دعواتكم لزميلنا المفكر د.الباقر العفيف بالشفاء العاجل
|
|
 الصادق المهدي استضاف البشير في «عشاء عمل» بمنزله.
|
5 Aug 2004 20:09:43 GMT
يزور الشمالية الخميس
المهدي استضاف البشير في «عشاء عمل» بمنزله
في خطوة ادرجها المراقبون في اطار السعي الى مزيد من التطبيع في العلاقات بين الحكومة وحزب الامة المعارض بزعامة الامام الصادق المهدي رئيس الوزراء السابق، التي اعتراها بعض الفتور بسبب احداث دارفور وموقف الحكومة الرافض لتلبية النداءات التي اطلقها الحزب لتفكيك الازمة، زار الرئيس السوداني الفريق عمر البشير الليلة قبل الماضية منزل المهدي .
وتناول معه عشاء «عمل» وكان الرئيس السوداني برفقة عدد من المسئولين رفيعي المستوى بالجهاز التنفيذي على رأسهم د. مجذوب الخليفة وزير الزراعة ود. نافع علي نافع وزير الحكومات المحلية ود. قطبي المهدي مستشار الرئيس للشئون السياسية والهادي عبد الله الوزير بمجلس الوزراء ووزير الدولة للشباب والرياضة وأحمد عبد الوهاب من جهاز الامن الوطني وغيرهم من المسئولين بينما شارك في استقبالهم ببيت المهدي بالملازمين د. آدم موسى مادبو نائب المهدي في رئاسة الحزب وبكري احمد عديل وعبد المحمود حاج صالح القياديين في الحزب وآدم احمد يوسف من هيئة شئون الانصار وغيرهم.
وقال مادبو ل«البيان» أن زيارة البشير لمنزل الإمام تمت في اطار العلاقات الاجتماعية العامة ولم يتم فيها مناقشة أي قضايا تتعلق بالشأن العام. وشدد مادبو على ان الدعوة جاءت في اطار العلاقات الاجتماعية فقط ولم يتخللها أي حديث سياسي. واوضح ان الجميع أخذوا في التجمع في شكل مجموعات صغيرة تتجاذب اطراف احاديث اجتماعية وليس سياسية.. وفي مستهل الزيارة انشدت احدى فتيات الانصار اناشيد دينية ووطنية.
على صعيد آخر وللمرة الاولى منذ اكثر من 25 عاماً، يزور الإمام الصادق المهدي زعيم حزب الأمة القومي منطقة الغابة والدبة جنوب الولاية الشمالية، الخميس المقبل في زيارة تمتد ليومين يعقد خلالها لقاءات جماهيرية واخرى تنظيمية مع قواعد الحزب في اطار الترتيبات التي ينفذها التنظيم لبناء صفوفه استعداداً للمرحلة المقبلة.
____________________________________________
البيان الاماراتية.
|
|
 
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
برقية عاجلة للصادق حفيد مقبولة الفوراوية.
يا ايها المتنكر لاصلك وانت تزور مناطقنا في الغابة والباجا سلينارتي كنكلاب المواد الخليوة البكري شبعانة القولد.
عليك بفعل شئ لتحرير خالاتك واخوالك الفور من الاسر والاستعباد في تلك المناطق، حيث تتوارث اسر تلك المناطق، عشيرة حبوبتك مقبولة، جيلا بعد جيل.
امضاء:
كمال عوض عثمان صالح بشاشا، من اهالي كنكلاب/المواد.
هل نطمع في عضوية حزب الامة بالمنبر، والقراء من خارج المنبر، بارسال هذه البرقية للصادق؟
ام تفضلون الامم المتحدة جمعيات حقوق الانسان والامريكان؟
فيا رباح الصادق، خالد عويس واسماعيل وراق توصيل هذه الرسالة للصادق في دنقلا مسؤليتكم.
العزيز محمد ادم
امــــــــــين يارب العــــــــالمين
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Bashasha)
|
الاعزاء المتداخلون تحية طيبة
واضح ان روح الغضب طغت على روح النقد الموضوعى وان كنت اري ان السيد الصادق مؤهل للاسهام فى حل المشكلة بما له من ثقل روحى وسياسي فى المنطقة واتمنىان ارى له اسهام فى ذلك وكل الاطراف القاطنة فى المنطقة الحريصة على التعايش السلمى فهؤلا الجونجويد لا تتم محاربتهم الا بوحدة كل القبايل الدارفورية ومحاربة زارعى الفتن فالوحدة اجدى من الدعاوى لنصرة طرف على اخر او التدخل الخارجى
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Bashasha)
|
Quote: عليك بفعل شئ لتحرير خالاتك واخوالك الفور من الاسر والاستعباد في تلك المناطق، حيث تتوارث اسر تلك المناطق، عشيرة حبوبتك مقبولة، جيلا بعد جيل.
|
بشاشا لمن السيد الامام الصادق الصديق عبد الرحمن يعمل شي لناس دارفور ولعامة السودان ما بيعمل عشان حبوبتو وخالتو وعمتو ....؟؟؟؟؟ دا بيعمل عشان البلد وناس البلد كلهم مش عنصري وجهوي وبيكن الحقد والكراهية تجاه بعض اخوانو في الانسانية؟
اصحا يا بشبش وحقو تسيب العوارة الانت بتسوي فيها دي فاكر نفسك تقدمي يعني ولا شنو
حقو يكون عندك هدف سامي تسعى ليهو بدل السكلبة والعوارة البتمارسا هنا دي
ارتفع لمستوى المسئولية والجدية والتمثيلية البتعمل فيها دي حقو تخليها خلاص لانو بقت بايخة وعبيطة
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
| Quote: كيف تجالسون المجرمين الذين يقتلون السودانيين بأحد مناطق نفوزكم يا بشر, وهل أنتم بشر؟ |
اها كنتو راقدين في نيفاشا ولا متكين يا ربي ؟
انا عاوز اعرف بس البيخلي قرنق يقعد في نيفاشا ويحمي السيد الامام الصادق المهدي شنو ؟ جاتنا الغيرة يا دينق خلاص بقيتو تغيرو ؟ ما قايلين جو نيفاشا بيغير زي دا
قال مجرمين السيرة دي بالذات ما تجيبا يا دينق لانو ملف الحركة الشعبية نتن جدا والكلام دا ما بتسمعو الا مننا لانو متسولي السودان الجديد المغفور له ما بيسمعوكم كلام زي وصكوك الولاء بتاعت ناس بشاشا ما بتلقاها مننا
انت ما عندك حق تتلكم عن حزب الامة الا بعد ما توفي بالدين العليك وتقدم النقد الوعدتا بيهو
ومنتظرنك وخلي النطيط البتسوي فيهو دا ابقا عندك وفاء لوعدك واملا راسك بالكلام البي يفيد الناس
يا ربي يكون قرنق اتربى مع البشير في زقاق واحد ولا شنو ؟؟ يمكن
| |
|
|
|
|
|
|
|
|
 Re: الصادق المهدي استضاف البشير في «عشاء عمل» بمنزله. (Re: Deng)
|
يا اخوانا انتو حاقدين ولا شنو
يعني ما فيها حاجة
انو الجماعة اثناء بليع اللحم
وشراب الشوربة يتناقشوا في اطفال
دارفور الجوعي
ويقزقزوا بمآسي الأغتصاب ،،
وبعدين في التحلية ،، يهتفوا لبعضهم
لا لا للتدخل ،،
وفي شراب الشاي
يقوم الصادق ينظر عن السندكالية
والفئوية ،،
قال عشا قال
نحنا من اول قلنا الناس دي
مافي فرق بيناتهم ،، قال عشا قال
ويبقي السؤال
هل يتحمل حزب الأمة جزءًًٌٌٌٌٌٌٍٍٍٍٍٍُُ من المسئولية
عن جرائم دارفور؟؟
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: ahmed haneen)
|
Quote: نحنا من اول قلنا الناس دي
مافي فرق بيناتهم ،، قال عشا قال
|
يا ربي انت من وين من ناس القنجارة ولا السودنة
قال مقاتل قال حنين انت الحاميك تتوجه لدارفور ولا الشرق شنو وتقاتل هناك الواحد غرقان في مندي الرياض وهاك يا اخر ..... وكل مرة بيصورة جديدة وعامل مقاتل انا من زمان بقول السودان الجديد بتاع الجماعة ديل متاخر مالو؟
طالما انو المناضلين زيك ضاربين المكيفات ويتحدثو عن الاغتصاب وعن الماسي بدارفور الجبهة الاسلاموية ح تقعد اكتر من كدا
قال عاوز يقلب الحيكومة قال انت الزيك قراصة ما يقلبا
سؤالواحد اتمنى الاجابة عليه
متى يتوجه المقاتل احمد حنين الى دارفور لنصرة المظلومين ؟
وجاوب بدون لف ولا دوران وبعدين ما تنسى معاك بش بش لانو انت المقاتل وهو صاحب الايدلوجية ,,,,,
| |
|
|
|
|
|
|
|
|
 Re: الصادق المهدي استضاف البشير في «عشاء عمل» بمنزله. (Re: محمد حسن العمدة)
|
الحبيب ود العمدة
تعرف انت كل يوم تثبت انو راسك فاضي
وانك زول بتاع بوس ايادي فقط
وبعدين جسمك الملان ودا وجضومك دي
عملتها وين ؟؟
انشاء الله في دارفور،،
ايها المجاهد ،، حفيد الأمام
وحامل تراث عبدالله التعايشي
بكل ما فيه من جرائم ،،
قال الصادق بعزم من حقو ؟؟
ياتو حق دا ..
