|
|
 بعد فوز الإسماعيلي ..مريخ البعيوات في الباي باي ..
|
بعد أن حقق الإسماعيلي الفوز يوم أمس على الدلافين تأكد بما لا يدع مجالاً للشك أن مريخ بعيوات العرضة جنوب بقا في الباي باي والشغلانة واضحة وما دايرة درس عصر..
المريخ اللي بيقولوا حالياً متصدر ب 7 نقاط لن تدوم صدارته طويلاً بإذن الله وهي مسألة وقت لسة إلا ليعود المريخ لموقعه الطبيعي في وصافة الوصافة والشغلانة واضحة وما دايرة درس عصر..
وضع المجموعة حالياً كالأتي:
البعيو 7 نقاط.
دولفين 6 نقاط.
الإسماعيلي 5 نقاط.
كوارا 4 نقاط.
كل فريق باقي ليهو كورتين كويس معاكم ؟
المباراة القادمة للمريخ مع دولفين في نيجيريا ونتيجتها إن شاء الله واضحة الملامح فمريخ البعيوات لا يقوى على اللعب الخارجي وسيخسر أقل شئ ب أربعة أهداف دون مقابل أو بغض النظر عن النتيجة ولكن المريخ سيخسر ..
دولفين حا يبقا 9 نقاط والبعيوات لسة في محطة 7 ..
الإسماعيلي كورتو مع كوارا في الإسماعيلي والترشيحات تصب في مصلحة الإسماعيلي إن شاء الله ليحقق الفوز على كوارا..
الإسماعيلي حا يبقا 8 نقاط ويتجمد كوارا في ال4 نقاط ..
بعد هذه الجولة سيكون ترتيب الفرق إن شاء الله كالأتي :
دولفين 9 نقاط
الإسماعيلي 8 نقاط
البعيو 7 نقاط
كوارا 4 نقاط
حا تفضل جولة واحدة ونلاحظ خروج كوارا من حسابات المجموعة ..
الجولة الأخيرة حا تكون كالأتي :
المريخ والإسماعيلي في إستاد المريخ
دولفين وكوارا في نيجيريا
الإسماعيلي إحتمالات فوزه على المريخ واردة جداً وعلى أقل تقدير تعادلية ..
دولفين وكوارا نتمنى أن يطبخها النيجيريون في نار هادئة (وهو المتوقع) لتفطيس مغامرات الإسماعيلي أو المريخ دون الحوجة لمعرفة نتيجتهما معاً ليصل دولفين إلى ال12 نقطة ..
أحلام المريخ في بلوغ النهائي هي أحلام ظلوط وهم عارفين كده ..
فرفرة مذبوح ليس إلا ..
ويا يوم بكرة ما تسرع تخفف لي نار وجدي ..
تخريمة :
شفتو فوز الإسماعيلي ده جهجه البعيوات كيف؟؟؟
ويجو يقولوا ليك مبسوطين ..
جنس كضب هو لكن !!!
|
|
 
|
|
|
|
|
|
|
|
Re: بعد فوز الإسماعيلي ..مريخ البعيوات في الباي باي .. (Re: عمر الفاروق)
|
سنجكنا:
حاشا لله ياخ ده كلام شنو ده ..
انا ما قلت معتز صباحي يغني أفضل من الفنان الرقم عثمان حسين لكن قلت معتز تغنى بربيع الدنيا بتوزيع موسيقي واداء تطريبي أفضل من عثمان حسين ودي وجهة نظر وكدي حاول أسمع شريط "صدّاح" ..
لكن معتز صباحي وتجيب معاهو تاني دستتين معتز ما ممكن يكونوا غنّايين أكتر من عثمان حسين ..
لكن موضوع الإسماعيلي ده صدقني ما فيهو هظار ..
أحب الدلافين وأمووووووت في الدلاقين ..
| |
|
|
|
|
|
|
|
|
|
Re: بعد فوز الإسماعيلي ..مريخ البعيوات في الباي باي .. (Re: عمر الفاروق)
|
ياعمر الفاروق كلامك القلتو هنا دا فارغ
انت ما عارف جدول المباريات ما تتشالق ساي.
