دعواتكم لزميلنا المفكر د.الباقر العفيف بالشفاء العاجل
|
|
 ـــــــــــ أمــــــــي ــــــــ
|
الـيـد الـواحـدة ما بتضفر ليها برش
مثل جديد لنج
نحن في حاجة لي برش جميل بطول النيل ملون بي تراب بلدناومزخرف بي زهور الجبل
وورود الحقول ، نوهط فيهو أماتنا ، ونحبهم طول العمر ...
صباح 8 مارس
والعالم بقى أصغر من قرية
بكتب عنهن
عن المرأة النيلية
لون القمحه
أمي ستونه بت محمد ودسلمان
عن الوردة السامية في علاها
أختي سامية
عن زهرة السوسن
أختي سوسن
عن الأم صاحبة المكتبة
ماما فائزة محمد عابدين
عن حبوبه ســــــنــوده
***
لكل نساء بلادي العاملات
محيتي ومودتي ودمي ودموعي ...
|
|
 
|
|
|
|
|
|
|
 Re: ـــــــــــ أمــــــــي ــــــــ (Re: محمد سنى دفع الله)
|
في بداية الأربيعنات من القرن الماضي
دخلن خواجيات القطينة واختارن من بنات المدرسة بعض الطالبات
امشن اقرن في الخرطوم والقراية في الوقت داك ممنوعة على البنات حتى ولو حدا البيت
تقوم البت تسيب القراية في حتتها وتمشي الخرطوم ، شالن حته من اترها أخواتها الصغار
فاطمة ومريم كانن وحيدات ما ليهن اخو ..
سافرت وقطعت كبري النيل لي أمدرمان وفي مدرسة القابلات درست كيف تضيف للدنيا روح جديده
وكل خميس تلاقي اهلة في بيت المصري الكبير جدنا ،وقرت كيف تكون زائرة صحية واتعلمت الرسم
والتدبير المنزلي وحب الناس ..
واشتغلت في الأبيض وصاحبت ملكة الدار وأختا ليهن اسمها ريا ، قالت لي ريا دي كان فيها أجمل صوت
ودايما تقول لي أجمل بنات عندهن صوت ما غنن !!
ورجعت الخرطوم وبعد اتزوجت مشت مدني واشتغلت في مدرسة القابلات وفي النهاية استقرت بدار الأمومة
بإشلاق البوليس تعلم وتولد وتملك الناس الجمال وانا طفلها الأول كانت تتركني في قسم الموسيقى
اسمع موسيقى الدنيا من الصباح لي الضهر ، لاببكى ولايحزنون اتابعني المنصورى في كل حتةشفت هناك
جمعة جابر واسماغيل عبد الرحيم لهم الرحمة وكودي العظيم الذي يتفنن في قيادة الفرقة الذهبية
لموسيقى النيل الأزرق ،، كانت امي في ذالك الوقت تنقل للنساء أهم تجربة في مدني والسودان
الجمعية التعاونية..
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: محمد سنى دفع الله)
|
السني ود..... دفع الله
التحية و التقدير لكل أم سودانية وكل سنة و كلهن بخير
وإنت بألف خير....
يحكي جميع سكان مديرية النيل الأزرق الكثير عن كودي المايسترو الشهير
هل لديك أي معلومات موثقة عن الرجل أو صور
و تحياتي لأستاذنا المنصوري كان جنبك
إحتراماتي و شوقي
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: Muna Khugali)
|
سلامات
وعوافي
يا السني محبتي لي يما ستونة بت ود سلمان ..
ولكل ام في هذه الارض من لدن امنا الكبرى "حواء" ولي اخر ام ترضع طفلها الان وجبته الاولى ..
الامهات يا سيدي مفتاح الخير والخيرات في هذه الارض "وفي سري اقول لولاهن والاطفال لازاح الله اعمدة السماء لتهوي علي الارض" ..
فالجنة تحت اقدامهن وهم "اي الاطفال" احباب الله ..
