|
|
 ( أنا و البنات و كندا ) ? Mom, Can I sleep over
|
-
Mom, Can we sleep over at khalto Asmaa's
-آي ممكن بس خلوني أضرب ليها أشوف ظروفها كيف.
- هي الضربت لينا و طلبت مننا نبيت لو ما عندك مانع
- طوالي أمشوا.
بعد عدة أيام.....
Mom , Can I sleep over?-
- وين?
-
at Kathy's
- لا و ألف لا
-
إشمعني بتخلينا نبيت عند خالتو أسما
- لأنها خالتو أسما - سودانية - عشرة سنين طويلة - أكتر من أخت
حتخاف عليكم أكتر مني.
Don't you trust us?
ofcourse I do, But it is not about you, it is about the others
البت الدايرة تبيتي عندها دي أنا ما باعرفها ولا باعرف أهلها. ما اكون مطمئنة عليك هناك
- MOM, you don't make sense
!!!
|
|
 
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
عزة أختي أنت ماشة بعيد لكندا وصقيعها.. تصدقي يا فاضلة نحن في الخليج بنعاني.. تقريبا الحوار الدار بينك وبين بناتك شربنا منو كثير بس الفرق إنو بالعربي.. يعني تصدقي أنو نفس المشكل مع إبني معاذ.. وطبعا المدراس في الخليج لامة..من شوام ومصاري وغيرهم..أها نحن بنوافق إنو يقضوا أمسيات الويك إند مع السودانين وبنرتاح ليهم وبنخاف لما المسألة تكون مع شوام.. وبرضو بنتعرض لإتهامات الأبناء بأن قرارتنا تعوزها المعقولية والمنطق.. وقد يكونوا محقين في ذلك.
تخريمة:-
مرة إبني البكر كان مع صديقه اللبناني وشاهد أم اللبناني بتدخن سيجارة..ولما رجع البيت قال لأمه ياماما أنت ليه ما بتدخني..لأنو أم صاحبي وسام بتدخن
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
أختي عزة.. كلام زوجك صاح 100% بخصوص التربية في السودان.. عارفة ليه؟؟؟..لأنو أغلب العلاقات في السودان مفروضة علينا..لكن في كندا أنت تختاري العلاقة... وعشان أقرب ليك المسألة ..لو كان أخلاق أولاد أخوك أو أختك..ما مظبوطة من الصعب أن ترفضيهم..حفاظا على الروابط العائلية وحينذاك حيختلطوا بأولادك.. ولا مناص من أن To swap some of the unwanted ideas and behaviours
ولا شنو رأيك؟
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Kamal Karrar)
|
أتفق معك يا كمال .. هنا الوضع أفضل .. هنا الشفع ما بيكضبوا لانهم ما بيتربوا علي الخوف.
من حقم يناقشوك في أي قرار تتخذه وقد لا تكون قادرا علي اقناعهم في بعض الأحيان
هنا يتعلمون ممارسة الديمقرطية منذ الصغر. حتي المواد البيدرسوها في المدرسة من حقهم يختاروها.. لكن برضو أرجع و أقول التربية ما ساهلة وعلي قول واحدة معانا في كندا " التربية قرش حصي"
ياربي أهلنا تعبوا قدر دة عشان يربونا !!!
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
عذرا ... دخلت البورد بدون سلام
لاتحدث عن معاناتي في تربية خمس آنسات صغيرات رائعات الخلقة و الأخلاق . و لكني مثل كل أم أتنمي لهن الأفضل دائما.
كل عام و انتم بخير و انشاء الله العام الجديد أفضل
مافي طفل مريض أو جوعان أو ما قادر يتعلم
مافي مسلم بيقتل أبرياء تحت شعار " الجهاد "
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
مرحب بيك في البورد واتمنى لك اقامة طيبة.
معليش بس سؤال خطر في بالي وانا أتوقع مولود قريباً باذن الله وقاعد في غربة ، هل لو كان الطلب مقدم من ولدك وليس بنتك كان بيكون القلق بنفس المستوى؟
ليه الشكوى من التربية حيال البنت في الغربة بتكون اصعب دوماً؟
مع تأكيدي على ان أي أم تقلق على ابنائها من دون فرز...وربنا يعينك واسرتك ان شاء الله.
