|
نوارة المضارب ،،،
|
(( نُوَّارَةْ المضارب )) ******** زَفُّو الخََبَرْ مِنْ جُمْعَةً بِاكْرِيِّه ،،، والبُنْدُق ضَرَبْ شقَّ الفريق نُصِّية ، النَّاس هللتْ قالتْ عَدِيلَه بِنَيَّة ،،، بِتْ راجلاً أصيل رُكَّازَة اللَّحِويَّة ، لى فارساً كريم خَطَبُوها عَقَدُو النِّية ،،، خَتَّ الألِف إتنين والتانى فُوقُو الميِّة ، ،،،،،،،،، السَّمحه جَاهْله ،، بالطَّرْحَة يَاما صَبِيِّة ،،، ما بْتَعْرِفْ لَبَاس التُوب ولا مْرقَةْ العَصْريِّة ، كان نادُوهَا جاتْ تِتْجَارَى زَى قُمْرِيِّة ،،، والبَسْمَه بِْتَبُقْ زى طلَّة الفجْرِيِّة ، ،،،،،،،،، صَدْرِكْ ديدبان كان مُدْفِع الظَّابْطِيِّة ،،، مكْتُول هَواكَ ما بْحِقْ لِيهُو الِديَّة ، فَرْعِكْ زى غزال نَافِرْ مَعَ الضَحَوِيِّة ،،، قَدَمِك فى الأرِضْ مابِبِينْ كانْ لابْسَه كان حافيِّة ، صُوتِكْ مِتِل وَتَرْ الرُّبُوعْ حِنِّيِة ،،، يخْلِفْ للقَمَارِى وِكْتِِين تقُوقِى عشيِّة ، نَفَسِكْ يامْ ضَمِير رِيحةْ الفِرِير أصْلِيِّة ،،، كاسِيه الفَرِيقْ والجار والبعيد مُو شِويِّة ، إنْ خِجْلَتْ بلا التُفاحة رَطْبَة نَدِيِّة ،،، مِنْ تِحْت الجُفون تدِّيِكَِ نظْرَه بَرِيِّة ، تسْحَبْ وراها الكُون والباقِى ما هِمِّية ،،، والترْترْ وقعْ ما بِتَجْبُرُو العَمَلِيِّة ، تَبْرُم للوِجِيهْ ،، تتهادَى بِى فَدْعِيِّة ،،، والشعرْ المجَدَّعْ ،، زى خِيمةْ الغَجَرِيِّة ، بين رقْراقُو بتْشُوف تِيمان فُصُوصْ لُولِيِّة ،،، تحْرِقْ فى الحَشَا وتُوقِدْ لهِيباً حيَّه ، ،،،،،،،، خلقْ الله الحِفَتْ بى ورَاهَا كايسة رَضِيِّة ،،، ما لِفَتْ غير الوَجَعْ أو طعْنَةْ الكِِبْرِيِّة ، بتْ الشُيُوخ العَقَرُو النَّاقَة فى الدُغْشِيِّة ،،، للضِيف الوَرَدْ جابُو الطريق بارِيِّة ، ،،،،،،،، تسْلمى بتْ الشُيوخ ،، الرَّقبَة ليكى هِدِيِّه ،،، نُوارةْ المَضَاِربْ الضاوْيَة فى الضُهْرِيِّة ، يالفارس أمانه ،، رِوِيحْتَكْ تبْقى ليها فِديِّة ،،، ما تْشَمِّتْ علينا النَّاس ،،، ما الدِّيمَه فِيكْ مَحَرِيِّة ،،،،،،،، **********
|
|
|
|
|
|
|
|
Re: نوارة المضارب ،،، (Re: الفاتح الجنيد)
|
ود الجنيد Quote: ما الدِّيمَه فِيكْ مَحَرِيِّة ،،،،،،،، |
عٌقب الكلام القلتو والله مافي قضية
وصفك للصدر حرم كملت فيهو النية
(صَدْرِكْ ديدبان كان مُدْفِع الظَّابْطِيِّة ،،،)
وقولك في القدم شبهتو زي مشي القمرية
( قَدَمِك فى الأرِضْ مابِبِينْ كانْ لابْسَه كان حافيِّة ،)
ووصفك للنفس بالريحة فايحة ندية
(نَفَسِكْ يامْ ضَمِير رِيحةْ الفِرِير أصْلِيِّة ،،،)
وقولك في الصوت وتر نغماتو ما عادية
(صُوتِكْ مِتِل وَتَرْ الرُّبُوعْ حِنِّيِة ،،، )
والشعر وصفتو بمعاني شديدة قوية
(والشعرْ المجَدَّعْ ،، زى خِيمةْ الغَجَرِيِّة ،)
( نُوارةْ المَضَاِربْ الضاوْيَة فى الضُهْرِيِّة ، )
وصفك عديل حيرني كيفن يكون ضوء ضاوي في الضهرية مع وجود الشمس , ياخي دي
مخلوقة من طين ولا من نور ولا من نار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابدعت في الوصف يالفاتح اخوي , واصل بالله من الكلام السمح ده ويبدو نحنا
موعودون بجماليات غير عادية .
