|
|
 ما هو الغرض من زيارة لجنة جالية واشنطن الغير شرعية لرجل دين مسيحي إنقاذي؟
|
قامت مجموعة من لجنة جالية واشنطن الغير شرعية بزيارة الى رجل الدين المسيحي الاب فيلوثاوس فرج راعي الكنيسة القبطية في الخرطوم. والاب فرج معروف بأنتمائه السياسي لحكومة الانقاذ الوطني وهو مقرب جدا من عمر البشير وبعض القيادات الكيزانية, وهو لم يفتح الله له فم عندما كانت المحارق تدور في جنوب السودان وعندما أعلن الجهاد ضد المسيحين في الجنوب وجبال النوبة. ولم ينطق بكلمة عندما تم أعدام الكابتن جرجس . رغم أن منطقة واشنطن يمر بها عددا من القسس السودانين ورجال الدين المسيحي دائما, إلا أن لجنة جالية واشنطن أختارت أن تسجل زيارة الى رجل يشبهها تماما ومواقفه الوطنية مثل مواقفها تماما. الجدير بالذكر أن الاب فيلوثاوس فرج لم يولد في السود مثل بقية الاقباط السودانين ولكنه حضر الى السودان في وقت ليس بعيدا.
يظهر في الصورة: من اليمين الى الشمال. إبراهيم سعد الرئيس المزعوم للجالية الغير شرعية. صلاح الزين,(شيوعي وعضو لجنة غير شرعية) حسن أحمد الحسن(حزب أمة وعضو لجنة غير شرعية)
جلوسا. أحمد عثمان(عضو لجنة غير شرعية) والاب فيلوثاوس فرج.
هولاء الاربعة أعضاء للجنة الجالية الغير شرعية بواشنطن. رغم أنهم يعلمون جيدا بأنهم لا شرعية لهم ولكنهم يحاولون خداع الناس ويستمرون في مباشرة عمل وقيادة الجالية التي لا تعتبر شرعية أصلا. وعلى جماعة حزب الامة والحزب الشيوعي يأن يشرحوا لنا, لماذا التمادي في خرق القوانين ولماذا الضحك على عقول السودانين بمنطقة واشنطن؟ وهل أنتم على أستعداد لتحمل تباعات ذلك قانونيا؟ مثل هذا الصور وهذا اللقاء يعتبر إدانة قانونية وأخلاقية قبل أن تكون قانونية. ولا تعتقدوا بأن السودانين مازالوا يتعاملون مع الامور بطريقة"باركوها يا جماعة"
|
|
 
|
|
|
|
|
|
|
|
Re: ما هو الغرض من زيارة لجنة جالية واشنطن الغير شرعية لرجل دين مسيحي إنقاذي؟ (Re: Deng)
|
Quote: يا سلام عليك يا دينق
دي المبدئيه الصاح
يكفينا فخرا انك لم تكذب ولم تنافق لمجرد ان الرجل مسيحي
وانك حددت ان انقاذيته هي الفيصل قبل مسيحيته.
شكرا لك لانك تنتصر لوعيك السياسي على وعيك الديني. |
الغالية تراجي.
طبعا الجماعة ديل بفتكروا أنهم بزيارتهم دي قد يبعدون عنهم التهم الموجهة اليهم بالكوزنة ومحاباتهم للنظام. ومثل هذا الزيارة لن تفوت علي أنا فأنا
أعرف هذا الرجل جيدا, وطبعا هولاء المساكين لا يعرفون مع من يتعاملون. هذا القص هو أسواء رجل دين مسيحي في السودان على الاطلاق. فهو بالنسبة له القصة
كلها تجارة في تجارة. وبعد شوية سوف نفتح ملف القص فيلوثاوس فرج وعن علاقته بالبشير وعن علاقة أبنه ماركو بجهاز الامن. وعلى فكرة هذا القص مشهور جدا
وسط المسيحين في السودان بأسم." أبونا فلوس"
| |
|
|
|
|
|
|
|
|
|
Re: ما هو الغرض من زيارة لجنة جالية واشنطن الغير شرعية لرجل دين مسيحي إنقاذي؟ (Re: Deng)
|
Quote: في نفـس الـوقت الـذي حـضـر فـيه الاب فيلـوثـاوس لـواشـنطن كـان هـنالك وفـد القـائد سـلفا كير والـذي ضـم شـخـصـيات كـبيره مـن بـينها د. منصـور خـالد الـدبلمـاسـي والكـاتب والـعـلامـه...المعــروف لـدي الـقاصي والـداني. لكن هـذا الوفـد علي عظمته ورغـم حضوره الي واشنطن
وفي هذا المنعطف التاريخي الهام بالنسبه للوطن لايثير لديهم ادني اهتمام.