حق الغلابة ،،ولا تعويضات آل المهدي
ولا اموال الأنقاذ التي اعطوها له حسب
شهادة مبارك الفاضل عن ذلك ،،
هذة الشهادة التي هريتم منها ولم تردوا
ولذا يجب ان تلزموا الصمت ،،
وخليك مع كبسة الطائف وجده يمكن وزنك
يزيد اكتر
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
ليت مادبوا صمت
و كان افضل لو صمد
الصادق قالينا في فرانكفورت قبل عودته للسودان، اذا اردت أن تأكل مع الشيطان يجب أن تجعل ملعقتك طويلة، ان شاء الله يكونوا اكلوا بكواريق،،،،اذا تحدثتم عن السياسية و ان لم تفعلوا فالمصيبة أكبر يعني انس و مثامرة و انشاد و ملزات دا كلام يدمي القلوب اكتر منما كونها تدميها فعال الانقاذ و كوارس الحوادث الواقعة علي اهلنا في دارفور،،،
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: نصار)
|
ياأخوانا انتوا لانكم مثقفين امتلكتكم هذه النظرة الحدية واللي تملكت وجدان الشبيبة الشيوعية في المنبر عند إلتقاء القيادة بالنقيض الاستراتيجي الترابي وكان الرد ان الاشياء في السودان هكذا..فدنيا السياسة أكثر تعقيدا من احلام المثقفين الرادكالييين ،السياسة مقاولات ومساومات وتحالفات ثم تحاربات ، وهذا يبدو انه النسق الذي ستسير عليه انظمة التكتيك السياسي في الفترة القادمة بعد الاختراق العميق الذي سجلته خطوة التحالف البشيروقرنقي...فكلهم يعلمون ان البشير تاجر سياسة مخادع ويسوق بضاعته بمنطق الربح والخسارة وليس ان السوق(أقصد الوطن)ملك الجميع..لكن الكل تجار ايضا، ولاعبي كرة سياسييين يجيدون سياسة الكر والفر وكما قالوا لا توجد في السياسة مواقف ثابتة بل مصالح ثابتة..الصادق كما احسبه يعلم جيدا ماذا يريد البشير من مثل هذا اللقاء ولكنه يعلم أيضا ماذا يريد هو..ولا داعي للتشكيك في وطنيته قبل التشكيك في وطنية كل الاحزاب الاخري والتي اظنهاستتجه في الفترة القادمة للعمل في الداخل والذي بطبيعته يصعب معه الاحتجاب عن اللقاء بممثلي الشيطان.
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: نصار)
|
ياسادتي ….خالص الود
تعودنا علي مثل هذه المداخلات والتي تتسم بالمغالطات وعدم الموضوعية والسخرية ، وصدقوني هذا النوع من الحوار لايخدم غرض ويكون سبب في نفور الكثيرين من هذا المنبر .
دينق …
فعلها قرنق من قبل ولم نقرا لك مايفيد رفضك لما حدث ، فقد جلس قرنق مع نفس المجموعة في نيفاشا جلس معهم ليالي طوالي وتناول معهم الاكل والشرب ، واظنك تعلم وانت سيد العارفين ماذا فعلت الجبهة الاسلامية باهلنا في الجنوب ، وخرج قرنق وعلي عثمان بعدها يتبادلون
القفشات والنكات ، والاغرب انهم خرجوا يتبادلون المدح ، وماقاله قرنق عن علي عثمان محمد طه ادهش القاصي والداني . هل نسي قرنق اهله واخوته الذين قتلوا في هذه الحرب ؟ ام ان الامر يحتاج لمثل هذه التنازلات ؟
في انتظار ردك اخي دينق علي تساؤلاتي . وكثير مودتي لك ….
عزيزي بشاشا ….
افهم تماما ان لك قضية وهبت لها قلمك وفكرك ، ونذرت لها وقتك ، وهي اذا جاز لي ان اسميها قضية الهوية والاستعلاء العرقي ، وافهم ايضا ان تعري خصومك وتكيل لهم ماتكيل من الذم ، لكن لاافهم اطلاقا ان تجر الصادق المهدي جرا ليكون خصما لك في هذه القضية ، لم اقرا في حياتي لكاتب سوداني يتهم الصادق المهدي بمثل هذه الاتهام( انه متبري من اصله ومتنكر له) ، سمعنا عنه ماسمعنا لكن لم يجرؤ احد علي اتهامه بممارسة استعلاء عرقي او تنكر لاصله ، وحكاية الوالده مقبوله ده ماعارف من اين
اتيت بها وكيف اثبت تنكر الصادق لها ؟ . مسألة ان مقبولة والدة الامام عبدالرحمن تنتمي الي الفور هذه المعلومة اعرفها منذ ان كنت صغيرا ولاجديد فيها ويعرفها كل من له صلة تربطه بكيان الانصار ، والصادق المهدي تحدث عن هذا الامر كثيرا ، وقال ان اسرة المهدي تمثل تجسيدا للتمازج القومي السوداني ، والصادق المهدي في دنقلا يعني انه وسط اهله فالمهدي في الاصل ينتمي لهذه المنطقه ، وعندما يذهب الصادق الي نيالا فهو ايضا وسط اهله الفور اهل الوالده مقبولة ، وعندما يذهب الصادق الي كردفان او النيل الابيض فهو ايضا وسط اهله الكواهله اهل والدته ، لذلك عندما يقول ان اسرتهم تمثل تمازج قومي سوداني يعني مايقول ، وحزب الامة يجسد هذا التمازج بصورة اوضح لايختلف عليها اثنان ..
عزيزي بشاشة ابحث لك عن خصما اخر ليمثل هذا الاستعلاء والتنكر الذي تتحدث عنه ، فصدقني لم تحسن الاختيار …
عميق الود ونلتقي ….
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
Quote: حديث مادبو أعلاه يكشف لنا نوعية ومستوى قيادة حزب الأمة جناح الصادق.
على الاقل إذا كان هناك علاقة عائلية بين الصادق المهدي والبشير لكنا قبلنا ذلك على مضض, وإذا كان البشير زامل الصادق المهدي في مرحلة دراسية معينة لكنا تفهمنا ذلك. وحتى لو كان الرجلان ترعرعا بنفس الحي لكان هناك فهم واضح لنا. ولكن عندما يجتمع الصادق بالبشير في جلسة سمر وعلى مأدبة عشاء يتناولون به أطراف الحديث فهذا هو الجنون بنفسه. هل يمكن شرح لنا كيف يتسامر وتعد الولائم لحكومة ظالمة عملت عمداً لشق حزبكم الى حزبين؟
|
دينج اخوي
العلاقة
الإنين جعجعاين ولايملكون أي برنامج
بالله مجذوب الخليفة وقطبي المهدي ونافع علي نافع ديل موش مستشارين مافيا ززجود يدل على تآمر ودايما المؤامرات تحاك بليل!!
قال عشاء يمكن يكون العشاء الأخير لواحد من الجماعة!!1
جني
| |
|
|
|
|
|
|
|
|
 Re: الصادق المهدي استضاف البشير في «عشاء عمل» بمنزله. (Re: Deng)
|
الأخوة المتداخلين جميعا
تقديرى واحترامى لوجهات النظر المختلفه (دون شتائم او اساءات).
ومع وجهة نظرنا فى هؤلاء واؤلئك ، الا يمكن أن نحسب هذه (اللمه) نوع من شعور النظام بالضيق والضغط الحاصل ، وهو يسعى لتحالفات جديده تخرجه عن هذا الوضع الذى وجد نفسه فيه؟؟
لماذا لا نطالب أنصار حزب الأمه (بالتقريط) معنا، وعدم الأستجابة للغرقان القرب أطلع روحو.
ثم نجلس جميعا أهل السودان والدخول فى خيارات جديدة ترضى طموحات كل اهل السودان.
يجب أن ننظر للموضع من جوانبه الأيجابيه والسلبيه.
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: تاج السر حسن)
|
نحنا الجينا بشورة أهلنا
لم حكمنا الناس راضين..
لا اضراينا ورا دبابة ..
ولا تاجرة باسم الدين ..
