|
لــون المـوت
|
لون الموت
نعم للموت لون رايته وتمعنت فيه اليوم لمدة عشرة دقائق.. تذكرت بوست للجندرية الان كانت قد وصفت فيه لحظات غرق امتدت للحظات ووصفها للون الموت حينذاك كان ذو الوان فرايحية وجميلة ان لم تخني الذاكرة اما موتي اليوم فقد كان لونه اصفر صخري جاف وكئيب .. اصعب احساس ان تحس ان لاحولة لك ولا قوة ولاتستطيع ان تنفع نفسك او تمنع منها ضرر وشيك, وعبارات نرددها بصورة الية ويكون غرضها مجاملة او فض حديث مثل والله انكتب ليه عمر جديد, وكله مكتوب ومسطر, وعمر الشقي بقي, واديني عمر وارميني البحر, كل هذة العبارات تعرفت تماما على معناهاوقيمتها في العشرة دقايق المشهودة.
... حا اواصل عشان اتخلص من خوفة دخلتني
|
|
|
|
|
|
|
|
Re: لــون المـوت (Re: kamalabas)
|
Quote: حا اواصل عشان اتخلص من خوفة دخلتني |
ماقلتو نوبة! والله يا رووية ألف ألف حمدلله على السلامة وسحروك المابشبهوك
| |
|
|
|
|
|
|
Re: لــون المـوت (Re: Rawia)
|
Quote: والله انكتب ليه عمر جديد, وكله مكتوب ومسطر, وعمر الشقي بقي, واديني عمر وارميني البحر, كل هذة العبارات تعرفت تماما على معناهاوقيمتها في العشرة دقايق المشهودة. |
راويه سلامات... وكيفك ان شاء الله كلو تمام الآن...
كدي ابدي لينا فلاش باك ... كيف انتي هسه واحوالك شنو بعد داك خشي في تفاصيل القصة
و1000 حمد لله علي السلامة,,,
| |
|
|
|
|
|
|
Re: لــون المـوت (Re: Marouf Sanad)
|
العزيز الغالي معروف
الله يسلمك ويسلم كل المعاك
عندنا شغلانة حداكم قريب المرة دي لابدن نتلاقى... بنجي بي عربيتنا مخصوص تجنبن لمشاكل المرة الفاتت
ولغاية مانتلاقى كل الود
| |
|
|
|
|
|
|
Re: لــون المـوت (Re: Ehab Eltayeb)
|
ايهاب العريس.... عريس السرور
فلاش باك مين ياعم والله انا الدخلت فيني.... ياريت لو بقدر احكي كله الواحد يتمنى يمتد بيهو العمر لغاية مايقدر يسطر التجربة دي كلها لانها فعلا مثيرة ... مثيرة جدا وغنية(حلوين البوقين ديل على نحوي شديد مش؟؟) المهم الحمدلله الواحد لسة نفسه طالع ونازل نتوقع منكم تواصل
| |
|
|
|
|
|
|
Re: لــون المـوت (Re: Anwar Ahmed)
|
بطلي الحندكة يا راوية ..
دخلينا فيلم الآكشن ده .. و سريع سريع . الواحد ميتان من الأخبار المكرورة و بايته و حمضت . خليك حريفة كده بالله و أحكي لينا عن الشنكبات و العضلات التبش المرقتك من لون الموت .
لون الموت صنّننننننننننة كبيرة و طويييييييييلة .. و ريحة جديدة في الخياشيم .. أظنو . يللا ..
| |
|
|
|
|
|
|
Re: لــون المـوت (Re: Rawia)
|
راوية الغالية تحيات ومحبة نعم نحس في أوقات كثيرة بضعفنا وقلة حيلتنا المهم أنك بخير والأهم أنك هنا تحكي لنا ، حميمية الحكاوى ، تلقائية الردود كوني دوماً بألف بخير
| |
|
|
|
|
|
|
Re: لــون المـوت (Re: Rawia)
|
تبري وتستبري يا ست البنات "الموت" قيمة اعتبارية ممكن فراق ممكن يكون نهاية وفي كثير أحيان ... بوابة بدايات ...
