|
بت شيوخ البطانه حبابه رحبو معي ببنت العزازه وشكر بكري ابو بكر
|
لو علمت الدار بمن زارها فرحت
واستبشرت
وأنشدت بلسان الحال قائلةً
اهلا وسهلاً بأهل الجود والكرم
بت عز الرجال حبابه صاحبه القلم الرصين والحرف الانيق رحبو معي بالاخت
الاديبه صاحبه الحس المرهف
ايات الصادق عبد الوهاب0 (بت العزازه)
لك من الترحيب ما ترجح به كفة التقدير مرحبا ً فوجودك الجوهر وبيانك الصدق وحضورك الغاية .
لا ينتابني شك في انك اضافه فعاله للمنبر وعطائك سوف تشهد به الايام
والشكر اجزله لي شيخ العرب بكري ابوبكر
عفاف ابو حريره
|
|
|
|
|
|
|
|
Re: ما ممكن..دة أحلى خبر (Re: lana mahdi)
|
Quote: ألف مبروك لينا جية آيات أحلى خبر أضاف بسمة ليومي شكراً الغالية عفاف |
الحبيبه لنا المهدي ايات دي اسم علي مسمي هي فعلا ايه من الروعه بت العزازه اكيد لنا معها صولات
| |
|
|
|
|
|
|
Re: بت شيوخ البطانه حبابه رحبو معي ببنت العزازه وشكر بكري ابو بكر (Re: عفاف أبو حريرة)
|
كنقاء اللون الأبيض في قلبكِ
كرقة حروفكِ وعذوبتها
كهذا الوفاء الجميل الذي تحمله حروفكِ
كصباحاتكِ الندية التي تسعد القلب عزيزتى عفاف
تعجز كلمات الشكر أن تفيك حقك ياغالية .. مفاجأة رائعة من أخت أروع ..
ليس غريبا عليك هذا الوفاء .. فقد عرفت فيك هذه الطيبة والوفاء .. واقتربت نفسي من صفاتك الرائعة ..
من أعماق القلب أشكرك على هذه الكلمات الدافئة التي تحمل الصدق ونبض الوفاء الأخوي ..
لكِ شلال من مشاعر المحبة والأخوة الصادقة
بارك الله فيك ياغالية وبورك في قلمك المعطاء
باقة من ورد لقلبك الرقيق.
| |
|
|
|
|
|
|
Re: بت شيوخ البطانه حبابه رحبو معي ببنت العزازه وشكر بكري ابو بكر (Re: عفاف أبو حريرة)
|
خالى المحرب ..نور يتلألأ في سماء بورداب الرياض..
يمر كالنسمة لينعش الجميع ويضفى السرور ثم يغيب ويعودمن جديد ..
بارك اللهم في انسان يحمل كل الخير والكرم والوفاء وفيض من العطاء ,,
خالى .. تكتشف بنور البصيرة اسرار القلوب النقية ..
تقدر الجهود وتبذل الجهود وتسعد القريب والبعيد
لا يسعنى الا ان ادعوا الله ان يحفظك لنا ولابنائك وكل احبابك ويرزقك سعادة
الدارين انه سميع مجيب الدعاء واعزرنى لان الاحرف تتقازم امام انسان بفخامتك
وتقبل منى .
حباب المحرب حبابك خالو يا ركيزة الحلة وسند المالو تتباشر وكت الناس بضارو أجواد وكريم فاضت انفالو كريم الاصل السمحة خصالو عشا البايتات التوقد نارو هجئة ليل لضيفو الزارو حبابك خالو يا الفوق الحوبة مافي مثالو أسداً يحمي عرين أشبالو تلباًَ عاصي وفك عقالو يقابل الموت متوشح شالو فارساً يخشى عدونا نزالو
| |
|
|
|
|
|
|
Re: بت شيوخ البطانه حبابه رحبو معي ببنت العزازه وشكر بكري ابو بكر (Re: Nasr)
|
Quote: معجب بشعراء البطانة مرحب بسليلتهم وأتمني أن تكيلنا من جميل ذلك الأدب |
الاخ العزيز ناصر ونحنا البتعجبو البطانه كله بيعجبنا
بيوت الدوبيت ديل انشاالله يعجبنك
كم فوق التلوب قمنا وسرينا نسند الجار مع الضيف البجينا نلاقى السيف مع الحربة السنينة مخيرف النور بعرف الشكره فينا
الولد البدور فوق القبيلة يشكر يخلف ساقو فوق بلد العدو ويتوكر أمن جاب رضوه البهم ال لهيجو مسكر وأما أب صلعة فوق ضلاعو تيتل وكركر
| |
|
|
|
|
|
|
Re: بت شيوخ البطانه حبابه رحبو معي ببنت العزازه وشكر بكري ابو بكر (Re: عفاف أبو حريرة)
|
حباب بت شيوخ البطانه حبابه ، حباب بت العزازه حبابه ،
Quote: حباب المحرب حبابك خالو يا ركيزة الحلة وسند المالو تتباشر وكت الناس بضارو أجواد وكريم فاضت انفالو كريم الاصل السمحة خصالو عشا البايتات التوقد نارو هجئة ليل لضيفو الزارو حبابك خالو يا الفوق الحوبة مافي مثالو أسداً يحمي عرين أشبالو تلباًَ عاصي وفك عقالو يقابل الموت متوشح شالو فارساً يخشى عدونا نزالو |
ليك حق تتفاخرى ، مع تحياتى ....
