دعواتكم لزميلنا المفكر د.الباقر العفيف بالشفاء العاجل
|
|
 حلفة راس السنة عندي يا جماعة!!!
|
رصوا الكراسي هنا ..
لا دايراها صفين صفين وفي النص خلوا المكان فاضي للرقيص
صحون العشا رصوها هناك في السفرة جنب الشباك علشان الهواء الطلق
دقيقية! وين الساوند؟
طيب المسجل شغال كويس ؟ الشرايط جاهزة؟ ولا اغني ليكم انا بالجيتار ؟
العصاير وين والشاي والقهوة؟ جهزوها لي في ترامس وبخروا الكبابي ...
مديدة البلح جاهزة؟
خليها على نار هادية علشان ما تبرد ...ايوه كده تمام!
الواقع:
بجامة تقيلة وشراب كورة مخطط بي ابيض وكباية شاي بالليمون لزوم الانفلونزا واكياس هدايا ما فكيتها لغاية حسي علشان اتفاجأ بكرة الصباح واوهم نفسي انو (سانتا كلوز) حقيقة وليس حافزا شرائيا ....
ومسجات تتطاقش ، وامنياتي وزعتها بالتساوي لكل من حباه الله اليوم بحفلة كاربة داخل وخارج مدينتي، وسمعت اصوات غالية على البعد تهديني اجمل امنياتها مع انو الساعة عندهم 5العصر ..يااااه ! حليلك يا ايام اللمة! ...
ويالله يا ماما تعالي نتفرج تليفزيون ونحضر الناس المهيصة للصباح!
الساعة 12 طق، تبادلنا القبل أنا ومامتي والبنت ووزعنا حلاوة ورجعنا قعدنا تاني قدام التليفزيون زي الترتيب! والساعة 1:30 ماشية انام بابتسامة لا تفارق وجهي الصبوح! تصدقوا انو ابسط راس سنة كان بيكون فيه 15 شخص! كلهم عيلة واحباب واصحاب والباب بيفضل مفتوح والسفرة ممدوة والدعوات لرب كريم بالتوفيق وانو يجمعنا دائما على خير ...
بس ده ما يمنع انو 2005 غادرتنا بحلوها ومرها، وعدينا فيها تحديات وفتحنا فيها أبواب وطوينا فيها صفحات ...
واستقبلنا 2006 بالاحضان وكوباية شاي دافية زي قلوب الحبايب الحاضرين والغايبين ...
اتمنى لكم جميعا سنة جميلة، ندية، خالية من الكرب تحققون فيها كل الاماني والأحلام ...
وكل عام وانتم بألف خير
|
|
 
|
|
|
|
|
|
|
 Re: حلفة راس السنة عندي يا جماعة!!! (Re: lana mahdi)
|
لنا الحبيبة ..
شفتي البقت علي ؟؟؟
بعيد عنك الانفلونزا لخبطت مخارج الحروف وجابت ليها ديسليكسيا كمان 
كل سنة وانت طيبة
وايامك سعيدة
ومليانه هنا
واحبابك اكتر
ونجاحاتك اكتر
والهم يبعد عنك بعيييييييييييييييد ...
| |
|
|
|
|
|
|
|
|
 Re: حلفة راس السنة عندي يا جماعة!!! (Re: seham_musa)
|
وانت بكل خير يا عزاز..
الامنيات اكبر من كل احتمال..او رجاء..او تحقق.. هى سارحه فى غمامات السحاب.. وفى افق الترجى.. بين امكن..واظن....وعسى..
لكن برغم كل ازمنة الرحيل الارتحال. ننتظر ضىء النهار..... وحزمة منى ليك بكل خير..
عميق الود
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: عزاز شامي)
|
يا عزاز
كل سنة وانتى والأهل والاحباب متلمين وبخير .. نحن مازلنا فى عام 2005 وباقى لينا حوالى 6 ساعات وبعد قليل نتجه الى فيرجينيا (25 دقيقة من مريلاند) لحضور حفل رأس السنة وعيد الاستقلال مع المطرب هادى عثمان وكلنا نحمل مأساة وجراج لاجئينا الذى قضوا نحبهم امس فى قاهرة المعز وباطشة اللاجئين.. سيغنى لهم هادى وسنقف جميعا فى اول عام 2006 حدادا على الشرف السودانى الباذخ الذى ديس بنعال العسكر.. سيغنى الجميع ضد الظلم والحرمان والبطش والارهاب.. نلتقيك اليوم يا وطنى لقاء الاوفياء..
