|
|
 هل دنت ساعة الثوره
|
وصلتني هذه الكلمات من كاتب سوداني لم يذكر اسمه وطلب مني انزالها في بوست باسم هل دنت ساعة الثوره..... كلمات لمواطن سوداني.....وما علي الرسول الا البلاغ....
آه يابلد
-----------------
كمل الحديث وبقي السلاح لغة الكلام
وروح الشهيد راجيانا طالبة الانتقام
أول نرجع حق ولادنا وبعدين نفكر في السلام
بدل الركوع بدل المذلة والعيشة من غير احترام
أكرم نكوس درب الجدود ونفتش الموت الزؤام
بعد العذاب بعد البكا لا بد نضوق الابتسام
العيشة في حرية عز والعيشة تحت الذل حرام
عجبي
لما الدنيا تغدر بيك تهب ارياح
رياح نيران...تقول افران....تكوس غفران
ويظهر ليك ابو الغفران
حرامي خسيس تقول شيطان...عمل شيخ دين... بصوم رمضان
يقيم الليل وليله طويل.....نسي القرآن
ياوطني الصابر ضيعوك فرسان
نسوا المبدأ نسوا الأوطان...
نسوا الكرم المأصل بي نسوا التاريخ العشنا بيه ولي
نسو المهدي..نسوا اسماعيل وعبدالله سعادة البيه
وسيدي علي وأولاده اللسة عايشين بي
وعبد الخالق المغدور وأخوانه اللسة ببكوا علي
وخلوني في ذهول حيران.
أنا الظالم..أنا المظلوم أنا المسجون أنا السجان
تعالوا نرجع الأزمان ونرجع للزمان الكان
نكسر شوكة الظالم ونهدم قلعة الطغيان
هم الطلبوا النزال أول ونحنا حلفنا ما ننهان
بنادقنا جينا شايلينا نأدب شيخم الخرفان
انحنا حلفنا ما نرجع عن الدايرنو ياأخوان
لا بهددنا دبابين ولا بنخاف من الكيزان
بنرجع تاني للخرطوم نرجع عزة السودان
بنبنيهو ونعيش فيهو ونموت فيهو كمان وكمان
قسم بي جلالة الرحمن..........
|
|
 
|
|
|
|
|
|
|
|
Re: هل دنت ساعة الثوره (Re: مجدي مسعد حنفي)
|
الظاهر ان اسم القصيده (آه يابلد) اسم نحس
فمنذ فتره فتحت بوست بنفس الاسم لقصيده من
تاليفي في حب البلد والغربه ورغم انها سبق
نشرها في جريدة الصحافه بواسطة الشاعر محمد
يوسف موسى ولكن للأسف لم يتكرم احد من الاعضاء
بالتعليق عليها لا بخير ولا بشر وها هي قصيده
اخرى تحمل نفس الاسم يصيبها ما اصاب الاولي
فلا املك الاّ الاعتذار لصاحب الكلمات .
| |
|
|
|
|
|
|
|
|
|
Re: هل دنت ساعة الثوره (Re: مجدي مسعد حنفي)
|
الاخ مجدي
شكرا للقصيدة بس المشكلة ليست في الثورة فالشعب منذ عام 1989 يدري متي يطلع الثورة بس المشكلة ليست في الثورة بل في ما بعد التورة !!!!!!!
