دعواتكم لزميلنا المفكر د.الباقر العفيف بالشفاء العاجل
|
|
 لكن ما بالغت يا الحبيب الإمام !!!
|
..
.
فى بعض من التواصل الإجتماعى بهذا البلد الجميل ؛ تلقيت دعوة أمس الاول لحضور مناسبة احد المعارف – آل منور/ عكاشة
وذلك لحفل زواج كريمتهم ..
وبإتفاق مسبق قمت بالتعريج على احد الاصدقاء المشتركين وحرمه لنذهب معاً الى المناسبة..
ودلفنا الى موقع الحفل
بالملازمين وحيث يقام مهرجان الزفاف ..
لفت نظرى حجم خيمة العرس وتأنقها وتنظيمها وتنسيقها .. والحركة الدؤبه لاستقبال الضيوف واكرامهم ..
واستقبلتنا فرقة من البجا او الهدندوة فانا لا اعرف الفرق فى رقصاتهم الشعبية
وكانت الفرقة تقدم عرضاً فى رقصة الشرق شعبية المعروفة بالسيوف مصحوبة بغناء فنان و بضع من حسناوات الشرق ..
وفجاة بدأت المح وجوه مالوفه من آل البيت فذلك مبارك الفاضل وهناك - مين كدا -الترابي وهذا بشري ..
لاكتشف بأننى – بره الشبكة – وأن العريس هو محمد احمد نجل _ سيد الامه وامامهم – الصادق المهدى !!!!
تعجبت لعدم اهتمامى وعزيت السبب لظروف سفري تزامنت ومراسم الزواج ..
وربما لبعض المشغوليات التى نعيشها هنا .. او قناعات بعدم متابعة الفارغة المهم السترة وليس أبن من او نجل من !!
وخلال هذا العرض الذى شمل حضور أنيق من جانبنا – اهل العروس -
وحضور مكثف من جانبهم مع شخصيات الجبب الأنصارية .. لم يقطعه الا حضور اجمل وهو تقدم عروسنا فى ثوبها الابيض الانيق
واقول ثوبها وليس فستان زفافها وكان نوع من الابداع لا يقل عنه اناقة العريس محمد احمد فى الزى الانصاري المميز وعمامه تشابه عمامه اباه – ومن شابه اباه فما ظلم -
واستمرت الفرقة الشعبية الشرقاوية فى ادائها الذى بدأ من الساعة اثامنة وحتى العاشرة ؛
تخلله تركيز الحضور من ابناء الشرق ومحبي التراث وكبار السن ..
مع ممل ظاهر من الشباب والشابات من العصر الحديث وهم بأنتظار فنان – يرب – ليهم الحفلة بدلاً عن –التنطط -
وكلمات لم يفهموا منها شيئاً وليس لهم الإستعداد أن يضيعوا زمناً فى فهمها
زمن يستحقه شريط لاليسا او نانسي او مصطفى قمر...
يتبع ..
____________________
حتى نصل لمبالغة الامام لابد من مصداقية السرد
|
|
 
|
|
|
|
|
|
|
 Re: لكن ما بالغت يا الحبيب الإمام !!! (Re: jini)
|
..
.
Quote: الجلابية جناح أم جكو والعمة ام عزبا والحربة ماركة ابا!
التميز كيف كان ما كدة!
|
عزيزنا ابو الجنون
منوًر الحفلة 
مع احترامى لشرحك بس الوجيه ما كان لابس جلابية
جناح ام جكو - دا زى سودانى - كان لابس ( على الله ) ..
_____________________
يبدو ان هذا سيمتلئ بالاصدقاء ..
الحفلة والله كانت ( متمسحة )*
متمسحه مصطلح جامعى زقازيقي يدل على الأمتلاء بكل شئ ..
وكل شئ مفتوح لخيال المتخيل ..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
..
.
Quote: قبال تواصل ورينا المقصود بالزي الأنصاري المميز؛
فقد صعب على تخيل الزي المقصود؟!! |
يا - حبيب - ياخى زيهم دى الجلابية فى نص الساق دى التقول فيها
صليب من وراء معاها السروال واسمها ( على الله ) مع العمه ( العزبا )
معقولة انت ماعارفها !!
ولا افتكرتو الزى السوداني الجلابية وعشان تزنقنى هنا
اها كدا اتخيلتو ..
الانصار حيجوا يرشحوا اكتر واخص د. والى الدين
الباقيين حيجوا ناس شكل بس صبرك على .. اعمل ساتر
__________________
ما بتبارك لى مالى مش قلت ليك انا تابع للعروس
ولا هم اهلك برضو !!
اعتقد ذلك ..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: محمد عبدالرحمن)
|
..
.
Quote: لو اى زول بمشى عرس بجى يفتح بوست منبر بكرى
دا كان لحق (امات طه ) ..على العموم بختك (اتمليت)
|
يا محمد عبدالرحمن
منبر بكرى دا انحنا عاجننو وخابزنوا من 7 سنوات
وما بموت لانو انحنا بنعتبر الدم البجرى فى عرقوه عشان يديهو الإستمرارية
بعدين تعال منو القال البوست بخصوص العرس
ياخى قلنا بمناسبة مبالغة الامام !!
انتو حسي يا ناس على الله عرفتو الامام بالغ كيف !!
____________________
وجوه النصار السمحة دى غايتو بتعرفوها براكم
انا البعرفو البنات السمحات كلهن مشن بسبب مبالغة الامام
والسبب الامام ..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: محمد عادل)
|
Quote: مع احترامى لشرحك بس الوجيه ما كان لابس جلابية
جناح ام جكو - دا زى سودانى - كان لابس ( على الله ) ..
|
رزق اليوم باليوم!
اللبس على الله!
والحكم على الله!
عشان كدة مركبنا ما عندها دفة !
محل ترسى تمسى!
جنى
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: A.Razek Althalib)
|
..
.
ابوذرقة
ياخى مشتاقين
انا ما قلت ...
Quote: فى بعض من التواصل الإجتماعى بهذا البلد الجميل ؛
تلقيت دعوة أمس الاول لحضور مناسبة احد المعارف – آل منور/ عكاشة
وذلك لحفل زواج كريمتهم .. |
____________________
ياخى انا ما كنت وزير الوزراء كانوا يطاقشوا
آل الترابي والاخوان والحبايب ومبارك الفاضل حتى قاسم بدري
عرسي دا خليهو انا برت عديل ..
دومه قالت لى شروطك صعبة ..
يمكن القاها فى آل البيت ..
جايز
كل شئ جايز !!
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
..
.
يا محمد عادل
ما انا مخصوص قلت سيد الامه وامامهم
عشان نترك ليك مساحة للتحرك انت وبقية الاحباب ** ..
+++
** لقد مللت من كلمة يا حبيب فى ذاك اليوم
مثل مللى من كلمة جزاك الله خيرا طوال 17 عاماً
_________________________
والله بصورتكم دى ..
الامام ما حيكون بالغ ولا حاجة ..
