|
دعواتكم لزميلنا المفكر د.الباقر العفيف بالشفاء العاجل
|
|
 Re: الزول المع على كرتى ده "مقهى" فى شنو؟ صورة (Re: النصرى أمين)
|
تحية طيبة
اعتقد ان الوفد ده ح يلف على اكتر من دولة ، و مفروض يزور اكتر من شخصية اعتبارية ، عشان كده الهدايا التذكارية دى مفروض يكون مطبوع فيها اسماء الشخصيات التى سوف تقدم لها هذة الهدايا
و اعتقد انو مرافق كرتى فى الصورة دى انتبه انو ( الاسن المطبوع ) على الهدية غلط !
| |
 
|
|
|
|
|
|
|
|
Re: الزول المع على كرتى ده "مقهى" فى شنو؟ صورة (Re: محمد الامين احمد)
|
هذا التعبير خاطيء والصحيح شخصية لها إعتبارها
لأن الشخصية الإعتبارية هي شخصية غير طبيعية .. لها ذمة مالية قانونية
مثل الشركات والمدن والأندية وماشاكل ذلك .. أما الإنسان فلا يكون إعتباريا
لأنه أصلا شخصية طبيعية .
...
أما ( مُقهي ) فهي من كلمة ( قهوه ) وهي بمعني الإنصراف عن الشيء
والقهوة من أسماء الخمر .. فالقهوة تقهى المعدة كما تقهي الخمر العقل
..
| |
|
|
|
|
|
|
|
|
|
Re: الزول المع على كرتى ده "مقهى" فى شنو؟ صورة (Re: Ahmed Abdallah)
|
الزول ده يالنصري كان القنصل هنا في الرياض
الحاجة الغريبة انو دي زيارة رسمية مفترض يعني مفروض يكون في محضر اجتماع وكدة
وسعادة القنصل هو مدير مكتب الوزير فاعتقد انو من مهامو يسجل محضر الاجتماع ده
زي ما الزولة المع الوليد بتكتب يكتب هو كمان ولا حيشيل منها الـMOM بتاعتا بعدين
دي مشكلتهم مع ناس ويكي ليكس الامريكان بيسجلو حتى انو الوزير خت السفة الساعة كم
وناسنا يلولحو في روسيهم ويضحكو
اذا الزيارة دي شخصية من علي كرتي وجاي يزور صاحبو الوليد بنسحب كلامنا الفوق ده
| |
|
|
|
|
|
|
|
|
|
Re: الزول المع على كرتى ده "مقهى" فى شنو؟ صورة (Re: jini)
|
لو ملاحظ يا النصري برضو..
انو عدد الكتب الموجودة على الطاولة "ثلاثة" بعدد أعضاء الوفد..
وفي الغالب الأعم هذا هو كل ما سيرجعوا به من عند الوليد بن طلال، كلو واحد ياخد نسختو ويلملم جزمو ويتخارج..
قعدتهم دي اسمها المودر بفتح خشم البقرة، ما تشوف وتقرأ الدعايات الكتيرة دي، الوليد بن طلال مشهور عند عامة المواطنين السعوديين بأنه "أجلد وأنشف" أمراء آل سعود رغم أمواله الطائلة.. لذلك زي ما قلتا ليك في الغالب الأعم حا يرجعوا بالهدية المقهي فيها الزول ده ومعاها كتاب لي كل واحد منهم:)
لكن قروش ودعم بالملايين والمليارات يشموها قدحة، غايتو إلا كان يكتبوا ليهو السودان باسمو
| |
|
|
|
|
|
|
|
|
|
Re: الزول المع على كرتى ده "مقهى" فى شنو؟ صورة (Re: النصرى أمين)
|
| Quote: غايتو اول مرة اعرف ان البنات فى الرياض بيلبسو كده!! |
لوووول يا النصري يا أخوي ، انت فاهم غلط ..
في الرياض لا تلبس السيدات والفتيات كما تلبس موظفات الوليد بن طلال وإلا تعرضن للسجن ولسياط المطاوعة ورجال الدين، وربما لما هو أكثر إن كن أجنبيات من الدول الفقيرة..
هذا اللبس فقط داخل حدود إمبراطورية الوليد بن طلال وفي مكاتبه وقصوره وبقية ممتلكاته، والتي لا تطبق عليها القوانين السارية في كل البلد، والتي لا يجرؤ المطاوعة على مجرد دخولها حتى مع علمهم بما يجري داخلها، لأنه كما ترى من الصورة فليس سراً أن السيدات هناك يسمح لهن بأن يرتدين ما يخالف اللبس المفروض على جميع الآخريات، وذلك أسوة بممتلكات الأمراء الآخرين..