أبو جومانا
| |
|
|
|
|
|
|
Re: بت شيوخ البطانه حبابه رحبو معي ببنت العزازه وشكر بكري ابو بكر (Re: عفاف أبو حريرة)
|
Quote: حباب المحرب حبابك خالو يا ركيزة الحلة وسند المالو تتباشر وكت الناس بضارو أجواد وكريم فاضت انفالو كريم الاصل السمحة خصالو عشا البايتات التوقد نارو هجئة ليل لضيفو الزارو حبابك خالو يا الفوق الحوبة مافي مثالو أسداً يحمي عرين أشبالو تلباًَ عاصي وفك عقالو يقابل الموت متوشح شالو فارساً يخشى عدونا نزالو |
بت العزاز وكرام البتقول خالي ماساهله في الزمن العلينا ده قولة خالي بتزكرني حكاوي زمن المراه اكان اتظلمت بتستجدي بي الانسان البتعرف انه ح يرد الظلم عنها وهنا بتكشف عن راسها التوب واخو البنات هو مغنع راسها جد المنبر منور بيك حبيبتي
| |
|
|
|
|
|
|
Re: بت شيوخ البطانه حبابه رحبو معي ببنت العزازه وشكر بكري ابو بكر (Re: عفاف أبو حريرة)
|
شكرا خالد المحرب شيخ العرب وشيخنا فى الرياض شكرا عفاف ست العفاف والصون الحمد لله الفرزت عيشتا وهى طبعا بطحانية تايوان بطاحين الجزيرة بقولوا ليهم تايوان ولكن بصراحة كدا الشيخ الحسن جدها عديل بالحساب . اتمنى لها اقامة طيبة وان تكون فعلا اضافة حقيقية وما تكون كسلانه زينا نحن الشغل ما خد مننا كل الوقت والباقى لى مناكفات الرشاشات . الشى الجميل فيكم بطاحين ومريخاب دى سعادة ما بعدها سعاده يديكم العافية
| |
|
|
|
|
|
|
Re: بت شيوخ البطانه حبابه رحبو معي ببنت العزازه وشكر بكري ابو بكر (Re: حيدر حسن ميرغني)
|
ان قتيلى خالى الكبره لى مى شينه او قتيلى ابو احمد ياام نفايل زينه
اتانى الخبر من الريس ود الناظر بان طلبى مقبول بان يمنحك العضويه فله منى الشكر والتقدير وكان يهمنى ان تكونى من بين اعضاء المنبر على حسب طلبك امام الجمع وكنت واثق من تاكيد شعورى سوف يجد القبول من اخ عزيز اضع فوقه حملى باطمئمان وهو جدير بالثقة بالنسبه لى لك منى الشكر والعرفان اخى بكرى ابوبكر ونحن فى خندق واحد تجاه سودانيزاون لاين . انتهى كلامى نحوك اخى العزيز.
ومما يزيدنى شرف ان اترك الترحاب بك ام الصادق ..ان ترحب بك زوجتى العزيزه ام احمد فاهلا وسهلا بك فى سودانيزاون لاين .واتمنى ان تضيفى لسودانيزاون الكثير . وشكرا . خالك ود المحرب
| |
|
|
|
|
|
|
Re: بت شيوخ البطانه حبابه رحبو معي ببنت العزازه وشكر بكري ابو بكر (Re: خالد المحرب)
|
Quote: شكرا خالد المحرب شيخ العرب وشيخنا فى الرياض شكرا عفاف ست العفاف والصون الحمد لله الفرزت عيشتا وهى طبعا بطحانية تايوان بطاحين الجزيرة بقولوا ليهم تايوان ولكن بصراحة كدا الشيخ الحسن جدها عديل بالحساب . اتمنى لها اقامة طيبة وان تكون فعلا اضافة حقيقية وما تكون كسلانه زينا نحن الشغل ما خد مننا كل الوقت والباقى لى مناكفات الرشاشات . الشى الجميل فيكم بطاحين ومريخاب دى سعادة ما بعدها سعاده يديكم العافية |
كل ما نريده ابو الصادق ان نكون اكتر تادبا اون لاين مع كل الناس من لايحترمنا ومن يحترمنا لنا اجنده تحكمنا ان نكرم كل الناس من يغلط نمد له حبل السماح حتى يتبين لنا الامر جليا .