---------------------------------------
لي نحن كل ما حاجة ما بتخدم الناس بنمشي فيها اول شئ كلامي ده ما تهديم لشخصية كاتبه او لاي شخص اخر
لكن زي ما عشاهم ده قالوا مافيو فائدة كمان كلامنا ده ما فيو فائدة ويا جماعة حكاية حبوبتي وحبوبتك وكلام الاطفال ده ياخ كلام لا بشبه ليهو شباب بنفترض ده لو افترضنا انهم فاهمين ؟
ياخ ما صاح الكلام ده اغتصبوها وتخيلوا وحبوبتها ده كلام معليش يعني كلام وسخ جداً والله انا بستحي اقراهوا وما منو فائدة ولا بنفع دارفور في حاجة ولا بنفع المهاترات في حاجة
عليكم الله خبر كلنا قريناهوا من الصباح في البيان وفي اي جريدة كخبر عابر وما منوا اي فائدة ولو كاتب الموضوع رده قال لي للفائدة العامة والحنك ده اقول ليو مبارك الفاضل قال او كتب رسالة واتهم فيها الصادق انوا الحكومة ادتوا قروش وكلام كتير والله والله والله نحنا اكتر شعب كضاب في السياسة وننكر الحاجة تكون حصلت قدام عينا وانا شفت بعيوني كذا سياسي وداني في حاجات بعملوها ويجوا ينكروا لمن تخاف انتا ذاتك وماف داعي دي شغلانة نحنا ما عندنا ليها قدرة الناس حقوا تمشي ترجع تشوف ليها كتب تاريخ وكتب بتاعت تحليل لو افترضنا انوا في سوداني مؤرخ بصدق والناس لو صدقتوا وقرات كلاموا بتلقاهوا هو صح أبحثوا عنه؟؟؟؟؟؟؟؟؟؟؟؟؟؟
خالد
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
| Quote: وتناول معه عشاء «عمل» وكان الرئيس السوداني برفقة عدد من المسئولين رفيعي المستوى بالجهاز التنفيذي على رأسهم د. مجذوب الخليفة وزير الزراعة ود. نافع علي نافع وزير الحكومات المحلية ود. قطبي المهدي مستشار الرئيس للشئون السياسية والهادي عبد الله الوزير بمجلس الوزراء ووزير الدولة للشباب والرياضة وأحمد عبد الوهاب من جهاز الامن الوطني |
د. مجذوب الخليفة: صلة دائمة بمجلس الأمن الوطنى وعمليات جهاز الأمن!
د. نافع علي نافع: مدير سابق لجهاز الأمن!
د. قطبي المهدي: مدير سابق لإدارة الأمن الخارجى!
اللواء الهادي عبد الله: مدير سابق لجهاز الأمن!
وأحمد عبد الوهاب من جهاز الامن الوطني!
الجماعة ديل عشاهم كان بى شنو ياربى؟!!!!
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
الأخ سنارى،
من رأيك أن:
* السياسة مقاولات ومساومات.
* الكل تجار ايضا، ولاعبي كرة سياسييين.
* لا توجد في السياسة مواقف ثابتة.
إذا أنت تروج ياعزيزى لهكذا ممارسات سياسية؟ وذلك لأن "الصادق كما احسبه يعلم جيدا ماذا يريد البشير من مثل هذا اللقاء ولكنه يعلم أيضا ماذا يريد هو".. كما تقول أنت؟ يبدوا فعلاً أن هؤلاء الزعماء يعلمون ماذا يريدون!! بينما " السياسة أكثر تعقيدا من احلام المثقفين الرادكالييين".. على قولك!!
عدلان.
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
الأخ سنارى..
أدعوك لأن تحلم معنا بسياسة وساسة قادرون على التمييز بين التحالفات السياسية بين متناقضين والهادفة لتحقيق مصالح سياسية معينة تخدم الطرفين.. وبين التحالفات مع جماعات إجرامية، بهدف تحقيق نفس المصالح السياسية!. إذا لم تكن –كمثقف- قادراً على صياغة واقع أكثر إشراقاً ينتصر للحق والعدل، ينصف الناس ويضع المجرمين فى موضعهم الذى يستحقونه.. فلا أقل من أن نحلم بذلك.. ونجهر بأحلامنا تلك..
من ناحيتى لن "أنتظر حتى أشوف الجايات الأكتر من الرايحات".. بل سأفعل كل مافى وسعى لتغيير شكل الجايات! حتى وإن بدا أن شكل القادم قد يكون مخيباً للآمال للبعض، فهو ليس كذلك بنظرى.. الشايفو فى الجايات هو.. أن وعياً مقدراً بالحقوق إجتاح كيانات فى الحنوب، جبال النوبة، جنوب النيل الأزرق، مناطق البجا، ودارفور لم تكن تحلم بأكثر قليلاً من "الكجيك" و"حذاء تموت تخلى"! هذا الواقع الجديد فى وعى الناس بالحقوق -لدرجة حمل السلاح- لا أتوقع أن هناك قوة فى الأرض يمكن أن تستلبه أو تنتزعه.. هذا واقع جديد –مادى وملموس- تمكنت من إستبطانه "كمثقف حالم" أكثر مما يفعل "الصادق المهدى" وزعماؤنا التاريخيون اللذين نحسب أنهم "يعلمون جيداً" أكثر من غيرهم.. وما هم كذلك!
لك الود مجدداً
عدلان.
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: عدلان أحمد عبدالعزيز)
|
الحبيب /عدلان
كلامك نظريا جميل وانا معك قلبا وقالبا...ولعلي اتناوله ان تيسر لي في حوار عن علم اخلاق السياسة...لكن لو رجعت فقط لتحالفات الحزب الشيوعي مع الاحزاب اليمينية الرجعية لمصالح تكتيكية او مع العسكر (عبود و نميري) لنفس الاغراض سيتضح لك انتهازية الممارسة السياسية في تاريخ السودان الحديث...الشئ الاخير: آسف لو فهم انني ابرر لمثل هذه اللقاءات ، فلا يبرر للشمولية الا المثقف الانتهازي والعقائديين
لك حبي
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
Quote: وهل من له جدة فوراوية يشتم بها ؟؟؟؟؟؟؟؟؟
ما هذه العنصرية يا بشاشة ؟؟؟؟؟؟؟
وما دخل هذه الفوراوية بعشاء العمل هذا ؟؟؟ |
ام وضاح تحياتي
بي بساطة وانا البطالب بي تحرير الفور عشيرة مقبولة جدة الصادق، اطلع عنصري وشاتم للفور لانهم فور او ما عرب!
سبحان الله!
ليه كده يااختي؟
ليه ذر الرماد او خلط الاوراق او تغبيش وعي الناس؟
تفتكري وانتي تفتعلي دربكة ذي دي المستفيد منو؟
الصادق ام الفور المستعبدين في اقصي الشمال؟
ليه الصمت المطبق هو دائما الرد في هذا النادي الشمالي، متي اثرنا هذه القضية، كابلغ دليل علي نازية اقلية الشمال؟
الغريب بتسألي ايه علاقة الفور بي عشاء العمل رغم انو ورد اعلاه مايلي:
| Quote: على صعيد آخر وللمرة الاولى منذ اكثر من 25 عاماً، يزور الإمام الصادق المهدي زعيم حزب الأمة القومي منطقة الغابة والدبة جنوب الولاية الشمالية، |
بعد ده نجي لي اسئلتك:
قلتي:
| Quote: وهل من له جدة فوراوية يشتم بها ؟؟؟؟؟؟؟؟؟ |
يشتم او بس؟
كالعادة عايشة في عالم اخر تماما! سؤال غريب للوهلة الاولي، لكن عميق المدلول، سنتناوله في مرة قادمة.
يا ستي الفوراية في اقصي الشمال ما بشر ذاتو!
مافي فرق بينها او بين البهائم علي الاطلاق. فهي مملوكة لبشر مثلها يأكل القديد من الطعام ويتبرز كمان.
مش كده او بس، وانما الاسر المالكة، تتوارث هذه الفوراوية ونسلها كما الابقار والحمير وغنم اللبن تماما.
الي عهد قريب كان جثة، وليست جنازة، الفوراوي تواري الثري في اقرب قعر حلفا، كما كرشة الذبيح تماما!
كانت الفوراوية تضع جنينها وهي جاثمة علي الركبتين مستغرقة في سحن العيش علي المرحاكة، لتطعم اسيادها.
الي هذا التاريخ هؤلاء البؤساء والبائسات محرومين ومحرومات من حق التملك، بالتحديد الارض.
في التسعينات مجموعة "مصر الجديدة" بالضفة الشرقية لقريتنا المواد، مابين المقاودة وكدكول، حاولت القيام بعمل مطلبي منظم، يطالب بحق الملكية، للمرة الاولي منذ عشرات السنين. كنتيجة قمعوا شر قمعة والي اليوم.
اما في الغرب فهي تحرق حية، لانها زرقة او ما عربة ذي مجرم الحرب موسي هلال، بدعم مباشر من حكومة نفس ملاك الفور في اقصي الشمال.
فواضح اختي العزيزة ام وضاح، كيف الشتيمة ارحم للفوراوية بي ملايين المرات.
اما كون بشاشا عنصري فدي بقي غلوتية مالي بيها. لاني ومن دون صورة منشورة لي هنا، فقد شتمت هنا والمنبر الاخر، سودن نت، كغرابي او فلاتي حاقد، لمجرد اني بتجرأ واقول البغلة في الابريق.
بل تطور الامر ومن باب سبر غور "عقدة" بشاشا، الي القول بانه اغتصب جنسيا بواسطة عربي!!!
