وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-05-2016, 00:35 AM الصفحة الرئيسية

مكتبة طارق جبريل(طارق جبريل)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

نيمة ود جبارة ونفيسي بت بغداد..

11-09-2012, 10:07 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
نيمة ود جبارة ونفيسي بت بغداد..

    نيمة ود جبارة في شبا لها «حكاوي» تغوص في أعماق قرية ساكنة
    في الظاهر لكنها تضج بالحياة في أعماقها...
    ما أن هدأت عجلات «قطار كريمة» على رصيف المحطة.. حتى وبدأ صخب
    العناق والنحيب والفرح يتناثر هنا وهناك.. إنها مسيرة ثلاثة أيام من الخرطوم..
    مسيرة لهفة وشوق إلى عناق الأهل هناك عند «جبل السروي» و«درب الباشا»..
    جمعنا «عفشنا» كعادتنا عند الوصول وأعيننا تتفحص المستقبلين على الرصيف..
    ضجيج المحطة وصخبها ولهفتنا يجعل من المحطة مشهدا مليودراميا بامتياز..
    الدهسيرة، حزيمة، مقاشي...
    شبا، البركل، عسوم..
    الأراك، الكنيسة، المقل...
    هكذا هي أصوات «كماسرة» لواري كريمة..
    ما أن يخفت صرير عجلات القطار إلا وتختلط تلك الأصوات بأصوات المستقبلين والباعة المتجولين...
    كات ذلك المنظر واحدا من أجمل ما عايشت خلال طفولتي وأنا في طريقي إلى «شبا»..
    قريتي الوادعة في خاصرة النيل..
    كنت وأنا في القطار يسرح بي خيالي إلى أهلي وعشيرتي هناك.. إلى أقراني وأصدقائي:
    مامون مكاوي، مبروك قرن، النزير الساعوري، مجدي فاروق،
    مزمل ومحمد الرحيمة، وعادل الجُضل، وأولاد علي الجدي وآخرين..
    لكنني وبشكل خاص كنت أتوق إلى امرأة كانت ذائعة الصيت هناك..
    امرأة يخشى لسانها الجميع..
    امرأة قادرة على رسم البسمة في شفاه الجميع..
    امرأة تملك قدرا من «المحنة» قادر على تذويب آلام الكون نفسه..
    فما أن تتوقف عربة «عم رابح» أمام نادي شبا، إلا ويتيه نظري بين أهل القرية
    باحثا عن «نفيسي بت بغداد» أم «القُرونة»..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-09-2012, 10:13 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-10-2012, 02:16 PM

محمد الكامل عبد الحليم

تاريخ التسجيل: 11-04-2009
مجموع المشاركات: 2368

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)

    تحية...

    نتوقع التسواح الجميل في بلاد الصفقة والطنبور...وبنوتن تحاكي الخيل...يرقد الانسان علي مسامات التاريخ حيث يفوح عبقها متسربلا في الارواح موقظا الهمة في الرجال والنساء علي حد سواء..ناثرا علي المكان اريحية لو نثروهاعلي سكان الارض لكفتهم..

    لكن يا ابن عمي نسيت( لواري الزومة وتنقاسي ...وناسنا في جلاس البار والنافعاب وموره...دي تخريمه)...ونحن في انتظار كيف تقودك نوستالجيا الحنين لتبذر في المنتهي بذور الحب كما عرف عنك ايها الجميل..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-10-2012, 03:36 PM

على احمد النعيم
<aعلى احمد النعيم
تاريخ التسجيل: 01-16-2007
مجموع المشاركات: 794

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: محمد الكامل عبد الحليم)

    الاخ الكريم طارق جبريل

    كل عام انت والاسرة الكريمة بالف خير

    اقولها صادقاً والله العظيم وعلى الطلاق لقد عشقت كل كتاباتك حتى الثمالة بشقيها العامى ذو الكسرة الحلوه وبشقها الفصيح الذى ينبى عن فصاحة اديب متمكن من تلابيب بت عدنان ، رغم ان هذه او مداخلة لى فى بوستاتك البديعة.

    ياخى قل لا اسكت الله لك حساً

    تحياتى وشكرى الجم لك بلا حدود
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-10-2012, 10:33 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: على احمد النعيم)

    Quote: الاخ الكريم طارق جبريل

    كل عام انت والاسرة الكريمة بالف خير

    اقولها صادقاً والله العظيم وعلى الطلاق لقد عشقت كل كتاباتك حتى الثمالة بشقيها العامى ذو الكسرة الحلوه وبشقها الفصيح الذى ينبى عن فصاحة اديب متمكن من تلابيب بت عدنان ، رغم ان هذه او مداخلة لى فى بوستاتك البديعة.

    ياخى قل لا اسكت الله لك حساً

    تحياتى وشكرى الجم لك بلا حدود

    حبابك يا ود النعيم
    وجودك شرف ياخي
    الله يرضى عليك ياخي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-10-2012, 10:32 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: محمد الكامل عبد الحليم)

    Quote: تحية...

    نتوقع التسواح الجميل في بلاد الصفقة والطنبور...وبنوتن تحاكي الخيل...يرقد الانسان علي مسامات التاريخ حيث يفوح عبقها متسربلا في الارواح موقظا الهمة في الرجال والنساء علي حد سواء..ناثرا علي المكان اريحية لو نثروهاعلي سكان الارض لكفتهم..

    لكن يا ابن عمي نسيت( لواري الزومة وتنقاسي ...وناسنا في جلاس البار والنافعاب وموره...دي تخريمه)...ونحن في انتظار كيف تقودك نوستالجيا الحنين لتبذر في المنتهي بذور الحب كما عرف عنك ايها الجميل..

    ود عبد الحليم كيفنك ابوي
    ياخي الله يجبر بي خاطرك يا جميل
    ترانا بنحاول يا حبيب نتذكر زمن جميل لن يعود
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-10-2012, 10:34 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)

    يتسالم القادمون ويمسحون دموعهم في «الدرب» قبل وصولهم إلا منازل ذويهم..
    القرية يعتليها شئ من الفرح لقدوم الأحباب من الخرطوم وبورتسودان..
    فحياة الناس هنا هينة وسهلة لا يعتريها شئ إلا سفر حبيب هنا..
    أو موت عزيز هناك.. أو زواج قبلي أو بحري.. لكن سيرورة الحياة تستمر..
    يتسالم الناس هنا ويضحكون وهم يبكون..
    دموع حنينة تحس دفئها وتغوص داخلك دون استئذان..
    ما أن تطأ قدماي أرض شبا حتى تتلقفني أيادي نساء القرية:
    طروووق واحلاتي حمد لله بالسلامة..
    في تلك اللحظة تكتشف أن كل القرية تجمعك بها صلة دم وقرابة..
    - دي عمتك حواء بت الخضر ود كنيش
    - وديك عمتك فاطني بت كنيش
    - وديك خالتك بت موزة
    - وداك جدك الدقير ود الريح
    - وداك عمك طه ود جعفر ود خالة ابوك لزم
    - ودي عمتك زينب القروني ومرت جدك عمر ود بغداد
    - ودة ود عمك سيد أحمد القروني
    كانوا يمطرونني قُبلا ويسمعوني كلاما حنينا لا زال رنينه في أذني..
    صدق مشاعر الناس هنا وحبهم لا تخطئه الأحاسيس مطلقا..
    كما النيل والنخيل والأرض.. يهبوهم الحياة ويصدقونهم المشاعر..
    لكنني كنت أتوق إلى «بت بغداد» إلى «نفيسي» حبوبتي..
    كان وجهها يتراءى لي بين القوم وهي ممسكة بعكازها
    كأنها «تُحفة» وضعت عند «بير ود جبارة»..
    ما أن أصلها إلا وأرتمي في حضنها: حبوبتي انتي طيبي
    تضمني إلى صدرها: الزين ودي الزين جاني واجيدلي
    ما أن تجلس في ذلك «العنقريب» الذي ارتبط بـ«بير ود جبارة» إلا وتتضعني في حجرها وتسألني:
    أبوك كيفنه يا الحبيب.. طيب في عضامه ديل؟
    - نصيح يا حبوبتي وصلنا المحطة ويسلم عليك مرسلك سُكر وقروش مع أمي..
    - عفيت منه قدر الجبال وقدر السحاب ما شال جبيرين ود حشاي..
    وأخوك إبراهيم نعل ما صايدو شي باقي طول مني يا الزين؟..
    - قطعلنا التصاريح وقالي سلم علي أمي نفيسي وقولها بس آخد إجازتي وأجيك..
    شوفتو يغمتلو في شي لي أمي ويقولها: ديل أديهن أمي نفيسي..
    - عفيت منه الحبيب ود الحبيب ماني مرباهو أنا يا ولدي..
    ما أن يتسالم القوم هنا ويمسحون دموعهم إلا وتحمل بعضهم الحمير
    إلى بيوتهم في أطراف الصحراء عند «الحُجار» و«جبل السروي»..
    كنت في الغالب أذهب مع والدتي إلى بيت جدي «ود أبو دية» في «السواعير»
    هناك حيث جدي يوسف ود أبو دية وحبوبتي فردوس الريح..
    فبعد أن تحتضنني حبوبتي الفردوس وتمطرني قبلا تأخذني إلى جدي
    الضرير ود أبو دية وقبل أن اسلم عليه تكون هي قد أخبرته: طارق ود عاشا..
    يتوسط جدي «عنقريبه» ثم يرفع يديه باحثا عني: حباب طارق ود عاشا..
    ما أن تلمسني يديه حتى يضمني باكيا كعادته ودموعه تنزل على صدره..
    هذا المنظر رسخ في ذهني لكثرة تكراره كل عام..
    كان بعد أن يبكي يستغفر وينادي حبوبتي: يا الفردوس سولوم الغداء لا تخلوهم يجوعوا..
    كنت أقف قليلا لأتأمله.. رجل في الثمانين من عمره.. ضرير لا يشغل باله
    سوى مواقيت الصلاة وصحة بناته وولديه فتح الرحمن وعبد العزيز..
    لأول مرة في حياتي أرى إنسانا ضريرا.. كان الأمر غريبا على طفل مثلي
    لكنني استوعبته ثاني يوم وصولي وأصبح مقبولا بالنسبة إلي..
    كان يحضن أمي باكيا بصوت يهز سكون ذلك المكان من القرية..
    إلى أن «تنهره» «حبوبتي» الفردوس: يا راجل هي جات فشان تسالمك ولا تبكيها..
    يستغفر ربه ثم يرد عليها: نان أنا أبكي ما من شوقي لي عاشا.. ماها بتي
    - الفردوس: نان في زولا غالتك خلها الترتاح وبعدين أشبع منها
    - عاشا: يمة الرسول فيكي لا تكاتليهو أبوي خليني اللشبع منه
    هذا المشهد كان يبكي كل من في البيت وحتى القادمون من الجيران والأهل للسلام علينا..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-11-2012, 00:05 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)

