(بعض)الشيوعين واختلافهم مع(محمد سليمان) في مفهوم تفكيك دولة الجلابه

Quote: شكرا يا أختنا العزيزة تراجي و ما كان في داعي لهذا البوست ... فالأرشيف يشهد بمحاولات يائسة من قبل من ضايقته مسألة طرحنا لقضية إبادة قرابة نصف مليون و تشريد أكثر من مليونين و نصف و لم يعتذر أي من المجرمين : جلابة المنبر و خارج المنبر يمين و يسار ... عساكر و مدنيين ... ختمية و أنصار ...شيوعيين و كيزان .... لقد أعلنتها من قبل : لو كنت أنتمي لأي تنظيم ... في الماضي و الحاضر .... الجلابي هو سيكون آخر من أعمل له حساب لأداري إنتمائي . محمد سليمان ليس الموضوع ... He is not the issue here جريمة دارفور هي الموضوع ..... و من هو المجرم الذي هندس و خطط و دبر و نفذ جريمة دارفور ... اليوم تقصف طائرات الميج 29 قري دارفور ..... و يأتي هنا في المنبر من يحاول التستر علي الجاني المجرم نفسه هو الذي أشرف علي تجريد الوالدة حواء ( أسخف انواع النفاق أن هناك من يأتي يصطنع الدهشة من المعاملة التي لقيتها الوالدة حواء و كأننا تحت نظام ملائكي لم يرتكب الإبادة بدارفور و لم يشرف علي إغتصاب مقبولة و مريم و غيرها ) . ز إنضم لجوقة الشغب اليساري و اليميني و الأنصاري و بعض الإنتهازيين من الجلابة الذين الآن صاروا ملكيين أكثر من الملك في السودان الجديد ... بل البعض صار الحارس في البوابة يفحص بطاقات الإنتماء و يطلب إثباتا ممن أحرقت قراه و شرد أهله ... و اهله في أمان ... يطلب منهم أن يثبتوا فكريا إنتمائهم الي السودان الجديد .. أو لإثبات النفي .. أنهم لا ينتمون لذلك التنظيم ( و كل التنظيمات من إختراع نظام الجلابة الشيطاني ) ..... الكلام هنا تحديدا للجلابي بن عوف ( جناح الجلابي المهرج غازي سليمان ) ... مثلك لا يطلب مني أي تقرير .... I don't report to you السودان الجديد نواته الذين دفعوا أفدح الأثمان .... نواته المهمشين .... الذين تقصفهم طائرات الجلابة ليل نهار ... و إن أردت أن تعرف فكري و فلسفتي و فلقصتي .... فهي هذا الذي ظللت أردده منذ ثلاث سنوات هنا في هذا المنبر : فضح المجرم الحقيقي ( الجلابي ) و كشف دوره في تدبير و تنفيذ الإبادة بدارفور ... و من ثم المساهمة مغ كل أهل الهامش في تفكيك دولة الهيمنة و الإستعباد .... دولة الجلابة .... ده كلام عربي ... لا طلياني و لا إغريقي و لا أظن انه يستعصي علي فهم أي زول و أي جلابي . خالد العبيد يا تراجي دعيه للحقائق .... فهي كفيلة بفضح عنصريته و عدم أمانته ... كيف لمسؤول في حزب أن يكون قائدا و هي يخشي حتي من إيراد الكلمات كما هي ..... فإقتباسه الناقص يكشف كثيرا من النواقص المبدئية لديه .... و لعلمك يا خالد العبيد هنا الإقتباس كاملا لما اوردته أنت ناقصا .... و دع الحكم لفطنة القارئ ..... لقد كتبت انا المداخلة التالية في بوست : اثناء التحقيقيات في مقتل( الشايقي)محمد طه تعرية امهات ا...فورين امام ابنائهن!! ز Quote: و واصلوا في تطمين أنفسكم .... بحثا عن لحظة راحة نفسية من القلق و العذاب الذي يأكلكم من الداخل ... أنتم وحدكم تدرون مدي الجرم الذي ألحقتموه بكل المهمشين ... ترتجفون اليوم من هول حجم فاتورة الحساب ... لذلك تطمنون بعضكم : الفاقع مرارتنا ده واحد غرابي عنصري حاقد كوز إنقاذي .... و كأن البشير شيوعي أحمر و عوض الجاز يعشق جيفارا و علي عثمان ود عم كاسترو ... واصلوا في دفن رؤوسكم في الرمل ..... فنحن نريدكم كذلك .... فالمجرمون أغبياء ... و من تحتمي به اليوم يا خالد العبيد مستنجدا أن يأيك بما يصرف الإنتباه عن عنصريتك الفجة التي بانت رغما عن انفك , فقد كان التحدي هنا : يا ناسا فناجرة تمام و يا ناسا تمامة الكيف بالطبع هناك من يزعق في الزفة ليداري مازق هويته .... يا تراجي لقد أبنتها لهم منذ سنين : هذه الأوعية السياسية المصطنعة من احزاب و أيديولوجيات هي من إختراع الجلابي الماكر .... ساعة الزنقة سرعان ما تنهار هذه الجدر الزائفة ليقف الكوز الجلابي مع الأنصاري الجلابي مع الختمي الجلابي مع الشيوعي الجلابي .... عندما يلوح في الأفق سيلفاكير أو مني أركو أو باقان أموم أو عبدالواحد أو شحتو أو عبدالشافي أو مادبو أو تراجي مصطفي ... لقد قالوه من قبل و بوضوح : يحكمهم المصريين و لا الغرابة ... و هنا في هذا البوست يري الجميع كيف يقف خالد العبيد الشيوعي مع هجو الأقرع الكوز مع أحمد الشايقي الختمي : الشمالية مهمشة ؟؟!! .. إهدار الأموال في شبكات طرق حديثة...في الدخل القومي !!!! مرة تانية : الجلابي هو آخر من اعمل ليهو حساب في إعلان إنتمائي السياسي إن كان هناك لي إنتماء سياسي ... .