والبوست يروح شمار فى مرقة
كما راح فستان انيق وجمال سودانى لم يجد مساحة فى العرس
بسبب مبالغة الامام ..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
والله ياتبلدينا سيد الامة وامام الانصار
شاء من شاء وابى من ابى ياحبييب
وماله كلمة ياحبيب اصبحت مملى ولاشنو
وحسة ياتبلدينا كان فى داعى تفتح ليك بوست تتكلم فيهو عن عرس
والله دا مافى انسان سبقك عليها
حسه عرس بنت سيد احمد المهدى ليه ماعملت ليهو بوست
| |
|
|
|
|
|
|
|
|
 Re: لكن ما بالغت يا الحبيب الإمام !!! (Re: Tabaldina)
|
| Quote: حسه عرس بنت سيد احمد المهدى ليه ماعملت ليهو بوست |
ماعارف يا محمد أن ال(حبيب) تبلدينا دة تخصص سيد الصادق؟؟..دي ما الريدة الفايتة الحد وحات نظري تبلدينا بيريد الإمام و الأمة بس ريدتو متشكلة ليهو في شكل كجنة
وجني شرحو
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: lana mahdi)
|
..
.
Quote: مالو بنات الانصار ياتبلدينا
لحدى هنا فلستوب
اوكى
بنات الانصار اشرف بنات فى السودان |
حسي دا ما المشاكل !!
عليكم الله انا جبت سيرة بنات الأنصار!!؟
مالكم دايرين تطلعو لينا حرابكم الذهبية - زى الكانت فى الكوشة بتاعت العرس دى -
ثانياً رغم قناعتى انو السودان والسودانيين فقدوا الكثير من
الكبرياء والاخلاقيات والعادات والتقاليد والبتصب فى بوتقه اسمها ( الشرف )
لكن ما اعتقد دا يحجر حقي فى التحدث عن مبالغة الامام ..
الدايرين تبلعونى ليها قبال ما اقولها
ثالثا انا بنحدر من اسرة انصارية بالفطرة وبتعرفها الاميرة لناانا الوحيد - الكلمة الشاذة -
والسبب مبالغات آل البيت واخص حبيبك الاولانى - فلانى الفلانى -
الحبية لنا
انت فهمت كلام جنى كويس!!؟
زولا اناالفهمى تقل
وريدتى دى سببها المبالغات الزى الحصلت دى وبقت ( كجينة )
__________________
آها نقول ولا يفتح الله !!
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
..
.
اها النقول ..
الشمار طول ..
ومبالغة الإمام .....
بعد هذا التواجد الجميل للحبايبب واصهارهم واقاربهم وال العروس
والعرض الجميل من الفرقة الشعبية ..
فجاة وبدون مقدمات توقفت الفرقة .. وبدأت اسمع صوتاً يكاد يكون مألوفاً
فقد طال الزمن لم اسمعه فى المنابر السياسية ..
وارفع راسي لاقرب شاشة موزعه فى انحاء الخيمة لاري الحبيب الامام وهو يحمل نوته
واعتقد دفتر يوميات ويبدأ الحديث..
وكان ذلك فى تمام الساعة العاشرة تقريباً ..
وبدأ يتحدث
ويتحدث ..
ويتحدث ..
ويتحدث ..
لم يترك موضوعاً الا وتطرق اليه السودان من عهد كتشنر الى يومنا هذا
مجالات اخر سنعود اليها قبل انتهاء الحفل ..
_____________________
اهم شئ فى الحفل للحبايب كان خطبة الامام ..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
..
.
تطرق الامام فى خطبته - فى حفل الزفاف -
لكل موضوع يخطر على البال
ذكر مصطلحين لم اسمع بهم فى حياتى وهما
الشيفونية الرجاليه ..
واوضح ان الشيفونية الرجالية هى اضهاد الرجل للمراة وعدم احترامها
تحدث عن السميته .. والتى لم اسمع بها بل لم افهم معناها حتى انتهاء الخطبة
التى انتهت بانتهاء مراسم العرس والذى سبق ( الجرتق )
لم ينس الامام التحدث عن التراث السودانى ..
وعن الجلابية السودانية ..
وعن الحب .. والعشق ..
وعن ..
وعن ..
وعن ..
حتى دخل الملل الى النفوس ..
وصفحات النوته كأنها لا تنتهى ..
والحضور بين مستغرب .. ومستاء .. ومتضايق
عداالحبايب طبعاً
_________________
دينق جايك على بال ما الدكتورة تقصقص ليك حروفك
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
..
.
طالت خطبة الامام كثيراً ..
وبدا عدد من الحضور الانسحاب التكتيكى زرافات ووحدانا
خصوصا حسان الحفل ..
ومن البعد ارى العروس تهمس فى اذن الحبيب محمد احمد
واتخيل لسان حالها يقول :
معقولة بس البعملو ابوك دا !!؟
دا اكبر مهرجانلى فى حياتى وليلتى فرحى الوحيدة
ابوك يقضيها لينا نضمى ويخلى الناس تمشى !!
والحبيب محمد يرد قائلا - كمان اظن -
معليش اتحملى دا ما ابوى اسوى شنو انا
________________________
لولا المعرفة لكنت غادرت مع المغادرين
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
..
.
يا دينق انت صحى بقيت بتحب !!؟
مالك ما بتركز انا بتكلم عن الامام وخطبته العصماء
فى مناسبة زواج - زفاف -
لسه ما جبت سيرة العشرة صفحات فى المسجد بعد صلاة الجمعة وعقد القران ..
___________________________
خطبة المسجد دى براها كوم واكفهرار وجه السفير البريطانى والمصري ومصطفي
( والكلام على ذمه الراوى - ما انا دى براها
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
..
.
انتهت الخطبة ..
وارى امام محمد عادل ( مبارك الفاضل ) وهو يتململ
ويود ان يذهب للمنصه ليلقي خطبة مشابهه للاولى التى القائها الامام
لولا حديث قاسم بدرى الذى لا ينقطع .. مما لم يتيح المجال لمبارك بفرصة
مواتيه للتحدث
_____________________
بلاشك ان قاسم بدرى لم يكن يهتم بالخطبة بل باشياء اخر ..
يا دينق
ياخى ما تتشكال مع الدكتورة هنا ..
رأيك شنو فى مبالغة الامام ..
يا جماعة انتظروا الجرتق ما تمشوا !!
هذه لكم ولى قبل الساعة الثانية ليلاً ..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
..
.
جرت العادة فى كردفان وانحاء السودان ان يقوم بالجرتق ام وعمات وخالات العروس
ولكن يبدو أن لآل البيت تقليد مختلف ..
وهو ان يقوم الامام بالجرتق ..!!!
!!!
صراحة انا متعجب لهذا التقليد
وانتظرنا مكرهين الجرتق ولم اعلم ان الامام هو رأس الحربة
فى عملية الجرتق ..
__________________________
عليكم الله البشير كن عرض ولا رقص عديل
انتو بتعابوهو ليه !!؟
احسن ياتو الجرتقه ولا الرقيص ؟؟
مجرد سؤال ..
ولكنه اعتقد
سؤال ليس للإجابة
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
..
.
يا جماعة بالمناسبة
هبي ايستر على قول الخواجات ..
كان ليكم يا تمبس وابوالدفاع السعوديين
ما عندهم اجازة لشم النسيم ..
___________________
لنا ما تمشى بعيد بجيكم انصاص الليل بتوقيتا
عشان اوريك الكوشة كانت كيف مبالغة عديل وجدعة
بس ما بتحصل خطبة خالك .. الامام
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: عبدالمنعم خيرالله)
|
..
.
