|
|
 ادم كرونة..!!!
|
ادم كرونة ميكانيكي وصف بانه شاطر وما بتغلبوا اي حديدة مدورة صنعها (ود جون )العينو خضر
وبشتغل في الاتوماتيك والعادي واشهر من استعمل المفتاح البلدي والاستاندر والحبوب وله غرام خاص
مع (الالنكي) والحبة 17...
اتعلم الصنعة علي يد (عمر منفلة) اشهر من عمر مكنة الكومر وكان بشتغل للحكومة وبلبع من الموظفين
وبقاسمهم في الكروبات التي يتفنون في استخراجها من اوراق وزارة المالية السودانية ذات اللون البمبي..
حتت الكروبات دي اكثر حاجة شدت واثارت صاحبنا كرونة وفهم اللعب صاح عرف الصنف البجيهوا من الزبائن
مين يضرب كروبات ومين ما يضرب كروبات..
وبمزيد من الخبرة وطيلة السنين عرف ان الناس العندها دقون ولابسة جلاليب بيضاء كروباتهم زي الورد
وقادرين علي دفع البيزات وعمل ابو القاسم في كل الشغلانة والدفع بدون (منغمغة) ولا يحزنون.. ونعود
|
|
 
|
|
|
|
|
|
|
|
Re: ادم كرونة..!!! (Re: عبدالكريم الامين احمد)
|
كل المنطقة والصناعية ناقشين الكفاوي البعملها صديقنا (كرونة) وعارفين انو بغير الشاسيهات بتاعة
بصات الحكومة وممكن يغير المكنة ذااتو وبشيلها منو سواقين من طرف الناس العندها دقون طويلة
والبصات بتمشي تدعك وتشتغل في القضارف والدمازين وكمان مرات تحت تحت كده بتجي عربات صغيرة نمرها
لوحات صفراء بغمتها (عمك كرونة) وبحولها الي عربات عجيبة الكرونة يقلبها لابو دقن مازدا
والهوندا السيفيك يقلبها ليهو سيتي وابودقن يشيل ويغرف من الورق البمبي بتاع الحكومة ويدفع ..
و
| |
|
|
|
|
|
|
|
|
|
Re: ادم كرونة..!!! (Re: عبدالكريم الامين احمد)
|
اووووووووه معاوية داود
ياخ سلام كثير كثير من هنا لحدي كوستي
ومرورا بفلسطين والبركس وممكن نمر علي الموز بتاع شارع النيل ذااتو
يا خي وينك انت في الاول ولييه ما لاقيتك في الخرطوم ايها (الجقر) صرصور
ياخ والله مشتاقين ومنبر اليوم الحار علي قولتك ارشفهو وبكري وداهو المخازن والمهمات
لانكم كبيتم الزوقة...
سلامي لفوكس وكل الاخوة والاخوات..
..
ولانو انتو ما فشين احنا بقينا بتاعين ميكانيكا وكهرباء وزراعية
فالبلد المافيها (تمساح) يقدل فيها كيكي..
تقبل تحيات عثمان النعيم وابو القوق
وشوق شديد والله يا ديفيد
| |
|
|
|
|
|
|
|
|
|
Re: ادم كرونة..!!! (Re: عبدالكريم الامين احمد)
|
وينك يا كيكي يا عسل
والله مشتاق ليك شديد
كيف احوالك والدوحة خلتك اخر روعة
مبـــــــــــــــــــــــروك انتصار الهلال
في هذا اليوم تزكرتك انت والصادق فيصل
لانه حقيقي كان يوم تاريخي
ويوم للنصر السوداني
تحياتي عبرك لكل هلالي غيور
والدك الدك لحصون الفراعنة الحلب
مع تحياتي
| |
|
|
|
|
|
|
|
|
|
Re: ادم كرونة..!!! (Re: maawia dawood)
|
ياااااااااه
معاوية داوود(سعاوية مرمر)
والف مبروك يا هلالي يا كبير
وفعلا يامعاوية انا ذااتي عند لحظات الفوز الهلالي اتذكرت ناس كتااار حلوين
وطاعمين ومنهم انت والهلالي الراقي صديقي الصادق فيصل احمد الحاج
والدك حصل يامعاوية واخيرا فعلها ابو الهل ورد الروح...
...
وبعدين شنو انت بتظهر زي هلال رمضان
بطل حركاتك دي وتعال اقعد لينا تحت واحكي لينا عن نبض (الحلة الجديدة)
وكوستي المدينة الشاهقة
تحياتي لشلبي وسامي حجازي ولفوكس اينما حل فهو صديق تشتاقه في كل الاوقات..
...
وسنعود اليك يا معاوية والي ادم كرونة المكيانيكي
| |
|
|
|
|
|
|
| |
عبدالكريم الامين احمد
فيس بوك
تويتر
انستقرام
يوتيوب
بنتيريست