    فوووووق يا طارق , الجمال ده يتحكر فوووق ليمسح لينا العلالة المالية حوش بكري ويرجعنا لأهلنا الحنان

    والله رجعتك براها عيدية يا الحنين
    يا ود الجروف والطين ،
    يعلم الله يا ود امي مشتاقين
    والشوق غيمة ومطرتين



    وااااصل ونحن راجين النضمي السمح ده
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-11-2012, 08:44 AM

عصام مدنى

تاريخ التسجيل: 08-29-2011
مجموع المشاركات: 310

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: اسماء الجنيد)

    ود جبرين

    سلااااااام مطبـــــــــــوق

    أهدي ليك كلمات / خالد شقـــــوري

    ____________________________________


    بلداً لمَّت الطنبور . ود لقاي . موية النيل . حاج الماحي والقمحة
    كيفن ما بغنيها ... وكيفن ما بتكون سمحة
    النسمة التجيك مِندلي ... شاقي اللوبي حين تصلك
    تدلّي رِحالا جواكا ... وتقالدك إنت بين أهلك
    تنوم لامن براك تصحى
    الدرب البسوقك لا تحت عَلاَّك
    النخل البلا تطلع لو يندلى ويقول لك هاك
    الزول البتمشي عليهو .. يمشي عليكا ما بيرجاك
    والحن البيملا براحو ... مارق منو .. دارِك جاك
    نتقالد نحِن لبعضنا ... تبقى نفوسنا منشرحة
    الخضرة المقالدي النيل
    العز البسند الحيل
    الليل البعقبو صباحو ... أبداً ليلنا ما هو طويل
    والزرق اليدردر سيدو .. ياهو حلالو .. ينجمَّالو ليهو يشيل
    خيرك كلو بين إيديكا ... مو داير لو فد سرحة

    (عدل بواسطة عصام مدنى on 11-11-2012, 08:45 AM)
    (عدل بواسطة عصام مدنى on 11-11-2012, 08:46 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-11-2012, 09:13 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: عصام مدنى)

    Quote: ود جبرين

    سلااااااام مطبـــــــــــوق

    أهدي ليك كلمات / خالد شقـــــوري

    ____________________________________


    بلداً لمَّت الطنبور . ود لقاي . موية النيل . حاج الماحي والقمحة
    كيفن ما بغنيها ... وكيفن ما بتكون سمحة
    النسمة التجيك مِندلي ... شاقي اللوبي حين تصلك
    تدلّي رِحالا جواكا ... وتقالدك إنت بين أهلك
    تنوم لامن براك تصحى
    الدرب البسوقك لا تحت عَلاَّك
    النخل البلا تطلع لو يندلى ويقول لك هاك
    الزول البتمشي عليهو .. يمشي عليكا ما بيرجاك
    والحن البيملا براحو ... مارق منو .. دارِك جاك
    نتقالد نحِن لبعضنا ... تبقى نفوسنا منشرحة
    الخضرة المقالدي النيل
    العز البسند الحيل
    الليل البعقبو صباحو ... أبداً ليلنا ما هو طويل
    والزرق اليدردر سيدو .. ياهو حلالو .. ينجمَّالو ليهو يشيل
    خيرك كلو بين إيديكا ... مو داير لو فد سرحة

    ود مدني كيفنك ابوي
    نعلك طيب
    ياخي ود شقوري لو بس كتب «أم الحسن» لكفاهو
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-11-2012, 09:12 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: اسماء الجنيد)

    Quote: فوووووق يا طارق , الجمال ده يتحكر فوووق ليمسح لينا العلالة المالية حوش بكري ويرجعنا لأهلنا الحنان

    والله رجعتك براها عيدية يا الحنين
    يا ود الجروف والطين ،
    يعلم الله يا ود امي مشتاقين
    والشوق غيمة ومطرتين



    وااااصل ونحن راجين النضمي السمح ده

    حباب بت ابوي الزيني
    ياخي كيفنك ونعلك طيبي في عضامك ديل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-11-2012, 01:46 PM

عباس الدسيس
<aعباس الدسيس
تاريخ التسجيل: 10-11-2012
مجموع المشاركات: 2892

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)

    حبيبنا طارق
    كتاباتك استراحه (مهاجر- مغترب)
    جميل الواحد اخش مفترعاتك كسره حنينه للشوق لوطنا الاتغيرت ملامحو
    ما اروع الانسان حين يسبح بالخيال فيما كان جميل زمان
    شكرا يا حبيبنا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-11-2012, 03:30 PM

محمد الكامل عبد الحليم

تاريخ التسجيل: 11-04-2009
مجموع المشاركات: 2368

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: عباس الدسيس)

    تحية...

    (والحن البتملا براحو ..مارق منو ...دارك جاك)..

    تصور كيف يختلط الهواء المذاب في الحب بالحنية تمشي علي قدمين...

    في واقع شائك متجهم ليس لدينا سوي التمدد في دواخل انساننا(طارق ود جبرين وامثاله) لنقف علي( تقنت) الجروف ونحن (مندلين لي كريمي)...يسوقنا الشوق ...واصبح (انا الكامل ود ست الجيل) ...زي حمار الماروق..

    سماح ناسا حلاة ناسا بلي السكر...طعم قراصة في قدحن من الدبكر ...يا سلام..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-11-2012, 03:35 PM

aydaroos
<aaydaroos
تاريخ التسجيل: 06-29-2005
مجموع المشاركات: 2865

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: محمد الكامل عبد الحليم)

    Quote: كان يحضن أمي باكيا بصوت يهز سكون ذلك المكان من القرية..
    إلى أن «تنهره» «حبوبتي» الفردوس: يا راجل هي جات فشان تسالمك ولا تبكيها..
    يستغفر ربه ثم يرد عليها: نان أنا أبكي ما من شوقي لي عاشا.. ماها بتي
    - الفردوس: نان في زولا غالتك خلها الترتاح وبعدين أشبع منها
    - عاشا: يمة الرسول فيكي لا تكاتليهو أبوي خليني اللشبع منه
    هذا المشهد كان يبكي كل من في البيت وحتى القادمون من الجيران والأهل للسلام علينا..
    ..


    واشريرنانحنا ... وامحنتنا واضياعنا يا ودجبرين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-11-2012, 03:39 PM

وضاحة
<aوضاحة
تاريخ التسجيل: 01-16-2005
مجموع المشاركات: 7973

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: aydaroos)

    يا سلااااااام على الاصالة يا وجبريل ياخى

    انت زول جميل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-11-2012, 03:50 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: وضاحة)

    Quote: يا سلااااااام على الاصالة يا وجبريل ياخى

    انت زول جميل

    وضاحة يا بت امي كيفنك ياخ
    احاول التجمل بأحبابي هناك عند منحنى النيل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-11-2012, 03:49 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: aydaroos)

    Quote: واشريرنانحنا ... وامحنتنا واضياعنا يا ودجبرين

    يا حبيب نحن من خلينا البُلود والنيل ضايعين
    يعلم الله مانا نصاح شي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-11-2012, 03:48 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: محمد الكامل عبد الحليم)

    Quote: تحية...

    (والحن البتملا براحو ..مارق منو ...دارك جاك)..

    تصور كيف يختلط الهواء المذاب في الحب بالحنية تمشي علي قدمين...

    في واقع شائك متجهم ليس لدينا سوي التمدد في دواخل انساننا(طارق ود جبرين وامثاله) لنقف علي( تقنت) الجروف ونحن (مندلين لي كريمي)...يسوقنا الشوق ...واصبح (انا الكامل ود ست الجيل) ...زي حمار الماروق..

    سماح ناسا حلاة ناسا بلي السكر...طعم قراصة في قدحن من الدبكر ...يا سلام..