هيع الكلس تابع الانصار
ود خيرالله ؛
خبارك يا وليد ..
البركة من الله .. بركة الامام دى ما بتنزل على المساخيط زينا
ولكنها للرعايه امثالكم ..
كلامى غلط ولا - فونقة - امامكم
ياخى دا فرح وبالمناسبة دا ما خاص دا عام وللعامه والماره والضيوف
حقنا زى ما هو حقكم وحق المدعويين والمشاركين والجيران والعابرين ..
بعدين ياخى
دا الزفاف كان فى بيتنا نحن - اهل العروس -
مش فى بيتكم .. يوم القيدومه الجاب ليها الغناية
ويوم حنتكم المهججه للطيش - حسب الرواة -
كان ينضم للصباح لكن فى الزفاف - حقنا -يكرهنا الحفلة
فنانا الجايبنو قبض قريشاتو وشتت ..
بخصو امجكو .. اتفقنا انها تقليد ارتبط بالانصاري بس الحبيب محمد احمد
كان لابس - على الله -زى لبسه ابوها فى الصورة الختاها محمد عادل دى - طبق الاصل -
ومن شابه اباه فما شنــــووووووو..
Quote: وحاول تضبط الفاظك وتتحكم فيها وتحترم عقول الناس القدامك ديل
وما تحاول تتشتح فيما ليس لك به علم ولينا عودة |
انا بعتبر دا مدح بما يشبه الذم
لانو دا الحصل من الامام
اعمل شنو يا ود خيرالله
من تأثير خطبة الامام
والله ما ضبط نفسو ولا احترم الناس الجايه تحتفل القدامو ولا المراه
الرفض ( الشيفونية ) ضدها ..
ياخى الامام دا عارف النسوان والبنات ديل فى المناسبات
بطلعووا اجمل ثوب حرير واخطر تسريحة واحلى ابتسامة
المهرجانات الزى دى بتقوى الترابط وتخلق الوئام وتصنع التوائمة - احاول الاقتباس هنا -
يمين دا كلو راح فى الخطبة .. بوين
ولو كنت سجلت ليك الجزئية بتاعت الخطبة عن الحب والعشق والملاطفة
والله تقول الامام دا زاتو سليل امرء القيس ..
____________
هذه بعض من اراجيفي
وما تشيل هـَم ..
انا والضيوف الكرام صبرنا ساعتين لخطبة الامام
لمن السطرين بتاعينك ديل ..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
تبلدينا مرحب بيك
هلا..هلا بالحيل انا تابع وعندى مؤسسة بتلمنى
لكن الكلام والباقى عليك ..علا وبالصح كده انت بتتبع منو
وبعدين انت الامام ده حارق فشفاشك فهو مالك .
الشئ التانى اى بوست تفتحو يا تبلدينا لاوم يكونفيهو
غلطة وانا لمن صححت ليك ماهية الزى الانصارى مش لانو الحبيب
محمد كان لابس على الله ,لكن صححتها ليك لانك استبعدت ان تكون جناح امجكو
زى انصارى ,وقبل كده برضو فى بوست تانى حاولت تتشتح فيما ليس لك به من علم
وقام خالد عويس اداك طقة فى راسك ووضح ليك الصاح شنو لمن اتكلمت عن النمتى وقمت عرفتو
بى تعريف الهيموقال ليك ده اسمو الهيم النمتى ده حاجة تانيةوياود المدينة ,شفت يا تبلدينا انت قاعد
تتعلم من الانصار ديل حتى فى حياتك العامة,
And for sure u hve learned alot from Mr Almahdi speech
وانا بصر انك اتعلمت من خطبة ودالمهدى الكثير بدليل انك قلت الكلام القالوا كلووكقر من كده عرفت المصطلحات
والتعابير الجدبدة بالنسبة ليك,والدايير اقولو ليك انك تلميذ نبيه بتحفظ كويس احييك على نضافةالمخ لكنك اشتر
ما بتعرف توصل ما فهمتو بصورة مرتبة ومنظمة
والشئ التالت يا تبلدينا انت كلامك الكقير عن سيدى ده ريده ساكت,وزى ما قال سيدنا عمر بن الخطاب رضى الله عنه
(ان المرء اذا احب رجلا اكثر من ذكره)وانت لعمرى لمعجب بالحبيب الامام لكن ما عراف توصل ده كيف الله يكون فى عونك
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: يا دينق
ياخى ما تتشكال مع الدكتورة هنا ..
رأيك شنو فى مبالغة الامام .. |
تبلدينا.
الدكتورة مكسرة فيني وما لاقية طريقة. مطارداني من بوست الى بوست.
دايرة تموت وتعرف الحسناء الجميلة دي منو.
رأي في الصادق المهدي قلته له شخصيا, قبل حوالي 8 أعوام بندوة سياسية شهيرة بواشنطن.
طبعا الصادق المهدي لم يعجبه كلامي وزعل مني زعل شديد لغاية اليوم.
دينق.
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Deng)
|
Quote: الدكتورة مكسرة فيني وما لاقية طريقة. مطارداني من بوست الى بوست.
دايرة تموت وتعرف الحسناء الجميلة دي منو. |
انا عارفة يا ماي جكس بروم جنوف انه ما بلقى فيك فرصة مع حسناوات
البورد ذي ما قلت سابقا
الله ينعل ميتين شناتنا دي البتخلي دينق يزفتني كدا
رغم الكسيرة..اسع لو كنت حسناوة كان دينق البكاي دا
لا قال ظلامية ولا قال كوزة ولا قال اشمو قدحة..
Quote: يا دينق
ياخى ما تتشكال مع الدكتورة هنا |
دا تاني بوست ننطرد منه انا انا وماي جكس
انت يا تبلدينا زول عنصري شوفيني وضد النساء
تطرد دينق المن الجنوب وبيان المرأة
اصبر لينا عاد.. 
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: lana mahdi)
|
..
.
| Quote: الفرق شاسع يا صالح بين رقص الرئيس في وسيلة إعلام و بين جرتق السيد الصادق لولده.. |
... فى مناسبة ضمت ثلاث من اكبر الأسر الأمدرمانية ..
فى وسط جموع من الحضور والاهل والاغراب والمقربين ..
هذه التكملة الصحيحة للجملة يا أميرتى الحبيبة ..
انا بالجد ما كنت عارف عندكم التقليد دا !!
يعنى الشباب كلهم جرتقهم الإمام ..
والله عوجه .. - فى نظرى طبعاً -
____________________
غايتو التلفزيون كان على بعد خطوات انا ما عارف
كيف هذا الفلكلور يفوت عليهم بدون توثيق
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: انا عارفة يا ماي جكس بروم جنوف انه ما بلقى فيك فرصة مع حسناوات
البورد ذي ما قلت سابقا
الله ينعل ميتين شناتنا دي البتخلي دينق يزفتني كدا
رغم الكسيرة..اسع لو كنت حسناوة كان دينق البكاي دا
لا قال ظلامية ولا قال كوزة ولا قال اشمو قدحة.. |
بيان.
هسع متين دينق قال أنتي شينة؟
شايفا أنتي بتجيبي لروحك كيف؟
تبلدينا.
ياخي سيب الراجل في حالو.
الراجل فرحان بزواج أبنه وبس.
