|
خلي بالك مني واكنر ( نص لنج)
|
لما نزلت من عيونك
دمعة لافح بوخها اسعر
وانت بتوصي وتقولي
(خلي بالك مني واكتر)
هوجست بي الظنون
وانت عارفة
من شهقتك
صرت اشعر
صرت مالك للقوافي
والحكايات الخوافي
والتباريح الشجون
والنجوم شربت ضياك
وصارت ابهر
وبرضو بتوصي وتقولي
خلي بالك من واكتر؟
جيبي راسك
هاك صدري
وفي كتوفي
كبي دمعك
صبي حزنك
خلي نيرانك تئز
جوة جوة تقيد وتزأر
انت بتوصي وتقولي
خلي بالك مني واكتر
وانت عارفة
انه جرحك
جوة نوسر
وشلته في جواي سهر
والعذابات في فراقك
مفردات تحمل انين
بين تفاصيل السفر
لا ملامح لقيا ترشح
لا قليب مليان صبر
خلي بالك مني واكتر
لسة بتردد صداها
وانت عارفة
في غرامك قلبي ازهر
وصرتي احلامي البعيشها
ورؤيا ما محدود مداها
|
|
|
|
|
|
|
|
Re: خلي بالك مني واكنر ( نص لنج) (Re: د.محمد حسن)
|
الإبن العزيز د. محمد كل الود لكم و التحـية ...
خلي بالك مني و أكتر ... سعدت جدا .. (بالمتابقة ) أو ( المتاوقة) بين حناياها .. فوجدت الوعد الصادق و الشعور المموسق الجميل... دهشت شيئا.. لجهلي أن لديكم إمكانية هذا البوح الفنان.. تراجعت دهشتي ( خطوة للخلف!) و أنا استحضر و أستدعي يراع فنان و جميل ( لخبط عليه كيانه الكاكي، و بعض زملاء الكاكي) ... فشغلته الكتابة ( المهنية الصرفة) عن مواصلة النسج على نول الأدب العفيف ، هنا فقط أقول الحمد لله فقد أورث تلك الموهبة الجميلة و ملك ناصيتها لإبنه محمد ... أهمس سرا... فتش في أوراقه القديمة و لا شك أنك واجد فيها (خلي بالك مني و اكتر)... فقد كتبها قبلك ..!! ( طبعا ليس بالضرورة نفس الوزن و القافية ... لكن أكيد الروح و المعني . إذا أنكر فعمك هنا EYE WITNESS فله و لك التقدير و... خلي بالك منه برضه.
| |
|
|
|
|
|
|
Re: خلي بالك مني واكنر ( نص لنج) (Re: د.محمد حسن)
|
Quote: صرت اشعر
صرت مالك للقوافي
والحكايات الخوافي
والتباريح الشجون
والنجوم شربت ضياك |
سلامات محمد حسن جد كلامك جميل وزدت الفضول فينا علشان نقرا ونعرف اكتر عن الحكايات الخوافى
تسلم يارب
| |
|
|
|
|
|
|
Re: خلي بالك مني واكنر ( نص لنج) (Re: د.محمد حسن)
|
Quote:
ما تخليني اتعود عليك واكسر حدود الامكنة ارتاد فضاك ارنو النجيمات المبهرجة بي ضياك ونور عينيك ما تخليني اتعود عليك انا قلبي ما بحمل قسا وجرحي القديم الاندمل لسه طري ولسة مكدس بالحكايات القديمة والكلام الما تنسي حرفي الندي القدمته ليك بين الصباحات والمسا كان قصدى انو يكون عزا يغسل عذاب الازمنة اصبح اسى ادمن رؤاك وانا بين يديك استاف عبيرك واشتهيك تحرقني لسعات الجوى وافضل موشح بالحنين ما تخليني اتعود عليك ماتخليني ارجع للسهر انادم الشوق الهوى وانت البعيد انت القمر انت المسافات والسفر انت الانا وانا برتجيك
|
د/محمد حسن
ما تخلــينى أتعـــود عليك!
هذه هى أحدى قصائدك أرد بها عليك وأطرح عليك السؤال
ما تخلينى أتعودعليك ...؟
موده بحر
| |
|
|
|
|
|
|
Re: خلي بالك مني واكنر ( نص لنج) (Re: د.محمد حسن)
|
Quote: وانت عارفة
من شهقتك
صرت اشعر
صرت مالك للقوافي
والحكايات الخوافي
والتباريح الشجون
والنجوم شربت ضياك
وصارت ابهر
وبرضو بتوصي وتقولي
خلي بالك من واكتر؟
جيبي راسك |
الدكتور الانيق قبل ما نتلافى روحنا من دفق الحروف كتم الشهقة اخونا داش بباقى القطوف الجاية منك نايرة زى ورق الجروف توهتنا ما بين الموجه والشيمه وحكاوينا القديمه اصلو البعدى ماظنيت يعدى من غير نواح اوجراح وبين الامكنه هبت اسارير الفرح لافحها نسيمك المعطر حنيه اهديك اللامانى السندسية وشكرا موكرررره وبتاوق مره مره عشان تحييك
| |
|
|
|
|
|
|
Re: خلي بالك مني واكنر ( نص لنج) (Re: soma)
|
Quote: وانت عارفة
من شهقتك
صرت اشعر
صرت مالك للقوافي
والحكايات الخوافي
والتباريح الشجون
والنجوم شربت ضياك
وصارت ابهر
وبرضو بتوصي وتقولي
خلي بالك من واكتر؟
|
يا سلام يا حروف تدفقى تدفقي ... ايه الجمال ده يا د. محمد؟؟؟
كل التقدير
| |
|
|
|
|
|
|
| |