|
الريس جلال ابو جهينة يرفع دعوى على علاء تمبس ( العقلاء يمتنعون)
|
في امسية يوم الوقفة اجتمعت قيادة اركا بورداب الرياض بمركز العمليات بالعليا لمناقشة برنامج العيد والمستجدات ، وككرم سوداني علاء الدين بعمل شاي ساموطي وقدمه للمجتمعين والى هنا والامن مستتب وانتهى الاحتماع بقرارت وتوصيات وانفض الاجتماع وفي صبيحة يوم العيد اتصلت على الريس ابوجهينة لزوم التبريكات والاماني ثم سالته ان يرسل لي تليفون طارق نقد . وبسرعة استجاب الريس وارسل الرقم في ورق هدايا ، دقيت الرقم كما يقول ابناء نجد ولكي اما انيكون الاخ طارق (صاحي) وياتيني من الطرف الثاني صوت بلغة لا قبل لي بها ، بنغالية من قلب البنغال فما كان مني ان اعتذرت للرفيق البنغالي
وهنا اتضح لي ان الريس برة الشبكة اتصلت عليه عصر اليوم الثاني وحكيت ليه السالفة فقال لي : بالله ؟! ده كلو من وائل القفل الموبايل اتصلت على طارق وهنأته بالغيد وسالته من الكتيبة فقال لي انو ادريس نام بعد نص ساعة بس ودس اول مرة تحصل ليه
فقلت ليه
ده كلوا من وائل القفل الموبايل
وعليه قرر الريس تحميل تمبس كل المسؤولية وايده ادريس في دعواه
وكل عام وانتم بالف خير -
|
|
|
|
|
|
|
|
Re: الريس جلال ابو جهينة يرفع دعوى على علاء تمبس ( العقلاء يمتنعون) (Re: د.محمد حسن)
|
Quote: شاي ساموطي وقدمه للمجتمعين والى هنا والامن مستتب وانتهى الاحتماع بقرارت وتوصيات وانفض الاجتماع |
..Quote: اما انيكون الاخ طارق (صاحي) وياتيني من الطرف الثاني صوت بلغة لا قبل لي بها |
..Quote: وهنا اتضح لي ان الريس برة الشبكة اتصلت عليه عصر اليوم الثاني وحكيت ليه السالفة فقال لي : بالله ؟! |
..Quote: اتصلت على طارق وهنأته بالغيد وسالته من الكتيبة فقال لي انو ادريس نام بعد نص ساعة بس ودس اول مرة تحصل ليه |
.. وائل شنــو يا دكتور ..؟ والله ما إيلك .. إلا هيفــاء .. بعدين يا دكتور انا بطلت ( علم الكيمياء ) من كم سنة كدا .. وجا في الآثر إنو حتى ( الطيار ) الحريف جدا كان طول من الشغلانة بجيبوهو ويركبوهو الطيارة ويعمل ليهو فرش متاع تاني من جديد .. مش احتمال يكون نسى الناس .. ونسى العشرة كمان..؟ لذلك يا د. وبشهادة معتصم دفع الله الذي لا يكذب اهله .. إدريس جانا اليوم داك وعيونو قدود جلد .. حق الله بق الله يازول مالك .. ؟ قال الحاج والحاجة يادوبك قدر يسفرهم السودان وليهو كم يوم ما نام .. قلنا كويس .. رقدت ليهو بي واحد كباية شاي ( سليماني ) كما يقول بنغالة نجد والحجاز قدس الله سرهم .. ورفع لي يدو فوق واشر بالسبابة ورفع عيونو وما قال كلمة .. قلت ليهو: يا درش قول بسم الله .. افووو .. ؟ بقيت ( تبــاصي ) حتى في الشاي الأحمــر ..؟ المدعو طارق نقــد .. أنا القدامك دا فاتح فيهو بلاغ .. بعدة اسباب قول لي كيف..؟ واحد: تاني يوم مشيت ليهو البيت ومعاي داش .. ومعتصم .. وعوض عكاشة .. وقبلها كان عامل اعلان مبوب .. إنو الراسو ما قوي .. وما ضارب شية جمر السواكني ابو ألف وميتين ريال دا .. ما يخاطر ويجيهو شايل راسو .. شان ما يعمل ليهو بلية .. المهم عند الزيارة لقينا إنو الزول دا كلامو في محلو .. اتنين: دي بتتعلق بي واحد .. لقينا الزول دا كلامو في محلو كيف..؟ أول حاجة لقينا معروضات .. في زول عامل ( فيتنام ) في الكنبه دا من تاني يوم في العيد غايتو اتوقع إنو لحدي الآن يكون ما صحى .. تاني حاجة .. في سيرمس كبير جدا .. اي واحد بيقرب عليهو ( بيضحك ) . تهبش السيرمس تضحك .. تجي بي جمبو تضحك .. يكبو ليك منو الضح يشرطك .. وغنت طبعا عارف اخوك ( جادي ) جدا .. معتصم كان شمالي مباشرة .. طارق رقد ليهو بي كباية نص متر كدا .. صاحبك قعد يهمهم .. بعد شوية قعد يغني .. ووفجأة استلم المكان .. وأنا اقول ليهو يا معتصم روق يا يابا .. الحاصل شنـو إنت مالك بتهضرب كدا ..؟ يقول لي الليلة العيد ياخ قام طارق نقد ( فطاني ) .. وطوالي عكس اللعب لي يوسف ابو وجيدة .. طبعا إنت عارف الشعراء ديل مرهفين وحساسين جدا .. يعني الواحد حواسو كلها خطيرة بالذات حاسة الشم .. وحيات خوتك يوسف دا شوف عيني طارق دخل ليهو قشة كبريته جوه السيرمس .. وطمسه في كباية الموية الزرقاء .. بس غبشت شوية كدا .. ومداها لي يوسف .. تعرف: يوسف بعد ثواني معدودة .. بقى يتكلم معانا من تحت النضارة .. بمعني آخر : نزل النضارة لي تحت شوية كدا .. وبقى يتكلم وعيونو منططات لي فوق .. ويضحك .. تسلم عليهو يضحك .. ابتسامات خطيرة .. طبعا انا متوقع بعد نهاية السنة دي .. إني اسميهو: وحيات ابتسامتك ..
| |
|
|
|
|
|
|
Re: الريس جلال ابو جهينة يرفع دعوى على علاء تمبس ( العقلاء يمتنعون) (Re: tmbis)
|
إذا جاءكم عيد الضحية أحد إثنان لا تمران بهما .. أولهما طارق نقد والتاني ما بحدثكم بيهو .. أها قوم يا شوية العصابة الباقيين ناقصهم صلاح شتات أمشو عيدو على طارق نقد في بيته .. عينك ما تشوف إلا تيرمس كبيره حمراء والله التقول مريخابية .. أها قوم يا طارق أقراء علينا فروضنا قبل ما تدينا مقطوع الطاري .. أخونا يوسف حمد النيل جاهو حال طاري وقعد يشوف من فوق للنضارة ومعاها إبتسامة تقول هيفاء وهبي .. صاحبي دا طبعاً المدعو تمبس لسه ما (قانش) اللعب قمت قلت ليهو صلي العشاء قبل ما تقعد جنبي والوكت داك كان مغرب الشي المحيرني نحن وصلنا البيت كيف .. يا عمك انت العيد كان متين ؟؟ لوووووووووووووووووووووووول ..
| |
|
|
|
|
|
|
|