في ناس بتعبر عن فرحتها بالرقص و الطرب, في ناس بالكلام الكثير. وده حق طبيعي. يا تبلدينا.
دينق.
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Deng)
|
Quote: هسع متين دينق قال أنتي شينة؟
شايفا أنتي بتجيبي لروحك كيف؟ |
يا ابو كومش؟
دينق اليوماديك في بوست هشام هباني موش احرجتني وقلت لي
اخلي حسنوات البورد واعاين ليك الا اكون شارب عرقي عيش ولا عاضيني كلب؟
هووووووووووي يا دينق انت مسلف باسوردك لجنوبي ظريف تاني؟
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Deng)
|
.
Quote: تاريخ التسجيل: 12-02-2002
مجموع المشاركات: 3860 |
| Quote: منبر بكرى دا انحنا عاجننو وخابزنوا من 7 سنوات |
Quote: ياخى قلنا بمناسبة مبالغة الامام !!
انتو حسي يا ناس على الله عرفتو الامام بالغ كيف !! |
الف مبروك بيت مال وعيال للحبيب محمد احمد يغلبا بالمال وتغلبو بالعيال
لا ارى ان هنالك مبالغة زول وجرتق ولدو ووصاهو باكرام مرتو والاحسان اليها
ما اكرمهن الا كريم وما اهانهن الا لئيم
دكتورة بيان
دينق ده بحب اتنين واحدين
الامام الصادق المهدي
ودكتورة نجاة محمود
ربنا يديم المحبة
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: محمد حسن العمدة)
|
..
.
يا ود العمدة ؛
ياخى انت دايما جاى متأخر !!
مثلما إكتشافك الطريق لهذا المنبر فى بدايات 2004
بتعتبر عمر المنبر 5 سنوات ..
واعتبر انا من المبالغين كأمامكم وذلك حسب عمليتك الحسابية التى تود ايصالها للقارئ
ياخى اسال اساسي ولا اى زول تاريخ اشتراكو زينا الفطاحلة ديل
عشان تعرف المنبر دا ظهر للوجود متين وليه تاريخ قدامى المحاربين 2002
حيقول ليك بكرى ما قدر على الهكر لانو كان يادوب بفتش فى طرق الحماية
هاجموهم لمن اتخلع وودر الارشيف وضيع التواريخ
والامام ما قصر غايتو فى سرد قصص الوئام والمودة ..
الا ما وريتنى الكلمة التانية دى ليها علاقة بجناح ام جكو
ولا شنو لانو جاب سيرة الجلاليب وحاجات كتيرة .. شتت لى تركيزى ..
| Quote: لا ارى ان هنالك مبالغة زول وجرتق ولدو |
دى غايتو انحنا عندنا فيها كتل عديل من انصارنا البهناك
ما عارف بقدرة قادر بقت فى وسط آل البيت
شئ عادى من زولاً ما عادى ..
__________________________
مبروك مجدداً للعريس والعروس
انا متأكد بكون لسه بحنس فيها وبعتذر
لانو الحفل انتهى بإنتهاء خطبة الامام
وحسرة المدعويين ..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Deng)
|
..
.
Quote: تبلدينا.
ياخي سيب الراجل في حالو.
الراجل فرحان بزواج أبنه وبس.
في ناس بتعبر عن فرحتها بالرقص و الطرب, في ناس بالكلام الكثير. وده حق طبيعي. يا تبلدينا.
دينق. |
يا جورج ورينى اخليهو فى حالو كيف !!
ياخى فى الاسلام بنقول المسلم مرآة اخيه
وانا شايف كلامو دا ما صاح لا الخطبة ولا الجرتق !!
يعتبرنى زى ولدو ويسمع كلامى ويخلى الفارغة دى ..
جرتق شنو !!
ومال خالات العريس وعماتو البسدو عين الشمس ديل بسون فى شنو!!
والله انا شايف دا العيب الاكبر
بعدين مالو مطمم بطن بتنا العروس وكتلها بالمغصة فى شهر العسلي ..
ناس البشير .. ودكتورة بيان - حسب فهمى -
ديل حقهك فى التعبير مكفول باليديمقراطية المنبرية
مش الدكتاتورية بتاعت الخطبة الإجبارية
_________________
انت يا جورج قلت للامام شنو قبل 8 سنوات
فى لقاء واشنطن دى سي ..
عليك صورة مارتن كنغ دى تورينى
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Deng)
|
السلام اولا
يا دينق وبيان
الحاصل شنو
مسختو لزول البوست بتاعو
الناس بتتكلم فى الجلابية جناح امجكو
وفى عرس ود سيدى وال تبلدينا وانتو عاملينها
جكييس ساكت ,وكن ما اخاف الكضب انو خلطتكم دى
مرحلة من بوست تانى ,وياناس لو انتو متفقين خلونا
نعلنها خطوبة فى بوست خاص بهذا الحدث التاريخى
وربنا يتمم على خير والف مبروك
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: عبدالمنعم خيرالله)
|
Quote: السلام اولا
يا دينق وبيان
الحاصل شنو
مسختو لزول البوست بتاعو
الناس بتتكلم فى الجلابية جناح امجكو
وفى عرس ود سيدى وال تبلدينا وانتو عاملينها
جكييس ساكت ,وكن ما اخاف الكضب انو خلطتكم دى
مرحلة من بوست تانى ,وياناس لو انتو متفقين خلونا
نعلنها خطوبة فى بوست خاص بهذا الحدث التاريخى
وربنا يتمم على خير والف مبروك |
قول ما شاء الله
بس الزول دا جاي من الكنيسة وملين تسامح وكدا
اليوم قداس الاستر ويكون القسيس قال كلام
سمح عن الريزريكشن صاحبك دا خاف..
اسع "الرابوت" يمد العبابير ويضرب لي وسام يقوليه لا تصالح وقاطعوا قاطعوا
اطلع ظلامية وكوزة وخرمت الابرة..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: bayan)
|
Quote: قول ما شاء الله
بس الزول دا جاي من الكنيسة وملين تسامح وكدا
اليوم قداس الاستر ويكون القسيس قال كلام
سمح عن الريزريكشن صاحبك دا خاف..
اسع "الرابوت" يمد العبابير ويضرب لي وسام يقوليه لا تصالح وقاطعوا قاطعوا
اطلع ظلامية وكوزة وخرمت الابرة.. |
ما فى مشكلة يا دكتورة قلنا مبروك مقدما
وهسع بنقول ما شاء الله (وانتى فى زول حاسدك على مايكل جاكسون ده)
عموما هابى ايستر يا دينق والايستر الجاى نشوف كمية من الدينقات(جمع دينق) وكمية من البيانات(جمع بيان)
يتسربلون على هذا المنبر وساعتها نقول دينقاتنا وبياناتنا فلذات اكبادنا يمشون على الارض
وليكم المحبة
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: bayan)
|
Quote: قول ما شاء الله
بس الزول دا جاي من الكنيسة وملين تسامح وكدا
اليوم قداس الاستر ويكون القسيس قال كلام
سمح عن الريزريكشن صاحبك دا خاف.. |
لووووووووووووول يعني القصة كلها سكرة تسامح وقتية ؤبث
اليوم خمر وغدا امر انا قلت دين ده خلاص بقى من ثلة المتسامحين
بس انتي احفظي الكلام حقو ده عشان بكرة ما يغيرو وقت العبابير يكترو
و( الرابوتات ) يكترو
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: bayan)
|
Quote: فقد طال الزمن لم اسمعه فى المنابر السياسية ..
