|
|
 رحبوا معي بعودة الصحفي مزمل ابو القاسم للمنبر ..
|
أهلا بك أخي مزمل أبو القاسم وأنت تعود الى المنبر ..
افتقدناك طويلا وأنت بعيد وسعدنا وأنت تقترب من عشاق الكلمة الرصينة والنقد الهادف البناء ..
الف مرحبا بك مرة أخرى وليتنا نكون في ضيافة بوست جميل من يراعك ..
مودتي
|
|
 
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: علاء الدين حيموره)
|
وكانت هذه اول الاضاءات للاخ مزمل :
Quote: نؤيد بشدة منح الأديبة الأريبةالخالة حنانة عضوية المنبر
ياعلاء مشتاقين
بالمناسبة إنت نسيت تعد(مزمل حيمورة)!!!!!!!!!!!!!!
كده عدد الحيموراب بقى كم؟؟؟؟؟؟؟؟؟؟؟
وصية بالمهلة إنت زول متربي وود قبايل ومن أسرة عريقة
ما ترد إلا على البستاهل الرد |
تسلم يا ود الشريف ..
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: علاء الدين حيموره)
|
يانااااس سلاااام
أول حاجة شكراً ليك علاء على الترحيب بهذا الفارس الأحمر
تاني حاجة والله أنا شفتو في المتواجدين الآن
على بال مافتّحت وغمضت لقيتو راح .. إفتكرت نفسي حلمان
طلع من البورد أسرع من رأسية العجب
Quote: شايف ناس الكورة منهم الرافعك السما و منهم
الخافس بيك الارض
كويس تجي عشان نعرف موقعك الفلك و برجك كمان |
عليك الله مزمل عاوز ليهو تعريف ولا معرفة ؟؟
مزمل زي المريخ زعيييييييييييم
مزمل زعيم بأخلاقو
زعيم بقلمو
زعيم بصدقو
زعيييييم وبشجع زعييييييم
الرافعو السما ما أداهو حقو ( أدّاهو وليس إيداهو )
والخافس بيهو الأرض متعقد منو
والله أول مرة أكتب حاجة وعندي إحساس إنو مزمل يقراها أو حتى يوصلوها ليهو
أحمد الله على هذه النعمة
غايتو لو مزمل رد على متشكك يبقى كلنا نشكك عشان ننال شرف الرد
المهم يااااااامزمل سلااااام
سلااااام من شخص إن لم يقرأ لك يومياً لازم يستعين بشرب القهوة
والله بس تشوف إسم مزمل تخنقك السعادة وتتذكر نعمة أنك مريخابي
مزمل إرتبط إسمه بالمريخ وهذا يكفيه
يكفيه أن كل مريخابي في الدنيا يحترمه ويحمل له إعزازاً كبيراً
شكري مكرر لعلاء حيمورة
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: علاء الدين حيموره)
|
معليش
والله نسيت أقول حاجة مهمة
تصدق يامزمل ما بنقدر نصبر لحدي ماتنزلو الصدى في النت
عارف بنعمل شنو ؟؟
نقرأ الصدى بتاعة أمبارح تااااني
ونبداها بكبد الحقيقة
يعني من يوم نزلتوها النت بنقراها كل يوم مرتين
ياخ نزلوها بدري عليك الله ما تشحتفو روحنا
قلت لي ماسمعت بيها عاوزة تنهار ؟؟ ههههههه
كان مفروض يكلمووك والله
ماليهم حق
هم منو ديل الماكلموووك ؟؟
غايتو جنس مِحن .. اللهم أحفظ المريخ ومزمله وصداه
مودة كجمال المريخ وروعة القلعة الحمراء ونقاء الوالي
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: ابو عثمان)
|
مرحب بالزميل في مهنة العكننة مزمل ابو القاسم
ـــــــــ
طبعا بعضكم حيستغربوا من كلمة زميل دي وما عارفين اني زيٌ زيٌو
الاتنين صحفين ومقطعنها
الفرق بيني وبينو اني بكتب عبر القارات وهو بيكتب للداخل
بتمني ليهو النجاح والازدهار ويلاقي النجاح والانتشار اللاقيهو زميلو اساسي
ـــ
تقبل تحيات زميلك عابر القارات
اساسي
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: علاء الدين حيموره)
|
Quote: مرحب بالزميل في مهنة العكننة مزمل ابو القاسم
ـــــــــ
طبعا بعضكم حيستغربوا من كلمة زميل دي وما عارفين اني زيٌ زيٌو
الاتنين صحفين ومقطعنها
الفرق بيني وبينو اني بكتب عبر القارات وهو بيكتب للداخل
بتمني ليهو النجاح والازدهار ويلاقي النجاح والانتشار اللاقيهو زميلو اساسي
ـــ
تقبل تحيات زميلك عابر القارات
اساسي |
اياك اقصد واسمع يا جاره
اساسي الدائماً اساسي
عشان كدا انا بحبك
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: علاء الدين حيموره)
|
الاخ الصديق أبن عمتي .. مزمل ابو القاسم الشريف
تطايرت فرحا .. وانت بيننا ..
على فكرة مزمل قبل مايكون صحفي كان لاعب كرة طائرة ممتاز وقائد فريق ذي ذيو ..
نتقاسم حبنا للكرة .. ولكن في الاخير اختار القدم .. ولكن تبقى الطائرة في الراس !!!
مزمل انا فرحانة بيك جدا .. وخاصة جيتك في هذه الايام التي تشتعل فيها المياديين على العقد الفريد..