Quote: العزيزة تراجي مصطفي لكى كل التقدير والسلام الحديث بعدم انتمائه للجبهة اللاأسلامية بقيادت شيخ الدجالين حسن الترابى (المؤتمر الشعبى ) وطبعآ لان الشينه منكوره والدفاع المباشر اصبح نوع من الجنون في ظل احتراق شعارات الجبهة اللاأسلامية وتهاوي اطروحاته يلجاء البعض لهذا الاسلوب مفترضين الغباء في القراء إذا لم يكن موالى للجبهة اللاأسلامية فما هو برنامجك لسياسي يامحمد وفكرك الذى سينقذ السودان حدثنا بالله عليك ولا داعى للمراوقه وتغير الموضوع يا تراجي محمد سلمان لأيحترم اي تنظيم(حتى مفهوم السودان الجديد )

Quote: عزيزى محمد سليمان امثال علي الحاج كثر , يعيشون بيننا و ينفثون سموومهم و احقادهم الشخصية , ككلاب حراسة البهائم, تحسبه يضحك , ولكنه مكشر عن انيابه , يتحين الفرصة لمص دمك. الصبغة الشخصية و الشعور الدوني , الذي يصاحب نفرا من السودانيين , اصبح وسائل للضغط علي الشماليين , لايفاء الرغبات الشخصية , للشخصيات الضعيفة , التي لا تري مجالا لتحقيق ذاتها في ظل ظروف , غير الظروف المستجدية للشفقة و العطف. و اصبحت هذا اللون من المنهجية , ما يميز كتاب و سياسيين اليوم من السودانيين....فالعمل السياسي لا يدفع بالمطامع الشخصية. و تحقيق العدل لا يكون بالتعدي علي حقوق الاخرين و اجبارهم علي ايفاء الرغبات الجنسية و غيرها لافراد فصيل من المجتمع , حتي ينفي عن نفسه صبغة العنصرية. و الحرية الفردية تنتهي هناك , عندما تتعدي علي حرية الاخرين...و سياسة الاستنزاف التي ينتهجها تنظيم الجبهة الإسلامية " علي الديمقراطية , عن طريق اثارة النعرات القبلية لم تدعو الحركة الشعبية في خطابها المعلن فى يوم الي النعرات القبلية فى السودان بل جوهر دعوة السودان الجديد هذا من أدبيات الحركة الشعبية حـول مفهوم السـودان الجـديد ان تعبير السـودان الجـديد هو اطار فكرى ابتدعناه حتى يعين على استيعاب حقيقة المشكل السودانى كما يعين على حوار هادف حول هذا المشكل بما يقود إلى الحل الأمثل وفى أعتقادى أن المشكلة الرئيسية التى عانى منها السودان منذ الاستقلال فى عام1956 والتـى أعيت الأنظمة المتعاقبة فى الخرطوم هى الأرضية المشتركة التى يجتمع عليها أهل السودان. وبعبارة أخرى لم يكن هناك تطوير واع للمقومات الشتركة للشخصية السودانية بحيث يمنحها كل سودانى ولاءه على اختلاف النابر قبلية كانت أو عرقية أو دينية. ولغياب هذه الأرضية المشتركة اتخذت السياسة فى السودان وجهات تحكمها عوامل التفرقة والتجزئة مثل الطائفية والقبلية والاقليمية وكل هذه العوامل لاتعين على الصهر القومى فى دولة متعددة القوميات. وفى اعتقادى أن هذا هو الاشكال الر ئيس فىالسودان والذى يجب أن تـتجه الأنظار إلى معالجته وايجاد حل له. ولهذا فان أى برنامج لانقاذ السودان جدير بهذا الأسم لابد له من أن ينطلق من هذا الاطار الفكرى .ومن جانبنا فقد تداولنا كحر كة سياسية فى هذا الأمر مليا منذ منشأ الحركة فى عام 1983 .