|
|
 جده غير ،،، البيك خطير ،،،، ومطعم الشباب شية ملهلبة
|
جده المدينة الساحرة ،،، ملئى بالمأكولات منها المشوي والمقلي
والمجمر ( على الجمر )،،، ولكن حكايات وحكايات عن المأكولات ،،،
كونوا معي مع البيك قصة طويلة وخلطة سرية ،،،
وبعدها بننتقل لمطعم الشباب المشهور في ناصية حي المصفاة ( الكرنتينة)
حاوريكم الحاصل شنو بس أصبروا لان البيك ما في ،،في أي مدينة في المملكة العربية السعودية إلا في جده ومكة ،،، وشية الشباب دا شي تاني ،،،
تحياتي ودالامير
|
|
 
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: Sayed Bekab)
|
ياسلام ياشباب على البيك الجميل
الأخ / هيثم نحن كل مرة نقول منتظرنك ما تجي ... لكن المرة دي كدي ماتجي ،، لانوا السفسفة الانت بتحبها بقت شيء عجيب، ومنتظراك ،، وشية الشباب دا شي تاني خليني أنتهي من البيك وارجع ليها.
العزيز/ ناصر موسى
العمارات فعلا بقت فيها كمية مشاوي ما عادية وفيها ماكنات التحمير الكثيرة ،، لكن بنفس طعم البيك ما أظن لانه عندي صاحبي قبل يومين جا زيارة ساكن العمارات بلسانو قال لي زي البيك دا ما تذوقت من قبل ،،، ممكن يكون في دجاج محمر بنفس الماكنات ولكن تختلف الخلطة يا أخوي ناصر .
ياسلام ياسيد بيكب
ذكرتنا كل محلات ما لذ وطاب ،،، وانت شكلك طولت هنا وقددت المحلات دي كلها ،،، وانا خايف اسمك دا زاتو سموك ناس الجمعية عشان بتحب البيك ،،، والله شي تمام حتى الاقاشي المتبل وصلتو وعرفت محلوا
شكرا لك على المرور الجميل ونتمنى مداخلتك مرارا.
العزيز/ قرشو
ياسلام عليك فات عليّ الريال الزيادة ،، لانوا الواحد لمن يدخل البيك بيكون متلهف متين يدوا الطلب فبقى الريال ما بفرق عشان كده نسيتو مرة واحدة ،،، شكرا جزيلا
شكرا لكم جميعا على المرور الجميل ،،، ونتمنى المداخلات منكم
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: ياسر الامير ابوجكة)
|
Quote: سلام ياسر
البيك لسة بي عشرة ريال و لا زاد؟؟ |
الأخ ابوبكر
لك التحية
البيك يا سيدى زاد سعره ريال واحد فقط ولكن حينما ترى الصفوف المنتظمة ليل نهار (اللهم لا حسد) والزحمة التى لا تنقطع فقد تدرك مدى قيمة الريال .... الزبون الواحد لا يحس بقيمة الريال ولكنه يفرق كثير .....
قد نجد مبرر لزيارة الريال وذلك لأن كل شىء فى السعودية سعره زاد وما يخص البيك طبعا الزيت والبطاطس والكهرباء وهلم جرا .....
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: قرشـــو)
|
ياسر البيك علامة تجارية جداوية متفرده
وكذلك الحوش بحي المصفاه (الكرينتية)
والجمهرة الموجوده بالحوش يختلط عليك
الأمر بأنه مطعم سوداني عقالات وهنود وكل
ألوان الطيف الفي المملكة يتنافس عليها
بالعتي (صفراء المرارة) وبدون بالله ياسر
معزوم معي علي الأثنين معا.