وليتني استطيع ان اكتب عن امي "رملية بت حليمة بت الحسين ودشاع الدين" "وهي رملية بت احمد ود محمد ودالمجدوب"..واخاف ان اكتب عنها وخوفي هذا "جبن" كون سيرتها احق بالنشر والتعريف فاني احبها حب الكون .. ويحبها اصدقائي وتحبهم ..انا مكنى باسمهما من فرط حبي لها .. فمنذ صغري "وانا الذي توفى عني والدي وتركني لين العمر" فتحت عيني ووجدتها هي امي وابي فكنت دائما اذا ما دع الظرف حلفت باسمها حتي بات اصدقائي لايصدقوني ان لم احلف بها فسارت تسميتي "بودرملية" .. باسلة هذه المراة يا السني باسلة مناضلة .. عندما توفي الوالد التف حولها اخوانها وابناء عمومتها وابناء خالاتها علي اساس ان يقفوا معها في تربيتنا .. فرفضت وقالت لهم"انا بيعيشوني عيالي ديل ويعيشو اخواتن" اي والله العظيم كنا ثلاثة اولاد وثلاث بنات اكبر ولد كان عمره 14 سنة وانا كان عمري حينها 6 سنوات واخي صديق 8 سنوات بينما تكبرنا جميعا بنتين وتصغرنا جميعا الامورة نسو .. وهكذا بدانا الطريق .. الطريق الي حياة سليمة وعفيفة .. كان منزلنا برغم فقرنا قبلة الاهل والاحباب .. وكانت الوالدة "بشلوخها الجميلات" تقضي كل وقتها في راكوبتها وفي خدمة ضيوفنا وضيوف البيت عموم ..
كانت ام "من سيدات الجنة" رحمها الله رحمة واسعة وجعل الله قبرها روضة من رياض الجنة ..
ثم كان بيتنا قبلة للعالمين .."
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: ودرملية)
|
ودرملية
الحبيب
وسيد أمو
اكتب عنها واتدفق زي بحر الدميرة
ربنا افتحه عليك دنيا واخره
واشفي عيونك الجميلة ومسحورة
وإزيدك فرح واغنيك واغتيك
وإعدله عليك ورا وقدام
مودتي والرحمة والمغفرة
لست رملية
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: محمد سنى دفع الله)
|
استاذي الجميل السني
سلام واشواق كثيره
شكرا علي هذا البوست الانيق
وعبره نهدي المحبه والتقدير والابتسامه العذبه النديه لكل ام ولكل اخت ولكل ابنه ولكل صديقه
واكاليل الورد لهن جميعا للتي تربي النشئ - تحترق لتضئ للاخرين الدروب وللاخريات اللائي قدمن خبرتهن في مدرسة الحياة
وللمتفانيات في تضميد الجراح ملائكة الرحمه للمبدعات في كل مجالات العطاء
وللتي تبتسم في وجهك فتكتب لها صدقه
اليهن جميعا انحني اجلالا وتقديرا وفي الخاطر ابدا امي الحبيبه لها الف رحمة ونور
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: صديق الموج)
|
صديق الموج
وأنا بحبك موت
فكرة التعاون لمن دخلت مدينة مدني واتنفذت في الإشلاق
كانت حدث مثير وقامت أمي نقلت التجربة للأحياء
لمت نسوان الفريق وجمعوا القروش ونزلن السوق
وإشترن حاجات الشهر
وبي عربة كارو دخلت حي الدرجة شايلة مواد التعاون
وبي عبار ومقدار كل مره شالت حاجات الشهر
وخلو خشم عم علي اليماني ملح ملح
نسوان املوا العين وافضلن
أماتنا
المج أحبك
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: خالد المحرب)
|
قَرنُ من المجدِ الذي قد صاغ
فينا الأُمنيات
و بنا لنا في الحُبِ صرحاً شامخاً
لحنُ يسربلُنا بعذبِ الأُغنيات
و مساحة العلم الذي صُغتيه فناً خالداً
يبقى لنا جِيلُ الثبات
هيا أرفعي عَلمْ الصُمود
و شُعلة الفكر المؤجج روحه
و الحلم و الآمال فينا باقيات
ما زال للضوء دروب قاتمة
هيا اطردي منا ظلام الأُمسيات
أُمي .. و أُختي .. بعض روحي .. مُهجتي
أبقي لنا روحاً تُجمّعنا معاً حتى الممات ..
علي طاهر
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: محمد سنى دفع الله)
|
فى يوم 25مارس العام1996
قلت لاستادتنا السوسنه بت الستونه
انا مارق هاجى (واريتنى كان ماهجيت)
قالت لى خلاس تعال لينا فى البيت نديك جوابات للسنى
المهم مشيت ليهن فى البيت..