وقد رفضنا يومذاك كما نرفض اليوم أية دعوة لفصل الجنوب أو أى جزء من القطر. وقد رفضنا يومذاك – كما نرفض اليوم- أى اتجاه لمعالجة مايسمى بمشكلة الجنوب بمعزل عن مشكل السودان. وكان تحليلنا يومذاك أن ما يسمى بمشكلة هو فى واقع الأمر مشكلة الخرطوم أى مشكلة ممارسة السلطة فى الخرطوم. ولهذا فقدآثرنا النضال من أجل اعادة جذرية لهيكلة الحكم فى الخرطوم بالصورة التـى تعكس حقيقة التـنوع فى السودان وتعين على بناء أرضية مشتركة للشخصية السودانية وتحقق تركيـبا سياسيا واجتماعيا جديدا يمهد للتحول نحو السودان الجديد كما عزمنا على النضال من أجل خلق وضع جديد يتيح للحركة الشبية والجيش الشعبى مثلهما مثل القوى السياسية الأخرى والأقاليم المختلفة والقوميات المتعددة على امتداد السودان.. يتيح لكل هؤلاء المشاركة الفعالة فى ممارسة السلطة فى الخرطوم.هذه هى الخطوة الأولى والتى نتجه بعدها إلى قضية نظام الحكم فى الأقاليم جميعها وليس الجنوب وحده..قضية الحكم الاقليمى فى الجنوب والغرب والشرق والشمال والسودان الأوسط. وفى تحليلنا لهذا الواقع السودانى لم تكتف بالنظرة إلى السودان المعاصر بل نظرنا إلى السودان فى اطار تاريخى واسع عدنا معه إلى جذور الشخصية السودانية فى التاريخ القديم. وقد أعانتنا هذه النعرة على الوعى بحقيقة هامة هى أن السودان لم يكن فى ماضيه بالكم المهمل كما هو الآن فاجدادنا أقاموا قبل آلاف السنين مملكة كوش التى أزدهرت وتفاعلت مع الحضارات القديمة المجاورة حـتـى أن الأسرة المالكة الفرعونية الخامسة والعشرين كانت سودانية الأصل .وقد تفاعلت هى الأخرى مع الممالك الأشورية فى الشرق الأوسط وخلال عبورنا فى دهاليز التاريخ شهدنا كيف أن المسيحية قد جاءت إلى السودان مباشرة من منبتها فى فلسطين فى الوقت الذى كانت أوروبا تعيش عهد التمزق القبلى والهمجية.كما شهدنا ونحن ننقب فى دهاليز التاريخ عن ماضينا كيف قاد انتشار الاسلام والهجرة العربية للسودان إلى قيام ممالك الفنج والفور ومملكة الشلك وممالك أخرى. واعقب كل هذا الغزو التركى المصرى والذى جاءت نهايته على يد المهدية ثم الاستعمار الانجليزى المصرى والذى جابهته معارضة شعبية عنيفة انتهت باستقلال السودان فى عام 1956 . اما بقية تاريخ السودان عقب الاستقلال فأمرها معروف.ففى خلال العقود الثلاثة التى أعقبتالإستقلال ظل السودان فى حرب مع نفسه ثلثى هذه الفترة… كما شهد السودان خلال تلك الفترة أربعة إنقلابات عسكرية وانتفاضتين شعبيتن وثلاث حكومات ائتلافية فى ظل نظام هو مدنى تعددى وفى اعتقادنا أن السبب الرئيس لتلك الحرب وذلك التقلب فى الأوضاع هو فشل الحكم وعجزه عن إيجاد حل وفق منظور متكامل لمشاكل السودان. وهذا فقد عقدت الحركة الشعبية والجيش الشعبى العزم على أن تقوم-بالتعاون مع القوى السياسية الأخرى التى تشاركها الرأى-هذا المنظور المتكامل.ويتركز برنامج خلق السودان الجديد على خمسة أعمدة مترابطة ألا وهى: 1- البعث القومى السودانى 2- الديموقراطية 3- الوحدة الوطنية بعيدا عن التمزق الطائفى 4- النمو الاقتصادى المرتكز على الاعتماد على الذات والهادف إلى تحقيق الاكتفاء الذاتى وتوفير العدالة الاجتماعية. 5- الاستغلال السياسى العسكرى على الصعيد الخارجى والتضامن مع كل شعوب العالم المقهورة.

