|
|
 جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت حجر
|
فى موضوع شاغلنى شديد مما رجعت للسودان نهائى كل يوم اكون مستاءة اكتر من اليوم القبلو , ولما طرحت الموضوع ده مع اخواتى وصديقاتى ما قدرت اصدق الكلام السمعتو وكان مفاجأة بالنسبة لى وقررت ان اشرككم .
كل ما اكتبة هنا حصل لى انا شخصيا او حصل لواحدة من اخواتى عشان ما تتخيلوا انى سمعت مجرد حكاوى فيها شىء من المبالغة او الخيال .
نحن ليه لما يتوفى لينا انسان عزيز نبدأ بالثكلى والعويل والبكاء باعلى صوت والوصف على الميت بطريقة هستيرية وجرى وراء الجثمان و و و .
وبعد ان يذهب الرجال للمقابر او قبل ذهابهم فى اغلب الاحيان .
الخرفان ,,, نجيب كم خروف نعمل شنو ؟؟
الفطور :
فول , طعمية , سلطة , جبنة , زيتون , وطحنية
تجى واحدة من ناس البيت تقول ليك ليه عاوزين تضحكوا فينا الناس وين الشية او الدمعة ولازم الزيتون يكون يونانى الحاجات دى كلها مهمة فى الفطور .
الغداء :
ملاح مفروك , طبيخين , رز او مكرونة , محشى , كمونية , سلطة خضراء سلطة اسود , صينية خضار مشكل ,
العشاء :
فول , طعمية , جبنة , زبادى .
ما تنسوا يتخلل ذلك كميات مهولة من الشاى والقهوة .
كميات من الثلج والموية الباردة خيالية .
والميت والله والله والله مافى زول بيتذكروا الناس كلها شغالها اكل وتحضير خايفين من شيل الحال والفضائح .
كل المناظر دى بعدها جابوا الغداء عاوزين زيادة شية عاوزين شطة وليمون عاوزين كسرة عاوزين وعاوزين لحدى المغرب .
والله هذه المناظر شاهدتها بام عينى .
فى وفاة والدى شفت العجائب ومنعتى والدتى ان اتكلم او اعترض على اى شىء لنى ضيفة حضرت للوفاة لمدة كم يوم وسكت مغلوبة على امرى وبعدها مريت بتجارب يشيب لها الراس
لسه جاياكم فى القصص الكبيرة .
يا جماعة ايدينا فى ايدين بعض ننتهى من هذه العادات السيئة وكل مجموعة من الاخوان من منطقة واحدة يتفقوا مع كبار العائلة يوحدوا الوجبة واعرف ناس عملوها وهم من الاثرياء جدا فى الغداء عملوا فتة مع رز والفطور سخينة والعشاء فول ليه ما نكون زيهم ليه نخلى زوجة الميت تدين عشان تكفى الناس ويتبوبروا اهلها بالاصناف والاشكال كما حكت لى صديقتى تسددفى ديون العزاء فى زوجها سنة كاملة .
وراجعة عشان اقول كلما عندى ان شاء الله
مودتى
ام وضاح
|
|
 
|
|
|
|
|
|
|
|
Re: جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت ح (Re: عبدالله الشقليني)
|
شكرا أم وضاح ..على طرح هذا الموضوع الحيوي..فللأسف الشديد
أصبح التفاخر ..والبوبار .. يعشش حتى في صالونات العزاء
...للأسف الشديد ... واصبح ..كلام الناس .. سلطة .. تسير
الكثير من الأمور في حياتنا العامة ..بل والخاصة في كثير من الأحيان..
أوفقك الرأي أن محاربة مثل هذه العادات الدخيلة .. يبدأ بالطرح العلني
والتناول الواعي .. لأضرارها..المادية ..بل واضرارها على تكوين الشخصية
القومية..لأجيالنا القادمة..بالطرح خلال المنابر الإعلامية والتعليمية ..
وفي داخل البيت الواحد .. وفي الحارة ومن ثم المعارضة العلنية والمقاطعة
بل والممارسة المضادة ..وإحياء القيم الأصيلة .. السمحة ..لتقود
عزم عقلناالجمعي .. في الإتجاه المعاكس...
