|
مرحب بيك عبد المنعم عمران..
|
صديقي عبد المنعم عمران..انضم لنا في سودانيزاونلاين..
اتعشم ترحيبكم به معي..
والعاقبه عندكم في المسرات
شكرا يا بكري..ان شاء الله مردوده ليك دايما معامله طيبه ..
|
|
|
|
|
|
|
|
Re: مرحب بيك عبد المنعم عمران.. (Re: doma)
|
ماشاء الله..جريتي الحتاله بالشبه! ربنا يحفظ الحتاله..
اسه الحتاله تنادي البنادوك ماما دوما بشنو؟؟ عمو وخالتو ولا تناديهم باسمائهم
المهم..
شكرا لترحيبك بصديقي عبد المنعم..وماعدمناك..
| |
|
|
|
|
|
|
Re: مرحب بيك عبد المنعم عمران.. (Re: رأفت ميلاد)
|
Quote: مرحب بيك عبد المنعم عمران..
من طرف منى يأتى الخير
كل سنة وأنت طيب |
مرسي ومعاها حركة رقه بالغه يا رأفت.. عبدالمنعم راجل مهذب زيكم كده..عنده احساس عالي بالقيم السودانيه الحلوه.. لذلك لن تندموا ابدا علي ترحيبكم به!
الديك انتهي ولا لسه؟؟ بيتهيألي احنا آخر جيل طلع من السودان بعد ما استمتع بكل الأعياد في السودان.. لا خلينا عيد كعك ولا عيد خروف.. ولا عيد ديوك ولا حتي السمك رحمناه..عملناه فسيخ وعملنا ليه عيد وأكلناه
| |
|
|
|
|
|
|
Re: مرحب بيك عبد المنعم عمران.. (Re: doma)
|
الاخوات والاخوه الكرم الاعزاء ترحيبكم الحار بشخصى فى المنبر اسعدني كثيرا وجعلني اشعر حقيقة بانني بين اهلي واصدقائي فى هذا الموقع الرائع والوطن الاسفيري كتر خيركم واسمحوا لي بتقدى شكر خاص لاختنا جميعما منى خوجلي والاخ الكريم بكرى ابوبكراللذين اسعدانى بمنحي هذه الفرصه لاكون بينكم لعلمكم جميعا سبب تاخري في الرد عليكم هو عدم معرفتي او اجادتي للطباعه باللغه العربيه ولولا الكيبورد الالكتروني لكنت دخلت في امرا ضيق نلتقي باذت الله علي درب العشق والولاء للوطت الاجمل السودان دام ودمتم سالمين متوحدين الي ان يرث الله الارض ومن عليهاعبدالمنعم عمران
| |
|
|
|
|
|
|
Re: مرحب بيك عبد المنعم عمران.. (Re: kamal ali)
|
Quote: مرحب بالعضو الجديد عبد المنعم عمران ,
ومرحب بيك يامنى وسنه جديده حلوه عليك يارب ,
لكن ماقلت لى الجماعه ديل حتالتهم كده ,, هم كيف . |
مرحب يا كمال سالم.. أرضيت غرورك وعزة نفسك باستخدامي لأسم والدك الأصلي..صح؟؟
شكرا لترحيبك بعبد المنعم..ماعدمناك ولا عدمنا مشاركاتك الأخويه.. وبعدين ما تسحر لينا الحتاله..
كل سنه وانت والاسره طيبين..
| |
|
|
|
|
|
|
Re: مرحب بيك عبد المنعم عمران.. (Re: Imad Khalifa)
|
Quote: مرحبا بعبد المنعم عمران نتمني ان يطيب لك المقام وكل عام وانت واسرتك بخير استاذة منى |
سلام يا عماد خليفه.. نتمني اعيادك كلها كانت حلوه والجايات أحلي..
انت عارف عبدالمنعم من شدة مافرحان قاعد اسه متغاظ! قول لي كيف.. لأنه ما بيعرف يطبع عربي..ولسه ماعارف يرد علي الناس كيف.. عايز يشكر بكري ويجيكم..وقام مشي فتح بوست بي هناك وقعد ماعارف يتصرف.. انت يا عماد...كدي النسألك.. الناس دي وقت تجي جديده مالها بتكون متلخبطه ومنرفزه كده؟؟ بتذكر زمان لما جيت..قعدت اعمل في غلطات هبله جدا..وكمان شنو متنرفزه..قابله البورد ذاته قاصدني...غايتو جنس حال!