| |
|
|
|
|
|
|
Re: نوارة المضارب ،،، (Re: الفاتح الجنيد)
|
Quote: فَرْعِكْ زى غزال نَافِرْ مَعَ الضَحَوِيِّة ،،، قَدَمِك فى الأرِضْ مابِبِينْ كانْ لابْسَه كان حافيِّة ، صُوتِكْ مِتِل وَتَرْ الرُّبُوعْ حِنِّيِة ،،، يخْلِفْ للقَمَارِى وِكْتِِين تقُوقِى عشيِّة ، نَفَسِكْ يامْ ضَمِير رِيحةْ الفِرِير أصْلِيِّة ،،، كاسِيه الفَرِيقْ والجار والبعيد مُو شِويِّة ، إنْ خِجْلَتْ بلا التُفاحة رَطْبَة نَدِيِّة ،،، مِنْ تِحْت الجُفون تدِّيِكَِ نظْرَه بَرِيِّة ، تسْحَبْ وراها الكُون والباقِى ما هِمِّية ،،، والترْترْ وقعْ ما بِتَجْبُرُو العَمَلِيِّة ، تَبْرُم للوِجِيهْ ،، تتهادَى بِى فَدْعِيِّة ،،، والشعرْ المجَدَّعْ ،، زى خِيمةْ الغَجَرِيِّة ، بين رقْراقُو بتْشُوف تِيمان فُصُوصْ لُولِيِّة ،،، تحْرِقْ فى الحَشَا وتُوقِدْ لهِيباً حيَّه ،
|
وونفتح للعزاء ممشى
ود الجنيد
نحرت وريدي عديييييييييييييييل
| |
|
|
|
|
|
|
Re: نوارة المضارب ،،، (Re: د.محمد حسن)
|
Quote: خلقْ الله الحِفَتْ بى ورَاهَا كايسة رَضِيِّة ،،، ما لِفَتْ غير الوَجَعْ أو طعْنَةْ الكِِبْرِيِّة ، بتْ الشُيُوخ العَقَرُو النَّاقَة فى الدُغْشِيِّة ،،، للضِيف الوَرَدْ جابُو الطريق بارِيِّة ، |
( خلقْ الله الحِفَتْ بى ورَاهَا كايسة رَضِيِّة ،،، )
بالله شوف الوصف الناس بي وراها حفت وهي لسع جاهلة صبية
وتفتش لرضاها عازمين عليها النية دي ما بت نصاح دي جنية
الفاتح اخوي انتا زول ما عادي , ودخولي للبوست دا من اجل التمتمع والإندهاش .
| |
|
|
|
|
|
|
Re: نوارة المضارب ،،، (Re: هاشم أحمد خلف الله)
|
هو فعلا زول غير عادى .. وشاعر لايشق له غبار استاذ هاشم ..
وأول الغيث قطرة ( نوارة المضارب)
أشرق المنبر بوجودك استاذ الجنيد .. ورمضان كريم ..
