|
Re: ودي قصصتنا .. ودي حكيتنا (Re: عفاف أبو حريرة)
|
عزّ ألمنا وبجرحنا بنتخلى عن بعضنا )(2) .. ( ودي قصصتنا .. ودي حكيتنا ) (2) .. وهادي دنيتنا أنتا وأنا .. الأيام الحلوة (2) بتعدّي بثواني .. الأيام الحلوة (2) مبترجعشِ تاني .. طعم الحبّ تغيّر .. وقت الفرح تغيّر .. أكبر لحظة حبّ وِِدِّ وصدق زمنها قصيّر .. الحلو بيتمررّ .. والجرح بيتكررّ .. نجرح نألم نأسى ونظلم وغلطنا بيتبرر .. ( اللي نحبّه بنودعه واللي بإدنا بنضيعه ) (2) .. ( واللي ناسينا عايش فينا ) (2) .. واللي شرينا بنخدعه (3) .. ولا في الشدّة حبايب ولا بالدمعة قرايب .. كل بجرحك مرحك مُرّّك نارك ألمك دايب .. حبل الودّ تسيّب .. طعم الظلم يشيّب .. زمن الصدق وزمن الطيبة بقت حاجه بتتعيّب .. ( معنى الحبّ بنزيفه .. صوت الحقّّّّّّّ بنكتفه ) (2) .. ( واللي دابحنا ساكن روحنا ) (2) .. واللي جرحنا بننصفه (3) .. ماشيه الدنيا ودايرة .. فيها مراكب سايرة .. ناس في مراكب وضايعة .. وناس بمراكب تايهه وحايرة .. وناس أحزانها شديدة .. وناس سكتّها بعيدة .. ناس كل ما دمعتها بتتقل تطرح دمعة جديدة .. ( في
| |
|
|
|
|
|
|
Re: ودي قصصتنا .. ودي حكيتنا (Re: هاشم أحمد خلف الله)
|
Quote: ام أحمد المزاج عندك ّّ!!! |
يا هاشم ازيك وحمد الله علي السلامه صدقني ما مزاج دي بنات افكار الرائع محمد عبد الجليل ضليع في السرد والكتابه نزل بوست بي عنوان راحو مني ناس كتار انا ما قدرت اعبر عن الجواي كلمات الاغنيه لقيت فيها كل الكان نفسي اقوله اول سجلت في المنبر ده كان عندي ناس كتار وراحو مني ابوي ابوبكر واخون عزاز الطيب شيقوق وفاروق ونور الهادي وتمت الناقصه سافرت بت طلحه لقيت نفسي في الايام الحلوه وانشا الله يارب ترجع تاني واشوف ابوبكر والطيب شيقوق وفاروق منورين البور بي ونستم الحلوه شكرا اخي الفاضل ابو احمد
| |
|
|
|
|
|
|
Re: ودي قصصتنا .. ودي حكيتنا (Re: عفاف أبو حريرة)
|
Quote: ( اللي نحبّه بنودعه واللي بإدنا بنضيعه .. ( واللي ناسينا عايش فينا ) .. |
الأربابة أم أحمــد سلام من الله يغشاكم .. يحفكم ويبراكم .. سنة 98 كنت في إجازة في السوان وكنت معزوم في مناسبة .. ولأول مرة أسمع أغنية محمود عبد العزيز .. الروحو إرتحلو .. شالو الهنا ورحلو ليه يعني خلونا .. ومارسلو وسألوا .. لو قلنا نطراهم .. تألمنا ذكراهم .. لو قلنا نساهم .. كيفن بننساهم .. ساكنين مشاعرنا .. وفي قلوبنا شلناهم .. ... لم أستمتع بذلك الحفل .. بل تركت هذه الكلمات ماتركت بدواخلي.. حيث أننا كتب علينا الترحال في بلاد الله .. وكتب علينا أن لانغرق في حب الأماكن لأننا نحمل حقائبنا على ظهورنا دوماً .. وهاهي ( قصتنا .. وحكايتنا ) تدق على ناقوس الترحال .. وتذكرني بأنني دوماًفي الغربة كعشبة تحن إلى خريف .. يبلل عروقها . لك التحية وللأرباب المحرب وللأسرة الكريمة .