عبدالله محمود |
الاخ الاستاذ عبد الله مولانا.
هذا أكبر دليل على إنشغالهم بقضايا إنصرافية ولا علاقة لها بقضايا الجماهير.
دينق.
| |
|
|
|
|
|
|
|
|
|
Re: ما هو الغرض من زيارة لجنة جالية واشنطن الغير شرعية لرجل دين مسيحي إنقاذي؟ (Re: Deng)
|
الاستاذ عبد الله مولانا.
إذا رجعت لتاريخ عصابة الاربعة بلجنة الجالية وعن مواقفهم من قضايا الوطن الاساسية, فلن تجدهم يوما شاركوا في مظاهرة ضد الحكومة أو تحدثوا في ندوة من ندوات واشنطن منتقدين النظام في السودان. وأنا أقصد تمثيلهم الشخصي وليس بصفتهم أعضاء لجنة الجالية, وفي هذا الحالة أيضا الجالية نفسها غير شرعية.
يعني القصة كلها مخالفة في مخالفات قانونية.
دينق.
| |
|
|
|
|
|
|
|
|
|
Re: ما هو الغرض من زيارة لجنة جالية واشنطن الغير شرعية لرجل دين مسيحي إنقاذي؟ (Re: Deng)
|
دابي التكل أبو رزقة.
أولا حمد الله على السلامة. لأنك رجعت البورد تاني. والله يا أبو رزقة أنت ضربت الرقم القياسي في البورد ده من حيث الطرد والارجاع. بعدين البعجبني فيك أنو جلدك جلد تمساح ودمك دم قراد عديل كده. كده بيني وبينك أنت مطرود كم مرة من البورد ده؟ تقول لي ولا أرجع لكوستاوي؟ لأنو كوستاوي حافظ ملفاتك كلها.
بعدين أخبار تور شين وسلاطين شنوا؟ ولا أنت مشغول اليومين ديل مع الشيوعية؟ تحياتي لك وللعزابة البتربع معاهم طربيزة الكوتشينة وبتضرب معاهم حلة الكبسة, وقالوا في السعودية بتشدو عبابيركم في الشقق, أنا لو جيت السعودية بجيب معاي النضيف, لأنو الذبيرتو هرى فشفاشك.
دينق.
| |
|
|
|
|
|
|
|
|
 Re: ما هو الغرض من زيارة لجنة جالية واشنطن الغير شرعية لرجل دين مسيحي إنقاذي؟ (Re: Deng)
|
| Quote: أبو رزقة أنت ضربت الرقم القياسي في البورد ده من حيث الطرد والارجاع |
قول لبكري يبطل حنبكة بس والباقي علينا..
| Quote: البعجبني فيك أنو جلدك جلد تمساح ودمك دم قراد عديل كده. |
يعني نمشي نخليكم تكضبو ساكت كده..
| Quote: كده بيني وبينك أنت مطرود كم مرة من البورد ده؟ |
أربعة مرات:
مرة بسبب المكتب الإعلامي لرودا مردا..
ومرة بسبب تحريض كوستاوي لبكري بخصوص كتاب الخاتم عدلان القالت مرتو ما دايره قروشو..
ومرة بسبب معارضتي لدعم البورداب للحملة الصهيونية..
والمرة الرابعة مزاج كده من بكري..
| Quote: بعدين أخبار تور شين وسلاطين شنوا؟ |
الخليفة الطهر اليهودي سلاطين..
حاسب موسو سنين..
| Quote: ولا أنت مشغول اليومين ديل مع الشيوعية؟ |
ياخي شيوعية شنو في بلد الإمبريالية..
هو لساع في شيوعية سودانيين..
ما خلاص بقو منظمة عند حلف الكيزان [مستشارين ونواب في البرلمان بالتعيين]..
بدون شماته..
| Quote: تحياتي لك وللعزابة البتربع معاهم طربيزة الكوتشينة وبتضرب معاهم حلة الكبسة, |
تحياتكـ للعزابة واصلة على الرغم من إني ودعت العزابة من زمن ونقصوا واحد..