كم من ثورة اندلعت ونجحت بس ما بعدها كان اسواء فلذا الشعب ينتظر ان يري شي يستاهل ان يضحي ويطلع في انتفاضة جامحة
خرجنا قبل اليوم في انتفاضة ابريل وخلعنا النميري الله لا يوفقة بس بعدها جات الاحزاب ونفشت ريشها وكل يقول انا من فجر الانتفاضة والله كانو نايمين في فنادقهم ال5 نجوم وبعدها وبارتجالية قامت الانتخابات ولم تتوحد الجهود كل واحد فيهم يفعل عكس الثاني والبلد اخر اهتماماتهم لانهم ينظرون للكرسي والانتخابات الجاية وما كانوا يدرون ان هناك من يتربص بهم وجاءت الانقاذ والحال هو الحال
لذا الانتفاضة اتية بس المرة دي بدراسة وتاني ومفهموم وطني عميق ولن يطلع الشعب للشارع حبا في فلان او علان وانما حبا للوطن فقط ولن نطلع حتي نتاكد ان لدينا احزاب بحق وحقيقة تمارس ديمقراطية سليمة وتبداها بمكاتبها التنفيذية انتخابا حرا وعلي مستوي الوطن
ولك الله يا وطني
| |
|
|
|
|
|
|
|
|
|
Re: هل دنت ساعة الثوره (Re: Elmosley)
|
التحية لك مجدي حنفي وله وللبلد
هي مرارات تخرج ولا تحرق إلا من أكتوي
بنيرانها واصل بوح ياأخي فنحن كتب علينا
الصبر خارج الخارطة ونرسل للناس بالداخل
مظلة أنتظار ومحطة سوف تمرعليها عجلات التغيير.
،،،،أبوقصي،،،،
| |
|
|
|
|
|
|
|
|
|
Re: هل دنت ساعة الثوره (Re: مجدي عبدالرحيم فضل)
|
استاذي الشيخ انا اتفق معك فيما قلت ولكن هؤلاء الكلاب يجب ان يذهبوا الي الجحيم اولا ثم نفكر فيما يجب ان يكون ولا تنسي ان الثورة الفرنسية انطلقت من بين ابيات شعر فالكلمة هي وقود الثورة والثورة العرابية اتت من بين ابيات شعر البارودي...لك التحية
| |
|
|
|
|
|
|
|
|
|
Re: هل دنت ساعة الثوره (Re: مجدي مسعد حنفي)
|
العزيز مجدي عبد الرحيم انت دائما في القلب بمشاركاتك الممتعة وسوف نواصل حتي تنقشع هذه الغمامة السوداء من سماء سوداننا الحبيب الذي كتب عليه ان يعاني من طيبة وتسامح اهله الطيبين ولكن لكل شئ بداية ونهاية...ثق في ذلك ولك مني الف تحية
| |
|
|
|
|
|
|
|
|
|
Re: هل دنت ساعة الثوره (Re: مجدي مسعد حنفي)
|
قصيده اخرى وصلتني بالايميل وفي نفس السياق السابق لقصيدة آه يابلد
انشرها ملبياً رغبة شاعرها.
إشارة الهجوم طلقة رصاص كانت
مكتوب عليها اسم القدر بالدم
فرسان في الشرق هناك قاعدين
في لهفة منتظرين دايرين يزيلو الهم
شايلين سلاحهم للحرب جاهزين
لا بفكرو فى البموتو ولا البيرجعو كم
دايرين متين ساعة الصفر تبدا
علشان البليد يفهم لازم يضوق الهم
والشيخ حسن هايص وسط العيال لايص
صبحو ومساه كشف وسكسكة وتم تم
ما تفوقوا يا كيزان من سكرة الأوهام
فكروا بي عقل خلّو البلد تسلم
بدل النهاية تكون ليكم خراب مضمون
تسليم الحكم هسع أكيد يكون أكرم
جايز نفكر يوم نديكم الفرصة
وبدل المشانق بكرة يمكن نحن نرحم
الكعة فى دارفور كانت رسالة خفيفة
الخوف من الجايات والبادى كان أظلم
والله ما دايرين نأذى البلد اكتر
لكين نسوى شنو وعجوبة ما بتفهم
جربنا كل طريق ممكن يوصلنا
درب السلامة معاهم وربنا بيعلم
وهسع ما فضل غير بندقية خلاس
عمر البشير اتحدى وبعدها اتندم
ما كان من الأول تعقل كلامك داك
بدل الوقت ما يفوت والناس تعوم فى الدم
| |
|
|
|
|
|
|
|
|
 Re: هل دنت ساعة الثوره (Re: مجدي مسعد حنفي)
|
اصدق الله قولك
وبالفعل قد اقتربت الثورة بل اقتربت ساعة سقوط النظام وعلامتها خروج الدجال الترابي يجرج ما اخفى من الباطل والتخاريف خوفا من ان يفوته الخريف، وادرك انه هالك لا محالة واقلها سيفقد السلطة التي يديرها جناحه الاخر.
