شرنوووووووبى والشوق الموكر فيك غرف منك وادانى تباشير الصباح ضميتها لى روعة وشاح فرشت فى الدرب البضم كوم انشراح فرحى وفرحك نسجت بيهم الكون سماح
شرنوبى رجعتك عمقت الود فى البوادى وكجبار غنيه بالنيل والبوادى لا بتعادى ولا بنعادى وليهم المولى الكريم وديمه نرفع فى الايادى النصر المسطر يابلادى وللشهيد دعوة من خلجات فؤادى لا تتوقف ايها المعطر باريج الوطن اسماء الجنيد / مسقط
07-07-2007, 12:59 PM
sharnobi
sharnobi
تاريخ التسجيل: 02-05-2002
مجموع المشاركات: 4414
شرنوبى يا سامق كالنخيل التحية لك تجلل الكون حنين وتتوسط بين الامكنه تزرع الود محطات للعابرين شكرا على الحركة الاثيريه بين خلجات القلوب ابراهيم السيد هذا الرجل القامه تربطنى به خوة بعمق النيل وود جااااااااااااااارف لا يعرف العواصف ولا التكهنات المزمن تربطنى به خوة لله فى الله صداقة اخويه علاقات عمل وهوابراهيم الوطن الحنين الرجل الدافىء الطباع يعانى الامرين هذه الايام بوجع الظلم الطائف فى كجبار الام وسرق البسمه من الرضيع والفرحه من حكر الامهات وسرق الصبى من وديان الجروف هذا الوجع الخرافى دمدم حياتنا هم ربنا منهم ينتقم تسلم شرنوبى يا فخر بلادى
بقابلك فى زمن ماطر وزمن جارى وزمن نديان المسافة البينى وبين ذكرياتك فركة كعب على قول اهلنا المصارنه حسدت روحى عليها يا ليتك هنا بهذا الكم المبهول من جمال الصبا المترامى الاطراف السلام جاييك اطنان من ابراهيم السيد شوقى حمزه عمنا صلاح دهب دهب خيرى اها ازيدك تانى ؟ عندنا عباقرة من بطن النوبه فى مسقط القابعه فى وسط الجبال يلا تعال الوصيه امانه تلفوناتكم انت ومنان ابراهيم السيد قررررررررررررب يجيكم كدارى والشوق طول للسفر باللوارى شرنوبى اسقينى من ترعة نمرة 6 اصلو ريقى نشف من ذكريات بعمق النيل فى رجاك يا اصيل
متاوقة شايفه قريبى بى جاى المطر ود الخلاوى والذكر شوقنا ما كتر وفاض حد البحر كيفنك يابا سلامى للعقاب يا محنة الاحباب
فتكم بى عافية
07-07-2007, 04:08 PM
sharnobi
sharnobi
تاريخ التسجيل: 02-05-2002
مجموع المشاركات: 4414
شرنوبي، اهديك و كل قراء هذا البوست كلمات الشاعر جيلي عبد الرحمن من قصيدته عبري
احن اليك يا عبري حنينا ماج في صدري و اذكر عهدك البسام عهد الظل...في عمري تطوف بخاطري الذكري من الاعماق...من غوري و تبدو في بهاتتها كطيف..خالد يسري عليه غلاله سوداء ذابت في رؤي الفجر طيوف لست انساها ورب يعافها غيري!
انا ظمان يا عبري الي الامواه و الطير الي كثبانك الغرقي هناك...بحافه النهر يذهبها سنا الشمس باكوام من التبر! و نخلك رامق النظرات ملء السفح..و الجسر يطل علي ربي النيل و يحمل اطيب التمر غذاء ...دائم ...حلو لنا في البرد ...و البحر و اطباق مبعثره علي اكواخك السمر تلألأ مثل امال نمت في جدبه القفر
07-08-2007, 01:35 AM
sharnobi
sharnobi
تاريخ التسجيل: 02-05-2002
مجموع المشاركات: 4414
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة