كتب الكاتب الفاتح جبرا المتوفرة بمعرض الدوحة
|
|
 أطالب بسودنة الاهداف في فريق الهلال"السوداني"
|
كانت من نصيب داريوكان وكلتشي وقودوين
بثلاثية في شباك الموردة الهلال يحافظ على صدارته للدوري الممتاز
كتب: حاتم ضياء الدين
حافظ الهلال على صدارته للدوري الممتاز مرتفعا برصيده من النقاط إلى «37» بعد ان كسب نتيجة مباراته امس بملعبه امام الموردة بثلاثة اهداف نظيفة ضمن منافسات بطولة الدوري الممتاز في اسبوعه الثاني من الدوري الثانية للممتاز بالنتيجة وتجمد رصيد الموردة في «27» نقطة في المركز الثالث.
احرز للهلال داريوكان في الدقيقة «17» من الشوط الثاني واضاف كلتشي الهدف الثاني في الدقيقة «25» وقبل نهاية المباراة بدقائق اضاف قودوين الهدف الثالث الذي انتهت عليه المباراة التي جاءت في مجملها جاء وسطا، عمل الهلال في شوطها الاول على احراز هدف مبكر ولاحت له العديد من الفرص الا انها لم تترجم، فيما اعتمدت الموردة على الهجمات المرتدة وكادت من احداها ان تحرز هدفاً عن طريق هنو. شوط اللعب الثاني جاء افضل من الذي سبقه وفيه شكل الهلال ضغطا على جبهة الموردة نتج عنه هدف في الدقيقة «17» احرزه داريوكان من كرة شاردة وجدها داخل خط الـ «18» عالجها بقوة محققا هدف التقدم للهلال ليواصل بعد ذلك الهلال ضغطه بعدد من الهجمات المتتالية ليتمكن كلتشي من اضافة الهدف الثاني للهلال في الدقيقة «25» مستفيدا من عكسية يوسف محمد المحسنة رئيسية سكنت الشباك.
في هذا الشوط اجرى مدرب الهلال ريكاردو عدداً من التبدلات حيث دفع بكل من كرنقو بديلا لعلاء الدين يوسف ومعتز كبير بديلا لهيثم مصطفى وزرياب بدلا لمهند الطاهر، فيما دفع مدرب الموردة محي الدين الديبة بكل ابراهيم خالد بدلا عن المحترف موسى عليو ومصدق علوان ولؤي حسين بديلين لكل من خالد الصيني ويوسف الصيني وقبل نهاية المباراة بدقائق اضاف قودوين الهدف الثالث للهلال مرتفعا برصيده من الاهداف الى «9» مثل الهلال كل من المعز محجوب، ريتشارد، علاء جبريل، علاء الدين يوسف، عمر بخيت، هيثم مصطفى، داريوكان، قودوين، يوسف محمد، كلتشي، مهند الطاهر، فيما لعبت الموردة بتشكيلة ضمت كلاً من حافظ، عبد الرحمن النسور، هنو، اتيرتوماس، خليفة احمد، انور كباشي، موسى عليو، بشة، يوسف الصيني، خالد الصيني.
ادار اللقاء الحكم معتز عبد الباسط الذي انذر عمر بخيت من الهلال ويوسف اسماعيل من الموردة بالكرت الاصفر فيما اخرج بالبطاقة الحمراء لاعب الموردة اسماعيل صديق.
|
|
 
|
|
|
|
|
|
|
|
Re: أطالب بسودنة الاهداف في فريق الهلال"السوداني" (Re: Deng)
|
في مبارة الهلال مع الترجي التونسي أحرز الاهداف لاعب أجنبي. وفي مبارة الهلال مع الفريق العاجي أحرز أحدا الاهداف لاعب أجنبي.
وين لاعبين الهلال السودانين؟ ولا القصة صارت كلها أجانب في أجانب ؟ يعني مافي لاعب ضكر كده يجيب قوون؟
الرشاشة تاج السر.
حتى ما عندكم لاعب "عجوز" زي العجب؟
الهلال صار عقيم ولا حواء ما ولدت بحي العرب؟
دينق.
| |
|
|
|
|
|
|
|
|
|
Re: أطالب بسودنة الاهداف في فريق الهلال"السوداني" (Re: Abuobaida Elmahi)
|
يا دينق ملاحظتك ظريفة وفي محلها..
لكن لو عرف السبب بطل العجب.
ريكاردو منع لاعبي الهلال السودانيين من إحراز الأهداف، لأن الدولة فرضت
ضريبة على الأهداف التي يحرزها سودانيون، يعني إذا مهند الطاهر مثلاً
أحرز هدفينً، يحسب له هدف وتأخذ الحكومة الهدف الثاني كضريبة، وحتى لا يكون
اللاعب السوداني ملزماً بإحراز هدفين، واحد لفريقه وواحد للحكومة، أعفي
اللاعبون السودانيون من إحراز الأهداف وطلب منهم المساعدة في تجهيزها فقط،
لأن الهلال بهذه الصورة لما يلعب شوطين بكون زي اللعب شوط واحد والعملية
بتكون غير عملية على الفريق.
