كتب الكاتب الفاتح جبرا المتوفرة بمعرض الدوحة
|
|
 سيجمان يمتطى الهامر(HUMMER) فى الخرطوم
|
اثناء توقفنا فى الاشارة الضوئية...... شخصى الضعيف و الاخ الزميل سجيمان فى طريقنا للقاء بعض بورداب الخرطوم فى نمرة 2 و بينما ننظر الى الاطفال المشردين و بعض النساء يحملون اطفالهم..... يشحدون اصحاب العربات الى اى شى .....توقفت العربة الامريكية الهامر...... العربية التى يركبها الميسورين من الامريكان ......و التى صنعت لطبيعة معينة .....الصور ادناه توضح امكانيات هذه العربية الدبابة الاغلى ثمنا فى العالم
بكرى:سجى بتعرف العربية دى.....
سيجمان:يعمينى ...دى شنو العربية الشينة دى
بكرى:يا سيجمان....دى من اغلى العربات فى العالم....كده افتح القزار خلينا نتكلم مع سيدها(يقود العربة شاب فى مقتبل العمر).........
بكرى:يا حبيب انت ود(.....)
الشاب الذى يقود العربية:لا انا ابن ود الجبل.....
بكرى:ممكن نصور العربية........
ابن ود الجبل: ممكن.....
فتحت الاشارة و توقف ابن ود الجبل و الذى كان ظريفا للسماح لنا بتصوريها و وضعها فى النت...العربية الهامر كان مطاردة بكمية من الهواة لتصويرها ......تسبب وقوف العربة على حافة الطريق فى ان يصبح المكان معرضا لتصوير العربية....
سيجمان لابن ود الجبل:العربية دى كلفتكم كم
ابن ود الجبل:550 مليون و جماركها 200 مليون.....
سيجمان:احى على انا الجيبى فيه 8 الف......
بكرى:العربية فى تانى زول فى السودان عندو زيها......
ابن ود الجبل:لا نحن الوحيدين العندنا اثنين منهم .........و اصبحت سواقة هذه العربات نهارا الى لمة الناس و الهواة حولها ...مما جعلنا نقودها ليليا....
بكرى:ممكن ننقل هذه الصورة و اللقاء فى النت
ابن ود الجبل:ما فى مشكلة
بكرى و سيجمان:شكرا يا حبيب والى القاء
وصلنا مكتب الفنان طارق الامين .....و قضينا ليلة جميلة جمعتى باصدقاء لم التقيهم من 20 عاما ... حيث جمعتنا الليلة من البورداب...بالاستاذ مامون العجيمى و نائب البرلمانى و المقاتل السابق عصام مرغنى(ابو غسان)....الاستاذة هالة عبد الحليم....الاستاذ مصطفى احمد الخليفة...الاستاذ عبد الحكيم الطاهر...الاستاذ طلال عفيفى....الاستاذ عصام عبد الحفيظ...الاستاذ عثمان بسطاوى...و اعتذر القائد ياسر عرمان عن الحضور فى اللخظات الاخيرة لظرف طارئة .... و القائد ياسر جعفر قائد منطقة الخرطوم من الحركة الشعبية الذى لم التقيه من عام 86...تذكرنا تلك الايام الجميلة التى جمعتنا بحاتم ماركس,هشام سليمان,ابو الجيب,الكرى...
شكرا يا صديقى العزيز طارق الامين لجمعنا فى تلك الليلة التاريخية.....
|
|
 
|
|
|
|
|
|
|
 Re: سيجمان يمتطى الهامر(HUMMER) فى الخرطوم (Re: أحمد الشايقي)
|
العزيز بكري
سلام
وهل بدل سجيمان رأيه من اللاب توب والحمار..
هذه الهمر لا يمتطيها إلا أبناء الذوات أصحاب الدولار والفلوس المتلتلة..
ما يحيرني أن سجي أعترف صراحة أن في رصيده ثمانية ألف، وأتوقعها بالريال... هذه في حد ذاتها نعمة ما بعدها نعمة..
.
.
عظيم أن يبل صاحبنا سجي شوقه بشوفة الهمر ومحظوظة تلك الهمر التي أمطرها سجي بوابل من نظراته..
| |
|
|
|
|
|
|
|
|
|
Re: سيجمان يمتطى الهامر(HUMMER) فى الخرطوم (Re: إسماعيل وراق)
|
الأخ العزيز / بكري أبوبكر ...