هي رحلة طويلة للتغيير .. ولكنها تبدأ بخطوة...
الشكر مرة تانية ...
ودي وتقديري ...
| |
|
|
|
|
|
|
|
|
|
Re: جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت ح (Re: essam&amal)
|
أوفقك الرأي أن محاربة مثل هذه العادات الدخيلة .. يبدأ بالطرح العلني
والتناول الواعي .. لأضرارها..المادية ..بل واضرارها على تكوين الشخصية
القومية..لأجيالنا القادمة..بالطرح خلال المنابر الإعلامية والتعليمية ..
وفي داخل البيت الواحد .. وفي الحارة ومن ثم المعارضة العلنية والمقاطعة
بل والممارسة المضادة ..وإحياء القيم الأصيلة .. السمحة ..لتقود
عزم عقلناالجمعي .. في الإتجاه المعاكس...
هي رحلة طويلة للتغيير .. ولكنها تبدأ بخطوة...
ده كلام سمح شديد
يلا ايدى على ايدك وايد كل البورداب
تحياتى
ام وضاح
| |
|
|
|
|
|
|
|
|
|
Re: جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت ح (Re: essam&amal)
|
| Quote: يا جماعة ايدينا فى ايدين بعض ننتهى من هذه العادات السيئة وكل مجموعة من الاخوان من منطقة واحدة يتفقوا مع كبار العائلة يوحدوا الوجبة واعرف ناس عملوها وهم من الاثرياء جدا فى الغداء عملوا فتة مع رز والفطور سخينة والعشاء فول ليه ما نكون زيهم ليه نخلى زوجة الميت تدين عشان تكفى الناس ويتبوبروا اهلها بالاصناف والاشكال كما حكت لى صديقتى تسددفى ديون العزاء فى زوجها سنة كاملة . |
التحية والإحترام لك أختي أم وضاح
تستعد الناس عادة للزواج ولكل مناسباتهم السعيدة ويحددون عدد معازيمهم ويكون لهم الوقت الكافي لتدبير أمورهم بما في ذلك تضافر أفراد الأسرة في النفقات يتم تحديد مواعيد الزواج بعد إكتمال كل هذه الترتيبات . أما الموت فإنه لا يستأذن أحد وجرت الحكمة الربانية الأزلية ألا يعرف توقيته أحد وجرت العادات الإجتماعية ألا يعرف الإنسان عدد المعزين ولا في أى وقت سوف يأتون للعزاء . من هنا تأتي أهمية دعوتك الصادقة الواعية .أهل الميت يكفيهم ما هم فيه من فاجعة فلا يجب تزويدها بحمل هم نفقات فوق طاقتهم ، لمنظمات المجتمع المدني وللمثقفين والمثقفات دور كبير في التصدي لمحاربة هذه الظاهرة .
معك نتابع أختنا العزيزة أم وضاح
| |
|
|
|
|
|
|
|
|
|
Re: جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت ح (Re: عاطف عمر)
|
الاخ عاطف عمر
دى قضية اجتماعية مهمة شديد ولازم نناقشها بالتفصيل غير النواحى المادية
النواحى الاجتماعية والقيم بتاعتنا وحوبتنا وقت الحارة دى كلها مافى وفى كل المجتمعات وكل الاسر بدون فرز .
توفى صلاح ابن اختى الهام غرقا قبل سنتين وهو شاب فى العشرين طالب بجامعة الرباط اعطتنى زوجة اخى ورقة بها ارقام موبايلات وقالت لى ليكم فترة طويلة برة البلد دى ارقام الطباخين ونسوان الفطور وواحد لشاى الرجال ودى واحدة لشاى النساء وديل لغسيل العدة اتنين بجوا مع بعض . والله ذهلت اخى عاطف لانى لما سافرت من السودان بعد زواجى خليت السودان ده بيخيرو كل الحاجات دى بعملوها الاهل كنا بنقيف للشاى بالساعات وامهاتنا بتشاكلوا فى الطبيخ وبعملوهو بالحلل القيزان والعدة بالدور دى تقوم ودى تقعد بالشكل والزعل لو الواحدة ما عملت حاجة .