كل الود والدعوات
| |
|
|
|
|
|
|
إنتي برية.. (Re: Rawia)
|
راوية حبيبتي..
ألف حمد لله على السلامة
لون الموت شفته في "كورتيب" في شرق السودان.. عام 1999. وصلنا لحظة وصول الجرحى والقتلى من معركة كانت بين قوات التجمع الوطني (بقيادة الراحل المقيم سليمان ميلاد) وبين نظام الخرطوم.. ما كنت متخيلة أشوف لي زول ما ميت موت الله على مقربة مترين. شعور صادم وحزين لا زلت أتذكره حتى اللحظة. وبالرغم من كده. برضو تاني ما متخيلة أشوف زول ما ميت موت الله على بعد مترين..
ربي يرحم الماتو. ويحفظ الناجين
إتذكري دعاء أبوي "يا حافظ يا حفيظ"
.....
لا إله ‘لا الله.......................
| |
|
|
|
|
|
|
Re: إنتي برية.. (Re: Raja)
|
الأخت العزيزة راوية تحياتي و سلامات أنا زول سِنّة خشنة شوية عشان كدة ما بحب أخش البوستات الأنيقة الناعمة خوفاً من أن تتبعني بعض أدخنة المعارك فتجرفه عن مرماه الهادف. مررت علي هذا البوست و قرأته و قررت أن أقتحمه و أحييك و أحيي من خلالك العزيزة جداً رجاء العباسي. بالمناسبة يا راوية زميلي بعملي السابق في الرياض وهو مترجم إسمه معاذ الطريفي من السائلين عنكِ دوماً يقول أنه زميل دراسة ما قبل الجامعة تحياتي
| |
|
|
|
|
|
|
Re: إنتي برية.. (Re: علاء الدين يوسف علي محمد)
|
العزيز علاء الدين..
سلام وتحية
Quote: مررت علي هذا البوست و قرأته و قررت أن أقتحمه و أحييك و أحيي من خلالك العزيزة جداً رجاء العباسي. |
تسلم مليون على التحية.. وألف حمد لله على سلامة العودة.. وأعتذر بالغياب وعدم متابعة المنبر الفترة الفاتت..
تشكر تاني..
| |
|
|
|
|
|
|
Re: لــون المـوت (Re: Rawia)
|
سلامات يا بت يارايوة..
الموت يابتي جاييك جاييك
بس مسالة زمن واختيار
زمنك ماجا ولسع ما اختاروك
اتمني حسن الخاتمة او اتمني تحضري نفخة الصور..
| |
|
|
|
|
|
|
Re: لــون المـوت (Re: عاطف عمر)
|
العزيز عاطف والله ماخوفة بس بس كان لازم قعدة مع النفس عشان الموضوع جد اولا سعيدة بكل الاحباب واكتر سعيدة بدخول عزوزة والقلوب شواهد لانها فعلا في بالي زي ماقلت يا اسعد يابختي بالحب والناس ديل كلهم وولعنا لينا بخور تيمان
| |
|
|
|
|
|
|
Re: لــون المـوت (Re: Rawia)
|
ياراوية اولاً حمد لله سلامة العودة للبورد وسلامة العودة من طريق الالوان دي ما عارفة هل يقولوا حمد على السلامة ولا كفارة للزولة فيها شخصياً لو بضمن انه الموضوع بنفس سلاسة الغرق قبل كم وعشرين سنة كان مضيت غير اسفة ياختي هناك في الوان عجيبة تعالي احكي عن الاصفر ، ولشنو مابين الازرق والبنفسجي المضئي زي ما اتفق ناس معاي كتار في البوست داك ، على الفكرة البوست بتاع اخونا ياسر الشريف سلام ومحبة لك وله ولكل الاصدقاء والصديقات هنا
| |
|
|
|
|
|
|
Re: لــون المـوت (Re: الملك)
|
Quote (اهلا سالي ومبروك البنية والزواج سلام كتير ومودة نرسلها عبرك لدكتور حمودة ومأوى واخوانك كلهم علهم بخير)
شكرا لترحيبك راويه كلهم بخير والحمدلله وسلامتك من الموت حبيبه..الشر بره وبعيد...
| |
|
|
|
|
|
|
|