فوصمي بالعنصرية ياعزيزتي فهو نيشان اخر يرصع صدري ويضخ دماء جديدة في شراييني. فشكرا للمعروف يا ام وضاح، او من دربي ده حامشي افتح بوست جديد للموضوع.
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Bashasha)
|
نقطة نظام !!!!!!!!!!!!!!!!!!
Quote: اما كون بشاشا عنصري فدي بقي غلوتية مالي بيها. لاني ومن دون صورة منشورة لي هنا، فقد شتمت هنا والمنبر الاخر، سودن نت، كغرابي او فلاتي حاقد، لمجرد اني بتجرأ واقول البغلة في الابريق.
بل تطور الامر ومن باب سبر غور "عقدة" بشاشا، الي القول بانه اغتصب جنسيا بواسطة عربي!! |
*** لكى لا تطمس الحقائق بمرور الزمن، أن الأساءة والشتائم للأخرين، والوقوف مع الشاتمين على نحو مستفذ ، هو ما جعل العضو المحترم (مغتصبا) ، وليس لأنه يقول البغله فى الأبريق، وليس لأنه يحاور بفكر وحجه. (لذا لزم التنويه).
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
| Quote: كانت الفوراوية تضع جنينها وهي جاثمة علي الركبتين مستغرقة في سحن العيش علي المرحاكة، لتطعم اسيادها. |
الكلام دا يابشاشه عندنا جارتنا كبيره في السن زي 90 سنه كدا كانت بتحكي لناسنا الكبار والدمع منهمر علي خدودها المكرمشه, بتقول العجوزه (بخيته بت مرزوق): وضعت بأبنها الكبير (جابك الله)في صباح الأربعاء وكان لسيدها ضيوف ويكون لزاما عليها أن تعمل لهم أكله! فربطت حزامتها علي صلبها وجرشت العيش علي المرحاكه ثم جهزت الفطور لأكثر من سبعه ضيف ومش كده وبس بل عزلت الحملان من امهاتن ورجعت المساء وهي مقمي عليها,وإبنها عمره أقل من يوم علي ظهرها.أمثال هذا وأكثر بكثير البيحصل دي الوكتي في دارفور.
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
الاخ بشاشة
تحياتى
لقد كتبت لى ما يلى :-
ليه ذر الرماد او خلط الاوراق او تغبيش وعي الناس؟
تفتكري وانتي تفتعلي دربكة ذي دي المستفيد منو؟
ناقش بمنطق وبدون اتهامات .
فانا لا اذر الرماد .
ولا اخلط الاوراق .
ولا اغبش وعى الناس لان الناس اوعى من ذلك بكثير ان كنت لا تعلم .
ولا افتعل دربكات .
لقد كتبت :-
كالعادة عايشة فى عالم اخر تماما !
ماذا تقصد من هذه العبارة ؟؟
اما ما كتبت بخصوص الاساءة او الشتيمة لشخصك فانا لا اقرا شتايم ابدا .
ارجو التوضيح !!
ولك الود
ام وضاح
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
العزيز انور.
انت ليه مصر تحفر او تدفن كلام مابدا ذاتو؟
انت ليه منزعج يا انور، ولا ده دفاع سلبي عن النفس، نتيجة احساس مكتوم بالذنب؟
ليه عضوية المنبر ده بتصمت صمت القبور متي ما اثرنا هذا الموضوع؟
حصل يوم من الايام قريت في الميدان، ولاسمعت في اذاعة التجمع ولا شفت في تلفزيون جمهورية السودان علي نطاق الخمسين سنة الماضية، كلام كهذا؟
تفتكر ليه؟
او هل تفتكر لو ماسي ذي دي كانت اساس ادبنا ودرامتنا المعاصرة، كانو ماتو ملايين في الجنوب والان في دارفور، ليتم اعادة احتلال السودان كما هو متوقع، او توزيعو علي الجيران ذي ذبيح السماية؟
قطعا لا.
بعدين من الغرابة بمكان، "في الوهلة الاولي" انك تقول ده كان في الماضي، وانت تعايش بنفسك مع بقية شعوب الارض، المحصلة النهائية للواقع الانت فاكروا انتهي.
كونو ماعدنا نستعمل مراحيك، هل معناها بطلنا طحن العيش يا انور؟
كونو ال بشاشا مثلا ماعندهم شهادة بحث تثبت ان سعيد فور كان احد ممتلكاتهم، لايعني اطلاقا ذرية سعيد فور، في العرف الاجتماعي ماعادو عبيد ال بشاشا، الي هذا التاريخ.
انا واعي تماما بواقع التعقيد المحيط بهذه القضية، باعتبارها سمة ملازمة لي تركيبتنا الاجتماعية، كافارقة.
ولكن وبغض النظر، علي الحكومة المركزية ان تتدخل برد الاعتبار لهؤلاء بتعويضهم علي غرار تعويضات ضحايا الهالاكوست علي ايدي النازية، مع الشروع في تمليلكهم الاراضي اللازمة مع العمل علي اعادة التأهيل والانصهار من جديد في بوتقة المجتمع المحلي علي اسس جديدة.
لايمكن فعل اي من هذا من دون تسليط الضوء الكافي علي المستوي القومي، وباعلي المستويات.
العزيز محمد ادم
جاييك بي مهلة.
واضح محرقة الجنوب was only the tip of the ice burg. وياما تحت سواهي عصر الجلابة دواهي ياحبيب.
واضح من مداخلة اخونا انور، طول ماالقلم في يد ذنوجة الشمال، فابدا ما حنعرف الحصل منذ العام 1821، عندما هرول ارنب الجلابة خارجا من تحت طربوش خديوي مصر والباب العالي.
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
Quote: فعلها قرنق من قبل ولم نقرا لك مايفيد رفضك لما حدث ، فقد جلس قرنق مع نفس المجموعة في نيفاشا جلس معهم ليالي طوالي وتناول معهم الاكل والشرب ، واظنك تعلم وانت سيد العارفين ماذا فعلت الجبهة الاسلامية باهلنا في الجنوب ، وخرج قرنق وعلي عثمان بعدها يتبادلون
القفشات والنكات ، والاغرب انهم خرجوا يتبادلون المدح ، وماقاله قرنق عن علي عثمان محمد طه ادهش القاصي والداني . هل نسي قرنق اهله واخوته الذين قتلوا في هذه الحرب ؟ ام ان الامر يحتاج لمثل هذه التنازلات |
محمد عبد الرحمن.
كلنا نعلم جيداً أن الذي بين حكومة الجبهة والحركة الشعبية إتفاق دولي معين وبنوده نشرت للجميع. وأنا لا علم لي بأن قيادات الحركة الشعبية كانت تجتمع وتتسامر مع قيادات الجبهة الإسلامية للمجاملة فقط. ودعني أذهب معك أبعد من ذلك وأقول لك أن الاتفاق الذي تم بين جماعة الترابي والحركة الشعبية ليس سوى مجرد علاقات عامة وقيادات الحركة الشعبية تريد أن تزايد به الجناح الأخر فقط, ومثل هذا الاتفاق لا يمكن حتى الحديث عنه في جنوب السودان ناهيك عن تسويقه. أما الذي تم ببيت الصادق المهدي فأنا لا أجد له أي تفسير. وحديث القيادي أدم مادبو أنطبق عليه الحديث " جا يكحلها عماها".
دينق.
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
الأخ العزيز/ بشاشا.
كلامك واضح وضوح الشمس. والذين يرون ذلك عليهم مراجعة نفسهم جيداً.
يجب أن تعلموا أن بشاشا بقول ليكم الكلام بكل وضوح وبدون لف ودواران.
المشكلة أنكم متعودين أنوا مافي زول بخاطبكم باللهجة دي وعاوزين تعيشوا على ماضي منتهي.
باركك الله يا بشاشا لكشف كل المنافقين بالسودان.
دينق.
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
| Quote: من ناحيتى لن "أنتظر حتى أشوف الجايات الأكتر من الرايحات".. بل سأفعل كل مافى وسعى لتغيير شكل الجايات! حتى وإن بدا أن شكل القادم قد يكون مخيباً للآمال للبعض، فهو ليس كذلك بنظرى.. الشايفو فى الجايات هو.. أن وعياً مقدراً بالحقوق إجتاح كيانات فى الحنوب، جبال النوبة، جنوب النيل الأزرق، مناطق البجا، ودارفور لم تكن تحلم بأكثر قليلاً من "الكجيك" و"حذاء تموت تخلى"! هذا الواقع الجديد فى وعى الناس بالحقوق -لدرجة حمل السلاح- لا أتوقع أن هناك قوة فى الأرض يمكن أن تستلبه أو تنتزعه.. هذا واقع جديد –مادى وملموس- تمكنت من إستبطانه "كمثقف حالم" أكثر مما يفعل "الصادق المهدى" وزعماؤنا التاريخيون اللذين نحسب أنهم "يعلمون جيداً" أكثر من غيرهم.. وما هم كذلك! |
الأخ/ عدلان.
