|
|
 إنتصر الهلال ... لكن ؟؟
|
تابعت مجريات المباراة
ولاحت فرص عديدة للترجي لتحقيق التعادل على أقل تقدير
في الهلال مشكلة:
1- تهديف/ هداف
2- روح قتالية
ونفصل:
بالنسبة للمشكلة الأولى ، مشكلة التهديف
-----------------------------------------------
- كان بإمكان الهلال حسم النتيجة من وقت مبكر وبعدد وافر من الأهداف أقلها خمسة
لو وجد الهداف النهاز للفرص
والقادر على التهديف في قلب المرمى
والذي بإمكانه قراءة مجريات المباراة
وإتخاذ الموقف الصحيح
والحلول :
لابد من البحث عن هدف يجيد الوصول للمرمى ومن مسافات بعيدة
وفي هذا الصدد أقترح مفاوضة هيثم طمبل لأنه الأقدر على الوصول للمرمى
ودفع أي مبلغ لتحفقيق ذلك
وعلى الهلالاب المساهمة في تكلفة إعادة طمبل
فالهلال يحتاجه جدآ كما تبين لي في مباراة الترجي وقبلها مباراة الأهلي
أو
لو كان ممكنآ إضافة لاعب للكشف والمشاركة
البحث في كل مكان في السودان ، حتى مستوى الروابط
عن هداف لديه حساسية الوصول للمرمى
بالنسبة للمشكلة الثانية / الروح القتالية :
---------------------------------------------
- لعلكم لاحظتم معي برودة خط الهجوم والوسط
أستثني من ذلك _ وبتحفظ- خط الدفاع
عند الهجمة لاتجد العدد الكافي من المهاجمين
حتى يترصد عدد منهم الأخطاء ، مثل أرجاع الكرة
لاحظت حالات عديدة كان في الإمكان إستثمار الأخطاء
لو وجد عدد من المهاجمين في المنطقة
هذه يمكن معالجتها عبر خطة تلزم المهاجمين وخط الوسط على الإندفاع ناحية منطقة العمليات
والتواجد بكثافة فيها
لاحظت فراغ في هذه المنظقة عند بناء الهجمات
- ولاحظت أيضآ عدم إهتمام الهجوم والوسط على العودة للخلف عند فقد الكرة
والرجوع للخلف مهم في هذه الحالات لسد الخانات والتكتل بما يمنع الخصم من إستثمار أي هجمة مرتدة
لو وجد للترجي الهداف ذي الحساسية لدخلنا في ورطة
أقلها تعادل
أن لم يكن هزيمة
كل الذي ذكرته أعلاه
يصلح في مباراة الأهلي التي خسرناها
بالخطة الدفاعية العقيمة
|
|
 
|
|
|
|
|
|
|
|
Re: إنتصر الهلال ... لكن ؟؟ (Re: أبو ساندرا)
|
ابوساندار ..
تحياتى ..
ياخوى انت كنت فاتح ياتو قناة ؟ ..تعرف الهلال دا قوتو كانت فى هجومو ..
وقلت الكلام دا للجماعة ..قلت ليهم زمان عندنا خالنا لما يجيب ليهو
لاعب لفريق الحلة (المشعل ) بقول لينا الزول دا مابعرف الا الله والقون ..
اها النيجريين ديل التقول ياهم القاصدهم خالى دا ..
ياخى النيجريين ديل من يمسكو الكورة دى بتوجهو دربهم على القون
عديل ..ونجحوا فى النهاية فى حسم المبارة لصالح الهلال ..وعلق المعلقون
بعد المبارة انو الهلال بمتلك اخطر خط هجوم فى البطولة ...يازول
قول كلام غير دا ..