،،،،أبوقصي،،،،
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: Mamoun Ahmed)
|
| Quote: البيك ما في ،،في أي مدينة في المملكة العربية السعودية إلا في جده ومكة |
واضيف للسته دى البيك بالمدينه المنوره والبيك بالمشاعر فى منى فى موسم الحج
دا انا قبل حوالى الاربعه سنين كنت برمى فى الجمرات لمن شفت ليك البيك قربت
افلق ليك الناس القدامى بدل ما افلق الشيطان 
بعدين ياشباب
ماتنسوا لينا مطعم الثروات فى شارع الاسكان ودا طبعا ما بيعرفوه الا سكان جده
القدام لانو موكر وفى منطقه صناعيه ..
وفول مجدى الحلفاوى فى الهنداويه فى القهاوى السودانيه مقابل كبرى شارع الستين
ومطعم جريف للتيوس الصغيره وبق فى حى الكندره
جوعتونا الله يجازيكم
وبجيكم صادى
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: ياسر الامير ابوجكة)
|
الأخ ياسر
لك التحية
ياخوى الريال البنستهين بيه ده والله ناس عملوا منه قروش
مشكلتنا فى الريال ده ولنا فى اخواننا ابو يمن عبرة ...
وشكرا على فتح نافذة للبيك والاقتصاد الاستهلاكى والتيك اوى ....
Quote: رايك شنو لو قلت ليك البيك نفسه وبوصفته السحرية موجود في الخرطوم ... بحي العمارات وبجوار كافتيرياامواج
تحياتي
ناصر موسى |
الأخ ناصر
لك التحية
فكرتك صائبة وبعيدة جدا ولكن هنالك شركة حاولت اخذ توكيل من البيك لفتح فرع بالخرطوم ولكن جماعة البيك رفضوا الفكرة جملة وتفصيلا وحتى الحديث عنها باعتبار ان خططهم المستقبلية تشمل الدول الاخرى ولكن هم لا يريدون للخلطة السرية ان تتسرب من بين ايديهم وهى سر الاقبال على البيك...
لك مودتى
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: قرشـــو)
|
الاخ / مأمون أحمد ،،،،، تحية خاصة
اعتبر انك فتحت البوست والله يحييك بمساهماتك عن كل مالذ وطاب في هذا الجانب
وشكرا جزيلا عن اثرائك البوست وتكرم يا أخوي
الاخ / علي محمد علي بشير
شكرا لمرورك ،،، وتذكيرنا بفروع المدينة والمشاعر المقدسة
وباقي الاكلات كنتاكي ،،، والطازج ليس لهم رواج زي البيك ،،،البيك مطلب كل بيت ،،،تسلم
العزيز / قرشو
والله فعلا الريال النسيتو انا دا عملو من الناس قروش وخاصة ابو يمن ،،، لكن نحن السودانيين
قرشنا القروش وقعدنا زي ما قال المثل ( فلاتي في طلحة )
والخلطة السرية للبيك هي مكمن وسر النجاح ،،، شكرا يا أخوي قرشو ،،، وشكرا على مداخلاتك الحلوة
والمثمرة ،،، ما عدمناك يا قرشو ،،،، نشوفك
ونواصل
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: ياسر الامير ابوجكة)
|
الاخ /ياسر
تحياتي ،،
هل هناك خلطة سرية فعلا للبيك ، والله ( الفلسطيني ) عاملها دعاية ساكت ،،،؟؟؟!
غايتوا انا السنة الماضية في الحج اكلتوا في مكة كان يختلف تماما عن بيك جدة يعني حق مكة تجاري ( تقليد ) !
نحن غايتوا منتظرين بيك الرياض لكن قالوا الراجل عاملين عليه حظر في المنطقة الوسطى والشرقية ، والله لينا ما بروستد الجداد الميت ده !
دمت دوما ،،،،،،،،،
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: ياسر الامير ابوجكة)
|
شكرا للاعزاء على المرور الجميل
شكرا الاخ والزميل / عبدالرحمن حسن موسى ،،،بالله ارسل تلفونك على الايميل في بوست الجديدة .
