كتب الكاتب الفاتح جبرا المتوفرة بمعرض الدوحة
|
|
 فضيحة كل عام ** بعثة الحج السودانية ** الظلم تشتري بقروشك
|
اعضاء البورد الكرام
التحايا والود
ساحاول عبر هذا البوست التوثيق للاهمال الذي يواجهه الحاج السوداني من بعثة الحج الرسميه
وذلك عبر معايشتي لحال الحجاج بالمدينة المنورة ومقارنة حال الحاج السوداني بحجاج بلدان
اخرى افقر وما يدفع للحج اقل بكثير من ما يدفعه الحاج السوداني ...
الامراء
طبعا امراء الحج القادمون من السودان يحجون على حساب الدولة اي على حساب البعثة ووزارة الاوقاف
لذلك هناك اسئله كثيرة تطرح نفسها عن كيفية اختيار هولاء الامراء ؟
( في العام الماضي انا شخصيا قابلت امير فوج ضابط بالقوات المسلحه الفوج حقوا جاء عن طريق البحر
وهو سعاتو جاء بالطائرة ده امير ده )
الامير ده موش المفروض يكون عندو مواصفات محدده .
هناك اشخاص كثر يتحدثون عن الفساد المالي لهذه البعثة ولكنا وبما انو لا نملك ادله بذلك لن نتحدث
عن ذلك ولكن سنحكي عن الحال السئ الذي يمر به الحاج السوداني
الخدمات
كل الفنادق التي تحجز للحجاج بعيده عن اماكن العباده في المدينه ( الحرم المدني ) لا يوجد ترحيل
من اماكن السكن الى الحرم وبالعكس لا توجد بصات تقل الحجاج الى اماكن الزيارات مقارنة بحجاج بعض
الدول الفرق شاسع هناك بصات مكيفة الهواء تقلهم من فنادقهم الى الحرم وبالعكس .
بعض البعثات التركية مثالا تاتي ومعها اسطول من الطباخين يكفي كل البعثة واطعامه طول فترة الحج
بينما تعجز بعثة الحج السودانية في عمل دباجات لكل الحجاج تكتب فيها اسمائهم واماكن سكنهم
قبل عامين وجدنا حاجا سودانيا تائها يمكن يكون عمره فوق 80 عام نظره ضعيف جدا ولا يسمع لا يوجد
معه اي شي يدل على مكان سكنه او اسمه والى اي القطاعات يتبع فحملنا هذا الشيخ الى مقر البعثه
السودانية والتي رفضت استلامه الا بعد ان رفعنا اصواتنا في وجههم ان هذه هي مسئوليتكم
في بعض الدول كدول اسيا لكل قطاع من قطاعاتهم ذي موحد كل البعثه ترتديه ونحن نعجز عن دباجه
السؤال ؟؟؟؟؟؟؟؟؟؟؟؟؟ اين تذهب كل هذه الاموال ؟؟؟؟؟؟؟؟؟؟
في رئاسة البعثه هناك مجموعة من اجهزة الكمبيوتر مربوطه بشبكه وعدد كبير من الموظفين مهمتهم ادخال بيانات الحجاج حسب اماكن سكنهم وحسب قطاعاتهم يعني لو جبت اسم حاج وادخلته على النظام
المفروض طوالي يديك اسم الفندق ورقم الغرفه في اعوام تكون هذه الخدمه متوفره واعوام اخرى لا
اذا كنت تبحث عن حاج ما عليك الا ان تلف على الفنادق بتاعت القطاع فندق فندق وتقراء في القائمه
المعلقه في استقبال الفندق يمكن تلقى من تبحث عنه في بعض المرات تتصل السودان يقول ليك اهل
الحاج انو ساكن في فندق كذا ( مرات القائمه دي ذاته ما يعلقوها ليك الا تبقى حاوي حتين تلقى
الحاج الانت عايزو ...)
ملحـــــــــــوظة
لم يصل حجاج السودان حتى الان او القليل منهم من وصل سنرصد لكم حالهم ونوافيكم
بمعاناتهم يوميا اذا سمح لنا وقت العمل ...