سلامى للعيال وامهم ..وحال بيننا وبينكم الشديد القوى
| |
|
|
|
|
|
|
|
|
|
Re: إنتصر الهلال ... لكن ؟؟ (Re: أبو ساندرا)
|
بركات سلام
فقدت كثير من لياقتك الزهنية الرياضية
من كثرة ساسة يسوس
ومحتاج تمشى زى زمان لاستاد الهلال
ايام كنا بندافع عن ناغويرا لان نميرى طالب برحيله
واتهام بادى بتاع الصور لينا باننا مجرد شيوعيين من بيت المال
هل تدكر دلك
هل تدكر رئيس رايطة مشجعى نادى الهلال عندما التقى بنا بعد الانتفاضة
وقال هو برضو كان شيوعى والموضوع حربا لمايو ومن كل الاتجاهات
ايام لنا فيها زكريات رياضية جميلة
والهلال ياهو الهلال والمشكلة فى المريخ الدى سرق
| |
|
|
|
|
|
|
|
|
|
Re: إنتصر الهلال ... لكن ؟؟ (Re: رؤوف جميل)
|
| Quote: والمشكلة فى المريخ الدى سرق |
هوي يا هلالاب ... قولوا وحللوا وهللوا ... وزي ما عايزين ,
لكننا { المريخ } ... الذي تعلمون ... وكما جوع بطونكم ,
فنحن الذين نحدد سقف أفراحكم ومهبط أحزانكم ... فما تغلطوا .
أبوساندرا ... ليتك كنت مريخابيا ... لنعضد المشترك ... ومع
أنه { أحمر } ومشتعل ... يا خسارة البارود .
هنيئا ... لكل السودان إنتصار الهلال ... طالما لم يكن المهزوم
هو المريخ .
مع مودتي
| |
|
|
|
|
|
|
|
|
|
Re: إنتصر الهلال ... لكن ؟؟ (Re: أبو ساندرا)
|
كتب الحبيب محمد عبدالرحمن :
Quote: ياخوى انت كنت فاتح ياتو قناة ؟ ..تعرف الهلال دا قوتو كانت فى هجومو ..
وقلت الكلام دا للجماعة ..قلت ليهم زمان عندنا خالنا لما يجيب ليهو
لاعب لفريق الحلة (المشعل ) بقول لينا الزول دا مابعرف الا الله والقون ..
اها النيجريين ديل التقول ياهم القاصدهم خالى دا .. |
متفق معاك إنو هجوم الهلال كان كاسح
وان الأولاد النيجيريين مراوغين من الدرجة الأولى
وممكن يحاوروا الواحد في فنجان
لكن ، ماذا كانت نتيجة الهجوم الكاسح ؟
النتيجة المنطقية ، مفروض تسجيل عدد وافر من الأهداف
قياسآ على { قوتو في هجومو } بتاعتك دي
نعم الهجوم كاسح
لكن التهديف ضعيف
ودي النقطة التي أثرتها أنا
أزمة التهديف
طوال زمن المبارة لم يحدث تهديف قوي بين الخشبات ، في المرمى
التهديف القليل والنادر كان ميت / ضعيف وبعيد عن المرمى
قدوين نفسو لاحت له فرصة لاتضيع وأضاعها
ثم خط الهجوم كله كان متأخرآ عن الكرات المكوسة من الأجنحة
هذا حصل زهاء الخمس مرات
ناهيك عن التقدم من الخلف والوسط والإندفاع بسرعة ناحية المرمى
ثم تحس بهم زي الراسهم لفه
والكورة تضيع
يا محمد يا عبدالرحمن قلنا في مشكلة تهديف
ولولاها لكانت النتيجة المنطقية المتسقة مع الهجوم الكاسح
خمسة أهداف نظيفة ، على الأقل
| |
|
|
|
|
|
|
|
|
|
Re: إنتصر الهلال ... لكن ؟؟ (Re: أبو ساندرا)
|
لست ناقدا رياضيا ولكن لا اظن ان هذه العباره مكانها كره القدم
فهنالك تخطيط مسبق وحركه كل لاعب تكون مدروسه ومحسوبه بدقه
اما الاندفاع ( والقتال فى معركه ) كالذى تمارسه الفرق السودانيه دائما ما تكون نتيجته كارثه
هنالك تحرك سريع وانتشار سريع وحركه فى خانه و و و الكثير من اساليب اللعب الحديث
اما القتال والدفر والمكابسه فمكانها فى دافورى الحله
و
تحياتى
| |
|
|
|
|
|
|
|
|
|