    ود الكامل كيفنك ابوي

    النبي فيك شوفتة ود شقوري دة قال شنو هنا:

    وقفت بعد حلبت لبينة الشاي تكورك يا الحسن
    يا ام الحسن وينو الحسن
    لمن صفت رغوة شخيبات اللبن
    في حلتا المبني من طبق السكن
    واقفي في حوش البهايم ولسع تكورك يا الحسن
    جاها الحسن من بعيد مارق من القاطوع ورا
    قال ليها خير يا الحاجي خير
    قالتلو خير تعال لي جاي دايراك تعنون لي جواب
    يا الراسي لي ولدي الخدير
    لا تبقي زي شافع السرير يقول لي زين آيمة زين
    وزين تبقي بعد شهير
    وان جاني يكتب فد سطير
    اقولو يا سجم السجم انا زي قرايتك ما قريت
    لكن عويناتي بيفرزن الوريقة البيضاء من لون القلم
    بعد المغيرب بي شوي جاها الحسن تعبان يسير
    دا العشى غنمو من الدرب سرقت ندي وشو الهجير
    سوتلو شايا بي لبن قرض معاهو حرف فطير
    قالتلو بسم الله قول واكتب وصيتي انا للخدير
    الزمن يا ولدي ماحقاهو السنين
    البعيش في الدنيا ما بعيش مرتين
    العمير فاضلي بس منو اليقين
    وانت طول في البنادر يا الحبيب لا متين
    تعال اوريك حق ابوك الجم حقيق حاج اللمين
    ان عرفتو بلا عمار يقولو ولدا عندو طين
    العلاج لا تنسي رسلو لي دحين
    العوينات آجناي شوفن ضنين
    سلامنا ليك مطرز للبنيات والبنين
    ولو الارض يا ولدي تنشال في الايدين
    انا كت برسلا ليكا في لوري الخزين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-11-2012, 03:46 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: عباس الدسيس)

    Quote: حبيبنا طارق
    كتاباتك استراحه (مهاجر- مغترب)
    جميل الواحد اخش مفترعاتك كسره حنينه للشوق لوطنا الاتغيرت ملامحو
    ما اروع الانسان حين يسبح بالخيال فيما كان جميل زمان
    شكرا يا حبيبنا

    ود الدسيس
    حبيبنا الذي هناك
    ياخي كيفنك ونعلك طيب
    إنه الحنين يا عزيزي
    ذلك الألم الذي يعتصرنا عصرنا ونحن في الفيافي البعيدة
    ماني زول غربة يعلم الله علي مجبور
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-11-2012, 07:04 PM

وضاحة
<aوضاحة
تاريخ التسجيل: 01-16-2005
مجموع المشاركات: 7973

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)

    .

    (عدل بواسطة وضاحة on 11-11-2012, 07:36 PM)
    (عدل بواسطة وضاحة on 11-11-2012, 08:54 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-11-2012, 08:45 PM

عمر مصطفى مضوي

تاريخ التسجيل: 02-04-2012
مجموع المشاركات: 248

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: وضاحة)

    Quote: كان يحضن أمي باكيا بصوت يهز سكون ذلك المكان من القرية..
    إلى أن «تنهره» «حبوبتي» الفردوس: يا راجل هي جات فشان تسالمك ولا تبكيها..
    يستغفر ربه ثم يرد عليها: نان أنا أبكي ما من شوقي لي عاشا.. ماها بتي
    - الفردوس: نان في زولا غالتك خلها الترتاح وبعدين أشبع منها
    - عاشا: يمة الرسول فيكي لا تكاتليهو أبوي خليني اللشبع منه
    هذا المشهد كان يبكي كل من في البيت وحتى القادمون من الجيران والأهل للسلام علينا..


    هذا المشهد ياطارق يبكي كل من مر من هنا وكل من من لازال يحتفظ بالوطن في داخله هو نان الوطن شنوغير لمة ناس في خير او ساعة حزن ،،،،
    ساضيف هذا المشهد لمشهد آخر لك حين كتبت عن زيارة قبر الوالدة عليها شآبيب الرحمة لاني اعلم اني ساحتاجهما حين اشتهي البكاء في صمت .
    وحين تنتاشني سهام الغربة التي مافتئت تفت عضض الروح وتقتل أخر سنابل الأمل الباقية كذكريات من قوم كالذين كتبت عنهم .
    فقد تحولنا إلى مسوخ تمارس الفرح الكذوب وتقتات من فتات الزمن الجميل والحزن كطوق الحمامة شامة على الجباه التي كانت يوما شما،
    ويوم بكرة خوف بلا رجاء وامل مقعد وكسيحاوالوطن يرفس كثور ذبيح بين جهالة الحاكم ومسكنة وذلة المعارضين ولا امل .صدقني ياطارق مثل
    هذه الكتابات يمكن ان تحي في الناس شى من الوطن وكثير من المسئولية .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-12-2012, 09:32 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: عمر مصطفى مضوي)

    Quote: هذا المشهد ياطارق يبكي كل من مر من هنا وكل من من لازال يحتفظ بالوطن في داخله هو نان الوطن شنوغير لمة ناس في خير او ساعة حزن ،،،،
    ساضيف هذا المشهد لمشهد آخر لك حين كتبت عن زيارة قبر الوالدة عليها شآبيب الرحمة لاني اعلم اني ساحتاجهما حين اشتهي البكاء في صمت .
    وحين تنتاشني سهام الغربة التي مافتئت تفت عضض الروح وتقتل أخر سنابل الأمل الباقية كذكريات من قوم كالذين كتبت عنهم .
    فقد تحولنا إلى مسوخ تمارس الفرح الكذوب وتقتات من فتات الزمن الجميل والحزن كطوق الحمامة شامة على الجباه التي كانت يوما شما،
    ويوم بكرة خوف بلا رجاء وامل مقعد وكسيحاوالوطن يرفس كثور ذبيح بين جهالة الحاكم ومسكنة وذلة المعارضين ولا امل .صدقني ياطارق مثل
    هذه الكتابات يمكن ان تحي في الناس شى من الوطن وكثير من المسئولية .

    يا حبيب الله يجبر بي خاطرك ياخ
    الوطن يعيش فينا ياخي إلى الأبد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-12-2012, 09:39 AM

عصام مدنى

تاريخ التسجيل: 08-29-2011
مجموع المشاركات: 310

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)

    Quote: وقفت بعد حلبت لبينة الشاي تكورك يا الحسن
    يا ام الحسن وينو الحسن
    لمن صفت رغوة شخيبات اللبن
    في حلتا المبني من طبق السكن
    واقفي في حوش البهايم ولسع تكورك يا الحسن
    جاها الحسن من بعيد مارق من القاطوع ورا
    قال ليها خير يا الحاجي خير
    قالتلو خير تعال لي جاي دايراك تعنون لي جواب
    يا الراسي لي ولدي الخدير
    لا تبقي زي شافع السرير يقول لي زين آيمة زين
    وزين تبقي بعد شهير
    وان جاني يكتب فد سطير
    اقولو يا سجم السجم انا زي قرايتك ما قريت
    لكن عويناتي بيفرزن الوريقة البيضاء من لون القلم
    بعد المغيرب بي شوي جاها الحسن تعبان يسير
    دا العشى غنمو من الدرب سرقت ندي وشو الهجير
    سوتلو شايا بي لبن قرض معاهو حرف فطير
    قالتلو بسم الله قول واكتب وصيتي انا للخدير
    الزمن يا ولدي ماحقاهو السنين
    البعيش في الدنيا ما بعيش مرتين
    العمير فاضلي بس منو اليقين
    وانت طول في البنادر يا الحبيب لا متين
    تعال اوريك حق ابوك الجم حقيق حاج اللمين
    ان عرفتو بلا عمار يقولو ولدا عندو طين
    العلاج لا تنسي رسلو لي دحين
    العوينات آجناي شوفن ضنين
    سلامنا ليك مطرز للبنيات والبنين
    ولو الارض يا ولدي تنشال في الايدين
    انا كت برسلا ليكا في لوري الخزين



    طبعا مناسبه القصيده كان جواب مرسل من خالد شقوي للصديق أسامه حمزه

    وفي جزء كبير مفقود منها أم الحسن دا الجزء الطلع للناس ياخ ود شقوي زول رائع

    ناسف للخرمجه في البوست يا حبيب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-12-2012, 12:42 PM

maman
<amaman
تاريخ التسجيل: 11-21-2002
مجموع المشاركات: 1036

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: عصام مدنى)


    يا طارق جننتنا

    لا أدري أين تقع نيمة ود جبارة في طريق السادر الى كريمة من بنطون مروي مارا بشبا، هل هي في يمين الشارع أم يساره... والله لكأني رأيتها .. دحين ما تحتها سبيل موية أزيارو ملفوفات بي خيش؟؟
    في السعي لرفع تيرمومتر شوقكم لتلك الديار أيها المهملون، فسأورد هنا بعض الأشياء المألوفة والمميزة التي يعرفها كل من عاش في تلك البقعة التي صارت جزءا منا وصرنا جزءا منها .. حملناها معنا في كل أسفارنا وفي كل مقاماتنا، في مشارق الأرض ومغاربها: هنالك روائح مميزة ومألوفة محفورة في الذاكرة .
    - ريحة اللبدي بعد مشوار بالحمارة في الحر .. ريحة البوغة.. ريحة المنقة المستوية (الناضجة) خاصة الكشتنير، والسنارية.. بوخ البرسيم، ريحة جراب ضكر القفوزة، ريحة الهرود ، ريحة الاشميق بعد ما تبلو بالموية، ريحة عراقي الدمورية الجديد ، ريحة قنانة اللبن عند المغربية، ريحة البرم، ريحة المريق المطحون في الجراب، ريحة تمر المدين المغمول ، ريحة نوار البرتكان عند المغربية، ريحة اللارنجة ، ريحة الحلو مر أثناء عواسته ، ريحة قدحة البصلة، ريحة الروب ، ريحة الجلد المدبوغ، ريحة تباب البرش والبلاّل، ريحة البقنية، ريحة البحر القايم في الدميرة، ريحة الصارقيل، ، ، ريحة العنقريب المليان صنان شفّع ، ريحة الفرتة، ريحة قفل البربخ ( الدلاقين الملفوفة) ، ريحة صنان الحمير في حوش الحمير يوم السوق، ريحة الزبالة المخمرة.. ريحة الكاجنيب.. ريحة نوار النيم، ريحة مساويك الأراك،ريحة الكركار، ريحة الطيرة الممحفتة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-12-2012, 04:16 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: maman)