750 مليون لعربة واحده .. اللهم لا حسد .. وكمان عندهم واحده ثانيه في البيت .. وهناك آلاف الأسر في السودان الحبيب يقتاتون الجوع ويتموه بالماء .. الحمد لله أن جعلنا من بلد بعض أفراده يمتطون الهامر والبعض الآخر لا يحسن المشي الكداري لأن سفنجته مقدوده .. عجبي!!!
| |
|
|
|
|
|
|
|
|
|
Re: سيجمان يمتطى الهامر(HUMMER) فى الخرطوم (Re: ابو جهينة)
|
حبيبنا بكري سيد الحوش
وسلام معاك لناس الحوش ناس أم دولة وبنت المنا والسيدة ولناس كوثر وفوزية وناس بري ولناس الطريفي وحمد النيل وناس سم... ونج... وهب... وللكل السلام، وعليك الله يا بكري سلام خاص لكل ناس فريقكم وتحياتي لي ناس خالتو إنصاف ومل.. ومصط...!
ويا بكري بنت عبد العزيز قريبتنا دي عاوزة باسطة من وين ؟ الكبك وخلها الشغلة دي؟ ولو من مكان تاني الله معاك !
هشام
| |
|
|
|
|
|
|
|
|
|
Re: سيجمان يمتطى الهامر(HUMMER) فى الخرطوم (Re: Sana Khalid)
|
سناء خالد
| Quote: فتشتك في الصورة و ما اتعرفت عليك!! |
اجي يا الفتاشة....
نان الزول القيافة اللابس الجلابية وشايل الموبايل دا منو؟.... دا ما انا
غايتو جنس لياقة وبياخة يا سجيمان.... جاي ناطي حسي وعامل فيها رشيق..... الرشاقة الفطست اشراقة
| |
|
|
|
|
|
|
|
|
|
Re: سيجمان يمتطى الهامر(HUMMER) فى الخرطوم (Re: بكرى ابوبكر)
|
بكري ..
والله هجمتنا ياخ ..
الدكتور ده العرفناه منو أنه طلب منك ( نعلات ) تقوم تقول لينا راكب ( هامر ) ...
غايتو أنا قلت أنت يمكن تكون قاصد ( ركشة ) واتكتبت بالغط ( هامر ) ..
وشايف الدكتور حفيان لغاية الآن يا بكري عملت شنو في موضوع ( نعلاتو ) ..
( الجوال ) خليهو ، بيجيبو ليهو صديق الموج ..
تحياتي
| |
|
|
|
|
|
|
|
|
|
Re: سيجمان يمتطى الهامر(HUMMER) فى الخرطوم (Re: محمد الامين محمد)
|
الاخ بكري
تحياتي
عليك الله كلامك دا جد...البلد فيها(همرايتين)..حكاية والله ..الحال الواحد مخطط..يشيل لي واحدة يمشي يقشر بيها في السودان..مستعملة وافراج مؤقت..لكن الراجل ود الجبل دا فوت علينا الفرصة..
بعدين يا بكري..الزول المطرقع اب جلابية..وشايل الموبايل الحشرة دا منو؟..الموجع انو متكل في الهمر..عجيبة..
لك وللدكتور العزيز ..مودتي
| |
|
|
|
|
|
|
|
|
|
Re: سيجمان يمتطى الهامر(HUMMER) فى الخرطوم (Re: saif khalil)
|
يا جماعة والله كل ما اجي اتصور صورة كاشخة.." يا قول كفيلي الله يطراهو بالخير".... كل ما اجي اتصور صورة سمحة...يقوم الموبايل البشعة دا ينط من جيبي ويتشعلق في ايديا.....
بجيكم ونشوف خبر الهمر شنو.......وحات الله وان شاء الله اتقلب خنفسانة في قعدتي دي... اول مرة اسمع واشوف العربية دي....واريتني كان ما شفتها.... لي حسي مخلوع....الغريبة بعد شفتها قعدت افكر يا ربي الزول السايقا دا عشاهو بي شنو؟......
| |
|
|
|
|
|
|
|
|
|
Re: سيجمان يمتطى الهامر(HUMMER) فى الخرطوم (Re: Al-Shaygi)
|
مشيت ل بروقرامز.. بعدين ل أكسيســوريز.. وفتحت الكالكيوليتـور..
دائمـا اعمل كدا كلمـا رأيت رقمـا بالجنيـه السـودانى، فقـد غادرت السـودان وفى جيبى 80 جنيـه (فقط ثمانون جنيهـا لا غيـر) لزوم التاكسى عند العـودة!! والأن تبقى لى 40 جنيهـا فقـط، لأن هـواة جمـع الطوابع والعملات النادرة همبتـوا الباقى.
على كل.. حسبت ال 75 مليون، طلعت 300 ألف دولار. ثلتميـة الف دولار فقـط.. يعنى نص مليون ما تامـة.. وبرضـو حاسـدين إبننـا دا..
أها... بطلنـا نفكـر نشتـريهـا..