| |
|
|
|
|
|
|
Re: بت شيوخ البطانه حبابه رحبو معي ببنت العزازه وشكر بكري ابو بكر (Re: خالد المحرب)
|
Quote: ومما يزيدنى شرف ان اترك الترحاب بك ام الصادق ..ان ترحب بك زوجتى العزيزه ام احمد فاهلا وسهلا بك فى سودانيزاون لاين .واتمنى ان تضيفى لسودانيزاون الكثير . وشكرا . خالك ود المحرب |
العزه بيك انت ياابواحمد وانشاء ديما خيرك وافر وكرمك دافر
بتستامن علي البيت اب نزلتن دانيه إيدك من جهل لي بت أعم مي خاينه وضهرك وتر حديد مافيه عصبتن لاينه
يا سيد الـضـراع الاخـدر الـمـمدود ياسيد الــقـدح الـنارو مـا بــتـموت يا سيد الـكرم وقـت الـضـيقة ديك والجود الليلـة الرجالة والله من حدك ما بتفوت
شهادتي فيك يا المحرب مجوحه لكن حقك كبير وخيركم خيركم لي اهله وانت خيرك مادابنا انا وبناتك وكان ما اديتك حقك اعزرني حقك ما بتوفيه كلمات
مـا نـاسين جـمايلك يا القليبك صـافـى كـل مـــن غاب تـأثرو فـى اللـيالى توافى عـشمانـيــن رضاك ماك الـبخـيل الـجافـى كــان قـصرنا سامـحنـا وخصــيــمك عافـى
| |
|
|
|
|
|
|
Re: بت شيوخ البطانه حبابه رحبو معي ببنت العزازه وشكر بكري ابو بكر (Re: خالد علي محجوب المنسي)
|
Quote: يا بت لبيوت المن بعيد معنية ... حبابك وحباب ضيفتك ألف وألاف وكان زغردتي ختي فوقن تاني لف وكل ما تزيدي نحن نزيد الترحاب ألف |
المنسي ابو احمد حبابك والله اني لاجد فيك ريح اطهر وانبل الخلق اجمعين خالد زكرتني سميه الحسن طلحه ريحانة المنبر كما يحلو لك ان تسميها البيوت طال ما في رجال زيك يا ابو احمد بتكون عمرانه
نار الضيوف توقد صباح وعشيه يا البتعشي الضيف مراره وشيه تسلم لينا سند وعضد
سلامي لي احمد والاسره الكريمه
| |
|
|
|
|
|
|
Re: بت شيوخ البطانه حبابه رحبو معي ببنت العزازه وشكر بكري ابو بكر (Re: عفاف أبو حريرة)
|
استاذة آيات
سعدنا كثيرا ونحن نلتقيك لاول مرة حيث كان الابداع .. فعلا تمنينا ان تكوني بيننا فاعلة في المنبر ..
مكسب ان نزيد رصيدنا من الاديبات ...
بنتمنى ليك اقامة طيبة في حوش بكري ..
ان شاء الله تكوني هلالابية .. وما انصارية ..
مرحب بيك مرة اخرى متمنيين لك التوفيق ..
ده ترحيب نيابة عن بورداب حيموره .
تسلمي الاستاذة عفاف وانتي تقديمين الاديبة آيات ..