دعواتنا لكم جميعا بالصحة والسعادة وبعام ملىء بالنجاحات..
نورى جليلة (نورالدين منان)
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: Mannan)
|
الاخ الكبير نورى جليلة...
كل الأمنيات الطيبة ليك .. ودعواتنا الصادقة لأرواح الأبرياء
الذين قتلوا مرتين، مرة بالبنادق ومرة بتنكر بعضنا لهم ...
سأقف كل يوم لحظة حداد، كل ما دخلت بيتي ولمست دفء فراشي ورأيت
أهلي سأتذكرهم وسأتذكر ما عانوه من غربة في وطنهم وهوانهم وهم أعزاء...
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: humida)
|
ولدي الأمور الصغيرون حميظة ...
بتباري الكبار مالك؟ مش المفروض تنام المغرب وتصحى تشوف سانتا جاب ليك شنو؟
المهم الحصل حصل، تاني مافي مرقة في البرد!
كل سنة وانت طيب وعقبال ما تكبر ونفرح بيك
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: صديق الموج)
|
Quote: عزاز كل سنة وانت طيبة..يعنى عازمة البطاطين ما الناس،،،،
|
لوووووووووووووووووووووول يا صديق الموج!
تقول عارف انو كان نفسي اشتري لي بطانية صغيرونة مرسوم عليها تلج وعمو
سانتا كلوز لزوم الاعياد وكده ...
 عموما، بطاطين زاتو مافي والبرد اشتد وقائمة الحضور ظاهرة اعلاه ...
كل سنة وانت طيب والفرح والضحكة ما تفارقك ...
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: عزاز شامي)
|
عزاز
للناس العزاز
مسكاقمي
مالو نحتفل
وبالجرجار والطار
ونبشر ونزغرد للكنداكات وتحتمس وترهاقا
عليكي الله مديدة تمر شنو
ما سمعتي
وردي
بيقول
ووي خليل انجوتي
دكاي انوقا
ان شاء الله تبري من الانفلونزا
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: حمزاوي)
|
حـبيبتي عــزاز..
في كـل سـنة وفي المناسبات العـديـدة ...أخـتـار كـرت جميـل أكـتب فيه الكـلمات التي أحـيها ..اضـعه في مظروف وأرسـله لنفسـي ولآيـة... ثم أفـرح وأفتحـه وأتفـاجـأ بالتوقيـع بعـد ان نسيت انه مـني ولنـا..أضـعه في مكـان اسـتراتيجي في صـالتي لأنظـر له كـثيرا!
صـناعة الفـرح لا تعـرف المستحيـل...
كـل سـنة وانت ومـامـا والبنت في صـحـة وجمـال..
مـني
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: Muna Khugali)
|
ست الناس العزاز منى ..
كل سنة وأنت أجمل، أنقى، اهنآ، وآمالك تتحقق،وآية في حضنك تفرحي بيها وآمالك ليها تتحقق...
| Quote: صناعة الفرح لا تعرف المستحيل |
أكيد، ما دام في الدنيا ناس زيك، الفرح ديمة موجود وما بيحتاج جهد كبير...
أهديك كل الود والأماني الجميلة الجديرة بك
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: عزاز شامي)
|
كل سنة و إنتي طيبة يا عزاز..ربنا يخلي ليكي ماما و البنوتة...
و بمناسبة الإنفلونزا بتاعتك دي..جاتني رسالة طريفة جداً بتقول
في الماضي...جنون البقر..
في الحاضر....إنفلونزا الطيور.
قريباً....بواسير السمك..!!!!
إمنياتي أن يكون العام القادم عام خير و عافية و صحة..و يكفينا و إياكم شر المستخبي...
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: mamkouna)
|
اختي ممكونة الطاعمة زي لقيمات أمي...
تحايا نواضر وأمنيات صادقة بأن يعم الفرح حياتك ...
