دعواتكم لزميلنا المفكر د.الباقر العفيف بالشفاء العاجل
|
|
 بورداب الرياض .. انتو ناس حلوين!
|
على غير العادة في هذه الغربة الكربة، كنت على موعد مع الفرح والترفيه البريء. الليلة في أمسية بورداب الرياض نسيت طعم الهم وطعم الغربة وطعم الوحدة وشعرت بأني بين ناسي و أهلي... ولتكتمل فصول ليلة الحظ ربحت جائزة الأمسية بالضربة القاضية وصرعت (دكين) أرضا ونلت أنا الجائزة! ولإحقاق الحق، كان لزاما أن أتقاسم الهدية مع (معتصم دفع الله) و الخال (ود قاسم) فقد أنقذاني في سؤالين محرجين والله اللي يجازي السبب  (شتات) وأسالته اللي زي اختبار الهيئة .. لكني تعلمت الدرس وسأتصفح البورد بعمق أكثر لاستحق الجائزة بجدارة !
سامحوني يا من كنتم تنوون فتح بوست قبلي ! لم أطق صبرا لانتظر لأعلق في بوستاتكم. قررت اليوم بكسر عادتي في عدم المبادرة وإنشاء الله ما حد حوش!
تعالوا احكي لكم عن امسيتي الرائعة!
يستقبلك الخال بدبلوماسيته المعهودة يتنقل بين الحضور ليتأكد من أن الكل يشارك والكل مبسوط ...
وكعادة (حمزاوي) أبى إلا أن يرقص على أنغام أغانينا النوبية التي تطربني حتى النخاع وقام بالواجب عني وكفى بس (الأولى) كان ناعم شوية !
وعلى أنغام أنامل (ترهاقا) صدح (مرزوق) و(عز الدين) وتمايلت أرواحنا وصفقنا طويلا وحلقنا معهم في سماوات الفن وأنغام من الطرب الأصيل ... وبين الألحان أمتعنا (إسماعيل وّراق) وتقديمه الثر عن تاريخ الكتابة الإلكترونية وسودانيس أون لاين .... وخاطب شعر (شتات) الرومانسية فينا ونزل على أرواحنا بردا وسلاما.. وأعادنا لجو الحفل صوت (ود الشيخ) وحضوره القوي ... وكنا على موعد مع شعر صارخ، هادر مع (محمد مدني)، صحا فينا القوة وأجبرنا على التحليق بأرواحنا والتسامي ، وبين رجل من شتاء وامرأة من زنجبيل جاريناه متلاهثي الأنفاس ... نلتقط أول البيت لينقلنا لآخره و الدهشة ترافقنا منذ بدأ إلى أن انتهى محملا أيانا ذنب الخضوع!
(صديق الموج) فاكهة الحفل وعقده الفريد، أمتعنا هو و أبناءه بخفة الظل وغلبتنا القعدة واضطرنا نقوم نبشر وندي شبال! ده غير انو فضح أميتي المطبخية وقشيري لجدادي!
ولا ننسى المخرجين و المصورين (تمبس) و(حميدة) جعلونا نشعر بأننا في مؤتمر صحفي وحرصوا على تسجيل الحدث بأعينهم الثالثة بجدارة!
شكرا لكل الذين جعلوا هذه الأمسية ممكنة سواء بالتنظيم أو بالمشاركة ...
وجاياكم برواقة ...
|
|
 
|
|
|
|
|
|
|
 Re: بورداب الرياض .. انتو ناس حلوين! (Re: عزاز شامي)
|
أختي عَزاز (بفتح العين) ...
صباحك زين
يبدو أنك صحوت مبكرة هذا الصباح على غير عادة نساءنا في غربة الجن هذه
جميل أن تبادري بفتح هذا البوست ... وكيتن على ناس معتصم وحميدة
على رغم ضيق المكان والزمان .. إلا أن عفوية المشاركين جعلت من السهرة
شيئاً ممتعاً وفريداً
فاتتني مشاركتك لأنني كنت أقتطع لنفسي بين الفينة والأخرى وقتاً خاصاً خارج
النص ..
التهنئة لنا جميعاً بهذه الكوكبة الجميلة ..
| |
|
|
|
|
|
|
|
|
 Re: بورداب الرياض .. انتو ناس حلوين! (Re: عبد الباقي الجيلي)
|
يبدو انو ما لناش في الحلو نصيب..
للمرة الثانية تفوتني مناسبة الالتقاء باحبائي بورداب الرياض... ولسوء طالعي اكون في العمل فقد ارسلت لكم اعتزاري مع اخي حسين حسن حسين...
انشاء الله الجايات اكثر من الرايحات..وما حاسدنكم
تحياتي للجميع...وكل سنة وانتو ملمومين علي خير... وياريت سحوور جماعي عشان نحضر...
| |
|
|
|
|
|
|
|
|
 Re: بورداب الرياض .. انتو ناس حلوين! (Re: عزاز شامي)
|
الإبن حميدة 
( الزميل )خدر حسين واشهد أنه صلي مع الجماعة صلاة المغرب حاضرا بعد غروب شمس حداشر رمضان   الشهيد .. يوسف حمد النيل ( ابوجيدة ) شاعرنا الملهم  استاذنا المرهف محمد مدني .. يا بحر قم حرك تحرك أو فعد  استاذنا الشاعر حسين حمزة جسمي انتحل .. كيف العمل 
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
أختي عزاز
كل سنة والجميع بخير... مبروك الجائزة
لقد اذدانت بك منصة أبناء حلفا في تلك الليلة نفسها.. فقد كنت أنت وأخواتك المشاركات إضاءة حقيقية في سماء الرياض.. لقد استبشرنا بدور كبير ينتظركن في العمل النوبي العام.. تمنياتي لكل النوبيات أن نراهن جنباً الى جنب مع آدم النوبي يدفعون عجلة التطور والنماء ... هذه نفحات رمضان المبارك أتت لتبارك لنا أعمالنا.. أرجو أن تكون في ميزان حسناتك..
أنا ولأول مرة في حياتي أفوز بجائزة فزت بتوب نسائي لأم الشوش.. يبدو أن الحظ قلب!!
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عبد الباقي الجيلي)
|
أخوي عبد الباقي الجيلي
صباحاتك ورد
على الرغم من أني انسانة تحب نوم الليل وتفطر مع العصافير إلا أن شهر رمضان المبارك يقلب كيان جدولي البيولوجي ويحيل ليلي نهارا. عدت متأخرة من سحور رابطة حلفا الجديدة الذي ذهبت إليه بعد أمسية البورداب وعدت مليئة بالكلمات عما رأيته تلك الليلة وعايشته من لمة حبايب في جو عائلي نفتقده بشده في غربتنا ... فقررت أن اسابق الأخوة من نيل قصب السبق في تنزيل البوست شفت الغتاتة؟؟؟
لك كل الود
***انا أسمي يا سيدي عُزاز بضم العين ومعناه من يعز على قلبك ...
| |
|
|
|
|
|
|
|
|
 Re: بورداب الرياض .. انتو ناس حلوين! (Re: ودقاسم)
|
الخال ود قاسم
مكان أنت ما فيهو أنا تاني ما بجي .. بحضورك الذكي وتعليقاتك الوافية وقراءتك ما بين السطور تعطي اللقاء نكهة فائقة..
| Quote: شكرا لمبادرتك الكريمة بفتح هذا البوست ، وأنا عافي ليك لوجه لله والرسول |
عليك الله ما مغستهم انا بالحركة دي؟ تمبس جاني بهناك وقال لي شكرا على تنزيل البوست وبتحت تحت قال لي انو حيفتح بوست تاني للصور!