    Quote: يا طارق جننتنا

    لا أدري أين تقع نيمة ود جبارة في طريق السادر الى كريمة من بنطون مروي مارا بشبا، هل هي في يمين الشارع أم يساره... والله لكأني رأيتها .. دحين ما تحتها سبيل موية أزيارو ملفوفات بي خيش؟؟
    في السعي لرفع تيرمومتر شوقكم لتلك الديار أيها المهملون، فسأورد هنا بعض الأشياء المألوفة والمميزة التي يعرفها كل من عاش في تلك البقعة التي صارت جزءا منا وصرنا جزءا منها .. حملناها معنا في كل أسفارنا وفي كل مقاماتنا، في مشارق الأرض ومغاربها: هنالك روائح مميزة ومألوفة محفورة في الذاكرة .
    - ريحة اللبدي بعد مشوار بالحمارة في الحر .. ريحة البوغة.. ريحة المنقة المستوية (الناضجة) خاصة الكشتنير، والسنارية.. بوخ البرسيم، ريحة جراب ضكر القفوزة، ريحة الهرود ، ريحة الاشميق بعد ما تبلو بالموية، ريحة عراقي الدمورية الجديد ، ريحة قنانة اللبن عند المغربية، ريحة البرم، ريحة المريق المطحون في الجراب، ريحة تمر المدين المغمول ، ريحة نوار البرتكان عند المغربية، ريحة اللارنجة ، ريحة الحلو مر أثناء عواسته ، ريحة قدحة البصلة، ريحة الروب ، ريحة الجلد المدبوغ، ريحة تباب البرش والبلاّل، ريحة البقنية، ريحة البحر القايم في الدميرة، ريحة الصارقيل، ، ، ريحة العنقريب المليان صنان شفّع ، ريحة الفرتة، ريحة قفل البربخ ( الدلاقين الملفوفة) ، ريحة صنان الحمير في حوش الحمير يوم السوق، ريحة الزبالة المخمرة.. ريحة الكاجنيب.. ريحة نوار النيم، ريحة مساويك الأراك،ريحة الكركار، ريحة الطيرة الممحفتة

    مامان يا حبيب
    كيفنك ياخي
    لو انت جايي من مروي وماشي علي كريمة النيمة بتكون في يدك الشمال
    وجنبها فعلا ازيار وبير



    تليشة:
    دحين شيتك الكتبتو دة ناس الشهادة العربية ديل بيفهموهوا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-14-2012, 08:41 PM

محمد الكامل عبد الحليم

تاريخ التسجيل: 11-04-2009
مجموع المشاركات: 2368

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: maman)

    تحية الي الوسيم خلقا وجمالا الاستاذ مامان...

    نان شن فضل غير القريض بي (حرفن من قدحن من الدبكر) كما قال صديقنا السر عثمان الطيب... انه احتفاء مدهش بالبيئة ونحن نرتبط بها ارتباط السوار بالمعصم...لتصبح جزءا منا ونحن منها وبها...عمتي ست النفر بت الفقير كانت تفتقد السحلية حينما لا تراها تختلس قطرات الماء من النقاع فتامل..اما العصافير الصغيرة التي كنا نسميها طيور الجنة فلا احد منا كان يفسد عليها شدوها وهي تحلق حول الزير ترتشف القطرات كانها العسل المصفي..

    استمعت الي شريط من استاذنا السر عثمان او لعله الاستاذ الصديق عبد الرحيم عثمان بابكر ان لم تسعفني الذاكرة كان لكم فضل اعداده بالصورة والصوت عن اصوات الكائنات الحية من قعونج ودباس وقمري بل صوت الريح عندما يلامس الاعشاب اخضرها ويابسها...كنا في حضن تلك المشاهد كانما نقف علي حافة النهر توسلا ورجاءا وحبا وهو في رحلته الابدية..

    والله يا مامان فضللنا( نتمردغ )في تلكمو البراحات مهما كانت رائحتها او طعمها اطعمك الله وسقاك من حوض الكوثر ايها المبدع الجميل ..

    (عدل بواسطة محمد الكامل عبد الحليم on 11-14-2012, 09:26 PM)
    (عدل بواسطة محمد الكامل عبد الحليم on 11-14-2012, 09:36 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-12-2012, 04:09 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: عصام مدنى)

    Quote: طبعا مناسبه القصيده كان جواب مرسل من خالد شقوي للصديق أسامه حمزه

    وفي جزء كبير مفقود منها أم الحسن دا الجزء الطلع للناس ياخ ود شقوي زول رائع

    ناسف للخرمجه في البوست يا حبيب

    يا حبيب شقوري دة براااااااااااااهو
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-12-2012, 04:15 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 9346

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)

    طارق جبريل يا مدرسة ...

    مشتاقين والله ...

    وتراك طولت الغيبة من مكتبة الاغنية السودانية ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-12-2012, 04:18 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: يحي قباني)

    Quote: طارق جبريل يا مدرسة ...

    مشتاقين والله ...

    وتراك طولت الغيبة من مكتبة الاغنية السودانية ...


    حبيبنا ود قباني
    كيفنك ابوي
    باقيلك الهضربة ألتي بتنفع معاكم بهناك
    ياخي هناك الناس سمحين ما بينفع معاهم فليع الحجار دة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-12-2012, 11:39 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)

    ما أن يهدأ نحيب اللقيا هذا حتى ويعج البيت بالضيوف والحبان من قبلي ومن بحري..
    الكل يسارع بقدحه احتفاء بنا نحن القادمون من «البندر»..
    وتظل «حبوبتي» الفردوس لأمي بالمرصاد لتذكيرها بكل الأحداث التي عرفتها القرية في غيابها..
    - بت موزة مات ابوها وام الحسن ولدها جابولوا ولد وبت ككو بتها عرسوها...
    وهذا كان بمثابة أوامر لكي تقضي أمي سحابة أيامها القادمة معزية هنا ومهنئة هناك..
    من الدوداب إلى عسوم..
    ومن القلعة إلى البركل تحت..
    ومن الكرسناب إلى البركل فوق..
    يحيط النسوة بأمي في يومنا الأول ويتسامرن وتسمع ضحكاتهن من الأعماق..
    وأحيانا ينتحبن لفراق عزيز غادرنا ونحن في غيبتنا تلك عن البلد..
    يسألنها عن أقربائهن في الخرطوم وعن أحوال «البندر»..
    وحين يكون الحديث خاصا جدا تجدهن يتهامسن ويقرصن بعضهن بعضا في «أوراكهن»..
    ما أن تبدأ الشمس في فقد جبروتها وتحس بالضعف يعتلي دائرتها وهي تغوص في غابة النخيل..
    ما أن يكسو القرية لون «المُح» ذاك.. إلا وتتجه «حبوبتي» إلى «المراح» حيث نعاجها السبع والحملان وخروف العيد..
    إنه أوان «حَلبُ النعاج»..
    كنت أجد متعة ممزوجة بالاستغراب في علاقتها بالنعاج..
    لكل نعجة اسم وتدليل.. تلك «المرهة» الزيني... وهذه «الفاجري» أم «صِلِيب»..
    كانت تُحدِث النعاج كأنما هن نساء في جلسة للبحث عن «اللَبن»..
    ما أن تنتهي من هذا الطقس اليومي إلى وتتجه إلى «التُكُل» حيث «الحِليلي المكرتبي»..
    ما هي إلا لحظات إلا وتنتشر ريحة «اللبن المقنن»... حيث تدور كؤوس «الشاي باللبن» بين الحضور..
    - عاشا: يمة السُكر في الكرتونة المن تالا «الكَرِقة»
    - الفردوس: أييي شوفتو
    تتوزع النساء في ذلك اليوم حسب السن والقرابة والاهتمام..
    وحدها «حبوبتي» نفيسي تجالس الرجال في «الديوان» ويأتيني صوتها كعادتها منذ وعيت المجيئ لهذه القرية:
    - علي بالطلاق يا ود تميم ماكن رجال شي
    - ود تميم: كيفن مانا رجال يا نفيسي
    - جملة الإيمان مافي واحدة فيكم راجل غير الخضر ود قرنين.. عرسلو 13 مرة
    - ود تميم: نان هي الرجالة في العِرس يا نفيسي ههههههههه
    - نان في شنو.. النوم لا عند الضحى و«الضُراط»
    يضحكون جميعا ثم يلعنوها: الله لا كسبك يا بت بغداد ماكي مرة شي..
    ثم تقف على عكازها وتنادي: يا طارق... يا ود جمل الشيل
    - الفردوس: خلاص جنك قام عليك... مالك قومتي
    - نفيسي: الدنيي مغربت يا الفردوس وعمو الطيب بيجي يسأل منه
    - الفردوس: خليهو باكر بيمشي يسلم علي عمو
    - نفيسي: بري بري.. وين شوفتيلك راجل قاعد يبيت في حوش النسوان
    - الفردوس: نان هني ماهو بيت جدي
    - نفيسي: ما قلنا شي.. بس هناك بيت جدو ابو ابوهو
    قبل أن يكملن نقاشهن ذاك أكون قد جمعت ملابسي واصبحت جاهزا للذهاب معها..
    هناك حيث أكون بعيدا عن رقابة أمي اللصيقة ولا أحد يستطيع أن «ينهرني» خوفا من لسان نفيسي..
    - عاشا: يمة ما تتعبي روحك.. شوفيهو شال هدومو ومنتظر حبوبته.. دة ماهو ترب «القرونة» عاد ههههههه
    هذا كان واحدا من القرارات النادرة في طفولتي أن اختار المكان الذي سأقضي به عطلتي في «شبا»..
    إنني في حماية نفيسي إذن..