أخوكم / خالد سعيد
| |
|
|
|
|
|
|
Re: ودي قصصتنا .. ودي حكيتنا (Re: Khalid Saeed)
|
Dear Afaf
Quote: عزّ ألمنا وبجرحنا بنتخلى عن بعضنا )(2) .. ( ودي قصصتنا .. ودي حكيتنا ) (2) .. وهادي دنيتنا أنتا وأنا .. الأيام الحلوة (2) بتعدّي بثواني .. الأيام الحلوة (2) مبترجعشِ تاني .. طعم الحبّ تغيّر .. وقت الفرح تغيّر .. أكبر لحظة حبّ وِِدِّ وصدق زمنها قصيّر .. الحلو بيتمررّ .. والجرح بيتكررّ .. نجرح نألم نأسى ونظلم وغلطنا بيتبرر .. ( اللي نحبّه بنودعه واللي بإدنا بنضيعه ) (2) .. ( واللي ناسينا عايش فينا ) (2) .. واللي شرينا بنخدعه (3) .. ولا في الشدّة حبايب ولا بالدمعة قرايب .. كل بجرحك مرحك مُرّّك نارك ألمك دايب .. حبل الودّ تسيّب .. طعم الظلم يشيّب .. زمن الصدق وزمن الطيبة بقت حاجه بتتعيّب .. ( معنى الحبّ بنزيفه .. صوت الحقّّّّّّّ بنكتفه ) (2) .. ( واللي دابحنا ساكن روحنا ) (2) .. واللي جرحنا بننصفه (3) .. ماشيه الدنيا ودايرة .. فيها مراكب سايرة .. ناس في مراكب وضايعة .. وناس بمراكب تايهه وحايرة .. وناس أحزانها شديدة .. وناس سكتّها بعيدة .. ناس كل ما دمعتها بتتقل تطرح دمعة جديدة .. ( في |
دة حالنا في الغربة آي حاجة حلوة ضاعت
نون
| |
|
|
|
|
|
|
Re: ودي قصصتنا .. ودي حكيتنا (Re: Khalid Saeed)
|
Quote: لم أستمتع بذلك الحفل .. بل تركت هذه الكلمات ماتركت بدواخلي.. حيث أننا كتب علينا الترحال في بلاد الله .. وكتب علينا أن لانغرق في حب الأماكن لأننا نحمل حقائبنا على ظهورنا دوماً .. وهاهي ( قصتنا .. وحكايتنا ) تدق على ناقوس الترحال .. وتذكرني بأنني دوماًفي الغربة كعشبة تحن إلى خريف .. يبلل عروقها |
الارباب والله ما عارفه الدنيا هي الاتغيرت ولا الناس هم الاتغيرو بقت السعاده والانبساط مع الناس زي المويه بين الاصابع تمسكه من هنا ومن هنا وفي النهايه تطلع بشي بسيط اهو احسن من العدم لانه في النهايه الواحد لازم يكون وسط الناس بعد مرهم ده كله
وربنا يجعل ايامك كلها حلوه
سلام كبير لي الاربابه
| |
|
|
|
|
|
|
Re: ودي قصصتنا .. ودي حكيتنا (Re: عفاف أبو حريرة)
|
بت ألأصول
أم أحمد..
هذه هى الدنيا.....هذه هى الحياة...وهذه هى النفوس............
حياة وموت......حب وكره.....لقاء ووداع.......كلها متناقضات...
والعاقل يمتهنها...وكيف ما نحن ذاتنا ضيوف داخلين من هنا ومارقين بى هناك......
الله يدينا الحكمة لكى نفهما..
مودتى..