قلت ليه هيع! الصور دي ما تنزل في الحوش بتاعي علا إلا اخربها عليكم بقت عندي حركات بورداب مشاكسين الأيام دي.. يا ربي يكون الصيام؟
لك ولخالتنا العزيزة فوزية كل الود
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: DKEEN)
|
الاخت العزيزة عزاز .. نحن بورداب الرياض يشهد الله في كل مرة نلتقي يكون اللقاء اروع من سابقه وبالذات الحضور القوي لكم هذه المرة .. كانت ليلة ممتعة بحق وحقيقة وكنتم الاروع .. ربنا يديم علينا الافراح .. آمين ..
مبروك الجائزة .. والله لو شالا دكين كانت جاتني ( لواية مصارين ) لكن مبروكة عليك ..
اخوك ود الباوقة
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
الاخت عزاز
كانت اللية بحق رائعة الروائع و لقد تشرفت بحضور الافطار وكان الحضور مشهود له وبخاصة مصاحبة نكات الاخ ( محمد حميدة ) الرائعة
وكلمة الاستاذ / احمد يوسف و كلمة ود قاسم
لم اواصل الحفل بسبب ظروف عائلية ولكن علمت بتفاصيل دقيقة عن مسار الحفل من الاخ محمد الحسن فله الشكر واقدم الاعتذار عن عدم المواصلة
والى مزيد من مثل هذه المناسبات لتزيد من الروابط وتوثق العرى .
وين الصور
يلا يا تمبز
صلاح غريبة - الرياض
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
لجنة تحكيم الجائزة كانت منحازة وغير نزيهة ..
حقيقة لم تكن منحازة لي عزاز وانما كانت منحازة ضدي ..
يعني ما كان قصدهم يفوزوا زول محدد بقدر ما كانت قصدهم انو دكين يمرق بره ....
دكين يتخارج وانشالله بعد داك يدوها الطير ..
وده طبعا اسوا انواع الانحياز ..
يفوز هناي او هناية المهم دكين ده ما يفوز ..
ولكن ربي الواحد الاحد القديم .. رد كيدهم في نحرهم وبقيت حين تساقط الاشاوس ..
ومع ذلك ضيعوني..
ختختوها لي لست لاني غير كفؤٍ ولكن لانني دكين..
دكين الدشن .. الفقير .. الهامل.... الما سمح ...
ختختوها لي وهم يعلمون كفائتي ونزاهتي وفقري وحوجتي لشريحة موبايل .. ختختها لي السيد صلاح شتات دون ان يطرف له جفن ..
قصدني حين فضل اخرين..
كان معي مرعبا كخارجٍ من اعصار وكأن بيني وبينه ثأر بائت .. سؤالاته لي كانت نهير عديل ..دكين تاح تراح ..
بالمقابل فقد كان ناعماً وديعاً وبسوماً ،غدقاً، سحاً ، طبقاً ، مجللاً، نافعاً غير ضار مع الاطراف الاخرى .. كمنتوجِ غيومٍ رحيمة ..
عدد المتسابقين كانو ستة .. عزاز شامي وابو جهينة وبدري المتاخر ومحمد مدني وود عقيد وشخصي الماخمج.
اها من شدة صلاح ده ما قاصدني كان لامن يصل ود عقيد وينتهي منو يقوم يرجع تاني لي عزاز ..
يقوم ود الموج يكورك فيهو ..دكين ده ما مالي عينك يا صلاح فاطيهو مالك..
وهكذا ..
ايضا في سؤال اخر :
قال لي يرحمكم الله : يا دكين من هو البوردابي الذي يضع في اخر بوستاته توقيع (المشاء) وختا لي عشرين خيار وقطب حاجبيه وقال لي عندك 13 ثانية .... وكان بخت لي عُـــزاز خيارين فقط .. يخت ليها خيارين وعشرين ابتسامة..
قتا ليهو : المشاء بالتاكيد هو الخواض ..
قال لي اجابة خطأ ..
وفات مشى لي عُـــزاز ..
حقيقة اتحيرتا لظهور مشائين اخرين بالبورد في فترة غيابي ..
لكن ربك رب العدل والاحسان كان راصدا مترصدا .. والجكس قام هتف بي وراهو ...يا صلاح طيب منو المشاء ورينا ليهو ؟؟
صلاح قام قال ليهم بكل برود : صاحب توقيع المشاء هو الخواض .. لكن دكين قال الخواض..
قامت في بت جميلة اعزها الله مالت علي وقات لي براحة ..عليك الله يا دكين قوم غنيها ليهو يمكن يفهم..
وهكذا كانت لجنة التحكيم يا سادتي ...
تحتاج لمن يلحن لها اجاباتي ..
تحتاجني اغنيها لهم لكي تكون صحيحة..
ان يعيد الله صياغة وجهي لكي اكون جميلا بهي الطالع كالمتسابقة الاخيرة حفظها الله ..
غفر الله لك صلاح..دي ما كانت المحرية فيك ضيعتني فقط لان الله اختارني عبدا اشعس اغبر ..
بئس الحاكم يا شتات...
ولنا في القيامة مضمارُ اخر.. فارتقب انك منظورٌ الى حين ..
وآحسرتاه عليك يا انيسة ..
ولدك ضاع وسط لجنة تحكيم فاسدة زائغٌ عينها ومتسابقة جميلة زاهية الحضور تبتسم كالنسائم..
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: DKEEN)
|
| Quote: لجنة تحكيم الجائزة كانت منحازة وغير نزيهة .. |
هوي يا ايها الديكن لا تسكلب على عز لم تنله يدك
وشريحة الموابيل استكانت في حضن موبايلي القديم وعمرها ماشي لنقصان منذ ليلة امبارح ...
وبعدين يا ظالم، شتات وزع ابتساماته وصراته بالتساوي على النحو التالي:
ابتسامة، صرتين، ابتسامه يعني ما ذنبه لو انت جيت في دور الصرة! يعمل شنو يعني ؟ يخرب النظام ؟؟؟
| Quote: وكان بخت لي عُـــزاز خيارين فقط |
لا لا لا لا .. دي غيرة طبقيةمنك!
انت ما سمعت السؤال اللي اطول من يوم السبت وعنوان البوست اللي نص صفحه! السؤال من كثرة ما هو غتيت (بدري) قال لي اديني الميكرفون وامشي ما في داعي زاتو تقولي ما بعرف!!!