Match Date/Time Result
Dolphins/Kwara 22 / 07 / 2007 2-0
Ismaili/Merrikh 22 / 07 / 2007 1-1
Kwara/Ismaili 04/ 08 / 2007 1-1
Merrikh/Dolphins 04/ 08 / 2007 6-1
Dolphins/Ismaili 19 / 08 / 2007 2-0
Kwara/Merrikh 18/ 08 / 2007 2-1
Ismaili/Dolphins 31 / 08, 01, 02, / 09 / 2007
Merrikh/Kwara 31 / 08, 01, 02, / 09 / 2007
Kwara/Dolphins 21, 22, 23 / 09 / 2007
Merrikh/Ismaili 21, 22, 23 / 09 / 2007
Ismaili/Kwara 05, 06, 07 / 10 / 2007
Dolphins/Merrikh 05, 06, 07 / 10 / 2007
أها هاك النساعدك عشان تصلح تحليلك وتشوف ليك مخارجة.
| |
|
|
|
|
|
|
|
|
|
Re: بعد فوز الإسماعيلي ..مريخ البعيوات في الباي باي .. (Re: عمر الفاروق)
|
ولا تزعل يا أبو مهيار نعدّل كلامنا ..
أو في الحقيقة مش نعدّلوا بس نعيد ترتيبو لأنو الكلام ياهو نفس الكلام ..
كل الحا يحصل إنو غلب الإسماعيلي للمريخ حا يكون قبل غلب دولفين للمريخ ..
وكورة دولفين كوارا بدل تتباع دولفين حا يغلب ساي بدون باااااااااع وميييييع ..
بس ده كل التعديل ...
لكن الحال في حالو ..
| |
|
|
|
|
|
|
|
|
|
Re: بعد فوز الإسماعيلي ..مريخ البعيوات في الباي باي .. (Re: عمر الفاروق)
|
عمر الفاروووووق
سلااااام وتحييييية
| Quote: دولفين وكوارا نتمنى أن يطبخها النيجيريون في نار هادئة |
 
المريخ سبعة نقاط .. تبقت له دولفين والإسماعيلي
دولفين ستة نقاط .. تبقت له كوارا والمريخ
الإسماعيلي خمسة نقاط .. تبقت له كوارا والمريخ
كوارا أربعة نقاط .. دولفين والإسماعيلي
(1) المريخ هو الفريق الوحيد في هذه المجموعة المتاح له الوصلول لمحطة (13) نقطة
(2) المريخ ( لو ) تعادل في النقاط مع دولفين أو كوارا فالصدارة للمريخ
(3) المريخ ودولفين يمكنهما التأهل بدون إنتظار نتائج الفرق الأخرى
الإسماعيلي إن أراد الصدارة فعليه هزيمة المريخ وكوارا بشرط أن يتعثر دولفين
مباراة المريخ ودولفين هي لآخر مباراة في المجموعة.. ( للعلم فقط )
الظاهر عليك يا عمر ح تركب ( التونسية ) قريييييب 
| |
|
|
|
|
|
|
|
|
|
Re: بعد فوز الإسماعيلي ..مريخ البعيوات في الباي باي .. (Re: اساسي)
|
والله يا الهلالاب حالتكم تحنن بدون صبغة
بعد ما قزازة السمن أتكشحت والأمنيات بتصدر المجموعة ومقابلة الإتحاد الليبي والنهائي يكون في السودان وبعد داك بتموها زي ما عارفين إرهاب وكباب و حمار مدفون وكده ....
بعد ما أصطدمتو بالنجم 2 وإنتو مجننكم هنا النجم الأصلي (الزعيم) بقيتوا تفتشوا لحظوظ المريخ ....
نحن أسياد الشئ ذاتووووووووووو .....
| |
|
|
|
|
|
|
|
|
|
Re: بعد فوز الإسماعيلي ..مريخ البعيوات في الباي باي .. (Re: MOHAMED EL-BEELI)
|
| Quote: دولفين هو المتأهل بأذن الله |
باذن الله نتاهل والنهائي في استادنا التحفة مش في زريبة الب....! بعدين حتي لو مافزنا نحنا عندنا رصيد ... انتو يارشاشات عشمكم عشان تجيبو ليكم كاس .......!؟ من بره عشم ابليس في الجنة اولاد فوزية حالفين ليكم لو جيتو القاهرة تاني الا اكان تمرقوا بي كرامة البليلة ... والتابوت العملتو للحضري حيدفنوكم جواهو .
هارون دياب
| |
|
|
|
|
|
|
|
|
|
Re: بعد فوز الإسماعيلي ..مريخ البعيوات في الباي باي .. (Re: haroon diyab)
|
Quote: اولاد فوزية حالفين ليكم لو جيتو القاهرة تاني الا اكان تمرقوا بي كرامة البليلة ... والتابوت العملتو للحضري حيدفنوكم جواهو .
