|
|
 السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.سي
|
| Quote: ألغت السلطات السودانية حفل فريق شمال افريقيا الذي فاز أخيراً بجائزة برنامج «ألبوم» التابع لقناة «ام. بي.سي»، بينهم سوداني. وكان من المقرر ان يقام الحفل مساء الخميس بارض المعارض ببري بالعاصمة الخرطوم ولم يتم في الخطاب الرسمي الذي سلم الى الشركة المنظمة للحفل، توضيح اسباب قرار الالغاء. وقالت مها زكريا مديرة الشركة المنظمة للحفل انهم ابلغوا بالقرار شفاهة قبل أن يتسلموا خطاباً رسمياً بذلك، وقالت ان خسائر الشركة قد وصلت الى قرابة «250» الف دولار تم صرفها في دعوة الفريق واستضافته بالخرطوم بجانب التكاليف الاعلامية للحملة الاعلانية. وعبرت عن بالغ اسفها واستغرابها مما حدث مبينة ان الشركة كانت قد استوفت الاجراءات الرسمية كافة الخاصة بتنظيم الحفل. وقالت فريق شمال افريقيا بمقر اقامته حيث بدت على نجوم الفريق مظاهر الاحباط مبدين دهشتهم للقرار سيما ان محطة «ام. بي. سي» اختارت بداية حفلاتها بالخرطوم وفاء لوقفة الجمهور السوداني مع الفريق |
http://www.asharqalawsat.com/details.asp?section=4&arti...e=436119&issue=10511
|
|
 
|
|
|
|
|
|
|
|
Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س (Re: رأفت ميلاد)
|
شوف يا ( رأفت ) ..
القصة وما فيها .. انه في سياسة ( انفتاح ) في الآونة الاخيرة ..
وبقينا نحن السودانيين نتعامل مع المجتمع الخارجي بنوع من ( الاحترافية ) ..
الحفل دا منظماهو شركة .. وفي الخبر بلغت خسائرها حوالي ( 250 مليون ) ..
ما مهم الفريق دا اذا كان بغني ( اغاني سودانية ) او ( افغانية ) كما تكرمت سيادتكم ..
فقبله جاتنا ( أصالة نصري ) و ( محمد منير ) و ( ايهاب ) و ( شيرين ) ..
وبعض غنى من ( أجل دارفور ) ..
يعني المنفعة كانت ( مادية ) و ( معنوية ) ..
وكلها منظمة من قبل شركات .. ( اصحابها شباب ) .. لديهم طموح ومعرفة جيدة بأساليب ( البيزنس ) ..
لمن اجي امنع حفلة ذي دي .. وبدون مبرر ( قانوني ) .. وبدون حتي ( توضيح ) للشركة المنظمة ..
فيهو ( ظلم ) كبير بيقع علي ( الشركة ) .. اصحابها والعاملين بها .. ويصل لحدي ( بائعي التسالي ) الممكن يقيفوا بره الحفلة ..
..
..
انشاء الله كدا تكون استوعبت ( الفكرة ) ..
| |
|
|
|
|
|
|
|
|
|
Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س (Re: humida)
|
الاخ حميدة والاخ الطاهر ،،
الحفل كان مفروض يكون يوم الخميس الماضى السادس من سبتمبر ، وتم الغاء الحفل بعد وصول الفرقة منذ الثلاثاء وتم استقبالها بمطار الخرطوم بحضور عدد من الصحف والاعلاميين ، ولكننا فوجئنا برسائل عبر الجوال قبل الميعاد المحدد للحفل بانه تم تأجيل الحفل الى موعد سيحدد لاحقاَ ، والجهة التي ارسلت الرسائل تدعى Organizer .
ولا اعتقد ان الغاء الحفل له اي علاقة برمضان.
مع العلم بان اعلانات الحفل كانت منتشرة قبل فترة طويلة وقد خسرت الشركة المنظمة مبالغ طائلة للاعلان عن الحفل بس حنقول ايه ياهو دا السودان .. !!
تعسفية !!
قمع !!!
واستبداد !!
| |
|
|
|
|
|
|
|
|
|
Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س (Re: سمرية)
|
شوف عيني البياكلها الدود الاعلانات كانت موجودة وتحديدا في عمارة طلب ببحري
منذ يوم الاحد 2 سبتمبر...كان بيلصقوا فيها مجموعة من الشباب ...يعني قبل
وصول الفرقة يوم الثلاثاء وشفتها في اماكن كثيرة في الخرطوم والخرطوم بحري
وام درمان...
لماذا لم يمنعوا لصق الاعلانات قبل ان يمنعوا الحفل...
وثم ثانيا...هل لصق اعلانات الحفلات يتم بتصريح ام هكذا هبتلي؟
اذا كان بتم بتصريح ورسوم مدفوعة للبلدية والمحلية او الاسماء الزي دي
معناها كانوا موافقين علي الحفل واذا كان لا تبقي الحكاية جايطة من اولها..
| |
|
|
|
|
|
|
|
|
|
Re: السلطات السودانية تمنع حفلا بالعاصمة لفرقة ( شمال أفريقيا ) الفائزة في برنامج ألبوم إم.بي.س (Re: abdulgafar mohd saeed)
|
وصلتني بالأمس رسالة عبر ( الموبايل ) ..
احتفظ برقم ( المرسل ) ..
Quote: سلامات
اعتبرني متطفل شلت تلفونك من البروفايل وعلشان ما تهرشني لو حاولت تتصل علي ما ح ارد ومن اسع بعتذر عن كلامي التحت دا٠٠
الشركة المنظمة الانفقت ٢٥٠ الف دولار دي ٠٠ناس البورد العاملين ملوك اكثر من الملك زاتو ولا واحد ما قال بغم ٠٠٠يوم روضة الحاج شبكونا ليك دارفور جيعانه وسقط لقط الخريف دمرا وناسا في السهلا وقروش التصويت كان اولي بيها ديل٠٠٠شفت نضال سودانيز اون لاين٠٠٠كل دجل وكذب في كذب٠٠٠وتاني بعتذر ورمضان علي الابواب٠٠٠وانا من المتصفحين بس موضوعك دا غلبني ابلعو٠ |
الزول دا شكله فاهم ( غلط ) ..
بعتبر انه سـودانيز اونلاين بتعبر عن رأي ( واحد ) ..
او انه الاعضاء كلهم علي ( قلب رجل واحد ) ..
وكما يبدو لي انه من انصار ( روضة الحاج ) ..
..
..
يا سيدي الفاضل ..
سودانيزاونلاين ( القاعدة الاولى ) فيه تقول ( الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها ) ..
لو قدرت استوعبت الحتة دي .. أكيد بتقرأ الناس ( صاح ) ..
| |
|
|
|
|
|
|
| |
humida
رأفت ميلاد
الطاهر عثمان
walid taha
سمرية
محمد خليل إسماعيل
Khalid Saeed
عبدالرحمن الحلاوي
abdulgafar mohd saeed
Ahmed Mohammed Osman
فيس بوك
تويتر
انستقرام
يوتيوب
بنتيريست