عد إلى رشدك يا هذا فقد انذرتك في الجولة ما قبل الأخيرة وقلت لك بأنك مش قدي ولا قد حظي
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
ما أحلى ساعات اللقا
مع بورداب الرياض
الأخت عزاز
تحية طيبة
شكرا على المبادرة، والوصف الرائع
لليلة رائعة من ليالي الغربة التي
تجعل من طعم الغربة قابلا للتذوق
ما أحلى التقاء الناس بعفوية وتعاملهم
دون تكلف وكأنهم ولدوا ونشأوا معا..
شكرا للجميع
| |
|
|
|
|
|
|
|
|
 Re: بورداب الرياض .. انتو ناس حلوين! (Re: DKEEN)
|
الريس أبوجهينة يميناً
ويساراً ( خبير التحكيم ) صلاح شتات
ويبتسم للكاميرا بعد انتهاء المسابقة
ما كمان ما معقول .. يقلعو الجائزة من عزاز شامي
ويدوهــا لي دكين
اصلو ما بتجي .. يا دكين  أنور البعيو يميناً
وأحمد الشايقي يساراً
متابعة باهتمام المستنير لمن مولع ( جعفر بشير أبوامنه)يميناً
والعقيد عبد الله عقيد
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: DKEEN)
|
دكين
أضحكني حديثك كثيراً
قلت لي شين 00 تستاهل
يعني ما أدوك جائزة
ولايهمك ياحبيبي 00 يكفي أنك كنت وسط بورداب الرياض
وأهم شيء أنك كنت تتوسط ذلك الجمال والابداع من نساء بلادي الباسقات
صدقني فكرت أنو اشتري ليك شريحة
ولكن أسوأ خصلاتي أنني لا اتعاطف نهائياً مع الشينين
أياص كانوا رجالاً أم نساء
شكراً للقائكم الجميل
ونتمنى أن نكون معكم يوماً ما
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
برغم الاحزان التي تطل وتغيب في تمهل فقد اسعدتني الليلة وكان الحضور جميلا ودافئا ..
فكره المسابقة كانت ابداع وغير مسبوقة والزول النجرها ده اكيد يستاهل وسام ..
والحضور نفسة كان ابداع وناسو مزيونين ..
على الاقل
كان لنا شرف مجالسة شاعر اغنية (جسمي انتحل) بتاعة ابوعركي ..
كم ساهرت بنا في ليالِ الجامعة ودار الاتحاد بجوار الازرق الزاهي المليان محنة..
واول مرة اعرف انو محمد مدني هو شاعر اغنية عقد الجلاد بتاعة
( يا بحر قم حرك ..تحرك او فعد )..الى ان انتهى وقال
(فقط اعلمو ان لا وثيقة او وثاق ولا حقيقة او نفاق تخفي عن الاطفال عورة من دفنتم من رجال )
يا الله كم كان شعرا جميلا بقراءة تجلى فيها مدني..
وكم تجلينا نحن بها في مساءات الخرطوم وكازينو النيل الازرق والجامعة ..
محمد مدني ..
كنت جميلا ..وفكهاً .. وازدانت ليلتنا بك..
الجميل دوما مرزق ..
ابدا لم يخيب الامال .. غنى كما لم يغني من قبل .. اتحفنا وكم طربنا لما غنى ..
الفنان عز الدين ايضا اتحفنا في ليلتنا تلك ..دوما هم بالجوار ودوما فايتننا بي حضورهم وكرمهم ..
شكرا لهم ..
شكرا لكم ..
بورداب جميلون..
| |
|
|
|
|
|
|
|
|
 Re: بورداب الرياض .. انتو ناس حلوين! (Re: عزاز شامي)
|
الأخت عزاز
تحياتي
ومبروك عليك موبايلي
وانا زاتو لو كنت مسئول من الجائزة
ما بديها دكين الشين
وبقدما ليك علي طبق من ذهب محفوف بأيات الشكر
لهذا الحضور البازخ والمشاركة الجميلة التي قدمتيها
وارجو منك صادقا ان تقومي بإنزالها هنا
(نساء خلف الأبواب الموصدة)
تخريمة
ياشتات تسأل عزاز عن بلد المليون شهيد
وتقول لي دكين عدهم لينا،، بالله مش حرام
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: ahmed haneen)
|
| Quote: وانا زاتو لو كنت مسئول من الجائزة ما بديها دكين الشين |
الاخ أحمد ما تخليك حنين على الزول ده.. يا جماعة الزول ده ما ذنبه انو حامض وغتيت وعنقالي ولسانه متبري منه ...ده قدره ما نلوم الزول على قدره يا جماعه !!
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
انشالله ينفعك يا عُـزاز ..
Quote: ابتسامة، صرتين، ابتسامه يعني ما ذنبه لو انت جيت في دور الصرة! يعمل شنو يعني ؟ يخرب النظام ؟؟؟
|
آي ما النظام ده بجي فينا نحن بس ..
نحنا كل الانظمة بلا استثناء تاتي علينا ..
نظام الجبهة ..نظام شتات..
يازولة ما مشكلة بس ان شالله ابتسامة شتات دي تضوي ليكي ..
Quote: بدري قال لي اديني الميكرفون وامشي ما في داعي زاتو تقولي ما بعرف
|
قال بدري قال ..
هو بدري كان فاضي لينا؟؟
والله بدري ده كان كان فاهم شي في المسابقة شنبي ده يقوم في تمبس..
دكين
المسكلب على عزٍ نالته عُـزاز بليلٍ في غيبةٍ من ضمير الانسانية ..
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
| Quote: ***انا أسمي يا سيدي عُزاز بضم العين ومعناه من يعز على قلبك ... |
ياسلام عليك لامن تكون زولا عزيز عن ناس عزاز
يا سلام عليك
(....)
ويا ناس الرياض حظكم في السعد مرتين وعيني باااارده (والصلاه علي النبي).
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: Kostawi)
|
الأخ كوستاوي
سلامات ..
واسعد الله لحظاتك ورمضان كريم ..
لم ندرج على تشويه اي من بوستات الزملاء بأي نوع من الاستفزاز أو اثارة اي نوع من الفوضى
في كل تجمعاتنا دائما ما يتواجد معنا من هم في مقام امهاتنا ، اخواتنا ، خيلان لنا ، واسر يهمنا أمرها ودائما يتابعون كل ما يكتب هنا وما يتعلق بلقاءتنا..
أرجو شاكرا وفورا سحب هذه المداخله أو إدراجها في المكان المخصص لها لأن هذا المكان لا يليق بها هنا .. ولا أدري ما السبب في إدراجها بهذه الصورة الاستفزازية..
أرجو يا كوستاوي ..ذلك
ولا داعي أن تجر هذا البوست إلى مكان لا نحبه .. لا لشي إلا شي تعرفه أنت أو غيرك.
محبتي واحترامي
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
عُزاز.. يا رفيقة الدرب في الحروب الشرسه..
