|
|
 أين الصرف الصحي يا متعافي
|
أين شبكة التصريف الصحي التي سمعنا أن المتعافي في صدد القيام بانشاءها؟. ربما نرى مجاري تم بناءها هنا وهناك في انحاء ولاية الخرطوم. ولكن الامطار اثبتت فشل الولاية في أهم جزء من البنى التحتية في المدن.
الخرطوم غرقت منذ أول "مطرة" ، وشلت الحركة في الشوارع الرئيسية في "المطرة" الأخيرة. أما الاحياء الطرفية فحدث ولا حرج.
اعتقد أن كل الكباري والمنشآت التي قامت بها الولاية لا تشفع لهذا الاهمال الواضح.
ولنا عودة
|
|
 
|
|
|
|
|
|
|
|
Re: أين الصرف الصحي يا متعافي (Re: فدوى الشريف)
|
فدوى الشريف
Quote: أين شبكة التصريف الصحي التي سمعنا أن المتعافي في صدد القيام بانشاءها؟. ربما نرى مجاري تم بناءها هنا وهناك في انحاء ولاية الخرطوم. ولكن الامطار اثبتت فشل الولاية في أهم جزء من البنى التحتية في المدن.
الخرطوم غرقت منذ أول "مطرة" ، وشلت الحركة في الشوارع الرئيسية في "المطرة" الأخيرة. أما الاحياء الطرفية فحدث ولا حرج.
اعتقد أن كل الكباري والمنشآت التي قامت بها الولاية لا تشفع لهذا الاهمال الواضح.
ولنا عودة |
أول مرة أشوفك تنتقدي
تقدم ملحــوظ
نراك بخير
أحمـد
| |
|
|
|
|
|
|
|
|
 Re: أين الصرف الصحي يا متعافي (Re: فدوى الشريف)
|
يافدوي يابت أمي للشايفاهو عيني دا
وعشان منظرنا قدام الاجانب ، مافي حل غير ينقلو العاصمة دي هيلا هوب ويودوها الشمالية...
قولي لي لييه ؟!
بس لأنو هناك مطرة ماف ..
طين ماف ..
خمج ماف ..
اسهل صدقيني مع الناس ديل ...
يعني يجي يوم نشوف عاصمتنا تشبه بلاد الناس ... الله تعلم
| |
|
|
|
|
|
|
|
|
|
Re: أين الصرف الصحي يا متعافي (Re: حمزاوي)
|
كدي يا ملكة سبأ يا بلقيس أدينا من الرطب دا يا بت امي بعدين نشوف الغرق والطين النحن فيهو دا
العاصمة تمشي الشمالية دا كلام حلو ، بس رايك شنو في كردفان البلد المطر بزيدها جمال ، وسنار والخضرة..الخرطوم زاااتها شن فيها. غرقنا في شبر مية.
حمزاوي الرماد كال حماد ،
احمد الشايقي..شكراً ليك بس رايك ما قلتو لينا. بالجد حال العاصمة بزعل.
| |
|
|
|
|
|
|
|
|
|
Re: أين الصرف الصحي يا متعافي (Re: د.محمد حسن)
|
الأخت الكريمه فدوى الشريف
لك التحيه
بكل تأكيد لايمكننا أن نغمض أعيننا عن مواضع الخلل والخطأ
أشكرك على هذا البوست الهام
الأمطار فعلاً وضعت المتعافي وحكومة ولايته في (جحر ضب) فقد أوضحت الأمطار سوء التخطيط وغباء كثير من المهندسين الذين صمموا الطرق خصيصاً فكثير من الطرق مثلت عائقاً أمام مياه الأمطار مماجعل المياه ترتد على منازل المواطنين وتضرر كثيرون من هذا الخلل ..
وكنت قد تحدثت في بوست سابق عن سوء التصريف في السوق العربي فكثيراً ماتطفح مياه المجاري ليصبح السوق لايطاق
في السوق العربي ... المويه للركب ... (صور)
بالله عليك شاهدي هذه الصور
البالوعه أخرجت كل مابجوفها من مياه قذره أذكر ان رائحتها كانت لاتطاق إطلاقاً
الكلام ده قبل الخريف مايهل علينا
أتمنى من كل قلبي أن يتم تدارك هذه الأخطاء سريعاً والآن أرى حراكاً سريعاً لتحسين شبكة الصرف بالسوق العربي حيث تم إنشاء مجاري ضخمه جداً لتدارك أخطاء التصريف السابقه ..
