|
|
|
 Re: اغتراب السودانيين ضرورة....... واجب ام رفاهية إإإإإإ (Re: طارق عبد اللطيف نقد)
|
الأخ طارق
تحياتى
لقد تطرقت لموضوع هام وتساؤلاتك فى الصميم
والإجابه ليست بالسهله وبعضها يذكرنا بواقع
الكثيرون يؤجلون إجابته وإتخاذ القرار فيه
فى رأيى الإغتراب لدى الغالبيه ضروره إقتصاديه
وأسباب أخرى متفاوته بين المغتربين
منها .. سياسيه، عزة وكرامه الإنسان
التى لا ترضى الإحتقار وهضم حقوقه فى وطنه
وقد يتنازل بعض الشىء فى بلد الغربة
بحكم أنه ضيف فى تلك البلاد
الغربه للغالبيه واجب محتوم، وهو حل فردى
وتضحيه كبرى لا يحس بها إلا من إغترب
وللأسف الدوله فى السودان جعلت من هذا الحل
والتضحيه الفرديه حلولاُ لهل فأجبرت المغتربين
بدفع ضرائب دون مقابل بل والتدخل فى خصوصياتهم
بفرض تحاويل إلزاميه لأهلهم بالسودان بقيم محدده
دون تقدير لأى ظروف ولدخلوهم. وتفننت الدولة فى فرض
الرسوم والضرائب والدمغات المختلفه. وأصبحت
سودانيه المغترب وتجديد جوازه مرتبطاُ بدفع الجزيه
والماعندو يصير بلا جواز سفر فى بلاد الغربه!
زياره المغترب فى السودان إرتبطت بتحصيل الجزيه أو لا سفر!
وعذابات الصفوف الطويله لدفع الجزية!
والمقارنه معدومه مع مغتربى الدول الأخرى
مصر مثلاً تقدم لمغتربيها تسهيلات عديده تختصر لهم
زمن الإغتراب والعودة النهائيه لوطنهم
السودانيون يغتربون بنيه الإغتراب لسنين محدوده
ولكنها تمتدت لتصبح عمراًً، القليل منهم من إقتنع بأنها
هجره وليست إغتراباً
حتى القليلون الذين نجحوا فى تحقيق الأحلام التقليديه
الزواج، بناء البيت، توفير المال لبدأ مشروع بالسودان
عندما عادوا للسودان إصطدموا بواقع لا يستطيعون التعامل معه
تعودوا فى الغربه على ضروريات حياه فقدوها مثل الماء النقى
والمتوفر دائما بحنفيه البيت، الكهرباء، سياده وإحترام القانون،
وأمانه من فى يدهم سلطه تنفيذ القانون فى تنفيذه وحفظ حقوق وكرامه الإنسان
توفر العلاج وتكاليفه، التعليم وتكاليفه، تكاليف المعيشه،
صعوبه الحصول على وظيفه أو الإستثمار، إختلاف سودانى اليوم عن الأمس .. الخ
كلها عوامل تدفع بمن عادوا للعوده للإغتراب .. لا رفاهية بل ضرورة!
| |
 
|
|
|
|
|
|
|
 Re: اغتراب السودانيين ضرورة....... واجب ام رفاهية إإإإإإ (Re: نادر الفضلى)
|
عزيزي نادر الفضلي
حقيقي الاغتراب ضرورة حتمية
واصعب قرار يتخذة الانسان في حياته،
لأنة ببساطة شرك وورطة كبيرة
واي انسان اغترب في البداية يفكر في
كم سنة كدة بيت وعربية وعرس ويرجع بالكتير
5 سنوات
لكن بعد الخمسة سنوات الاولي يكتشف انه رسل المصارف فقط
وحجج ابوة وامه وساعد كم واحد كدة من اقاربة واصحابة
وبالكتير يقدر ينزل اجازة
عشان يجي بي خطة بديلة0
واكبر معضلة في طريق المغترب السوداني هي حكومته
التي تضع كل العراقيل في سبيل العودة للوطن
وفي ناس صادروا جوازاتهم
وفي ناس اتزوجوا 15 سنة ما قدروا يرجعوا لي اولادهم
عشان الضرائب والاتاوات 0
وبمناسبة المصريين
المصري يدفع 150جنية في السنة
ويكون مقدم لي وظيفة بشهادتة في مكتب العمل
وعندما يحين تعيين دفعته يتم استدعائه وتسلم وظيفته
وممكن ياخذ اجازة بدون راتب مفتوحة ويترقى مع زملائه الي ان يعود
نهائي ويستلم وظيفته ويستقر
عشان كدة معظم المصريين اغترابهم مؤقت 0
ولك ودي وتقديري
| |
|
|
|
|
|
|
|
|
|
Re: اغتراب السودانيين ضرورة....... واجب ام رفاهية إإإإإإ (Re: طارق عبد اللطيف نقد)
|
الأخ طارق
لك التحية
شكرا لطرح هذه التساؤلات الهامة ولكنى اعتقد ان كل سؤال من هذه الاسئلة يستحق ان يكون بوستا لوحده ويستحق النقاش المستفيض والاراء الكثيرة حتى نعطيه حقه ....