وحاة الله بعد ما قمت من النوم وقلت أجهز وأخم توبي... وعمل فيها عروس عشان أجي أحضر الفطور.. نادر جاني حاسي شوية... قلت "حرّم" ماني متحركة من مكاني ده.. بري يا يمه راجلي عيان البوديني الرياض شنو... ما واجعني إلا إني كنت مشتااااااااقه لشوفة عمو ود قاسم وخالتو فوزية.. عليك النبي شفت الناس ديل حلوين كيف.. وحاتك انا لما اشوف خالتو فوزية دي، بتذكر طوالي ماما علوية الخليتها بي وراي في قطر وجيت البلد دي.. بعدين الواحد قال يلاقيك وياخد معاك خشم خشمين..
| Quote: بورداب الرياض .. انتو ناس حلوين! |
العبارة دي أضيفي ليها ( دكين ما معاهم) حلوين كيف يعني؟ انا غايته باخد بالقالوهو لي.. دكين ما معاهم... عفيت منّك وقت (هزمتيه) شر هزيمة.. أصله كان محتاج وزنه زي دي.. وبغرّتونا
!!!
هو بدري ده طوالي شايل المكرفون مابفكه؟
بختكم ... وحظكم... وبركة سلامة راجلي ... ان شاء الله نجيكم في غيرها...
إنت يا عُزاز.. ما جايه الشرقية دي؟
بنت الحسين
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: مريم بنت الحسين)
|
العروسة السمحة الغالية علينا مريم بنت الحسين
كل عام وانت بألف خير يا غالية ورمضان الجاي بين حبانك ومع الغالية علوية
زعلتني عدم شوفتك وسلامة زوجك و قدامو العافية وان شاء الله نشوفك في فرص تانية واديك جنس شمار ونعوض الفترة الفاتت، انت بس شيلي الصبر
خالتو فوزية والخال محمد قصة تانية يا مريومة، الثنائي ده من طراز خاص ...
فاتك يا مريومة نظرة الانتصار ونظرة المغسة على وشي و وش غريمي .. يا اخي شعور رهيب بشكل! بس لو لاحظت انو دكين بيحاول يشكك في نزاهة اللجنة، بس على مين؟؟ اختك جدعة !
التليفون بيقرب البعيد وبيناتنا اتصال ان شاء الله
كل الود
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
عزاز
مسكا اقمي
طبعاً أولى واحد بالفوز في المسابقة دي انا اقدمية ساي كدا لكن عاد البرالمة بالسنون ديل يعضوا من طرف ساي وعزاز هي الغشتني وطلعتني من المسابقة همست لي براحة قالت لي صاحبة المداخلة هي تماضر شيخ الدين وانا الآمبوووح (بتاعت محسن خالد ديك) صدقتها واديتها لصلاح شتات بضبانتها وطبعاً شتات ما صدق اصلو هو ان لقى من الأول يعلن عن المسابقة ويدي الجائزة لعزاز في الأول وبعدين يضفرنا بالأسئلة الغريبة ديك لكن هو بيني وبينك يعني منو اليستحق الجائزة غيرك يعني انا لو كنتا فزتا بيها كنتا حأهديها ليك بس عشان انتي نوبية يعني عنصرية ساي ما حاجة تانية
حقيقة استمتعنا بيوم جميل واتعرفنا على ناس اجمل وهم اضافة جميلة لبورداب الرياض وطبعاً في مقدمتهم العزيز عبد الله عقيد الرجل الهادئ الجميل تحياتي له ولكل الاخوة الاعضاء الجدد من الرياض .
مريم والله ما ماسكو طوالي اصلو المايك دا مافي علاقة بيني وبينو لكن صلاح شتات وود الشيخ اتفرسوا في الوشوش كويس واختاروا ناس ينافسوا عزاز شامي وطبعاً فراستهم ما خابت ...
| Quote: نادر جاني حاسي شوية |
ياعمك الأداك بالكوريك يدينا براس الملعقة .... عليك دينك يا نادر كنتا حاسي بشنو؟؟؟ اصلو الاحاسيس زاتها فرق طبعاً الله لينا نحنا وعيني باردة عليكم
محسن خالد آخوي السعودية اوعك تقربا والله المشركين ليك كتااااااااااار وانا وود قاسم وحنين ما بنقدر نحجزهم منك اها عاد ان فكرت ليك في عمرة ولا حجة غايتو شوف ليك بلداً تانية غير السعودية وانا عارفك بتلقى ليها حل.
كوستاوي بالجد كدا انتا زول غريب اسي مداخلتك دي لزومها شنو بوست جميل ذي دا انتا اصلا المفروض ما تدخله اها ولما تدخله كمان ترمي ليك دراب ما ليهو داعي وبعدين تعال النسألك أصلو السؤال دا واجعني من زمان مع انو دا ما مكانه لكن طالما رجولك جابتك نسوي شنو انتا يااخوي طالما اصلك مقطع العربي وفي نفس الوقت مقطع الانجليزي ياخي مالك تكتب سطر عربي وسطر انجليزي احسن تكتب ليك مداخلة كاملة بالعربي ومداخلة كاملة بالانجليزي يعني مافي داعي تجهجه ال Cpmpilers بتاعة الأدمغة يعني الكومبايلر يكون شغال على نمط معين فجأة يلقى ليهو سطر مشاتر ياابوي والله عارفناك راجل كبير وبنحترم سنك واي حاجة لكن كمان عاد براك بتجيب الشينة لروحك وحرم آبوي الشينة ما بنرضاها فلكل مقال
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: Badri)
|
ألذ عنصري، بدري ..
مسكا آقنا؟
| Quote: وعزاز هي الغشتني وطلعتني من المسابقة همست لي براحة قالت لي صاحبة المداخلة هي تماضر شيخ الدين وانا الآمبوووح (بتاعت محسن خالد ديك) صدقتها واديتها لصلاح شتات بضبانتها |
أنت كمان يا بروتس؟
انتو دايرين تخلوني شماعة لحظكم (الكج)؟
يا بدري يا اخوي أنا اعتقدت أنها تماضر بس ما قلت أنها تماضر! شفت الفرق؟ يعني تصرفك (الأمبوحي) لا ذنب لي فيه ...
Quote: صلاح شتات وود الشيخ اتفرسوا في الوشوش كويس واختاروا ناس ينافسوا عزاز شامي وطبعاً فراستهم ما خابت ...
|
وعليه،
يا جماعة انا نلت الجايزة دي بضراعي ما بتوزيع ابتسامات!!!
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
الأخوة بورداب الرياض ..
رمضان كريم ..
لا أود أن أفسد عليكم نكهة هذا البوست الذي يبدو أنه كان جميلاً بوجودكم وإزداد جمالاً وألقاً بعدم وجودنا !!!!!!
فقط إستوقفني حديث ود قاسم :
| Quote: هم هكذا بورداب الرياض يجيدون البهجة والفرح ويرقصون ويغنون ، لكنهم في النائبات قليل ، |
الأن فقط أدركت يا بورداب الرياض أن زواجي كان نائبة من نوائب الدهر !!!
فلو كان فرحاً وكان بهجة لرقصتم وتغنيتم !!!!!!!!!!!!!!!!