هناك من يعتقد في السودان أن الفشل بحد ذاته إنجاز فاالسياسين حتى اليوم لا يعترفون بأنهم فشلوا في انتشال البلاد من المآسي التي بها. ومنهم مازال يبرر فشله وعجزه لنا ويصفه ببطولات وإنجازات, كأننا قوم من السكارى. هولا الناس لا يدرون أن التغير في السودان قد بدأ منذ زمن بعيد. وهم (المخضرمين السياسيين) لا حل لهم سوى تغير طريقة تعاطيهم للسياسة أو أن التغير قد يشملهم غصباً عنهم. فمثلاً حزب الأمة وحزب الأخوان المسلمين فقدوا إقليم دارفور للأبد. ولا مستقبل لهم هناك بعد اليوم.
دينق
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
بالمناسبة ما هو الفرق بين الأثنين ؟؟ واحد سلح القبائل في 85 والثاني سلحهم في 2003 لأبادة القبائل الأفريقية... ليهم الحق يأكلوا فالشعب السوداني بعد 18 سنة لم يسأل الصادق المهدي لماذا فعلت ذلك حينئذ فلماذا يسؤل البشير ؟؟؟
لك الله يا شعب السودان ..
بالمناسبة نحن مالنا فواحد عنده مرتين وحزب وأرث تاريخي والثاني عنده مرتين وبلد وثوابت وملعون أبوكي بلد
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
Quote: يا ستي الفوراية في اقصي الشمال ما بشر ذاتو!
مافي فرق بينها او بين البهائم علي الاطلاق. فهي مملوكة لبشر مثلها يأكل القديد من الطعام ويتبرز كمان.
مش كده او بس، وانما الاسر المالكة، تتوارث هذه الفوراوية ونسلها كما الابقار والحمير وغنم اللبن تماما.
الي عهد قريب كان جثة، وليست جنازة، الفوراوي تواري الثري في اقرب قعر حلفا، كما كرشة الذبيح تماما!
كانت الفوراوية تضع جنينها وهي جاثمة علي الركبتين مستغرقة في سحن العيش علي المرحاكة، لتطعم اسيادها |
صراحة كلامك ده إلا تكون بتشوفو في الهواجس والكوابيس بتعتك وصدقني يا بشاشا أتمنى منك والله بصدق إنك تراجع طبيب نفساني في اقرب فرصة لأنك صراحة حالتك بقت متأخرة جداً واتحداك وأتحدى ألف غيرك من الناس اللي فاكرة إنك عندك قضية تثبت حرف واحد من الكلام اللي ذكرتو.
عايز حاجة واقعية بالاسم إنو فلانة استعبدت في منطقة كذا من أسرة كذا بالتاريخ الكذا مش كل مرة تجي تقول لينا كلام شمار في مرقة.
وأرجو أن لا تتهرب من الإجابة.
وصدقني يا بشاشة مافي حاجة حتضيع السودان غير أفكارك التي لا يفكر فيها حتى الشيطان نفسو فأصحى معانا شوية نحن في القرن21 وحتى قبل عشرة قرون لم يشهد السودان حالة واحدة مما تنسجه من خيالك.
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: كبسيبة)
|
دينق
وبقية الشباب
سلامات
الاستاذ بشاشا ارجو ان ترد على كلام ود العمدة
Quote: اصحا يا بشبش وحقو تسيب العوارة الانت بتسوي فيها دي فاكر نفسك تقدمي يعني ولا شنو
حقو يكون عندك هدف سامي تسعى ليهو بدل السكلبة والعوارة البتمارسا هنا دي
ارتفع لمستوى المسئولية والجدية والتمثيلية البتعمل فيها دي حقو تخليها خلاص لانو بقت بايخة وعبيطة
|
انا استغرب من كلام الاخوة الذين ينكرون على الصادق المهدى بتقديم
عشاء للجنجويد كيف يدعى هؤلاء بانهم يمارسون السياسة ويفهمون فيها
اذا كانت الخصومة السياسية تعنى عدم الالتقاء كيف تفسرون لقاء الولايات المتحدة والسوفيت وكذلك مع الصين وكيف تلتقى الصين مع تايوان وعرفات مع شارون.
ارجو ان يتحول النقاش من الحوار البيظنتى الى حوار رفيع حتى
نستفيد منكم وكما ارجو من اعضاء حزب الامة بدل تبرير كل افعال واقوال
الصادق الصديق عبدالرحمن المهدى الى طرح اراءهم فى افعاله واقواله
لقد سئمنا تمجيد القائد الملهم الذى يكون دائما على صواب.
وحتى اكون موضوعى وابتعد عن الكلام الفارغ الذى يكتبة بشاشا المريض
كما يقولون اريد ان اوضح شى مهم لم يتطرق اليه الناس
انتم تعلمون ان كل حزب له اولويات ويعتقد الاسياد بان الولاء لن
تغيره هجمات الجنجويد او غيره فلذلك اولوية حزب الامة الان ان يحصل
الصادق على رئاسة الوزراء لا يهم حتى لو كانت رئاسة وزراء بلدية امدرمان و تعلم الجبهة نقطة ضعف الرجل الذى قدم لهم عشاء ليس بماله
لانه لا يعمل ولكن من صدقات من تقتلهم هجمات الجنجويد فلذلك تريد الجبهة ان تقدم له وعد بان يكون رئيس وزراء بلدية امدرمان فى مقابل ان يقدم لهم الرجل دارويشة الذين دربهم ابان فترة حكمه حتى تتمكن الجبهة من القضاء على الزرقة ...
يا ناس افهموا السياسة و خليكم مع الموضة
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
| Quote: وصدقني يا بشاشة مافي حاجة حتضيع السودان غير أفكارك التي لا يفكر فيها حتى الشيطان نفسو فأصحى معانا شوية نحن في القرن21 وحتى قبل عشرة قرون لم يشهد السودان حالة واحدة مما تنسجه من خيالك |
ياعيني عليك يافلان! منو الجن الراكب لو حصان؟ أقرأ تقارير المنظمات الأنسانيه لجنوب السودان,جبال النوبه والآن دارفور الرقيق رسين العاني ما يدوك درب.ياريتك قراي:-
The following is a direct quote from Miniter's article:
Quote:
"I witnessed an attempted slave redemption that was unquestionably problematic during a recent visit to Nyamlell, a large settlement about fifty miles south of the Bahr al Arab river, in southern Sudan. Nyamlell has been the location of many slave redemptions covered by the U.S. media. The night before my visit officials from the local branch of the Sudanese Relief and Rehabilitation Association in Lokichokio, Kenya, asked for a meeting with James Jacobson, who had been hoping to redeem the slaves in Nyamlell. After half an hour of small talk the officials got down to business. "How much money are you bringing for slave redemption?"
"Four thousand dollars," Jacobson said.
"Ah, that is very helpful. There are forty slave children to be redeemed."
"Forty children? That would be a hundred dollars each. Don't other groups pay fifty dollars each?"
"No. Everyone pays a hundred."
"What about Christian Solidarity International?"
"Ah, they are different. They buy in much larger quantities."...
"Jacobson exchanged no money, but two mid-level SRRA officials insisted on accompanying him and me to Nyamlell. When we landed on the dirt
runway, a local commissioner named Alev Akechak Jok met our plane. He refused to make eye contact with the SRRA officials, and was adamant
about meeting privately with Jacobson and me...The commissioner offered tea and an admission: "There are no slaves here for you to buy."....Hadn't the SRRA radioed his village the previous day and learned that there were forty children to be freed? He shook his head no.
"As we returned to the airstrip, the SRRA officials rejoined us. One said that he had just found a trader and ten children to be redeemed.
Jok suddenly became angry and pulled me aside: the officials could not hear us over the whirling propeller. "You must leave now!" he demanded.
Are the children slaves? I asked. "No," he said, "they are the children of the village." Jok has since been removed from his post, probably in retaliation for his honesty."
(عدل بواسطة Mohamed Adam on 08-07-2004, 07:38 AM)
| |
|
|
|
|
|
|
|
|
 Re: الصادق المهدي استضاف البشير في «عشاء عمل» بمنزله. (Re: Deng)
|
الاخ كمال بشاشا تحيه طيبه- شكرا علي حوارك الجاد-ماتقوم به انت يااخي من عمليه توثيق لحقبه انجلت-بشرها-وعوده الى الأزمنه الغابره -فانت تثير بكتاباتك هده اجيال لم تشاهد او حتي سمعت بما تقوله زكرته انت(الفوراية في اقصي الشمال ما بشر ذاتو مافي فرق بينها او بين البهائم علي الاطلاق. فهي مملوكة لبشر مثلها يأكل القديد من الطعام ويتبرز كمان. مش كده او بس، وانما الاسر المالكة، تتوارث هذه الفوراوية ونسلها كما الابقار والحمير وغنم اللبن تماما) , هدا الكلام يزيد من الاحقاد- فتربية الاجيال لها دور كبير في غرس مفاهيم في اذهان الاطفال, يجب ان نربي فيهم روح نحن ابناء وطن واحد و نعيش في وطن واحد هو مصدر حقوقنا وحرياتنا و نقر بوجود تنوع وتمايز في اللغة والدين والأعراق والثقافات,الم يحن الوقت لمعالجة تلك الآفة التي ادت الى تصدع مجتمعنا وتمزيقة الى طبقات متهلهلة رثة لا تقوى على الاتحاد بقلب واحد.تعددت الهويه السودانيه وظهرت علي السطح وكثرت الكتابات فيها وكأننا لا يمكن ان نعيش من غير هويه,وكثرت التساؤلات العديدة حول الهويه السودانية والاسئله المتلاحقة هل نحن عرب أم أفارقة أم مسلمين -فالهوية الدينية(مسلمين)أقول ان كل الدول التي اسست علي الهويه الدينية اتسمت بسمات معينه وثابته-ولكن هل ينطبق علي السودان الهوية الدينية الاجابه -لا-لان هنالك تمايز في الدين(مسلم-مسيحي),هل ينطبق علي السودان الهوية العربيه الاجابه-لا-لان هنالك تمايز في اللغة والأعراق والثقافات,هل ينطبق علي السودان الهوية الافريقيه الاجابه-لا-لان هنالك تمايز في الأعراق مثال الرشايده لا يمكن ان نطلق عليهم زنوج مالم يمتزجوا,هل ينطبق علي السودان الهوية الافروعربيه لي انا شخصيا الاجابه-نعم-لاني عربي ممزوج بدم اهلي الزنوج.
