|
|
|
 Re: افطار جماعي اليوم بدار سيد الحوش .... توجد صور (Re: Nasser Mousa)
|
الاخ ناصر موسى
صحه وعافيه لكم .
قلت لي تلاوه عديل كده؟؟؟؟
| Quote: بدأت حلقة التلاوة بعد صلاة العصر وحتى اذان المغرب |
والله بقيتوا انقاذين عديل كده,ما يجيء واحد ناطي يقول لي ومن متين
التلاوه بقت خاصه بالانقاذ,اقول له ومن متين الناس بتتلي قبل الافطار؟؟؟؟
كل افطار جاليتنا ماقاعدين نتلي وبنكون مشتاقين نتونس ونلاقي بعضنا
وآخر صور لنا تورنتو شايفه في( ناس بتبشر كمان) يعني شكلهم غنوا كمان!!
الكلام دخل الحوش فعلا يا ربي نحن بنكتب في مواقع كيزان ولا شنو؟؟؟؟
تراجي.
| |
 
|
|
|
|
|
|
|
|
Re: افطار جماعي اليوم بدار سيد الحوش .... توجد صور (Re: Tragie Mustafa)
|
وكما امير كوش كان بهناك؟؟؟؟
Quote: د/ السعيد عبدالكريم
ود/ علي ايوب
ود/ جمال ابو سيف
ود/ عبدالله جلاب
ود/ علي شمس الدين
البشمهندس / سيداحمد الريح
وباشمهندس / عصام غندور
ومجموعة من البورداب بدءا
بسيد الحوش
وبشاشا
وملامح
وامير عبدالمنعم ...... واخرون |
عارف اهم حاجه انطباعاتك عن بشاشا,بالله اكتبها لينا هنا.
تراجي.
| |
|
|
|
|
|
|
|
|
|
Re: افطار جماعي اليوم بدار سيد الحوش .... توجد صور (Re: Nasser Mousa)
|
الكلام دخل الحوش فعلا يا ربي نحن بنكتب في مواقع كيزان ولا شنو؟؟؟؟
والله يا اخت / تراجي
انا قولت للاخ / بكري ابوبكر انا حا انزل بوست هناعن الفطور والتلاوة الكانت عندك اليوم
وانا كنت متأكد انو حا يجي حد من البورداب ويتهم بكري بانو كوز ............
بس ما كنت فاكر بالسرعة ده ....
اضافة
انتِ فاكرة بكري ابوبكر ده كافر وله شنو
| |
|
|
|
|
|
|
|
|
|
Re: افطار جماعي اليوم بدار سيد الحوش .... توجد صور (Re: Nasser Mousa)
|
يا حبيب نسيت د.مومن جابر ,بول بيك ,الاستاذ نادر مالك,الاستاذنادر حسن صاحب ادم للسياحة, معتز ارصد مدير حافظ للتحويلات الماليةفرع اريزونا, المهندس سيد احمد الريح ,الاستاذ احمد الرائد,الاستاذ اسامة دياب ,الشقيق مصطفى ,الحبيب اشرف الحلفاوى المهندس عمر غريبة و محمد ود المكى,عادل التلب و الفنان بابكرالفرجونى,الاستاذ وليد حميدان........واسف شديد الاسف لعدم تمكنى من رفعبعض الصور لانهامش ولا بد.......
| |
|
|
|
|
|
|
|
|
|
Re: افطار جماعي اليوم بدار سيد الحوش .... توجد صور (Re: Dr.Saeed Zakarya Saeed)
|
ما شاء الله عليكم يا ناس اريزونا، بس نحن فى فلوريدا فوتناكم فى التلاوة، تلاوتنا سبت و أحد، بعدين يا بكرى وين صورة عصام غندور، الزول ده دفعتى و صاحبى، و شايف صورة لواحد يشبه خالد الملازمين، يا الله ده هو? بعدين يا بكرى ليه التجاهل لبوستى يعنى، أنا ما قلتا ليك داير اجابة ممكن ولا ما ممكن? تقبل الله تلاوتكم و صيامكم
| |
|
|
|
|
|
|
|
|
|
Re: افطار جماعي اليوم بدار سيد الحوش .... توجد صور (Re: Nasser Mousa)
|
بينى وبينك يا تراجى دى ما بالغتى فيها
Quote: الاخ ناصر موسى
صحه وعافيه لكم .