و قمت قابلت امنا ستونه بت محمد ود سليمان
فقامت قالت لى قول لمحمد
(وكان اول مرة اعرف انو السنى دفع الله اسمو محمدساى)
عرفت انك مسافر قالو للدنمارك ..
(والغريبة هو اصلو كان وقتها برا السودان
لكن فى دولة عربية )
فعليك الله قول ليهو
عافية منك ورضيانه عليك..وقبال ما تسافر
تعال عرس وبعد داك سافر لانو الغربه دى بتدورلها مرا
ــــــــــــــــــــــــــــــــــــــــــــــــــ
وماعارف السنى تانى سوا شنو
محبتى الى كل النساء
والى السنى
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: Sawsan Ahmed)
|
ألاستاذ النجم السنى سلام
تخيلت صورة السيده الفاضلة المجاهدة
ستونه
وهى تشبه سيده وجمالا فريد..
خلوقوها زى ما تريد..
فى خدودا وضعوا الريد
________
كانت أوفر الناس حكمة
لما قالت ألشافع دا طالع زى ود نفاش
1000.000 شوال محبة الى المجاهدة ستونه
تحياتى اخيك عثمان عبدالرحيم موس
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: محمد سنى دفع الله)
|
يبدو ان احساسى بالأخاء تجاه ( حسان دفع الله ) له جذور و دوافع و كذلك
المودة التى يكنها كل اخوتى الى السنى سببها هذه المرأة العظيمة ( و امى العظيمة برضو)
و افلام سينما الخواجة و التى كان يقوم بتشغيلها عم ( دفع الله)...و ستونة لمن رآها ..امراة جميلة
ثيابها ناصعة بيضاء بصورة غير معهودة فى غباشة السودان..النساء كن يرمقنها بأعجاب و احترام عميق
و كن يغمطنها سرا على تماسكها و اريحيتها ..امى كانت ( تجيب سيرة ) ولادتى على يد ستونا بسبب او غير سبب
اخى خالد الملك يجلس و عيونه مقلعة من الغيرة ( و انا ليييى جبتو لى نعيمة خير الله؟؟) وستونا تعلق فى العقل مثل
مبنى المديرية , و اغنيات عبد الوهاب سليم وسولوهات على بطران على الترومبيت, السلام الذى يعمر ود ازرق و المدنيين
و قبة سعدابى , و عم دفع الله اراه فى بورتريه خاص فى عين خيالى , جالس داخل ( المورس اوكسفورد) و القزاز
منزل يتحدث بود الى ( زول) ما , و استاذ فيصل الذى علمنا فى السكة حيد الشرقية الأبتدائية , ولدتونا و علمتونا و فرجتونا فى السينما..
اها احكى ليك تانى شنو؟؟ و نحنا دققنا ليكم العيش.
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: Osman Musa)
|
أخي عثمان موسى
التحية والمودة الزاهية
وحب ليك ماليه حد
والله من أجمل نساء الدنيا وزي ما بقولوا الناس كل واحد بشوف امو أجمل إمرأة في الدنيا
البوست ده بقدر ما هو معنون ب ـ أمي ـ
لكنو بوست لي كل النساء السوامق لي كل إمرأة تكابد في بلدي
لي كل إمرأة حرة علمت نفسها لتحقق أحلامها
سوف انزل صور ليها
خليك معانا
مودتي
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: على عمر على)
|
سويت شنو يا علي ابنوب
ما سمعته كلامه وعرست
أحلام وهبي
حلفاوية عندها أم اسمها فائزة عابدين
حأكتب عنها بعد شوية تابع معاي
وكيف أحوالك والغربة معاك وكل تحياتي لي كل أم بتعرفه وعاملة شقيانه في دروب الحياه
مودتي
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: الصادق خليفة)
|
السنى الجميل
امى يا اجمل كلمة بقولها
يا حلى ...نشيد
يا نغمه جميله...
التحية لامنا ستونة بت سلمان ولكل ام فى الدنيا ولكل مرأه انا طبعا يالسنى فقدت ست الحبايب
ومن يومها انا لافى فى الدنيا دى بدون كنترول..
يعنى انا يتيم عشان كده حقو انتو والريس وودرمليه وكيكى تزيدونى من جرعات حنانكم .. والا اقوم
اتعاور وابكى ليكم واجعر كمان...
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: محمد سنى دفع الله)
|
السني السنين
أنا من بركات ... دايتنا زوزو..
وإن كان إبراهيم الرشيد وعبدالله نجضونا بيك نجاض
..