في الجانب الاخر .. انو - عماتي - بحبو كرة القدم جدا .. ويتعدى الامر الى حفظ سيرة اللاعبين حتى الاجانب .. (مش في ناس بحفظ الممثلين ويتابعوا اخبارهم ) اهة عماتي ديل بتابعوا اخبار الكرة واللعيبة ..
حقيقة ستكون اضافة حقيقية لهذا المنبر .. بس ما تعملها لينا كلها كورة .. خلينا نلمس الحس الادبي الذي اعرفه ..
دمت صديقي ودمت أبن عمتي وحفظك الله وايانا
شكرا شقيقي علاء الدين حيمورة
| |
|
|
|
|
|
|
|
|
 Re: رحبوا معي بعودة الصحفي مزمل ابو القاسم للمنبر .. (Re: انعام حيمورة)
|
هذا البورد مثل الدنيــا كثر الظلام في الايام الاخيره
ففتح الله علينا بزمــاله و جــوار نجم النجـــــوم مزمل ابو القاسم..
الصدى لنا في الغربه وريد تجري به دمائنا الحمراء..
مرحبا بمزمل الرزين فرحه للهلال الكريم..
ومرحبا بمزمل العشق فرحه للمريخ العظيم ...
ومرحبا بمزمل الامل خطوات في طريق السودان الوطن
اعزائي جميعا و سيد البوست ما اجمل و اجل فرحتنا و الترحيب..
هي اذن ...
....
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: mohanad haimoura)
|
هو اصلا عضو معانا ولا علمتو ليه عضوية جديدة
نرحب بيه اكيد سوف يكون اضافة حقيقية..
لكن بقدر يصارع تاج السر الذى ادمن الكرة والنت
ولا بقدر يماشى احمد الريح صاحب الحقائق الطامغة
والفهم العالى ..
نرحب بيه وكان نقول ليه مبروك البنية..
التى اقترح ليها اسم فوز..اذا بتقدرو على حمل الاسم دا
ولقدام
ياناس البطولات المحمولة جوا
| |
|
|
|
|
|
|
|
|
 Re: رحبوا معي بعودة الصحفي مزمل ابو القاسم للمنبر .. (Re: abuguta)
|
عيييييييييييييييييك
وشهد شاهد من اهلهم .. كتبت اتعام حيموره
Quote: على فكرة مزمل قبل مايكون صحفي كان لاعب كرة طائرة ممتاز وقائد فريق ذي ذيو ..
نتقاسم حبنا للكرة .. ولكن في الاخير اختار القدم .. ولكن تبقى الطائرة في الراس !!! |
ما هو ده الكلام البنقول فيهو لينا خرطوميه سنه .. انه مزمل ما ليهو علاقة بكرة القدم، فلو كتب عن الكرة الطائره لما اقحمنا انفسنا وردينا عليهو لأنه مجال ما مجالنا !!
فى مصر لو الزول تاريخو كده اعنى لاعب كرة طائرة لا يسمح له أن يتفرج على كرة القدم، خليك من أن يكتب عنها وينظر ويسجل ويشطب لاعبين ويصر بأن العجب ما راكوبه !!
لكن برضو مزمز شاطر .. اختار مكان الكاش البقلل النقاش .. مالو ومال الكرة الطائره؟؟
شكرا ليك انعام على هذه الشهادة الغاليه التىى كتنت ابحث عنها منذ وقت طويل!!!!!!!!!!!!!
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: علاء الدين حيموره)
|
مرحب بالقلم الجسور والفكر المستنير الصحفي المميز مزمل أبو القاسم صاحب كبدة الحقيقة البتخلي الجماعة يهبشوا كبدتهم من حلو الكلام والتغزل بعجبكو وطمبلكو صاحب الحق والامتياز في منح لاعبي الاحمر الوهاج الالقاب والصفات
مرة أخرى مرحباً بك عضواً فاعلاً ونشطاً لتعكس لنا نشاطات الاحمر الوهاج ثانية بثانية ودقيقة بدقيقة
واحي جميع آل حيمورة
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: علاء الدين حيموره)
|
Quote: عليك الله مزمل عاوز ليهو تعريف ولا معرفة ؟؟
مزمل زي المريخ زعيييييييييييم
[/QUOT
الزعيم هو الهلال بغير منازع ودى ما دايره نقاش .
انا ارحب بالاخ مزمل وانا عادة لا ارحب بالمريخاب ولكن عشان اسم حيمورة
نتجاوز عن كل شىء .
آل حيمورة اسرة لا اعرفها ولكنى احبها فى الله .
مرحب بيك الاخ مزمل
ولك الود ود حيمورة
ام وضاح
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: علاء الدين حيموره)
|
.
مزمل أبو القاسم الأخ السوداني .. مرحب بيهو ألف
وحبابو عشرة مزمل الذي يحاول أن
| Quote: يقترب من عشاق الكلمة الرصينة والنقد الهادف البناء .. |
أما مزمل أبو القاسم تبع صحيفة ( الصدأ )
بأسلوبه الـ( نتن )
والذي ( يوظف ) كلماته ( القذرة ) في صحيفة يومية يقرأها عامة الناس
كي ينشر آفة ( التعصب ) بين الجمهور الرياضي
فلا مرحبا به .. ولا مرحبا بقلمه الذي ( يهدّ ) ولا يبني
فذاك المزمل ( وصمة عار ) في جبين الصحافة الرياضية في السودان ..
.
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: hatim ibrahim)
|
Quote: مزمل أبو القاسم الأخ السوداني .. مرحب بيهو ألف
وحبابو عشرة مزمل الذي يحاول أن
Quote: يقترب من عشاق الكلمة الرصينة والنقد الهادف البناء ..