شكرا للاخ / مأمون ،،،،،على الصور المتحفة وما تهيج ناس الرياض الواحد بكرة اركب يجي جده عشان بيك ،،خليهم في المواسم (عمرة -حج)
شكرا الاخ / علي محمد علي بشير ،،، العلم دا خته في محل واحد ،،، عشان لو دخلت بيه البيت حيختفي ،،،دايرنوا يرفرف عالي
شكرا للزميل الضليع / عصام دهب ،،، على اثرائك المساحة بمعلومات ستخدم البوست كثيرا
جميعا لكم التحية على هذه المداخلة
ونواصل
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: ياسر الامير ابوجكة)
|
شكراً ياسر ..
كنّا ذات مساء جداوي رطب متجهين من حي الصفا في شمال جدة إلى حي " بني مالك " ، برفقتنا قريب أحد الأصدقاء ، لتناول " الشية " والفول " المدنكل " في مطعم السودة . ولأن قريب صديقنا كان حديث عهد بمدينة جدة ، فقد كان كثير السؤال عن كل ما يلفت نظره الشارع ده يا جماعة إسمو شنو .. ده شارع التحلية .. وبعد أن عبرنا إلى شارع آخر .. وده إسمو شنو ؟ ده شارع المكرونة .. عندها ضحك ضحكة عريضة وقال لنا .. والله شوارع جدة دي تشهي عديل كدة ! ضحكنا جميعاً لملاحظته الساخرة ، وأضفت إليه أن هنالك أيضاً شارع صغير غير مشهور يسمى شارع الشعيرية .
والتحية عبرك ياسر لكل سودانيي جدة وعلى رأسهم العمدة قرشو .. وحليل جدة وأيامها ..
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: ياسر الامير ابوجكة)
|
Quote: الأخ ابوبكر
لك التحية
البيك يا سيدى زاد سعره ريال واحد فقط ولكن حينما ترى الصفوف المنتظمة ليل نهار (اللهم لا حسد) والزحمة التى لا تنقطع فقد تدرك مدى قيمة الريال .... الزبون الواحد لا يحس بقيمة الريال ولكنه يفرق كثير .....
|
قرشو ازيك يا اخوي
واللة بيني و بينك الريال ما بيحول بيني و بين ( الحرااااااااااااق ) لكن قاسية التذكرة البيقطوعها من بريطانيا لحدي جدة ولا مكة
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: ياسر الامير ابوجكة)
|
ضحية ابراهيم ،،،، ولد العم ككيفك ،،،، لقيت الهمبريب البارد دا ورطب ،،، الله يديك العافية
بس ياأخيي ،،، والله الاكلات دي بلحيل بريده ( الدامرقة ،،،،والكول ،،،والمرس ،، ام بقبق،،، التقلية عين الديك ) إلا الكول والمرس ديل
تاني ما بقربم ،،،، وانت عارف ياولد العم إلا السترة كويسة ،،،،، والبيك دا كان ماشين السودان اجازة بنشيلو معانا إلا بنلقريف لي شديد .
