|
|
|
 Re: اخيرا ..وجدت اغنية ابراهيم خوجلى(فيديو) (Re: Elnasri Amin)
|
تعرف يامحمد
كلما اسمع الغنيه اتزكر الايام الجميله واشتاق
للسودان واقوم متين نرجع...
احكى ليك قصه..
مره كنت فاطر فى توتى عند جماعه اصحابنا..
اها وصلت متاخر و اخر بنطون اتحرك ..
وتبقى للفطار زى تلاته دقائق..
اها ...فى واحد عنده مركب قال لينا تعالو اركبو...
وركبنا المركب...
اصعب عشره دقائق فى حياتى...
لا طوق نجاه ..لا بعرف اعوم...والمركب تقدل
داير اموت من الخوف...
لكنها برضو ايام جميله وزكريات حلوه..
الاخ عاصم الشريف
سعيد الغنيه عجبتك..
رمضان كريم
الاخ محمدعبدالرحمن..
طبعا الغنيه تبع اخونا bibto
من منتدى عكس...
وهو من قام برفعها للسيرفر...اظنه قام بتصغيرها حتى
يتمكن من رفعها ..
ساحاول الحصول عليها كامله..
الاخ فيصل نوبى
الف مرحب بيك باسمك الجديد
وشكرا لمرورك الكريم
ورمضان كريم...
الاخ لؤى ..
حالتو انا بقول الزول ده ظهر لييه..
الظاهر عليها غنوه قويه الطفشتك دى..
الطلب لسه موجود..لو عترت ليك فى اى حته اديها خبر
الف حمدلله على سلامة العوده
وفى انتظار الجديد المثير الخطر زى مابقول الكابلى
رمضان كريم وتصوم وتفطر على خير
| |
 
|
|
|
|
|
|
|
|
Re: اخيرا ..وجدت اغنية ابراهيم خوجلى(فيديو) (Re: Elnasri Amin)
|
Quote: تعرف يامحمد
كلما اسمع الغنيه اتزكر الايام الجميله واشتاق
للسودان واقوم متين نرجع... |
ما قلت ليك يا النصري.. الشغلة إلتهابات نوستولوجي!!
Quote: وركبنا المركب...
اصعب عشره دقائق فى حياتى...
لا طوق نجاه ..لا بعرف اعوم...والمركب تقدل
داير اموت من الخوف...
|
يا زول بعد دا اطمئن.. عملوا كبري
| |
|
|
|
|
|
|
|
|
|
Re: اخيرا ..وجدت اغنية ابراهيم خوجلى(فيديو) (Re: Ahmed Alrayah)
|
الاخ العزيز احمدالريح
شكرا ليك
اخونا سيف قال عندو شريط لابراهيم خوجلى تسجيل سنه 1976 واكيد
الاغنيه دى فى الشريط ...
اهو انحنا فى انتظاره ..
الايام دى فى حمى كده غريبه بتاعت شوق للسودان وناسه
غايتو ربنا يسهل
رمضان كريم
وشكرا على لنك حفظ الفيديو..