أما مزمل أبو القاسم تبع صحيفة ( الصدأ )
بأسلوبه الـ( نتن )
والذي ( يوظف ) كلماته ( القذرة ) في صحيفة يومية يقرأها عامة الناس
كي ينشر آفة ( التعصب ) بين الجمهور الرياضي
فلا مرحبا به .. ولا مرحبا بقلمه الذي ( يهدّ ) ولا يبني
فذاك المزمل ( وصمة عار ) في جبين الصحافة الرياضية في السودان .. |
السلام عليك يا اخوي
كدي براحة كدا وبعيد عن هلاليتك المشوشة عليك!!
وصمة عار مزمل ام من أتهم إمرأة متوفية بانها كانت سيئة السمعة وهو لا يعلم بانها توفيت ولم تكن كذلك ولم يك لها ذنب إلا أنها شرفت المريخ باختيار اسمه!!
وصمة عار وهو لا يشمله لقب صحفيي الفول كما اطلق عليهم كابتن الهلال حين قال يمكنك شرأهم بصحن فول!!
وصمة عار هو أم صحافة منسوبة لفريق رياضي تتجاهل موت رجل لم يتجاهلة اعظم من مر على رئاسة الهلال!!
يا خوي ما تخليك مندفع وكان ترحب ومافي زول بيوقف ليه زول في خشم الباب ويملي عليه متل شروطك دي!!
أنا لست بصدد الدفاع عن مزمل فهو اقدر مني على الزود عن سمعته!!
الصدى وليس الصدأ ففيها اهم كتاب الهلال!
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: عبد اللطيف عبد الحفيظ حمد)
|
سلام وتحايا للاخ علاء والاخوة المتداخلين:
اولا نرحب بمن قدمت فقط لانه قريبك وبصفته مواطن سوداني....اما عن قصة انو كاتب رصين وضليع في اللغة العربية دي فهي مجافية للحقيقة ...فكلام زي:
طمبلني حاول حس بي....وعجبكو وسجم خشمكو...وحاحاحا..والكاش بيقلل النقاش....وما عارف ايه تاني مما هو اغرب مما سمعت...لا يمكن ان تكون كتابة رصينة ابدا..الا اذا كان السودان اتغير من ورانا ويكون دا مشروع الرصانة الجديد...
ثانيا : من يلجأ للتشويش علي لاعبي نادي يلعب بأسم السودان في اوقات احوج مايكون هذا النادي للدعم المعنوي لايمكن ابدا ان يصب في صالح هذا الكاتب ايا كان...{ اقصد موضوع قودوين وموضوع الحارس المعز بالرغم من ان المحصلة كانت صدمة للكاتب}
والمسألة ليست في كون ان يشجع الشخص ناديا بعينه لا غرابة في ذلك ولكننا نقف مع النادي الاخر عندما يلعب بأسم الوطن...وهناك من الكتاب الصحفيين المعروفين بميولهم لنادي المريخ ولكنهم يتمتعون بأحترام الجميع بما يكتبون... ولا داعي لذكر امثلة.
انا لا اتابع جريدة الصدي لانها غير متوفرة عندنا لكن اتمني من الاخ مزمل مراعاة ان مايكتب يعكس بالضبط شخصية الكاتب وان يراعي ان الصحافة رسالة لمن يمتهنها... وبقدر مالها من دور ايجابي فلها ايضا الدور المدمر والذي ينعكس اثره ايضا علي الكاتب..
لك الشكر مرة اخري اخ علاء
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: علاء الدين حيموره)
|
.
الأخ سامي
| Quote: كدي براحة كدا وبعيد عن هلاليتك المشوشة عليك |
ياخوي هلاليتي ما مشوشة علي ولا حاجة
فالهلال ( جبل ) ما بيهزوا الريح
وهلاليتي البعتز بيها ما ليها علاقة ( البتة ) بوجهة نظري في مزمل الصدأ
وبالعكس تماما
لو أنا مريخابي كنت حأكون أكثر ( حدة )
وكنت أول من سينادي ( بضرورة ) وقف مثل هذا المشجع المتعصب عن الكتابة في الصحف
وأنت يا سامي ..
لو كنت فعلا تعرف دور الصحافة الرياضية
وقادر انك تخلع رداءك الأحمر عند التقييم
هات لي مقالا ( واحد ) بس
كتبه المشجع مزمل
مكن يستفيد منو المريخ ذات نفسو
خليك من القطاع الرياضي اجمالا
( الأندية ، الإدارات ، التحكيم ، المشجعين )
كل ما يفعله مزمل
هو إذكاء روح ( العصبية ) بين الجماهير
وأظنك لا تخالفني بأنه دور ( قذر ).
الأخ علاء الدين حيمورة| Quote: وقام قراه صحفي هلالابي يعمل في صحيفة الصدأ .. يودي وشو وين .. |
أولا هي ( الصدأ ) لأن مزمل يرأس تحريرها ..
ويجتهد بعض الصحفيين من أجل تلميعها ..
مزمل كتاباته ( قبيحة ) تثير لدي رغبة في ( الغثيان )
بيذكرني مزمل أيام زمان
كان يجتمع في ميدان الأمم المتحدة مشجعو الهلال والمريخ
ويقضنون النهار بطوله
كل يمدح ناديه ويشتم النادي الآخر
وخلاصة اليوم : صفر كبير
مزمل كهؤلاء تماما .. مشجع متعصب ..