ليه نكلف الناس فوق طاقتهم بالتقليد والمحاكاه .
حكت لى صديقتى فى وفاة امها اول يوم كانوا نايميين معاها ثلاثة وتسعين امرأة لما جارهم اداهم بيتوا ونايميين فى الارض بدون مراتب ولا مخدات متوسدين ايديهم .
لماذا كل هذا ؟؟؟؟؟؟؟؟؟
ام وضاح
| |
|
|
|
|
|
|
|
|
|
Re: جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت ح (Re: فيصل نوبي)
|
نسأل الله المغفرة و الرحمة و ندعوه بالهداية لنا و لاهلنا..
اللهم آمين
اخى فيصل والله مهما حكيت لا يمكن ان تتخيل ماذا يجرى فى بيوت العزاء
كل البيوت تتقفل والاطفال يلبسوهم الجيران للمدارس هل يعقل يا ناس ؟؟
عاشرت اكتر من عشرون جنسية اثناء عملى ببلدية ابو ظبى لمدة اتنين وعشرون عاما
من مسلمين ومسيحين من عرب وهنود وباكستان وانجليز وكل ما يخطر على بالكم من الجاليات المتواجدة فى الخليج مافى غير السودانيين بتكسروا بالايام عند العزاء حتى فى الغربة بنفس عاداتهم السيئة كل الجنسيات العزاء من الساعة الخامسة الى الساعة الثامنة مساء ولو جابوا ليك شاى كتر خيرهم اشمعنى نحن الدايما متاخرين عن الركب .
ام وضاح
| |
|
|
|
|
|
|
|
|
|
Re: جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت ح (Re: essam&amal)
|
أم وضاح
كيف حالك
هنالك الكثير من العادات القبيحة والمفروض محاربتها بأي شكل ، والمسألة بتاعت غداء وعشاء بيت العزاء استمرت وصارت عبئاً على أهل الميت بعدما كان الجيران هم من يقوموا بعمل الغداء في بيوتهم دون تكليف أهل الميت هذا العناء ، وبعدين بقوا يعملوا نايمين للظروف الاقتصادية الراهنة .
يا جماعه لمتين نحن نفرش بالايام ؟؟؟
نعم الميت بيعز على أهله ويكون فقده صعباً ، والرسول (ص) عظم ليلة الفراق ، أها باقي الايام فوق كم
أتفق معك أم وضاح
عادل التجاني
| |
|
|
|
|
|
|
|
|
|
Re: جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت ح (Re: essam&amal)
|
يا جماعه لمتين نحن نفرش بالايام ؟؟؟
نعم الميت بيعز على أهله ويكون فقده صعباً ، والرسول (ص) عظم ليلة الفراق ، أها باقي الايام فوق كم
هذا هو السؤال اخى عادل التجانى
حكاية الغداء لبيت البكاء دى قيم انتهت زمان واجيران ما بقدروا على المظاهر .
انتهينا من مظاهر الاكل نجى لمظاهر التياب .
الواحدة تقول ليك عاوزة اشترى لى تياب اجهزهم نسيبى تعبان لازم اكون لابسة تياب سمحة جديدة والله هذا الحديث سمعتو بنفسى فى المستشفى بين اتنين بتكلوا وقلت ليها حسبى الله ونعم الوكيل خلاص على الدنيا السلام .
يا جماعة نحن فى حوجة لصحوة حقيقية .
لماذا نصرف الملايين فى العزاء لماذا ؟؟
ميتة وخراب ديار ,,,,,,,,,
ام وضاح
| |
|
|
|
|
|
|
|
|
|
Re: جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت ح (Re: عبد الدائم سيد أحمد)
|
العزيزه ام وضاح
تحياتى الغاليه
فعلا اخترتى موضوع مهم ولكن كيف التخلص من تلك العادات الاجتماعيه السيئه.. انا مايلفت نظرى هو النساء عندما يردن الذهاب لاى عزاء تجد الواحده تمشى الحنانه وترسم واخر مكياج وتلبس كل مالديها من حلى وتحمل معها موبايل اخر صيحه حتى لو تستعير كل تلك الاشياء المهم تظهر وتقشر وتعزى وترجع..