|
|
 
|
|
|
|
|
|
|
 Re: فضيحة كل عام ** بعثة الحج السودانية ** الظلم تشتري بقروشك (Re: معتصم ود الجمام)
|
بعض الدول الامير بكون شايل رايه كبيره
بعد كل صلاه يقيف في مكان متفق عليه ويرفع الرايه عاليا يتجمع كل الفوج
حتين بعداك يتحرك ... اما نحن فنعاني من عدم ترتيب ونظام ومعلوم لدينا ان الغالبيه
العظمى من الحجاج يكونوا في اعمار متقدمه ففي اليوم يمكن تلاقي عدد كبير من التائهين
في احد الاعوام وجدنا امراه كبيرة في السن تاهت عن مكان السكن ولا يوجد معها ما يدل على
هذا المكان وفي وقت متاخر جدا فاخذنا ندور على الفنادق حتى وجدنا مكان سكنها في ساعه
متاخره جدا فوجدنا الجميع نيام الامير وحتى زوجها ايضا نائم بكل هدوء قالوا لنا لماذا اتعبتوا
نفسكم كان تجيبوها الصباح ,,,,,,,,,,,,,,,, بالله شووووووووووووووووف جنس المغائس دي
| |
|
|
|
|
|
|
|
|
|
Re: فضيحة كل عام ** بعثة الحج السودانية ** الظلم تشتري بقروشك (Re: معتصم ود الجمام)
|
الاخ معتصم ..سلامات
ربنا يعينك علي البوست الشائك دا..
قبل سنتين ربنا وفقني ومشيت الحج..وحزنت جدا علي احوال حجاج السودان..
في مني ..المخيمات بتاعتهم عبارة عن تكدس وزحمة ومافي اي نوع من النضافة للمخيمات..
وستات الاكل البلدي قاعدين جمب الخيم وحدث ولا حرج عن الجوطة الحواليهم..
واغرب حاجة..انو دي كانت البعثة بتاعت الحج الفاخر..!وهي في ابعد حتة
في مني ..يعني في اخر حدود مني والحجاج تعبو جدا عشان يقدرو يرمو الجمرات..
غايتو ربنا يعينهم في العام دا والاعوام الجاية..ويقدرو يتلافو المشاكل دي..
| |
|
|
|
|
|
|
|
|
|
Re: فضيحة كل عام ** بعثة الحج السودانية ** الظلم تشتري بقروشك (Re: معتصم ود الجمام)
|
الاخ معتصم
كل عام وانتم بخير
ونسال الله ان ياتى موسم الحج لهذا العام
خاليا من الحوادث والكوارث
الحج عبادة عظيمة تم تحويلها بواسطة بعض ضعاف
النفوس الى مصدر للثراء بفرض رسوم عالية وتقديم
خدمة رديئة لا تتناسب مع اداء المناسك زمانا ومكانا
له الله الحاج السودانى الذى يدفع اكثر من غيره ليبدا
رحلة العذاب التى لاتنتهى حتى عودته الى دياره
لكن الذى الاحظه اخى العزيز هو الرضا والقبول من الحجاج
بهذه الخدمات الرديئة بدء من سودانير وانتهاء بصالة الحجاج
القبيحة فى مطار جدة المخصصة للافارقة عكس الصالة الاخرى
المخصصة لذوى البشرة البيضاء
قناعتى التامة ان هذا الرضا يشجع القائمين على البعثة السودانية
بمواصلة ظلمهم واهمالهم لاهلنا حجاج السودان
| |
|
|
|
|
|
|
|
|
 Re: فضيحة كل عام ** بعثة الحج السودانية ** الظلم تشتري بقروشك (Re: معتصم ود الجمام)
|
الأخ معتصم..
جعل الله عملك في ميزان حسناتك ان شاء الله.. وخدمة الحجاج من أجمل الأشياء..
بالنسبة للسكن وما أدراك ما السكن..وعلاقة بعثة الحج السودانية مع طاقم الحج بأكمله.. هذه قصص كثيرة تقال ولكن..هذا هو حالنا السوداني .. وكما قال بعض المتداخلون هنا.. فأن الفوضي تعم وتضرب المكان .. يعنى مجتمع سوداني قائم في أرض الحرمين..
ثم هناك سؤال آخر.. كم يدفع الحاج السوداني مقارنة بالحاج التركي أو المصري .. فكما أعلم.. فان الحاج السوداني يدفع ما قيمته 3.000ريال سعودي والمصري بيدفع / 30.000 جنيه مصري تعادل حاليا/ 15.000ريال ..ذلك بغرض الحج فقط.. وهو ما يسمي بالحج السياحي في مصر.. أما الذين قدموا عمرة رمضان وانتظروا حتى قدوم الحج.. فان التكلفة تكون/ 10.000جنيه مصري.. والسوداني الذي جاء عمرة رمضان وانتظر الحج.. تكلفته تعادل/ 5.000ريال سعودي.. وهناك أمثلة كثيرة عن الحج والحجاج.. يعود أغلبها لفهم الحاج السوداني أو بطريقة أخري.. الفهم السوداني للعيش في مخيمات .. ومع ملاحظة أخري.. المخيمات لا تقيمها البعثة السودانية .. بل هي من صنع المملكة العربية السعودية منعا للفوضي الكبيرة التى كانت قبل الحريق المشهور..