شكرا يا عمده علي ترحيبك بعبدالمنعم..وباذن الله اصلك ماتندم عليه..
| |
|
|
|
|
|
|
Re: مرحب بيك عبد المنعم عمران.. (Re: Muna Khugali)
|
مراحب يا عبدالمنعم أتمنى أن تستمتع بإقامتك هنا ونستمتع بك أخاً وصديقاً وكلمة وفكراً
_________________
أها يا منى سجن سجن .. غرامة غرامة قبال كدا أنا قلتا تاني ترحيب بى برالمة مافي خوفاً من كشف الحال ماجدة قالت لى لا .. نحنا نرحب بيهم لكين بعد ستة أشهر من تاريخ إنضمامهم لكين إنتي عاد ما بنقدر نتأخر عليك
| |
|
|
|
|
|
|
Re: مرحب بيك عبد المنعم عمران.. (Re: هاشم أحمد خلف الله)
|
Quote: طبت وطاب بك المقام اخي عبدالمنعم عمران شكراً اختي مني وكل من ياتي من طرفك جميل |
تسلم هشومي... وطولوا بالكم معاه شويه مابيعرف يطبع عربي.. واغلب ايام الاسبوع بيشتغل من الصباح لغايه 8 بالليل.. اسه يعني الزول ده هايكتب معانا متين يعني؟؟
شكرا هاشم أخوي علي ثقتك...ماعدمناك وعبد المنعم زول كويس ما بيخذلنا..
| |
|
|
|
|
|
|
Re: مرحب بيك عبد المنعم عمران.. (Re: عاطف عمر)
|
Quote: أها يا منى سجن سجن .. غرامة غرامة قبال كدا أنا قلتا تاني ترحيب بى برالمة مافي خوفاً من كشف الحال ماجدة قالت لى لا .. نحنا نرحب بيهم لكن بعد ستة أشهر من تاريخ إنضمامهم لكين إنتي عاد ما بنقدر نتأخر عليك |
والله النصيحه يا عاطف كلنا فكرنا كده.. ذاته انت شوفت رد نسرين كان كيف في اللقاء العملوه معاها؟؟ ولا هان عليها تقول شكرا علي الناس الرحبت بي..ولا كتر خيرهم ناس كريمين..ابدا بس قعدت تتحسبن زي كأننا شياطين عدت علي طرف ملابسها..والله في ناس موهومه وهم...انا من اليوم ديك مغيوظه واسه لقيت فرصه أتفشي! المهم يا عبد المنعم تظهر علينا قبال ما نتهمك "بالأتون"..الكلمه لسه حلوه يا عاطف؟؟ وعاطف أخوي ما بيطبق عليك المراقبه..وانت زول سمح زي عاطف..اكيد بتبقوا اصحاب..
| |
|
|
|
|
|
|
Re: مرحب بيك عبد المنعم عمران.. (Re: بهاء بكري)
|
Quote: مرحب بالاخ عبدالمنعم عمران وشكرا يامني علي تقديمك له وكل عام وانتي بحير |
ازيك يا بهاء.. كده يا راجل تخوفنا كلنا كده؟؟ الف حمدلله علي سلامتك وجميل جدا تجي راجع للبورد وكمان تشاركنا الترحيب بعبد المنعم عمران..
| |
|
|
|
|
|
|
Re: مرحب بيك عبد المنعم عمران.. (Re: Mohamed Abdelgaleel)
|
Quote: حبابك عشرة عبدالمنعم .. شكرا منى خوجلي في إنتظار بكري يفتح الحوش لعبدالمنعم |
شكرا يا محمد... كيف العيد كان عندكم هناك؟؟ انتو يا ناس الرياض والتانيين ناس الدوحه نشيطين في اجتماعياتكم جدا..ربنا يحفظكم..
كل سنه وانت والأسره في احسن حال..
| |
|
|
|
|
|
|
Re: مرحب بيك عبد المنعم عمران.. (Re: خالد العبيد)
|
Quote: مراحب بالاخ منعم جميل ان تكون معنا هنا والاجمل ان تقدمك لنا الرائعة منى خوجلي مودتي |
كيف حالك أخوي.. كل مازاد عدد الناس الكويسه..كل ماصار العالم أفضل.. شكرا علي ثقتك بي..وعلي ترحيبك بعبد المنعم.. وباذن الله يصير صديقكم كما هو صديقي...
كل سنه وانت طيب..
| |
|
|
|
|
|
|
Re: مرحب بيك عبد المنعم عمران.. (Re: اسعد الريفى)
|
Quote: الاخت منى خوجلى كل سنة و انتى طيبة .. و الف مرحب بالاخ عبد المنعم عمران و دمتى بالف خير و اظهر و بان .. عليك الامان .. يا عبد المنعم عمران .. |
كيف حالك اسعد.. ربي يجعل 2008 عام خير علي الوطن كله يزيح عنه بلاءه..قول آمين..
شكرا علي ترحيبك الجميل بعبد المنعم..وننتظر معكم أن يطبع ويظهر...
كل سنه وانت طيب..
| |
|
|
|
|
|
|
Re: مرحب بيك عبد المنعم عمران.. (Re: نهلة عمر)
|
Quote: يا مراحب بالاخ عبد المنعم عمران
و الجاى من بت خوجلى اكيد بنفس الروعة و الجمال
نتمنى لك اقامة طيبة بالمنبر العامر |
ازيك يا نونا..
عبد المنعم جنبكم هناك..لما تكون في مناسبه لسودانيزأونلاين كلموه يحضر معاكم..
شكرا حبيبتي علي كلامك الجميل..
| |
|
|
|
|
|
|
|