كتب الكاتب الفاتح جبرا المتوفرة بمعرض الدوحة
|
(جدو) عريس ... كبرتنا يا دكتور
|
أمس الجمعة تزينت الحارة 14 بمدينة الثورة بأبهى حللها منذ الصباح الباكر وهي تحتفل بزواج الدكتور علي محمد سعيد دفع الله ، ابن شاعرنا محمد سعيد دفع الله. للعلم الدكتور علي عضو بالمنبر ويكتب باسم (جدو)..وهو مقل جدا في الكتابة لانشغاله بالدراسات العليا في مجاله. كان الحفل مهرجانا شارك فيه كل فناني الطمبور.
ما زلت أحتفظ بشريط كاسيت زواج الشاعر محمد سعيد دفع الله...حيث غنى فيه الثنائي (مامان والسر عثمان الطيب)... بالطمبور طبعا.. ولعلنا كنا أول ثنائي يغني بالطمبور...كبرتنا يا(جدو) ألف مبروك للعريس جدو وللعروسة الدكتورة لبنى محمد نور دفع الله وللأهل بالعاصمة والقرير وربك .
مامان
|
|
|
|
|
|
|
|
Re: (جدو) عريس ... كبرتنا يا دكتور (Re: maman)
|
مامان الرجل الجميل ألف مبروك للدكتور ولشاعرنا الكبير محمد سعيد دفع الله
Quote: ما زلت أحتفظ بشريط كاسيت زواج الشاعر محمد سعيد دفع الله...حيث غنى فيه الثنائي (مامان والسر عثمان الطيب)... بالطمبور طبعا.. ولعلنا كنا أول ثنائي يغني بالطمبور...كبرتنا يا(جدو)
|
وطيب.. ما إنت ذاتك كبرت
| |
|
|
|
|
|
|
Re: (جدو) عريس ... كبرتنا يا دكتور (Re: maman)
|
الأخ اسماعيل وراق : شكرا على التهنئة وستصل الى محمد سعيد وابنه العريس..
الملكة... إنتي مش في الخرطوم؟ لو كنت متذكر قبل يوم المناسبة كنت عزمتك لحضور الحفل.. رغم إني أنا نفسي لم أحضر بس سمعوني جزء من برنامج الحفلة عبر الجوال.. بعدين اللقطة دي لقيتيها وين بالله!!!!
تحياتي
| |
|
|
|
|
|
|
Re: (جدو) عريس ... كبرتنا يا دكتور (Re: maman)
|
الاستاذ/ مامان
قبل دقائق كنت وعبر برنامج(Google)الارض اتجول عبر القرير مره اذهب الى السوق
ومره اقف عند الكبري الاسمنتي فى المحطه او اقطع النيل بالقرب من كشك ود الفقير
ومره ازور المدرسة البيضاء ومره جالس على قوز ام شديره ونظري نحو الافق البعيد واسراب القطا عند الاصيل تتجه جنوبا فى رحلتها السنوية ايام الشتاء
ووقفت على ساحة من ساحات الافراح تحلق الناس حولها (بجلاليبهم) البيضاء ونساء
يزغردن لعريس واوقفت صديق احمد عندهم وهو يصدح(طولت شايل الذكرى للعيد
المضى).......كل هذا حدث قبل دقائق من مطالعتي لهذا البوست ......
تعرفت على الدكتور/على محمد سعيد عن طريق الاخ/الفاتح عبدالله طه(القرير)
ايام البالتوك ايام كنت مداوما معهم على التواصل لكن لظروف بها عليم
ما داومت معهم فى اوطان الاسافير والافتراض......واحسب اني نادم على ذلك..
الاستاذ/مامان
الف مبروك لكم وعبركم لدكتور علي ولشاعر القبيلة صاحب ابوالتيتي الاستاذ/ محمد سعيد دفع الله
الاخ /الفاتح الكتابة هنا تخضع لعملية مزاجيه (تتاور)صاحبها من وقت الى آخر مهم جدا ان
نتواصل عبر هذه المساحه المتاحه علها تبرد هذه (الوردي)بالتواصل مع ارض لم
تبخل علينا ابدا لكن كما قال الشاعر (لكن اخلاق الرجال تضيق) ....
وختاما تحياتى الي جميع اهلنا (وجميع حبانا في الحلي التحت والفوق)
سليمان ابراهيم سليمان
| |
|
|
|
|
|
|
Re: (جدو) عريس ... كبرتنا يا دكتور (Re: maman)
|
سليمان ود ابو سوار/الفاتح ود عبد الله طه/ حسن ود سيد أحمد ود عوض
تحياتي لكم
والله تجوال سليمان في تلك الديار بالقوقل رجعنا طوالي... طبعا نحن ذكرياتنا دايما في الأطلال محل دكان حسن أحمد القديم وجزارة عثمان عتمور الجمب الحفير والطابونة ودكان عثمان خليفةالساعاتي ، تغشاه عندما تبدأ الجوفيال التقديم والتأخير، وكأننانعرف قيمة الزمن...