ما كان ليسمح له بالكنابة في الصحف في أي مكان آخر غير السودان العجيب
| Quote: يا اخي انا هلالابي والرياضة تسامح واخلاق فخلي قلبك كبير .. وده بوست ترحيب واذا عندك اي ضغائن وما قادر تسكت عليها افتح ليها بوست او ادخل بوستات تاج السر فهي مرتع لكل كلام قبيح .. |
سبحان الله .. نفس الطريقة
اذا كنت أنا ( ضد ) دخول قوات أجنبية للسودان طوالي ده بيعني اني مع حكومة الكيزان !!!
ما عارف ليه دائما بتفسروا الحاجات كده
ياخي ( ضغائن ) شنو البتتكلم عنها دي
أنا مزمل ده ما بعرفو بالمرة ..وبالتالي ما ( ورادة ) حكاية ( الضغائن ) دي
أنا بعرف ( السموم ) البينزلها في ( الصدأ ) في شكل كلمات ..
وبشوف انو اي انسان ( حريص ) على وجود صحافة رياضية مفيدة
مفروض يرفضها رفض قاطع ..
وزي ما طلبت من الأخ سامي بطلب منك انت برضو - باعتبارك هلالابي وسامي مريخابي -
جيب لي مثال واحد لمقال ( مفيد ) كتبو مزمل أبو القاسم
حتى لو كان مفيد للمريخ البيشجع فيهو برضو مكسب ..
| Quote: اتمنى ان تعتذر عشان يحترمونا ناس المريخ ونساهم في توصيل رسالة محبة الرياضة .. |
حاجة غريبة يا علاء الدين
اعتذر على شنو ..ولمنو ؟؟
قلت لينا ( رحبوا ) بالزول ده
وأنا قلت مرحب بمزمل الأخ الانسان
لكن مزمل البيكتب في ( الصدأ) انا كعضو هنا ما برحب بيهو
* بالنسبة لبوستات الأخ تاج السر
قلتها من قبل وأكررها
هي ( نسخة زرقاء ) من كتابات مزمل أبو القاسم
وبالتالي .. لا مرحبا بها هي أيضا..
وبالمناسبة وجهة نظري في كتابات مزمل تنصرف لكل كاتب لا يستفيد القطاع الرياضي من كتاباته
ولكل مشجع متعصب لقى البلد فاضية قام مسك ليهو ( قلم ) وعمل فيها صحفي ..
.
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: hatim ibrahim)
|
كتب محمد على بشير
Quote: والله ياتاج السر علاقتك بى كرة القدم زى علاقتى انا بى علم الفلك
ياخ عليك الله ما تملانا فقر |
المهم ما كنت لاعب كرة طائرة وجيت محل "الكاش بقلل النقاش" !!
معقول "مصارع" يبقى ناقد يفتى فى "السباحه" !!
الشئ المهم انه مزمل هو احد الصحفيين الذين اوقفهم مجلس الصحافه والمطبوعات وتم حفظ الحكم، لسوء السلوك حتى وصل الأمر أن ترسم كاركتيرات تقول لا تأخذ معك صحيفة رياضيه وانت ذاهب لمنزلك!!
المريخاب لا يحبون مزمل لأنه ناقد رياضى ممتاز يعرف الكثير عن كرة القدم وفنونها، ألمر ان مزمل اوهمهم بانتصارات واهيه ومزيفه وكاذبه حتى وصل به الأمر أن يجعل الأنجاز فى دورى الخرطوم المحلى أفضل من الأنجاز فى كأس الدورى العام، وجعل الأنجاز فى كأس الكوؤس افضل من الأنجاز فى كاس الأندية الأبطال .. يعنى المريخاب بحبو البضحكهم ويغشهم لا البببكيهم زى عبدالمجيد عبدالرازق البقول "مفروض المنتخب القومى كله يشكل من لاعبى الهلال" !!
اعوان مزمل هم من يطالبوا أصلاء المريخ فى منتدى المريخ الا يكتبوا الحقائق التى تجعل الهلالاب يشمتون عليهم !!
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: hatim ibrahim)
|
يعني الزول القال سيدة فرح إمرأة سيئة السمعة إذا قدر له أن يشارك في سودانيز اونلاين عملاً بنفس المبدأ!!
يا حاتم دليلي تكريم الهلال الجبل المابهزو ريح لمزمل الصحفي المريخي لكتاباته المشرفة في حق الرياضة!!
دي حقيقة ما هظار.
الصدى صحيفة يكتب بها خيرة الكتاب الزرق باجماعكم.
ياسر عايس
إبراهيم عوض
وممكن تقول قسم خالد((طبعاً) دا رايكم وانتم أحرار
يبقى كيف الناس ديل وهم شايلين مفاتيح عاطفة كل هلالي وماعرفين انها الصدأ؟؟
سؤال
يا حاتم من حيث المبدأ أنت محق ولكن تطبيق مبدأك جلى
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: تاج السر حسن)
|
Quote: مزمل كهؤلاء تماما .. مشجع متعصب ..
ما كان ليسمح له بالكنابة في الصحف في أي مكان آخر غير السودان العجيب |
حاتم إبراهيم سلاااااام
ياعاااالم ما تتكلموا سااااي
إنت عارف مزمل قبل الصدى كان وين ؟؟؟؟؟
والله غايتو !!!!!!
| Quote: والهلال نحن اولى الناس به لأنه جار لنا ونعرف تاريخه جيدا ونرصد الحاقدين عليه |
تاج السر الأزرق
بالله كل علاقتك بالهلال أنكم جيران ؟؟
والله مصيبة كبيرة
أنا كنت قايلك مقتنع وعندك ولاء
يعني لو حولت للعرضة جنوب ح تشجع المريخ ؟؟
عالم عجيب
مزمل عاين سااااااكت علييك الله ماترد هنا
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: علاء الدين حيموره)
|
مرحبا بفارس الصحافة الرياضية
وشايف فى ناس الواحد من هسة ركبتو ام هلة هلة
.....................