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-13-2012, 09:12 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-14-2012, 09:18 AM

نورالدين الفحل
<aنورالدين الفحل
تاريخ التسجيل: 02-12-2008
مجموع المشاركات: 726

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)

    ياجنى جبريل نعلك طيب
    نضمى سمح خلاس رجعنا لزمن الجزاير والدميرة
    والعوم فى نصة نهار وركوب الحمير بالقلبة والنوريق
    لاتنقطع شىء واصل فى حديثك تارينى متفرجخ فى نص البكان.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-14-2012, 11:22 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: نورالدين الفحل)

    Quote: ياجنى جبريل نعلك طيب
    نضمى سمح خلاس رجعنا لزمن الجزاير والدميرة
    والعوم فى نصة نهار وركوب الحمير بالقلبة والنوريق
    لاتنقطع شىء واصل فى حديثك تارينى متفرجخ فى نص البكان

    ود فحل كيفنك ابوي
    حليل الزمان يا حبيب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-14-2012, 11:18 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)


    كعادة حبوبتي الفردوس وما أن تطأ قدمي بيت جدي ود أبو دية حتى وتقودني إلى حيث «الجَر» الذي تخفي لي فيه «التمر»..
    - دة بركاوي من تمري في أوسلي دسيتو ليك هني فشان عارفاك جنك تمُر..
    عانقتها وقلت لها: يا حبوبة ياخي انت زولة منقة بس
    ضمتني إلى صدرها بحنية بائنة ثم قبلتني...
    كنا نزورها كل عام في نفس الشهر ونظل معها طيلة عطلة المدارس..
    كان هذا الزخم الذي نحدثه حين نأتي إلى شبا يسعدها كثيرا..
    كانت ابنة وحيدة وسط أخوانها لذا كانت كثيرة الاهتمام بأحفادها..
    تركتها وطفقت أتجول في الحوش وبين الغرف..
    كانت «المزيرة» مكاني الأثير.. حيث أضع أمامي «كورية» «البركاوي» وأظل أراقب حركة الطيور في «الحوش»..
    ما أن تحبل الأرض هناك «بي تحت» إلا ويحتوي هذا «الحوش» طيبات تلك الأرض..
    وتظل حركة الطيور من قمري وكرجة وطير الجنة مرتبطة بعطاء الأرض هناك..
    حين رجعت منذ عامين إلى شبا وجدت المزيرة والحوش على حالهما وإن كانت الغرف تهدم جزء منها..
    حتى قصص غرامياتي وجدتها على حائط المزيرة:
    أنا بحب A
    أنا بريد H
    أحب «وجدان»
    لم أتذكر صاحبات تلك الحروف
    لكنني وقفت عند وجدان كثيرا...
    إنها ترهات الصبا على كل حال..
    ......
    «ناكفت» حبوبتي نفيسي القوم وضحكوا من لسانها المتفلت ثم خرجنا سويا إلى بيت جدي لأبي ود القروني..
    المسافة بين البيتين على مرمى حجر... لكن هناك سأكون حرا طليقا في كنف نفيسي.. سأفعل ما أريد دون مراقبة من أحد..
    سأطلع في جذوع النخيل وأشجار المنقة وسأبحث عن أعشاش القُمري وسأسبح في النيل دون هاجس أن يكون أحدهم يراقبني..
    لن يجرؤ أحد من أقراني علي نعتي بـ«ود البندر المرخرخ» بحكم نشأتي في الخرطوم.. لأنهم يعلمون سلاطة لسان نفيسي وحدتها في الدفاع عن أحفادها..
    هناك اعتقاد راسخ لدى الكثيرين من أطفال تلك البقاع أن «أولاد الخرطوم» ليسوا سوى «باطلين» ويمكنهم أن يكونوا حتى وعاء لتفريغ المكبوت الجنسي..
    كانت نفيسي ذات صيت هنا ويهاب لسانها الجميع.. وكان لديها ستة أبناء نزح خمسة منهم إلى الخرطوم وبقي عمي الطيب وفيا لها وللأرض..
    لذا حين كنا نأتي في عطلة المدارس كانت التحذيرات واضحة وصارمة جدا: ولاد ولاد نفيسي ديل ألعبوا معاهم لكن لا تكاتلوهم شي..
    هي مرتا زيني لكن آآآآبترضى في ولاد ولادها وتقوم تشيل حالنا لي الله وخلقه..
    تخطينا أنا ونفيسي رمال «خور السواعير» وهي تضحك مع «ود تميم»
    - ود تميم: انت الولد ما تخلي يبيت مع جدو لي باكر
    - نفيسي: نان ود القروني ماهو جدو ولا فشان انت معرس من ود ابو دية يا ود الهرمة
    - ود تميم: هههههههههههههههههه الله لا كسبك
    نفيسي: أطلعاك يا طارق لي بيت جدك دة راجلا مخرف من يومه


    خور السواعير:

    باب بيت جدي يوسف ود أبو دية

    المزيرة في بيت جدي ود ابو دية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-14-2012, 10:29 AM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4554

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)

    ود خالتى ..
    والله فاتك جنس عيد ..!!
    والله ولاد عمك اليمنى ديل عندهم جنس شربوت بعرفوا براهم !!
    والله أكرمونا كرم ما بعدو كرم ..
    وما خلينا جبل ما طلعناهو ..
    لغاية ناس ود الجاز !!
    غايتو أسأل ود خالتك عبداللطيف بكرى ..
    والله شايل التلفون ويصور زى الخواجات !!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-14-2012, 11:34 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: صلاح أبودية)

    Quote: ود خالتى ..
    والله فاتك جنس عيد ..!!
    والله ولاد عمك اليمنى ديل عندهم جنس شربوت بعرفوا براهم !!
    والله أكرمونا كرم ما بعدو كرم ..
    وما خلينا جبل ما طلعناهو ..
    لغاية ناس ود الجاز !!
    غايتو أسأل ود خالتك عبداللطيف بكرى ..
    والله شايل التلفون ويصور زى الخواجات !!

    ايي يا الحبيب شايف صوركم في الفيسبوك
    اماني ما اتمغستلي جنس مغسي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-17-2012, 11:12 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)

    ما أن نتعدى «خور السواعير» ذاك ونمر عبر بيوت «البغاديد»
    إلا ونكون قد وصلنا إلى منطقة «القرونة» حيث بيوت أعمامي وجدودي لأبي..
    وبالمقابل لهذه البيوت تقع ساقية «القرونه» حيث نخيلهم وأراضيهم وكل ما يربطهم بالمكان..
    هنا يعيش أهلي وسط نخيلهم ودوابهم وترابهم..
    هنا العالم لا تحكمه قوانين «البندر» تلك..
    لـ«العُرف» هنا قوة تفوق قوة القوانين التي تنظم الدولة إداريا..
    الحياة تسير في تناغم غريب وعجيب..
    رقعة الأرض الممتدة من أطراف البيوت عند الصحراء وحتى خاصرة النيل هي الحياة هنا..
    لذا تجد القوم هنا يتشبثون بأراضيهم ويدافعون عنها حتى لو كلفهم ذلك حياتهم..
    يتوارثون ذلك «الطين» أبا عن جد بقوانين يعرفونها هم فقط..
    إنه الانتماء الوحيد الذي يحسونه ويقدرونه: يا ولدي دي أرضنا وأرض جدودنا..
    يحفظون كل نخلة وتاريخها ومن زرعها..
    جبت وسط غابات النخيل هذه شرقا وغربا مع عمي الطيب..
    كان يحكي عن كل نخلة وعن نوع «التمر» الذي تنتجه..
    كان يكرر كل تلك الحكاوي على مسامعي في كل عام دون كلل..
    ودائما ما يختم كلامه بجملة اصبح لها رنين خاص في داخلي:
    يا ولدي مهما قريت ومهما سافرت مافي شي بيديك قيمة غير أرضكم ونخيلكم دة..
    كانت حكاويه تلك سلواي الوحيدة في غربة لا أدري متى ستنتهي، أو إلى أين ستقودني..
    كنت ولا زلت حين يعتصرني الحنين إلى أهلي أتذكر ملامح وجهه وهو منكبا على معوله..
    وحين ينال منه التعب يضع ظهره على إحدى «تمرات» «القنديلا» ووجهه يتصبب عرقا.. ثم يترنم:
    شتيلة قريرا
    الفجر نبحن بوابيرا
    حليل تغريد عصافيرا
    بلاها أصبحنا في حيرة
    يازهرتنا النضيرة
    حرام نقلك من الجيرة
    دهب زادوه تجميرا
    لفة خاتم ضميرا
    شبيهة البدر المنيرة
    ليك تاجوج ماها سيرة
    نزلت العقلات الضفيرة
    تداعب رمان صديرا
    نظرتك قاسي تفسيرا
    فيها انذارات خطيرة
    ست الكل يا أميرة
    روحي كفاها تدميرا
    ضاقت وغلبت بصيرا
    خلاص اتحقق مصيرا
    فراقكم زادتي تعكيرا
    وبلاك ما عندي تفكيرا
    يا صلاح أم شديرة
    تعود ونشم من عبيرا

    ما أن يبدأ ترنيمته تلك إلا ويتجاوب معه بقية القوم على إمتداد النيل..
    بعضهم يصفق وبعضهم يرقص طربا والبعض الآخر يتأوه متذكرا طيف «حبيبة» رحلت عن المكان..
    إنهم يخلقون من «القراعة»* فرحا هنا..