يذكرنى موقف حدث لنسابتى عندما توفى والد زوجتى عليه الرحمه حضر البهم بعض اقاربهم من الدويم للعزاء ولم يتركوا ذهبا او حلى لم يرتدوها نساؤهم وكانت المسأله واضحه وفيها نوع من الفشخره والمفاخره ولم تعجب هذه الحركات اهل زوجتى.. فحدث ان توفى لاهل زوجتى هؤلاء احد افراد اسرتهم بالدويم.. فلبست الاسره كل مالديها من حلى والغريب كانت احداهم حامل واياديها متورمه ولم تستطيع لبس الاساور لانها ضاقت فالبسوها لها بالقوه كل ذلك من اجل المظاهر طبعا..
اتمنى ان ننظر لهذه العادات الضاره ونقلع عنها.. وشكرى الجميل لهذا البوست المميز
| |
|
|
|
|
|
|
|
|
|
Re: جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت ح (Re: عبد الدائم سيد أحمد)
|
والتانية يا ام وضاح
تحكى ليى شقيقتى الكبرى انو فلانة وفلانة عندما يذهبوا
لاي عزاء يشيلوا معاهم فى شنطة اليد المعلقة وشوية
شطة وملح ، واذا المغرب ما جابوا ليهم شاى اللبن بالكباية
الكبيرة تعالى شوفى شيل الحس .
والله الشطة والليمون انا شخصيا فى وفاة والدى الضغط بتاعى وصل 170/100 فى خمسة دقائق ومكثت فى المستشفى ثلاثة ايام من الزعل وما قادرة اتكلم الشطة بالكورة الكبيرة وبوزعوها فى الصحون الصغيرة واللبن والله العلبة الكبيرة بس شاى الصباح والمغرب والكبابى اكبر مقاس والقهوة بالكبابى .
والله يا اخى عبد الدايم اختك ما قالت الا الحق ميتة وخراب ديار .
والله اعرف صديقات صارت عندهم ديون بالملايين من الاكل فى البكاء بتاعهم .
يلا معا لمحاربت هذه العادات .
تحياتى وتسلم
ام وضاح
| |
|
|
|
|
|
|
|
|
|
Re: جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت ح (Re: essam&amal)
|
الحبيبة أم وضًاح..
سلامات ومحبات..
أغرب تعليق سمعته من قريبتي الأخذتني معاها لتقديم عزاء في زوج قريبتنا. قالت لي: أحلى كبدة ممكن تاكليها بتاعت بيت البكا!!
وما أخفي عليك سر. مشينا بعد الفطور وأصر أهل البيت على تقديم الفطور لبت علوية الجاية من بعيد.. أها خليت بالي من الكبدة.. وما لقيت الكبدة براها. كل الأكل معمول بإخلاص ونفس حلو.. سبحان الله. بعني الناس بتفصل بجد ما بين المناسبة والأكل بتاعها!!
..
قبل ما أمشي:
في رمضان الفات فقدنا بت خالتنا الزهرة الجميلة "ندى أحمد نجيب". حضرت من نيالا حوالي الساعة 2 ظهرا. وطبعا كنت في مطار نيالا من 6 صباحا. ووصلت وعزيت وعزيت وما كفًيت "ندى" الكانت بتشتغل معاي في نيالا في منظمة الصحة العالمية، وجات الخرطوم لإجازة أسبوع ماتت فيهو.
لما جا وكت الفطور فوجئت بما لذ وطاب من الطعام. كسرة وعصيدة و3 ملاحات، وشية جمر وشية صاج، وكبده وفول بزيت السمسم وجبنة. وحاجات تانية ملت صينية إتخيل لي إن نص قطرها 100 سم. زائدا العصائر والمشروبات
كنت جعانة موت. وقعدت عشان آكل أول زاد لي من الصباح. وكانت معاي في الصينية بنات خالاتي أخوات ندى وصديقتها القريبة الكانت عندها مواعيد مع ندى فجات لقتها ماتت!
بدينا الأكل. لاحظت إن الصديقة ما بتاكل. وقدر ما يخسموها تقطع بس حتة رغيفة. قمت سألتها براحة لأنها كانت جنبي. قالت لي: الأكل ده إحتفال بموت ندى. آكله كيف؟ أنا حزينة ما مبوسطة بموت صديقتي. فورا إتوقفت عن الأكل. لأن كلماتها حقيقة.