Quote: جلابي الحركة الشعبية، الانتهازي والمتسلق يحي ابن عوف. او علي الحاج جرقاس الجلابة، مالو؟ عيبو شنو؟ قايم بي دورو ككلب حراسة لامثالك، ياشايقي ياقبلي يامتخلف، كاحسن مايكون الدور! ولكن ما كل من اتي من الغرب، مستلب او مستعبد جلابة كعلي الحاج، كما افتكرت ود سليمان!. عزيزي القارئ، هذا الجلابي القبلي، نموذج لي كثيرين من التلبو او ركبو wagon السودان الجديد، من منطلق العداء لاخوانم الكيزان ولا غير! هذا المسكين، قبل كده عندو بوست عن ترهاقا، او كيف انو مشلخ شايقي كمان! ياهم زي ديل الكمان بحاضرو واحد زي محمد سليمان، عن السودان الجديد! والله هانت القراصة الفي "قدحا من الدبكر"! هذا الجلابي المتسلق لقطار الحركة الشعبية، قبل كده اعلن انسحابو من الحركة الشعبية لانها، ما ازاحت الكيزان غرماؤو كيسار جلابة قديم، من السلطة الجلابية! كمعظم يسار السودان المصري، همو الاساسي او مركز وجودو كيساري قديم، هو ازاحة الكيزان من السلطة! ده مدخل هذا الشايقي القبلي الاساسي لي مفهوم السودان الجديد. احنا ما اعضاء في الحركة الشعبية، وبالتالي ما ملزمين اطلاقا بي فهم امثالك بالذات المندسين من الشيوعين الجلابة، في صفوف الحركة الشعبية والسودان الجديد. هل صدفة انو الشايقي القبلي ده، مافتح الله عليهو ولو بي بوست عن محارق التطهير، في دارفور؟ هل صدفة زيو او زي اي كوز، لمان قرر يهاجم، يختار واحد زي محمد سليمان كهدف؟ قال علي روحو، حركة شعبية، وهو يستكثر علي مهمشي الجلابة حتي مجرد التعبير عن مشاعرم، وما كابدو من قهر، في كل ثانية، من كل دقيقة عاشوها، في دويلة الاقلية، العنصرية، النازية، الابارثيدية! هذا الشايقي القبلي العنصري، المندس، يسمي مثل هذا، بث للسموم، تخيلو هذا! لو كده، فرقك من الكوز المدعو الشايقي شنو؟ الكوز داعية الخديوية، احمد الشايقي، شنو؟ بل الكوز الشايقي علاء يوسف، شنو؟ هؤلاء جميعا في نظري اشرف منك، واحترمهم اكثر من المستهبلين امثالك، المندسين في صفوف قوي السودان الجديد، من بقايا الشيوعية، الجلابة! دي مقدمة فقط. سنعود لهذا القبلي والجهوي، العامل حركة شعبية! المتقرضم الشيوعي، محمد حسبو الدور عليك، اركز.

Quote: بشاشا لي مدة وانا اتامل سخافاتك مع الكثيرين في هذ المنبر ومعاركك الدون كيشوطية بلا سبب مع اناس قد لا تحلم يوما ما ان تلتقيهم لانك اصغر من ان تفكر مجرد التفكير في ذلك انا شخصيا لا اريد ان ادخل معك في جدل بيزنطي فانت لاتفقه في اي شئ سوي العيش في المياة النتنة والعكرة ومعالجة القضايا على اساس العنصري و القبلي وقد فكرت مرارا ان الجمك واكبح جماح هجوماتك علي الغير ولكنني توقفت اكراما لاصدقاء لي هنا ولكنني اليوم استميحهم عذرا اذ اخلفت وعدي فانت تعديت كل حدود بهجومك لانك صدقت مقولة الملق من بعض الصبية وتابعك قفة الذين ينادونك الأمير الكوشي فيما غير حق وانا اسألك فيم في القبح والجهالة والسخف واساءة الاخرين لمجرد خلاف الرؤي والفكر الشايقية سليلو النوبيين وبناة حضارتهم !]