تحية خاصة ياضحية ومنتظرنك في رمضان بكل ما لذّ وطاب
العزيز / ابوبكر ،،، ربنا يوصلك لينا بس الباقي ساهل ولو من طرفك حد جا عمرة ،،، خلي اديني تلفون ،،
بعدين البيك فيه ميزة لو برد وسخنتو تاني يوم بتلقاه بزيد حلا ،،، بس رسل لي زولك . تشكر يابكري
العزيز / دكتور سيف
الشغل الدوامين دا بدون الضغنة الصاح والسفسفة الجامدة حنقع كرب كدا ،،،
قلت لي صاحبك كان وزنوا كم وبقى كم ( يعني أكل جلد البيك كلوا ) ،،، طبعا ياجماعة ،،،للناس البعاد من البيك ،،، البيك لذة وقرمشتوا في جلدوا
دا شيء ممتع شديد والجربوا بيعرفه،،
نواصل
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: ياسر الامير ابوجكة)
|
مطعم الشباب ،،،، طابع سوداني في كل شي ،،، يقابل المصفاة تماما من الشارع الرئيسي قبل نزلة المحجر ،،،
عندما تدخل المطعم تقابل بالشوربة وفيها شيء من العظم يكسوه لحم طري للغاية ومعها الشطة السودانية وسلطة الروب والليمون وفحل البصل
،،، وتعتبر هذه مقدمات الطلب،،، وبعد خمس دقائق تنزل الشية لارض الملعب ،،شي ما عادي لحم فرش ،،،
تتبيل غاية في المذاق والطعم ،،، الشوي صناعة سودانية على الفحم الملهلب ،،اذا طلبت طلب سيتبعه الثاني ولو خفت الكذب سيتبعه آخر ،،،
المشروبات الغازية على الطريقة السودانية القديمة ( قزاز ) مع الماء البارد
والله العظيم لو شفت السعوديين تحتار ،،، السودانيين ما بلقوا فرقة عشان يقعدوا ،، على الرغم من فساحة المكان ،،،
الجلوس أرضا على الموكيت النظيف مع الصفر أو الصواني السودانية ،،، روعة ،،،
قابلت واحد بعرفه ساكن أقصى الشمال والمطعم أقصى الجنوب ،،أقول شنو الشغل نظيف ،،، الله قادر يعجبك تتبيل الشية نفسها
نواصل
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: ياسر الامير ابوجكة)
|
ياسر تعال انا بديك علبتين بيك متشابهات
علبة من المطعم وعلبة صناعة منزلية
واتحداك لو عرفت الفرق بينهم
انا ساكن فى عمارة البيك شارع الستين وعارفين سر المهنة
ناس الطازج بقولو ، الطازج اكل الاصحاء والبيك اكل الناس
العاوزين يملو بطنهم .
اكثر رواد البيك ناس الرياض والمصريين وناس العمرة
نصيحة : جرب اكل البيك فى سحور رمضان 
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: ياسر الامير ابوجكة)
|
الأخ / عبدالدائم ،،،، تحية طيبة
اكتشاف خطير جدا ،،،، في بيك أصلي وبيك تقليد ،،، دا شي عجيب ،،،كان كدا أنحنا موتنا موت أحمر .
لكن ياعبدالدائم لو قلنا الطازج أفضل بس الطازج ما بشبع (فروجة صغيرة ) ،،،أنحنا الواح فينا ما شاالله ،،،،فروجة الطازج دي ذي القمرية عندنا في السودان ،،، عشان كدا ما نقربها ،،،بس دايرين اثباتاتك عن الاصلي والتقليد من البيك
وتشرح لينا بعمل شنو عند السحور ،،، والزول ما ياكل من بدري ويدش ويكرع ويرتاح .
شكرا ومداخلاتك مهمة
واصل
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: ياسر الامير ابوجكة)
|
العزيز / عادل جبارة ،،،،كيف أمسيت
الكبر البتكلموا فيه ناس حسام بشير واولاد دفعتكم انت قايل سببه شنو سببه ( الفول المصلح بالجبنة والبصل ) ياخ دا هدا حيلكم تاكلوا فيه سنين الله كلها ،،، هنا الباكستاني يضرب ليك واحد بيك وعلبة كولا تلقاو جارى الشيول بيدو من أول الشارع لاخره ،،،، العمله فيك الفول كان قال ليك حرك الشيول دا ما بتحركو ،،، البيك دا قيمة غذائية عالية بس زح الجلد بتاعوا واضرب اللحم الابيض جيكن ساكت،،،
شكرا ياعادل على المرور الجميل وعلى الصحن المدنكل لكن ابعد من الفول دا ساي إلا تشتهي.
