|
|
|
 Re: سكة حديد (Re: محمد سنى دفع الله)
|
Quote: مالكم علينا انت والمجمر
وعطبرة !!! |
السنى،،
ما عارف ؟؟
!!!!!!!!!!!!!!!!!
عشان أجيبك لى دى :-
Quote: انا قصصي في عطبرة
قصصص!!! |
wellcome
| |
 
|
|
|
|
|
|
|
|
Re: سكة حديد (Re: عمرو كمال ابراهيم)
|
السكة حديد:-
الجزيرة
المشروع
المحالج
الزكايب.. الشوالات.. الخيش....الشكارات...
القروش..العائد..الربح..الاولاد..القراية..الصحة..حق الملاح
سكة حديد
!!!!!!!!!!!!!!!!!!!!!!!
!!!!!!!!!!!!!!!!!!!!!!!
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
سكة حديد:-
بورتسودان
الميناء
البواخر
الرصيف
الحاويات
الوارد
الصادر
القطن..الذرة..الماشية..الصمغ..الكركدى..
التجارة والعالم
البضائع..الأدوية..العمالة..
سكة حديد
!!!!!!!!
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
سـلامات يا عمرو
كثيراً ما أقف قرب منازل السكة حديد
الخرطوم التي قطعها شارع بيويو كوان
شطرين شرقي حتى شروني وغربي حتى كبري الحرية.
حيث لا شرقي الآن!!!
والغربي بدأت تزحف إليه الإزالة
التي صارت حقيقة ماثلة لا مفر منها!!
وفي وقفتي يجئ التسآل هل تم التوثيق التاريخي
لهذه المنطقة قبل الإزلة بإعتبارها جزء من تاريخ
مدينة الخرطوم ومؤسسة السكة حديد؟؟
ولا كراكات ساكت تهدم وبسظ
ثم ابراج!!!!
* أنا مع التنمية والتطوير لاي منطقة مع حفظ ماهو تاريخي
او التوثيق له بالضرورة.
ما عطبرة براها هناك كثير من الدمار لا نعلمه حتى!!!
بدأ من زمن السيد جعفر نميري
لك الله يا سودان
مودتي
إسماعيل حميم
| |
|
|
|
|
|
|
|
|
|
Re: سكة حديد (Re: إسماعيل حميم)
|
هذا هو مرامى عند طرح الموضوع..
هل هى مجرد كراكات..
هى وحوش الإزالة..
هى الطفرة والعمران...
أم المدينة ذاتها؟؟
لعل ما ينشده المعمار تطور المدينة واهلها.. ولا تطور بعيدا عن الإرث والماضى، السكة حديد شريان يمد السودان وينفث فيه الروح
نشأت على أثرها مدن... وإنتعشت بها أخرى
وأرتبطت بها عطبرة مثلا
السكة حديد الخرطوم كموقع إنهارت تماما وسط وحوش الإزالة.. والسلطات لا ترعى إرثها ولا موقعها وسط أهلها وأبناء المدينة مثلما إنتهت منها كمؤسسة عملاقة مع بداية الإنقاذ
لم يشمل العمران والطفرة المعمارية بقية ارجاء السودان كما هو الآن فى الخرطوم،،، ولكن حين نحفظ خارطة المدنية،اى الخرطوم، انما نضمن الحفاظ على مدن وبقاع ونجوع السودان الأخرى
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
الأسبوع قبل الماضى زرت مدينة الدامر
ومنها قررت التشرف بزيارة أتبرة...
لا أستطيع وصف حالتى حين طفت بالسكة حديد،، تالله ما ظننت يوما أنى سافجع بهذا المشهد كما كان
توقعت أن أحزن
أن أغضب
أن أجد ما يشير لحضارة إمتدت بطول البلاد وأنا بوسطها وقلبها النابض
لكن ما شاهدته لم أقوى على إحتماله.. أرض فضاء
خلاء
مبانى منهارة
تعشعش فيها الطيور
صارت كالقبور، أو انها كذلك تماما
لم أرى سوى بعض أفراد من القوات النظامية يستلقون على فرندات مكاتب أو تحت شجيرات بائسة جدا
أسوارها سقطت
أبراجها هجرت
تلك القطاطى التى تأوى عمالها آلت للسقوط
سكة حديد
!!!!!!!!
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
سكة حديد ... الخرطوم
بدأ الإنهيار بأن قرر رامبو إزالة نصب الجندى المجهول الذى يقابل بوابتها الرئيسة شمالا على شارع القصر
وكان يومها شاهد على بطولات الشعب على مر التاريخ.. اليوم شاهدنا هو قلب كل محب لأرض وتراب الوطن
كانت السكة حديد محاطة بسياج على جوابها الأربعة
ولها بوابة حديدية خضراء اللون او نحو ذلك،، تفتح شمالا لا يفصلها عن القصر الجمهورى سوى نصب الجندى المجهول
يقولون وقتها أن رتاج البوابة يقابل رتاج البوابة الجنوبية للقصر،، كثيرة تلك القصص التى يرويها أهلنا وتنسب للخواجات.
وعلى صحة القول او عدمه.. هى حقيقة انهما، أى البوابتان، تتقابلان.