Quote:
او ادخل بوستات تاج السر فهي مرتع لكل كلام قبيح ..
|
تعرف والله العبارة دي مختصرة شديد... لكن ميانة حكم
مسكين ويستحق الرثاء كمان
وتبقي الحقيقة هي ان البعض يسترق البصر ليرى ماذا يكتب مزمل وماذا تحتوى كبد الحقيقة كل صباح
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: علاء الدين حيموره)
|
الأعزاء: علاء أبو هبة الله
غباشي.. الحبيب يسري.. نادر.. نصار.. تابت.. د.حمد.. أحمد.. حمزاوي.. سلمى.. أبو عثمان.. المهدي..أساسي..سموءل.. علي محمد.. معتصم.. محمد.. إنعام.. شهاب.. المهند.. أبو قوتة.. أحمد موسى.. نيازي.. إبراهيم.. أم وضاح.. سامي عبد الوهاب مكي.. أنور.. منتصر.. عبد اللطيف.. ثابت.. شيبا(الذيل)   وكل الأحباء الذين تداخلوا للترحيب بشخصي الضعيف.. لكم الحب أصفاه
ويا علاء نفذ الوصية بدقة وما تخوض في الوحل
بالمناسبة صورة هبة الله بالنجمة رهيبة
أصلو النجمة برضو هبةالله
تحياتي للدكتور عماد ولأسرتك الصغيرة
وكل الأحباب الحيموراب
مزمل
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: مزمل أبو القاسم)
|
يا علاء نسيت أرحب بالطيب شيقوق الحيمورابي
عرفني بيهو أكتر لو ممكن
بالمناسبة يا سامي وجودي في المنبر لن يطول
لأني لم أشارك فيه سوى خمس مرات في 3 أعوام
أنا بوردابي قبلك يا علاء الدين
وأعتقد أنني أول حيمورابي في المنبر
وأكسلهم جميعا
يا شيبامشتاقين
وياسامي بطل الحماقة ورجع الموبايل
كيغا وحمزاوي شخشيا؟؟؟؟
يا مرحى
مزمل
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: مزمل أبو القاسم)
|
Quote: بالمناسبة يا سامي وجودي في المنبر لن يطول
|
أخوى مزمل
يادووووب فى ناس أخدت نفس طويل
ماأتهنينا بعد ماقلنا
وجع وجع مزمل رجع
على العموم معاكم فى الصدى ( القالو إنهارت) ياربى تكون إنهارت بسبب السيول والفيضانات
سلامى للجميع فى الصدأ
ياريت أخونا مصطفى أكد يكتب فى الصدأ........ سلامى وتحياتى له
لك الود الكثير
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: يسرى معتصم)
|
وصيتك يا مزمل على العين والراس وهو زاتو بعد ده بكون كره البلي ...
بس ياريت تدينا بوست لطيف كده وما عليك نحن والاخوان ما بنقصر وعارفين مشغولياتك بما هو أكبر ...
الاخ الطيب شيقوق فاجأني بحيمورابيتو دي الليلة .. حا ارسل ليك رقم تلفونو وهو مع الاستاذة سوسن عبد الرحيم في مسقط ..
وفاتني ان اشكر الاخ القرضابي ذلك الشخص الانسان .. ووعدني بصورة تجمعكما وسوف ينزلها في هذا البوست ..
تحياتي للوالد ولكل الاسرة بدون فرز ..
والى ان نلتقيك في بوست يبل ريق المتعطشين ويكوي جباه المهزومين ..
تسلم اخوي
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: مزمل أبو القاسم)
|
Quote: بالمناسبة يا سامي وجودي في المنبر لن يطول
|
أخوى مزمل
يادووووب فى ناس أخدت نفس طويل
ماأتهنينا بعد ماقلنا
وجع وجع مزمل رجع
على العموم معاكم فى الصدى ( القالو إنهارت) ياربى تكون إنهارت بسبب السيول والفيضانات
سلامى للجميع فى الصدأ
ياريت أخونا مصطفى أكد يكتب فى الصدأ........ سلامى وتحياتى له
لك الود الكثير
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: علاء الدين حيموره)
|
.
الأخ ثابت محمد
وعليكم السلام
Quote: ياعاااالم ما تتكلموا سااااي
إنت عارف مزمل قبل الصدى كان وين ؟؟؟؟؟ |
مزمل اذا ( احترف ) المهنة
والتزم ( بأخلاقيات ) المهنة
شنو البيمنع انو يكتب في الخليج او في اي مكان تاني ؟؟
أنا ما عارف انتو بتلفوا حول الموضوع لي شنو
انا بتكلم عن كتابات مزمل في الصدأ
وطلبت من سامي ومن علاء الدين وحسع بطلب منك
جيب لي مقال واحد كتبو مزمل فيهو ( فائدة ) للمريخ البتشجعوهو ده
ولا أقول ليك .. هو أصلا ما بيعرف يكتب مقالات
جيب لي ( نقاط ) مفيدة تناولها مزمل
أما شاكلة
| Quote: ظروف قوات الملك فيصل و السلطان عبد الحميد و الأمير دامر تجعلها مطالبة باحتلال أرض المحنة.. رغم المحنة! |
فدي ( سبة ) للصحافة الرياضية إذا اعتبرنا ده أسلوب صحفيين ..