حسن : طبعا طلاسمي دي بيعرفوها ناس سليمان والفاتح ولو أننا تكلمنا عن الشعبية والمزاد كنت عرفت كلامنا (في الشعبية عاد .. ولا يمكن في المزاد... آ يابا.. نحن عندنا زي دا مافي.. يا الرويس ياقوز قرافي) وربنا يطرا كدكي بالخير.
بمناسبة طنقيح ورفع البوستات ، أنا دايما بتذكر قصة بت بدس التي حكاها لي العم فنقلت
ختاما أحكي لكم حكاية (بت بدس)... العم فضل المولى وشهرته فنقلت (بكسر الفاء والقاف والللام وتسكين التاء) يجيد العزف على الزمارة أو الزمبارة وهي آلة موسيقية يجيد الرعاة في البوادي العزف عليها... وكل قطعة موسيقية قصة .. ومنها قصة بت بدس... سألت العم فنقلت عن حكاية بت بدس فقال: بت بدس دي يا ولدي واحدي من بنات العرب .. كانت يتيمة الأم وما عندها خالات ولا عمات... ومن عادة سكان البوادي في مناسابات الأعراس أن تزغرد النساء كبيرات السن من الخالات والعمات لبناتهن عندما يرقصن في الدارة... ويبدو أن بت بدس نزلت في الدارة عشان ترقص وما في ولا واحدة من الحريم زغرت ليها... لكنها واصلت الرقص وكانت ترقص وتزغرد بنفسها... وهكذا تعزف المقطوعة الموسيقية.. الماعندو شلة في منتديات الانترنت عليه أن يرقص ويزغرد براهو
| |
|
|
|
|
|
|
Re: (جدو) عريس ... كبرتنا يا دكتور (Re: DKEEN)
|
الأخ الكريم عبد الرحمن مامان,
ألاف التهانئ والتبريكات بزواج الدكتور علي محمد سعيد دفع الله
بيت مال وعيال وجمع الله بينهما في خيـر
ويباركولك جـديد الوليدات يا مامان
ليك التحية ومناسبة سعيدة
أحمـد الشايقي
| |
|
|
|
|
|
|
Re: (جدو) عريس ... كبرتنا يا دكتور (Re: maman)
|
Quote: حسن : طبعا طلاسمي دي بيعرفوها ناس سليمان والفاتح ولو أننا تكلمنا عن الشعبية والمزاد كنت عرفت كلامنا (في الشعبية عاد .. ولا يمكن في المزاد... آ يابا.. نحن عندنا زي دا مافي.. يا الرويس ياقوز قرافي) وربنا يطرا كدكي بالخير.
|
ليه بس كده يا مامان!!! أهه كيدة ليك والله اليوم كنت حايم فوق الكبانية وباريت الحفير لغاية نهايته عندنا في الكنيسة ومن الحفير بي دبوس جيت طالع قاطع درب الترك لامن جيت بي شارع ناس ود الطاهر وقطعت شارع النص ودخلت بيت ناس جدي ومنه مريت بالخلوة لي حوش جامع العوضاب ومرقت بي بابه اللآ فوق وقفت تحت الدومات أسمع في القماري وبعد داك غشيت خلوة البدري لقيتم قاعدين يشربوا في شاي خليتم ومشيت لي حوش ناس ابنعوف أصلي داير أعاين لي جلد التمساح المتكي فوق مراح غنمم وليقته قاعد يشهد على كراع ود بابتوت الما قدر يبلعها، وراح بسببها فطيس.
بجيك راجع بي صور الرحلة. الشايقي
| |
|
|
|
|
|
|
Re: (جدو) عريس ... كبرتنا يا دكتور (Re: maman)
|
Quote: بمناسبة طنقيح ورفع البوستات ، أنا دايما بتذكر قصة بت بدس التي حكاها لي العم فنقلت
ختاما أحكي لكم حكاية (بت بدس)... العم فضل المولى وشهرته فنقلت (بكسر الفاء والقاف والللام وتسكين التاء) يجيد العزف على الزمارة أو الزمبارة وهي آلة موسيقية يجيد الرعاة في البوادي العزف عليها... وكل قطعة موسيقية قصة .. ومنها قصة بت بدس... سألت العم فنقلت عن حكاية بت بدس فقال: بت بدس دي يا ولدي واحدي من بنات العرب .. كانت يتيمة الأم وما عندها خالات ولا عمات... ومن عادة سكان البوادي في مناسابات الأعراس أن تزغرد النساء كبيرات السن من الخالات والعمات لبناتهن عندما يرقصن في الدارة... ويبدو أن بت بدس نزلت في الدارة عشان ترقص وما في ولا واحدة من الحريم زغرت ليها... لكنها واصلت الرقص وكانت ترقص وتزغرد بنفسها... وهكذا تعزف المقطوعة الموسيقية.. الماعندو شلة في منتديات الانترنت عليه أن يرقص ويزغرد براهو |
* الشايقي
| |
|
|
|
|
|
|
|