أزيل الجندى المجهول لياتى إلينا أدب المجاهد
وأزيلت السكة حديد لتاتى الشركات العاملة فى الطيران
وأزيلت السكة حديد لطرد القوى العاملة
والنقابية
والكادحة
لتطفر إلى السطح قوى جديدة..طفيلية.. باهتة
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
اخي عمرو كمال
تحية واحترام
السكه حديد
كانت
وصارت
واصبحت
وكيف هي الان
الفرصه الان عند ناس عطبره
يلا ورونا الحاصل شنو
وكمان اليوم في اضراب
يعني الكلام دخل الحوووووووووووش
مع تقديري للجميع
| |
|
|
|
|
|
|
|
|
|
Re: سكة حديد (Re: العوض المسلمي)
|
العوض
سلامات
أثناء كتابتى قبل دقائق دخل على أحد الاصدقاء .. قرأ عنوان البوست فاذا به يخطف صحيفة ياتى مسرعا
قال انه فى اضراب شامل للعمال فى السكة حديد
لم اطلع على صحف اليوم بعد
لكن احسست توارد خاطر او شى من ذلك
اللهم اعد للسكة حديد سيرتها الاولى
وارفع عنا البلاء
والشقاء
والعناء
وأخسف بالعملاء
وشتتهم اشلاء
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
ناظر المحطة..
كان لكل محطة سكة حديد.. ناظر
وناظر المحطة شخصية ذات بعد.. مهنى ونقابى وإجتماعى أيضا.
وكان لناظر المحطة فى أى بقعة بالسودان يتولى إدارة محطتها الحديدية مركزا اجتماعيا وسط اهل المدينة او القرية تلك
ومحل تقدير واحترام لمكانته الوظيفية، درجته،ودوره فى الحفاظ على تسيير العمل مما ينعكس على المكان واشخاصه
ويتقبله اهالى المدينة او القرية كواحد منهم.. ويعدونه من كبار القوم ويحتفون به دوما
لقد خلقت السكة حديد فى تلك الارجاء تداخلا وتمازجا بين الناس فى ظل مجتمع منغلق بشكل كبير،،
سكة حديد
!!!!!!!
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
الصافرة ...
حين تمتعت الخرطوم فى سابق الزمن..
كنا نسمع صافرة المحطة
الخرطوم القديمة... الخرطوم غرب
السوق
المقرن
الخرطوم 3
نمرة 2
نمرة 1
كنت استيقظ صباحا متجها للمدرسة، الخرطوم الأميرية المتوسطة
وكان طابور الصباح فى السابعة إلا ربعا،بالقديم، أى السادسة إلا ربعا بالجديد.
كانت المسافة تقتضى ان اقطعها فى ربع ساعة
من تقاطع شارعى على عبداللطيف مع البلدية
احاول مسرعا اللحاق قبل بداية الطابور وإلا ستلقى حتفك بثلاث سياط على أقل تقدير
المهم
كانت صافرة المحطة تنطلق فى السادسة والنصف
واسمعها رغم بعد المسافة ولكن السكون والهدوء يلف المدينة، وقتها.
كانتى مؤشرى للوقت صباحا، فإما التحرك فورا عقب سماعها او أن تصطبح بجلادك..
وكان غيرى الكثيرون،، يضبطون عليها يومهم
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
مداخلة من بعيد أو قريب.. لابد منها
وعلى ذكر الأصوات التى تشق صمت الخرطوم
كان هناك زئير الأسد.. ينطلق من حديقة الحيوان بالمقرن، الجنينة، كما يسميها أهل المدينة
كان هو وصافرة المحطة أكثر الأصوات شهرة تلك الايام
حتى انهما من مصدر واحد، يكاد صوت الصافرة ينبع من صوت الطبيعة،أو يقترب من ذلك.
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
ساعة المحطة..
كانت من شدة الضبط ميقاتا يضبط عليه الاهالى الوقت وساعاتهم
يقولون ... ساعتى ظابطة على ساعة المحطة،، يعنى ولا على راديو البى بى سى!!
للأسف فقدت ، مادياولم تعد مكانها،، كانت معلقة غرب قضيب السكة حديد على فرندات المحطة وامام هناقر المحطة
ولاحظت اختفائها.. ربما سرقت.. ربما انتزعت
لكن ما اعرفه،، انها ساعة المحطة.. وفقط.
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
الأخ الظريف عمرو خالد تحية طيبة
عجبتنا بإيراد سيرة البلنجة الرمز ومآسى الوطن المرموز.
أظنك سمعت ما قالتو السرة بنت عوض الكريم فى سيرتها التى رواها ( محمد الحسن سالم حميد ) :
جات
داخِلة
زىْ مرقة غضبْ
من جُوف حليم
فى زمن
صعبْ
...
رمت السلام
زى شنطة
من كتف المسافر
بى تعبْ
زي رُدْخة..
ربْ ْ
...
الله ..يارب
قعدت على طرف العِ(.........)يب
المحاذى الواطة
ضايرت التراب
كُسَر العويش الفوقو
شالت بأصبعه
وشختت ..__ شخيت ________..
......
الله يا رب.
عاينّا فيها.....