Quote: كتب المتفلقص محمد حسبو: Quote: و يا عزيزي معتز، أختنا تراجي في بحثها الدائم عن الإثارة، تنسى بعض الأساسيات، من ضمنها مثلا، ما لخّصته عبارة صديقي الجريفاوي البليغة، و التي قال لي فيها: الانترنت في العالم يا صديقي، و ليس العكس. عزيزي القارئ: تحدثنا من قبل، عن افة التعالي، والغرور الساذج، في الفارغ، الماسك بتلابيب الشيوعيين بالذات، في السودان! المدعو محمد حسبو، الفرحان بي شيوعيتو، ماتعرف ليه، هو اصدق مثال لعنتظة الشيوعيين، افشل خلق الله المشتغلين بالسياسة في السودان! من اسباب فشل هؤلاء، هو الغرور المعرفي، والكلام ده ناقشناهو قبل كده كتير. نعم الغرور سمة عامة، مشتركة بين مثقافتية الجلابة لاسباب محددة، تاريخية، تضرب بجذورا في اعماق، اعماق، ثقافتنا المثالية بالفهم الغربي، الصفوية، المعادية بنيويا، لمفهوم جماهيرية المعرفة، الغربي، الحالي. اولا يلاحظ هذا الجلابي الشيوعي، عندو مشكلة مع نموذج تراجي، وهذه سمة عامة مشتركة بين كل المثقلين بي عمل، حاسوب دماغ، العقل الجلابي! بالنسبة لي شخصيا، بستخدم الموقف العدائي، ضد تراجي، محمد سليمان، دينق، كاInicater بي لغة التحليل التقني، للرسم البياني. كقــــاعدة، بقدر العداء لهذا الثالوث، او بالذات تراجي، يكون حجم "الترقي" اي الانحدار، في مدارج العقل الجلابي، ولكل قاعدة شواذ. المتقرضم محمد حسبو، يتحدث هنا بي نبرة تعالي شديد، ولايدري كالعادة، انو غرقان في كباية شاي، اصلا! بالنسبة ليهو، كمثقفاتي، جلابي، منبت، حالم، عايش في عالم فقاعي، كلام تراجي عامة، منطلقو الاثارة ولاغير! طبعا ده فهمو هو كجلابي، المتسق تماما، مع معطيات واقعو كشمالي، فوق للنزعة التجريدية المثالية، كسمة تحليل بصفة عامة! لهذا، فلا معني لي كلامو او كلام الجلابي، الحالم الاخر الجريفاوي القاضي وقتو هنا، حكاوي مغامرات عاطفية، كناية عن الوفاض الجهوي، الخالي من هموم محارق التطهير، عن الاصل والصورة او العالم اوما شابه. ليه؟ لانو دنيا الجلابي او بالذات الليبرالي او بالتحديد العامليين ماركسيين، غير دنيا، مهمشي الجلابة، او رموزم، كتراجي، او محمد سليمان او دينق! ففي سودان دويلة الاقلية، كماقال شاعرهم العربي العقاد، "دنياواتنا كثر"! علي كده، هذا الشيوعي المتفلقص، لم يفعل اكثر من تفسير الماء، بعد الجهد بالماء،فوق للاسقاط النفسي، كما في كلامو عن "الاثارة"! كان بحث عن اثارة، او بث للسموم زي ماقال القبلي الشايقي بتاع الحركة الشعبية ابنعوف، او دعوة بالفتنة، او للعنصرية، فهذا كله لم يخرج قط، عن قطبان سكة حديد، الخطاب الجلابي! الجلابي لايملك كقاعدة، غير التعبير عن مكنون زاتو الجلابية، وهذا كل ماحاول فعله، محمد حسبو.