وبخصوص الكوتشينة مافي حرفاء..
بخصوص الكبسة ما كبسة [نحن ناس بقارة ساكت] صدق ما عندي قشة مُرة لكن ما بدورها..
| Quote: وقالوا في السعودية بتشدو عبابيركم في الشقق |
حيلكـ حيلكـ يا دينق القال ليك منو..؟
| Quote: أنا لو جيت السعودية بجيب معاي النضيف |
حتكون أول أمريكي ينجلد في ميدان عام..
يا زول مالك ومال الشبكـ..
ما بتقدر تصوم ليكـ شهر شهرين..
| Quote: لأنو الذبيرتو هرى فشفاشك |
الزبيرتو الواحد ده بتاع الرتاين حقتنا ديكـ ولا قاصد وقود الزبيرتو بتاع المحركات الثقيلة..
المهم الإتنين ما عندي بيهم شغلة..
لا عندي محرك ثقيل..
ولا عندي رتينة..
والفشاش صحي مهري من جنس كلامكـ ده.. 
| |
|
|
|
|
|
|
|
|
|
Re: ما هو الغرض من زيارة لجنة جالية واشنطن الغير شرعية لرجل دين مسيحي إنقاذي؟ (Re: Deng)
|
الاخ محمد الامين.
الاخوان مكرم وصفوت موجودين بمنطقة واشنطن الكبرى. لقد تخرجا من جامعة جورج تاون بواشنطن أخر مرة قابلتهم أنا كان حوالي 5 سنوات على ما أعتقد.
وهم الاثنين أحياء ولم يتعرض أي واحد منهم الى حادث نهب. أعتقد أن الاب مكرم ماكس موجود اليومين ديل بواشنطن. أنا ح أكون في واشنطن أبتداء من الاربعاء
لعطلة عيد الشكر Thanksgiving. سوف أحاول الاتصال بهم.
طبعا الفرق بين الاب فيلوثاوث فرج والاب مكرم ماكس فرق السما من الارض.
دينق.
| |
|
|
|
|
|
|
|
|
 Re: ما هو الغرض من زيارة لجنة جالية واشنطن الغير شرعية لرجل دين مسيحي إنقاذي؟ (Re: شول اشوانق دينق)
|
| Quote: والاب فرج معروف بأنتمائه السياسي لحكومة الانقاذ الوطني وهو مقرب جدا من عمر البشير وبعض القيادات الكيزانية |
باين عليكـ عباركـ اليوم ما نضيف..؟
غايتو بوستيكـ ده لو فيهو حسنة واحدة هو إنكـ أطلعت القارئي الكريم على أن البشير في زمرتو رجال دين مسيحين..
دي بالذات يا جورج آيبوكـ [دينق]..
لو كنت في الجيش السوداني كان جاتكـ ترقية لأمباشي شاويش فشنكـ وبتوصية خاصة من لجنة الدفاع في المجلس الوطني..
وحيقولوا ليك الكيزان..
في ميزانكـ الكفتو في السماء والأرض يا جنابو..
| |
|
|
|
|
|
|
|
|
|
Re: ما هو الغرض من زيارة لجنة جالية واشنطن الغير شرعية لرجل دين مسيحي إنقاذي؟ (Re: Deng)
|
| Quote: يا دينق أبونا الجبهجى وصلكم |
العزيز رأفت ميلاد.
الجالية الكيزانية بواشنطن أقامة لأبونا فلوس ندوة. وفي الندوة أبونا فلوس كتر الحديث عن علاقته الخاصة بعمر البشير وببقية الكيزان, وطبعا هنالك عدد من الحضور غضب من ذلك وغادرو الندوة. تخيل أبونا فلوس البجمع جبايات الجهاد للكيزان جاي أمريكا يحدثنا عن التسامح الديني في السودان. ويجب أن لا تنسى أن أبونا فلوس نفس غير سوداني. أي أنه لم يولد في السودان بل حضر اليه رجلا كبيرا.
دينق.
| |
|
|
|
|
|
|
| |
Deng
ahmed khidir
Tragie Mustafa
ABDALLAH ABDALLAH
Mannan
Biraima M Adam
على محمد على بشير
A.Razek Althalib
عبد المنعم سليمان
حيدر حسن ميرغني
عاصم ابوبكر حامد
Muhammad Elamin
شول اشوانق دينق
رأفت ميلاد
فيس بوك
تويتر
انستقرام
يوتيوب
بنتيريست