معذرة أخي.. نحن لدينا شكوي في كل زمان ومكان.. لذلك.. لن ينتصر لنا حق ألبته..
| |
|
|
|
|
|
|
|
|
|
Re: فضيحة كل عام ** بعثة الحج السودانية ** الظلم تشتري بقروشك (Re: صلاح الفكي)
|
الاخ صلاح
تحايا وود
يا صديقي اظن كلامك ده قديم جدا
يا حبيبي الحج من السودان بقى 8 مليون يعني 16 الف ريال سعودي معلوماتك قديمه يا صديقي
وكان للحج السياحي يا اخوي السودان ذاتو بقى عندو حج سياحي بنزلوهم في ابراج طيبة وفي
مكه بنزلو في مخيمات مكيفه والاكل بوفي مفتوح ...
اما قصة تجي عمرة دي كان زمان يا اخوي هسه السلطات السعودية اذا قبضت شخص متخلف الغرامه
10 الف ريال غرامه ومن ثم تسفير للمقيم وللمتخلف وفي حالة عدم الدفع يا صديقي السجن لمدة
عشرة شهور ...
خدمات الحجاج من خيم وترحيل كل ذلك من اختصاص الشركات والبعثات تستاجر والمخيم حسب الدفع
عشان كده المخيمات تختلف ما بين البعثة السودانية للتركية للكويتية وذلك حسب ما يدفع .
لا ننادي بتسكين الحاج السودان في خيمة خمسه نجوم ولكن قدر ما بدفع ادوهو خدمات
لك الشكر
| |
|
|
|
|
|
|
|
|
|
Re: فضيحة كل عام ** بعثة الحج السودانية ** الظلم تشتري بقروشك (Re: معتصم ود الجمام)
|
الاخ معتصم
السلام عليكم ورحمه الله
كنت فى العام الماضى اسكن فى شارع الستين ملاصق لمطعم الـبيـك وكافتريا عصيرات الامل وانا راجع من العمل بعد الظهر وجدت عدد 2 بص به حجاج سودانين امام العمارة قادمين من المدينة ، كل هذا العدد الهائل من الرجال والنساء وجدتهم فى الشارع على الرصيف امام مقر سكنهم ( شقق مفروشة ) العمارة البعدنا :
- سألتهم ليه قاعدين فى الشارع يا حجاج ؟
- اجاب احدهم ان المسئول من السكن ما وصل الي الان ، وفى ناس المفروض يطلعوا من الشقق علشان نحن نسكن مكانهم والي الان ما طلعوا ، وفضلوا على هذا الحال قبل المغرب .
- وانا لسه واقف معاهم لفت انتباهى عامل فى كافتريا عصيرات الامل بيمنع النسوان من الدخول والاكل فى الكافتريا ( حسب القوانين ) ، حسب معرفتى به شرحت له الظروف وانو ديل حجاج كبار فى السن ، ونفس الموقف تكرر من عامل مطعم البيك لانو منع النسوان من الاكل داخل المطعم واضطرو بالاكل فى سلم العمارة من الداخل .
- فى صباح اليوم الثانى وانا طالع للعمل وجدت كمية من البشر فى الشارع ولما سألت عن السبب عرفت انو فى حادث راح فيهو احد الحجاج وهو عاوز يقطع الشارع ويمشى المسجد فى الجهه المقابلة لشارع الستين ، مع انو يوجد مسجد خلف الشقق المفروشة ولكن اين الموجه
- وعند الساعة الرابعة فى نفس اليوم تعرضت ايضا" حاجة سودانية لحادث وتوفيت فى نفس المكان
ده كلو ناتج من غياب التوجيه الصحيح للحجاج وكيفية عبور الشوارع والخطوط السريعة .