تحياتنا لحرمكم المصون الشاعرة اسماء الطيب الجنيد .. هند - النافذة
| |
|
|
|
|
|
|
Re: نوارة المضارب ،،، (Re: هند محمد)
|
Quote: ابدعت في الوصف يالفاتح اخوي , واصل بالله من الكلام السمح ده ويبدو نحنا
موعودون بجماليات غير عادية . |
الرجل الرهيف ،، هاشم
أسعدنى جدا تفاعلك مع القصيدة وتناولها بالتحليل والتمحيص فى مغزى كل شطر وكلمة منها ،،، وهذا يدل على شفافية الروح التى تزين إحساسك المرهف ،،، مما يعنى أنك قد هضمتها ،،، تنفعك انشاء الله ،،، ممنون أخى هاشم على هذا الاطراء ،،،
| |
|
|
|
|
|
|
Re: نوارة المضارب ،،، (Re: الفاتح الجنيد)
|
Quote: حبابك ود الجنيد
و ليك ألف تحية |
Quote: زمن الألف كان يملا المراح بقر .. و يعبي اللوري فتريتة |
Quote: دية شنو ؟ كفاهو النظرة ال سكنتْ في بؤبؤ عويناتو كان تشفع ليهو قبال منكر و نكير |
Quote: تصوير بكاميرا ديجيتال |
Quote: دة غايتو لو ما ختاها جوة عيونو و قفل عليها يكون باااااااااااالغ |
حبابك إت ود البلد ،،، أبو جهينة ،،،
ما خليت لى شى أقولوا والله !!! أعقب واقول شنو !! لكن حقيقى مرورك دائما له مذاق خاص جدا ،،، فرحى بيهو كلحظة إحتضانى لإبنى عند مدخل الدار ،،، تسلم شديييد ...
| |
|
|
|
|
|
|
Re: نوارة المضارب ،،، (Re: الفاتح الجنيد)
|
Quote: وونفتح للعزاء ممشى
ود الجنيد
نحرت وريدي عديييييييييييييييل |
دكتورنا الشفاف
دمك عزيز وغالى جزم ،،، مو باب الريده ده !! بنسدو ،،، بس تسلم لينا إنت ،،،
| |
|
|
|
|
|
|
Re: نوارة المضارب ،،، (Re: الفاتح الجنيد)
|
Quote: هو فعلا زول غير عادى .. وشاعر لايشق له غبار استاذ هاشم ..
وأول الغيث قطرة ( نوارة المضارب)
أشرق المنبر بوجودك استاذ الجنيد .. ورمضان كريم ..
تحياتنا لحرمكم المصون الشاعرة اسماء الطيب الجنيد .. هند - النافذة |
صاحبة الحرف الانيق هند
ياستى ده من ذوقك ولطفك ،،، فالمنبر مشرق دوما بأمثالك يا بهية ،،، ودى بلا حدود ،،، والله أكرم
| |
|
|
|
|
|
|
Re: نوارة المضارب ،،، (Re: الفاتح الجنيد)
|
Quote: الفاتح اخوي انتا زول ما عادي , ودخولي للبوست دا من اجل التمتمع والإندهاش |
الحبيب هاشم ،،،
على القسم إنت الزول الماك عادى ،،، شفافيتك دى كان قسموها بتحوق على ناس المنبر كلهم والباقى يتقسم على الزوار ،،، الله يديك العافية يا ناصع ،،،
| |
|
|
|
|
|
|
Re: نوارة المضارب ،،، (Re: صديق الموج)
|
Quote: ود الجنيد شكيت شواطنيكم اندلق يا سمح،،، |
الموج النتر صحى المرافعين خوف ،،، هليت مع هلال رمضان !!! شبهينا واتلاقينا ،،، مرورك له طعم ،،، تسلم ، وتسلم ، وتسلم
| |
|
|
|
|
|
|
Re: نوارة المضارب ،،، (Re: الفاتح الجنيد)
|
عديله عليكى بت عمى ،، يَحَرْسِكْ الله يا فرع الخدار النَّىْ إلاَّ الفينى ما بنداح ،، بلموا عَلَىْ ،، بعَصْرُو شديد شِويه شِوَىْ لو الايام تعود ترجع ،، بجيلك صَادِّى بى رِجْلىْ حتى الفينى كان كِمْلتْ ،، بجيلك حابى فوق رُكَبَىْ
| |
|
|
|
|
|
|
Re: نوارة المضارب ،،، (Re: الفاتح الجنيد)
|
ود الـجـنـيـد نـوارة الـمـضـارب مـبـروكـة عـلـيـك اكـان بـالـشـعـر اكـان بـالـدوبـيـت
ودي تـحـيـة مـنـي ومـن أخـوي خـالـد الـمـحـرب , أبـشـر بـالـخـيـر .