التحية لستات الشاي وستات الكسرة ونسوان الفزع البصرن القروش لليوم الأسود
التحية لأمهاتنا وحبوباتنا وأخواتنا وبنات الجيران
التحية للمدرسات والطالبات والموظفات الممرضات والفراشات البحشن السندوتشات لي طلبة المدارس ويشدن الملايات وينفضن الغبار ويغسلن العدة ويرتقن المشرط ويظبطن النعيمية
التحية للبساهرن مع العيال ويصحن مع الآذان .. التحية لزوجاتنا وبناتنا البخلن للحياة طعم
وراجع ليك
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: محمد سنى دفع الله)
|
يا سلام يا سني يا فنان
الأم أمي العزيزة لا أجد ما يوفيكى حقك فقد تعلمت منك الكثير وما زلت أنهل من معينك الذي لا ينضب ،
أخوتي الكرام لا أحسب أن عيد اليوم يجب أن يكون مرة واحدة في العام بل يجب أن يكون كل يوم تشرق فيه الشمس هو عيد للأم ، وأكيد لكل منا تجربة مميزة أو موقف مميز مع أمه تعلم منه الكثير وغرس في نفسه ربما فضائل لا تنمحى ما بقي حيا ، دعونا نستدعي بعضاً من هذه المواقف ، بارك الله في أمهاتنا جميعاً.
أحبك يا أمي بكل لغات العالم
أحبك - Jeg elsker dig - I love you - Ek het jou life - Te dua - Yes kez sirumen - Aamee tuma ke bhalo aashi - Obicham te - Ne mohotatse – Afgreki - Mahal kita - Je t'aime, Je t'adore- Ich liebe dich – Szeretlek - Saya cinta padamu - Ti amo – Aieru - Sarang Heyo - Doo-set daaram - Ya tebya liubliu - Volim te - Lu'bim ta - Lu'bim ta - Ich lieb Di- Seni Seviyorum- Ya tebe kahayu-
الله يحفظ ليكم أمهماتكم جميعاً
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: almulaomar)
|
أستاذ محمد السني
ربنا يدي العافيه لكل أمهات ونساء بلادي الرائعات جداً والعظيمات كعظمة هذا الوطن الحبيب
ويديكى لى طول العمر
وفى الدنيا يوم ما يألمك
أمي الله يسلمك
أمي يا دار السلام
يا حصني لو جار الزمان
ختيتي في قلبي اليقين
يا مطمناني .. بطمنك
أمي الله يسلمك
خيرك على بالحيل كتير
يا مرضعاني الطيبة بالصبر الجميل
يا سعد أيامى وهناي
لو درتي قلبي أسلمك
أمي الله يسلمك
أنا مهما أفصح عن مشاعري
برضو بيخوني الكلام
وقولت بحبك
ما بتكفي وكل كلمات الغرام
يا منتهى الريد ومبتداهُ
يا الليّا الله يسلمك
ويديكي لى طول العمر
وفي الدنيا يوم ما يألمك
أمي الله يسلمك
ياأم ضفائر قودي الرسن واهتفي فليحيا الوطن
هذه القصيده توضح عظمة المرأه السودانيه ومواقفها النضاليه ...
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: محمد سنى دفع الله)
|
What 'Mother' Means
M... is for the million things she gave me,
O... means only that she's growing old,
T... is for the tears she shed to save me,
H... is for her heart of purest gold;
E... is for her eyes, with love-light shining,
R... means right, and right she'll always be.
Put them all together, they spell "MOTHER," A word that means the world to me
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: almulaomar)
|
أخى و فنانا المحبوب السنى
ربنا يديها ليكم الصحة و العافية و يطول ليكم فى عمرها
| Quote: اليهن جميعا انحني اجلالا وتقديرا وفي الخاطر ابدا امي الحبيبه لها الف رحمة ونور |
و ربنا يرحم والدتى مريم أبوطالب ، و يرحم والدة زوجى أستاذة بتول حسين ، كلن أعطت و جادت بقدر ما يمكن لها العطاء و كل فى مجال يختلف
أمى أعطت كل حياتها لزوجها و أولادها ، تعبت و ربت و ذاقت المرة مع التنقل فى مشروع الجزيرة مع والدى رحمة الله عليه،من مكتب لى مكتب ومن غيط لى غيط ، صبرت و صابرت و كانت لنا الأم و الحبوبة و الأخت و الصديقة .. رحمة الله عليها و لكم أنا مشتاقة لها و أفتقدها بشدة لن أستطع معها إكمال كتابتى
إلى اللقاء
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: نوسة)
|
الأم حالة عطاء إستثنائي ..