معليش يا تمبس شترت ليكم البوست زي كوستاوي ولكن .............
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
اتلاقينا
اشكال والوان من كل نبع قطرة
من الشرق خلال وهدندوي
من الشمال رقصة نوبية ونجمة عُزاز
ومن الغرب المردوم وهلباوي
من الجنوب شلكاوي ودينكاوي وحنين
في الجزيرة نزرع قطنا لي ناس قاسم
النيل الابيض ابو الانهر السودانية
وناس حلوين من الحسانية
سوداني الجوا وجداني
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
التحية للتماسيح ( قصدي بورداب الرياض )يااحلى بورداب .
ويابكري ابوبكر سؤال اساسي لسه قائم:
لماذا يابكري تمد مدا للمدعو كوستاوي ؟
والتحية ايضا لبدري ممثل الشرقية.
وبالمناسبة وين العزيز معتصم دفع الله ؟
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
| Quote: ياعمك الأداك بالكوريك يدينا براس الملعقة .... عليك دينك يا نادر كنتا حاسي بشنو؟؟؟ اصلو الاحاسيس زاتها فرق طبعاً الله لينا نحنا وعيني باردة عليكم |
لا لا عينك ما بارده.. قهرتك بالقاهر والنبي الطاهر.. قول ما شاء الله...بعداك بندعي ليك يديك كان بي ملعقه كان بي قطّاره.. والله كان تعبان شديد.. لكن نحمدالله بقى بخير..
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: مريم بنت الحسين)
|
اولاً ارجح ان يكون قصد كوستاوي من مداخلته غير ما فُهم منها.
ثانياً ارجح ان يكون عمر الفاروق - و ليس زواجه - نائبة من نوائب الدهر.
ثالثاً رجل قبل الزواج كان عمر الفاروق شيخ الدين و بعد الزواج صار عمر الفاروق؛
احتجت لاسبوع حتى استوعب التغيير و مسبباته.
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عمر الفاروق)
|
الأخت عزاز
وكل ضيوف هذا البوست ألف مليون سلام وحباب
الليلة كانت ليلة مميزة وفريدة وكعادة بورداب الرياض ملؤوها بهجة وصخبا ومرحاً
رغم أجواء الحزن التي كانت تتلبسني الا أنني أستطعت الخروج منها والانسجام مع ابداعات مرزوق وقفشات صديق الموج
****
لقد أنفعلت وتفاعلت كثيرا مع (محاضرة) الاخت عزاز حول أوضاع المرأة السودانية وما تعانيها (خلف الجدران الموصدة).
سأكتب لك تعليقاً حول هذا الموضوع لاحقاً في بوست مستقبل أو عبر رسالة مباشرة
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: Habib_bldo)
|
بلدياتي حبيب بلدو ...
بدل الله همك بالفرح والبسك لباس العافية ...
ان الاجتماع بالقلوب الصافية كاجتمعنا تلك الليلة يعطي بعدا
جديدا للأمل ويكسر أطواق الحزن....
ان الجدران الموصدة بانتظار طرقاتهم عليها لتفتح مصراعيها
عن طاقات ابداعية للمرأة السودانية التي كانت ولا زالت رمزا للعطاء ...
كل الود
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
عزاز
ورقتك كانت إضافة حقيقية في تلك الليلة الجميلة التي أحسنت وصفها.. وشكرا لمحمد مدني الذي كان طويل القامة عزيز الهامة .. ولا أدرى فقد كان الفرح أكبر من المتوقع من الرياض وفيها .. فيا إرادة البورداب جودي ..
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
الاخت عزاز .. جرت العادة على يلتقي الإخوة بورداب الرياض هكذا .. وتجري مناقشة الأمور العامة سياسية كانت أو اجتماعية .. وينفض السامر .. لهذا فقد اعتبرت تحضيرك لورقة مرتبة ومميزة عن هموم المرأة ومعاناتها في حفل البورداب إضافة حقيقية تلفت الإنتباه عن واحدة من القضايا شبه المسكوت عنها .. وتحتاج لخطوه تتقاصر عنها مساهمتي في البورد .. ليت المسألة تأخذ حقها من البورداب المهتمين بهذا الشأن .. فإن لم يبدعوا الحلول فلا أقل من أن يجعلوا مثل هذه القضايا هماً مشتركا.
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
Quote: والله لو شالا دكين كانت جاتني ( لواية مصارين ) لكن مبروكة عليك ..
|
ده كلام الريس
Quote: وانا زاتو لو كنت مسئول من الجائزة
ما بديها دكين الشين |
عشان بس تعرفو انو انحنا قمم مستهدفة ..
ده كلو وكوم وود عقيد كوم تاني ..
زول حبوب ومرح جدا وخدوم ..
ود عقيد في اي سؤال يشبكني يا دكين الاجابة بلجيكا ..
بلجيكا يا دكين..
قتا ليهو : هو شنو البلجيكا انتا هسع سمعتا السؤال شنو..
قال لي : شنو ؟؟
قتا ليهو : من هو الموقع (المشاء؟؟) اقول ليهم بلجيكا يا ود عقيد ..
قام على لي وسكت مسافة وقال لي : اي قول ليهم بلجيكا ..
عايز يضيعني قبل صلاح .. ينال شرف وداري ..
نحنا يا خوانا ما مرقنا بي اخوي واخوك ..
ولو عند السيدة نفرتاري باقي ضمير مفترض تدينا باقي الرصيد..
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: DKEEN)
|
| Quote: ولو عند السيدة نفرتاري باقي ضمير مفترض تدينا باقي الرصيد.. |
السيد دكين الملقب بالـ(القليص)
استجابتة لنداءكم وسكلبتكم التي قطعت نياط قلبي المرهف قررت انا حفيدة حبستشوت أن اتنازل ليك عن الكرت لانو انا عندي تليفونيين، واحد للشغل وواحد للخاس وما حمل الفواتير يا اخوي ولا كروت الشحن انا بأكون نفسي ...
وعليه تقرر تسليمكم الكرت خلال اليوميين الجاية (تعبير مجازي)
بس استنى لغاية ما اكلمه واتصل بصديقتي في استرالياوبنت عمي في الصين ولما الرصيد يكمل باديهوا ليك على طبق من صفيح مزين بأكاليل البقدونس والفجل ...
بصراحة ما هاين علي المعيط اللي معطوه ليك الجماعة مع انك اتهمتني بالجمال واتهمتهم بالعين الزايغة بس انا قلبي (مرهف) أعمل ايه؟!؟!
ارقد ممغوس يا ايها الديكن
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
هكذا دوماً بورداب الرياض ..
أين كانوا يكون الفرح معهم ..
تآلف إنسجام روح جميلة ..
كانت ليلة الخميس من أجمل الليالي ..
روعة بروعتهم ..
شكراً عزاز على كل ما خطه قلمك الأنيق ..
وأكيد القادم أحلى ..
والشكر لكل من حضر هذا الجمع الكبير ..
وتحية وشكر خاص لبورداب الشرقية ..