نكُوس سبب
للكفرنة
وفورة الزهج
من دَرْوَة البال
الوهِيطْ
ما عَودتنا تدِس عوَج
تكتم فرَح
زيْ حالة الزول
البسيط
صنْقَعنا فى قعدتنا
راجعت الوشُوش
...
...
دنْقَرْنا
...
عِند رفعة وشيها المُتعب
الجادْ
الرحيم
الطيّب
السمِح
المعافَى
عند رفعة وشيها المُتعَب
الجاد
الرحيم
الطيب
المُعافَى
رِهاب..... رِهاب ينْشاف وسيم
إنوهّطت
فوق العنقريب
القديم
ومن تاني
ضايَرَت التراب
كُسَر العويش الفوقو
شالت بأصبعه
وشختت ..__ شخيت ________..
وقالت:-
تصدّقوا ؟!
ياولادى
بِقيت أبيت الليل
ممحنّنة
فى التميرات
القَدُر فوق رأسَه ما خمّت سَبيط
غلبَه الَجرورُرة
الفوق ضهرْنا
تنزِّله
وتطلُق وشينا
معَ الجماعة
إشِن دهانا ؟!
...
...
دي كم سنين ؟؟
قطَّ وحلَفْ
ما فيهُو
لَو نُقَّاط بسيط
كان بُوشنا
فى حَشَّ التمور
الليلي دُشْنا
معَ اللقيط !؟
...
أي لا حِكت
هِي ولا بِقت !؟
...
ما كُنا قايلين
في حياتنا
يجينا أقسي من المضى ؟
...
ساعة مروق الإنجليز
قُلنا الظُلم
فات وإنقضى
تاريهُو كَمْتَر
وقام دقون
حلْفى !
وعُشر!
مَعَيُوقَة !
نال ؟!
دِمْسَسْ !
ضِرْيسِى ؟
وشوك جُمال ؟!؟
...
..
الله يا رب !؟
كُربَك كُرب
عاوْولِى التمور ؟
الأرضِ بُور ؟
الناس حطب ؟
باجُور شهور
غلبان يدور ؟
مافيش مطور
ويجيك بعد دا
عِلم طَلَب ؟!!!
_______________
تحياتى
أبوبكر
| |
|
|
|
|
|
|
|
|
|
Re: سكة حديد (Re: أبوبكر أبوالقاسم)
|
العزيز ابو بكر
تشكر على بعث الكلمات الرقيقة والصادقة بهذا البوست المتواضع
وكدى خش احكى لينا شوية عن السكة حديد
شايف محمد السنى زاغ عديييييييييييييييييل
........................ لقطة ..................................
| Quote: الأخ الظريف عمرو خالد تحية طيبة |
انشاءالله يكون بيقرأ البورد
.. انتى لسه ما تفكنى من عمرو خالد ده
يا ابو بكر 23مرة قلت ليك اسمى عمرو مووووووووووووووووووووووووووووووووووووسى
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
إشتهرت السكة حديد فى قمة مجدها بمشروب السكة حديد
وتنتجه المؤسسة بنفسها
واهل السودان على عشق بتلك المركبة.. سكك الحديد
طافوا شرقه وغربه
جنوبه وشماله
لم يطفئ ظمأهم سوى ذلك المشروب
ذو الزجاجة فريدة الشكل
مقعرة وتترفع منسابة بضيق العنق فى اخرها
جمعتهم هذه السكة حديد حتى على ما يرتون به
فصرت تجدها فى المقاهى
والمطاعم
والفنادق
وفى البيوت
والسينما... وأذكرها جيدا فى بوفيهال BLUE NILE
سكة حديد
!!!!!!!!
| |
|
|
|
|
|
|
|
|
|
Re: سكة حديد (Re: ناذر محمد الخليفة)
|
عمرو موسى
السكه حديد الخرطوم
مكتبة عم سعيد (مكتبة المحطه)
نادي العمال وشجرات اللبخ
المرطبات ومشروب الليموناده
العطشقجيه والابرولات ورشة المرمه
القطاطي
ونادي البوليس وفرقة جاز بوليس عطبره
وفريق النجم الاحمر وفريق العاصفة والامل والهدف والزاجل
و..........
و..........
واخيرا الكركات التي تعمل على محو ذاكرتنا
(((((((( ان شاء الله يخلوا لينا اطلال نبكي عليها ذكريات طفولتنا))))))))))
كان بيتنا رقم 263 جوار المركز الصحي
| |
|
|
|
|
|
|
|
|
|
Re: سكة حديد (Re: ناذر محمد الخليفة)
|
ناذر
معليش رديت عليك متأخر
طبعا اتلخبت لانو كنا مدورين فى بوست ( الخرطوم تمطر شتاءًً)
وحصلت الجوطة
مع انه معتصم داير يدور شمارات وكده.. لكن ما تشتغل بيه
شكرا على الغنية
انا كنت محتاج ليها فى البوست لانو عندى فيها بعض كلمات
ساكتبها غدا كان ربنا مد فى العمر
شكرا مجددا جارى العزيز
( معتصم ،، اطلع منها انحنا جيران )
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
الأخوان/ عمرو كمال إبراهيم تحية وإحتراما
عمرو موسى
عمرو خالد
ذكرتنى بلمحة صوفية قالها شاعرنا المبدع الكبير جماع فى إحدى تجلياته الصوفية:
أن ترودنــى فلن تجـــدنى فإسمى إنه محض صدفة للمسمى
وبرغمـــى صاحبته فى حياتى وكذا صـورتى فما أنا ورسمـى
فإلتمسنى فى غير رسمى وإسمى ترنـى بادياً وتُبصـر وسمــى
هكذا نحن نتلمس خطى شاعرنا حتى المرة 24.