أنور
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: AnwarKing)
|
الاخت عزة مالك مرحب بك
ومنورة يا رفيقة الغربه في هذه البلاد البارده.
وفي كندا من اي ولاية؟؟؟بس عشان نتونس في الطقس وكده؟
الموضوع مهم جدا يا عزة
واعتقد التربيه في حد نفسها اصلا صعبه
بس نحنا علينا دبل كما يبدو في الغربه.
ويا آنور كينج لا اطمأنك وحياتك تربية الاولاد كما اصعب.
بس احمد ربك انت على فكرة الاسيوين اهون شويه فهم ليسوا مثل الغربين.
وبرجع لكم.
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Tragie Mustafa)
|
ما شاء الله يا كمال , رغم إني ما باعرفك شخصيا إلا إني متخيلاك شاب صغير في مقتبل العمر. ربنا يحفظ ليك أولادك و يبارك فيهم و تفرح بيهم ( كده و رينا أعمارهم كم يمكن نبقي نسايب في يوم ما ... just kidding"
آي يا مني أنا ذاتي عزة الفي بالك ومالك جد أبوي .. و إخترته لانو عامل مزيكا حلوة مع إسمي الأول.. كيف الوالدة و مديحة و ماجدة و منال.. العرس عندكم في القاهرة منو ?
وكيفك إنتي و آية. أكيد سمحة زي أمها
الأعزاء أنور كنج و تراجي
أشكركم لترحيبكم بي .
أنا ما جربت تربية الأولاد لكنها قطعا لا تقل قسوة عن تربية البنات
خاصة في العمر من 15 - 18 سنة لما الواحد/ الواحدة فيهم يقول/ تقول:
Mom, dad, don't worry. I know what I'm doing. I can take good care of myself
يا تراجي أنا من Ontario .
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
Quote: آي يا مني أنا ذاتي عزة الفي بالك ومالك جد أبوي .. و إخترته لانو عامل مزيكا حلوة مع إسمي الأول.. كيف الوالدة و مديحة و ماجدة و منال.. العرس عندكم في القاهرة منو ?
وكيفك إنتي و آية. أكيد سمحة زي أمها |
ده كلام ده يا عزوز..
احنا الونسه عندنا هاتحلو..
ماما الايام دي في السودان بتزور الخليفه وهربانه من البرد..ومنال معاها هناك..
والباقيين هنا كويسين والحمدلله في لندن..معتصم في مصر مع اولاده..
سمر بنت مديحه اتزوجت في مصر..لأنه العريس في السودان واهل امه في مصر..وهي في لندن واهل ابوها في مصر..شوفتي المولد ده كيف؟
ىيه يا حبيبتي جميله جدا ماشاء الله لأنها بتشبه يخرب عقله أبوها
طبعا ما اخدت مني حاجه كتيره..مانا برضه زي ماقلتي لهمام يومها في المكتب في الخرطوم..فاكره؟؟
وهي عكس كده..المهم..
تدفعي كم وما اقول السر؟؟
وبعدين منعم مالك وينه ؟؟
بس خلاص ارجع ليك لوضوعك في وقت تاني...كفايه عملت ليك الصفحه زي ما يطلبه المستمعون..
اخبار الجماعه شنو في المحروسه؟؟
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
الصديقة عزة..حبابك
كل سنة و انتي طيبة..و الأسرة الكريمة..
كتبت المساهمة التالية في منتدى اخر..و اتمنى أن تفيد هنا..و بعد اذنك و بعد اذن القراء اكتبها هنا..و لي عودة ..لأن الموضوع بالجد داير صبر و نقاش..و هي مأساة الكثيرين و الكثيرات هنا في كندا..
Quote: مرة تانية.. يكون عندك مزاج تتفرج في دي في دي.. لسميرة دنيا بتغني فيهو..
:دادي..و هي ليه آنتي سميرة بتكون زعلانة لمن تغني؟
-: مش اآنتي سميرة وبس..كل الفنانين و الفنانات عندنا لمن يغنوا بيكون زعلانين (طبعا اول مرة في ذاتك تكتشف القصة دي)..