هارون دياب |
يا هارون دياب
كيف الحال؟
بالله شفت ليك سوداني خاف من مصري وجرى خلى ليهو الكورة والبلد (بلدو)
جدي عبدالرحمن النجومي مشى ليهم ساكت بالنسوان والأطفال ولو ماربك عندو
تصريف آخر للدنيا دي كان زمان (إستعمرنا مصر دي)
نحن لانخاف الأهلى حتى لو كانت المباراة داخل نادي الأهلي ولا في بيت عصام الحضري
نحن جاهزين لهم.
أبوفتحية
| |
|
|
|
|
|
|
|
|
|
Re: بعد فوز الإسماعيلي ..مريخ البعيوات في الباي باي .. (Re: MOHAMED EL-BEELI)
|
Quote: المريخ سبعة نقاط .. تبقت له دولفين والإسماعيلي
دولفين ستة نقاط .. تبقت له كوارا والمريخ
الإسماعيلي خمسة نقاط .. تبقت له كوارا والمريخ
كوارا أربعة نقاط .. دولفين والإسماعيلي |
ثابت ،،
المريخ امله كبير في التأهل ، وطالما المر بيده ، فهذه محمدة ، وبالمناسبة
طالما الفريق يأمل في الفوز بالبطولة ، فما لازم يخاف من الفرق ، بل العكس من الذي فاز ببطولة
ولم يلاقي الكبار....
اقول يا ثابت ـ حاولت احسب النتيجة ، ووجدت ان حتمال التعادل في النقاط بين دولفين والمريخ مستحيل ...
كدي احسبها تاني معاي ،،، وصححني لو اخطأت ....
لو فاز المريخ بمبارة الاسماعيلي ، ح يبقي له 10 نقاط
ولو فاز دولفين بمباراته مع كوارا ح يكون 9 نقاط والمباراة الاخيرة مع بعض ...
صاح
لو خسرو الاثنين مباراتهم القادمة ، يظل فارق النقطة بينهم ايضا ، (ولكن في هذه الحالة قد يـتأهل الاسماعيلي)
لو تعادل دولفين وفاز المريخ سيصبح الفرق اربعه نقاط ، وهنا لا يمكن التعادل,,,
ولو العكس اي فاز دولفين وخسر المريخ(لاسمح الله) سيصبح الفرق نقطتين) ووهنا ايضا ليس هناك مجال لتعادل النقاط ...
يازول راسي جاط / كدي راجعها ، واملنا ان ينتصر المريخ في كل مبارياته وبالتالي ، يجيبها بي
عضلوا ....
المشكلة بصراحة دفاع المريخ لا يطمئن ...
والمشكلة الثانية هي ثقة المريخ في مباراة الاسماعيلي ،،،، وهي مشكلة كبيرة ، اخاف ان يفاجئ الاسماعيلي المريخ في المباراة ...
وربك يهون
| |
|
|
|
|
|
|
|
|
|
Re: بعد فوز الإسماعيلي ..مريخ البعيوات في الباي باي .. (Re: نيازي عبدالله مرحوم احمد)
|
Quote: درويس غلب دلقون
درفون هزم عواره
درويش بااع لدرفون
دلفون مارى بكبرى عواره
دلقون لاعب فى الحارة
كدى يادرفون ورينا الشطارة |
نيازى لما تقراء كلامى الفوق دا
بعترف مين الراسو فاضى...
ياخى اعلام المريخ ضضللكم
فريقكم دا ما حصل غلب خارج حديقة الحيوان
من بداية الدورة.انت متابع ولا نجيب ليك الارشيف
كل الفرق التى لعب معها المريخ غير معروفة فى خارطة الكرة
لو اخرجنا الشباب التنزانى والاسماعيلى المصرى
| |
|
|
|
|
|
|
|
|
|
Re: بعد فوز الإسماعيلي ..مريخ البعيوات في الباي باي .. (Re: عمر الفاروق)
|
| Quote: المشكلة بصراحة دفاع المريخ لا يطمئن ... |
الدفاع بس ؟؟!!!
ياخى ده الفريق كلو دلاقين !! دفاع ونص واطراف وهجوم .. كلو شوربة 
فريق القطن التشادى يديهو اتنين وكوارع النيجرى اتنين والشلف واحد .. ده عليك الله فريق؟؟!!