وارفع راسي لاقرب شاشة موزعه فى انحاء الخيمة لاري الحبيب الامام وهو يحمل نوته
واعتقد دفتر يوميات ويبدأ الحديث..
وكان ذلك فى تمام الساعة العاشرة تقريباً ..
وبدأ يتحدث
ويتحدث ..
ويتحدث ..
ويتحدث ..
لم يترك موضوعاً الا وتطرق اليه السودان من عهد كتشنر الى يومنا هذا |
هييييع عفيت منو لم فيكم اب دربكين!
قد للطيش! 1
تستاهلوا جيتو الحفلة بى اضنيكم ليه!
كان تخلوهن فى البيت!
مرضة الله يشفيهو!
اها الساوند سيستم والامبلفاير شغالات!
اكيد يكون جرب المايك بالحساب من واحد لى مية والواحد يتفرع الى ا و ب وج..........وهلمجرا
اللله يجعلها كفارة وفى ميزان حسناتكم
كلما اسمع المثل اسمع جعجعة ولا ارى طحنا يقفز الى ذهنى اسم ورسم الحبيب!
جنى
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: jini)
|
والله يا جني كلامك -أسمح لي- غير موضوعي أو مبرر
في عرس والدو حر يتكلم ما يتكلم
دي مناسبة خاصة و هو حـــــــــــــــــــــر
إن شا الله يتكلم لي بعد بكرة ولا أقول ليك؟لي السنة الجاية
!!
أها الشايفة مرضة غيرك ختاهو ضمن أحسن مئة مفكر في العالم..عقباااااااااااالك..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: jini)
|
..
.
والله يا اميرة؛
اظنك يادوب جمعت وعرفت جنى شايت ووين
بس حبيت اقول ليك دى ما مناسبة خاصة ..
انا مصر انها عامه وذنبنا شنو يتكلم لينا لوقت الجرتق
والله انا جاى اشوف واكشف يمكن القي لى انصارية كدا تخلينى اصم خشمى دا
Quote: الله يشفيهم ايضا!
اها والجائزة حقتوا كانت مايك!
جنى |
مايك براهو اهم حاجة الساوند سيستم
والله كمان يا جنى كان فى اكتر من 8 سماعات .. قد اضنينا قد ..
انتهت الخطبة
يمين الوليدات بتاعين الساوند جرورا جرى
فكفكو السماعات ..!!
ما خافو يغير رايو تانى ولا يجى خال العريس يقول داير فرصة
ولا مبارك يخمش المايك
______________________
المحيرنى غياب الخال الترابي نهائياً
مالم زعلان حبتين ولا حاجة
بسيطة بتصالحوا وبرجعوا يتبادلو المقاعد
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: lana mahdi)
|
الجرتق حضارتنا، ومهددة بالإنقراض. وواجب القادة التاريخى هو حماية الحضارة المهددة بالإنقراض.
انا أحيى الصادق المهدى فى دفاعه المستميت عن أزياء وعادات مهددة بكل ماهو غربى ووارد.
النضم الكتير دة اتخيل لى حالة نفسية!
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: تبارك شيخ الدين جبريل)
|
بغض النظر عن اتفاقنا او اختلافنا مع السيد الصادق المهدي وهو اخر رئيس وزراء شرعي لهذا البلد
الا انني اري من حقه ومن حق اسرته تماما التعبير عن مراسم افراحها بالطريقة التي تراها
وتراها هي (فقط) مناسبة ..وحتي وان كان السيد الصادق قد خاطب ذلك الحفل فحتما هي ترتيبات
اتفق عليها افراد تلكم الاسرة الكريمة..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: عبدالكريم الامين احمد)
|
| Quote: وهو اخر رئيس وزراء شرعي لهذا البلد |
فى
يعنى من الصرة للركبة وشنو؟
لأنو شكلك بتطعن فى شرعية "اتفاقية السلام" و"الدستور الإنتقالى" المصاحب ليها و "حكومة الوحدة" المشكلة وفق للإتفاقية! تكون أول من يطعن فى شرعية الإتفاقية!
وما بتوقع انك تكون الأخير. بل ما بندهش لو ظهر تحالف "لا سلام" جديد!
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: عبدالكريم الامين احمد)
|
Quote: وما تبع ذلك من تداعيات خيارات لم تصبغ (ببصمة) غالبية الشعب
علي اوراقها |
كأنك بتقول إنو دى طريقة الشرعية الوحيدة!
مدة الشعب السودانى دة يقدر يحافظ على رقعة السلام المتواضعة دى، ويضيف ليها رقاع تانية؛ إنت امشى اشترى لينا صناديق اقتراع (بتاعات البلاستيك الأمريكية الجديدة دى الدستة بى خمسة دولار Made in China) وخليها معاك لغاية ما نحتاج ليها!
فى المدة دى دايرين تبلدينا لو سمحت ظروفو، يحت لينا باقى الشمار!
عبدالكريم ماتاخد كلامى بشكل شخصى، كل العايز اقولوا إنو لو أزمتنا الحالية أزمة "صناديق اقتراع" كنا نكون على بعد ستة شهور من مجتمع الرفاهية!
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: عبدالكريم الامين احمد)
|
..
.
والله يا كيكى
انا قلت الخطبة كانت سلطة ..
اى شئ فيها..
عدا الباذنجان .. شفت باذنجان فى سلطة
اها سيرة الحكومة دى هى الباذنجان لونو اسود ومسيخ ومرات مَر
شنو قلبتو الحكاية اتفاقية اتفاقية سلام وشرعية دستورية
ركزوا لى فى الشيفونية الرجالية
الستيمه ولا شنو ما عارف !!
________________
| Quote: عذرا للتكرار يا تبلدينا.. |
ياخ انت ذوق ما عارف صحبي ملاسي شايلها معا ليه !!؟
بس كرر زى ما عايز انا اتحملت تكرار الامام
لمن تكرارك دا ..
مشرف .. يا اخو - الرفيق -
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: تبارك شيخ الدين جبريل)
|
| Quote: لأنو شكلك بتطعن فى شرعية "اتفاقية السلام" و"الدستور الإنتقالى" المصاحب ليها و "حكومة الوحدة" المشكلة وفق للإتفاقية! تكون أول من يطعن فى شرعية الإتفاقية! |
تبارك
من اين اكتسبت اتفاقية السلام ودستورها ونظامها الشمولي الشرعية ؟؟
منذا يمنح الشرعية ؟؟
الشعب فقط من يمنح الشرعية وليس من اتوا عبر فوهات البنادق
حتى النظام نفسه لم يكابر ويقول انها شرعية بل يتحدث دوما عن اتفاقية ثنائية
سؤال هل عرضت الاتفاقية على الشعب السوداني وصوت لها عبر استفتاء عام ؟؟
كل الشعوب المتمدينة وحكوماتها تفعل ذلك
الا حكومات الجنرالات فقط
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: محمد حسن العمدة)
|
شايفك ياتبلديناطعينت السيد مبارك امام
ياخى ارحم نفسك شوية
سيد مبارك لاعاوز يكون امام لاطامع فى الامامة
سيد مبارك زول سياسة ساكت
وغير كدة ياتبلدينا منو القال ليك الناس كانت زعلانة من العرس
انا ودعم العروس بعرو حق المعرفة اتصل بى تلفونيا وكان فى غاية الانبساط من الحصل فى العرس
وجميع اهل العروس كانو مبسوطيين شديد
انت زعلان مالك
حسه فى زمتك مبادى الانصار واخلاقنا تسمح لود الامام يعمل ليهو حفلة واجو ناس راجل المراءة وعوض دكام
اغنو ويحصل الاختلاط مابي الرجل والمراءة ودا كان سبب خلاف سيدى المهدى الله علية السلام
مع شيخو محمد شريف نور الدائم
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: محمد عادل)
|
..