من أراد أن يرى الدفق الشعورى
الإنساني في أنقى صوره
فالينظر إلى الأم مع
وليدها .. أي أم ..
التحية لأمي ولجميع الأمهات
شكرا أستاذنا السني على
فرد هذه المساحة لتحية الأم
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: محمد سنى دفع الله)
|
محمد عبد الجليل
التحية والمحبة
اكتي ليك مصداقا ليكلامك
عن الأم فائزة عابدين
وهي قادمة من حلفا واستقر بها الحال في عطبرة
وهي والدة زوجتي وأحب ان اناديها زازا
هي إمرأة صامدة ورقيقة مارست العمل الإجتماعي وهي طالبة يافعة
والتزمت بأهداف الإتحاد النسائي منذ تأسيسه
وكانوا وزميلاتها يشاركون في التحول من الأزياء الى الأفراح
ودقات الدهب والحفاظ على العادات الجميلة
وحتى الأن لها في أشجار الزينة والورود والزراعة هواية تتناغم وسلوكها الجمالي
وقارئة نهمة لها مكتبة تحافظ عليها ولاتعير كتابا
عندما كانت زوجتي أحلام في الإجازة ندهت عليها أمها
وحينما وصلتها وجدتها تقرأ في طبيبك مدت لها الكتاب عندها إكتشفت أحلام انها تورطتت في شر أعمالها
وجدت الصفحة فيها مقالة عن
السمنة تسبب أمراض القلب والسكر
وطبعا حرمنا المصون زادت من أكل المكرونة بي كل الأنواع
وإغتاظت وقالت ليها انت هسه منتظراني من الصباح عشان توريني الصفحة دي ؟
وردت أمي زازا أيوة وانشاء الله انفع فيك وتحسي
ورسلت لي كتاب نادر جدا من مكتبتها
هو مسرحية (( خطوية سهير ))
للكاتب المتميز ــ حمدنالله عبد القادر
وكان معنا في الدوحة المخرج الفنان أشتاذي مكي سنادة
قال لي ان كاتبها يفتش عليها لانها نفدت وتمت طباعتها من زمن بعيد
شكرا أمي فايزة عابدين على الهدية وربنا اغطيك بالعافية والسعادة
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: محمد فرح)
|
تعرف ليه ياطلال !!
لانو السني بحكي بي قلبو و خشمو بس
بعطل باقي العضلات التانيه و بتحول لي قلب و قدوم بس
.. و اريتو قدوم السرور
وقلبكـ يا السني اريتو قلب كل السودانيين
ده قلب من دهب ياخي
و
تسلم البطن الجابتكـ
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: محمد سنى دفع الله)
|
السني أحبك وأحب أمك
طيببة ياأبجديتي
ياهرم
ياحديقة
ويا...
ويا
كل مفرداتي الجميلة لاتستطيع
وقال ثم من؟
لعمري غيرك لم أقل
خرجت من عجينها
منها أليهاو لها
يا خزين مودتي المستدامة
الآن وغدا وطالما حياة
ألوزك وقت حنين
وحين ألم
أراك في عيون طفلتي الصغيرة
وحين ألوز للفراش
وحين صحو
يا
أول العشق وآخره
يا إمرأة تسد أفقي
و يتقاصر دونها المكان
رضعت من ثديها المحنة الالفة
وخبرت في حجرها الملاز والسكينة
وأعطتني خارطة الطريق
يالعشقها هذا الطود
هل أهديك وردة
وقد أخترتها بعناية من حديقتي الخيال
أم مفرداتي وقد كتبتها بطعمك الحليب
ام أجمع الطيور السمندلات لتدوزن إشتهائك
سامحيني
إن لم أجدل معادلا بقدر تدافع الحنين
ضميني إليك
أحتاج أن أنام
هدهديني
(النوم النوم... بكريك بالدوم
دومتين مرات.. دومتين حلوات...
بالبحر فايتات..
ماشات مقرات... النوم تعال...