سجيمـان،
البشــوف القشــرة دى يقول عندك نص الألف..
| |
|
|
|
|
|
|
|
|
|
Re: سيجمان يمتطى الهامر(HUMMER) فى الخرطوم (Re: بكرى ابوبكر)
|
ازيك يا بكرى ومرحب بيك فى السودان (حلوة دى ؟)وشكرا على الزيارة بس وحاتك كنت مزمبعةمشيت اسجل مع امنا حوا الطقطاقة لشغل كدة المهم كلمنى ابراهيم الجريفاوى ومشيت لعند مكتبك لكن ما لقيت نفاخ النار عموما لو قاعد شوية خلينا نتلاقى وهاك تلفونى يا باشا ولكم اجزل الشكر مقدما 0915016934والهمر يا يمة صباح عزوزة بتى ما ماهلة وما ساهلة لكن العين... واليدايضا كذلك
| |
|
|
|
|
|
|
|
|
|
Re: سيجمان يمتطى الهامر(HUMMER) فى الخرطوم (Re: سلمى الشيخ سلامة)
|
فتحت النت وانا جعااان ودخلت البوست دة ووالله كلما اجى اقرا كلمةهمر
القا لسانى سبقنى وقراها لى هامبرجر و الغريبة الاتنين حلوين
همرك سمح يا ود الجبل لكن ما اطعم من الهمبرجر الفى راسى
سجيمان رسل لى عنوانك وبدل ما بكرى يرسل لك لاب توب ونعلات انا برسل لك همر
رائيك شنوا؟
| |
|
|
|
|
|
|
|
|
|
Re: سيجمان يمتطى الهامر(HUMMER) فى الخرطوم (Re: بكرى ابوبكر)
|
| Quote: بينما ننظر الى الاطفال المشردين و بعض النساء يحملون اطفالهم..... يشحدون اصحاب العربات الى اى شى .....توقفت العربة الامريكية الهامر...... |
هو بالله السودانيين ممكن يؤسسوا مسرح تناقضات بالحجم ده !.. ما قالوا السودانيين ديل " حالة خاصة " تتميز عن خلق الله بي كتير من الصفات و الخصال !
يبدو أننا بحاجة إلي " ونسة صحفية " أخري مع فاروق كدودة عشان نفهم الواقع أكثر,
أصحاب الجنة الحضارية الإنقاذية ينخرسوا , و مبروك علي أولاد الجبل.. مشروعهم واااضح و ما فيهو لف و دوران و تغليف و فلسفة !
| |
|
|
|
|
|
|
|
|
 Re: سيجمان يمتطى الهامر(HUMMER) فى الخرطوم (Re: محمد الامين احمد)
|
Quote:
بتنا الغالية غادة بت الناس العمدة
الباسطة بجيبها ليك لكن بصادروها فى المطار
بالامس طبعت اطلاله من نافذة الغربة....(مع الصور)
للخال عبد العزيز خالد العمدة و وذهبت لحوشنا...لكن عرفت انو الخال عبد العزيز مرافق الخال كمال خالد للقاهرة للعلاج ربنا يشفيه.... |
يا حليلك يا بكرى
ما بتقصر
سلامى لناس الحلفاية
كلهم بدون فرز
خالص التحايا
غادة
| |
|
|
|
|
|
|
|
|
|
Re: سيجمان يمتطى الهامر(HUMMER) فى الخرطوم (Re: luai)
|
يا بكرى الهمر ده موديل H3 سنة 2006 دايرين فيهو 48 الف دولار
عندك 5000 عضو لو كلو عضو دفع ليك دولار شهريا لمدة 9 شهور حا تجيب الهمر و كمان تدفع لى معاك "المهر" لانو انا حا اعرس واحدة من سودانيز اون لاين وانت بى اعتبارك اب اتومسفيرى ليها..المهم فكر فى موضوع الهمر والمهر ده وانا بشترى لى سجيمان "النعلات" وهمر كمان
| |
|
|
|
|
|
|
|
|
|
Re: سيجمان يمتطى الهامر(HUMMER) فى الخرطوم (Re: Yassir Tayfour)
|
اتحاد اصحاب الهمر يدين ويشجب
اصدر اتحاد اصحاب الهمر البيان التالي
بسم الله الرحمن الرحيم
ومن واقع ماشاهدناه من مهزله
وما اثبتته الوثائق والصور والتحقيقات
ندين وبشده اقتراب امثال البائس المنحوس
والمكني اسما علي مسمي ب سحيمان
من الاقتراب والتصوير والتعدي الفاضح
علي همرات الاثرياء والسعداء من ابناء الشعب
ان الواقعه تمثل فيما تمثل
انلصاقا واضحاوتدخلا في همورنا الداخليه
وانا لنتساءل