Re: إنتصر الهلال ... لكن ؟؟ (Re: أبو ساندرا)
|
عزيزي ابوساندرا : ذي ماقالوا الاخوان خط الهجوم في الهلال هو الاقوي علي الاطلاق في البطولة ,, و طبيعي تضيع فرص في كرة القدم و المهم انك تستثمر واحدة و لا اتنين تحسم بيهم الماتش لانه الطولة دي دوري يعني الاهم النقاط... بعدين الاهداف,,, الهلال علي غير العادة كان فيهو شوية هرجلة سببها الاساسي الاصابة المبكرة لهيثم مصطفي و الكرت الاصفر المبكر ايضا لعلاء جبريل و الخوف من انه ياخد التاني و ينطرد ,, ولو رجعت للهدفين بتلقاهم من كور مشتتة من لاعبي الارتكار الاول دبل كيك من عمر بخيت و هو لم يري اين يقف كلتشي ,, لكن كلتشي الهداف الخطير قدر يصنع منها هدف و الثاني ايضا تشتيت من علاء يوسف انقض عليها قودوين كالصقر و جاب قوون الامان ... عشان كده حرام هجوم ذي ده يوصف بالضعف ,, و الهلال اذا محتاج لهيثم فهو يحتاج له كاحتياطي لثنائي الهجوم الصاقعة و انتظر شويو و اتفرج في صالح عبدالله و مبرووووووووووووووووووووووووووك لاهلي في القبيلة الزرقاء
| |
|
|
|
|
|
|
|
|
|
Re: إنتصر الهلال ... لكن ؟؟ (Re: أبو ساندرا)
|
كتب العزيز / رؤوف جميل :
Quote: ايام كنا بندافع عن ناغويرا لان نميرى طالب برحيله
واتهام بادى بتاع الصور لينا باننا مجرد شيوعيين من بيت المال
هل تدكر دلك
هل تدكر رئيس رايطة مشجعى نادى الهلال عندما التقى بنا بعد الانتفاضة
وقال هو برضو كان شيوعى والموضوع حربا لمايو ومن كل الاتجاهات
ايام لنا فيها زكريات رياضية جميلة
|
فعلآ إنها أيام رائعة تلك التي عشناها
كيف لي أن أنساها !
كان السفاح هايج ويعاونه السدنة من الكيزان
والجو كريه ، ونشرة الساعة تمانية تضج بالفضائح
والسياط تلهب ظهور الناس
والقطع من خلاف
والاعدام شنقآ
أيام إسلام الطواريء
كنا نقضي جزء كبير من اليوم في دار الرياضة أم درمان
نحضر كورة العصر ومساءآ في إستاد الهلال وتمارين ناغويرا
ومشاغباتنا مع الجمهور
وإغاظة مصطفى النقر
كنت عامل تأمين كويس يا رؤوف
طيب يا رؤوف ، قبل ماتحيلني للإستادات مرة أخرى لإستعادة لياقتي
وذهنيتي الرياضية ، كان تقول رأيك في النقاط التي أثرتها
يا رؤوف لو لم تعالج مشكلة التهديف حايخم الهلال ويصر
وتاني يرفع لينا الضغط والسكري
تحياتي لعصام ورشاد ووليد
ولمنال وعيالها
| |
|
|
|
|
|
|
|
|
 Re: إنتصر الهلال ... لكن ؟؟ (Re: أبو ساندرا)
|
| Quote: تعرف الهلال دا قوتو كانت فى هجومو . |
مبروك للسودان انتصار الهلال
النتيجه مهمه ومع نتيجه الاهلي المصري الفوز بادبيجان .الهلال ثاني المجموعه متدم بنقطتين
والامــل كبير بالتاهل ، دفاع الهلال كان جيد وهجومه نيران اخبرني ابو ساندرا كم كوره مريحه
قدمت للمهاجمين ربما واحده او اثنين ، الهدف الاول صناعه كلتشيه من اشباه الفرص ..
الهلال كان مرتبك في الشوط الاول ، الوسط حدث و لا حرج بعد خروج هيثم مصطفى ، الحارس غير ثابت
وحظه انه لم يجرب بكثافه. الترجى جيد في الوسط وبخلاف ذلك ضعيف .
الهلال سيودي افضل في المستقبل مع وجود نجم المورده السابق القادم للوسط ورجوع الحارس.
نجوميه المباراه رباعيه ، الثنائي النيجري و ريتشارد وكل المتعه كانت عمــر بخيت.