Quote: شكراً يا أمّي دومة، شاحدك تلفون غايتو، شوق ساي. و يا عزيزي معتز، أختنا تراجي في بحثها الدائم عن الإثارة، تنسى بعض الأساسيات، من ضمنها مثلا، ما لخّصته عبارة صديقي الجريفاوي البليغة، و التي قال لي فيها: الانترنت في العالم يا صديقي، و ليس العكس. تراجي اشتطت في تقديس صورة العالم في الانترنت. فما عادت تميّز بين الأصل و الصورة، ثم ما عادت تصدّق أن هناك أصلا من أصله، دا موضوع من المواضيع العايز أشوف فهمها ليها هنا. الزميل خالد العبيد: Quote: قلت اكثر من مرة ان ما اطرحه هنا في هذا البورد يعبر عني انا خالد العبيد فقط للحزب قنوات وموقع الكتروني يمكنك وغيرك مخاطبته مباشرة إنت يا زميل ما بتفهم؟ تراجي دي مش قالت قصّة أنك بتكتب أصالة عن نفسك دي مرفوضة؟ إنت حتعرف بتكتب بلسان منو أحسن من تراجي؟ بعدين أرجوك رغم معرفتي أنو الموضوع يمسّك في جانب منه، بس برضو دايرك تديني فرصة أناقش بقيّة الجوانب، حتى لو استدعى الأمر إدانتك و شنقك لنفرغ من أمرك، بالجد أنا ما جيت دفاعا عنّك، و ما عارف فعلا ما قلتَه أنت، جيت لأنو تراجي بعدما ثبتت عليها الجسورة و المقاتلة، كمان عايزة تشتغل "ألفة" للمناضلين و المواطنين عموم، و لو سكتنا أكتر، ما معروف يحصل شنو بعد داك، لذلك همّي هنا هو تهذيب خطاب تراجي. شوشتا الفاضل، إزيّك يا جلّابي يا عروبي، أما كان أجدى لو تستعين بتراثنا الأفريقي في زاويتك بدل هذا الاستعلاء العروبي المصري؟ هاك زاوية شبيهة بزاويتك: روى الجاحظ فقال: حدَّثني شمعون الطبيب قال: كنت يوما عند ذي اليَمينين طاهرِ بن الحسين فدخل عليه أبو عبد اللّه المروَزِيّ فقال طاهر: يا أبا عبدِ اللّه مذْ كمْ دخلتَ العراق؟ قال: منذ عِشرين سنةً، وأنا صائم منذ ثلاثين سنة. قال: يا أبا عبدِ اللّه، سألناك عن مسألةٍ فأجبتَنا عن مسألتين - مش أحسن من قصّة البغل و الحمار ديك؟

Quote: Quote: فانت تعديت كل حدود بهجومك لانك صدقت مقولة الملق من بعض الصبية وتابعك قفة الذين ينادونك الأمير الكوشي فيما غير حق وانا اسألك فيم في القبح والجهالة والسخف واساءة الاخرين لمجرد خلاف الرؤي والفكر القبلي الشايقي، العامل حركة شعبية. بالنسبة ليك انت كجلابي متسلق قطار الحركة الشعبية، علي السطوح، هو مجرد خلاف في الرؤي، مصداقا لي راينا فيك. بالنسبة لينا هو صراع موت او حياة! من اول سطرين لم تفعل اكثر من اثبات كلامنا عنك كقبلي وجهوي! كونك قبلي بتفتكر ترهاقا شايقي، فهذا راي، عجبك ولاماعجبك وليس باساءة! اذا لابد فعاين للمراية او حتشوف الاساءة! الصورة القبيحة ما مسؤولية المصور، وانما صاحب الصورة. وصفناك بماهو فيك، او لوما عجبك، toooo bad. امسك اي جزء من كلامي او طالبني بالدليل. بعدين انت يامتخلف وهذا وصف لي طريقة تفكيرك مش اساءة، بتحلم ان تلتقي ببعض الناس الهنا، فمعليش، ماعندنا احلام زي دي، فبطل اسقاط لي طريقة تفكيرك العشائرية هذه، البتخلي بشر، يحلم بلقاء بشر زيو، ياكل الطعام او يمشي الحمام! الفرق شنو بيني او بين اي عضو هنا، عشان هو "يحلم" عديل كده، بلقيايي، او انا احلم بلقياه، من الاساس، ياقبلي ياعشائري يامتخلف؟ نكرر هذه بالحرف اوصاف لي طريقة تفكيرك وليست باساءة او شتيمة. بشاشا لايشتم، ولايحتاج لهكذا اسلوب لتسوية اختلافو مع ايا كان. بدل الوعظ والتشكي، لوعندك قدرة ترد علي كلامنا رد. بالعدم لاتختلف عن امثال علاء يوسف الا في الفهلوة والاستهبال، عامل كمان حركة شعبية بكل قوة عين!