سكت الجهال .. )
تحسسي منابت الشعر
قبليني
دثريني بدفئك
ودعيني أغلق نهاراتي في عينيك
لا توغظيني
أدخلي قوس حبي
أس اللانهاية
وليدك يمة
نورالهادي
ود طيبة بت عثمان
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: نادر السوداني)
|
ييا السني يا مرهف يا جميل
دوما تجذبنا الي محيط حنانك الدفاق
ولها كل الحب والود والدهشة العالية الي امك (يمة)
تلك التي اهدت الينا حدائق من الازهار الانسانية تمشي بينا بالابداع
فالام يا السني هي الاستاذ الاول والماستر الكبير فدوما تضخ انفاسها المليئة بالحنية
والحنان وتزرع بزرات وجينات الابداع والتربية القويم فينا جميعا
وفي يوم المراة ترفع القبعات عالية لجميع الامهات في وطن
ولام صديقي السني الف تحية وتحية واجمل نشيد
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: nourelhadi awad)
|
أمك عزيزةونحبها عمرنا كلو
وانت حبك ساكن فينا ومتحكر
تمرة الفؤاد
يانور الهادي ود طيبة الطيبة
ولي كل أم وحبوبة
جميل حجاي
وادفق زي البحر حنية
ود طيبة
ومد النيه بيضا لي قدام
ويوم نتونس في ضل ضحى
ومعانا أماتنا
وقهوة بكرية
وتمر وونسة الذ من عسل النحل
مودتي
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: محمد سنى دفع الله)
|
أحنّ إلى خبز أمي
و قهوة أمي
و لمسة أمي
و تكبر في الطفولة
يوما على صدر يوم
و أعشق عمري لأني
إذا متّ
أخجل من دمع أمي
خذيني ،إذا عدت يوما
وشاحا لهدبك
و غطّي عظامي بعشب
تعمّد من طهر كعبك
و شدّي وثاقي
بخصلة شعر
بخيط يلوّح في ذيل ثوبك
عساي أصير إلها
إلها أصير
إذا ما لمست قرارة قلبك
ضعيني، إذا ما رجعت
وقودا بتنور نارك
وحبل غسيل على سطح دارك
لأني فقدت الوقوف
بدون صلاة نهارك
هرمت ،فردّي نجوم الطفولة
حتى أشارك
صغار العصافير
درب الرجوع
لعشّ انتظارك
___
محمود درويش
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: نيازي مصطفى)
|
"الله يخليكي ياست الحبايب
ياحبيبة"
اه يا محمد سني..مالك
مبدر زي كدة ..
انا لي يومين بداري
الشوق ..يطعني
وريد في آخر
وردة خاطر..
واتهرب من احساسي
زمن ..شان أصمد..
باقي مطوّل جد جد..
كم "طاشر"
صي وهجير ..متهدهد..
بي لولاي الغربة ..
وحن أم الاولاد..
التحية لامهاتنا في
حضورهن المعنوي ..
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: نيازي مصطفى)
|
يا سنينا ازيك
تعرف امك دى زكرتنى امى ( الله يرحمه)
البقولوه عنها الناس البعرفوها انه
اى مولود بكاى تمسكه فى يدينه ترقده
على كتافينه وتبتدى تقطع ليه اغنيه
زى بتاعت (النوم تعال سكت الجهال)
لاكين دى بكلمات ولحن, وبعد شويه تسلمه
لامه قاطع صوت .
والحمد لله شفته وسمعته الحاجه دى لما
تشيل اى واحد من اولاد اخواتى او اخوانى.
كنا انا واخوى الكبير داك البتعرفه انته
بنتونس فقال لى تعرف امك(الله يرحمه) صوته
كان جميل ولما انته ( بقصدنى انا)كنته صغير
كانت بتدلعك وتغنى ليك اغنيه خاصه واتزكر لى
منها
حموده (تصغير لحمد) حموده عروسه صيدا وجواده بيضا ---الخ
اها لغاية الان ماقدرنا نتوفق , الجواد بيتلقى الكلام الصيده
بس علشان نجعل من هذه الكلمات حقيقة .
وقال لى تانى واحده طويله اتزكر منها
حمد ابوريقا بيداوى الرمد ,اها دى بقى ما فهمتها هل انا كنته
ريالتى سايله على طول ولا شنو. ولا احتمال اكون زول مبروك كل ما يجيبو
زول عنده رمد يشيلو من ريقى ويختو ليه فى عينه .(الريق دا مش بتبلع ما اظنه بيطلع من الحلق)
بعدين ما تنسى انه انا من الابيض حى القبه وجايز فى بركات .(الله اعلم)
تعرف اخوى دا لانه صاحبى شديد مره قال لى تعرف أمك دى (الله يرحمه)
هى الشربكتنه فى حكاية الغنا والمزيكه دى . وحكاوى الامهات ما بتنتهى .