| |
|
|
|
|
|
|
|
|
|
Re: اخيرا ..وجدت اغنية ابراهيم خوجلى(فيديو) (Re: Elnasri Amin)
|
Quote: محمد السر والله الاغنية دي مرقت ليها جنس شرايط
الكحلاوي احمد طيب خلف الله , خلف الله حمد اولاد الموردة اولاد شمبات بلابل الدوح , الجابري مديح والله تقول عارف نفسي لن اعود الي السودان تاني |
سيف مساعد
شيل شيلتك أخونا النصري النوستاجيا بتاعتو متضخمة وملتهبة جداً يعني لو ما نزلت الشرايط دي كلها هنا حا تضطر تمشي تستقبلو في مطار فرانكفورت قريب
| |
|
|
|
|
|
|
|
|
|
Re: اخيرا ..وجدت اغنية ابراهيم خوجلى(فيديو) (Re: keiga2000)
|
Quote: النصري
بالله خلّي روحك رياضيّة ، وانسى كلام محمّد السر دا وأقنع وإقتنع وأسمع الأغنية إن شاء الله تكون بصوت صدّيق رحمة النور ذاتو
|
النصري
كل عام وأنت بخير ورمضان كريم
الأغنية جميلة وليك حق تتعكلت فيها كدة  
لؤي :
رمضان دا شكلو سخّن بيك في السعودية لمن سويتني فنان كمان 
| |
|
|
|
|
|
|
|
|
|
Re: اخيرا ..وجدت اغنية ابراهيم خوجلى(فيديو) (Re: Elnasri Amin)
|
سلام صديق
مره كنا فى رحله تبع معهد الكليات
والناس ذهجت ودايره تمشى تنوم..
وفى ناس لواوييق ما دايرنها تنتهى
اها قررت افرتكها بطريقتى الخاصه
ومسكت المكرفون وقعدت اغنى
دقائق بس والحفله اتفرتكت ..
كدى غنى لينا علشان البوست ده يتخارج
رمضان كريم ياحبيب
وتصوم وتفطر على خير
| |
|
|
|
|
|
|
|
|
|
Re: اخيرا ..وجدت اغنية ابراهيم خوجلى(فيديو) (Re: Elnasri Amin)
|
النصري
أنا مشيت البوست بتاع راني (لو لحظة من وسني)
لقيتك كتبت الكلام دا:
| Quote: متين نرجع يارانى؟؟ |
وفي جماعة قالوا شافوك مارق من البوست بتبكي!!!
يا زول النوستالجيا دي لسة ما اتفشت!!!
بعد دا الدكتور حا يكتب ليك رقاد عديل.
يا زول أخير ليك تقضي العيد مع سيف..
مهم: شيل خبيزك معاك.. (زوجتو خواجية).
| |
|
|
|
|
|
|
|
|
|
Re: اخيرا ..وجدت اغنية ابراهيم خوجلى(فيديو) (Re: لؤى)
|
النصري كيف الكلام ده شفت الشرائط دي كلها ارسلهل لك بالبوسته , سوف انزلها من الكاسيت في سي دي وفي اسرع وقت ارسلها لك
ولكن عز الدين بشير عندو وهو اسرع وسيله وحيله مني عشان بديك ليها في النت اميل
لو عايز تسمع الشرائط بالمسنجر برضو كويس
نحن تحت امرك وانت ما طلبت شي غالي
| |
|
|
|
|
|
|
|
|
|
Re: اخيرا ..وجدت اغنية ابراهيم خوجلى(فيديو) (Re: Elnasri Amin)
|
| Quote: الشرائط دي كلها ارسلها لك بالبوسته |
الفكرة مرفوضة يا سيف..
كدا حا يسمعها النصري ويتعالج براهو..
أها باقي الناس العاداهم النصري بالنوستالجيا ديل يمشو وين؟.
إقتراح وجيه: ترسل الشرائط لي لؤي وهو ينزلها حسب الروشته..
غنية تلات مرات في اليوم
| |
|
|
|
|
|
|
|
|
|
Re: اخيرا ..وجدت اغنية ابراهيم خوجلى(فيديو) (Re: Elnasri Amin)
|
الاخ عماد شمت
شكرا جزيلا على المرور الكريم
فعلا الاغنيه رائعه والاداء اروع..
رمضان كريم وتصوم و تفطر على خير
الاخ سيف
انا منتظرك ..
بالبريد بالماسنجر بالجن الاحمر
انا جاهز مويه و نور
سلام محمد
والله ثيردباك بس...