Quote: Quote: ياهم زي ديل الكمان بحاضرو واحد زي محمد سليمان، عن السودان الجديد! والله محمد أحمد التربال أو شول العامل عقليته وفكره أفضل من تفكير محمد سليمان أو الدجال الأكبر الشيخ حسن لعباتكم اضحت مكشوفة جدا جدا اذا كان هناك اعداء للسودان فهم انتم ليس غيركم الجبهة الإسلامية لا تنظروا من حولكم ولا تلتفتوا ابدا تحقيق العدل لا يكون بالتعدي علي حقوق الاخرين واجبارهم علي ايفاء الرغبات الجنسية و غيرها لافراد فصيل من المجتمع , حتي ينفي عن نفسه صبغة العنصرية. و الحرية الفردية تنتهي هناك , عندما تتعدي علي حرية الاخرين...و سياسة الاستنزاف التي ينتهجها تنظيم الجبهة الإسلامية الوطن يحتاج رجالا بمعني الكلمة ليس بينهم افاقين ودجله وحارقي بخور ومطلبلين وخاوي عقول وقبليين جدد

Quote: كتب الباشبوزغي القبلي ابن عوف: Quote: الصبغة الشخصية و الشعور الدوني , الذي يصاحب نفرا من السودانيين , اصبح وسائل للضغط علي الشماليين , لايفاء الرغبات الشخصية , للشخصيات الضعيفة عزيزي القارئ، هنا، هذا الشايقي القبلي المستعلواتي، بحاول وكعادة كل مستعلواتية الجلابة، يصم المارد ودسليمان، بي انو بعاني من مركب نقص! تخيلو مخلوق زي ده، بالذات انو عامل بحب قرنق او كمان حركة شعبية؟ طيب الفرق اصلا شنو مابين الشهيد قرنق او محمد سليمان؟ اذا محمد سليمان وهو يقاتل بسلاح الكلمة في غابة الجلابة، بعاني من الدونية، فكذلك دكتور قرنق! الاتنين ضحايا اقليتك الجلابية، والاتنين مقاتلين في سبيل الانعتاق، مع تسليمنا بالفارق مابين الرائد قرنق والحوار محمد سليمان. كيف عضو حركة شعبية، يتحدث بمثل هذه اللغة الاستعلائية المالوفة لدي غلاة مستعلواتية الجلابة، عن مناضل شرس او عنيد زي محمد سليمان؟ عشان كده قنا علي هذا الجلابي انو متسلق ليس الا، مدخلو الاساسي، كراهيتو لي اخوانو الجلابة، الكيزان! فهو يكره من يظن انو كوز، ويحب من يظن انو عدو للكيزان! دي طريقة تفكير المعارضة الشمالية، او بالذات اليسار الجلابي، الخاسر الاكبر من انفراد اليمين الجلابي بالسلطة، بعد فشلهم هم في الوصول لذات السلطة الجلابية، عن طريق ذات الانقلابات العسكرية علي الدستور الجلابي! لاحظو لي كلامو، عن الضغط علي الشماليين، ونواصل..

Quote: ويا يحي ابن عوف ما حكيت لينا ياترى ماهو الحس الدوني للباقان اموم عشان سيادتك بجرة قلم عملتها عقد واحساس بالدونيه؟؟ياترى عايز اقتباس لكلامك؟؟؟؟

Quote: القراء الاعزاء ثم الاعضاء، انتم مدعوون لي ربة كاربة في الخيط ده، مساء الجمعة بي توقيت امريكا، ربنا يبعد العوارض. اوعدكم بثلاث ساعات من الضحك المتواصل، او نحنا نعري، هذا الشيوعي، الجلابي، المغرور بي خزعبلات ماركسيتو الاتوسدت الطوب، او لحقت الزينين من زمن! المدعو حسبو، اثني طلبك، بقية الجلابة يمتنعون او يكتفو بالفرجة بث! عاطب عبد العاطل، الكرت الحرقنا حريق، عاطب عبد العاطل، لو ملاحظين راح راكب فيي سرج واحد مع شيوعييه في الخيط ده، للمرة الاولي، بالذات واحد زي حسبو الكان اكثر بذاءة وعدوانية تجاه الرفيق عاطب عاطل! تفتكرو ليه؟ ده حنخلي للتحلية! الرجل جعلناه، Irelevant لايكترث لوجودو، من عدمو، احد كما كان في السابق، قبل ما ندوس ازرارو او نفجرو من الداخل تفجير كامل! الان عاطب عاطل is a damaged goods، يلهث خلف الاضواء، متسول يستجدي انتباه الاخرين! فما عدنا، نضيع معاهو وكت، زيو او زي ناس تمبوشي، الD.J، واحد! الا في حالات محددة بعينها! لما عايزين نمخت، او نتف، او ندي التراش فلا مانع، من استخدام عاطب كورقة كلنكس!! عييييييييك! قال امير جديد، قال، الحمبرا!