تسلم كمال بشاشا
وقبل ما امشي دي رساله للاخ دينق من باب اولى ان تحترم وجه نظري لاني احترمت موضوعك ولو داير تقول اسأه لشخص قولها بالاسم وتشكر
انور احمد
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
أخي
Mohamed Adam
اعتقد أن حديث السيد بشاشا كان واضحاً
إذا عندك معلومات عن واحد فوراوي ولا فوراوية كانت مستعبدة
وتعامل بمثل ما كتب بشاشا الحالم فورينا ووري الناس الموجودين فلعلنا نعيش في سودان آخر ولعلي لم أولد في شمال السودان ولم أشاهد!!! ولعلي لم أنشأ وأترعرع في مدارس الخرطوم وسط آلاف التلاميد في جميع المراحل الدراسية والجامعية وسط مجتمعات تمثل كل القبائل السودانية ولم أشاهد!!! ولعل ظروف عملي التي نقلتني إلى شرق وغرب وجنوب السودان ولم أشاهد أو أسمع بأقوال الشياطين هذه.
من أين تأتون بهذه التقارير والأفكار الممسوخة المشوهة .
أهي تقارير حثالة المنظمات الغربية النصرانية اليهودية
أهي تقارير أسيادكم الخواجات الذين يستعبدون الآفارقة إلى يومنا هذا.
هل نسيت إن ميناء ميناء كيب كوست في غانا كان باب الخروج من غير عودة وكان العبيد يعبرونها الى سفن تقلهم بعيدا عن ديارهم وأسرهم في أفريقيايا ربي كانو بمشو وين يا شاطر.
ومن الذي جعل من أفريقيا مكانا يتجسد فيه البؤس والانحطاط الخلقي للإنسان حتى أصبحا واقعا من حقائق الحياة اليومية إلى يومنا هذا أليسوا أسيادكم الخواجات.
أم أنك لا تدري عن إنتهاكات حقوق الإنسان مثل تهريب النساء والبنات لاستغلالهن في تجارة الجنس في أوروبا.
أم إنك لا تدري أن أسيادك الذين تفتخر بتقاريرهم رغد العيش الذين يعيشون فيه إنما قام على اكتاف عمال السخرة واعتمادا على المواد الخام التي استخرجت من أفريقيا لتجعلها من أفقر قارات العالم بعد ان كانت على نفس مستوى تقريبا مع البلدان الأوروبية في القرن السادس عشر.
أم إنك لا تعلم أن الإزدهار الاقتصادي الذي نشاهده في الولايات المتحدة والبلدان الغربية اليوم انما بني أساسا على أيدي الملايين من الأفارقة الذين أخذوا عنوة من ديارهم وشحنوا مكبلين في ظروف مروعة لينقلوا عبر المحيط الأطلسي إلى مزارع العالم الجديد في أميركا. وفارق عدد لا يحصى منهم الحياة قبل ان تكتمل بهم الرحلة إلى الشاطئ الآخر، كما لقي كثيرون حتفهم في أفريقيا نفسها بسبب الاستعمار مع تسخير الملايين في العمل بالكونجو البلجيكي حيث روعت السلطات سكان تلك البلاد من خلال قطع أياديهم وارتكاب فظائع أخرى ضدهم كي يجمعوا المطاط ( إتمطه كويس).
أم إنك لاتعلم عن مؤتمر الأمم المتحدة لمناهضة العنصرية الذي إنعقد في دوربان بجنوب أفريقيا ويطالب الدول الأوربية والولايات المتحدة بالاعتذار ودفع تعويضات عما الحقته من دمار للموارد البشرية والثروات الطبيعية في القارة الأفريقية مما جعل هذه القارة أفقر المناطق وأكثر تخلفاً في العالم يأ ايها المتحضر ولم يكتفوا بعد.
أم إنك لا تعلم أن الآثار السلبية لتجارة الرقيق في القارة الأفريقية مازالت تلقي بتبعاتها حتى على السود الأميركيين حيث مازالوا يعاملون بما يشبه معاملة العبيد ولا يقدم لهم سوى الحد الأدنى من خدمات التعليم والخدمات الاجتماعية والاقتصادية ناهيك عن المعاملة غير الإنسانية من جانب البيض لهم في الأماكن العامة في معظم الولايات المتحدة الأميركية وكولن باول يشطح وينطح على شنو ما عارف.
أسمع تقاريركم التي يأتي بها أسيادكم لست في حاجة إليها فأنا عشت في كل مناطق السودان ولم أرى أو أسمع ما تقولون فبلها وأشرب مويتها إنتوا وأسيادكم.
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
| Quote: صراحة كلامك ده إلا تكون بتشوفو في الهواجس والكوابيس بتعتك وصدقني يا بشاشا أتمنى منك والله بصدق إنك تراجع طبيب نفساني في اقرب فرصة لأنك صراحة حالتك بقت متأخرة جداً واتحداك وأتحدى ألف غيرك من الناس اللي فاكرة إنك عندك قضية تثبت حرف واحد من الكلام اللي ذكرتو |
كبسيبة
يا خوي من شروط التوبة النصوحة
الإعتراف بالذنب والندم على ما فات وفعل صالح الأعمال
لماذا النكران
والله تاريخ مخزي يندى له الجبين
حرمان حتى من إختيار الأسماء والتى ليست بي قروش كما يقول المثل:
خير السيد وجاد السيد وفضل السيد والله معانا والصبر ....
جني
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
الأخ كبسيبه
كده برد نفسك شويه وروق أهدأ , المسأله عايزالها شويه رواقه بال.
والموضوع يهمنا بقدر ما هو يهمك أيصا.إنت قلت:
| Quote: هل نسيت إن ميناء ميناء كيب كوست في غانا كان باب الخروج من غير عودة وكان العبيد يعبرونها الى سفن تقلهم بعيدا عن ديارهم وأسرهم في أفريقيايا ربي كانو بمشو وين يا شاطر |
.كانو بمشو للأمركتين والدول الغربيه الأخري وجزء منهم بيذهب للجزيره العربيه, كلامك هذا وجيه جدا يا كبسيبه ولكن هنالك نقطه كانت فايته عليك وهي من المفترض سوالك يكون أكثر إنصافا إذا قلت من الذي بيسرق الولد والبنت من أحضان أمهاتهم وبيجمعهم وبيسلمهم للإمركان في الميناء الكيني هل هم تجار الرقيق أمثال الزبير باشا وجماعته الدخلوا بالمنفذ الشمالي.| Quote: ومن الذي جعل من أفريقيا مكانا يتجسد فيه البؤس والانحطاط الخلقي للإنسان حتى أصبحا واقعا من حقائق الحياة اليومية إلى يومنا هذا أليسوا أسيادكم الخواجات. |
نعم و كمان أسيادك وأسياد حكومتك, ولكن هذا البؤس والشقاء بما عملته أيديهم.أنظر شوف حكومات القاره الأفريقيه وبالذات الأنقاذ.لايمكن أن تجعل التأريخ شماعه تعلق عليه إنتهاكاتك لحقوق الإنسانيه,فمعني كلامك هذا يكون لزاما علينا أن نفتح محكمه لقابيل وهابيل.| Quote: أم إنك لاتعلم عن مؤتمر الأمم المتحدة لمناهضة العنصرية الذي إنعقد في دوربان بجنوب أفريقيا ويطالب الدول الأوربية والولايات المتحدة بالاعتذار ودفع تعويضات عما الحقته من دمار للموارد البشرية والثروات الطبيعية في القارة الأفريقية مما جعل هذه القارة أفقر المناطق وأكثر تخلفاً في العالم يأ ايها المتحضر ولم يكتفوا بعد. |
علي الأقل عندهم الشفافيه, إعترفوا بذنبهم ولكن حكومتك بتذنب وبتنكر أعمالها المشينه.كلكم خطاء وخير الخطائين التوابين.