: و هم بيزعلو ليه؟
-: الواحد لمن يجي يغني..بيكون فط العشا.. عشان كده بيكون جيعان..و زهجان
تقوم الحيكومة تديك عين حمرة..و تؤشر ليك برأسها (اشارة عاوزنك على جنب في المطبخ..يعني زي دقيقة ناس الأمن بالضبط)..
: اسمع.. ديل اطفال..ولازم تقول ليهم الحقيقة.. عشان يتعلموا صح
-:يتعلموا شنو.. ياخي ديل يبيعوك و يقبضوا تمنك..وتكون ما جايب خبر..
في الهول..
: دادي.. شكلهم كده حتى العازفين يكون ما متعشين..و بيناصي (المغنية الأمريكية المشهورة)..شكلها بتتعشي قبل كل حفلة.. عشان كده وزنها زاد..! |
Quote: اها تقوم.. الحيكومة.. فجأة تكتشف شريط حمادة بنات (راجل المرا حلو حلا)..
: دادي..how come a guy singing like that؟
-: لأنو السوق داير كده..و انتو عرفتو من وين في غنا حق البنات..و غنوا حق الأولاد؟
بكل براءة..: ماما قالت لينا كده..!
: طيب ..و هل ماما قالت ليكم في غنا بتاع ناس كبار و غنا بتاع ناس صغار..؟
الغريبة الحتة دي طوالي يفهموها ليك.. لأنهم متعودين من التلفزيون.. أنو في حاجات بتاعة شفع.. و في حاجات بتاعة ناس كبار.. |
Quote: اها..بعد ايام تانية..
: دادي.. هل صحيح اونكل ابراهيم عندو بيبي في بطنو (طبعا اونكل ابراهيم ده ما شاء الله)
-: only ladeis can carry babies..not guys
و تكتشف انو الإنجليزي ده مرات سمح جنس سماحة.. يحلك من ورطات..
: دادي.. ليه ما قاعد تحلق شنبك؟
-: افو..
: و ليه افو..؟ و هي افو دي معناها شنو؟
-:It is just a sudanese slogan
: ماما قالت.. النسوان ما بيقولون أفو.. ليه؟
-: لأنو افو دي حقت الرجال براهم..
: يعني عندكم في السودان.. في عبارات حقت الرجال..و تانية حقت النسوان؟
: ايوه بالضبط.. يعني النسوان بيقولن.. أجي..ووب علي..و الرجال ما ممكن يقولوا كده..
:طيب لو قالوا .. الح يحصل شنو؟..هو مش مجرد عبارة و بث
-: نو.. مش مجرد عبارة ساكت.. في قيم اجتماعية..و موروث اخلاقي..و كده..
:موروث اخلاقي يمنع الناس ما تعبر عن روحها..؟
-: اوكي.. انتو مش قلتو دايرين تمشوا تتفسحوا..؟
: ايوه صحيح.. لكن بعد ما نخلص من موضوع الموروث الأجتماعي..
-: طيب احكي ليكم فيما بعد..
: why you always keep saying that?If you don't know the answer why you tell us?
تحس انك.. داير تنفجر من الغيظ..و ترجع تاني للمقارنات..هم ليه بيفكرو كده؟..و نحن دايما عندنا كلام الكبار كان نهائي..و ما محتاج للمساءلة..
فعلا ان تكون صادق.. مرات بتكون قاسية.. لكن لابد منها.. |
طبعا الحوار ده مع الآنسات شهد (سبعة سنين و نصف) و شروق (اربعة سنين و نصف..و هي التي اكتشفت زعلة سميرة دنيا و هي بتغني)..
و نشوفكم تاني..
كبر
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: رأفت ميلاد)
|
الأخ Kabar
إستمتعت كثيرا بحوارك مع إبنتك .. ما شاء الله عليها ذكية و لماحة
الأخ رأفت
أول المشوار شنو يا زول ..
ده بدل ما تطمنني و تقول لي خلاص هانت و المرحلة الصعبة عدت.
زمان لما كانوا صغار كان نفسي الزمن يمر بسرعة و يكبروا ..
و تقول باب السما كان مفتوح و حضر ملك و قال آمين علي رأي حبوبة عيشة الله يرحمها.