تحياتى
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
يلعن أبو دا سرد ودى خواطر
والله بوستك روعة
بس مشكلته فى ناذر النزل قطار الشوق
الغنية دى من حبى ليها خلتنى اتخذ قرا ر أهبل جدا والمشكلة مهم جدا لول
واصل ومتابعين وبركة الما جابت ليها قند.......
مودتى
سماح
| |
|
|
|
|
|
|
|
|
|
Re: سكة حديد (Re: sama7)
|
| Quote: يلعن أبو دا سرد ودى خواطر |
طيب يا سماح.. ما تدينا شويييييييييييييييية كد
آها... قلتى شنو؟؟
؟؟
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
انهيار السكة حديد جاء مجاملة للناس اللاموه:
ناس:
انت شلتو جيبو يالقطار
وناس :
ايه سبب لى الكدر***غير عجلاتك يا القطر
عشان يا عمرو موسى قالوا بفرق الحبايب
واصل
مودتى
سماح
| |
|
|
|
|
|
|
|
|
|
Re: سكة حديد (Re: sama7)
|
| Quote: عشان يا عمرو موسى قالوا بفرق الحبايب |
بالله .. انتو ناس :-
القطر الشالك إنت ... يتكسر حته حته
وكده؟؟
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
تحياتى
لولا السكه حديد لما كان السودان فقد كان الجهاز العصبى للدوله الحديثه و(ميديم) التواصل والتفاعل لشعوب السودان !!!اول تجمع لقبيله سودانيه (متوحده) اجتماعيا وطبقيا!!!
الحياة الأجتماعية لقبيلة السكه حديد تحتاج الى ملفات ثقافيه وسياسيه فقد كانت (رمح) الوعى السياسى الباكر و(كميونة) القيادات الفاعله فى المجتمع وابن السكه حديد دائما متميز بفعل تلك الحقائق!!!طيب اجيكم من وين المساله معقده!!
تشرب جنجبيره ولا ليموناده ولا ممكن ناكل (كافيار) حسب (المنيو) القديم وتشرب (اوشندى) خليط البيره مع الصودا (الله اعلم) وتاكل وتشرب بنظام (السنتور)!!!(بس )اضغط الجرس!!
تتفرج على السيمافورات نفتح وتقفل وتيتسم للمحولجى وتتمنى ركوب الترولى و(الهيلاهوب)مع عمال الدريسه!!!بتعرف التابلون111؟
تستمتع بندوة الآربعاء (الشهيد عبدالخالق)فى نادى العمال وتاكل فول بالجرجبر والزبادى!!!
ممكن تاكل خبز فرنسى من المرطبات (الكاترنج) بتاع الحكومه ومربى انجليزى اصلى مع زبده طازه!!
وممكن تغسل وتكوى اليا فى المرطبات وتاخد تلج (فرش)!!!
ممكن الخدمات الأجتماعيه تؤسس بيتك من (الألف للياء) باقساط بسيطه وتاخد تذكره من الخرطوم للنمسا عبر قطار الشرق مجاننا!!!!وكذلك تصاريح (والقمره) نوم اولىوتانيه وللاولاد البخشوا الجامعه (خمسه جنيه) دعم!!! ممكن تترقى ويكون عندك( صالون)ولا اجمل للسفر اينما رغبت!!
| |
|
|
|
|
|
|
|
|
|
Re: سكة حديد (Re: kofi)
|
Quote: اول تجمع لقبيله سودانيه (متوحده) اجتماعيا وطبقيا!!!
|
تمام
شوف السرد القمت بيه ده يا كوفى .... حقيقة بيؤدى لمقصدنا من البوست
انه السكة حديد كانت واحدة من ادوات الثقافة
يعنى لمن 200 نفر كل واحد على اختلاف وضعه الاقتصادى والاجتماعى والثقافى والخ.. يكونوا فى عربات متصلةويتناولون طعامهم فى مقصورة واحدة
ده تبادل وتمازج ثقافى غريب وسريع وبسيط فى ذات الوقت
سلوك مختلف وإهتمامات متعددة تتقابل فى ذات المكان
قد يقضون اياما مع بعضهم
تخيلوا ذلك!!
بالتأكيد انه السكة حديد صورة بالغة التشكيل والتفاصيل فى المدنية والسلوك الانسانى ايضا.
سكة حديد
!!!!!!!!
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
يا عمرو ..
ح أقعد معاك تاني ؟؟
الله كريم غايتو .
شكراً على النهب المسلح للأشواق الكبيتو هنا ده ..
و المغسة الحنضل على تذكيرنا بأننا شعب مسروق و مطاطي ..
و طيبين كده و هُُبُل ..
كتر خيرك .