يا ثابت أنا لما أقول ( زي ) مزمل ده ما كان حيسمحوا ليهو يكتب
في بلد تانية غير السودان العجيب ده
مش بقصد انو مزمل ذاتو يقوم يمشي يكتب في الخليج او في بريطانيا
لانو لو مشى هناك غصبا عنو حيكون ( موضوعي )...
بقصد انو لو في ( نموذج ) مزمل ده في ( بلد تانية) ما بيلقى فرصة يكتب
يعني ..
لو افترضنا مصر فيها واحد ( بعقلية ) مزمل بيشجع الأهلي
وكل كتاباتو كانت لـ ( شتم ) الزمالك
ولما يكتب عن الأهلي ( يتعابط ) بالطريقة البيعملها في الصدأ
ده مش كان حيمنعوهو وبس
احتمال كبير ( يسجنوهو ) كمان
لانو بيثير القلاقل .. وبيؤجج في نار ( التعصب ) البغيض
.
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: علاء الدين حيموره)
|
.
علاء الدين حيمورةQuote: بهذا يصبح عدد الحيموراب 9 بالمنبر ..
عينا باردة / اولاد حيمورة جوا والصيوان ملو |
انت من الأول لو قلت ياخوانا رحبو معاي بالـ ( حيمورابي ) مزمل أبو القاسم - اذا صحت النسبة لحيمورة -
الوضع كان حيختلف ..
كنا رحبنا ، وقلنا ربنا يزيد ويبارك
بس انت القلت رحبوا معي بعودة ( الصحفي ) مزمل
ومزمل يا اخونا ما صحفي ..
مزمل ( مشجع متعصب ) يكتب في الصحافة ..
مفروض نسمي الأشياء بمسمياتها ..
.
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: hatim ibrahim)
|
الاخ / حاتم
تحية طيبة
انت بتقول ..
Quote: انت من الأول لو قلت ياخوانا رحبو معاي بالـ ( حيمورابي ) مزمل أبو القاسم - اذا صحت النسبة لحيمورة -
الوضع كان حيختلف ..
|
اذا صحت النسبة .. بفهم انك متشكك في هذه النسبة
صاح ؟
نجي نشوف كلام مزمل ..
Quote: أنا بوردابي قبلك يا علاء الدين
وأعتقد أنني أول حيمورابي في المنبر
وأكسلهم جميعا
|
اذن الا تكون محتاج لشهادات اثبات رسمية بعد ده .. وصفة الحيمورابي لا تنفي صفة الصحفي وهو مؤهل لذلك اكاديميا وله سجل صحفي ويمكنك مخاطبة الجهات الرسمية بوجه نظرك ..
كما اسلفت انه بوست ترحيب ولا يمكن ان اخوض في اي مهاترات غيه بل بالعكس حباب اي زول دخل هذا البوست ..
همسة :
برضو كلامك الفوق ده بنفع لبوست لحالو .. وانا هلالابي يا استاذ ..
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: علاء الدين حيموره)
|
.
الأخ علاء الدين ( الحيمورابي )
| Quote: اذا صحت النسبة .. بفهم انك متشكك في هذه النسبة |
بالغت والله
كل القصدتو هو صحة النسب من ( ناحية لغوية )
( حيمورابي ) دي شفتها تقيلة ولكن لما لقيت مزمل كتبها قلت تكون الصحيحة
وغير كده بتخلي الذهن ينصرف لأبو القوانين ( حمورابي ) العراقي ..
وصراحة لو ما شفتها مكتوبة كنت حأقول ( حيموري ) بدون ما استند لقاعدة معينة
تحياتي ،،
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: الطيب شيقوق)
|
سلام وتحايا للاخ علاء والاخوة المتداخلين:
اولا نرحب بمن قدمت فقط لانه قريبك وبصفته مواطن سوداني....اما عن قصة انو كاتب رصين وضليع في اللغة العربية دي فهي مجافية للحقيقة ...فكلام زي:
طمبلني حاول حس بي....وعجبكو وسجم خشمكو...وحاحاحا..والكاش بيقلل النقاش....وما عارف ايه تاني مما هو اغرب مما سمعت...لا يمكن ان تكون كتابة رصينة ابدا..الا اذا كان السودان اتغير من ورانا ويكون دا مشروع الرصانة الجديد...
ثانيا : من يلجأ للتشويش علي لاعبي نادي يلعب بأسم السودان في اوقات احوج مايكون هذا النادي للدعم المعنوي لايمكن ابدا ان يصب في صالح هذا الكاتب ايا كان...{ اقصد موضوع قودوين وموضوع الحارس المعز بالرغم من ان المحصلة كانت صدمة للكاتب}
والمسألة ليست في كون ان يشجع الشخص ناديا بعينه لا غرابة في ذلك ولكننا نقف مع النادي الاخر عندما يلعب بأسم الوطن...وهناك من الكتاب الصحفيين المعروفين بميولهم لنادي المريخ ولكنهم يتمتعون بأحترام الجميع بما يكتبون... ولا داعي لذكر امثلة.
انا لا اتابع جريدة الصدي لانها غير متوفرة عندنا لكن اتمني من الاخ مزمل مراعاة ان مايكتب يعكس بالضبط شخصية الكاتب وان يراعي ان الصحافة رسالة لمن يمتهنها... وبقدر مالها من دور ايجابي فلها ايضا الدور المدمر والذي ينعكس اثره ايضا علي الكاتب..