نواصل
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: ياسر الامير ابوجكة)
|
ياجماعة ،،، شية مطعم الشباب ،، عجيبة ،،، ورهيبة
لكن أغلب الناس البيعملوا الشية في جده ،،، لحم مثلج ،،إلا مطعم الشباب طازه وفرش من النوع ( ابو دمو ) ،،، لكن نرجع لاخونا قرشو
العمدة ،،،، بس لمن تتذوقا بتقدر تعرف الفرق بينها وبين المطاعم الاخرى ،،، ذكرتني سوق الناقة ،،، شوي على الفحم ولحم من الجزار
يعني يوم الخميس من كل اسبوع واحد من اثنين ( البيك ) أو ( مطعم الشباب ) ،،،
ولو خلاص زهجت وطفشت بقول العرب سمك محمر مع السلطة الخضراء والشطوط الخضراء ،،،، جده ،،وما ادراك ما جده .
ونواصل
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: ياسر الامير ابوجكة)
|
شكرا لفتح الموضوع
زي ما قال الأخ قرشو فعلا البيك زاد ريال
واعتقد محلات دجاج كثيرة زادت في فترة انفلونزا الطيور
كمان البيك فتح بينبع الهئية الملكية
لكن بجده توجد مطاعم اخرى اعتقد انها مفضلة لسكان جده خاصة بشارع الاندلس تقاطع فلسطين
لكن اتمنى ان تجرب مطعم تركي يسمى يلدزلار (الكلمة تركية) تعني النجوم بالعربية..في نفس هذا الطريق
سوف تنسى البيك للابد
كمان لا تنسى اصحابنا ناس محمود اولاد المناقل اصحاب مطعم السروات..هذا المطعم يقدم افضل الماكولات
تحية لجده رغم كثرة العزابة..والمتسكعين السودانيين والمنتظرين داخل المنازل من المعتمرين للحج
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: ياسر الامير ابوجكة)
|
ياجماعة ،،، شية مطعم الشباب ،، عجيبة ،،، ورهيبة
لكن أغلب الناس البيعملوا الشية في جده ،،، لحم مثلج ،،إلا مطعم الشباب طازه وفرش من النوع ( ابو دمو ) ،،، لكن نرجع لاخونا قرشو
العمدة ،،،، بس لمن تتذوقا بتقدر تعرف الفرق بينها وبين المطاعم الاخرى ،،، ذكرتني سوق الناقة ،،، شوي على الفحم ولحم من الجزار
يعني يوم الخميس من كل اسبوع واحد من اثنين ( البيك ) أو ( مطعم الشباب ) ،،،
ولو خلاص زهجت وطفشت بقول العرب سمك محمر مع السلطة الخضراء والشطوط الخضراء ،،،، جده ،،وما ادراك ما جده .
ونواصل
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: ياسر الامير ابوجكة)
|
غايتو يا أبوجكة أنا عمري ما ح أنسى البيك و خصوصاً الفرع الفي البلد... ياااخ دا قال لي كنتاكي عن إذنك زح كدة شوية ... لامن عمك كنتاكي قرب ينتحــر من كثرة التبسم ... طبعاً ألــذ حاجة الثوم يااخ الثوم دا أنا لو ما شلت تلاتة علب ما بزح من مكاني...
طبعاً شهــر العســل كان من الفندق و للبيك و بالعكس ... و زي ما قلت لامن يعمل بيبيتو بكون أحلا زي ملاح البامية... غايتو كان الله سهل يا صديقي بنجيكم في بيكم ....
طبعاً المطعم بتاع الشباب دا أنا ما حاضروا ... لكن مطاعم بني مالك رووووعــة و بالذات لمن تشوف دخاخين الشية فوووق و تشم الريحة تقول يا غربتي زيدي....
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: ياسر الامير ابوجكة)
|
الأخ ياسر
لك التحية ولكل احباب جدة ودعونى اخص الاخ الحبيب المهاجر من جدة جلال محمدنور والاخ الاديب هوارى ....