.
لمن سيدك مبارك ما طامع فى امامه
مالو شق الصف !!
عشان خاطر شنو يعنى !!
بعدين انت مالك بتهلوس ..
ولا آها رجعت الحظيرة مع رجوع سيدك مبارك الفاضل
وانا اقول ليه الزول دا خاتى صورة حبيبو الامام الصادق ..
والله لكن فروض الولاء والطاعة ما عندكم !!
Quote: انا ودعم العروس بعرو حق المعرفة اتصل بى تلفونيا وكان فى غاية الانبساط من الحصل فى العرس
وجميع اهل العروس كانو مبسوطيين شديد |
غايتو يا محمد اما انت كداب او ود عمها الانا ما عرفتو دا
يكون فوق الخمسين عاماً .. وعجبتو ام جكوات الملت الساحة
Quote: حسه فى زمتك مبادى الانصار واخلاقنا تسمح لود الامام يعمل ليهو حفلة واجو ناس راجل المراءة وعوض دكام
اغنو ويحصل الاختلاط مابي الرجل والمراءة ودا كان سبب خلاف سيدى المهدى الله علية السلام |
سمعت بالجا يكحلها عماها
اها انا والله ما كنت داير اجيب السيرة دى لكن براك دردقتنى
عليك الله اسال عن يوم الحنه كان كيف .. هجيج للسما
وصوت الغناية عبر النيل لمن الختمية والمرغنية وضواحى شمبات وتوتى
سمعو المزك ..
قال مبادئ قال ..
ولا تعليق عن الاختلاط ..
عشان ما اردد اغنية ندى القلعة
فهمونى غلط ..
____________________
عليك الله ارحم نفسك انت وحدد انت تابع لمبارك ولا الامام
ولا الزهاوى !!؟
عالم رايح ليها الدرب تحت سيطرة المؤتمر الوطنى ..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: لمن سيدك مبارك ما طامع فى امامه
مالو شق الصف !!
عشان خاطر شنو يعنى !!
بعدين انت مالك بتهلوس ..
ولا آها رجعت الحظيرة مع رجوع سيدك مبارك الفاضل
وانا اقول ليه الزول دا خاتى صورة حبيبو الامام الصادق ..
والله لكن فروض الولاء والطاعة ما عندكم !!
|
والله سيدى ماطامع فى الامامة ياحبيب
سيدى اراد بان يصلح الحال السياسى الحزبى ويجدد الدماء ليس الا
هناك فرق مابين امامة الانصار ورئاسة الحزب ياحبيب
ياحبيب كلنا فى الحظيرة الانصارية موجودين تبقت الحظيرة الحزبية وماهى الامسالت وقت حتى ترجع كل الامور الى نصابها ياحبيب
والله صورة الحبيب الامام افتخر بيها
Quote: غايتو يا محمد اما انت كداب او ود عمها الانا ما عرفتو دا
يكون فوق الخمسين عاماً .. وعجبتو ام جكوات الملت الساحة |
اسمو ياتبلدينا ازهرى عبدالقادر النو
عمرو 21سنة
Quote: عليك الله ارحم نفسك انت وحدد انت تابع لمبارك ولا الامام
ولا الزهاوى !!؟ |
عاش الصادق وعاش مبارك
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: محمد حسن العمدة)
|
Quote: مدة الشعب السودانى دة يقدر يحافظ على رقعة السلام المتواضعة دى، ويضيف ليها رقاع تانية؛ إنت امشى اشترى لينا صناديق اقتراع (بتاعات البلاستيك الأمريكية الجديدة دى الدستة بى خمسة دولار Made in China) وخليها معاك لغاية ما نحتاج ليها!
فى المدة دى دايرين تبلدينا لو سمحت ظروفو، يحت لينا باقى الشمار! |
انت عارف يا اخ تبارك
انت زول لذيذ شديد بس مشكلتك (شوية عدائية) ممزوجة بمرح
بتخلي الواحد (يضحك ويزعل ) في نفس الوقت..
واطمنك بانو الامر لن يكون شخصيا تماما هنا (رغم اكياس البلاستيك التي ستقد جيبي)..
لكن اطمنك بان اكياس البلاستيك ستكون جهد علي الارض
ستكون اسهام فكري
ستكون توعية بالديمقراطية
وقد تكون لنا صناديق سودانية مصنوعة من (خشب التيك) والقضيم والتبلدي ايضا..
لو تكاتف كل الذين لا يحبون الظلم لا يحبون اختزال واختصار الاخر..
لو تكاتف الذين يحبون الانسانية الصادقة..
حتي ذلك الموعد اتمني لك استمتاع جيد ومبارك يا تبارك عليك الشمار..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: محمد عادل)
|
..
.
Quote: ياتبارك انا موش قلت ليك ماتستعجل
حكلم ليك السيد الامام يجى اجرتتق يوم عرسك |
وشهد شاهد من اهلها ..
يعجبنى الاعتراف بالتقاليد المتبعة ..
________________
بعد ما تسمع كلام ناذر يا محمد عادل
عليك الله زح موبايل سودانى وتلاته وميه ديل
عشان اقراء الملف القدام امامكم دا مكتوب فيهو شنو ...
هام وخاص لللحبيب - على ما اظن -
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: محمد المختار الزيادى)
|
..
.
يا الزيادى ..
انا والله العرس عجبنى تَب
بس مبالغة الامام بيختو وكانت شترة
قلت الصورة مالها ..
لا تنشر الا بوضع شريط اسود على العيون
اها الاحتمال الاول تكون عيونى مطششة زى الشارب بتاع
والثانى تكون شينة ودى بتخش فى خلقة الله وخلقة الله ما بتتأبي
عشان كدا اصحابي البورداب المعاشرهم فى الخرطوم كلهم شينين
اوجهنا ملاسي ..
عشان الواحد يقدر يظهر معاهم ..
____________________________
ترسلها ولا نجى ..
بس ما فى داع هنا ستر للفضايح نحن داخلين عرس وعايز
اناسب الانصار ديل ..
يقول فصيح وكمان شين ودشن
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: وشهد شاهد من اهلها ..
يعجبنى الاعتراف بالتقاليد المتبعة ..
|
نعم ياتبلدينا هذة تقاليد متبعة عندنا النصار منذ زمن
وبعدين ياحبيب انا اعمامى جرتقهم سيد صادق
Quote: بعد ما تسمع كلام ناذر يا محمد عادل
عليك الله زح موبايل سودانى وتلاته وميه ديل
عشان اقراء الملف القدام امامكم دا مكتوب فيهو شنو ...