| |
|
|
|
|
|
|
Re: نوارة المضارب ،،، (Re: هاشم أحمد خلف الله)
|
Quote: زَفُّو الخََبَرْ مِنْ جُمْعَةً بِاكْرِيِّه ،،، والبُنْدُق ضَرَبْ شقَّ الفريق نُصِّية ، النَّاس هللتْ قالتْ عَدِيلَه بِنَيَّة ،،، بِتْ راجلاً أصيل رُكَّازَة اللَّحِويَّة ، لى فارساً كريم خَطَبُوها عَقَدُو النِّية ،،، خَتَّ الألِف إتنين والتانى فُوقُو الميِّة ، ،،،،،،،،، السَّمحه جَاهْله ،، بالطَّرْحَة يَاما صَبِيِّة ،،، ما بْتَعْرِفْ لَبَاس التُوب ولا مْرقَةْ العَصْريِّة ، كان نادُوهَا جاتْ تِتْجَارَى زَى قُمْرِيِّة ،،، والبَسْمَه بِْتَبُقْ زى طلَّة الفجْرِيِّة ، ،،،،،،،،، صَدْرِكْ ديدبان كان مُدْفِع الظَّابْطِيِّة ،،، مكْتُول هَواكَ ما بْحِقْ لِيهُو الِديَّة ، فَرْعِكْ زى غزال نَافِرْ مَعَ الضَحَوِيِّة ،،، قَدَمِك فى الأرِضْ مابِبِينْ كانْ لابْسَه كان حافيِّة ، صُوتِكْ مِتِل وَتَرْ الرُّبُوعْ حِنِّيِة ،،، يخْلِفْ للقَمَارِى وِكْتِِين تقُوقِى عشيِّة ، نَفَسِكْ يامْ ضَمِير رِيحةْ الفِرِير أصْلِيِّة ،،، كاسِيه الفَرِيقْ والجار والبعيد مُو شِويِّة ، إنْ خِجْلَتْ بلا التُفاحة رَطْبَة نَدِيِّة ،،، مِنْ تِحْت الجُفون تدِّيِكَِ نظْرَه بَرِيِّة ، تسْحَبْ وراها الكُون والباقِى ما هِمِّية ،،، والترْترْ وقعْ ما بِتَجْبُرُو العَمَلِيِّة ، تَبْرُم للوِجِيهْ ،، تتهادَى بِى فَدْعِيِّة ،،، والشعرْ المجَدَّعْ ،، زى خِيمةْ الغَجَرِيِّة ، بين رقْراقُو بتْشُوف تِيمان فُصُوصْ لُولِيِّة ،،، تحْرِقْ فى الحَشَا وتُوقِدْ لهِيباً حيَّه ، ،،،،،،،، خلقْ الله الحِفَتْ بى ورَاهَا كايسة رَضِيِّة ،،، ما لِفَتْ غير الوَجَعْ أو طعْنَةْ الكِِبْرِيِّة ، بتْ الشُيُوخ العَقَرُو النَّاقَة فى الدُغْشِيِّة ،،، للضِيف الوَرَدْ جابُو الطريق بارِيِّة ، ،،،،،،،، تسْلمى بتْ الشُيوخ ،، الرَّقبَة ليكى هِدِيِّه ،،، نُوارةْ المَضَاِربْ الضاوْيَة فى الضُهْرِيِّة ، يالفارس أمانه ،، رِوِيحْتَكْ تبْقى ليها فِديِّة ،،، ما تْشَمِّتْ علينا النَّاس ،،، ما الدِّيمَه فِيكْ مَحَرِيِّة ،،،،،،،، |
هييييييييييع الفنجري واصل الله ينصر دينك
| |
|
|
|
|
|
|
Re: نوارة المضارب ،،، (Re: الطيب شيقوق)
|
Quote: ود الـجـنـيـد نـوارة الـمـضـارب مـبـروكـة عـلـيـك اكـان بـالـشـعـر اكـان بـالـدوبـيـت
ودي تـحـيـة مـنـي ومـن أخـوي خـالـد الـمـحـرب , أبـشـر بـالـخـيـر .
|
الوجاهة عندكم ،،، جزم أبشروا أخوان البنات ،،، أها ،، يا فوق ،،،
| |
|
|
|
|
|
|
|