بــــوســــــــتـــــات وكدايــــــــــــــــس

نعى اليم ...... سودانيز اون لاين دوت كم تحتسب الزميل عبد الله بولا فى رحمه الله
يا للفجيعة ............ عبدالله بولا
رحيل زميل المنبرالفنان التشكيلي عبدالله بولا له الرحمة
رحيل الإنسان الممتاز بولا فقد عظيم للوطن
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-12-2018, 09:14 AM الصفحة الرئيسية

مكتبة النصرى أمين(النصرى أمين & Elnasri Amin)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
19-03-2012, 05:42 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7054

للتواصل معنا

FaceBook
تويتر Twitter
YouTube


بــــوســــــــتـــــات وكدايــــــــــــــــس

    وانا سغير ..حوالى عشرة سنوات ..تحصلت على جوز ارانب ..
    لا ازكر بالضبط كيف تحصلت عليهم ..هل اشتريتهم؟ ام كانو هدية من
    احد افراد الاسرة ...
    المهم الارنبين ديل كانو تحت رعايتى....
    فى الليل كنت اخفيهم فى الضلفة السفلى من دولاب الهدوم وكانت هناك
    فتحة صغيرة للتهوية ......
    بعد فترة قصيرة تكاثر الجوز و تضاعف عدده ...

    الا ان بعض كدايس الحلة اكتشفوا الوجبة المجانية الدسمة التى يحصلون عليها
    يوميا ....

    كل يوم اكتشف ان الارانب الصغيرة تنقص عددا وارى بقايا صوف بجوار الدولاب ...
    راجعت فتحة التهوية عدة مرات وتاكدت انها اصغر من تسمح للكديس ان يدخل عبرها ....

    استمرت المعادلة الغريبة..
    الارانب تتوالد
    والكدايس تتعشى مجانى ....

    ازكر ان بلدية امدرمان اصدرت مرسوم بقتل كل الكدايس الضالة ..اظن انها
    عرضت 5 قروش (او ماشابه) مقابل راس كل كديس (ناس امدرمان القدام ممكن ياكدو
    او ينفو المعلومة دى )

    الكدايس فى النهاية انتصرت فى المعركة واكلت كل ارانبى الوديعة ......

    تلك الحادثة ولدت فينى كراهية مبالغة تجاه الكدايس ....

    بعدها بفترة قصيرة رايت كديسة كبيرة فى الزقاق الذى يفصل بيتنا وبيت عمتى ام كلثوم..
    بدون تفكير قررت قتلها ...
    بجوار الباب كانت هناك مرزبـــــــة ضخمة متكلة على الحيطة ...
    رفعت المرزبة واتسحبت بهدوء وطاخ ضربت الكديس فى راسه ..
    اترترع بصورة غريبة ومات فى الحال ...
    دخلت فىنى خوفة غريبة وانا ارى الكديس يلفظ انفاسه...
    دخلنى وهم ...ان الكديس بسبع ارواح ....
    وان اقرباء الكديس الميت سيعودون للانتقام منى.....
    ليالى طويلة ونومى كله هلاويس .....خاصة عندما اسمع صوت الكدايس الذى يشبه صوت الرضيع
    (اظن ان ذلك الصوت تصدره الكدايس لمن تكون فى حالة جماع)
                   |Articles |News |مقالات |بيانات

19-03-2012, 05:47 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7054

للتواصل معنا

FaceBook
تويتر Twitter
YouTube


Re: بــــوســــــــتـــــات وكدايــــــــــــــــس (Re: النصرى أمين)

    الغرض من البوست هو بعض الاعضاء هنا فاقو الارانب فى توالد وتكاثر
    البوستات ........




    هل من كديس !!!!!!!
                   |Articles |News |مقالات |بيانات

19-03-2012, 07:45 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7054

للتواصل معنا

FaceBook
تويتر Twitter
YouTube


Re: بــــوســــــــتـــــات وكدايــــــــــــــــس (Re: النصرى أمين)

    اظن -والله اعلم- ان بلدية امدرمان اصدرت ايضا فى السبعينيات قرار بالتخلص من الكلاب
    الضالة ورصدت حوافز لكل راس ######.... لا ازلت ازكر منظر العسكرى وهو يحمل البندقيه
    بحثا عن الكلاب التى لا سيد لها .........