ومن اهم علامات نجاحها ان الرموز التي كانت تشل جهود المعارضين بين المعارضة سابقا الان تصالحت ورجعت الى النظام وبدأت الرموز الجادة في انتظام بصورة لم يعهدها النظام.
اما الرموز الحرة التي بين الفصائل المتصالحة فانها لن تتابع تلك الانهزاميات وستشارك في الانتفاضة ، وعنصر المفاجئة اهم عناصر الثورة.
| |
|
|
|
|
|
|
|
|
|
Re: هل دنت ساعة الثوره (Re: Hassan Osman)
|
Dear Mr.Hassan, sorry for writting in english but it seems my arabic windows is out of order. I also beleive the time of victory became very near,these terrorists are already expired long ago.They are now thinking how to save themselves. Let us all stick together till we get our victory..regards
| |
|
|
|
|
|
|
|
|
|
Re: هل دنت ساعة الثوره (Re: مجدي مسعد حنفي)
|
المهم انت موجود
كما ان في السودان ثوار اصلا لا يعرفون العربية ولا يضرهم ذلك، واما قرب الثورة فاصبح يقين ونهاية الكبت الانفجار، اما نهاية التطرف اصبحت عالمية حتى نظراءهم في العالم اصبحوا يحفرون قبروهم بايديهم وكلهم على الهاوية، ولنواصل الضرب معا حتى لا يبرد الحديد فيتصلب
| |
|
|
|
|
|
|
|
|
|
Re: هل دنت ساعة الثوره (Re: مجدي مسعد حنفي)
|
الاخ مجدي
الكل متفق معاك في ذهاب كل شمولي ديكتاتوري الي مزبلة التاريخ بس السوال لابد ان جهز انفسنا احزابنا قياداتنا اذا كان موجود من الان علشان ما نكرر سناريو 1985 مرة اخري وان لا نمهد الطريق لاي عسكري اخر
فالجهوزية مطلوبة حتي لا نقبع في فوضي عارمة
مع محبتي
| |
|
|
|
|
|
|
|
|
|
Re: هل دنت ساعة الثوره (Re: مجدي مسعد حنفي)
|
الوطن الضائع
_________________
رفقا بقلب شرب المرار من بعد ما ضل الطريق
تاهت خطاه على الدروب وحيد يبحث عن رفيق
رحماك من سهر الليالي بلا حبيب أو صديق
أدمنت يا ربى الصبابة صوت السواقي والنعيق
الدمع جف من البكاء والعين ذابلة البريق
جسد مسجى بلا حياة بلا زفير أو شهيق
روحي تحلق هائمة في غيهب الوادي السحيق
مثل البحار المظلمات في جوفها أمل غريق
غدا أفارق دنيتي في لهفة حر طليق
وأموت في العشق شهيدا وتكون يا قيس الشقيق
يا من شقيت بعشق ليلى يا صاحب القلب الرقيق
من دون ليلى قد جننت وفراق وطني لا أطيق
أنا شهيد العشق مثلك وكلانا عانى من الحريق
فالعيش من دون الحبيب مثل الزهور بلا رحيق....