هام وخاص لللحبيب - على ما اظن
|
والله شايفك متابع صورة سيدى شديد والله ذى ماقالت الاميرة لنا
انك بتحب سيد صادق وماقادر تقوله بس
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: ناذر محمد الخليفة)
|
..
.
ناذر يا صديقى
شايفك دخلت الخيمة وما سلمت لى !!؟
والله مقالك يوم الجمعة كان جدعة .. دخلت قائمة المقاليين الكبار
اها انت وملاسي
وبكره انا بكتب لى تحقيق واتم الناقصة ..
__________________
والله كنت عايز اعمل ليك بوست تلميعى عديل
اشوف ناس كيكى ديل بقولو شنو!!
بس الاسكانر ابت تأسكر المقال ..
آها رأيك شنو فى مبالغة الإمام ..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
كتب ود العمدة
Quote: تبارك
من اين اكتسبت اتفاقية السلام ودستورها ونظامها الشمولي الشرعية ؟؟
منذا يمنح الشرعية ؟؟
الشعب فقط من يمنح الشرعية وليس من اتوا عبر فوهات البنادق |
..... ستجري أنتخابات بعد عاميين بموجب هذه الاتفاقية هل سيقاطعها
حزبك? طبعا ستقول أنك لن تشارك الا بضمانات دولية.....
وهذا كلام لايغير في حقيقة أن الانتخابات القادمة تأسست علي منصة نيفاشا
ونيفاشا نفسها جاءت بناء علي.ضمانات دولية وضغوط ...
.....ثم أن حزبك كان قد وقع مع النظام علي أتفاقات ثنائية في
سويسرا وجيبوتي وهي أتفاقات تمت بلا.ضمانات دولية ولم يتم بموجبها تعديل دستور أو قانون مما.سهل تجاوزها بواسطة الانقاذ علي الرغم من الامام
ضخم من مردود جيبوتي حيث زعم أنه ذهب لأصطياد أرنبا فصاد فيلا!!!
والشاهد في هذا أن نيفاشا هذه.هي من أكسب مشروعية هامش الحركة السياسية
والنشاط السياسي لمن أيدها أو.رفضها.....
أقول هذا مع تحفظي علي بعض بنود.نيفاشا وجيبوتي
كمال
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: kamalabas)
|
عبدالكريم:
آلية صنع القرار (وخصوصا التصويت) مهمة، ولاكن. ألا ترى معى انها ليست الأولوية القصوى لأمة تتأرجح بين نزيف الحروبات المحلية ومؤامرات العولمة والإمبريالية ومشروع حضارى محلى غير علمى بتاتا ويتعثر بين هذه وتلك وحاله: الإرتجال والحلول الآنية والإنعزال!
ألا بتوجب علينا (كسودانيين) أن نختار (من الخيارات الموجودة أصلا) خيارا تكون فيه فائدة لأكبر قطاع من الشعب، ونترك الأحلام التى تجعل منا فريسة سهلة للمفترسين (وهمو كثر).
محمد عادل:
ياريت الصادق المهدى يجرتقنى، كان ما عشان اكون جزء من نضالو فى الحفاظ على التراث؛ ساكت بس عشان يفرّح اهلى الأنصار فى عرس ولدم. لاكين انت مابتعرف تختار زمن مناسب عشان تعرض الفكرة!
مولع النيران وخازن الخيران: الخليفة نذيران....
ألف تحية، وما جبت سيرة الضفارة!
أمريكا....ناقشت رفع العقوبات بناءا على اعتراف بى شرعية حكومة الوحدة والإتفاقية وكان عندها تحفظات منذ توقيع الإتفاقية، وكذلك الأخ كمال عباس!
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: تبارك شيخ الدين جبريل)
|
Quote: محمد عادل:
ياريت الصادق المهدى يجرتقنى، كان ما عشان اكون جزء من نضالو فى الحفاظ على التراث؛ ساكت بس عشان يفرّح اهلى الأنصار فى عرس ولدم. لاكين انت مابتعرف تختار زمن مناسب عشان تعرض الفكرة!
|
تبارك ماعندك مشكلة العرسك التانى حنكلم الامام اجرتتقق
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: kamalabas)
|
ياتبلدينا ...
البيوت اسرار ياودالناس ...ناس دعوك لمناسبة خاصة تجى تشيل حالهم
هنا فى الاسافير المفتوحة للغاشى والماشى دى ..والله قصة دى ..ياخى الدين و
وحسن الخلق بنهو عن (كشف الحال ) العملتو دا ..المحيرنى انت اسى ماحاسى
بأنك اخطات فى انتهاك الخصوصية لاسرة سودانية بتحتفل بزواج احد ابنائها ...
ياودالناس الكلام دا والله عيب ....وبتحرج اهلك القلت هم نسابة الناس ديل
لانهم هم الدعوك للحفل دا ..وصدقنى لو فى محلهم تانى اصلو مابسوقك معاى محل ..
لاحول ولاقوة الا بالله ...دى حال شنو دى ...
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: محمد عبدالرحمن)
|
..
.
والله يا محمد عبدالرحمن
اول مره اعرف انو الاعراس فى بلد زى السودان - تعتبر عادة سرية -
اسرار شنو ..!!
وانتهاك خصوصية شنو !!
واحراج شنو البتتكلم عنو !!
يا زول انت طولت من السودان ولا ما عارف انو انحنا هنا الاعراس
موضوعاتها ومهرجاناتها وزوارها واحادييها وافراحها وحاضريها
هم اكثر تواجدا من هذا العالم الاسفيري ..
والله ما سمعت لى عرس عملوهو بالسر !!
ولا حتى الفنان كان فى السر .. ياخى الصحفيين بكتبو موضوعات من احاديث
دارت فى الاعراس ..
والله اهلى ديل يسوقنى جنس سواقه زعله ساى من الخطبة البيخت العرس
_______________________
دا حال البلد وحال النضمى
من الله خلقك سمعت بخطبة فى ليلة الدخلة
وخطبة ما عادية استمرت بالساعات ..
ياخى خطبة الميت ما بتكون زى العملو امامكم دا
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: ناذر محمد الخليفة)
|
يا خليفة انا طبعا منزعج من الاضافرين اكتر من انزعاجى من الموبايلات والنضارة والملف "هام وعاجل للحبيب الامام" وفردة المركوب فى الواطا وطقم البامبو التايلاندى (بدل عنقريب سودانى)
لاكين محمد عادل دة طبعا ارجل سودانى يمشى على الأرض وما بنقدر نقول لى حاجة!
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: وليد محمد المبارك)
|
..
.
| Quote: يعني فرتقتوا البوست |
عارف يا وليد ..
الخيوط الطلعت من البوست دا تفرتق بلد
شفت خيط الشرعية الدستورية بتاع كيكى وتبارك وكمال عباس دا
برضو الواحد بستفيد منو زى الفايدة من مصطلحى الامام فىالخطبة
________________________
بالمناسبة والله الخطبة فرتقت الحفلة ..