ربنا يدى كل الامهات العافيه ويطول من عمرن ودايما بقولو لينا
الله يخليكم ويعليكم فوق المابيكم
بجيك تانى يا ود خالتى
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: محمد سنى دفع الله)
|
حمودي ود إسماعيل
حمودي طليت علينا وفرحتنا
ولي امك الطيبة وحلوة
الرحمة والمغفرة
عارف امك كانوا بقولو عليها
لولايا
يعني تمسك الطفل النجاضه وجنو صريخ وبكا
تختو قصاد وشها المنور
وتقطع ليهو أغنية تنجروا من مخزون الفرح الفيها
وتغني بصوت خفيض واتغلغل الغنا جواك
إلامس مملكة النعاس وتنوم
ياخي امك دي الخير والبركة
ربنا اديها الجنة ابد الأبدين
وتعال ياظريف انت متأكد انك كنت طفل جميل
ود وشوق
وتحية لي كل الأمهات
محبتي
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: محمد سنى دفع الله)
|
آمـنـة بـت داوود
ســــت الدون
مــنــدامـت
عرفة
بخيته
وحميده عيسى
فاطمة فارس
بثينة بت الشول
** **
ليكم في القبل الأربعة
في الحياة والممات
محبتي ومودتي
والله حبتكم زي ما انتن حبيتن أمي
زميلات وطالبات
نسمع ضحكن وكيف كانت الدنيا بخير
نشوف همتكم وكيف بتتولد نفس جديدة
نسوان هميمات وعادلات وظريفات
أديتو الدنيا المستقبل
ليكم رد الجميل من وطن كامل
يا أمهات يا وطن
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: محمد سنى دفع الله)
|
حواء من ضلوعنا
ووددت ان احيط علمكم
بأنى فى براثن النساء
رازحا
وفى غياهب الحضور
فى صحارى التية
تائها
معصب العيون
مكبل الوثاق
رغم ذاك
لا اعاني
لا اضج
لا اثور
بل اعانق الأمانى
أجوس فى المرافئ
اغوص فى الشواطئ
اتوة في المعاطف
الوردية
لاعزوف
لا هروب
لا تواني
اصفصف الآهات
للنساء
اسكب الأشواق
للنساء
اصب من خيالى
قالبا
يصير زورقا
يصير مركب النجاة
للنساء
اصير نوح عالم
جديد
اقتل النعيق
أجزر الغراب
اطرد الغبار
أضئ للنساء
الطريق
ووددت ان اقول
للعلوج
اقول
للمجوس
للنصاري
لليهود
اقول
فى الفيافى
فى الصحارى
فى البوادى
فى البرارى
فى الضهارى
فى النساء
وددت ان اقول
فى النساء لا
السيف لا
الرمح لا
السم لا
الغدر لا
حواء من
ضلوعنا
امهاتنا
نساء
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: munswor almophtah)
|
لمن تطل يامفتاح
بتنفتح أبواب الأمل الأخضر
جيتك ومعاك الكلام الزين
بتدينا روح نقابل بيها
أيام بكرة المكشرة بلا سبب
ونقيف قدام غيلان المحنة
دايما كلامك زين
ياراجل ياحبوب
ومليان حكاوي
خدرها البطن الجابتك
ولي كل النساء البتحبهن
سلامنا وإحترامنا
مودتي
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: محمد سنى دفع الله)
|
Quote: اتوة في المعاطف
الوردية
لاعزوف
لا هروب
لا تواني
اصفصف الآهات
للنساء
اسكب الأشواق
للنساء
اصب من خيالى
قالبا
يصير زورقا
يصير مركب النجاة
للنساء
اصير نوح عالم
جديد
|
المنصور .. تحياتي
جيت عشان أشوف بوست - أمي - عامل شنو
مع محمد السني .. أجي ألقاك جهزت الجودى
للنسوان كلهن .. إت ماك عارف أنو نوح
ركب من كل زوجين أثنين .. وهذا ما دعى
محمد توم ود الزين أن يربى كل الحيوانات
أنثى وذكر من كل نوع متاح .. وذكر لي
قائلا :مين عارف ربما الطوفان قادم والقبح قد
عم القرى والحضر ..