حقا المحير لماذا يغترب السودانيين لدول أكثر فقرا من السودان واقل نمواً فهى معادلة صعبة ..
ولكن فى رائى أن اهم سؤال هو هل تتحول العلاقة بين المغترب واهله (واضيف بقية الناس) الى علاقة مادية ؟؟؟؟
هذا يحزننى كثيرا فكثيرون منا تطول غربتهم وتعز عودتهم لظروف مالية تجعل المغترب لا يستطيع السفر رغم انه يتمتع باجازة سنوية وبذلك الانقطاع يصبح غريبا وسط اهله وتصبح نظرة الناس له نظرة مختلفة فهم لا يعرفون ظروفه ولذا قد يتهمونه بقسوة القلب او التعالي وقد يعتبروا انه آثر الغربة على الوطن (يعنى ما عندو وطنية) وقد وقد .... ولكن امر مافى الأمر ان يتم التعامل معه بصورة مادية وفى هذا الحديث يطول وتجارب العائدون من الاجازات محزنة لا سيما من حاول استثمار ما استطاع جمعه من مال هنال فى مشاريع تكون النتيجة ان يتم النصب عليه من اقرب الناس دما ولحما فيعود وهو محبط وقانع من العودة والتجربة ثانية .....
كم هى حكاوى مؤلمة سيدى ولو فتحت هذا الباب لما انتهى الحديث ابدا....
أخخخخخخخخخ لقد فتحت جراحا غائرات سيدى ....
ولكن دعنا نرى ما يقوله الاحباب فلعل فى حديثهم سلوى للقلب .....
نادر الفضلى
| |
|
|
|
|
|
|
|
|
|
Re: اغتراب السودانيين ضرورة....... واجب ام رفاهية إإإإإإ (Re: طارق عبد اللطيف نقد)
|
طارق
سلام يا عزيزي
| Quote: هل علي اي سوداني يفكر في مستقبلة علية التفكير في الاغتراب ؟ |
عندما إغترب أجدادنا زمان إلى مصر إغتربوا لأن الأراضي الزراعية لم تكن تكفي كل الأسرة و لم تكن المحاصيل بذاك القدر الذي يؤمِن كل متطلبات الحياة رغم أن المعيشة كانت رخيصة. نادرا ما كان يغترب الرجل زمان بسبب تأمين مستقبل مبهول دون تخطيط
أما الآن .. يأتي سؤالك :
وهل اغتراب السودانيين غربة مؤقتة ام هجرة ؟
ألم تسمع بمقولتنا الشهيرة : ( أول عشرة سنين في الغربة صعبة ) إنها غربة بهدف الإغتراب و لكن تتلون بصبغة الهجرة القسرية.
لو ظل المغترب السوداني يعمل في إغترابه و قام بتوفير مكتسباته المادية لنفسه فقط أو محيط أسرته الصغيرة إذن لعاد في بضع سنوات ... و لكن المغترب السوداني متشعلقين فيهو عدة أشخاص بمتطلبات مختلفة
و هنا يأتي سؤالك الذي يليه بقوة :
ولماذا يغترب السودانيين في كل بقاع العالم حتي في دول اكتر فقرا وأقل نموءا؟
لأنه يؤمن بأن الغربة سترة حال .. لذا تجده يعمل في أشغال لا يمكن أن يقبل بها في بلده و لو أعطوه أضعاف مضاعفة .. لذا تجد أن أغلب الترابلة من بلدنا بالشمال يأتون للعمل كسفرجية و طباخين و فراشين و بوابين في حين أنه في بيته بالسودان يتعفف عن عمل كباية شاى لنفسه أو يتناول حتى كوز موية من الزير
ثم :
ولماذا عودتك من الاغتراب الي ارض الوطن مرتبطة بوضعك المادي؟
معظم المغتربين يعيشون في وهم إسمه ( عيشة الترف و البذخ ) فيأتي في الإجازات و يعيش الإجازة في صرف أقل ما يمكن وصفها به هو ( شوفوني ) بالإضافة للدهب المكشكش في كل أنحاء جسد الزوجة و البنات .. لذا هذا النوع لا يرضى بأن يعود لأرض الوطن و إلا معه ما يجعله يعيش نفس الدور .. و بما أن معظم المغتربين لا يستطيعون ذلك فإن الغربة تطول و تطول فيما أشبه بقصة ( و أدرك شهرزاد الصباح فسكتت عن الكلام المباح ) و هكذا دواليك
ثم :
وهل تتحول العلاقة بين المغترب واهلة الي علاقة مادية؟
للأسف نعم .. نجد أن العلاقة مع بعض أفراد الأسرة علاقة ذات إتجاه واحد .. أىْ علاقة نفعية .. و نجد أن صاحب الصوت الأعلى و الآمر الناهي هو صاحب اليد العليا في الصرف .. و إن إنقطع سيل الصرف .. إنتفتْ تلك الهيلمانة ..