......
" بابكر ود النعمة " كان العطشقي .. و أبوي السواق ..
أصر أمشي مع أبوي لما ما يكون عندو سفرية , محطة الخرطوم كانت عالم كبير – لقيتها تقزمت كلما أكبر انا – و يفكني أبوي مع " ود النعمة " , النطيط فوق أسلاك القضبان و الفلنكات , و صوت الصفافير و ضربة إشتباك العربات ببعضها و برج المحولجي و الرايات الدلاقين الجميلة , أركب كنت " صعلوق المحطة " في المناورات اليومية , من الورشة غرب كبري الحرية و حتى قصاد القيادة العامة و نرجع ..
ركبت مع عمال الدريسة في عربية الترولي الجرداء " دنقس فنقس " و كنت ( ولد عبدالله الدنقلاوي .. كبير السواقين ) فأنال الحظوة و التقدير , العربية الخلاقة الجميلة تلفريك أرضي كانت , و السكة حديد كانت عندي أجعص من " ديزني لاند " .
عالم فوار يا عمرو و دنيا مليانة بالناس و التفاصيل و الحكايات , متجددة كل يوم و كل دقيقة و مع كل صفارة و كل : كدردقش كدردقش كدردقش .
شربت الجنجبيرة في عربات البوفيه و المرطبات - الكانت العربية قبل الأخيرة .. و الاخيرات كانت عربية البوستة و الإستراحة - وسط أهلي الدناقلة و الحلفاويين الصفرجية الهناك , بأحزمة خضرا حول جلاليبهم تعرفت على فنون الإتيكيت الكانو بيتبارو فيها و كيفية تقديم الأكل و الشراب , و كتبت ليهم الجوابات لأهلهم و قريت ليهم جواباتهم .
دخلت عربات الدرجة الأولى و النوم و ذهلت من فخامتها العجيبة و كانها طالعة من فيلم سينمائي , الشبابيك المليانة بالركاب في الدرجة التالتة و التانية , المودعين و البنات السمحات الشالهم القطار و الدموع و المناديل , الأفندية و الموظفين الكبار و الضباط و الجنود المنقولين لحتات تانية و أسرهم , العمال و القفف المغطية و شنط الصفيح أم جوز و سواقين التاكسي في صيدهم اليومي لوجه إقليمي جديد .
" ود النعمة " كان ساكن بيت بغرف سقفها صاروخ و حيطانها مدورة , نفس النمط كان بيوحد كل بنايات السكة حديد في كل محطة أو سندة على امتداد القضيبين شمال البلد و شرقها و جنوبا و غربها . الناس موحدة و بتشبه بعضها حتى في أحلام باكر ببلد سيد و قادر و كبير و حلو . معجب كنت بالأوض الراسها زي القرقور و غطا فتيل الريحة الإسمو الصاروخ , حيطان الفلنكات الضخمة و ريحة زيوتها المخلوطة مع ريحة اللبلاب المعتت , البت نجوى و الشامة الكبيرة التحت عينها و هي بتلعب معانا سكج بكج . عوض بلال و أسامة مصطفى و ماجد و معاوية و عفاف و الخالة مريم و جدهم و كرسيهو القماش و قعدات العصرية و الشاي أب صفافير و العجلات و الألفة العجيبة بين شوارع البيوت الأوضا صواريخ .
تمثال الجندي المجهول المنحوت من حجر غريب بتفاصيل أدق من أنها تكون لتمثال , كأنه الملك ميداس لمسو و هو حي و حولو لحجر .. و تحتو كلام مكتوب كتير كنت أتمنى أعرف شنو هو , الحديقة السغيرة الحول النصب و توزيعات ورودا و عمك الجنايني الكل يوم قاعد جواها و ينضف و يقص و يواسي و يصلح , قبتين الجامعة في كلية الطب و معمل لي ستاك على اليمين و اليسار , شارع القصر النضيف و محروس ياللبخ و التلتوار و الورد , البوابة الكل سنة بتجدد بوهيتها لغاية ما اختفى الحديد تحت طبقات اللون الأخدر الحكومي التقيلة , طاقية الناظر الإنقليزية و بدلتو الكاكية النضيفة و مكوية و حزامها الفي وسط كرشو الكبيرة ,الكنبات الحجرية و التذكارات المكتوبة عليها و الأرصفة الإسمنتية العالية , قطر الديزل الكحلي و الخط الأصفر التخين من أولو لآخرو و الرقم المصبوب و مثبت في قدومو قدام و كشافتو الكبيرة في نص جبهتو زي عين الغول . مناديل العمال الصفرا الكبيرة بحواف حمرا .. بعضها طالع من جيوب الأبرول الخلفية الوسخانة و بعضها ملفوف بيهو الراس .
نهبوا ذاكرتنا يا عمرو .. الله لا يطرح فيهم البركة .
و من قبلها اتنهبت كل حاجة في هذه البلاد الطيب أهلها ..
إنتو .. نحنا قاعدين ليه ؟؟
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
Quote: اللهم اعد للسكة حديد سيرتها الاولى
وارفع عنا البلاء
والشقاء
والعناء
وأخسف بالعملاء
وشتتهم اشلاء |
آمين يا رب العالمين.