قلت لي تلاوه عديل كده؟؟؟؟
Quote: بدأت حلقة التلاوة بعد صلاة العصر وحتى اذان المغرب
والله بقيتوا انقاذين عديل كده,ما يجيء واحد ناطي يقول لي ومن متين
التلاوه بقت خاصه بالانقاذ,اقول له ومن متين الناس بتتلي قبل الافطار؟؟؟؟
كل افطار جاليتنا ماقاعدين نتلي وبنكون مشتاقين نتونس ونلاقي بعضنا
وآخر صور لنا تورنتو شايفه في( ناس بتبشر كمان) يعني شكلهم غنوا كمان!!
الكلام دخل الحوش فعلا يا ربي نحن بنكتب في مواقع كيزان ولا شنو؟؟؟؟
تراجي.
16-10-2006, 05:12 ص
Tragie Mustafa
.
تاريخ التسجيل: 29-03-2005
مجموع المشاركات: 8373
Re: افطار جماعي اليوم بدار سيد الحوش .... توجد صور (Re: Tragie Mustafa)
وكما امير كوش كان بهناك؟؟؟؟
Quote: د/ السعيد عبدالكريم
ود/ علي ايوب
ود/ جمال ابو سيف
ود/ عبدالله جلاب
ود/ علي شمس الدين
البشمهندس / سيداحمد الريح
وباشمهندس / عصام غندور
ومجموعة من البورداب بدءا
بسيد الحوش
وبشاشا
وملامح
وامير عبدالمنعم ...... واخرون
عارف اهم حاجه انطباعاتك عن بشاشا,بالله اكتبها لينا هنا.
تراجي.
|
ربنا مقدر الناس تتلمة فى الشهر المبارك وتقراء قرأن
ربنا يجعل قراية القرأن فى ميذان الحسنات انشاء الله
ذكرتينى بى صديق قال لى ود خالك كوز قلتة لا ياخ
قال لى ياخ دة جاب ناس قرو قرأن فى وفاة ابوه.
| |
|
|
|
|
|
|
|
|
 Re: افطار جماعي اليوم بدار سيد الحوش .... توجد صور (Re: Hadia Mohamed)
|
واضح جدا من التلاوة والإفطـــــــــــار فى حوش بكرى
إنو الجمـــــــــــــاعة إيدهم بقت لأحقه...
الله يســـــــــــــــتر ويكضب الشينه ...
قال تلآوة قال ...
أنا خـــــــــــــــــــــــايف رمضــــــــــــان الجاى
القى ناس كنــــــــــــــــــــــــــــدا فى نص الحلقة...
| |
|
|
|
|
|
|
|
|
|
Re: افطار جماعي اليوم بدار سيد الحوش .... توجد صور (Re: Nasser Mousa)
|
شكرآ أخي الفاضل ناصر موسى و أنت تتناول التغطية لذاك اليوم
الجميل والإفطار في ديار بكري أبوبكر سيد الحوش وإيضآ شقيقه حمزة
والذين كما عهدناهم فلقد بالغوا في الوقوف و إكرام ضيوفهم بلا كلل
أو ملل بل ساد جو من الإلفة والمرح و كأننا نحن أهل الديار ..
و لقد قضي الجميع لحظات ممتعة حتى الساعة العاشرة مساءا..
كانت الدعوة شاملة لكل ألوان الطيف فلقد أمها سياسيا كل منتسبي القوى
السياسية أو معظمها من إتحاديين من الشقين( ختمية- وأزهريون) ومن
الحركة الشعبية ومن أهل اليسار( لا تقبل أمريكا صفة الشيوعية للمهاجرين)...وإيضا من حزبي الأمة بجناحيه الصادق و مبارك.. وحوى كذلك
الافطار على مستقلين وتحالفيين .. هذا على الصعيد السوداني.. وجمهوريين
وديموقراطيين على صعيد إمريكا .. ومنهم من ينتظر..