الواحد بيتخيل انهم لو كبروا حنرتاح, لكن كل ما يكبرو بتكبر مشاكلهم.
Merry Christmas and happy new year
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
Quote: أول المشوار شنو يا زول ..
ده بدل ما تطمنني و تقول لي خلاص هانت و المرحلة الصعبة عدت.
زمان لما كانوا صغار كان نفسي الزمن يمر بسرعة و يكبروا .. |
أبدآ ببقوا أحسن .. يعنى بعتقوك من الإحتجاج .. بعتبروك من العالم التالت والنقاش مضيعة وكت 
| Quote: Merry Christmas and happy new year |
شكرآ ليك وإنتى طيبة والبنيات بألف خير
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
Dear Azza
Eid Mubark, and Happy New Year
You wrote
البت الدايرة تبيتي عندها دي أنا ما باعرفها ولا باعرف أهلها. ما اكون مطمئنة عليك هناك
As a parent of two Sudanese Americans, Ghassan (12 years), and Marwan ( 10 years), we face with the same issues. Regarding the sleep over, we don't have problems with it as long as we know well the parents of our son's friends. I should also tell you that this friendship between our kids and their schoolmates helped us in difficult times just like in 2003. We lived in the small city of Asheville, in Western North Carolina. There were only 2 Sudanese families in the entire region. I was attending a planned conference in DC. My wife who is an Associate Professor at the University of North Carolina at Asheville, was invited to an interview with ILO in Geneva during my convention.This invitation came suddenly, and there was a gap of one day between my arrival to Asheville, and her departure to Geneva. The parents of my son Ghassan's friend, a white Christian American family invited my kids to stay that day with them
On a personal note, Are you from the Malik's family of Omdurman? Regards
(عدل بواسطة Elmoiz Abunura on 12-31-2007, 11:50 PM)
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Elmoiz Abunura)
|
الأخت عزة..
أعذريني، فقد دخلت هنا، وضحكت، وحزنت وفرحت، وفي غمرة ضحكي، لم أرحب بك بيننا زميلة جديدة بهذا البورد.
ضحكت كثيرا لأن بناتي الثلاث ومعهن أبني الوحيد يكررون هذه الأسطوانة يوميا مع أمهم ومعي. وحزنت لأن الغربة بكندا صعبة ومريرة وفرحت أيضا لأن ابناءنا وبناتنا وجدوا ما لم نجده نحن الأباء والأمهات من رعاية طبية ومدارس ممتازة وأمن أجتماعي (هنا بكندا) (الفرمالة التي أبقتنا بكندا حتى الآن)، أو من أجل أبنائي!
هذا البوست سنعود اليه وفي معيتنا كل التجارب التي صادفتنا في الغربة مع فلذات أكبادنا مع ومحاولة أيجاد الحلول (الممكنة) للمشاكل التي تجابهنا بكندا وغيرها من البلدان خصما على تجاربنا وتجارب الآخرين.
وكل عام وأنت وأسرتك بخير..
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
عزة عليك الله كان لقيتى حل للموضوع دة كلميى
طبعا انا عيالى مطلعنى عنصرية
وبحب السيطرة وحاجات تانية كثيرة بس عشان ديل سودانيين جدا ديل جنس تانى خلونى افكرومرات اقتنع تماما بانى كذلك
ولامن يزرونى زرة شديدة فى النقاش بهرب وبقول ليهم اى انا عنصرية ودكتاتورية وكل عيوب الدنيا فوقى وقلتة مافى مشى يعنى مافى مشى صدقى ابوهم بضحك وبغمز ليهم بقول ليهم من تهيج معناها اتزرت وعارفة روحة غلطانة
اليوم بعانى من اصرار البت على انها تمشى حفلة رأس السنة تروس يا عملات ناس السودان
مع صديقاتة فى بيت واحدة لامن غلبتها حيلة قالت لى اكبر زول فى خالاتى منو قلت ليها زينب
قالت لى عايزة اتكلم معاها اها من فتح الخط هى تشكى منى واختى يدها فى الموية
طوالى قالت لى تمشى لان ما غلطتة انها اتربت فى كندا ومنو القال ليكم سوقوهم وحتعيشوهم فى كندا بى افكار امدرمانية هم ما ليهم علاقة بالمجتمع الاتربيتى فيهو انتى
اخت بقت لى وجع بدل فزع وترانى ماشة انوم وراسى تحت وكرعينى فوق الله حلانى من الاسليب اوفر دخلتة فى حفلة رأس السنة
وابوهم يقول لى العيال امشو كلموها امكم كان وافقت خلاص يتخارج براحة من الموضوع
ويطلع فوق يقول لى لو مشو بى طريقتك انتى المسئولة شفتى فى ذمتك جنس دة ومن ندخل فى نقاش يلبس و يقول ماشى يتمشى حتى كان الجليد لى الركب مخارجة رجال ساى كدة.