اطمن اول ما البضاعه تصل حنديك الكوته حقتك
| |
|
|
|
|
|
|
|
|
|
Re: اخيرا ..وجدت اغنية ابراهيم خوجلى(فيديو) (Re: Elnasri Amin)
|
الزول الرائع
النصرى
الله يديك الفى مرادك
والله ده الكلام
والنفتنك فى محمد السر ده
والله لو داير جلسات زيدان ابراهيم
وحاجات من بيت الكلاوى..غايتو اقبض فيه
الصديق محمد السر اكيد
الجلسات الجميلة الفى بيت
احمد المصرى..بتكون حاضره كلها
ولو عايز الحاجات القديمة يا محمد..بينا التلفون
الزول الرائع لؤى
شايفك مجدد اقامتك مع هذه الروائع
محبتى
| |
|
|
|
|
|
|
|
|
|
Re: اخيرا ..وجدت اغنية ابراهيم خوجلى(فيديو) (Re: Elnasri Amin)
|
الاخ الفاضل عبدالمنعم
شكرا جزيلا على المرور الكريم
واهى فرصه تانيه نبارك ليك تانى المولود الجديد
ربنا يحفظه وانشالله تفرح بجديده...
اخونا محمدالسر ما شفنا منو اى حاجه لغاية دلوقتى
شرايطو دى زى شرائط عمر صالح جارنوت ما بديها لاى زول
غايتو ... انا بفتش لشريط لاولاد المورده
تفتكر بكون عنده!! الله اعلم
برضو بفتش لتسجيلات فرقه الاصدقاء محطه التلفزيون الاهليه..
بعدها ماداير اى حاجه...
رمضان كريم وتصوم وتفطرعلى خير
| |
|
|
|
|
|
|
|
|
|
Re: اخيرا ..وجدت اغنية ابراهيم خوجلى(فيديو) (Re: saif massad ali)
|
برضو بفتش لتسجيلات فرقه الاصدقاء محطه التلفزيون الاهليه..
بعدها ماداير اى حاجه...
الاخ النصرى
هل يوفتى ومالك فى المدينة
ياخى صديقى
بدر الدين شنا
عضو معنا..وهو من اعمدة
فرقة الاصدقاء المسرحية
والله انا متأكد لو التسجيلات دى عنده
ما حايبخل بيها عليك
وفى جاه الملوك نلوك
محبتى للجميع
| |
|
|
|
|
|
|
|
|
|
Re: اخيرا ..وجدت اغنية ابراهيم خوجلى(فيديو) (Re: Elnasri Amin)
|
Quote: الجلسات الجميلة الفى بيت
احمد المصرى..بتكون حاضره كلها |
يا منعم مالك عايز تتور علينا النوستالجيا ونبقى زي النصري نتكبس السايدات!!!
ياخي أنا لما جيت القاهرة كان معاي شنطة كاملة كلها شرايط نادرة لكن الفِرد الله يديهم العافية.. الوحد يقول ليك الشريط دا بس أسمعو وأجيبو
أها في "أسمعه" دي هم صادقين لكن التانية...
تحياتي لمحمد وأمه
| |
|
|
|
|
|
|
|
|
|
Re: اخيرا ..وجدت اغنية ابراهيم خوجلى(فيديو) (Re: Elnasri Amin)
|
| Quote: وإن شاء الله نبدا البث خلال عطله هذا الاسبوع.. |
يعني يا النصري قريب حا نسمع
"هنا إذاعة نوستالجيا"
"والآن مع برنامج ما يطلبه النوستالجيون"
وطبعاً الأغاني كلها حا يكون فيها:
"طلب الاستماع إليها النصري أمين من سان كاترين ويهديها لـ.."
نحن في الانتظار
| |
|
|
|
|
|
|
| |
Asim Sharief
محمد عبدالرحمن
لؤى
فيصل نوبي
saif massad ali
Kamel mohamad
Kostawi
keiga2000
Sidig Rahama Elnour
عماد شمت
عبد المنعم سيد احمد
فيس بوك
تويتر
انستقرام
يوتيوب
بنتيريست