كيف نحتفل بموت أحبابنا..؟
شكرا ليك وإنت بتحاولي تصححي العادات القبيحة البقت أقوى من الحق
ودي
| |
|
|
|
|
|
|
|
|
|
Re: جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت ح (Re: essam&amal)
|
ضحية الظريف
انت كتبت :
مايلفت نظرى هو النساء عندما يردن الذهاب لاى عزاء تجد الواحده تمشى الحنانه وترسم واخر مكياج وتلبس كل مالديها من حلى وتحمل معها موبايل اخر صيحه حتى لو تستعير كل تلك الاشياء المهم تظهر وتقشر وتعزى وترجع..
فى الخرطوم فى يا ضحية حنانة اسمها سامية تخصص حنة بتاعت بكاء ولو عاوزين تلفونها برضو ممكن اكتبوا ليكم سألتها باستغراب شديد لماذا تقبلى انك تتصل عليك واحدة وتقول ليك عندنا زول محتضر او مات تعالى بسرعة ليه تقبلى وضع زى ده قالت لى تلفونات الموت كلها بعد الساعة واحدة صباحا وحنتها غالية شديد وانا محتاجة لقروش بمشى فى اى وقت .
العيب ما على الحنانة العيب على مستوى فهم النساء المتعلمات والمثقفات البعملوا كده .
الموبايلات عادى والدهب بستلفوهو لبيت البكاء .
الحل شنو ؟؟؟؟؟؟؟؟؟؟؟
نبدأ من وين ؟؟؟؟؟؟؟؟
تحياتى
ام وضاح
| |
|
|
|
|
|
|
|
|
|
Re: جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت ح (Re: essam&amal)
|
نسيت ان اخبرك اخى عبد الدايم
رجعوا الرجال من المقابر وناس البكاء محضرين ليهم الكركدى بالجرادل
وحضرت زوجة اخيهم وقالت ليهم انتوا من زمن الكركدى عاوزين اهلى يضحكوا على ويقولوا لى نسابتك متخلفين انا جبت كرتونة تانك كبيرة للعصير .
وفعلا والله التانك طلع بالجرادل .
ولاحظت كل الاسر الكبيرة و بالواضح المرتاحة شديد بعملوا التانك للرجال لما يرجعوا من المقابر .
طبعا كلوا تقليد انت اعمل حاجة وبكرة كل الشعب السودانى وراك
والحمد لله على هذه الابتلاءات .
ام وضاح
| |
|
|
|
|
|
|
|
|
|
Re: جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت ح (Re: essam&amal)
|
امال يا غالية
دي مشاركتي الفوق مرة تانية
ما عارفة الحاصل شنو ما قدرتي تشوفيها
Quote: الحبيبة أم وضًاح..
سلامات ومحبات..
أغرب تعليق سمعته من قريبتي الأخذتني معاها لتقديم عزاء في زوج قريبتنا. قالت لي: أحلى كبدة ممكن تاكليها بتاعت بيت البكا!!
وما أخفي عليك سر. مشينا بعد الفطور وأصر أهل البيت على تقديم الفطور لبت علوية الجاية من بعيد.. أها خليت بالي من الكبدة.. وما لقيت الكبدة براها. كل الأكل معمول بإخلاص ونفس حلو.. سبحان الله. بعني الناس بتفصل بجد ما بين المناسبة والأكل بتاعها!!
..
قبل ما أمشي:
في رمضان الفات فقدنا بت خالتنا الزهرة الجميلة "ندى أحمد نجيب". حضرت من نيالا حوالي الساعة 2 ظهرا. وطبعا كنت في مطار نيالا من 6 صباحا. ووصلت وعزيت وعزيت وما كفًيت "ندى" الكانت بتشتغل معاي في نيالا في منظمة الصحة العالمية، وجات الخرطوم لإجازة أسبوع ماتت فيهو.