اخسف بالعملاء كلهم. وارفع عنا البلاء والشقاء
نرجع لموضوعنا..
نحلم بأن تكون التنمية القادمة من نصيب السكة حديد. الوسيلة الأرخص والأكثر أماناً.
| |
|
|
|
|
|
|
|
|
|
Re: سكة حديد (Re: فدوى الشريف)
|
سلام يا فدوى
طولنا منك
الحاصل...
السكة حديد لمن عملوها الخواجات ما ساكت..
ده الحل الوحيد لمليون ميل مربع
يعنى لازم تشق البلد بالقبل الأربع
شايف بعد اضراب العمال الأخير الإدارة قررت تنشيط خدمة السكك الحديدية
اتمنى ذلك أيضا
لكن العقلية لا تزال موجودة
يعنى عاملين شركات جوه السكة حديد عشان تقدم الخدمات للهيئة
وناسين،او متناسين، ان السكة حديد بتقدم خدمات لشعب كامل
فى الخدمات المختلفة...
النقل الاجتكاعية
الاقتصادية
حتى مناسبات الافراح.. كانت بتقدمها السكة حديدعن طريف المرطبات
وهى الادارة البتعمل على تقديم خدمات الاكل والمشروبات فى زمنها
ودى قصة تانية
سكة حديد
!!!!!!!!
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
| Quote: نحلم بأن تكون التنمية القادمة من نصيب السكة حديد. الوسيلة الأرخص والأكثر أماناً |
تكون شبكة قطارات سريعة تجعل من السودان مدينة صغيرة فى التواصل
بدل أعتمادهم على بصات ما مهيئين ليها طرق أساسا وكل يوم حوادث وموت
الله المستعان
مودتى
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
القطاطى
حدثنا عنهاعمار
ولكن
هى البارقة الأولى
دوما
تلفت الأنظار إليها من بعيد
أكثر ما يرمز للسكة حديد
الطين مكون أساسى فيها
من الأرض
تنبت..ألف زهرة
تهدى هذا الوطن خيرة أبنائه وبناته
تراها متراصة.. وسط الطريق
بين الصخور
والغابات
والصحراء.
نداء لكل من يمر بها
وهادى للطريق
سكة حديد
!!!!!!!!
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
المحولجى
أو قل .. عامل التحويلة
يضاهى رجل المرور
بل يفوقه براعة
وأهمية
حيث أنه الشخص الوحيد الذى يتحكم فى مسارات القطارات
يقوم بتحويل المسار
بضغطه على عصا التحويلة
تنفتح خطوط وتنغلق أخرى
ينقذ بذلك مئات البشر
فقضيب لبسكة حديد متوازى فى شكله
وعند تقاطعات الخطوط تجده هناك
المحولجى
يبين الطريق دونما ضجيج
ويعود قافلاً لأعلى السلم مودعا القطار الذى سلك ، بفضله، طريقه الصحيح
وكثيرا.. بل غالبا ما يكون صديقا لسائقى القطارات
يمرون به كلما سلكوا ذلكم الإتجاه
يتبارون فى تنفيذ مهامهم
والفوز بالسفر
ويبقى هو دوما... هناك
يؤمن لهم السلامة
سكة حديد
!!!!!!!!
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
سلامات ( شفت من غير مسميات )
أغنية زنقار فيها بيت بخاطب فيها القطار مُعاتباً بقول:
إنت جوفك بياكل اللهيب
وأنا جوفى ماكلو اللهيب
حدثنا بالله عن المثلث.
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
.
Quote:
الوحش قطارات البخار كانت تجسيداً للقوة المحضة Brute Force، في حين كان قطار الديزل يبدو لنا ـ وما زال ـ وكأنه ينزلق بارتياح وانسياب ناعم على القضبان الحديدية:
القاطرة البخارية كائن حي؛ تراها عياناً بياناً أمامك وهي "تتنفس" و"تشهق" و"تزفر" و"تلهث" و"تكد" و"تجهد" و"تتصبب" لتغز سيرها.
كانت الانطلاقة غالباً ما تستهوينا كأطفال تمحورت حيواتهم حول محطات السكة حديد في الدامر وعطبرة وبربر. تبدأ قاطرة البخار مسيرتها بداية متعثرة .. تتفلت العجلات الحديدية الضخمة وتنزلق على القضبان اللزجة في دوران سريع متلاحق محدثة ضجيجاَ عالياً ثم ما تلبث وأن تعود لتحكم من قبضتها على القضبان. عمود الكرنك يُدفع ويَدفع العجلات أمام ناظريك بعناء ومشقة واضحين ثم تتزايد سرعته قليلاً قليلاً فتبدأ القاطرة التحرك بتثاقل ساحبة العربات من خلفها وتبتعد.
.
في إحدى الرحلات لبورتسودان كان السائق إبن عمتي ـ "الزين عبدالله" ـ ودعاني لمصاحبته لبعض الوقت في "قمرة القيادة"؛ ولك أن تتصور أثر تلك التجربة على طالب صغير بالمرحلة الوسطى كان مبتغى حلمه أن يصبح سائق قاطرة في مستقبل أيامه ـ أو بالعدم سائق لوري.