مودتي
| |
|
|
|
|
|
|
Re: بت شيوخ البطانه حبابه رحبو معي ببنت العزازه وشكر بكري ابو بكر (Re: طارق جبريل)
|
خالد زكرتني سميه الحسن طلحه ريحانة المنبر كما يحلو لك ان تسميها
الفاضلة والفضل والكرم دابك ... عفاف أبوحريرة تحية وتعظيم سلام
* ود شيوخ البطانة ( خالد المحرب ) سوف ارجع له حين ميسرة
* الريحانة سمية ربنا يطراها بي الخير أم الخير والبركة اطلقت عليها ريحانة الحسن ودطلحة ... والله لم يكن مجاملة لكن أحساس ينتابني عندما أرى اسمها .. اشم عبق من روائح تختلط أكرفها أستنشقها ملئ رئتي تتفاعل بداخلي وتطربني نشوة من زمان قد انطوى
* ريحة بن محمص في ضهرية عقب رشاش * ريحة غباش روب ظل في السعن باقي * ريحة البرم والعليف وخزام وشيح * ريحة لبينة مقننة * ريحة طينة البطانة بعد الرشاش * ريحة دم الكرامة لي ضيوف هجعة * روائح اخرى اختلطت علي تميزها
فهي ريحانة الحسن ود طلحة
نحن في انتظار بت البطانة ( آيات ... الصادق ... عبدالوهاب ) لك التحية الفاضلة عفاف وتحياتي من خلالك لود شيوخ البطانة مرق السنط الفوقو العقاب متكول خالد ود المحرب ابو احمد
خالد محجوب
| |
|
|
|
|
|
|
Re: بت شيوخ البطانه حبابه رحبو معي ببنت العزازه وشكر بكري ابو بكر (Re: ابو جهينة)
|
عفاف أبو حريرة خالد المحرب ثنائي الكرم والجود .... يزفان البشرى بإطلالة أم الصادق من نافذة بكري أبو بكر وأم الصادق الممتلئة حماسة صادقة تجاه الإسهام من خلال هذا المنبر تشهد لها ساحات إسفيرية أخرى تابعنا من خلالها كتاباتها الشيقة ... كل الترحيب بالأخت آيات ونتمنى لك إقامة طيبة في حوش بكري الرحب ( بس خشي برجلك اليمين وقولي بسم الله ... أصلوا المنبر ده فيهو مرات شياطين حمر !!! ) الأخت أكيد هلالابية يابو الصادق ...
| |
|
|
|
|
|
|
Re: بت شيوخ البطانه حبابه رحبو معي ببنت العزازه وشكر بكري ابو بكر (Re: عادل جبارة)
|
نرحب بمقدم الاخت ايات الى المنبر ونرجو لها التوفيق. ام احمد وابو احمد الله يحفظكم من العين انتوا واولادكم والبنيات. والله يا جماعة العايز يعرف كرم ود المحرب وبت ابو حريرة يمش يزورهم ويشوف بيتهم الما بيفضي من الضيوف وربنا يديم عليهم نعمه ظاهرة وباطنة. العم مهدي والله بعض المتطرفين في البطاحين بيقولوا انه الماعنده عقاب في الجزيرة ذاته ما بطحاني بحسبان انه الشيخ طه عندما ذهب الي الجزيرة اخذ معه كل البطاحين وفج لهم البحر. انا والحمد لله قلم رصاص مبري من الجنبتين في الجزيرة راكب وفي البطانة راكب وفوق دا كله لامي في بيت النبوة عفوا بيت سلالة اب شام.
| |
|
|
|
|
|
|
Re: بت شيوخ البطانه حبابه رحبو معي ببنت العزازه وشكر بكري ابو بكر (Re: عفاف أبو حريرة)
|
صباحكم/ مساؤكم ... فَرح
بـ انسكابات ِ الـ طُهر
بـ لونِ الماء
بعبق ِ الـ زهر
بـ ضياء الأماني ..
وبـ ذاتِ الـ حفاوة ،
وفسحة الـ مدى !
اشكركم على الـترحيب اخوتى
الحبيبة لنوية(مشتاقين يعلم الله )
اخى السمؤال بدر الدين
الرائعة الغالية ام احمد
اخى نصر
اخى بشير حسن بشير
اخى كمال عباس
الحبيب ابو الصادق
اخى خالد على محجوب المنسى
حيدر حسن ميرغنى
خالى ود المحرب
اخى علاء الدين حيمورة
اخى احمد الشايقى
الرائع تمبس
اخى شهاب الدين الفاتح
اخى دكين
اخى محمد عبد الجليل
ولى عودة لبقية الاخوة اعزائى .
| |
|
|
|
|
|
|
Re: بت شيوخ البطانه حبابه رحبو معي ببنت العزازه وشكر بكري ابو بكر (Re: بت العزازه)
|
الخبر الأكيد جابتو بت البطانة الـ ما مايلة بت أسودالشرى البشدو الحيل وبضبحو الحايلة بت شيوخ البطاحين الـ خيرن متل مطر القبلي البخلي الأرض جنة والخيران مويتن جارية
حباب بت العزاة الماها ملقوفة حباب بت الأصول الضاوية سيوفة حباب بت ناس عزاز الـ في الحارة بيوتن للأرملة والضعيف يوت معروفه
يا هلا وألف مرحبا بالمبدعة بت العزازة وألف ألف شكر لسيد الدار ولبت أب حريرة والفارس الهمام أب أحمد
| |
|
|
|
|
|
|
|