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
من الأخطاء الكبيره البيرتكبوها المهاجرين للغرب انهم عاوزين يربوا اولادهم زي ما هم اتربوا في بلادهم و قراهم و بينسوا تأثير المجتمع و المدرسه و الشارع و بيسببوا للاولاد عقد نفسيه لان الاولاد بيعيشوا بأسلوب في البيت و اسلوب ثاني في الشارع, في ناس كثيرين من الاتربوا هنا في امريكا انا شايفه زي عندهم ازدواج في الشخصيه قدام اهلهم بيكونوا سودانيين و من ورا اهلهم بيعملوا العاوزينه, الحل ان الام و الاب لازم يساعدوا اولادهم يندمجوا في المجتمع بأسلوب حلو انها تكون مراقبين الموقف, يعني مثلا تتعرفوا على اهل اصحابهم ويزوروهم و يدعوهم للبيت, تخلي اصحاب الاولاد يبيتوا عندها, كده ممكن تدي اولاكم حريه و تسمحوا ليهم يختطلوا في المجتمع و في نفس الوقت تعرفو هم مع منو و بيعملوا في شنو, حرام نربيهم هنا و نفرض عليهم اسلوب قريتنا, و انا بتكلم عن تجربه شخصيه باعتباري ابنه اسره مهاجره و عانيت ما عانيت من اهلي في البدايه, و شفت اصحابي و اخواني كمان لكن الحمد لله اهلنا اتداركوا الموضوع. مثلا لو في واحد من الاباء بيلعب كره قدم, شنو المانع انه يخلي ولده و اصحابه يكونوا فريق و يشرف عليهم في الويكند؟ كده بيكون ولده تحت عينه و في نفس الوقت بيشوف اصحاب ولده و يعرف تصرفاتهم, للاسف في كثير من المهاجرين عندهم خوف من الاندماج في المجتمع الغربي و عاوزين يعيشوا زي ما كانوا في السودان و ما بيختلطوا بالامريكان و الكنديين, و انا اكثر حاجه بتزعلني لمن واحد يقول لبنته او ولده نحن ما بنتكلم كده ولا نحن ما بنلبس كده, انتو منو.. انت بتقصد نفسك الاتربيت في السودان لان البنت او الولد ديل ما اتربوا معاك هناك و هم بينتموا لهنا و للمجتمع ده. انا مره ايام زواجي دخلت في نقاش مع خالي الكبير بخصوص تفاصيل الزواج و زعل مني لمجرد اني ابديت رأيي و قال لي الله ينعل امريكا الخلتك تتكلمي و تتشاوري في تفاصيل العرس كمان لو كنت اتربيتي هنا كان من نهره واحده سكتي, و طبعا كل ما أفتح خشمي في شئ بيخصني بيلعنوا امريكا شكلي بلخبط في الكلام لكن لي عوده.
على فكره يا أنور تربية الاولاد في الغرب هي الصعبه و اسألني انا اخواني سقوا امي و ابوي المر بيكيعانهم عكس انا و أختي.
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Dania Elmaki)
|
دخلنا هذا الفيلم ... ولعدة مرات ... ولم نزل,
أعجبتني طريقتك يا عزة فى إخراج هذا الموضوع,
وحللت هنا محل كل الأمهات والأباء فى المهجر الغربي
تغريبا.