أستغرب للدعوة التى أطلقتها تراجي و طارق أحمد أبوبكر من وصف الذين
تحلقوا بالتلاوة ووصفهم بأنهم (كيزان) محتجة على ميقات التلاوة نفسها
قبيل المغرب- وواصفة بأن الونسة هي الأفضل !!! و مصدر إستغرابي مفاده
أن تراجي تدعي بأنها نصيرة لقضية دارفور و أهلها الأكثر تلاوة بالقرءان
وذكرآ و أورادآ من كل أهل السودان.. عجبي ولى عودة...
| |
|
|
|
|
|
|
|
|
|
Re: افطار جماعي اليوم بدار سيد الحوش .... توجد صور (Re: malamih)
|
الاخ ملامح
شكرا لتعليقك
ولن اقول لك انتهى زمن غشنا بكلمة اهل الدوايه و المحايه
فقد ظل اهل دارفور اهل الدوايه و المحايه
واخذ الباقين منهم الاماره و السرايه
ليس معنى ذلك ان نبدل الدنيا الفانيه بالآخره الباقيه
لكني شخصيا جمسي يكش من اي استعراض ديني فقد تعقدت تماما من الكيزان.
واعلم في النهايه انني هنا امثل نفسي ولا امثل احد,كما تمثل انت
نفسك ولا تمثل احد.
يمكنك ان تناصر اهل درافور وانت علماني ,وانصار سنه,وهندوسي
وسيخي,ويهودي ,وقبطي,ولا ديني....ويمكنك ان تكون من الصواميم القوامين
وتتفرج علها تحترق باهلها كما فعل الكثيرين منكم هنا.
ولك التقدير وحرية التلاوة من عدمها ولي حرية التعليق على ذلك.
تراجي.
| |
|
|
|
|
|
|
|
|
|
Re: افطار جماعي اليوم بدار سيد الحوش .... توجد صور (Re: الأمين عثمان صديق محمد)
|
شكرا ناصر موسي
علي هذه التغطية المحضورة بالصور ..والمتابعة حقيقة نبهني لهذا البوست صديق
فوجدناه عامر بناسه والواحد لقي نفسو في كمين حتة ...كان يوما استثنائية
جمعنا باهل اريزونا بمختلف مشاربهم ..وكانت مناسبة للتعارف قبل أن تكون
دعوة رمضانية من قبل صاحب الحوش العامر ..بوردا ودار ...أريزونا في ملمحها
لا تغترب كثيرا عن ملامح الوطن تمتاز بحيشانها الواسعة..وطبيعتها المشابهه
الاشجار ،العصافير ،حتي الضريسة تجد براحها للنمو اذا ماغفلت عن عناية حديقة
المنزل الخلفية..كذلك الناس لم تؤثر المنافي علي طبيعتهم كثيرا كسودانيين
كنت اكثر سعادة علي التعرف بالاخ كمال بشاشا ..فلمست جانبا آخرا فيه روحه
المرحة وبساطته.
ياأمين صديق
البس النظارات عشان تشوف كويس
| |
|
|
|
|
|
|
|
|
|
Re: افطار جماعي اليوم بدار سيد الحوش .... توجد صور (Re: عبد المنعم ابراهيم الحاج)
|
الاخ / عبدالمنعم ابراهيم الحاج
لك مني التحايا العاطرات
وكما قولت حقا كانت ليلة من ليالي رمضان الجميلة التي لا تنسى
وكان الاجتماع رائعا روعة اهل الدار
وما ذاد دعوة الافطار القا حفاوة الضيافة من قبل سيدالحوش
واخيه حمزه الذي غمرنا بكرم الضيافة
وحقا نتمنى ظهورك واشتراكك معا هنا في المجتمع الاريزوني فانت اضافة لا شك في ذلك
ناصر موسى
| |
|
|
|
|
|
|
| |
فيصل محمد خليل
Tragie Mustafa
ناذر محمد الخليفة
محمد الامين محمد
بكرى ابوبكر
الطاهر ساتي
doma
Alfarwq
ALGARADABI
هجو الأقرع
Dr.Saeed Zakarya Saeed
Abureesh
طارق أحمد أبوبكر
الفاتح وديدي
نيازي مصطفى
كل سوداني جواه كوز صغير..بس يلقى
معتصم دفع الله
المسافر
فيس بوك
تويتر
انستقرام
يوتيوب
بنتيريست