|
|
 طـــير ساكت
|
تقريبا كل صباح اصحى على زقزقة العصافير الصغيره الجاى
عبر شباك الغرفة
ولكن فجاة اسمع ليك صوت عالى مذعج وموذى
قاك كاك كاك كاك
هل هى مدينة تنعق فيها الغربان ؟
الاجابة نعم ..
الغربان فى كل مكان وصوتهم المذعج عادى جدا جدا
واحدى اهم الشوارع مسمنها عليها Crow child
امشى الشغل ونادر جدا ما يمر على المشهد التحت ده
الطيرة دى اسمها Magpie جميلة جدا (وهى بت عم الغراب)..
اول مرة اشوفها لمن رحلت للمدينه دى وما كنت عارف موضوعها شنو..
كنت معجب بالوانها الصارخة كما هو واضح فى الصورة ادناه
اعجابى بيها اختفى تماما لمن لقيتها فى الشتاء الفات بتدق ليها فى حمامه فى راسها
والله العظيم مشهد بايخ بوخ ..الحمامه مستسلمة لضربات منقار الطائر الجارح وعلى وشك
الموت .. تدخلت انا فى مشهد بطولى رائع وهرشت ود عم الغراب (Magpie ) عن الحمامه وساعدتها فى
الاختفاء تحت حائط المبنى ..بعد داك ما عارف الحصل شنو ...
اما الاعزاء ودابرق و عشه(او عشوشه) فهم فى كل مكان
وحقيقه ما عارف سرهم شنو وكيف ولماذا هم متواجدين حيثما يتواجد
الانسان
صورة عشة (عشوشه)
وصورتين لود ابرق
وصورة ليهم الاتنين
بالنسبة للحيوانات التى اراها بصورة مستمرة ويوميه(غير الكلاب)
ارانب فى كل مكان خاصه فى المناطق المفتوحه(المنتزهات والحدائق)
السنجاب البليد لانو بحاول يقطع شارع الظلط وتصدمه العربات المسرعات
ويكون طعام لل الغراب التقليد magpie
(بوست رمضانى)
|
|
 
|
|
|
|
|
|
|
|
Re: طـــير ساكت (Re: النصرى أمين)
|
انا ما عارف كيف التشبيه بالطيور اصبح نبز!!
مع انها ذكية ..سريعه..جميلة.. واغلبها صوتها جميل(ماعدا قلة)
فى البورد هنا قرات اقذع انواع الشتائم
عنصرية ..جنسيه.. عقديه
لكننى اظن انو وصف الزول ب "طيرة"
او الناس ديل "طيور ساكت"
او ناس "طير ساكت"
اطن انه الاقوى ..
فانا شخصيا افضل تنبزنى تقول لى اى شئ
تافه حقير منحط جبان
بس ما تقول لى يا طيرة
ما عارف ليه!!!
ايه السر البخلى الكلمه دى اكثر مفعولا فى قاموس الشتائم
كتبت قبل كده انو فى اول شكلة لى فى امريكا فى بداية التسعينيات
نبزتا الزول وقول ليهو حمار (بالانجليزى طبعا)
عاين لى ومارد و ما استجاب للشتيمه القويه(فى نظرى)
(لم اكن اعرف وقتها الفكفكه)
| |
|
|
|
|
|
|
|
|
|
Re: طـــير ساكت (Re: النصرى أمين)
|
Quote: الطيرة دى اسمها Magpie جميلة جدا (وهى بت عم الغراب)..
اول مرة اشوفها لمن رحلت للمدينه دى وما كنت عارف موضوعها شنو..