ولك الشكر الجزيل بفتح هذه النافذة .
| |
|
|
|
|
|
|
|
|
|
Re: فضيحة كل عام ** بعثة الحج السودانية ** الظلم تشتري بقروشك (Re: عبد الدائم سيد أحمد)
|
العزيزة نهال
والاستاذ الطيب
لكـم الود
وشكرا لمروركم
الاستاذ عبد الدائم سيد احمد
كيف يكون الاهمال ؟
ما كتبته يحدث سنويا البعثة السودانية للحج قمه في العشوائية وعدم النظام
من ابسط حقوق الحاج الذي يدفع هذه المبالغ العاليه ان يجد شي من الاهتمام والترتيب
خلينا الراحه والفنادق السمحه بس تنسيق جيد تجهيز مكان سكن الفوج قبل وصوله هناك عدد
من الحجاج يجلس في الباصات لساعات طويله جدا كان البعثة والقائمون على امرها فاجئهم حضور
الحجاج ...
لذلك استاذ سيد احمد فتحت هذا البوست لمتابعة حال الحجاج وبعثة الحج السودانية
ولكم الود
ود شيقوق الناس دي عاوزه تحج وبس ذي سؤالك ده ما بهمهم
| |
|
|
|
|
|
|
|
|
|
Re: فضيحة كل عام ** بعثة الحج السودانية ** الظلم تشتري بقروشك (Re: GamarBoBa)
|
العزيز موسى ود النوبه
الاشواق بالكوم يا صديق
انا حجيت قبل سنتين والحمد لله عقبال صاحبك
سؤال خبيث انت كيف ؟
ام مرهف متابعة معاي البوست
وانشاء الله ما اطلع كذاب وانا الموضوع حاصرو في ناس المنبر ديل
ما حجاج السودان كلهم ...
وقصة البوهيه دي نفكر فيه (وجه ضاحك )
وخبر حقيقي في شهر ابريل ساكون انا والاسرة في السودان
التحايا للجميع
| |
|
|
|
|
|
|
|
|
|
Re: فضيحة كل عام ** بعثة الحج السودانية ** الظلم تشتري بقروشك (Re: معتصم ود الجمام)
|
Quote: الى اعضاء البورد
من كان لديه حاج كبير في السن او مريض
ويحتاج الى بعض العنايه يمكنني ان اتابع ذلك
حتى تاريخ 7 ذو الحجه .....
اكرر الكبير في السن او المريض عشان اقدر اخدمهم
وما اطلع كذاب
ده تلفوني
00966567338919
معتصم سيد احمد
المدينة المنورة |
الاخ معتصم
الف شكرلهذا الموقف النبيل
________________________
الوالد سيحج انشاء اللة هذا العام
ساتصل بك اذا استدعى الامر
| |
|
|
|
|
|
|
|
|
|
Re: فضيحة كل عام ** بعثة الحج السودانية ** الظلم تشتري بقروشك (Re: معتصم ود الجمام)
|
أخي معتصم :
بالنسبة لناس الموتمر الوطني الحج موسم للفساد والإفساد .. لن يكون موسم عبادة وتقرب لله تعالى وأداء تلك المناسك بصفاء ونقاء كما أوجب ديننا الحنيف .. أي أمير هذا المتغرس البليد الذي يحس أنه (حكومة) كاملة .. لا يعرف عن مجموعته إلا أنه أميرهم .. لا يشاركهم متاعبهم ومعناتهم ..لا يعرف المفقود والمريض والمسروق ... فقط أخي موسم فساد لا أكثر ... كان الله في عون الحاج السوداني .. والعار للموتمر الحاكم وشيوخه .
نساءل الله أن يعينكم على خدمة حجاج السودان .
مودتي
الشفيع
| |
|
|
|
|
|
|
|
|
|
Re: فضيحة كل عام ** بعثة الحج السودانية ** الظلم تشتري بقروشك (Re: معتصم ود الجمام)
|
وصلتنا الرسالة دي من احد قراء المنبر
بالسعودية مدينة الطائف عاوز يساهم بيها في هذا الموضوع ده
هو الاخ عماد الطيب
واعتذر للاخ عماد عن التاخير للمشغوليه
معتصم
الموضوع قبل عامين وصلت والدتي الله يسلمها الي اداء فريضه الحج ... برسوم الحج كامله
ومعها مجموعة من الحاجات والحجاج ... اخذت اذن من صاحب العمل وتوجهة الي مكه
تقابلنا في مكه بعد مشقه ... وعماره في اخر الدنيا ... والسكن في الدور العاشر... وحمامات ذي الزفت
والاسانصير متعطل نهائيا
السلم ضيق ... والعماره نفسها مزدحمة ... بالحجاج ... مواصلات للحرم مافي .... طلعة جبليه انا الشاب
اعاني منها مشقه وجهد ... قلنا لحجاجنا الصبر وان شاء الله باجره
قبل يوم الترويه من المفترض يمشو الي المخيمات بمني تاخر لصبيحة اليوم بسب البصات ما وصلت
ركبوا كل الحجاج واذكر اسم الامير حقهم رجل معاش في الجيش اسمه خميس .. يعرف تماما انا مرافق
لوالدتي .... علشان ما ادخل في احراج وقفتا شماعه ... عشان اصل معاهم واعرف مكانهم وين
في المخيم
اجي راجع واحرم من التنعيم
فذا بموظف يحمل ديباجة عليها اسمه ... وعليها علم السودان ....يقول لي يا زول انت ما معانا هنا ...