كانت القاطرة البخارية من طراز NBL 4-8-2 وكانت تعرف "بالخمسمية" نسبة لسلسلة الأرقام المميزة لها .. اشتهرت كذلك بمسمى "زروق" بحكم أنه تم استيرادها حينما كان المرحوم مبارك زروق وزيراً للمواصلات كما أن لونها كان يميل للأزرق الداكن. تميزت "زروق" عن القاطرات البخارية الأخرى العاملة في ذلك الحين بحجمها الأضخم وبأربعة عجلات كبيرة ثم العديد من العجلات الصغيرة الأخرى على كل جانب منها، وكانت رمزاً للقوة والجبروت في وقتها، وعملت على خطي الخرطوم ـ عطبرة لكثافة وسرعة الحركة فيه ثم عطبرة ـ بورتسودان نظراً لمتطلباته القاسية:
غادرت القاطرة الجبارة عطبرة مع مغيب الشمس ساحبة خلفها عربتي "الزوادة" ـ الفحم والمياه ـ الملحقتان بها، ثم صالون السائقين فعربات الركاب المتدرجة من النوم ـ بعرسانها الذاهبين لأركويت ـ فعربة البوفيه فالدرجات الأولى للرابعة وبعض من عربات البضائع ثم عربة الفرملة؛ لتنعطف مباشرة وتيمم شطر الشرق وتسارع موغلة عبر السهل الممتد من وراء عطبرة ثم تشرع لاحقاً مُصٌعِدة نحو جبال البحر الأحمر.
في "قمرة القيادة" جلست أنا على مقعد في الخلف، ووسط الضوء المنبعث من المصباح الشاحب المهتز والوهج الذي يتخلل ثنايا غطاء الفرن بدا لي "الزين" والعطشجي المصاحب له كأبطال الأساطير وهما يقومان على أمر الوحش ـ يلقمان جوفه المضطرم ناراً بعلف الفحم المحمول على ظهره وهو يزداد شراهة وينادي بأن هل من مزيد .. بالمقابل كانا يطوعانه ويتحكمان فيه، يسحبان على مقابض ويدفعان بمخانق ليستحثانه المسير، والمارد الفولاذي يهدر ويرتج وينفث وينهب، ساحباً بقوته الجبارة رتل العربات المرصوصة خلفه ...
"دمدمة" المحرك، "زمزمة" اللهب، أزيز المراجل، ثم "هسيس" تنفيس البخار؛ .. صرير الحلقات والسلاسل المعدنية الرابطة بين القاطرة وعربة الفحم والعربات المقطورة إلى الوراء وهي تصطدم وتصطك ببعضها .. صليل العجلات الحديدية في جدلها الأبدي الصاخب مع القضبان وطَرِقاتها الرتيبة فوق الفجوات "وطرقعاتها" المدوية على الجسور والقناطر الحديدية المقامة عبر الأودية والشعاب ... تآلفت لتمزق هدأة الصحراء ويطغى رجعها كالهزيم في ذلك الليل البهيم.
رائحة الدخان والفحم والزيوت والبخار والعرق تغمر الحيز الضيق الذي تواجدنا عليه؛ .. انعكاس الضوء الكاشف المرمي أماماً على القضبان، ووميض أضواء "القمرة" المعتمة على "الفلنكات" وهي تمر مسرعة من تحت الفجوة الفاصلة بين القاطرة وعربة الفحم .. كلها تكاتفت لتعطي عبقاً وصورة لا تنسي للحظة المكان والزمان تلك.
أسرتني التجربة تماماً ـ القوة الفجة والأصوات والروائح ـ فعدت للحاق بهما صباحاً والوحش يستجمع أنفاسه مستكيناً في "صَـمِتْ" بعد أن بلغ القمة وهما يعدان "كفتيرة" الشاي من مرجله، وبقيت معهما وهو يكر منحدراً من بين الجبال، ماراً بسنكات ثم "أستربة" ـ كجلمود صخر حطه السيل من علٍ، وهما يكبحان جماحه ـ عبثاً ـ ويلجمانه بين الفينة والأخرى "بقرصة" الفرامل وتنفيس "الباكم"؛ وقطعان السوائم من الإبل والأغنام تتقافز يمنة ويسرة جافلةً فزعاً من مسار المارد المنقض، ثم يستوي أخيراً على الشريط الفاصل بين الجبال والبحر معلناً عن وصوله بصافراته المتحشرجة المبحوحة.
.
الآن ... "زروق" في مقبرة الديناصورات بعطبرة:
.
|
.
من المدونة؛
.
(عدل بواسطة عبدالمحمود محمد عبدالرحمن on 02-24-2008, 11:42 AM)
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
سلامة ذاكرتك أخى عمرو ......
المثلث عادة يتواجد فى نهاية المحطات الكبيرة والغرض منه ( إستعدال ) وجهة القطر وخاصة قطر البخار لأنه يتجه إلى الأمام فيأتى للضلع الأيمن من المثلث حتى نهايته ثم يرجع بالخلف فى الضلع الذى على يساره حتى النهاية وعندها تكون مقدمته قد (استعدلت ) من الناحية المعاكسة ..... ارجع بالذاكرة لأنوأهم شيئ عند المناورة ......وعادة يكون فى نهاية المحطة.