كنت معجب بالوانها الصارخة كما هو واضح فى الصورة ادناه |
Quote: اعجابى بيها اختفى تماما لمن لقيتها فى الشتاء الفات بتدق ليها فى حمامه فى راسها
والله العظيم مشهد بايخ بوخ ..الحمامه مستسلمة لضربات منقار الطائر الجارح وعلى وشك
الموت .. تدخلت انا فى مشهد بطولى رائع وهرشت ود عم الغراب (Magpie ) عن الحمامه وساعدتها فى
الاختفاء تحت حائط المبنى ..بعد داك ما عارف الحصل شنو ... |
---
الدرس الاول
لا تنخدع بالمظاهر..
| |
|
|
|
|
|
|
|
|
|
Re: طـــير ساكت (Re: النصرى أمين)
|
Quote: اما الاعزاء ودابرق و عشه(او عشوشه) فهم فى كل مكان
وحقيقه ما عارف سرهم شنو وكيف ولماذا هم متواجدين حيثما يتواجد
الانسان
|
--
الدرس الثاني
الانسان الجدع ود البلد بتلاقيهو في اي مكان ومجتمع.
| |
|
|
|
|
|
|
|
|
|
Re: طـــير ساكت (Re: النصرى أمين)
|
Quote: تقريبا كل صباح اصحى على زقزقة العصافير الصغيره الجاى
عبر شباك الغرفة |
Quote: ولكن فجاة اسمع ليك صوت عالى مذعج وموذى
قاك كاك كاك كاك |
--
الدرس الثالث
الحياة حلوة.. وعادة تسير بموسقة معينة.. لا يعكرها الا بعض العثرات.. فواصل مشوارك دون الالتفاف اليها.
| |
|
|
|
|
|
|
|
|
|
Re: طـــير ساكت (Re: النصرى أمين)
|
Quote: بالنسبة للحيوانات التى اراها بصورة مستمرة ويوميه(غير الكلاب)
ارانب فى كل مكان خاصه فى المناطق المفتوحه(المنتزهات والحدائق)
|
---
الدرس الرابع
الحياة حباها الخالق بزخرف.. فدائما انظر حولك حين يضنيك التعب.
| |
|
|
|
|
|
|
|
|
|
Re: طـــير ساكت (Re: النصرى أمين)
|
Quote: السنجاب البليد لانو بحاول يقطع شارع الظلط وتصدمه العربات المسرعات
ويكون طعام لل الغراب التقليد magpie |
-----
الدرس الخامس
رغم الصعوبة في طلب الرزق... واصل كفاحك.. لكي تبني مجدا لعشيرتك...
| |
|
|
|
|
|
|
|
|
|
Re: طـــير ساكت (Re: النصرى أمين)
|
الاخ ناصر
كلمة طيرة نبز
وكلمة عصفورة مدح وغزل كمان
مع انو الكلمتين يرجعو لنفس المخلوق الا ان استخدامهم مختلف
لو قلت مثلا البت دى طيرة فانت نبزتها وانتهيت منها ..
ولو قلت البت دى عصفورة فانت بالتاكيد مدحتها (مع شوية غزل)
حاجه غريبه
الواحد كلما يفكر فى الحاجات دى كلما يتحير زيادة
رمضان كريم
| |
|
|
|
|
|
|
|
|
|
Re: طـــير ساكت (Re: النصرى أمين)
|
الاخ جيمس
رمضان كريم
وشكرا على الدروس المجانيه
هى مجرد خواطر تمر بى كل يوم
وفكرت ان انشرها هنا
بالنسبة لموضوع الحمامة و الغراب(التقليد)
ما اكذب عليك .. فكرت فى الحكاية دى كتير...
كل المخلوقات تقتاد على مخلوقات اخرى ..
انا مثل هذا الغراب ..اذبح الحمامة واكلها
واكيد هناك من المخلوقات من يتمنى ان ياكل الغراب ..
تدخلى فى حماية الحمامه حوله بعض "الشبهات"
فنفس هذه الحمامه ربما كانت بصدد اكل احدى الديدان فى
النجيلة
هل اتدخل لحماية الدوده؟
موضوع مشربك
شكرا ليك
وتصوم وتفطر على خير
| |
|
|
|
|
|
|
|
|
|
Re: طـــير ساكت (Re: james)
|
اما الطيرة وست الطيور فهى القمرية
التى تعلمنا فيها النيش بالنبلة لكبر
حجمها نسبيا عند ترك فى عمود الكهرباء...
الشئ الغريب انو انا بالرغم لافتقادى اى امكانيات فنية او مهارات صوتيه او جمالية
الا اننى استطيع تقليد صوت القمرية بطريقه ممتازة (وهى فرمالتى عندما اود ادهاش
اطفال الضيوف)
الطريقه سهلة ..تحتاج فقط لممارسه..