بعدين ؟؟ حارسكم الملوص ده مع الاسماعيلى خايفو يملص فنيلتو وشرابو و ...... ظاااتو !!!
| |
|
|
|
|
|
|
|
|
|
Re: بعد فوز الإسماعيلي ..مريخ البعيوات في الباي باي .. (Re: وليد محمد المبارك)
|
Quote: يا هارون دياب
كيف الحال؟
بالله شفت ليك سوداني خاف من مصري وجرى خلى ليهو الكورة والبلد (بلدو)
جدي عبدالرحمن النجومي مشى ليهم ساكت بالنسوان والأطفال ولو ماربك عندو
تصريف آخر للدنيا دي كان زمان (إستعمرنا مصر دي)
نحن لانخاف الأهلى حتى لو كانت المباراة داخل نادي الأهلي ولا في بيت عصام الحضري
نحن جاهزين لهم.
أبوفتحية |
ابو فتحية كلامك سمح خلاث
| |
|
|
|
|
|
|
|
|
|
Re: بعد فوز الإسماعيلي ..مريخ البعيوات في الباي باي .. (Re: Zomrawi Alweli)
|
Quote: فريقكم دا ما حصل غلب خارج حديقة الحيوان
من بداية الدورة.انت متابع ولا نجيب ليك الارشيف |
الافريقي التونسي
البنزرت
الملعب التونسي
الترجي
اسيك
الاشانتي
الوداد
الجيش الملكي
الصفاغس
الرجاء
الزمالك
الاسماعيلي
الشباب التنزاني
قورماهيا
بندل يونايتد
كل فرق شرق ووسط افريقيا
الفرق دي لما لاقينها انت كنت تتطلش 5 6 7
وجيب اي ارشيف نتحداك ونتحدي اي هلالي
تاريخ مشرف وناصع 3 كاسات في بطولات لعب فيها ذات الهلال الذي تتحدث عنه وذات الفرق المغمورة
ثم بذات المنطق انت انهزمته من فريق اسمه نثارو 3/0 وخرج الفريق بضربات الجزاء بالخرطوم ولم نسمع بثارو ومع ذلك نحترم مثل هذا الفريق علما بان فريق كوار هزم نثارو 2/0 بنيجيريا وتعادل معه 0/0 بارضه
اضف الي ذلك كله الم تسمع بالكورة النيجيريه
دا منطقكم الاعوج المغطس حجركم
وانا في انتظار الارشيف
| |
|
|
|
|
|
|
|
|
|
Re: بعد فوز الإسماعيلي ..مريخ البعيوات في الباي باي .. (Re: نيازي عبدالله مرحوم احمد)
|
Quote: كل الفرق التى لعب معها المريخ غير معروفة فى خارطة الكرة
لو اخرجنا الشباب التنزانى والاسماعيلى المصرى |
ياخى افهمك كيف
ياريت تجيب لى ناسك المواكبين
انت زول جديد..فى الشغلة دى..كلامى الفوق دا واضح
ام لا
ناس بنازل الفيل المقاتل ووناس دولفين من الاولى نازل
ناس بطناطح بطل القرن وناس مع كوارا القيد حرن
ياخوى انت راكب من المحطة الاخيرة . اسوى ليك
نحن فترنا من دروس العصر
حصل سمعت بقطن,,شلف , كواورا , شباب تنزانى دولفين فريق درجة تانية ,
ديل كلهن هزمن المريخ خارج ارضه..فهمت ,,
وبعدين اسيك دا ما شال منك كاس الكاف ارض ارض,,وجميع الروساء حضور
لانه فريق قوى,,,نحن جبناه بدون فلوس وخلصنا ليك حقكم يابعوين
ياخوى والله فترت والله فترت..انت جيت متاخر,,انت شهادة عربية وجيت الجامعة متاخر
وتسلم...
| |
|
|
|
|
|
|
|
|
|
Re: بعد فوز الإسماعيلي ..مريخ البعيوات في الباي باي .. (Re: عمر الفاروق)
|
| Quote: ثم بذات المنطق انت انهزمته من فريق اسمه نثارو 3/0 وخرج الفريق بضربات الجزاء بالخرطوم ولم نسمع بثارو |
ناصراوا ده بطل نيجريا يا بتاعين الحمام ..
وشئ طبيعى انكم ماتسمعوا بيهو لانكم ما بتلاقوا الابطال ..