رغم اننى عاقرت الكرنتينة زمنا طويلا وجربت كل مطاعمها بتاعت الشية ولكنى منذ فترة انقطعت عنها ولعل هذه الفترة شهدت افتتاح مطعم الشباب ويقينى ان المنافسة الحادة هنالك تجبرهم على التجويد ومحاولة الحصول على اللحوم الطازجة فبعضها لا يرعوى من شواء النيوزيلندى والاسترالى وبعد ان يبهر ويشمر ويحمر فانه لا يعرف الا لذوى الخبرة ....
بالمناسبة اراك تجاوزت ركنا هاما فى بنى مالك وانا شخصيا يحلو لى تناول الغداء منه كل خميس وهو عباس بتاع السمك ولمن لم يجربه اقول ان هذا السمك متميز جدا ولا مثيل له فى جدة الا فى مطعم سابق فى كيلو ستة عند المشهد فى اول الطريق وعلى مسئوليتى سمك عباس هذا وان لم يعجب المشترى يرجعه بدون اى حرج ويسترد نقوده وهل تصدق انه ( أى عباس ) دوما ما يردد ذلك ؟؟؟؟ مش زى ناس الصافى لما نزلوا منتجهم الجديد (اكتيفيا) وقالوا لو ماعجبك رجعوا .... عباس بقول ليك خلى السمك يبيت ولى بكره لو تلف رجعه وخد قروشك ... هل تصدق ... اما الاهم فهو طعمه الجميل والذى لو جربته فلن تتركه ابدا لا ليل ولا نهار وحتى فى عز الصيف .... وانت مساهر كمان ...
لك التحية وانت تتجول فى ربوع جدة ولكن ايضا كما قال الاحباب المطاعم التركية رهيبة جدا وايضا حينما تجربها فلن تتركها ابدا لا سيما الطاجن فده فظيع خالص خالص ....
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: عبد الدائم سيد أحمد)
|
Quote: بيك + 3 علب توم + ورطوبة جده + مكيف
ديــل اصـــــلو ما بتـلـمو مع
شـهر الـعـســــل |
حبيبنااللذيذ عبدالدائم ....
طبعاً أنا عرسي كان في جـدة في شهر فبراير 2002 و الجو كان بارد ... عشــان كــدة انا كنت بكتر من الثوم و ما تنسى البيبســـي البــاااااارد و معاها تدشة" بااااااااع" .... يا لطيف .... و المناسبة كانت في قاعة سمروز شارع الستين... و سيد البوست دة كان وزير العريس.... الله يديهو العافية....أها إن شاء الله صلحت المشكلة الفي بوست البلابل....
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: ياسر الامير ابوجكة)
|
شكرا ،،، هواري ،،، على المرور الجميل
وشكرا على المعلومات ( البيك في الهيئة الملكية ) ومطعم ( يلدزلار ) أو النجوم ،،، بس اللحو م التركية مثلجة
وربما تكون مذبوحة على طريقة هاكان شوكر ( الاهداف السريعة ) في كاس العالم فياحتلال المركز الثالث في الثانية الاولى ،،،
أما مطعم السروات ،،،ليس بجودة مطاعم بني مالك ( السودة ) ،،،
عمنا العمدة قرشو ،،، شكرا على مرورك الراقي
فعلا سمك عمك عباس الفي الناصية المعاهو الفول المصلح و( الطاعمية والباسطة ) الفي وش المحل ، فعلا روعة كبيرة
وعمنا عباس راجل كريم ،،، وسمكو طاعم ( مبهر بالطريقة السودانية ) يذكرني بسمك عمنا دبشك في القوز والرميلة ( الله يرحمه ويحسن اليه )
دايرينك معانا في هذا الركن ( هذا البوست ) ياعمنا قرشو ،،، خلينا نسميه ( ركن المشويات والمقليات) ،،الله يديك العافية