    كان لدينا فى البيت ###### اسود ضخم اسمه مونى...كان عمى حريص على ان يظل مونى داخل البيت
    حتى لا تصطاده بندقية العسكرى .....

    بعد سنوات طويلة خرف بونى وبقى يعضى من طرف ..طلب عمى العسكرى الذى حضر متابطا
    بندقيته ...فاتنى منظر القتل بدقائق الا اننى سمعت صوت طلقة الرصاص وانا على بعد مربعين
    من البيت فى طريقى من المدرسة




    واذا الزاكرة ماخانتنى برضو طلع منشور حول الجراد الصحراوى .....
                   |Articles |News |مقالات |بيانات

19-03-2012, 07:59 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7054

للتواصل معنا

FaceBook
تويتر Twitter
YouTube


Re: بــــوســــــــتـــــات وكدايــــــــــــــــس (Re: النصرى أمين)

    والجراد الصحراوى لمن يصل امدرمان كان عبارة عن تجسيم
    بديع لكسوف الشمس .....
    ياتى وكانه سحابة سميكة تغطى السماء...تختفى الشمس لدقائق عدة
    ونفرح نحن الاطفال بمنظر بعض الجراد وهو يتسابق من التعب فى حوش
    البيت .....
    حجم الجرادة الواحدة يفوق حجم قبضة اليد ....
    عبارة عن monster كالتى نراها فى الافلام





    بعض اولاد الحلة ادعو ان الجراد احسن مزة وقامو بشواءه....
    انا بصراحة لم اكن ضمن افراد فريق التجربة لكنى جربت اشوى
    عشة و ودابرق ......
                   |Articles |News |مقالات |بيانات

20-03-2012, 02:15 AM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7054

للتواصل معنا

FaceBook
تويتر Twitter
YouTube


Re: بــــوســــــــتـــــات وكدايــــــــــــــــس (Re: النصرى أمين)

    اى واحد فينا قد يصل لمرحلة ارنب البورد...
    3 او 4 بوستات فى اليوم ....
    لكن ان تستمر الحالة الارنبية الى ما لانهاية فدى حاجة
    عجيبة جدا .....

    ازكر اننى عشت مرحلة الارنبة لفترة من الزمن وكان لى اكثر من 4 بوستات
    فى وقت واحد .....
    الحمدلله اتعافيت وقطعت
                   |Articles |News |مقالات |بيانات

20-03-2012, 02:48 AM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7054

للتواصل معنا

FaceBook
تويتر Twitter
YouTube


Re: بــــوســــــــتـــــات وكدايــــــــــــــــس (Re: النصرى أمين)

    عنوان البوست على وزن اغنية زيدان

    باقات وأزاهر
    تحكي لي عنك
    وشعاع من نور
    من روحك منك
    مشتاق وبقول
    يمكن أضنك
    في رمشة عين
    بتعود يا حنين
                   |Articles |News |مقالات |بيانات

20-03-2012, 03:02 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19205

للتواصل معنا

FaceBook
تويتر Twitter
YouTube


Re: بــــوســــــــتـــــات وكدايــــــــــــــــس (Re: النصرى أمين)

    الكلام بوديك السجن لكن النار ما عارف أين الرفق بالحيوان




    وانا سغير ..حوالى عشرة سنوات ..تحصلت على جوز ارانب ..
    لا ازكر بالضبط كيف تحصلت عليهم ..هل اشتريتهم؟ ام كانو هدية من
    احد افراد الاسرة ...
    المهم الارنبين ديل كانو تحت رعايتى....
    فى الليل كنت اخفيهم فى الضلفة السفلى من دولاب الهدوم وكانت هناك
    فتحة صغيرة للتهوية ......
    بعد فترة قصيرة تكاثر الجوز و تضاعف عدده ...

    الا ان بعض كدايس الحلة اكتشفوا الوجبة المجانية الدسمة التى يحصلون عليها
    يوميا ....