شيلوا الصبر جاييييييييييين بالصور ..
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: معتصم دفع الله)
|
الأهل الحبايب بورداب الرياض
صراحة لم يبقي لي شئ من أناملي حتي أكله بس الله يجازي الكان السبب
بالفعل فاتني المولد لظروف خارجة عن ارادتي ولكن احساسي متواجد بينكم
وكنت ادري روعة المكان وجمال نجوم البورد وهم يبدعون في ركن من اركان الرياض
لهم التحية وبرضو طالبين السماح وكم تمنيت ان التقيهم بعد مرور عام على الشهر الكريم
تخريمة
اخو معتصم هي فيها جوائز وهبشات تقول لي ياخي امشي احضر برنامج حروف والوف وسيارة
الله يجازيك ياابوالدفاع
تمبس : شنو يامان حتي متابعة مافي
الاخت عزاز لكي العتبي حتي ترضي
مع تحياتي للجميع
اصلي لمن ادور اجيك بجيك لا بتعجزني المسافة لا الظروف تمسك بايدي
كرماوي
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: معتصم دفع الله)
|
الأهل الحبايب بورداب الرياض
صراحة لم يبقي لي شئ من أناملي حتي أكله بس الله يجازي الكان السبب
بالفعل فاتني المولد لظروف خارجة عن ارادتي ولكن احساسي متواجد بينكم
وكنت ادري روعة المكان وجمال نجوم البورد وهم يبدعون في ركن من اركان الرياض
لهم التحية وبرضو طالبين السماح وكم تمنيت ان التقيهم بعد مرور عام على الشهر الكريم
تخريمة
اخو معتصم هي فيها جوائز وهبشات تقول لي ياخي امشي احضر برنامج حروف والوف وسيارة
الله يجازيك ياابوالدفاع
تمبس : شنو يامان حتي متابعة مافي
الاخت عزاز لكي العتبي حتي ترضي
مع تحياتي للجميع
اصلي لمن ادور اجيك بجيك لا بتعجزني المسافة لا الظروف تمسك بايدي
كرماوي
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
الحبيبة عزاز
وكل اهلي بورداب الرياض
كم انا حزينة لعدم تمكني من المشاركة معكم في هذا اليوم البهي والذي احتاج لمثله كثيرا
وبالرغم من اني كنت موجوده بالرياض ولكن كنت مع زهير بالمستشفى لتلقى العلاج ..شكرا لاتصالكم بي الذي ما انقطع يوما اعزائي بورداب الرياض الحلوين
سعيدة بفرحتكم بهذا اليوم الذي يبدو جميلا حقا بوجود هذه الكوكبة الرائعة واكيد حنتلاقى في مساحات ارحب واجمل
لكم ودي فردا فرد ..
بدري- تنقو شكرا لتمثيلنا في هذا اليوم .. وكعادتكم دائما (تغطوا عين الشمس)
لكم ودي
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: أم سهى)
|
| Quote: ولو عند السيدة نفرتاري باقي ضمير مفترض تدينا باقي الرصيد |
صدقوني الواحد بنبسط لمجرد القراءة ....لما يلاقي ناس بهذه الروعة...
وعينا بااااااااااردة...
الاخت عزاز
الاخ دكين بث مظلمته هنا علنا....عليك الله أشتري ليه اسكراتش بي عشرة
ألف جنيه سوداني....عشان تحللي هديتك الادوك ليها غصبا عنو دي
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: nazar hussien)
|
أخوي نزار حسين
رمضان كريم ...
Quote: الاخ دكين بث مظلمته هنا علنا....عليك الله أشتري ليه اسكراتش بي عشرة
ألف جنيه سوداني....عشان تحللي هديتك الادوك ليها غصبا عنو دي |
النبي طيب لو انا عملت كده وسمعت النصيحة، امغس (دكين) كييييييييييف؟؟؟؟
ما تحرمني من لذة الانتصار اللي انا عايشة فيها حسي...
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: أم سهى)
|
الغالية أم سهى ..
كل عام وانت بخير ورمضان كريم
اهديك أصدق الأمنيات بأيام روحانية وأهدى الاخ زهير باقات من الود وامنيات الشفاء العاجلة
ان شاء الله السنة الجاية تكونوا انتم نجوم الحفل ونحتفي بشفاء الأخ زهير وبرجعتكم لنا سالمين ...
لك كل الود
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
الأخت / عزاز
لكِ التحية و التقدير
الإخوة / بورداب الرياض سابقا - الرياض الشرقية - حاليا
لكم التحية و التقدير
برغم ما جري لنا في هذه الليلية إلا أنني لم اندم لحظة واحدة علي حضوري لهذا الملتقي ، فقد كان قمة في الروعة ، متألقا بمنظميه ، مزدانا بمن حضرة ، مشّرفا بكل تفاصيله ، استمتعت بكل لحظة فيه ، كما استمتاعي بشراب ( الحلو مر ) فقد كانت بالنسبة لي ليلة الحلو مر الكبرى .
ابتدأت شرب الحلو بمرافقتي للعم تنقو خلال الرحلة الصحراوية قاطعين فيها سهول الاحساء و صحاري نجد لنصل إلي الرياض ، فكانت هذه الرحلة هي بداية الحلو ، قطعنا كيلو متراتها الأربعمائة دون أن نحس بطولها ، فونسة تنقو هي من طوي عنا بعد المسافة و وقانا من وعثاء السفر . لنتجرع أول كؤوس المر في ذلك الشارع المزدحم داخل الرياض ، فقد كانت الصدمة شديدة علي مؤخرة السيارة ، وربنا لطف بي بدري لانوا عرفا و جا الرياض راكب طيارة ، و كذلك بي نادر و مريم لتخلفهم عن الركوب معنا .
بعد الانتهاء من إجراءات تسجيل الحادث الأولية ، جئنا نركض لمكان الاحتفال لنشرب ثاني كؤوس الحلو بلقاء الحلوين ، احترت لوهلة علي من ابتدئ بالسلام ، تمنيت للحظة ان أصافح الجميع دفعة واحدة ، و ان اتونس مع الكل في كل المواضيع في نفس الوقت ، و كل من عرف بامر حضورنا كان قلقا علي تأخرنا متلهفا لمعرفة ما حدث لنا ، و اطمئنوا أخيرا علينا فلم يصاب احدنا في الحادث .
بعد الكاسات الحلوة مع الرياضاب رجعنا للمر مرة أخري للمر مع إجراءات المرور و تعقيدات تسوية الحادث التي لا تشرح ، فعدنا مرة اخري لنشرب الحلو الذي لم يفسده طعمة المر الذي خالطة ، بل زاد من استمتاعنا بالحفل ، فقد كنت مصرا علي ان استمتع بكل ثانية فيه ، و كنت فرحا بمطالعة كل وجهه من وجوه الحضور . و كنت ازاد شرفا بتعرفي علي كل شخص جديد القاه ، اقرأ له و لم التقي به .