ستظل هذه الموضوعة رابطة لجل الشئون التربوية السودانية
حيث أشرت آنفا... ولمن يجد حلا لها ... فيرجى أن يعممه على
من يهمهم الأمر ... وربنا يحفظ العيال ويقدرنا على { قللهم }
فثقافتنا السودانية غير كافية لإجتياز آمن فى المجتمعات الغربية.
شكرا عزة مالك ... وأنت المربية الفاضلة... واصلى جهدك ها هنا
وكلنا آذان.
مع آلق مودتي
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
| Quote: على فكره يا أنور تربية الاولاد في الغرب هي الصعبه و اسألني انا اخواني سقوا امي و ابوي المر بيكيعانهم عكس انا و أختي |
العزيزة دانيا المكي...
سلام وتحايا وكل عام وانتم بخير وربنا يخلي ليك اسرتك...
حقيقة استفدت كتير من مداخلات الجميع هنا وسأكون متابع للآخر عشان نستفيد من خبراتكم...
أمبارح شاهدنا-زوجتي وانا- فيلم The name seeker وهو فيلم يصب في نفس اتجاه البوست...أتمنى ان يشاهده الجميع...
خالص الشكر
أنور
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
يا ناس هوى ايا المداخلين كلكم
على بالتقطعنى الجنيات فى الخرتوم اكان تطردم ما يمرقولك
تقولهم امشوا عناس خالتكم
يقولولك ياخى يا اخوى ما عندهم شاى صباح وما بنقدو(غداء)
والشفع من مرقت الشمس فى الاجازه مع البلى والطلق البختوها لى سيد الدكان فى قدرتوا وهاك يا مشاكل.
_____________________________________________
قلتوا لى كنده والخليج وكده؟
عادات السودان اه؟
________________________________
لم يعد فى حبيبنا السودان ما نخشى عليه! فقد ضاعت اشياء كثيره
وما تبقى رهين ببعض البعض من المكابره.
__________________________________
ولكن ندع الاشجار تنمو.
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: سميح جمال)
|
عزوز؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يالله ياالله يا الله
بجيك يا حبيبه يا كريمه يا حنينه
حبى ليك ما عندو حدود و انتى عااااااارفه
عزوزى
بجيك و بجيك بس شويه اتماسك بعد فراق فاروق كدوده
وانتى عارفه الباقى
عزوز ما قادره اصدق
اديك العافيه و يا سماحة طلتك
شكرا لارسال اللينك فى الايميل بالجد تفاجأت!!!!!!
مرحب مرحب مرحب ام الفاتنات الجميلات الحلوات العسل بس
امسكى البنات فى البيت واديهم بنيه (مجازا) منى !!!!! قولى ليهم قراية المدارس الاجنبيه فى السودان رفعت نفس المطلب عندى فى البيت واديتها بنيه برضه (مجازا) و مجازا دى يا حبيبة القسا لانى خفت اديها عديييييل كده!!!!
عزه!!!!! يا اخت يا كبيره يا حضن دافى يا لمه يا ونسه يا شوق يامطر
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
بالله ما يجيبوا سيرة التربية إلا سهام تجيك مقلعة من آخر جحر.. أنت يا سهام..عندك جن أسمو التربية..وأكان ما كنت من بحري كان تسوي شنو؟؟ ما قلنا ليك بحري طراوة.. لكن العيال عاملين أرضي..الله يديك ليهم العافية..يا سهام.. بس بطلي الجرسة..وأركزي للتربية وتذكري كل عمر بمشاكله,,يعني كلما ما نقول خلاص كبروا نلاقي مشاكلهم أكبر.. بس الله يدي العافية ساكت..
ودحين أختك عزة دي باقي عليها تربية وغربة وصقيع..وعييييييييييييك..
أنت حمتك خفيفة شوية..وبطلي البونيات الإفتراضية دي بتتملخي ساكت
---------
بحري طراوة
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
أعزائى : عبد الإله زمراوي - هادية محمد - دانيا المكي- حيدر قاسم - سميح جمال- مني خوجلي و سهاااااام المجمر
أشكركم جميعا لمشاركتكم.. عدت لتوي من العمل مكسرة و مفشفشة , ما عارفة ده الكبر ( بضم الكاف و الباء) ولا البرد. لكن الحمد لله بكرة إجازة.
