|
|
 عايزين نجيب "الفيس" و "ريبرى" للهلال
|
باقى اسبوع واحد بس فى فترة الإنتقالات
فرانك ريبرى، واحد من أحرف الناس البلعبو كورة فى الأطراف
خطفوهو ناس بايرن ميونخ، وأول ما "بكنباور" كحله فى المودنيال والدورى الفرنسى
قال ليهم بس، ركزو على الزول ده
وفعلا جابوهو وسجلوهو وسوا معاهم الهوايل
لحدى أول أمس دى كره ليك ناس دورتمند الكورة والدورى الألمانى
لكين برضو ما مشكلة ممكن نقنع ناس بافاريا ديل ويتنازلو لينا
أما "دانييل الفيس" فده حكاية تانى خالص
هو قال عايز يمشى تشلسى وناس تشلسى دفعو تلاتين مليون يورو
وناس اشبيلية قالو ليهم يفتح الله، ما بخارج معانا كده
بى تحت تحت كده سمعنا إنه "الفيس" بحب اللون الأزرق وبموت فيهو
عشان كده أول ما فكر يفوت من الأندلس ويخلى اشبيليه، طوالى قام فكر فى البلوز ناس تشيلسى
هسه طبعا اكيد بكون سمع بالإبادة الثلاثية بتاعة أهلى المصاروة
وعرف إنه فى لون أزرق تانى كمان وخطير
بصراحة كده
انا كنت اتمنى يجينا فى "كتالونيا"
ما عارف ناس "لابورتا" دى فاتت عليهم كيف، وكان ممكن يسلطو ليهو الود رونالدينو ويقنعو ليهم
لكين ما دام طلع بحب اللون الأزرق
يبقى خلاص نجيبو طوالى العرضة بدل الكامب نو
باختصار كده
انا شايف إنه "دانيل الفيس" ده ألعب زول فى العالم
اها نفتح باب التبرعات عشان نلم التلاتين مليون يورو دى
انا غايتو داخل لى فى جمعية، والصرفة بتاعتى التالتة
متبرع بيها كلها
|
|
 
|
|
|
|
أبوذر بابكر
فيس بوك
تويتر
انستقرام
يوتيوب
بنتيريست