لم تمضينا الليلة بطولها لنكتفي من هذا الرحيق السوداني الحلو الدافق ، فقد كنا نحتاج لليالي متواصلة لنكتفي من هؤلاء الشباب . و اشك في انني لو وصلت ليالي الدهر بطولها لما أكفتني روعة هؤلاء الشباب .
تحياتي و تقديري لكم يا شباب بلدي يا صناع الفرح و اللقاءات الحلوة .
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: حمد فتح الرحمن)
|
حمد وتنقو ..
حضوركم كان جميل وكان سبب من اسباب بهجتي ..
كنتا عايز اشوف السيد تنقو ده عامل كيف ..ولقيتو كما توقعت زول بهجة وخيالو مسرة..
ويا حمد لقيتك رقاص وطربك عالي ..وقميصك شديد
والعربية كلنا اسفنا للذي جرى لها .. ويازول الجاتك في مالك سامحتك ..
وذي ما قال عمك ضحوي :
الحديد ما تغرمو..
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
غايته يا دكين .. وصلنا البث الفيديوي للحادثه الأليمه التي مرّرت بك.. يازول والله كانوا قاصدنك عديل كده.. لكن غايته انت ابلعها.. وقول رمضان كريم.. واعفي لينا.. وحاة الله ضحكنا لما معداتنا اتقلبت فوقاني تحتاني... عافي لينا؟
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
يامرحبتين بورداب الرياض
عزاز تستاهلي الجائزة وعلي قول شتات ( يعني يدوها لي دكين ) معقولة بس
مابين القوسين هو اخر تصريح أدلي به صلاح شتات جبناهو عشان نؤكد للجميع
عدم نزاهة إدارة البطولة . شفت يادكين اخوك متصالح معك كيف ( ياربي ليه)
عن اليوم المشهود
كان حدثاً إستثنائياً وانا اتواجد وسط أؤلئك الجميلين كلهم كانو جميلين ذاك المساء بما فيهم ( ظلاميوا المنبر أبو رزقة ومن لف لفه ) .
الفطور غايتو ماكان بطال ( ده ياناس اللجنة عشان تحضرو الموية قبال الاذان) تاني
بورداب الشرقية كانو كالعادة ( جميلين ) عدا بدري الما لقيت فرصة اتونس معاهو
والاداك بالتمنية كيلوا يدينا بالشبر ( صاح يادكين وشتات )
وليد طه لاحولالا جنس تنظير
ود قاسم جميل هذا الذي تقوم به فشكراً لهذا الوطن
حمزاوي ياخي اليوم كلوا قضيتو ونسة مع اهلك الدناقلة ديل ( تاني ماتجيبهم معاك لو ماحتشتغل بينا)
صديق الموج ( أطربتني ) يعلم الله ذلك والولد احمد ماشافع نصاح رقاص جنس رقيص والرباية عندك علي الايمان .
أبو جيهنة
سته سبعة تمانية من ذيك بالكتير واطاتنا كان اتصلحت
محمد أبو جودة
سعيد بالعرفة من قريب اعدك بزيارة قريب وتسلم ياهادئ
دكتور حمد ( بتاع الشرقية)
ياخي عيب ماتعيش علي ضهر العلم
محمد مدني
أمتعتني ياصاحبي كنت الاول وكعادتك ذدت المواجع بالاسئلة
بدري ( مشوار الالف ميل صدقني لايبدأ بطيارة) تحياتي لصداع وصديقنا مستر اندومي (ماهر)
والود محمد الزبير وسمامون وسمو
تمبس تمبس بسكويت التوثيق مهم مهم خالص ( اخوك حاجز الشريط مغروود فيل بالحيل)
أبو امنة ( قال جعفر بشير قال)
الزهجة الدخلتنا رب العالمين يمرقا ياصاحبي
محمد الشيخ
شكرا للتنظيم العالي
ود الباوقة
أنا مانعيت طيب معشرك
ولا اقمت عليك عزا
وأكتفيت افضل اريدك
باندهاش
شكراً ياريس
ياخوانا مانسيت زول وجاييكم واحد واحد
عني انـــــا
طار قلبي
لاغير
خضر
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: خضر حسين خليل)
|
بورداب الرياض .. تحياتى
طبعا شفت البوست بتاع اللمه قبل كم يوم وقررت انو اشارك .. ونسبة
لطلاتى المتقطعه على المنبر اتخيلت انو الفطور ده يوم الجمعه .. كيف
ماتسألونى ( اصلو الكبر حصل ) ... المهم دخلت يوم الخميس بالليل عشان اشوف
التفاصيل والمكان وكده ... لقيت الناس فطروا .. وشبعوا فطور وبهجه
ربكم ماهون الشوفه ... بس الجايات اكيد اكتر
يا حكم ولا يا ريس ممكن نطمع فى اعادة المباراة مرة تانيه ؟؟؟؟؟؟
مع انو دكين قال الحكم متحييز ... بس برضو طمعانييييييييين فى الاعاده
يا جماعه برنامج وجه النهار الشين ده بيعيدوه .. انتو ماتعيدوا لينا اللمه الحلوه دى ؟؟؟
عموما هنيالكم ... ويا دكين الناس ديل قالوا دكين بدون شريح معزبنا مسكولات
نقوم نديهو شريحه كمان ؟؟
واتمنيت لو كنت معاكم
ديك الجن
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: خضر حسين خليل)
|
قريبي خضر ....
سلامات
تنامى إلى سمعنا بأن الله تاب عليك وصليت صلاة المغرب في تلك الليلة!
يا اخي مبروك وعقبال الصوم
Quote: عزاز تستاهلي الجائزة وعلي قول شتات ( يعني يدوها لي دكين ) معقولة بس
مابين القوسين هو اخر تصريح أدلي به صلاح شتات جبناهو عشان نؤكد للجميع
عدم نزاهة إدارة البطولة . |
انت بتشجع مين بالضبط؟ يا ابني أنا قريبتك وابقى ليك من دكين (المنهزم)...
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
| Quote: صديق الموج) فاكهة الحفل وعقده الفريد، أمتعنا هو و أبناءه بخفة الظل وغلبتنا القعدة واضطرنا نقوم نبشر وندي شبال! ده غير انو فضح أميتي المطبخية وقشيري لجدادي |
جدى العزاز الجيدو قزاز يا عزاز انا نومى خزاز
هنا يرد معنى اخر لعزاز وهو كما ذكر اخونا عبد الباقى.
لك التحية على حسن ظنك بى ونثمن لك الحضور البهى انت واهلك من الناطقين بغيرها
والناطقين بالجمال كله فقد كنت نوارة الحفل بعد ان مللنا من ودقاسم وود الباوقة
وود وراق وود الشيخ ولتكملة الموسيقى وود شتات وود تمبس وجميع الولاد.كما ملونا هم
فيا امينة المراة والرجل بتنظيم البورداب لك الشكر والتحايا مجددا،ونلتقى بى هناك
فى بوست منى خوجلى،،،
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
يا دكين
عارف انا الوحيد الكنت واقف معاك ، ما لاني عدو الجمال ، ابدا ، و لكن لاحساسي بالغبن اللي وقع عليك من الدولي صلاح لاراش .