ضم يديك الاتنين وانفخ بينهما ولتغيير النغمه افتح مجرى
صغير للهواء فى موخرة الدايرة
| |
|
|
|
|
|
|
|
|
|
Re: طـــير ساكت (Re: النصرى أمين)
|
نسيت ان اضيف ان القمرية لحمها مش ولابد..
اما ودابرق وعشة فمن الصعب ان تعرف طعمهم
(الا اذا قبضت مائة وحمرتهم فى حلة صغيرة)
| |
|
|
|
|
|
|
|
|
 Re: طـــير ساكت (Re: النصرى أمين)
|
Quote: نسيت ان اضيف ان القمرية لحمها مش ولابد..
اما ودابرق وعشة فمن الصعب ان تعرف طعمهم
(الا اذا قبضت مائة وحمرتهم فى حلة صغيرة) |
النصرى يا مرتاح.....
جنك اكل حتى الطيور الحلوة دى داير تاكلوها....و الله صاح بطينى!!!!
الموضوع و الصور...ما فى احلى من كدها.
العنوان طير ساكت
ذكرنى مرة زعلته من واحد صديقى قطرى و هو يقلد طريقة كلامنا السريعة و يحاول ان يقلد السودانيين بطريقة هزلية....فصحتها به باعلى صوتى: ياخى امشى انت "منجييغا" فسالنى متطلعاً "منجييغا" يعنى شنو...قلته ليه "يعنى زول ساكت"
فصاح باعلى صوته "فسر الماء بعد الجهد بالماء"
ثم سالنى مرة آخرى "زول ساكت يعنى شنو؟"... فقلته له يعنى ما منك فائدة...فصار كلما يلتقينى يصيح باعلى صوته:
"انت زول ســــــاكت"
واصل و الله انت العايش و انا الدايش.
صديق منجييغا
| |
|
|
|
|
|
|
|
|
|
Re: طـــير ساكت (Re: Siddig A. Omer)
|
كويس جدا ياجنينه الجيت بجاى
لانى محتاج مساعده ...
زمان كان عندنا طيرة غريبه جدا جدا ..
كنت مفتون بيها شديد لغموضها ..
كانت بتظهر فى شهور معينة اظن موسم الخريف ..
فى شوارع (زقاقات) بيت المال, امدرمان ..
عمرى ما شفتها راكا فى شجرة او عمود او حيطه او اى حتة..
دائما فى حالة طيران ..
سوداء اللون ..
تطير على ارتفاع متر او نص متر من الواطه..زى الطائرة النفاثه..
تطير بسرعه شديده جدا وغالبا تكون "ضامه" جناحينها زى سوبرمان
من الصعب جدا كنا نصيدها لانو الحل الوحيد تنيشها وهى طايرة
ازكر مرة اننى حاولت ..
رائتها من بداية الشارع ..
قذفت الحجر فى منتصف الشارع بحساب انها ممكن تصادف الحجر فى
مسار طيرانها ..
اعتقد اننى نشتها ولكن لم تقع فى نفس المكان
هذه الطيرة العجيبه لم نكن نعرف لها اسما
وبحثت قوقل وفلكر ولم اجد لها اى صورة او معلومه
لو جبت لى خبرها
اكون
I owe you one
| |
|
|
|
|
|
|
|
|
|
Re: طـــير ساكت (Re: james)
|
سلام
دي ياها الطيرة القاصده انت البتطير
قريب من الارض
بتتغذاء بالحشرات وهي طايرة
يعني و بيكون طاير و يلقف الحشرة الطايرة
ما عارف بالعربي اسمها شنو
| |
|
|
|
|
|
|
|
|
|
Re: طـــير ساكت (Re: فيصل محمد خليل)
|
سلام فيصل محمد خليل
فعلا فى شبه كبير..
لكن "الطيرة" الانا قاصدها سوداء وما فيها
اى جزء من جسمها بالابيض( او هكذا بتخيل لى وهى بتطير زى الصاروخ)
اتزكرت كيف كانت بتطير ..