هذه القاعدة لا تنطبق على لاعبي المريخ لأنهم تابعين للمؤتمر الوطني.
افتكر كده القصة وقعت ليك..
| |
|
|
|
|
|
|
|
|
|
Re: أطالب بسودنة الاهداف في فريق الهلال"السوداني" (Re: Deng)
|
العزيز ديتق
لا اؤيدك فى طريقة طرحك للموضوع ....
عالم كرة القدم اصبح اليوم لا دولة له...
الناحية السلبيةهى تأثر المنتخب القومى
ممكن ان يكون النقاش حول مستقبل الهدافين
فى السودان....مع المنتخب القومى نظر لوجود مهاجين ممتازين
فى فرق مثل الهلال والمريخ وجالسين خارج الملب لفترات طويلة
| |
|
|
|
|
|
|
|
|
|
Re: أطالب بسودنة الاهداف في فريق الهلال"السوداني" (Re: Deng)
|
دينق كيفك و ملاحظتك صحيحة و طريفة و الرشاشات ما ح يجيبوا كاس لو سجلوا فريق البرازيل كلو أصلو المحمولة جوا دي هم عارفين محتكرة للمريخ العظيم
واحد قالوا دخل مباراة للهلال و هو ضارب ليهو كأس كأسين و يفتح و يغمض و لأن لاعبي الهلال كما ذكرت أنت أصبح عدد كبير منهم أجانب لم يستطع التعرف على فريق الهلال و عندها صاح : يا كوتش ما تدخل لينا هيثم مصطفى عشان نعرف الهلال دا شايت علي وين
| |
|
|
|
|
|
|
|
|
|
Re: أطالب بسودنة الاهداف في فريق الهلال"السوداني" (Re: Deng)
|
اخونا دينق لو ما شداد عاكس صلاح ادريس كان الهلال ح يكون زي برشلونه بس افريقيا
انت عارف انو صلاح ادريس مشكلتو مع شداد هي عدد اللاعبين الاجانب كما حكى لي احد الاخوة
صلاح ادريس داير الاتحاد يسمح ليهو بعدد غير محدود من المحترفين و شداد رفض بدعوى انو الكلام دا بأثر على اللاعب المحلي و بالتالي على منتخبنا الوطني السجمان
انا شخصيا اؤيد صلاح ادريس لانو لاعبنا السوداني بلعب من متين ما عمل حاجه لا جاب كاس لا شاف مصلحتو احترف بره
و مسالة زيادة عدد المحترفين دي من مصلحة اللاعب السوداني اللي ح يحتك مع محترفين في بلدو و نرتاح من دورات الاحتكاك الخارجيه و الاكراميات الاميريه
وبرضو زيادة عدد المحترفين بتكون في مصلحة اندية الولايات زي ناس اهلي مدني و جزيرة الفيل لانو ناس طمبل و علاء الدين يوسف و مهند الطاهر و الكرور ديل كلهم لو شداد فتح باب الاحتراف على مصراعيه ما ح يلقو ليهم خانه في الهلال او المريخ و بالتالي ح يشدو الرحال لجزيرة الفيل
و بختك يا يجزيرة الفيل
| |
|
|
|
|
|
|
|
|
|
Re: أطالب بسودنة الاهداف في فريق الهلال"السوداني" (Re: Deng)
|
| Quote: و لأن لاعبي الهلال كما ذكرت أنت أصبح عدد كبير منهم أجانب لم |
الهلال به 4اجانب والمريخ به 5 اجانب
المريخ به مجنسين 2 والهلال 1 فقط
المريح به كابتن توجو وزامبيا والهلال محترفيه صغار السن
الهلال محتكر هداف الدوري في معظم الاحيان في السنوات الاخيره
معتز كبير براهو 3 مواسم متتاليه -لاعب وطني.
المنتخب الوطنييييييي معظم لاعبيه من الهلال
لم يلعب المنتخب مباراة الا وكان 6 او7 من الهلال والباقي من الفرق الاخري بما فيها المريخ. شفت الوطنيه دي كيف. 
| |
|
|
|
|
|
|
|
|
|
Re: أطالب بسودنة الاهداف في فريق الهلال"السوداني" (Re: Deng)
|
| Quote: *** يا كوتش ما تدخل لينا هيثم مصطفى عشان نعرف الهلال دا شايت علي وين *** Halirious |
يا أبو السيد.
الفوق دي قوية منك.
أنا لا أطالب بتجنيس اللاعبين الاجانب ولكني أطالب بأعطاء اللاعب السوداني فرصة أكبر ويا ريت لو يحصل السوداني نفس الاستحقات التي يحصل عليها الاجنبي. ونقول مرة تانية مبروك للرشاشات.
دينق.
| |
|
|
|
|
|
|
| |
Deng
abas
يسرى معتصم
!!!
Abuobaida Elmahi
Nasruddin Al Basheer
hajhamad
Ali Alameen
إسماعيل وراق
على محمد على بشير
gamal
Abdlaziz Eisa
Sayed Bekab
وليد محمد المبارك
إيمان صالح
Adam Omer
Tragie Mustafa
فيس بوك
تويتر
انستقرام
يوتيوب
بنتيريست