لما جا وكت الفطور فوجئت بما لذ وطاب من الطعام. كسرة وعصيدة و3 ملاحات، وشية جمر وشية صاج، وكبده وفول بزيت السمسم وجبنة. وحاجات تانية ملت صينية إتخيل لي إن نص قطرها 100 سم. زائدا العصائر والمشروبات
كنت جعانة موت. وقعدت عشان آكل أول زاد لي من الصباح. وكانت معاي في الصينية بنات خالاتي أخوات ندى وصديقتها القريبة الكانت عندها مواعيد مع ندى فجات لقتها ماتت!
بدينا الأكل. لاحظت إن الصديقة ما بتاكل. وقدر ما يخسموها تقطع بس حتة رغيفة. قمت سألتها براحة لأنها كانت جنبي. قالت لي: الأكل ده إحتفال بموت ندى. آكله كيف؟ أنا حزينة ما مبوسطة بموت صديقتي. فورا إتوقفت عن الأكل. لأن كلماتها حقيقة.
كيف نحتفل بموت أحبابنا..؟
شكرا ليك وإنت بتحاولي تصححي العادات القبيحة البقت أقوى من الحق
ودي |
| |
|
|
|
|
|
|
|
|
|
Re: جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت ح (Re: essam&amal)
|
Quote: ...للأسف الشديد ... واصبح ..كلام الناس .. سلطة .. تسير
الكثير من الأمور في حياتنا العامة ..بل والخاصة في كثير من الأحيان..
أوفقك الرأي أن محاربة مثل هذه العادات الدخيلة .. يبدأ بالطرح العلني
والتناول الواعي .. لأضرارها..المادية ..بل واضرارها على تكوين الشخصية
القومية..لأجيالنا القادمة..بالطرح خلال المنابر الإعلامية والتعليمية ..
وفي داخل البيت الواحد .. وفي الحارة ومن ثم المعارضة العلنية والمقاطعة
بل والممارسة المضادة ..وإحياء القيم الأصيلة .. السمحة ..لتقود
عزم عقلناالجمعي .. في الإتجاه المعاكس...
هي رحلة طويلة للتغيير .. ولكنها تبدأ بخطوة...
|
| |
|
|
|
|
|
|
|
|
|
Re: جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت ح (Re: essam&amal)
|
ياجماعة إنتو البكيات البتتكلموا عنها دي وين كبدة وشية وشربات ودلفري وفراخ ناسيين فيهو الملح وطباخين وزيتون كمان .
نحنا من ما قمنا وعرفنا بيوت العزا الواحد لما يقولوا ليهو إنو فلان في الحلة إتوفى طوالي على المقابر وبعدين أبوك في بيت البكا يرسلك تمشي تجيب صينية الفطور وترجع صينية الفطور والغدا والعشا ولما كبرنا شوية بقى العزاء فطور وغدا وبعد صلاة المغرب يرفع الفراش .
لكن جنس حاجاتكم دي ما سمعنا بيها .
على فكرة الكلام البتكلم عنو ده في أمبده والكلاكلات والحاج يوسف يمكن إختلاف الجغرافيا بيخلي العادات ت تختلف
| |
|
|
|
|
|
|
|
|
|
Re: جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت ح (Re: essam&amal)
|
Quote: لما جا وكت الفطور فوجئت بما لذ وطاب من الطعام. كسرة وعصيدة و3 ملاحات، وشية جمر وشية صاج، وكبده وفول بزيت السمسم وجبنة. وحاجات تانية ملت صينية إتخيل لي إن نص قطرها 100 سم. زائدا العصائر والمشروبات
|
رجاء سلامات يا غالية
اما فى رمضان حدث ولا حرج
العصائر اربعة او خمسة انواع الاكل والله كل ما يخطر على بالك .
وزى موضوع صديقة بت خالتك دى انا صديقتى لما حلفو عليها ومشت للصينية توقفت فجأة وبكت شديد لما هدأت قالت ليهم باين على دخلت غلط انا ماشة لبكاء ما لعرس وطلعت على طول .
يا رجاء الموضوع بحق مشكلة كبيرة وعاوزين نحلها ونبدأ بانفسنا .