إن شاء الله سأعود إليكم بالتفصيل.
كل عام وأنتم و أعضاء المنبر بخير .
أشوفكم السنة الجاية إن شاء الله
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
المهم و أنا في ال Highway إتصلت بي بتي :
Mom, where are you?
on my way back
great, we need some grocery
البحبه في بتي دي إنها مسئولة .. و الله كل واحدة فيهم فيها حاجات جميلة, المهم غشيتها في البيت ومشينا إشترينا الحاجات الناقصة.. و حاتك ياغالية فاتت ال 160$
وصلتي البيت أختها - 15 سنة- قالت لي:
Guys, يعني أنا و أبوها- what are your plans for tonight?
- just to rest,
- are you serious?
aren't you celebrating the new year?
قلت ليها يابتي إنتو في إجازة يعني قاعدين مرتاحين اليـوم كله نحن جايين من الشغل تعبانين
- then I'll have my own plans
- دايرة تعملي شنو
- I don't know
إتفرجي في التليفزيون
- What!!
أجري movie
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
I'm not gonna watch the TV , it is a new year
ورينا دايرة تعملي شنو
حامشي لصاحبتي و أرجع بعد ال count down
كوركت فيها و شاكلتها و قلت ليها إنتي قايلة عمرك كم عشان عايزة ترجعي البيت بعد نص الليل
مشت زعلانة تدقدق في كرعينها وفي النهاية جابت صاحبتها و قاعدين لغاية هسه - اساعة فاتت 4 صباحا - يتفرجوا في ال TV جنبي
أوعكم تفهموني غلط و تفتكروني باساهر, لأ , ده أنا نمت و صحيت ... يعني خلاص يومي بدا
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
دانيا المكي ..
ماعارفة أقول الأخت ولا الإبنة ..
بارك الله في والديك .. عارفة ليه.. لأنك ما نسيتى العربي
أعتقد دي مشكلة بتواجه كل السودانيين في الغرب
يعني أنا و زوجي مابنتكلم في البيت غير عربي لكن الشفع بردوا بالإنجليزي
أصغر واحدة في بناتي عمرها هسه 8 سنوات . كانت صغيرة
و كل ماتجي تتكلم معاي أقوليها
إتكلمي عربي ..
عارفة قالت لي شنو?
!!! Mom , you should learn English to understand us
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
سهام المجمــر
حليلك و حليل أيامنا في الإمارات
ماتجو تتلمو علينا بجاي
بس أوعك ماما نعمات تسمعني
البركة فيكم في الراحل المقيم الدكتور فاروق كـدودة.. بلغي تعازينا للأخت غادة
و بوسي لي الأولاد وماما نعمات و إلهام و " محمــد طــه" و قوليهو عزة لسة مكسرة فيك
خالص تحياتي لمجتبي
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
عشان ما نظلم أولادنــا
هل نحنا لما كنا صغار هل كنا أطفال مطيعين..هل كنا بنسمع كلام أبواتنا عشان بنخاف منهم?
من فترة كنت باقلب في أوراقي القديمة لقيت جواب من أبوي الله يرحمه بيهنيني بالوظيفة, و كانت أول وظيفة لي. في رسالته شكرني بفرح
عميق علي هديتي الرسلتها ليهو من أول ماهية..
هديتي ليهو كانت طاقية و سبحة تمنهم أقل من 2 جنيه رغم إن أول ماهيةلي كانت 188جنيه و ماكان عندي أي إلتزامات مالية .
بكيت لما قريت جوابو و لمت نفسي لأني ما رسلت ليهو الماهية كلها رغم إنو ما كان محتاج ليها
ده باعتبره جحود مني و ماعرفت كدة إلا بعد ما بقيت والدة
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Azza Malik)
|
كمال كرار و الله انا فى مواضيع التربيه مش اجى ناطه ساى قربت اقلب معاها هوبه...ياخ بحرى طراوه ساى؟
عزه والله زمان
الراجل ده مهما حصل بتخلى بمرق فى جليد للركب مالك هوى يا مره (شغل حموات و كده)
ذى ما قال حسام فى الموضوع ده قبل كده قالى والله يا سهام ياختى انا قابضين لينا جمر مولع فى يدينا ديل و حايمين بيهو..