لك الشكر مرة اخري اخ علاء
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: yasir Abdelgadir)
|
Quote: انا لا اتابع جريدة الصدي لانها غير متوفرة عندنا لكن اتمني من الاخ مزمل مراعاة ان مايكتب يعكس بالضبط شخصية الكاتب وان يراعي ان الصحافة رسالة لمن يمتهنها... وبقدر مالها من دور ايجابي فلها ايضا الدور المدمر والذي ينعكس اثره ايضا علي الكاتب..
لك الشكر مرة اخري اخ علاء |
شكرا ليك يا ياسر وأحييك على هذا الكلام المهذب واتمنى ان يصل هذا النقد الى الاخ مزمل ..
ليس هنالك انسان معصوم من الخطأ وان كان الخطأ نسبي في مجال الرياضة لكن ببقى الكلام المقبول بكون على العين والراس ..
تسلم ..
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: الطيب شيقوق)
|
خلونا من مزمل أبو القاسم ..
هل علاء الدين حيمورة هو صديقي الذي درس معي في الخرطوم الثانوية القديمة و يسكن في مدينة الصحافة مربع 7 والرجل الديموقراطى الشفيف..
مرحب بالأستاذ مزمل أبو القاسم في سودانيز أون لاين صوت من الموردة..
و نرحب بصاحب الأمتياز لصحيفة الصدى الرياضية و هي بالمناسبة من أحسن
الصحف الرياضية التى تطبع في السودان... فلقد تجنى البعض على مزمل
أبو القاسم لمجرد أنه يحب نادي المريخ و هذا من حقه و من حق الأخ تاج السر أن يكون محبآ و مشجعآ لنادي الهلال .. و كذلك الأخ سامي عبد الوهاب
والذي يذكرنى بالاعب الفذ دكتور الكرة السودانية كمال عبد الوهاب فهل
أنت شقيقه يا سامي..!
أعتب على المتداخلين بأنهم إختزلوا رياضة كرة القدم في ناديي الهلال و المريخ فقط و تناسوا بقية الأندية الرياضية في بقية أنحاء السودان ..
أنا أحب و أشجع نادي الموردة فمنهم خرج أفذاذ لاعبي كرة القدم أذكر منهم
الفذ صاحب الرأس الذهبي عمر عثمان الملقب ب(موسكو) والحريف هداف الفريق
القومى السوداني الجناح الأيسر العم سليمان المحينة أطال الله في عمره حيث
يجتمع أقطاب الكرة السودانية بمحله في سوق الموردة و يتناولون و جبة
الأفطار صباح كل جمعة و يتادولون الشأن الرياضي عنده.. يجتمع عند الكابتن سليمان المحينة بمحله أقطاب أندية الهلال و المريخ و الموردة
و العباسية و التاج العم الوسيلة العكام و التحرير بحري العم عثمان أنطون و النيل عبده زمان و الجيلانى الواثق.. و الأهلى حاتم الفوال و عثمان حامد... ود نوباوي الراحل عمر مهدي و من بيت المال حمدتو و من
الرابطة عثمان الكوارتى و من رجالات الموردة العم عبد المحمود أبو صالح
أطال الله في عمره و كمال الفيل و مولانا الريح وداعة الله و لفيف من الصحفيين الرياضيين حتى أصبح دكان المحينة هو برلمان الرياضيين و الإداريين أذكر منهم الطريفي و البلولة و غيرهم..
يا أحبائي إن الرياضة مثل و أخلاق قبل أن تتحول إلى معارك و إستهداف
وأن المنافسات الرياضية هي إحدى الوسائل التى تحقق الهدف الأسمى لمنتوج
و إسهامات الكرة السودانية في المحافل الدولية .. و هذا هو المقصد..
و دمتم في رعاية الله و مرة أخرى أرحب بالأستاذ مزمل أبو القاسم ..
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: hatim ibrahim)
|
والله يا حاتم بتعذر ليك لسؤ الفهم اللغوي ..
باقي نحن ضعيفين في العربي ده
حيورابي .. حيموري .. اي حاجة منك ظريفة الا كلامك في الرياضة ..
وأصل الاسم مشتق من أخطر انواع الثعابين ( أبو حيموره ) والموجود في مناطق الشمال ..
انسب زي ما انت عايز بعد ده ..
مودتي ليك يا لذيذ لما تكون رايق وما منفعل ..
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: سامى عبد الوهاب مكى)
|
أها من ما أنت بتحب الموردة وأبوعنجة و بانت شرف و غرب تبقى أنت
شقيق الدكتور اللعاب كمال عبد الوهاب.. و تكون إنت سامي راس حربة
الهاشماب و قاتل فرق الليق في ذلك الوقت.. و معاك المروم عمر إنجليزي
و شمعون و هاشم محمود الحارس الأسطوري و شقيقي السنتر هاف صانع الألعاب
عاصم نجيلة و المخضرم الزين هيبة.. ياحليلكم يا سامي..