سودانـــــــــا فوق ...
| |
|
|
|
|
|
|
|
|
|
Re: إنتصر الهلال ... لكن ؟؟ (Re: أبو ساندرا)
|
كتب حيدر قاسم :
Quote: أبوساندرا ... ليتك كنت مريخابيا ... لنعضد المشترك ... ومع
أنه { أحمر } ومشتعل ... يا خسارة البارود .
|
تعرف يا حيدر
مع ميولي الحمراء المولعة
مابحب أحمر المريخ
وصفارو
ماقدرت أبدآ اتعاطف مع المريخ
فمافي طريقة للمشترك هذا
هلالابي للطيش
وبتعاطف مع الأهلي عشان الجوار
وأولاد الديم بيلعبوا هلال وأهلي
وزمان في الستينات كان مدرب الفريقين واحد
هو الكوتش جورج استاروستا
| |
|
|
|
|
|
|
|
|
|
Re: إنتصر الهلال ... لكن ؟؟ (Re: أبو ساندرا)
|
كتب يوسف الولي "
Quote: لست ناقدا رياضيا ولكن لا اظن ان هذه العباره مكانها كره القدم
فهنالك تخطيط مسبق وحركه كل لاعب تكون مدروسه ومحسوبه بدقه
اما الاندفاع ( والقتال فى معركه ) كالذى تمارسه الفرق السودانيه دائما ما تكون نتيجته كارثه
هنالك تحرك سريع وانتشار سريع وحركه فى خانه و و و الكثير من اساليب اللعب الحديث
اما القتال والدفر والمكابسه فمكانها فى دافورى الحله
و
تحياتى |
لم أقصد بالروح القتالية ، العك والجوطة والإنفعال
قصدت التحلي بالمسؤولية
وقد أوضحت ذلك في بعض النماذج التي ذكرتها
بتكون شاهدت يا يوسف منظر لاعبي الهلال عندما مرت بينهما تمريرة
فأعتمد كل منهما على الأخر لإستلامها ، فذهبت إلى الخصم
وبرضو بتكون لاحظت عدم إهتمام اللاعب بإسترداد الكرة التي قطعت منه
ممكن تعديل عبارة { الروح القتالية
بعبارة { روح المسؤولية }
شكرآ على المداخلة
| |
|
|
|
|
|
|
|
|
|
Re: إنتصر الهلال ... لكن ؟؟ (Re: أبو ساندرا)
|
كتب عبدالغفار محمد سعيد :
Quote: عزيزي ابوساندرا : ذي ماقالوا الاخوان خط الهجوم في الهلال هو الاقوي علي الاطلاق في البطولة ,,
و طبيعي تضيع فرص في كرة القدم و المهم انك تستثمر واحدة و لا اتنين تحسم بيهم الماتش لانه البطولة
دي دوري يعني الاهم النقاط... بعدين الاهداف |
أهلآ يا عبدالغفار
طيب الأهداف مش هي البتحسم نتيجة المباراة وتسجل النقاط
لايمكن الفصل بينهما
ثم ماذا يحدث عندما تتساوى النقاط
الا تكون الأهداف هي التي ترجح فريق على أخر ؟
ومن ناحية أخرى الفوز بفارق هدف - كحالنا أمس لفترة طويلة من زمن المباراة-
الا يغري الخصم على مضاعفة الجهد لتحقيق التعادل
فارق الهدف الواحد يجعل اللعيبة غير مطمئنين لإحتمال التعادل في أي لحظة
بل وإحتمال الهزيمة كمان
يعني تسجيلك لعدد وافر من الأهداف بيكون صمام أمان ليك
وبيجعل لعيبتك يلعبوا بهدوء وبدون شد عصبي
وبيحبط الخصم
طيب ، هل كان في الأمكان تحقيق فوز على الأقل بفارق 3 أهداف ؟
الإجابة ، نعم
لو وجد اللاعب الهداف
وهذا ما إفتقدناه بالأمس
وQuote: الهلال علي غير العادة كان فيهو شوية هرجلة سببها الاساسي الاصابة المبكرة
لهيثم مصطفي و الكرت الاصفر المبكر ايضا لعلاء جبريل و
الخوف من انه ياخد التاني و ينطرد , |
أوافقك الرأي