ياخى كوارا ودولفين ديل قاليك ناس نيجريا ظااااتم ما سمعوا بيهم الا السنة دى
هاكم القطن ده !!!
| |
|
|
|
|
|
|
|
|
|
Re: بعد فوز الإسماعيلي ..مريخ البعيوات في الباي باي .. (Re: abuguta)
|
Quote: كدى اسال ناس الكاف هل الدورات دى مجسلة عندهم
او اسال ناس الفيفيا هل سمعتو بكاسات زى دى |
اها في دي وماتزعل مني انت ما بتفهم خالص خالص لييييييييييييييه
قول لي ليه
مسالة بطولات معروفة او غير معروفة دا خليها جنبه لانو الظاهر والله يعلم ان الكوؤس الافريقية وضعها الاتحاد الاسيوي زممممممان
السؤال وارجو الاجابة كم مرة انت لعبت في الكوؤس ولم تحصل علي سجم خشمك؟؟؟؟؟ولما المريخ يحصل عليها دي بطولات ما مسجلة انت المسجلة عملتها فيها شنو والله الهلالاب ديل غايتو؟؟؟؟
بعدين شايفك مريت مرور الكرام علي 77 عاما من التاريخ الخالي من اي كاس اللهم الا كاس 87 92 ضد الاهلي والوداد البضاوي
| |
|
|
|
|
|
|
|
|
|
Re: بعد فوز الإسماعيلي ..مريخ البعيوات في الباي باي .. (Re: abuguta)
|
Quote: عاد ياخوى لو دا كلامك
نحن قفلنا المدرسة حقتنا..خلاص خليك مع اعلام الضلال حقك
الذى صور لك هذا الوهم الخرافى..انا بقولك اسال اهل العلم
تقول لى حبوبتى قالت...
فتك عافية... |
كالعادة ولا نتسغرب الهروب من حتي الكلام والمنطق وانت خليك في اوهامكم وامانيكم وخيالاتكم وخليكم مع اكبر دعاية في التاريخ صلاح ادريس
وسلام يا صحبي ونتلاقي في الفاينال بتاع الكونفدراليه هنا في الخرطوم وان شاءالله الكونفدراليه تكون مسجلة في الاتحاد الافريقي
| |
|
|
|
|
|
|
|
|
|
Re: بعد فوز الإسماعيلي ..مريخ البعيوات في الباي باي .. (Re: نيازي عبدالله مرحوم احمد)
|
| Quote: وسلام يا صحبي ونتلاقي في الفاينال بتاع الكونفدراليه هنا في الخرطوم وان شاءالله الكونفدراليه تكون مسجلة في الاتحاد الافريقي |
يازول ما قلنا ليك انت جديد ساى ..حتى حساب رسول الله دا انت ساقط فيه
اها دا وهم الصدى القاعدة تسوق ليه
كدى ارجع وعيد الكرة
انا يازول قاعد هنا من 2003 ما هربت زمن الخمسات والستات
اهرب لما بقينا نتصدر المجموعات من ضهرا بدرى
كدى ارجع وذارك الارشيف
ونتقابل لما يكون عندك فهم كروى
سلام ياجميل
| |
|
|
|
|
|
|
|
|
|
Re: بعد فوز الإسماعيلي ..مريخ البعيوات في الباي باي .. (Re: عمر الفاروق)
|
| Quote: المريخ امله كبير في التأهل ، وطالما الامر بيده ، فهذه محمدة |
لأ وإنت الصادق ليس الأمر بيده ..
المريخ لا قدّر الله ممكن يلقاها جااااااااهزة لو النيجيريين ما لعبوها صاح !!!
ناس كوارا العوارة لو غلبو دولفين والمريخ غلب الإسماعيلي يبقا المريخ ضمن التأهل مباشرة دون الحوجة لي المباريات الباقية ويبقا كوارا هو اللي متحكم في مصير المريخ وليس الأمر بي يد المريخ ..
وصدقوني دولفين لو فاز على كوارا المريخ مش في الباي باي وبس لالالالا حا يكون في الشاشة الغشاشة ..
| |
|
|
|
|
|
|
| |
عمر الفاروق
abas
alsngaq
محمد عبدالرحمن
Abomihyar
bukhary el amin
ثابت محمد
محمد عمر الفكي
Ali Alameen
abuguta
اساسي
MOHAMED EL-BEELI
haroon diyab
الصادق صديق سلمان
رقم صفر
نيازي عبدالله مرحوم احمد
وليد محمد المبارك
Zomrawi Alweli
الزبير صالح الزبير
فيس بوك
تويتر
انستقرام
يوتيوب
بنتيريست