بتطفق جناحاتها عده مرات بحيث تخلق قوة دفع ثم تضم اجنحتها
حتى لا تفقد القوة وبعد ثوان تطفق اجنحتها مرة اخرى ثم تضم
الاجنحه الى جسمها وهكذا..
بالنسبة لسر الطيران شبه الارضى بحثا عن الحشرات فعلا وارد
خاصه فى موسم الخريف(مع انو امدرمان حجرية وما فيها كدة)
الغريب عمرى ما شفتها لامست الارض
الواحد الظاهر كان مطشش من صغير
اديها اسمها باى اسم ربما يساعد فى البحث
| |
|
|
|
|
|
|
|
|
|
Re: طـــير ساكت (Re: النصرى أمين)
|
برضو واحده من مميزاتها انها بتغير الاتجاه بطريقه
عجيبة جدا.. وبهلوانية..
تقريبا ممكن تعمل زاوية قائمه وهى طايرة زى الرصاصة
| |
|
|
|
|
|
|
|
|
|
Re: طـــير ساكت (Re: النصرى أمين)
|
وختاما
وهدية لكل زوار البوست
صورة طائر humming bird
الطائر الوحيد البقدر يقيف فى الجو
بطير لوراء(زى رقصة العروس)
يطير بالجنبة اليمين والشمال
ويضرب حناحينو زى 9 ترليون ضربة فى الثانية
طبعا مستحيل الزول يكون شافو
ما عارف اولاد اهله منو فى السودان
| |
|
|
|
|
|
|
|
|
|
Re: طـــير ساكت (Re: النصرى أمين)
|
رسالة عبر الايميل من الاخ خالد
Quote: سلامات يا النصري امين
رمضان كريم وتصوم وتفطر علي خير
بمناسبة موضوع طير ساكت بالجد موضوع شيق ورايع
اما عن اسم الطاير السالته منو فهو علي ما اعتفد يسمي بالكدينكه (تسمية
اهل الجزيرة له) |
شكرا الاخ خالد على الرسالة
حقيقه لم اسمع بالاسم كنديكة من قبل
اظن اذا ما خانت الزاكرة انو كنا بنقول ليهو طيرة الخريف
| |
|
|
|
|
|
|
|
|
|
Re: طـــير ساكت (Re: النصرى أمين)
|
غلوتية لناس امدرمان (ناس بحرى والخرطوم يتخارجو)
فى الستينيات (وربما الخمسينيات) والسبيعينيات من القرن الماضى
كان هناك طبيب سودانى مشهور
عيادته فى حى المسالمة(قريب من سوق امدرمان)
هذا الطبيب كان من اشهر الاطباء
وعيادته يغشاها الجميع ...
كان مشهور بعشقه للطيور وغرامه بها
وتربيته لها ..
يلقبونه بدكتور العصافير ..
فى عيادته كانت هناك غرفه خاصه مليانه طيور مختلف الانواع
والاشكال ..
ازكر وانا شافع صغيرونى (احتمال اكون اصغر من 7 سنين)
دخلت هذه الغرفة لرؤية الطيور ..
من هو هذا الطبيب؟
وما سر اهتمامه بالطيور؟
كيف انتهت هذه العيادة
واين هو الان ؟
اسئلة صعبه شديد
| |
|
|
|
|
|
|
|
|
|
Re: طـــير ساكت (Re: فيصل محمد خليل)
|
سلام يا فيصل
الطبيب اذا ما خانتنى الزاكرة
من الاقباط
ليس موريس علم
ولا لويس عبده
(فى الزمن داك معظم الاطباء المشهورين كانو من اخواننا الاقباط)
لن انسى ابدا "حلاوة حربة" التى نخرج بها بعد كل زيارة لعياداتهم)
ايديك معانا يا فيصل لغاية ما نصل لسر طبيب الطيور
زى ما ساعدتنا نكشف على الطائر الاسود الغامض
| |
|
|
|
|
|
|
| |
ناصر احمد الامين
james
Siddig A. Omer
ناصر جبريل
فيصل محمد خليل
حسن حماد محمد
فيس بوك
تويتر
انستقرام
يوتيوب
بنتيريست