هل تدخل اصحاب الهمر في نعلات المدعو سحيمان
ووفنائله وعراريقه وسراويله ومصائبه الداخليه
لقد ظللنا نرقب خيوط المؤامره الدنيئه
ولقد همر السيد رئس اتحادنا الباسل
بانزال اردع العقوبات علي من سولت لهم انفسهم الاقتراب واللمس
والتصوير مما يطعن في قدسية ونقاء وصفوية كل اهمار الناس
الساده اصحاب الهمراوات البواسل الشرفاء
سيظل اتحادكم بالمرصاد
وسنزودكم بتفاصيل الاجراءات القضائيه الصارمه
في مواجهة الخونه والمندسين فاقدي الهماير
ولانامت اعين البؤساء
صوره الي
1/الهلال الاهمر السوداني
2/السيد اهمر ابراهيم الطاهر
3/همر اربعطاشر
4/السيد همار احمد ادم
5/زعيم قبيلة الهمر
6/همر الفكيالشايلو ومشتهي
7/محافظ همرة الوز
| |
|
|
|
|
|
|
|
|
|
Re: سيجمان يمتطى الهامر(HUMMER) فى الخرطوم (Re: طارق الأمين)
|
اتجاد الصحاب الهمر
بيان رقم (2)
اما بعد
وقد تكشفت خيوط المؤامره
فقد اتضح للجنه المنبثقه مايلي/
1/ ان المؤامره ذات ابعادداخليه وخارجيه ويدعمها بعض حاملي الجنسيات الاجنبيه الذين وفرو الدعم اللوجستي من ترحيل وكاميرات تصوير وخلافه لبداية المؤامره
ان الشق الثاني من الاستهداف سيبدا بحشد الصبيه والمتبطلين من امثال المدعو سجيمان والقاء الحجاره الخفيفه والثقيله فيما يعرف بعملية (رمي الهمرات)
2/ان الذين يعتقدون ان هماير الناس لعبه قد خاب فالهم وانها لثورة همراء والعزة للسودان
| |
|
|
|
|
|
|
|
|
|
Re: سيجمان يمتطى الهامر(HUMMER) فى الخرطوم (Re: بكرى ابوبكر)
|
| Quote: والهمر يا يمة صباح عزوزة بتى ما ماهلة وما ساهلة لكن العين... واليدايضا كذلك |
الهمر؟! هامر ها،،
الهمر ال،،،
ألله ده بسألك عزوزة بتك كان ادوها ليها مجااان بتركبها؟
دي عربية شيـيـــنة إلا منيعة و تليعة ساي،،
و ما حركات كدايس،،
بنزين ساي توقف حالي،، و من ناحية أخري تاني ما بتلمو فيني،،
بسوي الدرب ساساقة ف ما في صالحنا نحن الإتنين،،
وبعدين دعوات الامات مجابة،،
ما تورطيها ساي،، 
سجيمان كلامك في محلو،،
شيـــــنة و عدمانة إسم الشكل الفني،،
يعني أتجم عربية و تحس بيها بتنهر الشارع
و بتحدر لي العربات الفي الشارع معاها،،
مشكلتها الوحيدة إلا تتبركن جم Trucks،،
يعني ذوي القربي من باقي العربات ديل مهملات ساي في أي Parking يتحشرن،،
لكن العاتية دي مسؤلية،،
يا بكري بوست زي العسل،،
لكن إنتو الهمر ال،، الفي السودان بتخس شوية؟
| |
|
|
|
|
|
|
|
|
|
Re: سيجمان يمتطى الهامر(HUMMER) فى الخرطوم (Re: Soumeta)
|
بكرى وسجيمان
والله فضحتونا وشرطتو عينا.يعنى لو ما كنتوا جايننا من بلاد بره كنتوا سويتوا شنو؟عموما تانى مااشوفكم لا فين فى المناطق الرطبة ديك .حدكم تفتيش سوبا او جبل اوليا وتقبلوا راجعين. فاهمين ؟
اما انت ياسجيمان فانا عندى معاك حساب تانى .
| |
|
|
|
|
|
|
| |
بكرى ابوبكر
أحمد الشايقي
إسماعيل وراق
إدريس محمد إبراهيم
غادة عبدالعزيز خالد
hatim
خدر
Hussein Mallasi
صديق الموج
ابو جهينة
tmbis
Hisham Ibrahim
سجيمان
محمد الامين محمد
saif khalil
Sobajo
Al-Shaygi
Abureesh
سلمى الشيخ سلامة
Hisham Amin
عمر ادريس محمد
محمد الامين احمد
Muhib
Mannan
Waly Eldin Elfakey
طلال عفيفي
luai
Yassir Tayfour
abd elmniem musa
Kostawi
القلب النابض
Soumeta
قلقو
فيس بوك
تويتر
انستقرام
يوتيوب
بنتيريست