    كل يوم اكتشف ان الارانب الصغيرة تنقص عددا وارى بقايا صوف بجوار الدولاب ...
    راجعت فتحة التهوية عدة مرات وتاكدت انها اصغر من تسمح للكديس ان يدخل عبرها ....

    استمرت المعادلة الغريبة..
    الارانب تتوالد
    والكدايس تتعشى مجانى ....

    ازكر ان بلدية امدرمان اصدرت مرسوم بقتل كل الكدايس الضالة ..اظن انها
    عرضت 5 قروش (او ماشابه) مقابل راس كل كديس (ناس امدرمان القدام ممكن ياكدو
    او ينفو المعلومة دى )

    الكدايس فى النهاية انتصرت فى المعركة واكلت كل ارانبى الوديعة ......

    تلك الحادثة ولدت فينى كراهية مبالغة تجاه الكدايس ....

    بعدها بفترة قصيرة رايت كديسة كبيرة فى الزقاق الذى يفصل بيتنا وبيت عمتى ام كلثوم..
    بدون تفكير قررت قتلها ...
    بجوار الباب كانت هناك مرزبـــــــة ضخمة متكلة على الحيطة ...
    رفعت المرزبة واتسحبت بهدوء وطاخ ضربت الكديس فى راسه ..
    اترترع بصورة غريبة ومات فى الحال ...
    دخلت فىنى خوفة غريبة وانا ارى الكديس يلفظ انفاسه...
    دخلنى وهم ...ان الكديس بسبع ارواح ....
    وان اقرباء الكديس الميت سيعودون للانتقام منى.....
    ليالى طويلة ونومى كله هلاويس .....خاصة عندما اسمع صوت الكدايس الذى يشبه صوت الرضيع
    (اظن ان ذلك الصوت تصدره الكدايس لمن تكون فى حالة جماع)[/
    B]
                   |Articles |News |مقالات |بيانات

20-03-2012, 03:05 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19205

للتواصل معنا

FaceBook
تويتر Twitter
YouTube


Re: بــــوســــــــتـــــات وكدايــــــــــــــــس (Re: munswor almophtah)

    والله أنت ودكتور شهاب فتح الرحمن واحد النمل
    وواحد الكدايس إنت شهاب أظنو من جند سليمان





    منصور
                   |Articles |News |مقالات |بيانات

20-03-2012, 06:58 AM

أسامة البلال
<aأسامة البلال
تاريخ التسجيل: 04-12-2009
مجموع المشاركات: 3061

للتواصل معنا

FaceBook
تويتر Twitter
YouTube


Re: بــــوســــــــتـــــات وكدايــــــــــــــــس (Re: munswor almophtah)

    يا النصري أظن إنت في حالة شوق جارفة لأمدرمان عبر عنها عقلك الباطن في صورة أرانب وكدايس وكلاب

    نصيحة أخوية أخطف رجلك وسافر السودان وقضي ليك أيام في بيت المال وسط الأهل والأصحاب وأملأ جسمك شمس وتعال راجع لي جليد كندا

    وزي ما قال ليك صاحبك منصور ود المفتاح الكلام دا ولو بي أثر رجعي بجيب ليك هواء ناس حماية حقوق الكدايس والكلاب

    قال أرانب وبوستات قال
                   |Articles |News |مقالات |بيانات

06-04-2012, 11:30 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7054

للتواصل معنا

FaceBook
تويتر Twitter
YouTube


Re: بــــوســــــــتـــــات وكدايــــــــــــــــس (Re: أسامة البلال)

    عزيزى منصور عبدالله المفتاح
    معذرة للتاخير الشديد فى الرد على مداخلتك......
    ---------------------------
    الحالة النفسية الصعبة التى وجدت نفسى اعيشها بعد قتل تلك الكديسة سببها
    اننى لست متاكد ان الكديس الميت احد الكدايس الضالة ام هو قط منزلى وديع!!
    عدم ملاحظته لى وانا اتسحب بهدوء حاملا الساطور بنية القتل يعنى ان الكديس
    متعود على حركة الناس حوله وانه كديس ودود وصديق للانسان ...عكس الكديس
    المتوحش الذى يخشى الناس ولا يرغب ان يقترب اى انسان منه .....
    لو كان الكديس القتيل متوحشا لشعر بحركتى وفر بجلده ...
    ده معناه انى قتلت قطة بريئة ودودة .....
                   |Articles |News |مقالات |بيانات