إسماعيل محمد احمد عباس...........
| |
|
|
|
|
|
|
Re: ودي قصصتنا .. ودي حكيتنا (Re: ismeil abbas)
|
الأيام الحلوة بتعدّي بثواني الأيام الحلوة مبترجعشِ تاني .. طعم الحبّ تغيّر .. وقت الفرح صغير
الفاضلة / العافية بت ابوحريرة سلام يا الخلوة البتعزم وتعزم باشا مخلاية الزاد .. دُقاق العيش بتعشي الديش ............... شن جاك واريتو فوق عدوك الحزن ..... لما نحن السودانيون بنحب الحزن ؟؟؟ هل رضعناه ؟ هل فطمنا به ؟ هل شبا معنا ؟ وسوف يشيب معنا ؟؟أم ماذا ؟؟ نطرب ونسعد بالكلمات التي تحمل الاحزان تشجينا الآه ودرر وأجمل اغنانينا ماكساها الحزن ثوب حداد ينغمص الواحد فينا لآذنية في نعيم الحب والمودة ويترنم بــــــــ أشكي آلم الفراق وأحكي لي مين أنا
والواقع فينا شنو نحن مسحورين والفرح لا يعرف لطريقنا سبيلا ؟
لك التحية والاحترام ام احمد
خالد
| |
|
|
|
|
|
|
Re: ودي قصصتنا .. ودي حكيتنا (Re: خالد علي محجوب المنسي)
|
Quote: ينغمص الواحد فينا لآذنية في نعيم الحب والمودة ويترنم بــــــــ أشكي آلم الفراق وأحكي لي مين أنا |
ايها الخالد في دواخلنا ضحكتني اضحكك الله يوم تلقاه اسمك خالد وولدك اسمه احمد وكتاباتك كتابه شيوخ عرب بصح ما شيوخ كلام واخوعزيز علي وفوق ده كله والله يا خالد معزتك لي بيت الشيخ الحسن عامه ولي ريحانتم خاصه خلت مكانتك عندي بس يعلم بها الواحد الاحد انا المعزة الفي قلبي لي سميه الحسن تخلني اعتبرك في مكان اخواني اولاد امي وابوي
تسلم من الهم والحزن وانشاالله الايام الحلوه دائما انت عايش فيها كامل مودتي واحترامي سلامي لي احمد والاسره الكريمه
ام احمد
| |
|
|
|
|
|
|
Re: ودي قصصتنا .. ودي حكيتنا (Re: عفاف أبو حريرة)
|
سلام يا عفاف،
كنت في الجامعة في الوقت الطلعت فيهو الأغنية دي. وكنت وزملائي في الدفعة نعاني الأمرّين من مادة التصميم الهندسي بسبب كم العمل المطلوب وضيق الوقت في ظل سمسترات هندسة الشهيرة ...
عارفة عملنا شنو أنا وشلتي؟ في يوم كنا مجتمعين مع بعض عشان نشتغل في المادة دي ..
وبيت من هنا وبيت من هناك؛ ألّفنا قصيدة كاملة مكونة من كلمات الأغنية بعد تعديلها عشان تناسب مشكلتنا!
وكان إسمها "الأبيام الحلوة" بدل الأيام الحلوة!
وكانت بدايتها بتقول:
إلأبيام الحلوة ..
تتصمّم في ثواني ...
إلأبيام الحلوة ..
مابتوأعش تاني!
لو لقيت حبة وقت فاضي بجي أتم الجزء المتذكرو لسة إن شاء الله!
أبيام لها إيقاع!
| |
|
|
|
|
|
|
Re: ودي قصصتنا .. ودي حكيتنا (Re: Khalid Osman Jaafar)
|
بكرة لما قمركو يطلع والشمس تطلع ونهاركو يطلع
حيقولوا كان في المكان ده ناس فيهم طيابه وفيهم حماس
أمبارح قبل ما أقرأ البوست ده بوشيه .. كنت بقرأ في خطاب مرسل لي قبل 6 سنوات من قريبي الذي توفى قبل ست سنوات .. قال لي فيه:
الابن/ محمد .. تحياتي افكر الايام دي في الموت .. وما تقول لأني عيان ولا خايف منو .. لكني أفكر فيهو فعلا وبشكل جدي بل مستعجل عليهو .. فالحياة لم تعد ممتعة بالنسبة لي .. لو مافيها موت كنت أكون في وضع مؤسف لحد بعيد .. ولكني سعيد وأشعر أني سأموت قريبا والاقي ربي وأدخل في جنة العدل المطلق .. وكلام كتير تاني يحتمل أن أنزلوا في يوم ما في بوست .. راحو مني ناس كتار ..