المستخبي يا ست الناس بطل يفاجئني كثير والجاي ما أسوء من اللي راح وقلب اختك بقى حديد ما بيهزه إلا دم غالي يهدر أو دمعة قهر تنشف براها من غير ما يد حنونة تمسحها...
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: عزاز شامي)
|
Quote: و بمناسبة الإنفلونزا بتاعتك دي..جاتني رسالة طريفة جداً بتقول
في الماضي...جنون البقر..
في الحاضر....إنفلونزا الطيور.
قريباً....بواسير السمك..!!!! |
كل سنه وانتي ممكونه يا طيبه
...
سلامتك عزاز و حسني كرامتك.
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: Mayada)
|
ميااااده الحنون ..
كل سنة وانتي طيبة والقابلة على امنياتك يا ست البنيات ..
الانفلوزا على قولة حبوبتي أخذت مني كل مأخذ وتركتني في حديقة من المناديل الكلينكس وكبابي المشروبات الساخنة ...
عموما ان برجع كترة امراضي دي لصغر سني وبالتالي جهاز المناعة عندي لسه ما اكتمل، يعني دليل شباب وعلشان كده بتغندر 
| |
|
|
|
|
|
|
|
|
 Re: حلفة راس السنة عندي يا جماعة!!! (Re: humida)
|
| Quote: سانتا دا بلعب في ابوكدوك .. |
حميظة يا ولدي،
لغاية متين حتفضل كده ما تقدمي وما مواكب!!!
سانتا ده اخو فانتا مشروب الطاقة بطعم المندرين ...
يا اخوانا ما معقولة !
انا ما دايمة ليكم، لازم تبتدوا تتثقفوا شوية!
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: عزاز شامي)
|
قال قبرص قال؟؟
راس سنة في شاليه في هاف مون الخبر ولا جزيرة لا وجود لها إلا في راسك السمح ده ..
| Quote: دافية زي قلوب الحبايب الغايبين |
كنتا واثق انك حتتذكريني ...
كل سنةوانتي طيبة ياعزاز ..وناس بيتكم طبيبن وفي نعمة
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: عزاز شامي)
|
غايتو الله يجازي الفرض العربي دا علينا فرض ... أسي رطانتنا دي مالها؟؟؟
ورايك شنو في الساعة 12 الا دقيقتين بالمناسبة الا دقيقتين دي تابعة للسنة الفاتت ما السنة الجديدة يعني في خواتيم الماضي لكن والله لقيتك مهمشة يا عوزاز
koraygon aga nala
راس سنة مع دكين وحمد فتح الرحمن على بعد شبرين من الخليج الفارسي المسمى مجازاً بالعربي ودرجة الحرارة 10 درجات ... آآآخ يا سحر من فكيت دربك بقت علي جنس الحالة دي .... آآآآخ يا بطني
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: Badri)
|
| Quote: عموما ان برجع كترة امراضي دي لصغر سني وبالتالي جهاز المناعة عندي لسه ما اكتمل، يعني دليل شباب وعلشان كده بتغندر |
في دي معاك حق...
غايتو رأس السنة عندك..
كنت أقول لأصدقائي دائماً أخاف أن يكون رأس السنة الجديدة نووي.. وربك يستر..
رأس السنة في أرض نجد دي يا عزاز ما شايلنها في قاموسنا.. ويا حليل السودان..
لكن..
اليوم الأول في السنة كان (جميل) بس هلكنا بالسهر.. وكلام صديق الموج الكتير
قال كومبارس آل.. شفت جنس الغيرة دي..
.
.
كل عام وأنت بخير..
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: Badri)
|
عزاز ازيك و كل سنة و انتي طيبة ( كُري آن نل )
| Quote: راس سنة مع دكين وحمد فتح الرحمن على بعد شبرين من الخليج الفارسي |
و دكين رادم قدامو قُفة خيار ، و قال الود مروس .
في زول بروس بي راس بصل و خيار ؟؟؟؟؟؟؟؟؟؟؟؟؟؟
الله يقطع دا راس .
بدري احمد ربك اللقيت الترويسة دي زاتا علي الاقل ونسناك ياخي .