08-04-2012, 03:52 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7054

للتواصل معنا

FaceBook
تويتر Twitter
YouTube


Re: بــــوســــــــتـــــات وكدايــــــــــــــــس (Re: النصرى أمين)

    مرة يا اسامة ونحن ساكنين فى بيوت مصنع نسيج الباقير..لو تتزكر انا كنت ساكن
    مع النيل.... مرة حلمت حلم فظيع جدا جدا ...اول مرة احلم حلم 3D
    الصور كانت واضحة والمشاعر كانت حقيقية ...
    حلمت انى كنت واقف فى حديقة البيت (نجيلة معشكبة وشوية حشائش)
    حنفية النجيلة كانت بتنقط ....طق ...طق...طق...
    اقتربت منها ..وفجاة ومن وسط الحشائش ظهر ثعبان ضخم جدا...مرعب
    اسنانه زى اسنان دراكولا ...
    هجم على ذلك الثعبان و"عضانى" عضة مؤلمة جدا ....صرخت من الالم
    حتى صحيت من النوم .....
    بعد كم يوم تعرضت لذلك الحادث الفظيع ....

    -----

    القصة دى عشان بس اضيف الثعابين لقائمة الكدايس والارانب والجراد والكلاب..





    --------------

    يا اسامة البلد هناك اتغيرت شديد (او نحن الاتغيرنا)
    البلد العشنا فيها طفولتنا راحت شمار فى مرقة....
    حتى الاصدقاء الاتربينا معاهو اتغيرو واتغيرت طبيعة العلاقة بيناتها.....
    بقو يعاينو ليك كيف كيف.....
    طالما الناس هناك عايشة تحت الضغوط الاقتصادية المهولة فمافى امل السودان
    يرجع السودان البنعرفو...

    -----------------

    ما اكضب عليك ...قتل تلك الكديسة اثر فينى لفترة طويلة..اكتر حاجة ماقادر
    انساها هى تلك الحركات الدائرية قبل ان تلفظ انفاسها الاخيرة....
    فى الاخبار قبل سنوات سمعت عن شابين كنديين ادخلو كديسة فى المايكرويف وحرقوها
    وهى حية كنوع من العقاب لصاحبة الكديسة المراة المسنة .....


    برضو حكى لى احد البياطرة ان عملية زبح الابقار تتم عن طريق ضرب البقرة بماسورة حديد
    فى راسها حتى تفقد التوازن بعد ذلك يتم الزبح...
    اضاف ان من يقوم بعملية الضرب ناس متخصصين كثيرين منهم يكونو تحت تاثير الخمر .....
                   |Articles |News |مقالات |بيانات

08-04-2012, 03:58 PM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7054

للتواصل معنا

FaceBook
تويتر Twitter
YouTube


Re: بــــوســــــــتـــــات وكدايــــــــــــــــس (Re: النصرى أمين)

    يا ارانب غيبو شوية
    ادونا فرصة نفتقدكم
                   |Articles |News |مقالات |بيانات

09-04-2012, 04:22 AM

النصرى أمين
<aالنصرى أمين
تاريخ التسجيل: 17-10-2005
مجموع المشاركات: 7054

للتواصل معنا

FaceBook
تويتر Twitter
YouTube


Re: بــــوســــــــتـــــات وكدايــــــــــــــــس (Re: النصرى أمين)

    لسوء حظى ان اوقات دخولى البورد (غالبا الصباح ومنتصف النهار) بتوقيتنا هى
    ساعات rush hours او الذروة حيث يعانى البورد من بطء شديد فى التحميل
    لذا على ان اكون حذر جدا فى ماذا انقر ...اى نقرة خطا معناتا 5 دقائق من الانتظار..
    نسبة لارانب البورد اضطر احيانا كثيرة ان اقلب الصفحة وافتش على الشئ المفيد فى الصفحات
    الخلفية ....

    لو توقفت ارانب البورد عن التكاثر لوفرو علينا كثير من الجهد والانتظار والنقير...
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de