دمتم
| |
|
|
|
|
|
|
|
|
|
Re: اغتراب السودانيين ضرورة....... واجب ام رفاهية إإإإإإ (Re: ابو جهينة)
|
يا طارق نقد
صدقني الرفاهية لا وجود لها في ذهن وحسابات المغترب!!
الغربة خير معين على المسؤولية الكبيرة الملقاة على عاتق كل مغترب !!!
وما يجبر على المر إلا الأمر منه !!!! كل مغترب شايلو كترابة من المسؤولية فوق رقبتو!!!!
تعليم أخوان او أولاد وحج البيت العتيق للوالدين وتصليح وصيانة البيت الكبير وووووووووو!!!! وووو الى مسافة ثلاثين سنة الا قليلا !!!
هشام
| |
|
|
|
|
|
|
|
|
|
Re: اغتراب السودانيين ضرورة....... واجب ام رفاهية إإإإإإ (Re: ابو جهينة)
|
العزيز ابوجهينة
سلام يا ريس
| Quote: ألم تسمع بمقولتنا الشهيرة : ( أول عشرة سنين في الغربة صعبة ) إنها غربة بهدف الإغتراب و لكن تتلون بصبغة الهجرة القسرية. |
والله ياابوجهينة يا اخوي كل السودانيين اصبحوا مهاجرين قسرياوبالذات في الدول الاوربيه والامريكية
بعدين بصراحة اي واحد يغترب يرجع السودان يكتشف انه بلد عشوائي وغير منظم ولا تحكمةنظم ثابتة وكلة متغير كل يوم ممكن تصى الصباح ما تلقى عيش ولا ما في مواصلات لأن البنزين ا%
| |
|
|
|
|
|
|
|
|
|
Re: اغتراب السودانيين ضرورة....... واجب ام رفاهية إإإإإإ (Re: ابو جهينة)
|
العزيز ابوجهينة
سلام يا ريس
| Quote: ألم تسمع بمقولتنا الشهيرة : ( أول عشرة سنين في الغربة صعبة ) إنها غربة بهدف الإغتراب و لكن تتلون بصبغة الهجرة القسرية. |
والله ياابوجهينة يا اخوي كل السودانيين اصبحوا مهاجرين قسرياوبالذات في الدول الاوربيه والامريكية
بعدين بصراحة اي واحد يغترب يرجع السودان يكتشف انه بلد عشوائي وغير منظم ولا تحكمةنظم ثابتة وكلة متغير كل يوم ممكن تصى الصباح ما تلقى عيش ولا ما في مواصلات لأن البنزين اختفي ولا الكهرباء قاطعة وما في موية وكل شئ جائز!!!!!!
| Quote: المغترب السوداني متشعلقين فيهو عدة أشخاص بمتطلبات مختلفة |
طبعا المغترب السوداني ارجل مغترب في العالم ومسئولياته غير محدودة
| Quote: لذا تجد أن أغلب الترابلة من بلدنا بالشمال يأتون للعمل كسفرجية و طباخين و فراشين و بوابين في حين أنه في بيته بالسودان يتعفف عن عمل كباية شاى لنفسه أو يتناول حتى كوز موية من الزير |
لكن في نظرية ثانية في ناس ما عندهم اي مؤهل في بلاد الغربه يتخصصوا في مجالات اخرى ويكتسبوا مهارات وخبرات
و| Quote: نجد أن صاحب الصوت الأعلى و الآمر الناهي هو صاحب اليد العليا في الصرف .. و إن إنقطع سيل الصرف .. إنتفتْ تلك الهيلمانة .. |
ده الشئ المحير المفاهيم اتغيرت في السودان لتواكب الظروف الاقتصادية الراهنة!!!!