سؤال اليوم:
هل تعرف التابلت؟؟؟؟
وهل دفعك الفضوليوماًلمعرفة ماذا يُوجد داخل التابلت؟
أستعين بصديق
معزتى
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
سكة حديد
الحركة النقابية
بدأت بكريات القرن الماضى بعطبرة
وكانوا الطليعة
السلسة الإدارية والهيكلية جعلت منهم قيادات
كذلك تفرقهم على اصقاع السودان أكسبتهم تلك المهارة
ووقوف قياداتهم على تلك الأوضاع والتى ما تتصف فى الغالب بالشدة
طفرت بالبلاد مشروعات ضخمة
السكر
الجزيرة وغيرهما الكثير الكثير
وبطبيعة الحال، فإن تجوال عمال السكة حديد على المناطق المختلفة وإحتكاكهم بتلك الفئات العمالية خلقت القدرة على التفاعل بداخلهم
فكان اتحاد عمال السودان فيما بعد تطور طبيعى لذلك
وتنادت القطاعات العمالية المختلفة به
فتولى قيادات عمال السكة حديد زمام الأمر، والقيادة.
سكة حديد
!!!!!!!!
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
الأخ / عمرو تحية طيبة
معليش قدرنا نشتت جهودك فى اسئلة بدون جوائز ...... الصورة الأخيرة لمسامير يتم ربطها لتثبيت الفلنكات من الجهتين بخط السكة الحديد وهى مهمة يقوم بها أفراد " الدريسة" يومياً بتفقد الخط الحديدى وتغيير الفلنكات والمسامير المهترئة حتى لا " يطلع" قطر من الخط.
شكرى وتقديرى
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
الأخ/ عمرو كمال تحيةطيبة
الشغلانة الظاهرة هى " مطية " عمال الدريسة إلى عملهم ويتم قيادتها بواسطة أربعة أشخاص متقابلين وسرعتها تعتمد على قوة الضغط على الجانبين فهى تتحرك على قضبان السكة الحديد.
الجزء الظاهر مع العمود الصغير الأمامى ( يمين) هو مكان جلوس رئيسهم ويُستعمل العمود للفرامل فعند وصولهم لموقع العمل يقومون بإنزالها من خط السكة الحديد بكل سهولة وإعادتها بعد نزع الأعلام الحمراء التى يضعونها إشارة لقيامهم بأعمال الصيانة لتمهل قائدى القطارات وتوقفهم قبل المواصلة.....
بالمناسبة أكثر ناس يجيدون لعب الدومينو هم عمال الدريسة فهم يحسبون اللعب فى كل جولة بدءاً منه وحتى ما يضعه الأخير على يمينه حيث يكون جاهزا للعب .....
إجتهدت فى قراءة إسم المحطة المكتوب باللغتين العربية وغلإنجليزية وأرجح أنه ( المسيد )
شفت الإستعانة بصديق بتنفع كيف.....
| |
|
|
|
|
|
|
|
|
|
Re: سكة حديد (Re: محمد الكاب)
|
محمد
يا حبيب
تسطيح للدين..
عندى واحد صاحبى محامى من اولاد عطبرة
بيحكى لى انه طول ما كان بيقرا الجامعة بجئ وبرجع لاهله مسطح...
باقى ليك الهواء ده ما بيكون طير القراية من راسه؟؟
| |
|
|
|
|
|
|
|
|
|
Re: سكة حديد (Re: أبوبكر أبوالقاسم)
|
عزيزى ابوبكر
دى اجمل جايزة..
و شايف معاوية زاغ!!
دى صورة للمحطة فى المسيد
احكى لينا قصة المطية دى مع ابو داؤد
اكيد عارفها
لكن عندها اسم تانى برضو بين العمال ما متذكره حسه،،
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
الأخ / عمرو كمال ، تحياتى ....
حبيت أخت ليك الترام ، وأحلم بأن نرجع 40 سنه لوراء ،
ونركب الترام من ، وبعدما ننزل ، نغنى مع خليل فرح رائعته
((ما هو عارف قدمه المفارق ))
قدله يا مولاى حافى حالق
بالطريق الشاقيه الترام
| |
|
|
|
|
|
|
|
|
|
Re: سكة حديد (Re: عمرو كمال ابراهيم)
|
البوست ماشى فى مسار رائع بس يا بشير
40 سنة لوراء دا حلم صعب خلاص.. كدى حاول أحلم بالعكس
يا عمرو نزلهم واحدة واحدة ما مشكلة بس جيب لينا أول بتاعة السيول دى... حكاية والله
مودتى
سماح
| |
|
|
|
|
|
|
| |
عمرو كمال ابراهيم
عمار عبدالله عبدالرحمن
محمد سنى دفع الله
إسماعيل حميم
محمد الامين محمد
العوض المسلمي
أبوبكر أبوالقاسم
ناذر محمد الخليفة
sama7
Emad Abdulla
فدوى الشريف
Safia Mohamed
bamseka
Moawia Mohammed
محمد الكاب
بشير حسـن بشـير
فيس بوك
تويتر
انستقرام
يوتيوب
بنتيريست