| |
|
|
|
|
|
|
Re: ودي قصصتنا .. ودي حكيتنا (Re: Mohamed Abdelgaleel)
|
Quote: الابن/ محمد .. تحياتي افكر الايام دي في الموت .. وما تقول لأني عيان ولا خايف منو .. لكني أفكر فيهو فعلا وبشكل جدي بل مستعجل عليهو .. فالحياة لم تعد ممتعة بالنسبة لي .. لو مافيها موت كنت أكون في وضع مؤسف لحد بعيد .. ولكني سعيد وأشعر أني سأموت قريبا والاقي ربي وأدخل في جنة العدل المطلق .. |
الحلو بيتمررّ .. والجرح بيتكررّ .. نجرح نألم نأسى ونظلم وغلطنا بيتبرر .. ( اللي نحبّه بنودعه واللي بإيدنا بنضيعه ) ( واللي ناسينا عايش فينا ) .. واللي شرينا بنخدعه () .. ولا في الشدّة حبايب ولا بالدمعة قرايب ..
الجنرال محمد عبد الجليل(ابو البنات)واخو البنات كل ماتحكي عن احد من افراد عايلتك انا بزيد احترامي ليك وتقديري انت يا محمد عظمتك ما جات من فراق انت من عائله عريقه والدنيا دي اهو شئنا ام ابينا هم ديل ناسه ودي قصتنا ودي دنيتنا لكن مرات الواحد لازم يقول
نحن المابقولونا الخلوق وين جيتو وتاني بنركب الدرشي البجابد خيطو نحن عشيرنا ما بنخونو نخرب بيتو الا عدونا بنعصرو ونطلع زيتو
كامل احترامي ام احمد
| |
|
|
|
|
|
|
Re: ودي قصصتنا .. ودي حكيتنا (Re: Khalid Osman Jaafar)
|
Quote: وكان إسمها "الأبيام الحلوة" بدل الأيام الحلوة!
وكانت بدايتها بتقول:
إلأبيام الحلوة ..
تتصمّم في ثواني ...
إلأبيام الحلوة ..
مابتوأعش تاني!
لو لقيت حبة وقت فاضي بجي أتم الجزء المتذكرو لسة إن شاء الله! |
الاخ العزيز خالد عثمان يعني وقعت ليكم في جرح منتظرين باقي القصيده يا هندسه ضحكتني ما بتوآعش تاني دي ضحك
خالص مودتي
| |
|
|
|
|
|
|
Re: ودي قصصتنا .. ودي حكيتنا (Re: عفاف أبو حريرة)
|
الفضلي ام احمد والافاضل المتداخليين.. سلام
يا ام احمد غربة داخل غربة ولعقود كثيرة جعلتني ابحث عن متنفس حتي ولو اسفيريا " راكوبة " "مصطبة" يجلس فيها كهل مثلي يناغم اصفائه بمزاح لا يضر .. صرنا تروسا في عجلة حياة كلها عمل وكد وبعد عن اهل وابناء واصدقاء فتونسنا حينما وجدنا متنفسا اسفيريا ولكن عراك كثير وصراعات وغبار كثير وكذلك احزان كثيرة جعلت الرؤية طشاش وكثرت الاصوات متداخلة غاضبة او مستهزئة او مستفزة وكلها من حرقة غربة او وجع كثر في العباد والبلاد فافقدها حكمة الصبر والكلمة الطيبة ..املنا في ان نتماسك وتهدء النفوس ونتحاور في سلام علنا نجد مخرجا لما نحن فيه فحال بلادنا وحالنا جعل منا كلنا مظلوم وظالم فالذي لم يطلم غيره ادناه قد ظلم نفسه فصارت دائرة محيطها ظلم وداخلها ظلام .. نامل ان ياتي رمضان كعادته بخير يطيب النفوس فيعود الطيب بحكاياته وطرائفه ويعود البربري يمازحه ... وفي انتظار شهر الخير نترككم بخير والله المستعان مودتي ابوبكر