| Quote: أم إنك لا تعلم أن الآثار السلبية لتجارة الرقيق في القارة الأفريقية مازالت تلقي بتبعاتها حتى على السود الأميركيين حيث مازالوا يعاملون بما يشبه معاملة العبيد ولا يقدم لهم سوى الحد الأدنى من خدمات التعليم والخدمات الاجتماعية والاقتصادية ناهيك عن المعاملة غير الإنسانية من جانب البيض لهم في الأماكن العامة في معظم الولايات المتحدة الأميركية وكولن باول يشطح وينطح على شنو ما عارف. |
أتفق معك لحد ما. فعلا هنالك بعض الحالات العنصريه الشاذه في أمريكا, ولكن إن وجدت بتكون في شكل بريجدس يعني مخفيه ومبطنه. الكل في أمريكا يكاد يكون سواسيا أمام القانون لا وساطه ولا محسوبيه.ثم السود بأمريكا اذا أصلا جاريناك في منطقك المشروخ دا فالسود يأتون بعد الرجل الأبيض مباشره يعني هم صناع قرار علي مستوي أمريكا والعالم.أمسك من القمه وتعال نازل للقاعده مثلا الرياضه والموسيقي... نحن نشتهي هذا في السودان كمهمشين.
| Quote: أسمع تقاريركم التي يأتي بها أسيادكم لست في حاجة إليها فأنا عشت في كل مناطق السودان ولم أرى أو أسمع ما تقولون فبلها وأشرب مويتها إنتوا وأسيادكم. |
إنت رجل طيب ياأبوالكبسه,عليك الله اليوم دا في بيتكم أو بيت أقربائك أو جيرانك كم شغال جنوبي أو نوباوي؟ خليك شفاف علي الأجابه.صدقني لليوم نحن السودانين نستعبد الناس. نحن منذ الصغر وحتي بلغنا مبلغ الرجال نسمع بود فلان سرقوه وبت فلان سرقوها وكذلك نسمع بفلان جاب ليه درفون مانع خلاص.. إنت عارف دوول بيودوهم وين بيذهبوا بهم الي الباديه وبقايضوهم كما تقايض البضائع والله هذا صحيح ياكبسيبه,هؤلاء عبيد وخدم لأنهم بيرعوا الماشيه وبيخدموا لأسيادهم ببلوش, وتسمع في وسط الأسواق كلمه ياعب وياخادم وهذا علي المدي الواسع.ودي لك.
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
عثمان عووضة
حصل لينا الشرف ياخي، او ربما نكون نسايب كمان! احنا اصلا من حلة دنقلا، ثم رحلنا لجزيرة الرحمن قبل المهدية، ثم المواد في الستينات، ما بين كنكلاب والخليوة.
الكوز الكذاب كبسيبة
قلت لي عقدة؟
واضح انو كلامي بقلق بيكم شديد خلاص!
عشان كده مصرين انو مافي كلام ذي ده.
طيب ياخي سياسة ان "نكر ضكر" دي او دفن الراس في الرمال ده، ماجربناهو علي مدي الخمسين سنة الماضية وكنتيجة شرارة الخمسينات في الجنوب بقت نار في ثلاثة ارباع المليون ميل مربع وانت لسة تسوي "مافي شي بضيع السودان" كانو السودان ماسلفا ضاع!
شوفتو الانفصام كيف؟
بعدين ابدا ما صدفة انت بالذات يا كبسيبة الكلام ده يثير حفيظتك لانو الحرامي في راسو ريشة، ذي ما واضح من الصورة الانت حايم بيها دي من باب التريقة والسخرية، ذي ماقلت ليك قبل كده.
فكلامك عن الدليل لا يخرج عن كونو استهبال واستعباط.
بالعدم عايز تقول لي "مثلا" حكاية ده عب او دي فرخة او ده فيه عرق برضو جابو الخواجات للسودان؟
يكفي انو ده اساس البناء الاجتماعي نفسو عندنا.
اما حكاية كذب كبسيبة، عزيزي القارئ تتصل بادعائيه زورا وبهتانا انو بيعرفني شخصيا. لذلك شهادته لاتؤخذ اطلاقا، وكلامه تلقائيا مطعون فيه الي ان يثبت العكس.
فلو كبسيبة ما من اقصي الشمال، او ما عاش هناك، فعليه ان يملا خشمو تراب ويصمت.
انا بتكلم عن واقع معايشنو الاف مؤلفة في منطقتي المباشرة فقط، ناهيك عن باقي الجلس او المحافظة او الاقليم الشمالي ككل.
الاخوان هاشم انور والبقية جايي عليكم.
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
جني يديك العافية
Quote: الإعتراف بالذنب والندم على ما فات وفعل صالح الأعمال
لماذا النكران |
يا جني أنا ما نكرت حاجة لأني بكل صراحة ما شفت وما سمعت إنو فلم الجذور ده حصل في السودان وأنا كل العايزو أدلة وقصص واقعية مش الفبركات بتعت المنظمات التي تكتب تقاريرها على حساب مصلحة حكوماتها.
وفي انتظارك يا جني تحكي لي بكل صدق إنو في بيتكم كان عندكم عبد
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
بشاشا
| Quote: الكوز الكذاب كبسيبة |
طالما إنو كل من يخالفك الرأي كوز فالله يفكك شوف ليك فكي كارب كده
وبالمناسبة أنا فعلاً استشرت صديق وهو طبيب نفسي وقال ليهو بشاشا ده علاجو عند الفقره.
Quote: عشان كده مصرين انو مافي كلام ذي ده.
|
أنا ما مُصر يا سيدي لكن عايز وقائع ودي المرة المليون تتهرب من الإجابة وما تجيب تقراير الخواجات دي ما بتملا عيني.
Quote: وكنتيجة شرارة الخمسينات في الجنوب بقت نار في ثلاثة ارباع المليون ميل مربع وانت لسة تسوي "مافي شي بضيع السودان" كانو السودان ماسلفا ضاع!
|
وإنت لسة مصر تولع الشرارة دي ولسة عايز تضيع السودان أكتر مش كفاية إن نص اهلك مشردين
أتمنى أن يجد من تبقى منهم الرعاية والتوجيه والتعليم والتنمية والاستقرار ونظرة واعية إلى المستقبل وهذا بيدك ويد المثقفين من أبناء هذه المناطق فما تضيع وقتك معانا أحسن تمشي تعمل ليك حاجة فيها فايدة لأهلك بدل السكلبة بتعتك دي.
Quote: بعدين ابدا ما صدفة انت بالذات يا كبسيبة الكلام ده يثير حفيظتك لانو الحرامي في راسو ريشة، ذي ما واضح من الصورة الانت حايم بيها دي من باب التريقة والسخرية، ذي ماقلت ليك قبل كده.
|
وصورة كبسيبة دي رأيك فيها شنو برضو مسخرة
واعتقد انا في راسي في طاقية وأنا ما هندي عشان أخت لي ريشة
شنو الصورة دي مالها ضايقتك كده ده بداية العلاج النفسي يا بشاشا وده رد فعل طبيعي وعندي كتييييير يا بشاشا بس جرعة جرعة ما عايزين نفقد باقي عقليتك.
| Quote: فكلامك عن الدليل لا يخرج عن كونو استهبال واستعباط. |
ياخي انا مستهبل ومستعبط أنت ما تعاملني على قدر عقليتي وتوريني وتقول لي الأسرة المالكة الكنت شغال معاها وأوصلوك للحالة دي.
وأن بعتبر ده تهرب من الإجابة وبهذا أرى أنه لا فائدة من النقاش في هذا الموضوع لأنو أساساً مافي قضية قدامنا.
Quote: بالعدم عايز تقول لي "مثلا" حكاية ده عب او دي فرخة او ده فيه عرق برضو جابو الخواجات للسودان؟
|
والله كان دي قضيتك تبقى مصيبتك مصيبة
لكن يا داب عرفت العقدة بتعتك من متين بقولو ليك الكلام ده يا بشاشا من الابتدائي ولا في الحلة ولا وين وشكلها كده زكتك لحدي الجامعة مش لا إنت قصتك قصة، طيب ما توسع صدرك وتحكي ليناوأنا أقول إنت ما عايز تنزل صورتك ليه خجلان منها.
Quote: اما حكاية كذب كبسيبة، عزيزي القارئ تتصل بادعائيه زورا وبهتانا انو بيعرفني شخصيا. لذلك شهادته لاتؤخذ اطلاقا، وكلامه تلقائيا مطعون فيه الي ان يثبت العكس.
فلو كبسيبة ما من اقصي الشمال، او ما عاش هناك، فعليه ان يملا خشمو تراب ويصمت.
|
متين أنا قلت بعرفك يا سيدي وشخصياً كمان والله يا ريت اتشرف كتير
أما أنا فمن الشمال ومن منطقة دنقلا التي كان الوالي فيها أحد حثالة الساسة السودانيين فيها حاج آدم.
| Quote: انا بتكلم عن واقع معايشنو الاف مؤلفة في منطقتي المباشرة فقط، ناهيك عن باقي الجلس او المحافظة او الاقليم الشمالي ككل |
إنت خجلان تقول لينا اسم منطقتك طيب ياخي ما تبقى كريم وأديني دعوة ومعاي كم واحد من ناس البورد ديل عشان نشوف على الطبيعة.