وواحدة من الأهداف برضو أعطاء صورة مغايرة للسعودية "خصوصاً للزائرين والضيوف الكبار" عن الصورة الحقيقية الممكن تشوفا وتعايشا داخل البلد
* بالنسبة للكتاب الموجود على الطاولة هو كتاب عن سيرة الوليد بن طلال، ومؤلفه مذيع بريطاني من أصول بنجابية "أسيوية" معروف باسم Riz Khan
| |
|
|
|
|
|
|
|
|
|
Re: الزول المع على كرتى ده "مقهى" فى شنو؟ صورة (Re: النصرى أمين)
|
صورة معبرة وحزينة للحالة التي وصل إليهاحال ما تبقي مما كان يسمي السودان السودان
بلد المليون ميل مربع سلة غذاء العالم
السودان الذي كان يقدم المحمل لكسوة الكعبة
السودان الذي كان ينتظر سكان الحجاز قدوم حجاجه لأنهم يأتون لهم من خيراته
السودان الذي كان لعهد قريب يتبرع أعيانه وتجاره لأهل مدينة الرسول
أصبح وزير خارجيته يقف علي أبواب الوليد بن طلال ليخرج السودان من فقره وجوعه
الوليد بن طلال الذي تبرأ منه حتي أخوه شقيقه ووصف أمواله بالحرام
لقد تعمد الوليد إستقبالهم بموظفته المتبرجة في بلد متزمتة في لبس النساء ولوفد يفترض أنه جاء من بلد أيضا متشددة في هذا الأمر وهذه رسالة قصدها الوليد لمزيد من الإذلال
فرطنا في وحدة السودان وأضعنا 80% من ثرواته وها نحن نصبح متسولين علي أبواب من يسوي ولا يسوي
لك الله يامن تبقي مما كان سودان
.jpg)
هذه صورة السودان الذي نريده سودان العزة والكرامة
| |
|
|
|
|
|
|
|
|
|
Re: الزول المع على كرتى ده "مقهى" فى شنو؟ صورة (Re: النصرى أمين)
|
تعرف يا النصري
المشهد ده ذكرني بي سنوات المجاعة في الثمانينات
كان في أطفال كده بيتسولوا جنب ميدان الأمم المتحدة
الواحذ فيهم بيمسكك من كراعك ويمنعك من الحركة إن لم تتفضل عليه.
هل نشرت الصحف السودانية هذه الصورة؟؟
عموما أسمح لي أن أهديها لمصطفى عثمان إسماعيل.
| |
|
|
|
|
|
|
|
|
|
Re: الزول المع على كرتى ده "مقهى" فى شنو؟ صورة (Re: النصرى أمين)
|
الاخ النصري
تحياتي
كان ممكن العبارة تكون علي شاكلة
ماذا يتأمل هذا الرجل............
لكنك اخترت ما ينفع مع موضوعك
.........
عموما الزول الذي قصدتو
هو
أحمد يوسف
سوداني قدم من منطقة تسمي قوز الناقة
يقول أنه كان يصل الخرطوم علي ظهر لوري
عمل بالرياض وكان من زينة الشباب
خلقا وعلما وطيبة
وهو فوق كل ذلك ود بلد أصيل
له التحية وهو يتحرك عبر كل الابواب لمصلحة الوطن الغالي
| |
|
|
|
|
|
|
|
|
|
Re: الزول المع على كرتى ده "مقهى" فى شنو؟ صورة (Re: علي الكرار هاشم)
|
سلام عليكم على الكرار
للاسف الشديد stereotype للانقاذيين هو الفساد
يعنى كل انقاذى فاسد حتى يثبت العكس ...
الكثيرين اليوم يفسرون كلمة كوز بانها "لص" وابتعدت عن المعنى الدينى
الذى بدات به
الانطباع ده تقريبا بتشارك فيهو كل الناس الما انقاذييين..
اخونا احمد يوسف قرر بكامل ارادته ان يكون مع الفاسدين
اللصوص .. عشان كده من من حقنا ان نفترض انه لص مثلهم ...
اما اذا انضم للعصابة حتى ينصحهم بان يكفو عن سرقة اموال الشعب
فده شئ اخر ...
تحياتى وودى
| |
|
|
|
|
|
|
|
|
|
Re: الزول المع على كرتى ده "مقهى" فى شنو؟ صورة (Re: النصرى أمين)
|
يا النصري..
هذا هو أحمد يوسف، وهذه هي أخلاقه، تعرفها من خلال موقفه المشين والمخزي أبان حادثة اختطاف الطفلة السودانية "هند" من قبل شباب سعوديين بالرياض قبل سنوات..
| Quote: وعلى ذات الصعيد اكد احمد يوسف محمد القنصل العام بسفارة جمهورية السودان بالرياض ان السفارة شكلت لجنة للتنسيق مع السلطات السعودية وهى على اتصال دائم بالشرطة والتحقيق والادعاء العام وقال في تصريح لـ ( المدينة ) : قمت شخصيا بالتحقيق مع الفتاة جاءت نتيجته متطابقة مع النتائج التي توصلت اليها الاجهزة الامنية السعودية، وبين اليوسف انه وبناء على المعلومات المستجدة ، فسوف نجري ايضا المزيد من التحقيقات لمعرفة خلفيات ادعاء الفتاة للاختطاف ، موضحا انه لم يتكشف بعد ما اذا كان وراء الامر مساومة مالية من الفتاة او اهلها واشار الى انه من الافضل للاسرة عدم الاستمرار في فرضية الاختطاف |
حصل حياتك كلها شفتا ليك قنصل بتكلم عن مواطنيه ورعاياه الذي هم تحت مسئوليته بمثل هذه الصورة ؟؟
موقف للأسف لا يصدر إلا عن واحد أقل ما يمكن أن يقال عنه أنه " ع ر ص " ليس إلا..
لذلك لا شيء يدعو للاستغراب والدهشة عندما تراه جالساً مثل الكـلب الذليل والحقير عند إقدام الوليد بن طلال وموظفاته
لكن سبحان الله في هذا الزمن الرديء حتى من كان على هذه الشاكلة تجد من يدافع عنه
| |
|
|
|
|
|
|
| |
محمد الامين احمد
صلاح شكوكو
فخرالدين عوض حسن
Ahmed Abdallah
أسامة البلال
محمد إبراهيم علي
jini
Hisham Osman
Elhadi
صديق الموج
محمد الكامل عبد الحليم
أسامة عبد الجليل
علي الكرار هاشم
Al-Shaygi
الصادق الزين
فيس بوك
تويتر
انستقرام
يوتيوب
بنتيريست