| |
|
|
|
|
|
|
Re: ودي قصصتنا .. ودي حكيتنا (Re: abubakr)
|
Quote: يا ام احمد غربة داخل غربة ولعقود كثيرة جعلتني ابحث عن متنفس حتي ولو اسفيريا " راكوبة " "مصطبة" يجلس فيها كهل مثلي يناغم اصفائه بمزاح لا يضر .. صرنا تروسا في عجلة حياة كلها عمل وكد وبعد عن اهل وابناء واصدقاء فتونسنا حينما وجدنا متنفسا اسفيريا ولكن عراك كثير وصراعات وغبار كثير وكذلك احزان كثيرة جعلت الرؤية طشاش وكثرت الاصوات متداخلة غاضبة او مستهزئة او مستفزة وكلها من حرقة غربة او وجع كثر في العباد والبلاد فافقدها حكمة الصبر والكلمة الطيبة ..املنا في ان نتماسك وتهدء النفوس ونتحاور في سلام علنا نجد مخرجا لما نحن فيه فحال بلادنا وحالنا جعل منا كلنا مظلوم وظالم فالذي لم يطلم غيره ادناه قد ظلم نفسه فصارت دائرة محيطها ظلم وداخلها ظلام .. نامل ان ياتي رمضان كعادته بخير يطيب النفوس فيعود الطيب بحكاياته وطرائفه ويعود البربري يمازحه ... وفي انتظار شهر الخير نترككم بخير والله المستعان |
الناس فى العروض ما تقيسه بى تيبانه
ما يغرك لباسم والعروض عريانه
ديل حراس رزق ذى التكنه امانه
ذى ابل الرحيل شايله السقى وعطشانه
ابو بكر ايها الانسان الجميل في دواخلك ما عليك من السقط واللقط في ناس كتار في البورد ده انت قدوه بالنسبه لهم كن دائما بالف خير ام احمد
| |
|
|
|
|
|
|
Re: ودي قصصتنا .. ودي حكيتنا (Re: عفاف أبو حريرة)
|
الأيام الحلوة بتعدّي بثواني الأيام الحلوة مبترجعشِ تاني .. طعم الحبّ تغيّر .. وقت الفرح صغير .. أكبر لحظة حبّ وِِدِّ وصدق زمنها قصيّر .. الحلو بيتمررّ .. والجرح بيتكررّ .. نجرح نألم نأسى ونظلم وغلطنا بيتبرر .. ( اللي نحبّه بنودعه واللي بإدنا بنضيعه .. ( واللي ناسينا عايش فينا ) .. واللي شرينا بنخدعه .. ولا في الشدّة حبايب ولا بالدمعة قرايب .. كل بجرحك مرحك مُرّّك نارك ألمك دايب .. حبل الودّ تسيّب .. طعم الظلم يشيّب .. زمن الصدق وزمن الطيبة بقت حاجه بتتعيّب .. ( معنى الحبّ بنزيفه .. صوت الحقّّّّّّّ بنكتفه ) .. ( واللي دابحنا ساكن روحنا ) .. واللي جرحنا بننصفه .. ماشيه الدنيا ودايرة .. فيها مراكب سايرة .. ناس في مراكب وضايعة .. وناس بمراكب تايهه وحايرة .. وناس أحزانها شديدة .. وناس سكتّها بعيدة .. ناس كل ما دمعتها بتتقل تطرح دمعة جديدة .. ( في عزّ ألمنا وبجرحنا بنتخلى عن بعضنا ) .. ( ودي قصصتنا .. ودي حكيتنا ) .. وهادي دنيتنا أنتا وأنا ..