Quote: محمد حسبو سلامات يادوب جيت و اتفاجأت بكم المتداخلين و المتداخلات خصوصا من الجلّابة لاتسقط في فخ لغة الموتورين حتى لو على سبيل السخرية

Quote: الفارسة تراجي أنا من جيتك قلت ليك وريني خالد العبيد دا قال شنو عشان نحكم و ما وريتيني، يعني أنا مفروض أحكم بالغيب؟ طيب ياخ خالد غلطان و محمّد سليمان برئ، و تاني حقو ندين -كتابةً- في سودانيزأونلاين أي زول ياقولك يتهم التاني بالكوزنة بدون معلومات قطعيّة و بس استنادا على كتابتو هنا. الدرب دا كويس معاك؟ عشان عندي ليك ناس غير خالد؟ حوّاء محمّد عيسى أنا اتلوّومت عاد في حقّها، ما كتبت، و يمكن بالنسبة لمفتش نوايا زي تراجي أكون أساسا ما شغال بالحصل ليها. عارفة يا تراجي، حوّاء دي سمعنا بي الحصل ليها كلنا لأنه حدث في الخرطوم و كانت لديها فرصة للحديث في محكمة يحضرها إعلاميون، حسبو يفهم أنّها ما داب حوّاء عيسى، حوّاء رمز ينوب عن أخريات الله يعلمهم، كثيرات قضين بحسرتهن، جرّدن من الثياب و الأبناء و المأوى، لكن لعلمك، حسبو لم "يكتب" حين قُتِّل أهل كجبار، و لا حين اعتُقل منو و منو، و لا حين غرّة، و ما حتصدقيني لو قلت ليك من ضمن أسباب عزوفي عن الوسيلة دي في "التضامن" -و ليس "النضال"- تقع ممارستكم أنت و كورجتك، كلمات التضامن و الهتافات هنا دا بقت مسيخة و الله و تنز إدعاء معاكم و من جرائكم، عموما كان أمنا حوّاء قرأت هتافاتك و اتصلت بيك، أو أيّا من أهلها مرّ على بوستاتك، اعتذري لي منهم شديد، و السلام أمانة يا تراجي. ممكن يا تراجي يكونوا في زولين، زيي و زيك كدا، يشوفوا الحكومة قطعت يدين سارق، تقوم تراجي تقول لي حسبو سجمي سجمي، حسبو يقول ليها لا عادي، دا بسبب الدولة الدينية. تاني بكرة يقطعوا يدين زول، تاني تراجي تسكلب، تاني يقول ليها دا من تطبيق نوع معين من القوانين، و كل يوم تتكرر القصة، هنا يا تراجي، بنقول في زول بيقدر "يفهم" ما هو مشترك في كل ظاهرة، و في زول لا يستطيع رؤية ما هو عام، و له قابليّة الاندهاش كل يوم، زول حياتو تالية لوقوع الحوادث زيّك، ما عندو معارف قبليّة كلو كلو. أنا فهمي للحتّة دي أنو كل زول عندو بصارة و وسائل حسب زاوية شوفو، و كلٌ ميسّر لما قُدِّر له يا سيدتي. أنا فعلا اشتهرت بعدما تفضلتِ بالرد علي، و هسة من أمس تعبان و ضهري واجعني –كمان الشهرة متاعب-، أنتي اشتهرتي بعد عملتي شنو؟ حدثينا عن رحلتك القصيرة من أجل النجوميّة. ما هو أنا من الأول قلت أنك مصرّة على منهج الإثارة، ما فهمتي. لأنّك فارغة المضمون، خالية الذهن سوى من الأقاويل يا تراجي، أنت أقرب عشرات المرات للجبهة الإسلاميّة مني، لأنك باحثة عن النجوميّة و غير ملمة بطبيعة الصراع فامتصاصك بالنسبة للجبهة الإسلامية هو مسألة رغبة، متى رغبوا في مثلك استطاعوا "جلبها"، كما جلبوا الكثير من البراميل الفارغة من كل أنحاء السودان و أحزابه و ثوّاره و هلم جرّا، و أنا بقول ليك الكلام دا و هو ليس جديد لا عليّ لا على السياسة السودانيّة دي لمن يرى، و الذي بينك و بينه عداوة كأنّه وليّ حميم، ما دامت عداوة من الضجيج. -أدروب انزيّك و كيفنّك، إنت أمس مش قلت بس تخلِّص الدوام؟ يا زول ما أدراني بأحوالك، كنت بس عايز أقوليك شوف لي شيء أجهِّز نقاشي ليك فيهو دابن تجي، مالقيت ليك شيء أنا غير ياهو قولة فوق و السلام و نمشي ونجيكم، إن ما جبت شيء المرّة الجاية بناقشك في فوق دي، حاكم الفوق دا ماهو اتجاه و بس، دا مواربة فيهو فعاليّات كثيرة، بشاشا غايتو فايتك باللسان، مرّة بشاشا دا نصّب نفسه كأحد النجوم في سماء الفكر السوداني، أقسم بالله قال عن نفسو كدا، يعني ماهو بالمفكِّر فحسب، في حين أنّه ليس سوى قارئ سيئ للشيخ ديوب، و مداوس كبير في غرفة عرضها السموات و الأرض بفضل التكنولوجيا، من معركة لمعركة، لامن كمان أخونا دينق هنّأ الناس بعودته بعد اسبوع إجازة، استراحة محارب و كدا، ياربي مشى استراح وين مرق لا برّة؟ الجماعة ديل براهم سووا روحهم مناضلين و مقاتلين و رموز للسودان الجديد و ممثلين للهامش و كلّه من الانترنت، و هسة دايرين كمان يشتغلوا بوليس للحركة السياسيّة، و يتوّج بعضهم بعضا معلّمين نضاليين، صحيح كُتر السُكات بيضر.