(عدل بواسطة طارق عبد اللطيف نقد on 09-01-2007, 08:28 AM)
| |
|
|
|
|
|
|
|
|
|
Re: اغتراب السودانيين ضرورة....... واجب ام رفاهية إإإإإإ (Re: ابو جهينة)
|
العزيز ابوجهينة
سلام يا ريس
| Quote: ألم تسمع بمقولتنا الشهيرة : ( أول عشرة سنين في الغربة صعبة ) إنها غربة بهدف الإغتراب و لكن تتلون بصبغة الهجرة القسرية. |
والله ياابوجهينة يا اخوي كل السودانيين اصبحوا مهاجرين قسرياوبالذات في الدول الاوربيه والامريكية
بعدين بصراحة اي واحد يغترب يرجع السودان يكتشف انه بلد عشوائي وغير منظم ولا تحكمةنظم ثابتة وكلة متغير كل يوم ممكن تصى الصباح ما تلقى عيش ولا ما في مواصلات لأن البنزين ا%
| |
|
|
|
|
|
|
|
|
أخي طارق - تحياتي ..
قال الشاعر ..
كان قصدي أن أضحك ولكني بكيت ..
تاني في مستقبل يا أخوي ..
بعدي أيه؟
وقال الشاعر الشعبي:
البلد إن أبوك أهلو وجفوك نظارو
زي المتلي قاعد فيهو شن أفكارو
وقال ماركس :
العمال لا وطن لهم
وقال طارق نقد:
وهل تتحول العلاقة بين المغترب واهلة الي علاقة مادية؟
ليس إلى هذا الحد لكين:
المكسورة بتنتكل على العرجاء ..
وينبغي أن تظل أسئلتك مع المسكوت عنه الكتير
في مجتمعنا .. (فبعض القول حز مواسي)
حاول فصل .. لأنو البفتق نوع المواجع دي بكون
طور فيها فلسفة كويسة
| |
|
|
|
|
|
|
|
|
|
Re: اغتراب السودانيين ضرورة....... واجب ام رفاهية إإإإإإ (Re: Mohamed Abdelgaleel)
|
اخى العزيز طارق نقد اريد ان اتحدث عن نفسى ليش انا انا قاعد فى بلاد الغربه .
هنا فى بلاد الغربه لى مقارنه بين الغربه والوطن تحكمها حاجات كتيره فى راى الخاص
اولا وجدت الحياة الكريمة اكتر من بلدى
كوافد نظامى اجد كل الاحترام والحياه الكريمه والساهله والميسره فى بلاد الغربة كانسان لى ولاسرتى..
اما فى السودان الوضع مختلف تحاسب على ان تكون مطالب بدفع كل شى.... وتكون محروم من كل شى ....
عشان كدا اخى طارق نحن هنا....... ودى اجابة على سؤالك..
| |
|
|
|
|
|
|
|
|
|
Re: اغتراب السودانيين ضرورة....... واجب ام رفاهية إإإإإإ (Re: طارق عبد اللطيف نقد)
|
أخي طارق :
أعرف عدد أو أعداد أو شريحة من الأخوة المغتربين هنا بالسعودية يشترون الدقيق الاسمر بالكيس الكبير (شوال) والبصل والعدس والفول والزيت والسكر ألخ بالجملة لزوم تخفيف المصاريف الشهرية ، ويحولون آخر الشهر لأكثر من 3 جهات !!! وسفرهم بعد سنين عددا بأقل المدخرات ؟ وأجزم أنهم أن سمعوا ببعض الجهات والاسماء الراقية من المطاعم والاسواق فلم يدخلوها أبدا .. وهم عشرات السنين على حالهم هذا .. غربة ضرورة وصراع من أجل الحياة بعد أن تقطعت بهم السبل وأغلقت في وجوههم الأبواب في بلد المليون ميل .. والمعضلة لا أمل في الرجوع البتة ... كان الله في عونهم .. ولهم التحية من هنا الصابرون الصامدون القابضون على الجمر ...
مودتي
الشفيع إبراهيم ..
| |
|
|
|
|
|
|
|
|
|
Re: اغتراب السودانيين ضرورة....... واجب ام رفاهية إإإإإإ (Re: طارق عبد اللطيف نقد)
|
شكرا الاخ / طارق على هذا الموضوع الحيوي والهام جدا .