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
إلى اللذين لم يقدروا للأمر موقعه وأساءوا الفهم ، كل ما في الأمر أن البشير أتصل بالسيد الإمام طالبا منه هذه الزيارة فليس أمام السد الصادق إلا الإستجابة لهذا الطلب كعادة السودانيين وكل ما في الأمر أنهم لم يتطرقوا لشئ تعلق بالسياسة، في اليوم الثاني ارسلت الحكومة ممثلا عنهامستفسرا عن ماذا يريد الحزب للأسهام في الحل للأزمة الراهنة فما كان من حزبنا العريق الوطني إلا أن قال نحن نريد شيئا يجمع كل أهل السودان أما دون ذلك فلا
ماذا تريدون أكثر من ذلك أيها المتمشدقون بالباطل،،، ساعتها يصحو النائم على نهج حزب الأمة وتزول البلادة،،،،،،،
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
| Quote: لكن يا داب عرفت العقدة بتعتك من متين بقولو ليك الكلام ده يا بشاشا من الابتدائي ولا في الحلة ولا وين وشكلها كده زكتك لحدي الجامعة مش لا إنت قصتك قصة، طيب ما توسع صدرك وتحكي ليناوأنا أقول إنت ما عايز تنزل صورتك ليه خجلان منها. |
القارئ العزيز.
علي كده الصورة اتضحت بجلاء.
كبسيبة الان بتصورني من شدة ما خجلان من صورتي "كفرخ" انا رافض انزلها!
ياسبحانك!
طيب يا كبسيبة، اذا انا رفضت نظرتكم الدونية لي كفرخ، ابقي عندي عقدة او محتاج لي طبيب نفسي او كمان فكي؟
يعني فقط لمان اسلم بي قدر دونيتي بالميلاد، اكون سليم في نظركم! شفت كيف الحقيقة بتجي مارقة من حيث لا تدري ولا تحتسب بل ولا تقصد؟
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
بشاشة
| Quote: علي كده الصورة اتضحت بجلاء |
فعلاً بجلاء شديد فأنت صراحة بشاشة شخصية مريضة فقط وليست لك أي قضية وما عندك موضوع غير إثارة الفتن والمشاكل وتمزيق التعايش والترابط بين أمة بأسرها لم تشكو من المرض الذي تعاني منه في يوم من الأيام وما تزال حتى هذه اللحظة تتهرب من الإجابة أين تنتشر هذه الجرثومة التي تتحدث عنها في أي قرية وفي أي حلة؟ أين الوقائع التي تتحدث عنها بدلاً من النحيب والعويل في كل بوست أي هذه القضية؟
قضيتك هي محاولة كسب التعاطف من الموجودين لكنهم بدأوا يملون من قضيتك لأنك صراحة كدة زودتها زيادة عن اللزوم وبقيت تنفخ في قربة مقدودة وكلو كلام ساي بدون وقائع وكل يوم تتكشف حقائق مؤامرتكم ولا ما بتسمع نشرات ولا ما متابع خط سير الخوارج جماعة القتل والمساومة وأخرى لا أتشرف حتى بمعرفة ماذا تسمى.
فيا أخوى بالواضح كده إذا كان قضيتك هذه الكلمات التي ذكرتها أنت وقمت بالتعقيب عليها وترى أنها تشكل عقبة ومشكلة يمكن من أجلها استعمال كل السلاح بل يصل الحد إلى إدخال قوات أجنبية فسجمك وسجمنا وووووب علينا وكر علينا كان آخر زمن جاي واحد صراااحة عقدة ومريض لكي يحدد مسار هذه الأمة والطريق الذي تسير فيه.
تمنياتي لك بالشفاء العاجل
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
| Quote: إلى اللذين لم يقدروا للأمر موقعه وأساءوا الفهم ، كل ما في الأمر أن البشير أتصل بالسيد الإمام طالبا منه هذه الزيارة فليس أمام السد الصادق إلا الإستجابة لهذا الطلب كعادة السودانيين وكل ما في الأمر أنهم لم يتطرقوا لشئ تعلق بالسياسة، |
عثمان محمدين.
هل ممكن تثقفني وتقول لي ما الذي يجمع بين الصادق المهدي والبشير وتيم وفد الامن خلاف السياسة؟
بعدين مسألة العادات والتقاليد السودانية دي الصادق المهدي إذا كان ملتزم بيها كان على الاقل قدم العزاء في وفاة محمد أحمد المحجوب عندما توفى, وكان أيضاً شارك بحفلات التأبين التي أقيمت للمحجوب. أحسن نخليها مستورة يا محمدين وبلاش تبريرات واهية.
دينق.
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
Quote: هل ممكن تثقفني وتقول لي ما الذي يجمع بين الصادق المهدي والبشير وتيم وفد الامن خلاف السياسة؟
|
طيب يا دندق ممكن تورينا وتثقفنا انت وتورينا العلاقة بين نفس تيم الامن دا وعلي عثمان وقرنق ؟؟
وممكن تحجز لينا في عزومة العشاء بالقصر الجمهوري بعد اكتمال مؤامرات نيفاشا ؟
| Quote: بعدين مسألة العادات والتقاليد السودانية دي الصادق المهدي إذا كان ملتزم بيها كان على الاقل قدم العزاء في وفاة محمد أحمد المحجوب عندما توفى |
يا ربي كنت ماسك الكشف ولا شنو ؟؟
Quote: الاخوة/ أعضاء حزب الأمة.
نعم سوف أقوم بذلك, وسوف أخصص بوست منفصل في أقرب فرصة أجدها.
دينق |
الكلام الفوق دا مش حقك يا دينق ؟؟ كدي شوف التوقيع تحت ما يكون مزور ولا حاجة ؟
خلاص اتاكدت ؟؟
يلا بالله بسرعة قدم الدراسة .. دراسة شنو النقد ما مشكلة اي اسم .. لسه راجينك وبالنا طوووووووووويل
| |
|
|
|
|
|
|
|
|
|
Re: الصادق المهدي استضاف البشير في «عشاء عمل» بمنزله. (Re: Deng)
|
| Quote: فعلاً بجلاء شديد فأنت صراحة بشاشة شخصية مريضة فقط وليست لك أي قضية وما عندك موضوع غير إثارة الفتن والمشاكل وتمزيق التعايش والترابط بين أمة بأسرها لم تشكو من المرض الذي تعاني منه في يوم من الأيام. |
الكوز كبسيبة
غايتو بختك، لاني مزنوق الايام دي او ما لاقي وقت.
قلت لي انابثير في الفتن؟ عيييييييييك!
يازول ماتو ملايين او ثلاثة ارباع البلد مولعة او برضو تقول لي "تمزيق التعايش والترابط"؟
شفتو العالمين دي منبتة تماما عما هو حادث كيف؟
تفتكرو ده صدفة؟
ابدا!
ده واقع حال اصحاب الحظوة بالميلاد!
ابدا ماحاسين بالحاصل حولهم، ذي نبلاء الثورة الفرنسية!
بعدين انت ليه مرعووب اوعايز تسكتني بي اي تمن؟
ولانو صاحب الحاجة ارعن، فمن روعنتك، اصرارك المضحك علي حجب ضوء الشمس بي فرد صباعك، عجبي!
انا بتكلم عن الاف مؤلفة من مستعبدي الفور في اقصي الشمال، فماعارف واقع معاش منذ عشرات السنين ذي ده، انت عايزني اعمل شنو بالضبط كاثبات مقنع بالنسبة ليك، لو افترضنا جدلا انك سلفا ما مقتنع او ما واعي بي وجود واقع كريه ذي ده؟
كونك ماعارف فده العذر الاقبح من الذنب.
من جانب اخر من فرط ما ذنوجة الشمال بتتنفس واقع ذي ده كما الهواء، في العادة ما بحسو انو في شئ غلط هنا اصلا. بالضبط ذي الزول الرابط ساعتو في الايد او بفتش فيها في نفس الوقت!
فاي كان كلامك ده او محاولة طي واقع بهذه الضخامة تحت الفروة، فقط يؤكد ويعضد بما لايدع مجال للشك فداحة المأساة في اقصي الشمال.
بالنسبة لي موضوع عقدة بشاشا "كفرخ" انا بستغرب ليه عملت اطرش وتعاميت عن السؤال:
ياكبسيبة او شركاه، لو بشاشا رفض واقع الدونية المفروض عليه بالميلاد ده يجعل من الفرخ بشاشا "حسب تصوركم" انسان معقد؟
يعني يا اقبل بي عبوديتي واكون سوي عندكم، او ارفض واكون مريض؟ مش كده ولا انا فاهم غلط؟
| |
|
|
|
|
|
|
| |
Deng
Abureesh
Mohamed Adam
Bashasha
AttaAli
ahmed haneen
البحيراوي
معتز تروتسكى
essam&amal
نصار
Sinnary
محمد عبدالرحمن
jini
خالد
kamalabas
Abdel Aati
عثمان عووضة
عصام دهب
هاشم نوريت
Adil Osman
ودرملية
othman mohmmadien
فيس بوك
تويتر
انستقرام
يوتيوب
بنتيريست