تحياتى
ام وضاح
| |
|
|
|
|
|
|
|
|
|
Re: جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت ح (Re: essam&amal)
|
والله يا نزار كل ما كتب هنا حقيقة
البكاء بقى عرض للاكل والحنة والثياب المطرزة والدهب اقرا كلام ضحية عن الدهب .
اسرة بابكر بدرى عاملة نظام ينتهى العزاء بالمقاير .
ودى خطوة جميلة جدا وعشان نعرف اثر التعليم ودايما آل بدرى سباقين للانتهاء من كل العادات الضارة فى السودان ندوات شهرية للانتهاء من عادة الختان والزواج المكلف والان العزاء ينتهى بالمقابر .
فعلا التعليم له اثر كبير
والجهل مصيبة
رحم الله بابكر بدرى رائد تعليم المراة وهاهم احفادة يناشدون للانتهاء من العادات الضارة ,,,,,,,,,
لهم التحية
ام وضاح
| |
|
|
|
|
|
|
|
|
|
Re: جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت ح (Re: essam&amal)
|
أم وضاح سلامات
بعض المجتمعات ومن بينها المجتمع النوبي الذي أنتمي له والعديد من المجتمعات الأخرى التي نشاطرهاأتراحها وأفراحها أصبحت تضع بعض المحاذير في مثل هذه المناسبات ومنها تحديدا نوعية الطعام الذي يقدم في مثل هذه المناسبات الحزينة ونجد أن طبقة فتة الرز طبق أساسي في وجبة الغداء وهي الوجبة الأساسية في بيوت العزاء لأن الجميع يحضر للعزاء بعد قضاء أعمالهم ومع صلاة المغرب يرفع الفراش وهناك بعض المجتمعات الملتزمة ينتهي العزاء بإنتهاء مراسم الدفن .
لا ننكر انا هناك بعض العادات التي يجب محاربتها ولكن حرام أن نعمم الموضوع في حين أن الغالبية لا تفعل مثل هذه الأشياء وما زلت أصر أنه ربما للجغرافيا دور في إختلاف العادات
مودتي
| |
|
|
|
|
|
|
|
|
|
Re: جيبوا الخرفان والشية تكون كتير ة والشطة والليمون وصوانى الفرن والله السودانيين قلوبهم بقت ح (Re: essam&amal)
|
الاخ عاطف
شكرا للمتابعة .
كنت فى عزاء اليوم بالمهندسين بام درمان ما شاء الله بدون تعليق .
ولكن طرح موضوع البوست هذا فى العزاء وانو موضوع مهم ويجب طرحه فى الصحف لان النت ما كل الناس متابعاهو واخبرتنى صديقة انها سوف تحضر لى قصاصة من جريدة يومية من اكبر الصحف والكاتب من الكتاب المرموقين جدا نشر قبل فترة موضوع يقشعر له البدن .
هذا الصحفى كان بالمستشفى والد صديقه محتضر وحضرت ابنة الرجل المحتضر فى اكمل زينتها ومجوهراتها ودخلت فى نقاش انو ابوها لازم يسفروهو لندن واخوانها رفضوا بشدة وقالوا هذه اوامر الطبيب وتحت اصرارها الشديد سالها اخوها الدكتور قال ابوى ما بعيش اكتر من يومين وهو ميت سريريا قالت ليهو عشان كدة انا مصرة ابو محاسن احسن من ابوى ماسكانا سنة كاملة صاحباتى قالوا لى من قالوا توفى بالاردن طوالى جرينا على الراديو عشان كدة ابوى لازم يذيعوهو بلندن شوف لما يقولوا ايها السادة توفى بلندن زى لما يقولو توفى بالخرطوم وغضب اخوها وخلاها فى المستشفى وتوفى الرجل بعد خمسة دقائق فقط .
رايكم شنو يا جماعة لما وصل اليه الحال ؟؟؟؟؟؟؟؟؟؟؟؟؟؟؟؟؟
تحياتىام وضاح
| |
|
|
|
|
|
|
| |
essam&amal
عبدالله الشقليني
ibrahim fadlalla
عاطف عمر
فيصل نوبي
عادل التجانى
omar altom
عبد الدائم سيد أحمد
ضحيه ابراهيم
Raja
Adam D.El-Asha
فيس بوك
تويتر
انستقرام
يوتيوب
بنتيريست