يا خوي الرقيص دا خلوا ليكم و ناس احمد الموج ، نحنا مصفقاتية ساكت ، قاعدين نحاول نبص منكم اكان بنقدر نسوي شئ .
بالنسبة للقميص ما يغلي عليك يا غالي ، كان تقول لي في الحفلة ، عليّ الحلف كان لفيتوا ليك في جريدة ، و لا حتي جوة رغيفة زاتو .
بعدين انتا ما طلعت صاحب الاحمدي صاحب صاحبي عمر عوض ، يعني ممكن تكون صاحبي ( لزوم التلصق في الشخصيات الاجتماعية الناجحة و كدة ) ، لكن ما طلعت من رمتالية المين يا شفت ، و انا اقول الخلقة دي انا شايفا وين ، انت اكيد جيت غرفتنا في الداخلية مع ناس الاحمدي و هشام تاج السر .
بالنسبة للعربية يا حبيب ما مشكلة اطلاقا لانها مؤمنة تامين شامل ، بس مسالة وكت و بتتعوض ، اهم شي اننا جينا و شفناكم و سعدنا بيكم يا ناس يا روعة الروعة زاتو .
يا خضر حسين
يعني انا مبقبق عيوني في القراية كم سنة لمن بقيت دكتور قدر دا و بعد دا كلوا ما دايرني اعيش علي لقبي العلمي دا و لا شنوا ؟؟؟؟؟؟؟؟ جنس حسادة غايتو . بالله كتر من الحنك دا لانو مريح اخوك شديد ، بالمناسبة انتا لميت ليك في زول كويس خلاص اليهو انا ، بعد دا فكك من ناس صداح عبيد و الشلة بتاعتم ديك ، اعتبرم مرحلة في حياتك و انتهت ، بعد دا يا حبيب انتا بديت ليك مرحلة عمرية جديدة استعد ليها خالص .
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
Quote: قررت انا حفيدة حبستشوت أن اتنازل ليك عن الكرت لانو انا عندي تليفونيين،
|
السيدة عزاز الملقبة بالسمحة..
قد قررت انا حفيد كاهن معبد الشمس..
قررت اني ما قاعد اتسولك شريحة .. وانما اطالب بحقي في الغنيمة..
افهمي يا رايقة .. فما تقولي لي انو انتي قررتي تتنازلي ..
تتنازلي شنو في زول بتنازل عن ما لايملك ؟!!
انما التنازل يكون عن شي تملكينه او انتقل اليك بشراء او بيع او نحو ذلك .. (مقتطف من كتاب العطايا. دكين ص 23 . الطبعةالخامسة)
ومن لا يملك يا ستي لا يحق له العطاء ..
انت بس قولي ضميرك صحى وكده.... ضميرك يا ام ضمير..
ده من ناحية من ناحية تانية:
انا بصراحة كنتا لامن اعاين ليكي في وشك بقوم اسرح بعيد ..
ولامن اسرح الاجابة الصاح بطير مني ..
ودي طبعا مشكلتك وما مشكلتي انا... انتي ليه مارقة نايرة كده وحضورك اخآذ؟؟
يعني ياخوانا كان في استغلال نفوذ في المسابقة .. وهذا ما شهد به الجميع كما هو مبين في البوست اعلاه ..
يعني استغلال نفوذ منك وحقارة من صلاح شتات وحسد من بقية البورداب والواضة باليل ..
شي طبيعي اني ما افوز..
وبصراحة لو كنتا فزتا وسط كل هذه النوائب والمحن كان جائزتي موش تكون شريحة موبايل بس ..
والله المفروض كان يعقدو لي على اسمح واحدة في الحفلة وحضورها اخآذ بدون اي تحفظات او مسائل مالية خليها الشريحة البي 99 ريال دي..
وعموما يا ستي انا قبلت تنازلكم المشروط ده بس بي شرط انك تنزلي لي رقم التلفونين التانيين فيهو بعد داك انا بستلمو ..
وتخلي لي فيهو رصيد يكفي لونسة عصرية او ونسة ليلة قمراء ..
ده من ناحية من ناحية تالتة ..
السلام عليكم ورحمة الله ...
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عزاز شامي)
|
لايفوتنا ان نحيي السيد الكاردنال محمد الشيخ للاخراج الرائع ..
طبعا الحفلة دي كلها كانت فوق راسو وبتنفيذه.
ودالشيخ وخدن نفسة الضيف حمدي الذي اكتفى بالصمت والمشاهدة ..
ود الشيخ ذلك عهدي بك كثير الصمت دائم الهجيج رقاص..
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عبد الله عقيد)
|
كان يوما جميلا ومشاركات جميلة واناس اجمل
عزاز كانت كلمتك واضحة وجدت صدى في نفوسنا كلنا
واتمنى ان تجد طريقها لارض الواقع
والامنيات لا تتحقق بالنظرات بل بعمل الرجال والنساء وبالسواعد القوية والعقول النيرة
لكي احترامي وللجميع
هاني عربي محمد
| |
|
|
|
|
|
|
|
|
|
Re: بورداب الرياض .. انتو ناس حلوين! (Re: عبدالرحيم ابوحراز)
|
Quote: ده من ناحية من ناحية تانية:
انا بصراحة كنتا لامن اعاين ليكي في وشك بقوم اسرح بعيد ..
ولامن اسرح الاجابة الصاح بطير مني ..
ودي طبعا مشكلتك وما مشكلتي انا... انتي ليه مارقة نايرة كده وحضورك اخآذ؟؟
يعني ياخوانا كان في استغلال نفوذ في المسابقة .. وهذا ما شهد به الجميع كما هو مبين في البوست اعلاه ..
|
ده يا دكين اسمو الدرديق في الرماد المليان قزاز مكسر
بعدين تعال هي الجائزة دي طالقة ساكت عشان يدوك ليها
اجمل حاجة في المسابقة عندما قام المتآمر صلاح شتات بطرد دكين من مكان المسابقة وبصوت عالي ( قوم اطلع برة )
عمر الفاروق شيخ الدين انت اخ عزيز وغالي علينا كلنا بس رد علي تلفوناتنا
تمبس ده اخر تهديد ليك وانت عارف الباقي
الاخت عزاز شكرا وكل سنة والجميع بخير
وليد شريف
| |
|
|
|
|
|
|
| |
عبد الباقي الجيلي
showgi idriss
إسماعيل وراق
عبد الله عقيد
tmbis
معتصم دفع الله
ودقاسم
ghariba
هشام هباني
ابوحراز
ahmed haneen
Hussein Mallasi
saadeldin abdelrahman
Kostawi
مريم بنت الحسين
Badri
عمر الفاروق
أحمد الشايقي
humida
Habib_bldo
Mohamed Abdelgaleel
mahmed alhassan
A.Razek Althalib
Muna Khugali
أم سهى
waleedi399
حمد فتح الرحمن
خضر حسين خليل
صديق الموج
Hani Arabi Mohamed
فيس بوك
تويتر
انستقرام
يوتيوب
بنتيريست