    حين نصل إلى دار عمي الطيب يتملكني إحساس بالإنتماء إلى هنا أكثر من هناك «البندر»
    ما أن يتحرك «الكُشر»** في باب الصنط ذاك إلا وتتفتح كل«طاقات» الحنين في داخلي..
    ما أن أخطو خطواتي الأولى في ذلك «الحوش» إلا وأجدني وسط كما مهولا من الفرح..
    ثم تلفحني رائحة نار «الجريد» في «الدونكة».. لا بد أن «نورة» بدأت «تعوس» في «الفطير»..
    «الفطير» بـ«الروب» هنا يوازي كل مطاعم «البيتزا» والـ«ماكدونالدز» إن لم يفوقها مذاقا..
    أدخل خلف «حبوبتي» متثاقلا بحثا عن «المبروك» ابن عمي وخالتي «نورة» زوجة عمي..
    حين يظهر «المبروك» ويذكر جملته المشهورة «ياخينا».. حينها فقط أحس أن قطر كريمة ترجل عن رحلته المضنية تلك..
    «نتقالد» ونحضن بعضنا بعضا بشوق يُبكي أحينا «حبوبتي»..
    ثم ما نلبس أن نضع «عناقريبنا» في وسط الحوش بعد أن أصافح جميع من في البيت لتبدأ حكاوينا الليلية تحت سماء «شبا»..
    وحين تصلنا لعنات «حبوبتي» لعمي الطيب... نتمرغ في «عناقريبنا» من الضحك:
    لا بد أن عمي الطيب مارس شغبه اليوم وخرج باحثا عن «الحياة» في «إنداية كريمة»..
    وحتما سيعود من «خفساته» تلك منفرج الأسارير..
    ثم يطلق ضحكته التي أصبحت جزءا من ليل «شبا»: هاهاهااااااااااااااااي أنا الطيب ود قرنين..
    ضحكة تتبسم لها كل القرية وهي في سكونها.. حيث رجع الرجال إلى أحضان زوجاتهم وأطفالهم ينشدون السكون والطمأنينة..
    كان دائما يقول لي: نحن يا ولدي من التمُر للتمُر... اليوم كله نزرع ونقرع تحته ووكتين الشمس تغيب نمشي نشرب عرقي التمُر..
    كان حين تتوقف حمارته يعلم أنه وصل إلى بيته.. ينزل من الحمارة يجرجر «قبانته» ثم يغني:
    ود قرنين في عُلُو
    يا خلايق الله خلُو
    عندي صيدا في «الكُرو»
    خايف العين لا تحصلو
    ثم يتبعها: هاهاهااااااااااااااااي أنا الطيب ود قرنين..
    وتتبعه حبوبتي: ان شاء الله العرقي اليغمتك... يا الله هوووووووووووووووووي تهديك يا الطيب حبيب قساي..
    ....
    ــــــــــــــــــــــــــــ
    * القراعة مرادفة شايقية لسقي الزرع
    ** الكُشر مفتاح من الخشب تُفتح به الأبواب في منطقة الشايقية


    (عدل بواسطة طارق جبريل on 11-17-2012, 11:28 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-18-2012, 10:11 AM

معاذ حسن
<aمعاذ حسن
تاريخ التسجيل: 11-14-2006
مجموع المشاركات: 3303

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)

    صباحك زين يا ود جبرين الزين
    نتابع حديثك الذي لا ينتهي عن تفاصيل البلد

    ........................................

    شفت برنامج في القناة الاولى يوم الخميس خلعني جنس خلعة
    بدا من المغاربة في السودان شوية شوية الطيب صالح شويتين الشلة الما تغباني طارق وناجي وعمر وقاسم
    لو عندك تسجيل ارفعو احد اصدقاء قاسم في الرياض طلبه مني
    بحثت في موقع الاولى ولم اجده
    حديث زميلك في العمل عجبني شديد ووجدته واقعي
    استاذ طلحة طبعا ما يحتاج ملك المنضمة
    عمر وناجي ظهروا متحدثين عن تجربة الفنان قاسم
    ود الاحمر ما ظهر!

    تحية لكم كاااااااملين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-18-2012, 12:15 PM

اباذر النضيف
<aاباذر النضيف
تاريخ التسجيل: 08-08-2009
مجموع المشاركات: 54

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: معاذ حسن)

    النيمة يا العنابة ضل
    اغشي التكل
    خرمان في شاي
    جعان اُكل
    وداك التمر
    والزير قريب
    بايت من البارح ملان
    راقد في سدر الهمربيب
    دُر تقرا ديك كتب الولاد
    قلقتك او طال الرجي
    كوووورك
    - نقولك هو بعاد
    رسلنا المرسال نجي
    يا روق بإحساس المحب
    سيد بيت وعننا ما ضهب
    الهيلنا هيلك شن ندس .. ماطال عمراً يتحسب
    فى ياتو بنك وياتو عب
    يات خزنة
    غير خزن النفوس الماهلة مفتاحها القلب
    قول لابن آدم فى بلد طالت معاناتو وتعب
    سكانو دايشين بالشرق وحكامو طاشين بالغرب
    إحنا اللى فاقدين أى شئ فى الدنيا مالكين كل شئ
    بالفينا بالحيل ودا الدرب والتابع الصاح ما ضهب
    ( الرجعة - حميد )

    يلي يا طارق
    تقنت الحديث وخفسوا .. امرقبنا حيث البراح الاولي الفطري
    فالذاكرة مشتركة بكل التفاصيل .. قد تختلف في الاسماء ولكن
    نفس النفس الهني .. هناك ..
    وانا هني ساسقت طمبرتا الوصال في البوست ده
    ادخل زي الضل وامرق تاني .. محدر طاقيتي فيهو باحساس الصبي
    وحوليني شفع بالسياييل تنقز وتبردب في الدرب
    مليان دعاااش اتنفس الواطه .. وزفيري صاجات العواسة
    بوستك ده يا ود امي وابوي زي المغااارب مليان دعت تلدغ الروح
    في الصميم وتنزف دموعي من الاسي والا الفرح .. ( شكيتك لي الله )

    طارق
    انفض كويس الذكريات
    حتحتلنا اياما مشت .. ما تخلي شي .. ما تخلي شي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-18-2012, 04:04 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: اباذر النضيف)

    Quote: النيمة يا العنابة ضل
    اغشي التكل
    خرمان في شاي
    جعان اُكل
    وداك التمر
    والزير قريب
    بايت من البارح ملان
    راقد في سدر الهمربيب
    دُر تقرا ديك كتب الولاد
    قلقتك او طال الرجي
    كوووورك
    - نقولك هو بعاد
    رسلنا المرسال نجي
    يا روق بإحساس المحب
    سيد بيت وعننا ما ضهب
    الهيلنا هيلك شن ندس .. ماطال عمراً يتحسب
    فى ياتو بنك وياتو عب
    يات خزنة
    غير خزن النفوس الماهلة مفتاحها القلب
    قول لابن آدم فى بلد طالت معاناتو وتعب
    سكانو دايشين بالشرق وحكامو طاشين بالغرب
    إحنا اللى فاقدين أى شئ فى الدنيا مالكين كل شئ
    بالفينا بالحيل ودا الدرب والتابع الصاح ما ضهب
    ( الرجعة - حميد )

    يلي يا طارق
    تقنت الحديث وخفسوا .. امرقبنا حيث البراح الاولي الفطري
    فالذاكرة مشتركة بكل التفاصيل .. قد تختلف في الاسماء ولكن
    نفس النفس الهني .. هناك ..
    وانا هني ساسقت طمبرتا الوصال في البوست ده
    ادخل زي الضل وامرق تاني .. محدر طاقيتي فيهو باحساس الصبي
    وحوليني شفع بالسياييل تنقز وتبردب في الدرب
    مليان دعاااش اتنفس الواطه .. وزفيري صاجات العواسة
    بوستك ده يا ود امي وابوي زي المغااارب مليان دعت تلدغ الروح
    في الصميم وتنزف دموعي من الاسي والا الفرح .. ( شكيتك لي الله )

    طارق
    انفض كويس الذكريات
    حتحتلنا اياما مشت .. ما تخلي شي .. ما تخلي شي


    الله الله الله على حميد يا ود النضيف ياخي
    رحمه الله

    يا حبيب الحكاوي هيا نفسها
    فقط الاختلاف في الأمكنة
    إنه عالم قرى «منحنى النيل»
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-18-2012, 04:07 PM

إبراهيم عبد الحليم
<aإبراهيم عبد الحليم
تاريخ التسجيل: 10-31-2008
مجموع المشاركات: 3423

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)

    طرووق مرتبط مع الابداع

    والابداع مرتبط به ايضا



    طرووق مشتاقين واها السودان المرة دى كيف؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-19-2012, 01:06 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: إبراهيم عبد الحليم)

    ابراهومة يا حبيبنا
    ياخي كيفنك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-18-2012, 04:02 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: معاذ حسن)

    Quote: صباحك زين يا ود جبرين الزين
    نتابع حديثك الذي لا ينتهي عن تفاصيل البلد

    ........................................

    شفت برنامج في القناة الاولى يوم الخميس خلعني جنس خلعة
    بدا من المغاربة في السودان شوية شوية الطيب صالح شويتين الشلة الما تغباني طارق وناجي وعمر وقاسم
    لو عندك تسجيل ارفعو احد اصدقاء قاسم في الرياض طلبه مني
    بحثت في موقع الاولى ولم اجده
    حديث زميلك في العمل عجبني شديد ووجدته واقعي
    استاذ طلحة طبعا ما يحتاج ملك المنضمة
    عمر وناجي ظهروا متحدثين عن تجربة الفنان قاسم
    ود الاحمر ما ظهر!