أما الموردة فهي عطاء لا ينضب منذ عمر عثمان و عمر التوم و المحينة و الجاك عجب و صفيحة و ليمونة و نصر جبارة و أحمد سالم و أسماعيل دوكة و شقيقه عوض دوكة و نوح و أولاد العاتى التوم و عزالدين و عباس ثم المدفعجي
و أشوت زول مرة على السودان بشير عباس و اللذي أذاق الحارس التونسي عتوقة الأمرين وهو يحرز أولى أهداف العبور لنهائي أفريقيا عام 76 في إثيوبيا مجموعة درداوة.. والآن و بعد 35 عاما يعود السودان لنهائي كأس أفريقيا فسلامآ على الراحل المقيم المدرب الفذ منصور رمضان و الذي
أعد ذلك المنتخب بعد أن خلف المدرب اليوغسلافي العالمى يانكو والذي لأول
مرة إبتدع سياسة من هو الاعب الأقدر على تمثيل مركزه .. و لقد حازت الموردة أيام يانكو يقصب السبق ..فأختار يانكو من لاعبي فريق الموردة
عصبة و الصياد الفنان و الذي كتبت عنه صحف القاهرة حينماإنتقل من الموردة لنادي الزمالك و شارك في أول مباراة له ضد الأهلى ( الصياد إصطاد الأهلى بثلاثية أفريقية كبرى} .. فالصياد صانع ألعاب فريق الموردة و الحريف الرشيق هو صانع ألعاب الفريق القومي السودانى و معه هداف الثوانى الأخيرة شرحبيل و الذي صرع أندية القمة في أوخر الثواني;;
أواصل...!
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: malamih)
|
إختار يانكو من الموردة آنذاك و هو مدرب الفريق القومى السوداني
اليوغسلافي .. لاعبي الموردة و هم عبد المنعم عصبة و الصياد و المدفعجي
بشير عباس والمدافع عصام باسطة وحارس المرمى العملاق عوض دوكة و جعلهم
أساسيين في الفريق القومى السوداني بجانب لاعبي الهلال و المريخ مثل الرمح الملتهب الشفيف و هداف الفريق القومى آنذاك على قاقرين و معه الدحيش و خضر الكوري و من نادي العامل حافظ عبيد و الذي إنتقل للهلال آنذاك .. و من التحرير حسن تشتش و قرن شطة و الحارس العملاق عبد الحميد
كباشي و من بري نجم الوسط عبد الكافي و الحارس النور و المهاجم سليمان
أبو النور و من الأهلى إختار المدافع السر الجمل و نجم الوسط عصام مجدوب
و من النيل إختار نجم نجوم الوسط آنذاك شرف الدين موسى و الحارس العملاق
عبده موسى و من المريخ إختار يانكو نجم الدفاع سليمان عبد القادر و فيصل
كورى شقيق نجم الدفاع الهلالي خضر الكورى و من الوسط إختار عمر و بشارة كابتن فريق المريخ و كابتن الفريق القومى السودانى آنذاك و إيضآ المدفعجي الفاضل سانتو و د الكرة السودانية كمال عبد الوهاب و إختار إيضا من المريخ نجم الهجوم المريخي معتصم حموري/ أواصل
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: علاء الدين حيموره)
|
الاخ علاء
والاخوة الحيموراب( أحبابنا أهل الهوي)
أها شوفوني موش أوجه من قريبكم
ويالمناسبة هو أقرب لي منكم
يس قول ليهو الزول ده أمه بت أحمدونا وزح بعيد
مزمل تجمعنا به أشياء عديدة
ويبعدنا عنه كرهه للهلال
يملك مقومات أن يكون أحسن صحفي رياضي -ليس في السودان( حيث الصحافة مهنة من لا مهنة له)
ولكن في أي مكان في الدنيا ... ولكنه رضي أن يكون صحفيا للمريخ فقط...
حدثني صحفي مصري ألتقيته في أبوظبى و سألته عن الصحفيين الرياصيين السودانين.. قال (لي هو واحد.. مفيش غيرو ..مزمل)
بيني وبينك اتغظتا منو عشان أنا جني وجن نجاح المريخاب... لكن تبقي الحقيقة
يتمتع بكل مقومات الصحفي الممتاز ولكن...أختار أن يعادي 90% من الشعب السودانى
يمكن مع المتوالية الخامسة يآمن ...
لو كتب بنفس الروح والحياد لمن كان في أخبار العرب ... نضمن له امارة الصحافة الرياضية السودانية ولكن....
لولا المشقة لساد الناس كلهم
وعموما مرحبا به أخ عزيز
| |
|
|
|
|
|
|
|
|
|
Re: رحبوا معي بعودة الصحفي مزمل ابو القاسم للمنبر .. (Re: علاء الدين حيموره)
|
ملامح
malamih
حديثك شجي.
أنا سامي عبد الوهاب مكي كما هو واضح من الاسم في امشاركات..مابعيد منكم ((الركابية ومكي)) ولكن احب الموردة لان الاصل حب الامدرماني للموردة لان الموردة هي قلب امدرمان الذي نبض بفنها ورياضتها وفكاهتها وشفتنتها وكرمها ومسكنتها!!
أحب الموردة الفريق والبحر الغريق!!
ابداً اسم على اسم بس اتشرف بالمقارنة!!
برضو بجيك!
حتى تاج السر الهسي نحن وهو بنتخانق في الكورة ديل لان امدرمان عجيبة لقينا انو في حاجات كتيرة تخلينا مجبورين على بعض جد جد يعني نختلف في اراء وبس.
| |
|
|
|
|
|
|
|
| |
علاء الدين حيموره
غباشي
يسرى معتصم
نادر الفضلى
نصار
ثابت محمد
salma subhi
ابو عثمان
اساسي
السمؤال بدرالدين
على محمد على بشير
معتصم دفع الله
MOHAMED EL-BEELI
انعام حيمورة
شهاب الفاتح عثمان
الطيب شيقوق
omer abdelsalam
keiga2000
Alsa7afa_30
hajhamad
mohanad haimoura
abuguta
Ahmed musa
نيازي مصطفى
ebrahim_ali
essam&amal
منتصر الامين
عبد اللطيف عبد الحفيظ حمد
sheba
Elmosley
ALGARADABI
غادة عبدالعزيز خالد
فيس بوك
تويتر
انستقرام
يوتيوب
بنتيريست