|
|
 سودانيزاونلاين ... للسودانيين - قلتها وما ندمان !!
|
قلت بالامس في بوست -الرساله- لهشام ادم
Quote: غايتو جنس كبكبه !!!
يعني ايه الحصل عشان الشعب السوداني كلو لازم يتعذر ليلو ونهارو للاديبه الخليجيه العمرنا ما سمعنا بيها دي ?
وهو احنا لمتين حنكون سافين التراب وبنتعذر - الرسل ليها قبيل منو ? مازيها زي باقي الناس عجبه الحال - حبابه -ما عجبه كتر خيره على المحاوله .
رجال كبار كده قاعدين يتعذروا ويطقوا في السكلي - ما نسوان كتار بنعرفهم وبنات بلد ماصلات اتشتموا واتطاولوا عليهم بي اقبح الالفاظ وعلني بدون ماسنجر - والدنيا ما قامت كده ولا ديلك ما اديبات /خليجيات .
بعدين مشاكلنا كلها اتحلت ما فضل غير تبيض وجه المواطن السوداني الروحو طالعه ده وتعليمه من اول وجديد ادب احترام الغريب ما تبطلوا المسخره دي .
وبالمناسبه انا مع ابوساندرا في شكوكه المشروعه .
وياهشام الزول البقولوا ليهو صاحبك ده منو بقول صاحبي ده فلان الفلاني - ما بقول لييه تالوني .
وياريت انته ولا الافردوا زمن طويل من حياتهم للكبكبه والرد على بوستاته الماسخه من خيم وحمراء وسوداء او الوضع السياسي الدايره تفهموا يجوا يعرفونا بيها اكثر .
ومن هنا ولي قدام انا شخصيا عضو في سودانيزاونلاين بتمنى انو اشوف المكان ده خالص للسودانين نعمل السبعه وذمته في الاخر اسمنا اولاد بلد !!!!!!!!!!!!!??????? |
فردت الاديبه الخليجيه/ وفاء
Quote: بسم الله الرحمن الرحيم
السلام عليكم ورحمة الله وبركاته
اخواني الاعزاء يامن اكن لكم كل مودة وتقدير
سائني ان اكون سببا في هضيمة انسان له فضل علي في التواصل معكم
فاضطررت للعودة من اجل تصيح وضع اخذ اكثر من اللازم وكان من نتائجه
ان يتعرض الاستاذ هشام لمثل هه الحملة الشعواء
ربما كان انتمائي اليكم خطأ مني لكن ان تكون الخرطوم عاصمة الثقافة
يتنافى مع مقولة اخي ايمن الطابر الذي يقول ( سودانيز للسودانيين)
الثقافة فضاء مفتوح للجميع وليست حكرا على جنس اوقبيلة
لقد اشعرتموني ( البعض منكم ) انني دخليلة عليكم
بغم سعيي والحاحي في التواصل معكم
لكم مودتي جميعا |
وجا هشام ورده
Quote: الأستاذة وفاء الجاسم
أتمنى أن تقبلي اعتذاري الشخصي نيابة عن إخوانك وأخواتك
في سودانيزأولاين ... وما قال الأخ أيمن طابر لا يمثل رأي
الأغلبية هنا .. فسودانيزأولاين مفتوحة للجميع، ولقد تمت
استضافة الأستاذة المصرية صابرين الصياغ من قبل وليس لأحد
أن يحدد من يدخل ومن لا يدخل في هذا المكان فهو بيت للجميع
طالما تمتلكين القلم والفكر الذي يؤهلك لذلك. فهنا أقلام
مراهقة وساذجة امتلك بقدرة قادر باسوورد وكانت هي السبب
في تدهور مستوى سودانيزأولاين إلى الحضيض.
الشعب السوداني شعب مضياف يا عزيزتي ويسعده تواجدك معه هنا
للاستفادة مما تحملينه من فكر وأدب وأنا أكيد بأنك ستكونين
إضافة حقيقية لهذا المنبر رغماً عن المغرضين هذا إن رضيتِ
البقاء وطابت نفسك عما حدث من (البعض) كما قلتِ في مداخلتك
الأخيرة. وإذا رغبتِ في البقاء فلا بد لك كما قلتُ لك سابقاً أن
تتحلي بقليل من طولة البال على أمثال هؤلاء.
لك التحية من قبل ومن بعد |
وناس كتار تاني كبوا الجرسه والاعتذارات من جديد , عشان كده انا حابي اقول الكلمتين ديل :
الفينا وفي بلدنا مكفينا ...!!!
نبحوا و كوركوا وسماها الاديب هشام محاولة اعادة كرامة السودانيين ????, والبعض واصل في كبكبته واعتذاراته و شتم المكان المتلصقين فيهو الليل والنهار ده ويجوا يقولوا سجم ورماد , طيب ما تخلوا في سجمه ورمادو الكايلووحلوا عن سمانا.
شوفوا عشان نكون واضحين ونخط النقط فوق الحروف ..
لو حصل فعلا زول وغلط في حق الاستاذه , مافي داعي للتطويل ودرامات شعب اتلطخت صورتو وامسحيها لينا في وشنا , بي ايميل وروا اسم الزول لي بكري ولو ما فصلوا اكتبوا هنا في بوست وكل زول هنا انا متاكد حيطالب بي فصله واولهم انا..
الناس اعتذرت هنا بما فيه الكفايه , فيا هشام - المافيهو خير لي اهله مافيه خير للتانين - فخت الكوره واطه ومافي داعي لتصعيد الحاجات وجعلها شخصي وامبارح انا قلتها ليك الاجدي تعرف الناس بي الاديبه وادبه اجدى من لعب دور الدفتردار..ولما ابوساندرا اعتذر ده كان درس في ادب التعامل ما فهمتوا , ودي اخلاقنا الداسين وشكم في الواطه منها.
اما عن نقل الاديبه وحنقها مما قلت واعتذار البعض عنه . فانا ما خجلان منه ولسه بطالب بي انو البجينا يفهم انو دي ماالجنه والفيها ماملايكه - زينا وزي كل البشر - خير وشر , وعموما ان ساءك ما قلت فهذا راي الخاص لا علاقه له بالخرطوم عاصمة ثقافة ولا ثقافات العواصم الاخرى وثقافة شعبنا صنعها تاريخ طويل من الادب والمعرفه وعباقره من شعراء وادباء ومفكرين ولم تصنعها مواقف واراء فرديه .
والمشوا وسابوا المكان ده بي سبب المهانات الاتعرضوا ليها ماشويه , ما شفنا زول قوم الدنيا وقعده عشانهم - فيهم الاحترم روحوا مشى واللسه فاهم وعارف بسوي في شنو ووين وقاعدين !!
ولتبقى سودانيزانلاين - سودانيزانلاين!!
ايمن الطابر (ايمن تابر)
|
|
 
|
|
|
|
Aymen Tabir
bob
فيس بوك
تويتر
انستقرام
يوتيوب
بنتيريست