المهم السودان و الا كل دول المنافى الحال بقى واحد مع الاولاد صعب صعب صعب... وانا متجرسه شديد ... الخوف من الفشل معاهم ... و تحمل مسئولية فشل ذى ده... والله يا كمال كرار و يا عزه (وطبعا انا ما بخجل من كلام ذى ده) انا قبل 3 يوم جايه راجعه معاهم من بحرى لما و صلت البيت بكيت عديييييل كده..دخلت اوضتى و تركت لنفسى العنان..لانى حسيت انو اولادى ديل فوق لقدراتى.. و بقى مجتبى فى التحانيس و محاولة اقناعى انو اولاد الزمن ده كلهم كده .. لكن هيهات.. ياخ انا عندى عيال بقيت بس ادعو ليهم الا24 ساعه انو بس ربنا يهديهم و يمد لينا يده الكريمه عشان نقدر نربيهم تربيه كريمه بكرمه...
طبعا انتى عارفانى يا عزه مهما عذبونى مستحيل ادعو عليهم و بشاكل صاحباتى لما يدعو على اولادهم..لكن قبل فتره كده لما فاض بى قلت لديدى انشألله يا بتى يديك العافيه و بت تنجضك ذى نجاضك لى ده.. بعد داك زعلت من نفسى جدا... المهم الله يكون فى عونا جميعا
كمال كرار والله البنيه دى لما اتخيل انى فكيتها فى الوش مباشرة بتفش شويه.. كدى جرب القصه دى و بعدين تعال لى راجع
كل سنه و انتو بالف خير
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Siham Elmugammar)
|
سهام المجمـــر ..
ما عايزة أخوفك .. لكن أولادك لسة في مرحلة ماقبل التعذيب .. وكل ما يكبروا سنة تتحسري علي السنة القبلها.. إستني لامن يبقوا بين 14 - 18
أنا بادعيهم زي خالتي فردوس - الله يديها العافية - ما كانت بتدعينا ..
ما شاء الله كنا شفع كتار .. أنا و علياء و عفاف وعماد و عبير و عزة و أسامة بلال و إخوانه ..
كلنا كنا في بيت حبوبتنا في العمارات , وكانت حاجة فردوس بتقضي يومها كله في المطبخ..
عارفة كانت بتدعينا كيف ? كانت بتقولينا ربنا يسعدكم و يبعدكم-
بعد ما كبرنا و عرسنا مرة عبير الطيب قالت ليها : قعدتي تقولي لينا ربنا يسعدكم و يبعدكم لما طيرتي كل واحد فينا في بلد
و ظاهر إنو خالتي ركزت علي شديد في الدعا !!
| |
|
|
|
|
|
|
|
|
|
Re: ( أنا و البنات و كندا ) ? Mom, Can I sleep over (Re: Elmoiz Abunura)
|
يا اخ كمال كرار .. كلامك صحيح 100% بخصوص التربية فى السودان .. وكلام تراجى صحيح لانه تربية الاولاد فى كندا اصعب من تربية البنات.. والمهم ان كندا افضل بكثير من كافة الدول الاوربية الاخرى وامريكا .. لان المدارس فى كندا فيها ظبط وربط وما فيها الكلام الفارغ البنسمع بيها فى مدارس امريكا وبعض المدارس الاجنبية فى السودان.. لكن مشكلة المهاجرين انهم عندما يقرروا يرجعوا السودان مضطرين يدخلوا اطفالهم فى هذه المدارس الاجنبية لانهم ما بيعرفوا عربى.. وانا لا اقول كل المدارس الاجنبية .. فهناك مدارس اجنبية محترمة جدا وفيها ظبط وربط تمام وما بيسمحوا بالحال المايل
وكل سنة وانتم جميعا طيبين
| |
|
|
|
|
|
|
| |
حيدر حسن ميرغني
Kamal Karrar
Muna Khugali
AnwarKing
Tragie Mustafa
Kabar
رأفت ميلاد
Elmoiz Abunura
Dania Elmaki
HAYDER GASIM
Siham Elmugammar
السر عبدالله
فيس بوك
تويتر
انستقرام
يوتيوب
بنتيريست