى يزرع.
دائمـا نسمـع السـودانيين فالحين فى السياسـة.. هى السياسـة وينهـا؟ السياسى البعرف للسياسـة هـو اللى يمارس فن الممكن، وينظر للمليون ميل مربع الما لاقيـة سيـد، موش لمترين فى العاصمـة عشـان يبنى فوقهم حجرين وينفق جواهم.
لا معرفـة بالسياسـة لا معرفـة بالإنتاج.. بح فى النص! يجعجعـوا اليوم كلو ويقولوا بتكلموا سياسـة.. ولما تجى لأكل العيش ما بكون فضل ليهـم غير السمسمـرة والبلطجـة..
| |
|
|
|
|
|
|
Re: قراءة طالع 2008 للمشهد السياسي.. سيناريوهات حالمة (Re: Raja)
|
الأحباب الفوق.. سلامات ومحبة..
أعتذر عن الغياب بسبب عطل فني في الشبكة.. الغريبة النت واصل. لكن أجد من الإستحالة كتابة ردود.. يعني لونجحت في ساعتين افتح الصفحة أكون محظوظة.. وفي الفترة دي بفتح اكتر من نافذة.. كلها تعازي. لما أتمكن من الرد عليها كلها أفقد التواصل..
* الظاهر بوستات التعازي مكشوف عنها الحجاب ..
أكيد راجعة.. دعواتكم
| |
|
|
|
|
|
|
|