شرحتا ليه الحاصل ...والامير خميس ... يثني ويصحح كلامي
قلت ليه طيب ماشيء انا ح انزل بس عاوز منك حاجة واحد انت مسؤل هل تعرف الحجاج ديل
ح ينزلوا وين بالتمام
صاحبنا قعد يتمتم ويقطع في الكلام
سؤال ثاني انا لي خمسه يوم في العماره دي ومعاي كامير فيديو مصور الوضع كله يوم واحد انا
ما شفتك واقف علي معاناة الحجاج عامه ... والمويه ليها يومين ما شغاله (مع العلم كلهم دافعين قروش
وقدرها)
اليوم الاخير جايء ولابس بدلكتك وتقولي ما تمشيء مع والدتك
...كان مع واحد عليه نفس الظرف لم اعرفه من قبل لم يحتمل الموقف
فوصمه بكلمات ... حراميه ونصابين ....الخ
والله العظيم انا لم اتلفظ بشيء من مثل الكلمات دي
اذن ليه يركب ورفض لي انا
قلت ليه اوكي... توكلو ا علي الله وانا بتصرف ... ووعدت الرجل الموظف الذي رفض لي الركوب حجتي دي ان
شاء الله مهديه ليك والي اولاك ... لانو انا ما اول مره احج كثير حجيت وعارف اللي زيك
كيف يتعاملوا معاه يا تافه انت مكانك ما هنا في مكه ولا بتعرف تخدم الحجاج اللي بفلوسهم
اللي انت بتاخذ منها راتبك وحوافزك
استعد لجايات مني وكلها ادعيه عليك وعلي اوالادك
لانك عاوز تحرمني من ابر والدتي في حجتها
شويه كده صاحبنا قعد يزبد ورسل لي واحد وقاليه ياخي نادي الولد ده يركب مع والدته
نواصل ما سيء المخيم في رساله الجايه
| |
|
|
|
|
|
|
|
|
|
Re: فضيحة كل عام ** بعثة الحج السودانية ** الظلم تشتري بقروشك (Re: الطاهر عثمان)
|
تحيه اتابع بعثات الحج بمكه والمدينه لاكثر من سبعه اعوام عليه اؤمن على كل ماورد فى هذا البوست مع ملاحظه ان الموظفين السودانيين المرافقين للبعثه والمسئولين على الامور التنظيميه يتعاملون مع السائل عن معلومه بازدراء وقله ادب ..
قبل خمس اعوام اصيب والدى فى حادث حركه قرب ساحه الحرم المكى فتم اخلائه الى مستشفى بمكه لاكثر من اسبوعين فلم يتكرم فرد من بعثه الحج بزيارته او حتى السؤال عنه لكن ادهشنى وجود موظف سعودى من تشريفات وزاره الداخليه السعوديه مكلف من الوزير شخصيا بمتابعه وزياره كل حاج مريض محجوز بالمستشفى وهذا الموظف السعودى يكون مرابطا فى المستشفى حتى انتهاء الحج يقوم بتذليل اى صعوبه تواج الحاج المحجوز بالمستشفى حتى خروجه وهذا الموظف هو من اتصل هاتفيا بعد دخول والدى المستشفى باحد اقاربى المقيمين بمكه ليعلم مكان حجز والدى ...
تتميز مقار بعثات الحج السودانيه التى ينزل بها العوام من البسطاء بالاتساخ وقله التهويه والقدم لكن التنفيذيين فى البعثه يحجزون فندقا فخما شاهدتهم يجلسون امامه فى المدينه المنوره اكثر من مره يشربون قهوه ويضحكون
| |
|
|
|
|
|
|
| |
معتصم ود الجمام
رشا سالم
Mohamed Ahmaed Olyesh
Nasr
احمد التجانى احمد
الطيب شيقوق
نهال الطيب
عبد الدائم سيد أحمد
GamarBoBa
-1.jpg)
معاوية الطيب
الطاهر عثمان
احمد الامين احمد
فيس بوك
تويتر
انستقرام
يوتيوب
بنتيريست