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: Badri)
|
جابر خاطر المهمشين، بدري ...
كل سنة وانت طيب والسنة الجاية الساعة 12 إلا دقيقتين تكون مع تؤم روحك  بدل سبت الخضار اللي كنت مروس معاهم ...
تصدق بأيه كنت مضايقة على روحي بس لما شفت لمت حلقة الخضار بتاعتكم دي قبلت يدي وشا وقفى على الشراب الابيض وكباية الشاي الحميمة ...
عليك الله في زول يروس مع دكين!؟ بالله تحكي لأولادك شنو لما سألوك؟
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: عزاز شامي)
|
Quote: ولدي الأمور الصغيرون حميظة ...
بتباري الكبار مالك؟ مش المفروض تنام المغرب وتصحى تشوف سانتا جاب ليك شنو؟
المهم الحصل حصل، تاني مافي مرقة في البرد!
كل سنة وانت طيب وعقبال ما تكبر ونفرح بيك |
Quote: حميظة يا ولدي،
لغاية متين حتفضل كده ما تقدمي وما مواكب!!!
|
| Quote: بلعب مع الاشبال ؟! |
دي دايرة ليها سفرة للرياض
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: عزاز شامي)
|
| Quote: بدل سبت الخضار اللي كنت مروس معاهم ... |
المحسي ده لموهو ناس سبت الخضار ياعزاز ..
كان هائما مشردا ومافي زول راضي يروس معاهو ..كتر خيرنا السترناهو في شاليه وخليناهو يضحك وينبسط مع علية القوم والسادة ورجال الطرق الصوفية والمخضرمين والعلماء والخضرجية والقانونيين والاقتصاديين ..
طبعا الصفات اعلاه دي كلها انحنا كناها في تلك الليلة ..
في ليله نهاية سنة وبداية سنة انحنا تمثلنا كل تلك الصفات دون اي نقصان ..
المحترم ود العوائل كان مجرد شاهد ليس إلا...
بدري كان عندو نية يروس مع امو وابوهو ..
في ذمتكم في زول محترم بروس مع امو وابوه ؟؟
صحي ود عز ومدلع ونغنوغ ..
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: عزاز شامي)
|
Quote: ابتدع دعاية .. في نظري اثرت في تحديد سلوكيات المجتمع السوداني
طبعا هو انطلق من منطلق اقتصادي بحت ..
مع دراسة سلوك الفرد المستهلك ..
لتشمل الدعاية .. ترويج للمنتج .. وشئ من روح المستهلك ..
فكانت
|
قال بكري أبوبكر:
Quote: 6-يجب الإشارة إلى حقوق المؤلف والٍملكية الفكرية عند النقل أو الاقتباس وذلك بوضع اسم المؤلف إذا كان معروفا أو وضع نقاط بين قوسين (....) إذا كان المؤلف غير معروف......
|
حميدة عمو كوستاوي حايم بجاي أعمل حسابك يقوم يسوق معاهو عمو محسن يجيك شايل موسو وبعد شوية تشيل وتنزل بوست الاعتزار وتلحق * أمات طه
* الاقتباس يشير الى عبد الرازق الطالب
| |
|
|
|
|
|
|
|
|
|
Re: حلفة راس السنة عندي يا جماعة!!! (Re: Badri)
|
| Quote: الاقتباس يشير الى عبد الرازق الطالب |
ما فهمتها دي ..
لكن الرد كلو .. ممكن ادرجه ليك تحت بند سلوكيات الجيل الثاني في الاغتراب ..
وهو في باب .. يحكي أن الزول دا كان بهظر معاهو ..
اها والحصل شنو ..
ودوهو المستشفي خيطو ليهو راسو خمسة غرز ..
| |
|
|
|
|
|
|
| |
lana mahdi
Hussein Mallasi
seham_musa
عصمت العالم
Mannan
Adil Osman
saadeldin abdelrahman
صديق الموج
humida
ابو جهينة
Tumadir
Muna Khugali
طارق عبد اللطيف نقد
mamkouna
Mayada
Badri
إسماعيل وراق
حمد فتح الرحمن
فيس بوك
تويتر
انستقرام
يوتيوب
بنتيريست