هذه الصوره أمام المسجد الكبير وهناك شبكه متكامله للسوق العربي بكامله ..
بالنسبة للصرف الصحي فقد وضعت له ميزانيات ضخمه كما وضعت الخطط والآن جاري العمل على شبكة الصرف الصحي إبتداءً من احياء أمدرمان القديمه وسيستمر العمل ليشمل كل ولاية الخرطوم حسب الخطه الموضوعه ..
مؤونة عام من الود
| |
|
|
|
|
|
|
|
|
|
Re: أين الصرف الصحي يا متعافي (Re: محمد فرح)
|
ياخي الحل عندي,
جيبوا شركات كوريــة جنـوبيـــة
مفهــوم
كــوريــة جنوبيـــة,
وزيدوا قيمة أي عقد 25 %
25% دي للناس العايزين يلهفوا,
أدوهـــا ليهـــم عدييييييييييييييل كــدا , بالقانون,
يعني عديل كدا للشركات اللي كان (مفروض) العطاء يرسى عليها,.......
ما شغلنا شركات مين ولا مين,
على شرط إنهم ياخدوا الـ 25% ويلهفوا و (يغـــوروا .... )
وخلوا الكوريين يشتغلوا,
تعالوا بعد سنة وااااااحدة وشوفوا الخرطوم دي شكلها حيكون كيييييييييف ؟؟؟؟
(الكلام دا على مسئوليتي...)
أحمـد الشايقي
| |
|
|
|
|
|
|
|
|
|
Re: أين الصرف الصحي يا متعافي (Re: أحمد الشايقي)
|
الأخت فدوى
أقترح الوالى نقل العاصمة الى جنوب جبل أولياء
على الضفتين الشرقية والغربية لتكون احدى الضفتين
للعاصمة الادارية والأخرى سكنية تماما كما حدث فى ماليزا
ومن قبلها اسلام أباد عاصمة باكستان حيث بقيت مدينة روالبندى
القديمة . واضعا فى الحسبان مطار الخرطوم الدولى الجديد.. ولكن ...
| |
|
|
|
|
|
|
|
|
|
Re: أين الصرف الصحي يا متعافي (Re: فدوى الشريف)
|
أبصم بالعشرة على مقترح الاستاذ أحمد الشايقي ، بس هامش العمولات يكون 35% عشان (يحوق) على الجماعة وأولهم المتعافي ...............
محمد فرح سوء تخطيط وغباء كثير من الهمندسين ؟ مش ديل جماعة الموتمر الوطني برضو؟ كويس مبروك النظارة الجديدة عشان تحدثنا أكثر وأكثر عن وغباء وسوء تخطيط باقي جماعتكم شيوخ الموتمر الوطني لأنك سيد العارفين ......... الغريب أن حكومتنا الرشيدة ابتداء من اللجنة الشعبية مرورا بالأراضي والمساحة والمحلية أخذوا من المواطن تكلفة تخطيط وتنفيذ هذه الجسور ومجاري الصرف الصحي بالضعف .
الشفيع
| |
|
|
|
|
|
|
|
|
|
Re: أين الصرف الصحي يا متعافي (Re: فدوى الشريف)
|
السلام عليكم
Quote: ين شبكة التصريف الصحي التي سمعنا أن المتعافي في صدد القيام بانشاءها؟. ربما نرى مجاري تم بناءها هنا وهناك في انحاء ولاية الخرطوم. ولكن الامطار اثبتت فشل الولاية في أهم جزء من البنى التحتية في المدن.
الخرطوم غرقت منذ أول "مطرة" ، وشلت الحركة في الشوارع الرئيسية في "المطرة" الأخيرة. أما الاحياء الطرفية فحدث ولا حرج.