هل علي اي سوداني يفكر في مستقبلة علية التفكير في الاغتراب ؟
للاسف لقلة الموارد الاقتصادية وكذلك لندرة فرص التوظيف في الشركات الكبرى ذات العائد المادي الجيد ولاحتكارية الوظائف والعمل الحر لدى جهات محددة بعينها فان العديد من الناس يفضل الاغتراب ليس من اجل التفكير في المستقبل من حيث الرفاهية ولكن فقط من اجل سد رمق ضعفاء خلفهم يحيون للهم والغم والغلاء الطاحن ولنظام سياسي مستبد!
وهل اغتراب السودانيين غربة مؤقتة ام هجرة ؟
عندما يغترب السوداني فان همومه لا تنحصر فقط في الاسرة الصغيرة فحسب بل تتعداها الى الاهل والاصدقاء عند حوجتهم الشديدة لمد يد المساعدة ، فهو اذا اغتراب طويل الاجل غير محدد بفترة صلاحية ولا مدة انتهاء ، ولا نستطيع ان نسمي معظمها هجرة وذلك لان الهجرة يتمتع فيه المهاجر بجنسية البلد المقيم فيها اقامة نظامية وهذا لا يتوفر الا في الغرب واغتراب السودانيين معظمه لدول الخليج .
ولماذا يغترب السودانيين في كل بقاع العالم حتي في دول اكتر فقرا وأقل نموءا؟
عندما يقرر السوداني الاغتراب لا يحدد الوجه لان ليس له الخيار فالمتاح بالنسبة له يتخذه مركبا بالذات مع الظروف الصعبة و الغلاء الطاحن !
ولماذا عودتك من الاغتراب الي ارض الوطن مرتبطة بوضعك المادي؟
لان المغترب عندما يخرج من وطنه يكون هدفه الاول العائد المادي ، فكيف يعود خائب الامل بعد اتجهت كل الانظار له من الاهل والاصدقاء في السودان وهم يعدون السنين تلو السنين لهذا لمغترب الحزين ماذا انجز وماذا عمل ؟؟
وهل تتحول العلاقة بين المغترب واهلة الي علاقة مادية؟
عندما يغترب احد افراد الاسرة فانه يعتمد عليه اعتمادا كبيرا ماديا ، بل يعتبر بمثابة البقرة الحلوب لتلبية كل احتيجات الاسرة فتكون العلاقة للاسف مرتبطة بما يقدمه ، حتى يتعلم الابناء وتتزوج البنات ويشق كل منهم طريقهم فيكون عنده هذا الضحية المسكين ضمن الذكريات الجميلة للاسرة الكريمة ليس غير !
اسف للقسوة في الرد على هذا السؤال ولكن هذا واقع اصطدم به عدد كبير من المغتربين وصاروا يرددون ( يا خسارة عيشنا الاكلوا جراد ) .
دمت دوما ،،،،،،،،،،
| |
|
|
|
|
|
|
|
|
|
Re: اغتراب السودانيين ضرورة....... واجب ام رفاهية إإإإإإ (Re: عبدالرحمن حسن موسى)
|
المداخلة أدناه أدخلتها أمس
ووجدتها لم تظهر في مكانها
أخي طارق - تحياتي ..
قال الشاعر ..
كان قصدي أن أضحك ولكني بكيت ..
تاني في مستقبل يا أخوي ..
بعدي أيه؟
وقال الشاعر الشعبي:
البلد إن أبوك أهلو وجفوك نظارو
زي المتلي قاعد فيهو شن أفكارو
وقال ماركس :
العمال لا وطن لهم
وقال طارق نقد:
وهل تتحول العلاقة بين المغترب واهلة الي علاقة مادية؟
ليس إلى هذا الحد لكين:
المكسورة بتنتكل على العرجاء ..
وينبغي أن تظل أسئلتك مع المسكوت عنه الكتير
في مجتمعنا .. (فبعض القول حز مواسي)
حاول فصل .. لأنو البفتق نوع المواجع دي بكون
طور فيها فلسفة كويسة
| |
|
|
|
|
|
|
|
طارق عبد اللطيف نقد
نادر الفضلى
قرشـــو
ابو جهينة
Hisham Ibrahim
Mohamed Abdelgaleel
خالد المحرب
فيس بوك
تويتر
انستقرام
يوتيوب
بنتيريست