لكن إستمرار علاء جبريل في الملعب كان فيه مغامرة
كان أقرب للطرد
كان على المدرب تغييره
وإذا لم يفعل المدرب ذلك لعدم وجود البديل/ الإحتياطي المناسب
فإن هذا خلل وعيب كبير ، سيتبين أثره خلال البطولة
وكتب عبدالغفار :
| Quote: عشان كده حرام هجوم ذي ده يوصف بالضعف ,, |
انا أبدآ ماوصفت الهجوم بالضعف
انا قلت في ضعف في مستوى التهديف
فالتسديدات على المرمى كانت نادرة وضعيفة
وبالمناسبة دي ياحليل صبحي
أقريت وجود هجوم كاسح
لكنه لم يترجم إلى أهداف
وظللنا لفترة طويلة متقدمين بهدف واحد فقط
وكتب :
Quote: و الهلال اذا محتاج لهيثم فهو يحتاج له كاحتياطي لثنائي الهجوم الصاقعة
و انتظر شويو و اتفرج في صالح عبدالله و |
الهلال محتاج للاعب هداف
سواء كان هذا اللاعب هيثم واللا غيرو
عايزين واحد بيعرف درب المرمى
وبيشوت في عين الحارس
صالح عبدالله ده منو ؟ القادم من الموردة
لو ماكان هداف وقناص ما لازمنا
حاجتنا لهداف قناص ملحة
شكرآ يا عبدالغفار
أها ماوريتنا لميت في دكتور جمال محمد عمر واللا لسع ؟
| |
|
|
|
|
|
|
|
|
|
Re: إنتصر الهلال ... لكن ؟؟ (Re: أبو ساندرا)
|
كتب شهاب الفاتح عثمان:
| Quote: الهلال سيودي افضل في المستقبل مع وجود نجم المورده السابق القادم للوسط ورجوع الحارس |
نتمنى
ومانيل الإنتصارات بالتمني
يوم 23 /7 مقبلين على مباراة هامة جدآ
الإنتصار فيها مطلب ينبغي العمل لتحقيقه
| |
|
|
|
|
|
|
|
|
|
Re: إنتصر الهلال ... لكن ؟؟ (Re: أبو ساندرا)
|
مع ميولي الحمراء المولعة
مابحب أحمر المريخ
وصفارو
ماقدرت أبدآ اتعاطف مع المريخ
فمافي طريقة للمشترك هذا
هلالابي للطيش[
/U]وبتعاطف مع الأهلي عشان الجوار
وأولاد الديم بيلعبوا هلال وأهلي
بختنا يا يمه ابو ساندرا هلالابى للطيش
والله انا لما امر باستاد المريخ بغمض عيونى
قال اتعاطف قال
تحياتى لك وللاسرة
ام وضاح
| |
|
|
|
|
|
|
|
|
 Re: إنتصر الهلال ... لكن ؟؟ (Re: أبو ساندرا)
|
ابو ساندرا ازيك
كلامك منطقي وواقعي وحاصل .لازم نشوف عيوبنا ونعرف نصلحها.لكن ياابو ساندرا بقول ليك البطولة بتاععت ابطال افريقيا دي انحنا(الهلال)ما جاهزين هسه عشان نفوز بيها مع العتاولة البيلعبوا فيها ديل.الكورة في غرب افريقيا بقت مرعبة.ناس الهلال ديل لو دايرين بطولة قارية احسن يكون هدفهم الكونفدرالية لانها اسهل شوية لكن نعمل شنو للوصيف الدايم الابي يغلبنا ويشيل الدوري المحلي عشان نحن نلعب في الكونفدرالية.
| |
|
|
|
|
|
|
|
|
|
Re: إنتصر الهلال ... لكن ؟؟ (Re: أبو ساندرا)
|
ياابوسندرا
الفرق شاسع بين القاطره البشريه قودوين وطمبل. قودوين يملك لياقه بدنيه مهوله ويجوب الملعب شبرا شبرا ويخدم زملائه في خط الوسط ويحرز اهداف. ولولا ذلك لما فضله المدرب علي طمبل.
| |
|
|
|
|
|
|
| |
أبو ساندرا
محمد عبدالرحمن
HAYDER GASIM
يوسف الولى
abdulgafar mohd saeed
شهاب الفاتح عثمان
gamal
الزاكى عبد الحميد
essam&amal
omar altom
فيس بوك
تويتر
انستقرام
يوتيوب
بنتيريست