اعتقد أن كل الكباري والمنشآت التي قامت بها الولاية لا تشفع لهذا الاهمال الواضح. |
الأخت فدوى
هنالك قولة مشهورة للمتعافي عندما سئل لماذا لا يبدأ بمشروع الصرف الصحي
وكان رده في التلفزيون والذي نقلته كل الصحف
صرف صحي لى شنو ، هي كلها مطرتين في السنة ، مش أحسن بمليارات الصرف الصحي دي نعمل شوارع ؟
أها بعد (المطرتين) القال عليهم ديل
لا لمينا في الصرف الصحي لا لمينا في الشوارع الكسرتها ( المطرتين)
....................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: أين الصرف الصحي يا متعافي (Re: الزوول)
|
يا خوانا كدي فهمونا نقطة واحدة
إنتوا بتتكلموا عن شبكة صرف صحي (مجاري) ولا شبكة تصريف مياه أمطار
لأنو الفرق كبير بين الشبكتين و مواصفاتهم مختلفة تماما
وإذا كان ما اورده الأخ الزوول عن تصريح المتعافي صحيح تبقى مصيبتنا كبيرة جدا
إذا كان والينا و راعينا المسؤول عننا ما بيفرق بين الشبكتين اللهم إلا إذا كان ما يعنيه من الأمر هو العمولات و العقودات بغض النظر عن التفاصيل الفنية و الغرض من المشروع
| |
|
|
|
|
|
|
|
|
|
Re: أين الصرف الصحي يا متعافي (Re: محمد البشرى الخضر)
|
| Quote: إنتوا بتتكلموا عن شبكة صرف صحي (مجاري) ولا شبكة تصريف مياه أمطار |
والله يامحمد يبدو ان الجماعة ديل وبواليهم شاتيتن لفت
وزي ما قلت انت فعلا الفرق شاسع ما بين الصرف الصحي وتصريف الامطار
في كل الاشياء ودي شغلة وديك شغلة تانية وكلها ليها خصائصها وتصاميمها الهندسية
وطريقة تنفيذها...
ووالي ما بعرف بفرق بين الصرف الصحي وتصريف الامطار (ده والي شنو)
ما عندو مستشارين مهندسين ولا شنو والقصة دي اي زول جربندي بتاع هندسي بكون عارفها..
.....
وانا كان المقصود تصريف المياه في ولاية الخرطوم فده موضوع تاني ممكن نجي ليهو
ونتكلم فيهو
| |
|
|
|
|
|
|
|
|
|
Re: أين الصرف الصحي يا متعافي (Re: عبدالكريم الامين احمد)
|
شكراً للاخوة المتداخلين
طيب يا محمد البشرى خلينا من (الصرف الصحي) أنا زاتي ما عارفة الفرق. وخلينا نقول الحاجة العملوا عشانها "الخيران" العندنا دي. يعني موية المطرة تنزل في حتة وتمشي حتة تانية  (كدة كيف؟). المهم مصارف ، مجاري ، مواسير قطرها كبير تودي البحر..اي حاجة .
الموضوع واضح وافكار الناس سمحة. والوالي نايم ولا صاحي؟ ولا مطنش؟
تاني فوق
| |
|
|
|
|
|
|
|
|
|
Re: أين الصرف الصحي يا متعافي (Re: فدوى الشريف)
|
| Quote: أنا زاتي ما عارفة الفرق. |
واضح و إلا كنتي كتبتي عنوان تاني
| Quote: خلينا نقول الحاجة العملوا عشانها "الخيران" العندنا دي. يعني موية المطرة تنزل في حتة وتمشي حتة تانية (كدة كيف؟). المهم مصارف ، مجاري ، مواسير قطرها كبير تودي البحر..اي حاجة . |
ببساطة قولي شبكة تصريف مياه الأمطار
| Quote: والوالي نايم ولا صاحي؟ ولا مطنش؟ |
و الله يا فدوى يا بنتي , الجواب واضح من عنوانه
لكن لو حبيتي أتأكد ليك
لما أجي الإجازة قريب حا أسأل ليك الوالي
كدا كيف؟
| |
|
|
|
|
|
|
| |
فدوى الشريف
أحمد الشايقي
ملكة سبأ
د.محمد حسن
ادريس خليفة علم الهدي
محمد فرح
Nazar Yousif
الزوول
محمد البشرى الخضر
عبدالكريم الامين احمد
فيس بوك
تويتر
انستقرام
يوتيوب
بنتيريست