فتحي مسعد حنفي
| |
|
|
|
|
|
|
|
|
|
Re: هل دنت ساعة الثوره (Re: مجدي مسعد حنفي)
|
نار الغربة
___
مابال السادة في وطني حرموني حتي من الحلم
الكل يفكر في السلطة تركوا الوطنية والقيم
الشاطر يبحث عن فرصة والباقي يعيش علي وهم
والشعب الصابر مذهول يأمل في شئ من عدم
نيران تحرق في بدني والموت الأسود يقتلني
مابال الدنيا تكويني وأنا محروم من وطني
كل الأشواق تناديني وأنا ملفوف في كفني
والغربة نار لا ترحم سم في العقل وفي البدن
النار اشتعلت في جسدي من رأسي الي أخمص قدمي
ضاعت أحلامي في المنفي والجسد اعتاد علي الألم
أصبحت أعيش علي أمل أن أصحو يوما من حلمي
لأعيش حياتي في شرف بين الأجداث والرمم
فتحي مسعد حنفي
| |
|
|
|
|
|
|
|
|
|
Re: هل دنت ساعة الثوره (Re: مجدي مسعد حنفي)
|
لو خلاص ضاع الأمل وبقينا عايشين في سراب
ولو خلاص الزاد كمل وبقينا صابرين في العذاب
ما أظن ننسي الحصل ونسامح اولاد الكلاب
لازم يجي يوم ننكرب والعجوز يصبح شباب
يمسك السيف بي يمينه ويبدا في قطع الرقاب
ساعتا تشوفو الرجالة وللهروب ما بتلقو باب
ياشباب شدو الضراع قربت ساعة الحساب
.........
دي الحكاية من البداية والنهاية بقت قريبة
والبيحصل لينا هسع بكرة نلقاهو صبح ضريبة
كل واحد لازم يدفع ما الوطن هو الحبيبة
البنحلم بيها دايما ومافي يوم كانت غريبة
لو في يوم تهنا ونسينا هي دي الحاجة الصعيبة
أصلو احنا ربينا فيها وما أظن نمشي ونسيبا
ماهي جوانا وبتنبض في الشرايين مليانة طيبة
والبيحصل لينا هسع هي دي الحاجة العجيبة
أصبروا يا آل ياسر الغنم دخلو الزريبة
واحنا طيبتنا بنسيبا ما هي دي سبب المصيبة
ولازم المقدور يقع والنهاية تكون رهيبة
_______
فتحي مسعد حنفي
| |
|
|
|
|
|
|
|
|
|
Re: هل دنت ساعة الثوره (Re: مجدي مسعد حنفي)
|
لو خلاص ضاع الأمل وبقينا عايشين في سراب
ولو خلاص الزاد كمل وبقينا صابرين في العذاب
ما أظن ننسي الحصل ونسامح اولاد الكلاب
لازم يجي يوم ننكرب والعجوز يصبح شباب
يمسك السيف بي يمينه ويبدا في قطع الرقاب
ساعتا تشوفو الرجالة وللهروب ما بتلقو باب
ياشباب شدو الضراع قربت ساعة الحساب
.........
دي الحكاية من البداية والنهاية بقت قريبة
والبيحصل لينا هسع بكرة نلقاهو صبح ضريبة
كل واحد لازم يدفع ما الوطن هو الحبيبة
البنحلم بيها دايما ومافي يوم كانت غريبة
لو في يوم تهنا ونسينا هي دي الحاجة الصعيبة
أصلو احنا ربينا فيها وما أظن نمشي ونسيبا
ماهي جوانا وبتنبض في الشرايين مليانة طيبة
والبيحصل لينا هسع هي دي الحاجة العجيبة
أصبروا يا آل ياسر الغنم دخلو الزريبة
واحنا طيبتنا بنسيبا ما هي دي سبب المصيبة
ولازم المقدور يقع والنهاية تكون رهيبة
_______
فتحي مسعد حنفي
| |
|
|
|
|
|
|
| |
Elmosley
مجدي عبدالرحيم فضل
Hassan Osman
فيس بوك
تويتر
انستقرام
يوتيوب
بنتيريست