    تحية لكم كاااااااملين

    يا حبيب كيفنك ووليداتك
    وبتنا المعاك ديك
    ان شاء الله كلكم طيبين
    تصدق لا حضرت البرنامج لا شوفته
    وشكلي كدة بقيت مشهور
    لكن بلقى لي نسخة وأرسلها ليك يا حبيب

    التحية لأم علي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-19-2012, 01:06 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)

    كان عمي الطيب اسم على مسمى حقيقة..
    نادرا ما يعادي أحدا في القرية..
    كان لا يعنيه شيئا من الدنيا سواء نخيله و«حيضان» البرسيم والقمح والخضروات..
    يقضي سحابة يومه في «تحت» يسقي هنا ويحرث هناك..
    وحين تبدأ الشمس في الانسحاب من ميدان معركتها فوق هامات النخيل..
    يسرج حماره ويتجه صوب كريمة حيث ندمائه..
    وفي طريق العودة يضع «قبانته» على وجهه ثم يدلف عائدا إلى بيته..
    حين يتوقف الحمار عن المسير يدرك أنه في «حوش» بيته..
    حينها فقط يترجل وهو يترنح ويذهب إلى «عنقريبه» ثم تبدأ «معركته» مع حبوبتي..
    تلومه على هذا «العبث» اليومي ويمكنها حتى أن تضربه..
    رغم قوته التي اشتهر بها وسط القرية لكنه حين أمام والدته يكون كالحمل الوديع..
    بل يزيد: أضربي يا والدة:d
    ما أن تهدأ معركته مع حبوبتي إلا ويترك لصوته العنان:
    مشتاقين انت متين تجينا
    سهرانين والليل طال علينا
    وحين يحس بالتعب ينادي زوجته: يا نورا... نورا.. نورا.. سويلي حَرِف اتعشابو..
    يتناول طعامه ثم يغفو ليصحو باكرا ويتجه إلى كريمة حيث عمله في النقل النهري..
    ثم يعود إلى نخيله وزرعه.. هذه هي مجمل حياته منذ وعيت وبدأت أزور «شبا»
    لم تطأ أقدامه الخرطوم إلا أربع مرات.. مرة لعياة والدي المريض الذي كان يكن
    له حبا خاصا دون إخوته ومرة لإزالة المياه البيضاء من عينه..
    ومرة وهو في طريقه إلى الحج ومرة أخيرة أرسل والدي في طلبه لكي يزوره بعد أن تقاعد ليؤنس وحدته..
    كان يتركنا ونحن نشرب «اللِبيني» بـ«القرقوش» قبل أن يخرج يوصي زوجته نورا بنا خيرا..
    كان رجال القرية يذهبون إلى كريمة ليتبضعوا حاجيات أسرهم ثم يرسلونها في «مخالي»*..
    كانت النسوة ينتظرن أمام نادي شبا في انتظار «كومر رابح»..
    مجرد أن تتوقف عربة عمنا رابح تحيطها النسوة لحمل «المخلاية» ثم «يطلعن»
    إلى بيوتهن لطبخ ما جادت به «المخلاية»..
    كنت استيقظ باكرا للذهاب إلى «كفاية الجداد» لمشاهدة «طير الجنة»..
    كنت مولعا جدا بالطيور:: وكانت تمثل اهتمامي الأول منذ أن تطأ قدماي «شبا»..
    كنا أنا و«المبروك» نقضي سحابة يومنا في البحث عن أعشاش القمري واصطياد الدباس..
    حين نكمل «شاي الصباح» تطلب منا حبوبتي أن «نندلى لااااتحت» عند «بير ود جبارة»..
    تتوكأ على عصاها ثم نتحرك صوب بير ود جبارة حيث «أصحابها» ود جبارة وعوض السيد كنيش ورابح ومكاوي والبقية..
    وعند هذا البئر تتكشف لنا عوالم «بت بغداد» الأخرى..
    ـــــــــــــــ
    * جمع مُخلاية والمعنى واضح

    حبوبتي نفيسي بت البغاديد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-21-2012, 10:51 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)

    كانت حبوبتي تعتني بنا كثيرا منذ أن نصل إلى شبا...
    كانت تحنو علينا ربما بصورة مبالغ فيها.. كأننا لن نعود مرة أخرى..
    حتى أنني كنت أخشى لحظة فراقها وأنا أغادر شبا..
    كنت أتجنب تلك اللحظة ما حييت.. لكن لا مفر... لا مفر مطلقا..
    فالدموع والنحيب ذلك اليوم كانا يغرقان شبا في الأحزان..
    ****
    بعد أن نستمتع بـ«اللبيني المقننة» و«القرقوش» من «تُكُل» خالتي نورا
    نكون على استعداد تام لانتظار تعليماتها بالخروج من البيت وبداية «المتعة»
    في أن «نندلى لاااااااااتحت».. هناك حيث ندمائها: عوض السيد كنيش،
    احمد ود جبارة، احمد نعمان، غفور، جادين ود صافيات وصافيات..
    فما أن تتوكأ عصاها وتنادي: يا طارق.. يا المبروك.. اندلاااكم لااااتحت..
    ألا ونكون جاهزين لمتعة الصباح اليومية هذه..
    كنا نمر أمام بيت «بت الشام» فتدفع حبوبتي باب بيتها لتسلم عليها:
    - بت الشام كيفن أصبحتي.. طيبي..
    - أهلا يا نفيسي.. أدخلي.. وحلاتو دة ود جبرين
    - أيي دة طارق ولدي
    - الرسول فيك تدخلي خليهو يشربلو شاي معاي
    - دابن شربوهوا ودعناك الله مندلين لااااتحت عند «نيمة ود جبارة»
    - الرسول فيكي أن ما دخلتو
    - الرسول اليغمتك آآآبدخل لا تخصميني
    - هههههههه طيب خلي ود جبرين اليدخل
    - ود جبرين آآآآبيختاني.. يقوم واحد من البُطان ولاد الهرمة ديل يضربوا بي شي
    - هو في شافعا بيقدر يهبشلو وليد هول بت بغداد ههههههه
    - كدي اليهبشو زول إن ما بقيت طهرتو من أول جديد
    - هههههههههه الله يعدل ختوتك لامن تجيبي لينا يوم
    - سمح ودعتك الله..
    - في مان الله
    كنا نزور كل البيوت التي في طريقنا إلى نيمة ود جبارة ونسلم على أصحابها..
    كانت هذه طريقة حبوبتي في تفقد القرية وأهلها..
    ما بين بيت بت الشام وفاطمة بت الخضر ود كنيش وعبد الرحيم محمد عمر
    ومكاوي محمد أحمد وحواء بت الخضر ود كنيش وفتح ود بلولة وعوض السيد كنيش..
    ما بين كل تلك البيوت كنا نقضي أكثر من ساعتين قبل أن نصل إلى «نيمة ود جبارة»..
    لكن بيت عمتي فاطمة بت الخضر كان يستحوذ على معظم الوقت..
    ما أن تراني إلا وتحضنني وتبكي:
    حلات طرووووق ود جبريرين حلات ود أخوي الزين..
    كانت امرأة مليئة بـ«حنية» أهلنا ودموعها تسبق كلماتها..
    ***
    حين نصل الشارع الذي يفصل بيوت القرية عن غابات النخيل نكون قد
    أدينا التحية لكل أهل القرية..
    ما أن نظهر أمام نيمة ود جبارة حتى يصيح ندمائها:
    المرة القاهري... بت البغاديد..
    ثم ترد هي عليهم:
    هو في زولا قاهر متلكم إنتو.. الله لا كسبكم..
    ثم تُخرج «ريال» من «محفضتها» وتلتفت إلي:
    يا طارق أمشي دكان «العوضابي» جيبلي سيجارة وأملالي حقتي دي صعوط
    قول لـ«النقر» يسويلك الصعوط السمح ما يغشك أنا عارفاهو ود الهرمة دة..
    واشتريلك حلاوة انت والمبروك..
    نتركها كي تتوسط أصحابها ونسرع لنحضر لها ما تريد..
    غالبا ما كنا نجدهم عند عودتنا يضحكون حتى تدمع عيونهم من حديثها..
    في أحد المرات وجدناها مسرعة إلى بيت جدي أحمد ود بغداد..
    وهناك أصوات بكاء وصراخ هنا وهناك..
    حين وصلنا وجدنا جدي يتلوى من الألم ويحيط به رجال القرية..
    لم تُعر اهتماما لأحد وسألته: يِحمد أخوي الصايدك شنو
    كانت ترجف وتتصبب عرقا..
    - ردت عليها زوجته: كان قاعد يصلي ولدغته عقرب
    - إن شاء الله يصلوا عليك..
    إنت جنسنا دة وين قاعد يصلي.. الله لا كسبك ان كان داير تكتلني..
    ههههههههههههههههههههه
    ضحك المسكين وهو يتألم وضحكت القرية كلها لحديثها..
    هكذا كانت «بت بغداد» لها في كل يوم طرفة حتى أصبحت ذات صيت هنا..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-26-2012, 04:50 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)