شوف لينا طريقة يا أخي في المركب دي ما تخليها
زي باص البنات يا منصور ..
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: Mohamed Abdelgaleel)
|
منصور المفتاح
الغالي
محمد عبد الجليل
العالي
أحبكم
كان معاوية محمد نور أول من دخل الجامعة في بيروت على نفقتة الخاصة
بعد المشاكل التس قابلها في حياته وتحوله من جامعة الخرطوم (كلية الطب ) (كتشنر )
عشان يدرس الأدب الذي يعشقه وعارفين القصة
لكن الماعارفينو انو معاوية نور الأديب الفذ لم يكن يستطيع إكمال الجامعة لولا أمــه..
أم معاوية هي التي صرفت من مالها، هذه السيدة العظيمة صرفت معظم مالها ،لدراسة إبنها وفلحت..
يقول عبدالله عشري : تصدت المرحومة والدته لتحمل نفقات تعليم إبنها في بيروت والسير معه الى نهاية الشوط، فكان إن عمدت الى ما عندها منمال ومصاغ ،وأخذت ترسل إليه ما يكفيه حتى أكمل دراسته..
ويضيف عبداللطيف الخليفة معلومات مهمة في مذكراته ::
والدة معاويةورثت عن والدها : محمد عثمانالحاج خالد عامل المهدية وسفير حكومة المهدية لدى إمبراطور إثيوبيا..
الرحمة والمغفرة لهذه الوالدة الحنون والتي وهبتنا نجما ثاقبا مازال يتوهج بعلمه وفنه
المتجاوز الرحمة والمغفرة لمعاوية نور ..
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: Dr. Abdalla Siddig)
|
Quote: الـيـد الـواحـدة ما بتضفر ليها برش
مثل جديد لنج
نحن في حاجة لي برش جميل بطول النيل ملون بي
تراب بلدناومزخرف بي زهور الجبل
وورود الحقول ، نوهط فيهو أماتنا ، ونحبهم طول العمر ... |
السنى الجميل, ده أجمل فريم أشوفو فى حياتى ! إتختن فيهو أمهاتنا الشامخات !
سلام على أماتى العظيمات الشامخات , ستون , وحليمه , و سكينه.. وسلامٌ عليهن فى العالمين !
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: مامون أحمد إبراهيم)
|
يأخوي مامون اتعودنا على ابوالطيب
فيه طيبة قلبك وحنيتك الرضعوها ليك اماتنا الحونان
( ما إجيني نحوي اقول لي الحنان
شكرا على التحية ويدك معانا أكتب كتابتك الحلوة عن كل النساء الجميلات العاملات وربات البيوت
العلمن وربن وكبرن
وتحياتي ومودتي
| |
|
|
|
|
|
|
|
|
|
Re: ـــــــــــ أمــــــــي ــــــــ (Re: بدر الدين الأمير)
|
بدر الدين ألأمير
أمي النما ماعارف كتابتها كيف
هي النما والنجما
أمي والنجما التبلعك
لي زمن قريب وكتير من اصحابي
مابقولو اسم امهم
ياخي نحن مدني كلها بتقول ست ستونا
وايه رايك يابدرو
انو أمي غنو ليها ولي أبوي القبافة الكان شغال وقتها في الري
أغاني التمتم
(( ست ستونا الخمري لونه
باصات الري
يالجننتونا ))
النجما التبلعك يابدر الدين
أبوي كاتب عنو في (( مدني إسكووب ))
مودتي ..
| |
|
|
|
|
|
|
| |
محمد سنى دفع الله
Azhari Nurelhuda
Muna Khugali
ودرملية
إحسان عبدالمتعال أحمد
صديق الموج
Raja
خالد المحرب
علي طاهر
fadlabi
على عمر على
Osman Musa
شهاب الفاتح عثمان
Tagelsir Elmelik
الصادق خليفة
ضحيه ابراهيم
Samer Osman
almulaomar
محمد فرح
salma subhi
نوسة
Mohamed Abdelgaleel
طلال عفيفي
عفاف أبو حريرة
خدر
نادر السوداني
عبدالكريم الامين احمد
Yassir Tayfour
نيازي مصطفى
الجندرية
munswor almophtah
مامون أحمد إبراهيم
انعام عبد الحفيظ
بدر الدين الأمير
فيس بوك
تويتر
انستقرام
يوتيوب
بنتيريست