لله درك يا امحمد لى زمن بعاين للبوست ده وشحتف روحي عديييييييييييل بس مشغول شوية هسع وحتما بجى بعرض فيهو صقرية بعد قليل
لك ولاب احمد منى اطيب الامنيات
| |
|
|
|
|
|
|
Re: ودي قصصتنا .. ودي حكيتنا (Re: الطيب شيقوق)
|
Quote: والله متمنى اجيكم زيارة ويقوم اب احمد يترنم لى بصوته حلو داك بالابيات الحلوة دى . |
ابو عبدالله انت بس اعرف تعال والله الرياض كلها تقيف ليك علي فرد كراع وخالد يقول ليك ما لم يقوله مالك في الخمر هي عان نحن عندنا كم الطيب
| |
|
|
|
|
|
|
Re: ودي قصصتنا .. ودي حكيتنا (Re: عفاف أبو حريرة)
|
ام احمد
وانـْدَه واقــُول
خـُتـِيـْنـِي فـِيــْك
ادِّيـْنـِي مـِن نـَفَسـِك دثــَار
مـَا الـْغـُربـَة هـَدَّت فـِيـنـِى حـِيـْل
خـُيـِتـْيـِني فـِيــْك
خـَلـِيـْني اتـْنـَشـّقْ عـَبـِيـْر نـَفـَسـِك
واحـِس
بـِي ضـَمـّة الـْدفــَا والـْوفــَا
مـَا الـْغـُربـَة شـَالـَتْ كــُل جــَمـِيــٍْل
| |
|
|
|
|
|
|
Re: ودي قصصتنا .. ودي حكيتنا (Re: د.محمد حسن)
|
Quote: مـَا الـْغـُربـَة شـَالـَتْ كــُل جــَمـِيــٍْل |
د محمد الحسن ابو البنات الحلوات الغربه احيانا بتكون مع نفسك وفي دواخل نفسك تلقي نفسك غريب حتي عن نفسك
ماشيه الدنيا ودايرة .. فيها مراكب سايرة .. ناس في مراكب وضايعة .. وناس بمراكب تايهه وحايرة .. وناس أحزانها شديدة .. وناس سكتّها بعيدة .. ناس كل ما دمعتها بتتقل تطرح دمعة جديدة ..
| |
|
|
|
|
|
|
Re: ودي قصصتنا .. ودي حكيتنا (Re: عفاف أبو حريرة)
|
Quote: نحن المابقولونا الخلوق وين جيتو وتاني بنركب الدرشي البجابد خيطو نحن عشيرنا ما بنخونو نخرب بيتو الا عدونا بنعصرو ونطلع زيتو |
أم - أحمد - تحياتي،
الناس بدورو يفرحو .. بخافو الحزن على قدر ما تكون أحزاننا نكون ..
ورد في الأثر .. أكثركم بلاءاً الانبياء فالأولياء فالأمثل فالأمثل .. الزول بدون أحزان شن طعمو .. القلب إن حي يتفاعل مع كل الاشياء .. نسأل الله أن يجعلنا من أهل القلوب الحية لنتذوق طعوم الحياة .. واصلي مسادير ..
| |
|
|
|
|
|
|
Re: ودي قصصتنا .. ودي حكيتنا (Re: عفاف أبو حريرة)
|
الفضلى ام احمد
لقد نكأت جرحا
الفصة ياسيدتي انتهت والحكاية خلصت وبتنا في الاحزان والحسرة
عارفة الواحد عندما يتذكر الايام الحلوة يحس بمرارة وغصة الغنية رائعة ولكن؟؟؟؟
لا اريد ان احبط الناس حيث العشم ان يظهر من بين الركام شعاع الامل
وان ياتي الحلو والجميل
وتحياتي لـ اب احمد
| |
|
|
|
|
|
|
|