    عند نيمة ود جبارة يمكنك أن تجد جميع أخبار القرية..
    هنا يلتقي جميع من في القرية إما نزولا «لاااااتحت» أو طلوعا «لااافوووق»..
    من أراد ابتسامة عابرة أو معلومة عن أسعار «التمر» أو القمح أو حتى
    الزواج يمكن أن يجد ضالته هناك..
    هؤلاء «الشيوخ» يتودد الجميع إلى مجلسهم هذا.. وهم على أية حال لا يكترثون
    كثيرا لأمر من يأتون أو يذهبون.. بقدر ما يعنيهم غياب أحدهم عن «النيمة»..
    ما أن يغيب أحدهم إلا ويرسلون في طلبه متمنين أن لا يكون مريضا أو
    لدغته عقرب أو ثعبان أو أصابه مكروه ما..
    - عوض السيد: دحين آآآنفيسي قالولي البارح كنتي مكاتلي غفير الجدول..
    هكذا دائما ما يستفزها عوض السيد لكي تبدأ حكاويها التي لا تنتهي..
    - نفيسي: أييي (الـ...طـي) ود (الـ...طـي) كيفن آآآبكاتلو..
    - ود جبارة: ههههههه سوالك شنو الخرابة دة
    - نفيسي: اندليت لااااتحت وماسكي طارق ود جبرين ولدي من يدو
    قلتلو النمشي نشوف عمك الطيب سقى برسيمو ولا لليلي..
    - صافيات: نان انت الطيب براهو آآبيعرف يسقي برسيمو لامن تمشي تكاتلي الخرابة دة..
    - نفيسي: الطيب مسيكين وغشيم آآآبيقدر علي (الـ...طـي) دة
    - غفور: ههههههههههههههه نان آآآخالتي انت أكنك دايري تسوي شنو..
    - نفيسي: كيفنك آآآبسوي شي
    - عوض السيد: اها شن سويتي يا القاهري ههههههه
    - نفيسي: مشيت يا ود كنيش لقيتلك الطيب قاعد ممحن جنب «الكُلماي*» وقلتلو:
    الطيب مالك قاعد مقهي كدي علي الماكلو أمانة... مالك ما سقيت برسيمك
    - قالي: يمة حماني الخرابة أليل الجدول قالي لليلي دورك ما جاء
    - نفيسي: كيفن ما جاء دورك وبرسيمك ضَبلَن والويكي قربت تصُوفن
    - الطيب: جاء لقاني أعافر في «اللبقة» ونهرني وقالي لليلي لامن أقولك..
    - نفيسي: وإنت سكتلو الراجل «الدِلِق» دة..
    - الطيب: نان أسويلي شنو يمة أكاتلو فشان تاني ما يخليني أسقي..
    - ود جبارة: واااااضيقو عاد ههههههههههه
    - نفيسي: وحاتك يا ود جبارة قلت لي طارق أدني الطوريي دي
    وقلت كدي كففففففففففف فتحت «اللبقة» وقلتلو أسقي يا الطيب وإن جاء خلني
    أنا بنضم معاهو الله لا كسبو..
    - صافيات: هههههههه ماكي مرة شي
    - أها يا الحبيبن انا ماسكي «الكُشر» وقاعدي جمب ولد ولدي يلعب في الجدول
    وعمه يسقي في حيضانه إن كان جاء الخرابة دة..
    - ود جبارة: شن سويتي
    - نفيسي: جاء يكورك للطيب... قلتلو الطيب خلو مالك تمَرِق في حُسوسَك ديل
    - غفير الجدول: أنا ما قلتلو ما يسقي كيفن يفتح الموية
    - أنا الفتحتها عندك كلام
    - غفير الجدول: كيفن تفتحيها يا بت بغداد بلا إذني
    - نفيسي: تراني فتحتها شن داير تسوي
    - غفير الجدول: بسدها وتاني آآبيسقي
    - نفيسي: وحات نضري تكتر تقلل علي أسكـــلب أقولهم غفير الجن دة يجرجر في توبي..
    - غفير الجدول:نفيسي باقيلي جنيتي..
    - نفيسي: جملة الإيمان ما تسحف من فوقي علي (أ.....ـك) أمك بالكُشر دة..
    - ود جبارة: هههههههههههههههههههههه ماكي نصيحي شي اها
    - نفيسي: وحاتك يا ود جبارة ختة جلابيتو في خشمو وقام جري
    - غفور: آآآآبيقدر عليك آآآخالتي هههههههههههههههه
    - نفيسي: ود (الـ......فة) قايلني دايري أخاف من
    - عوض السيد: ههههههههههههههههه آآآبيجي يجي تاني بي هني
    ضحكوا كعادتهم.. عوض السيد يضع يديه على وجهه ويضحك
    ود جبارة مسك «طاقيته» وهو يعض عليها ويضحك.. وصابرات تبكي وتضحك
    وتضع يدها على مستوى «محسنها»... وغفور يتلوى من الضحك في «العنقريب»..
    - نفيسي: هوي الله لا كسبكم أنا مندلي لاااااتحت
    - غفور: وين ماشي آآآخالتي
    - نفيسي: ماشي آكلي تُورمة مع ولدي الطيب لاااتحت.. ودعناكم الله..
    ...............

    ـــــــــــــــ
    * نوع من البلح
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-02-2012, 11:55 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)

    هذه النيمة كانت بمثابة إذاعة داخلية لكل أخبار القرية..
    فالقادمون من هنا وهناك للسلام أو لتزجية الوقت كانوا في الواقع مراسلين لأخبار القرية دون علمهم..
    ما أن يمهلون «بت بغداد» حتى تتوسط «الجلسة» إلا وتتقاطر الأخبار وتتناسل..
    - نفيسي: انتو دحين الدقير ما جاء بي هني
    (أحمد الريح الشهير بالدقير كان متخصصا في «فَتلْ» الحبال في القرية وكانت له نوادر كثيرة هو وزوجته أم الحسن»
    - غفور: وين تطيري.. يكون يفتل في حباله
    -نفيسي: ههههههههههههه قالولي طردوه من مصنع كريمة وأم الحسن شايلو حاله لي الله وخلقه
    - عوض السيد: ههههههههههههه عاد واااضيقو
    - ود جبارة ( يضحك وطرف الطاقية بين اسنانه): أييي بتكون نجمتو نجام
    (تم تعيين الدقير في مصنع كريمة للتعليب كعامل موسمي... وتم صرف ملابس العمال له
    وجاء بها الى أم الحسن مختالا: أم الحسن شوفتي الدقير لابس «الأبرول» والله بس أفندي..)..
    نفيسي: ههههههههه قالوا جاء يبرطم من كريمة بعد رفدوهوا من المصنع
    - صافيات: نعلو مشئ لي أم الحسن بي برطمتو دي هههههههههه
    - نفيسي: أيي مشى يلعن ويسب في الحيكومة والحرامية الفي كريمة ههههههههههه
    - عوض السيد: باقيلي كان قايل نفسو دايرين يبقوهوا أفندي بالصح
    - نفيسي: قالوا وصل عند أم الحسن لقاها تشربلها في شايا احمر الضُهرية وسألتو: الدقير الجابك بدري شنو من شُغلك
    - الدقير: إيي شغل شنو
    - أم الحسن: شن سويت لامن طردوك باقي أنا عارفاك وكتين يجيك أليل جدودك
    - الدقير: قالولي تشتغل ثلاثة شهور في الموسم... اييي كلهم حرامية
    - ود جبارة: هههههههههه وشن قالتلو الخرابة
    - نفيسي: قالتو اصلو شيتنا كلو كُتور.. حواء بت الخضر ود كنيش في ضهرنا حوشها مليان بُطان
    ونحن فِرِد شافع ماهو عندنا.. وهسي كمان وكتين وظفوك وبقيت أفندي قاموا رفدوك..
    - عوض السيد: الله ليهو عاد ههههههههههه
    - نفيسي: أخدتلها صنة وقالتلو:
    الوظيفى ماها فالك يا الدقير
    اخير ترجع لى فتل حبالك يا الدقير
    هههههههههههههههههههههههههههههههههههههههههههههههههههه
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-03-2012, 08:45 AM

عبد الدائم سيد أحمد
<aعبد الدائم سيد أحمد
تاريخ التسجيل: 10-28-2006
مجموع المشاركات: 4220

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: طارق جبريل)

    Quote: في أحد المرات وجدناها مسرعة إلى بيت جدي أحمد ود بغداد..
    وهناك أصوات بكاء وصراخ هنا وهناك..
    حين وصلنا وجدنا جدي يتلوى من الألم ويحيط به رجال القرية..
    لم تُعر اهتماما لأحد وسألته: يِحمد أخوي الصايدك شنو
    كانت ترجف وتتصبب عرقا..
    - ردت عليها زوجته: كان قاعد يصلي ولدغته عقرب
    - إن شاء الله يصلوا عليك..
    إنت جنسنا دة وين قاعد يصلي.. الله لا كسبك ان كان داير تكتلني..
    ههههههههههههههههههههه
    ضحك المسكين وهو يتألم وضحكت القرية كلها لحديثها..
    هكذا كانت «بت بغداد» لها في كل يوم طرفة حتى أصبحت ذات صيت هنا..


    شايقية مشت الحج تعبت تعب شديد فى الحرم عاوزة تقعد ترتاح شوية
    ولـــدا قال ليها قومى يا حجة صلى ليكى ركعتين فشان ربنا ينور ليكى قبرك
    قالتــلو :::: شــن آسوى بنورو قبرا" لانى فاركى لانى عايسى فيــو ...

    ،،،،

    Quote: الوظيفى ماها فالك يا الدقير
    اخير ترجع لى فتل حبالك يا الدقير


    يعنى المقولة بتاعت الشايقى كان نجح على العسكرية
    وكان سقط على الطوريــي ..

    مقولة صحيحة




    الليلة اتفشيت فيكم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-03-2012, 08:20 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: نيمة ود جبارة ونفيسي بت بغداد.. (Re: عبد الدائم سيد أحمد)

    Quote: شايقية مشت الحج تعبت تعب شديد فى الحرم عاوزة تقعد ترتاح شوية
    ولـــدا قال ليها قومى يا حجة صلى ليكى ركعتين فشان ربنا ينور ليكى قبرك
    قالتــلو :::: شــن آسوى بنورو قبرا" لانى فاركى لانى عايسى فيــو ...


    يا ديدو بالغت معانا ياخي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de