اخونا عبدالدائم ،،، مالهم مابتلمو ( بيك +توم +مكيف = شهر ترخيمة) الله المستعان ،،، واخونا هيثم نحن في انتظارك انت وضحية ابراهيم
ضحية ولد عمي بلحين بحب الشي النظيف ،، تكرم عينه
ونواصل
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: ياسر الامير ابوجكة)
|
Quote: فعلا سمك عمك عباس الفي الناصية المعاهو الفول المصلح و( الطاعمية والباسطة ) الفي وش المحل ، فعلا روعة كبيرة
وعمنا عباس راجل كريم ،،، وسمكو طاعم ( مبهر بالطريقة السودانية ) يذكرني بسمك عمنا دبشك في القوز والرميلة ( الله يرحمه ويحسن اليه )
دايرينك معانا في هذا الركن ( هذا البوست ) ياعمنا قرشو ،،، خلينا نسميه ( ركن المشويات والمقليات) ،،الله يديك العافية |
يا ياسر تصحيح معلومة .. الفي الناصية دا عبد الوهاب و معاهو عبود بتاع الباسطة و عبد الوهاب برضو سمكو لذيذ جداً خاصة لما يغني ليك ـ عبد الوهاب طبعاً ـ غنا حقيبة و هو بيحمِر في السمك .. أما عباس فهو إلى الغرب من عبد الوهاب ما بين بقالة بني مالك و كهربائي السيارات الفي الكورنر .. و عباس لسع زول شباب ما وصل مرحلة يا عمك وفعلاً سمك عباس حاجة لذيذة خلاس .. و تحية للأخ / قرشو الذي لم أشاهده قريباً في بني مالك و عسى أن يكون المانع خير ..
و حقيقة ما دعاني للبحث عن هذا البوست و العودة به هو انني أهتبلت ـ حلوة دي ـ فرصة وجود أسرتي في مكة منذ بداية هذا الأسبوع و لقيتها فرصتك يا مان .. وبعد أن مطقني هذا البوست بعنوانه الملهلب تمطيق غرائب كبد الإبل .. فقد أتفقت و صديقي الشاعر / الطيب برير على أن نشد الرحال إلى مطعم الشباب مساء اليوم لأجل الشواشو التي حندكتنا بها و حرضتنا عليها يا ياسر .. و حتى نتحرى مصداقية ما قلت لنعلم هل هي الحقيقة .. أم أن الأمر ( حكاية وراها دعاية ) .. و بهذا فإنني أدعو و أعزم و اناشد كل الإخوة من بورداب جدة من قراء هذا البوست و خاصة العزابة منهم أن يهبوا اليوم ـ الإثنين 3 /9 ـ هبة رجل واحد و ييمموا وجوههم شطر مطعم الشباب لنتذوق معاً طعم شيته و النشوف شطتا .. قصدي آخرتا ..
و يا ياسر أنت أول المعزومين و سوف نكون هناك إن شاء الله بعد العاشرة و النصف مساءاً ..
| |
|
|
|
|
|
|
|
|
|
Re: جده غير ،،، البيك خطير ،،،، ومطعم الشباب شية ملهلبة (Re: ياسر الامير ابوجكة)
|
ياسر ود الأمير
سلام بيكي مربع ،،،ورمضان كريم وتصوم وتفطر علي خير
وربنا يتقبل صيامكم وقيامكم والسحور بركة بحبة تمرات وموية
بيك ...بالبيني بينك البيك ده بنأخد منو أجازة في رمضان
عشان ملاح التقلية بالشرموط وملاح الروب والقراصه والفول سيد المائدة
وبعد رمضان بنرجع ليك يابيك وسلطان الشية الشبابي وكل عام والجميع بخير
بورداب جـــــــًده.
،،،،أبوقصي،،،،
| |
|
|
|
|
|
|
| |
ياسر الامير ابوجكة
Haytham Abdulaziz
Sayed Bekab
قرشـــو
مجدي عبدالرحيم فضل
Mamoun Ahmed
على محمد على بشير
ضحيه ابراهيم
عبد الدائم سيد أحمد
garjah
Dr.Elsadig Abdalla
فيس بوك
تويتر
انستقرام
يوتيوب
بنتيريست