بس الحمدلله كنا عاقدين والله الا كان نشوف لينا شهود تانين لانو كانوا حيشتتوا
مش قلت ليك الحسان تململو وغادروا
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: شفت خيط الشرعية الدستورية بتاع كيكى وتبارك وكمال عباس دا
برضو الواحد بستفيد منو زى الفايدة من مصطلحى الامام فىالخطبة |
والله يا تبلدينا
تبارك ده ما عارفه مالو
غاب ليه شهرين
بقى بقول ليه في كلام كبااااار كبار زي حق اخوانه داك
يا الله يكون ناس تماضر ادوه كورسات مكثفة ؟؟
محل ما تقبل تلقى واحد منهم .. كرهونا البلي زاتو
ماسكين البورد على حسابهم التقول السيرفر بتاعه في الباطنيه
هاهاهاهاهاهاهاها
نتم ليك الفرتقه
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: وليد محمد المبارك)
|
..
.
Quote: بقى بقول ليه في كلام كبااااار كبار زي حق اخوانه داك
يا الله يكون ناس تماضر ادوه كورسات مكثفة ؟؟ |
تبارك كبر كلامو ..
وام البنية ما بفدر اجيب سيرتها عندى اخوى معجب ببتها
والظروف ما معروفة يمكن نبقي نسابه ولا حاجة .. ويجى تبارك
يبرانا فى العقد ..
بس تصدق كلمت اخوى قلت ليهو والله عندها خال اسمو هشام
لسانو اشتر عديل .. كن قعد مع الرجال يوم فتح الخشم
اهلك الانصار بلفو عممهم وبتخارجوا
____________________________
اسمعنى يكون بكرى اجرالسيرفر بالباطن لاولاد الشيخ ..
وفرتق البسوت دا للعشرات
انا عندى ايستر هوليدى قاعد ليكم صباحى ..
البوست محتاج اغنية هدندوة
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: بالمناسبة يا تبلدينا تقييمك السياسي للامام
عارفنوا لكن دي مناسبة تقيموا اجتماعيا هو و اسرته
انت ما تنتهز الفرصة دي بدل لفك و دورانك ده
لك ودي |
| Quote: اسمعنى يكون بكرى اجرالسيرفر بالباطن لاولاد الشيخ .. |
أها قومو طقوهم عين!
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: ناذر محمد الخليفة)
|
..
.
بالعودة للخطبة
التفت الى صديقي بعد ان رأيت جموع المغادرين
واخذ منى الملل ما اخذ وقلت قائلاَ
ياخى الصادق دا حيطول ساعة بتكلم .. احسن نمشى ننوم
قال ابسط يا عم كويس انك ما جيت صلاة الجمعة بعد العقد
والله يا تبلدى كان شايل ما لا يقل عن 10 صفحات ..
ورددت باندهاش : يا شيخ
وعقب : والله بالجد العجيب والغريب _ يا ملاسي -
انو دعو السفير المصري والبريطانى - طبعا بحكم التابعية والربوية ( دى من عندى )
ولم يسلموا من اساءات وتلميحات مباشرة وغير مباشرة ..
_____________________
Quote: وينا الضفارة ؟!! أنا شايف قدامي نضترة بس ؟!!
إنت قلت بتانية ولا بتارية ! |
قرقر قرقر قر @ ناذر
طيب ما شايف الكتب الفى الركن دى !!؟
ياخى والله الجلسة كانت فاقدكم ..
انا كنت متأكد حاسمع اجمل تعاليق
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: تبارك شيخ الدين جبريل)
|
..
.
| Quote: انا لسة مركز مع وسوسة العرسان! |
كدا تمام يا تباركـ
ركز هنا خليك من الخيوط الفرعية بتاعت الشرعية الدستورية دى ..
بس والله دا خيط واحد على بالحرام
الامام فى خطبته تناول ما لا يقل عن عشرات الخيوط ..
طبعاً العرسان بعد اول حوار ذو نفس حار فى حياتهم - حول اطاله الإمام -
( دا طبعاً حسب احساسي الداخلى عشان ما يقولونا كلام ساى )
قررت العروس تشتت بس الحبيب محمد حنكو كان سنين واقنعها تعقد ..
ولا اكون غلطان وكانت عايز تتمشى شوية !!
_____________________
طبعا العرسان كانو فى كوشة انيقة بفكرة رائعة من التراث والفلكلور الإنصارى
بجيب ليك صورة الكوشة فقط ..
بعد ما نشوف لبس العريس للجرتق كان كيف !!
غايتو يا الانصار انتو بدعة وابداع
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: تبارك شيخ الدين جبريل)
|
Quote: الانصار حيجوا يرشحوا اكتر واخص د. والى الدين
الباقيين حيجوا ناس شكل بس صبرك على .. اعمل ساتر |
الحبيب تبلدينا سلامات
بجيك بكرة
لكن زواج الحبيب محمد احمد...
كان سودانيا خالصا تم احياء كل تراثنا
الجميل فيه... و كل الاصيل فيه
و كان درسا بالغا لكل من حضر كل المراسم
اننا لسنا بحاجة الي بدلة و لبس افرنجي
و لسنا بحاجة الي زفة مصرية او سورية
كما هو حاصل الان... و لو انتهز الامام هذه الفرصة
ليبعد الناس عن السياسة و يذكرهم بارثهم السوداني الاصيل
ليفخروا به و ليعودوا اليه...
فانني اذكر الحبيب تبلدينا و كل الاحباب و بعيدا عن
السياسة و انتمائي فان السد الصادق المهدي و اسرته
يمثلون الاسرة السودانية الاصيلة التي لم تتلوث
و تتلون بالمستورد من زيف الحضارات فالتحية لهم
بالمناسبة يا تبلدينا تقييمك السياسي للامام
عارفنوا لكن دي مناسبة تقيموا اجتماعيا هو و اسرته
انت ما تنتهز الفرصة دي بدل لفك و دورانك ده
لك ودي
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Waly Eldin Elfakey)
|
..
.
ووين يا دوك
طبعا انت فى وعويس نظرى اوعى انصار فى المنبر ..
وعارفك ما بتقول كلام اشتر
والله انا اؤكد انو العرس كان قطعة فنية من الفلكلور والارث الثقافي
بس والله الخطبة دى مبالغة !!
يعنى الامام ينتهز فرصتين ما كفاية الخطبة بتاعت العقد
الامسيات دى للبهجة والفرح والهجيج ..
خلو البنات تهجج وتفرح وفساتين الحرير تقع وتانى تتربط ..
والخصل تتطاير وترجع للخلف وبحركة ابداعية مالكم كرهتوا الحرير الانسدال ..
Quote: و لو انتهز الامام هذه الفرصة
ليبعد الناس عن السياسة و يذكرهم بارثهم السوداني الاصيل
ليفخروا به و ليعودوا اليه... |
والله يا والى دا مش انتهزها
دا استثمرها على اكمل وجه ..
مالو بقي غياظ كدا زى الترابي ..
ينضموا زى الفاطين سطر فى مناسبة وبدون مناسبة ..
________________________
اخد لفتك وتعال انا قاعد منتظر
| |
|
|
|
|
|
|
| |
Hussein Mallasi
jini
محمد عادل
محمد عبدالرحمن
A.Razek Althalib
lana mahdi
Deng
bayan
عبدالمنعم خيرالله
تبارك شيخ الدين جبريل
عبدالكريم الامين احمد
محمد المختار الزيادى
ناذر محمد الخليفة
kamalabas
وليد محمد المبارك
يازولyazoalيازول
Waly Eldin Elfakey
فيس بوك
تويتر
انستقرام
يوتيوب
بنتيريست