|
|
|
 Re: لماذا يشارك رئيس الجمهوريه فى برامج الكاميرا الخفيه؟ (Re: محمد مكى محمد)
|
والله يا جماعة أول ما بديت أشوف الفيديو إفتكرت إنو دى من حركات ناس
الهيلاهوبا أو واحدة من الفرق الكوميدية ، بعدين القى ليك الصوت صوت عمر البسير
افتكرت واحد فيهم بيقلد البشير والزاد الطين بلة واحد عامل لقاء مع رئيس دولة أيا كان
لابس ليه جنز وكمان خلفة كراع ولغة ركيكة ، لو دييل الاعلاميين الجدد الله يستر
ولكم الود
| |
 
|
|
|
|
|
|
|
|
Re: لماذا يشارك رئيس الجمهوريه فى برامج الكاميرا الخفيه؟ (Re: ترهاقا)
|
فى البدء لازم الواحد يعترف انو الفكره جميله
انو احد الشباب يلتقى بالرئيس فى حوار بسيط (من القلب للقلب)
ويتناقشو فى قضايا عامة مع التركيز على القضايا التى تهم قطاع
الشباب من تعليم وتوظيف وتاهيل ... احلام وطموحات
ومثل هذه اللقاءات لو تم الاعداد لها بصوره جيده ممكن تكون مفيده
اكثر من مليون سمنار وندوه ومؤتمر ..او مسيرات صاخبه هادره
من جانبه
قام الرئيس بدوره بصوره سليمه
جلس بالجلابيه والطاقيه (وبدون عمه)
وبدا عليه الارتياح والاستعداد لحديث صريح وبسيط
| |
|
|
|
|
|
|
|
|
|
Re: لماذا يشارك رئيس الجمهوريه فى برامج الكاميرا الخفيه؟ (Re: النصرى أمين)
|
وبدا اللقاء
واليكم المقدمه من لارى كنغ السودان
"السلام عليكم ..الليله معانا شخصيه عظيمه خلاص ..تبع
دولة السودان (ضحكه مشتركه) الرئيس عمر حسن احمد البشير
السلام عليكم "
يرد الرئيس :عليكم السلام
المذيع :عندنا طبعا اسئله نريد ان نسالك
ماذا رائك فى العميل اوكامبو تبع المحكمه الدوليه
المنافقه وماذا رائك فى الوضع السياسى فى السودان
يبدا الرئيس بالاجابه والتوضيح وفجاة بدون مقدمات
يخلف لارى كنغ رجل على رجل(ولحسن الحظ قام بخلف الرجل
الشمال على اليمين ..لو حصل العكس لواجهت جزمتو وش الرئيس)
| |
|
|
|
|
|
|
|
|
|
Re: لماذا يشارك رئيس الجمهوريه فى برامج الكاميرا الخفيه؟ (Re: النصرى أمين)
|
الاخ ترهاقا
| Quote: لو دييل الاعلاميين الجدد الله يستر |
الله اعلم ..
ولكننى شخصيا لا اظن ان هولاء هم الاعلاميون الجدد..
كل الشغلانه ..
انو الفوضى تعم البلاد
من مكتب رئيس الجمهوريه والقصر الجمهورى
لغاية اصغر مرفق خدمى ...
مفروض اى ماده اعلاميه تخص الرئيس تتم مراجعتها
والاعداد لها بصوره علميه تخدم الغرض الاتعملت
عشانو ...
ولانو سعادة الرئيس بفتكر الشغلانه رجاله وحراره قلب..
فهو لا يهتم كثيرا بحكاية الوسائل الاعلاميه الناجحه لتوصيل
الرسائل ..
"النجيض" على عثمان ..قرات له حادثه طالب فيها بشريط
التسجيل لان مقدم الاسئله لم يلتزم بادب الحوار (او حاجه كده)
ليه ؟
لانو "النجيض" عارف انو "هيبته" و"مكانتو" و "قدره" ليسو محل
مساومه ..
من المستحيل ان تجد ماده اعلاميه يشارك فيها على عثمان هزيله
او سيئه الاعداد ..
زول نجيض وفالح
موش زى سعاده الرئيس ..
وكان هناك من يحاول تشويه سمعته بقصد وسوء نيه باشراكه
فى مثل هذه البرامج المخجله
| |
|
|
|
|
|
|
|
|
|
Re: لماذا يشارك رئيس الجمهوريه فى برامج الكاميرا الخفيه؟ (Re: فخرالدين عوض حسن)
|
المذيع :- "حسى الطالبان كبر وماشين على اسوأ وفى نفس
الوقت بدو دخلو الدول العربيه ..هل حاليا بدو دخلو السودان..
فى كلام انو خشو السودان ؟
الرئيس "- مين؟
المذيع "- سمعت من الجرائد بتاعت المعارضه انهم يزحفو على
السودان وانو الامريكان مفروض يتدخلو على اساس يوقفو..
يقاطعو الرئيس :- مين الازحفو ؟ طالبان ؟
المذيع يومئ بالايجاب
الرئيس يوضح انو مافى حدود مع افغانستان ويسترسل
فى الاجابه
| |
|
|
|
|
|
|
|
|
|
Re: لماذا يشارك رئيس الجمهوريه فى برامج الكاميرا الخفيه؟ (Re: النصرى أمين)
|
فى بيت المال فى "فريق" او "حى" اسمو الازاحفه
لان شبابهم كان بزحف نحو المناطق المجاوره
ولكن ما لدرجه يمشو الثورات والمورده وامبده
يعنى بمشو المناطق المجاوره
زى سوق الشجره
دكاكين الطاهر
بيت المال تحت
الكدراويه
وغيرها ..
اول مره نسمع من لارى كنغ السودام انو طاليبان "بيزحفو"
نحو السودان ..
ابوالقدح هم؟
| |
|
|
|
|
|
|
| |
حاتم شناب
محمد مكى محمد
ترهاقا
فخرالدين عوض حسن
فيس بوك
تويتر
انستقرام
يوتيوب
بنتيريست