|
|
 ما أوسع الحزن وما أضيق الكلمات..
|
جبيرين جمل شيلي
جبيرين سند القبيلي
هكذا كانت تُنشد «حبوبتي» نفيسي بت بغداد حين تطأ أقدامنا قريتنا الوادعة «شبا»
في البركل.. ويستقبلنا الأهل والأحباب هناك..
كانت تضعني في حجرها وتمطرني قُبلا: الزين ود الزين جا يشوفني... وااااجيدلي..
يا نورا ووقدي النار النغديهم.. ولاد جمل الشيل جوني.. حباب ولاد جبيرين..
هذا المشهد كان يتكرر مرات ومرات في كل عطلة مدرسية نغادر فيها الخرطوم
متجهين إلى «شبا» حيث الأهل ودفء العشيرة..
كنا فقط «أولاد جبيرين» أو «أولاد جمل الشيل» أو «الزينين ولاد الزين»..
كانت هذه الحفاوة تسمو بروحي في الآفاق.. هؤلاء قوم أقحاح يحبوننا لله..
لذا حين غادرتنا «حبوبتي نفيسي» أحسست بيتم في بيئة أحببتها بعمق وعنفوان
كانت كل رحلاتي بعد موتها هي للتأسي على امرأة عظيمة في أرض لا تنبت إلا المحبة
في سفرتي الأخيرة للخرطوم.. تذكرناها سويا أنا وجبيرين..
كان المرض قد أنهكه وقلبه لم يعد يتحمل وأصيب بذبحة صدرية فاجعة..
حين أفاق من غيبوبته وجدني في وجهه: انا وين يا طارق
الحمد لله يا ابوي.. الحمد لله
- ياخي ودوني البيت خلوني أموت هناك
- ابوي قول بسم الله ما بتموت ان شاء الله تبقى طيب
- يا ولدي داير أعيش لا متين خلاص الله يدينا حسن الخاتمة
- هسي قبل يومين ما قلتلي داير أشوف أولادك
- إن الله كتبلي عمر جيبهم معاك في الصيف
وإن كمان ربنا شال أمانته انا عافي منك سلملي عليهم وربيهم كويس
- انت ما قلتلي داير أمشي البلد.. كدي أبقى كويس عشان نمشي سوا
- حليل البلد يا طارق وحليل نفيسي أمي رحمها الله..
كان هذا آخر حوار بيننا قبل أن أعود إلى غربتي هذه..
أوقظته وأنا في طريقي إلى مطار الخرطوم مغادرا..
- يا حاج أنا بقيت سفر.. دحين أعفي مني وربنا يديك الصحة
- يا ولدي الله يرضى عليك ويغتيك ويحفظ وليداتك.. عافي منك وراضي عليك
قبلته في رأسه ويده وخرجت ودموعي تخونني..
ثم التفت من «شباك» الصالون والقيت عليه نظرة أخيرة وخرجت..
مر يوم 19 مارس عاديا..
جلست إلى أبنائي في المساء ثم ذهبت لغرفتي للنوم..
صليت الصبح ثم فتحت هاتفي..
وجاءني الخبر المزلزل عن طريق شقيقي ناصر وهو يبكي:
أبوي يا طارق... أبوي مات يا طارق
لم أعرف ماذا أفعل.. بدأت في البكاء والاستغفار..
وددت لو كانت «حبوبتي» نفيسي بقربي لأرتمي في حضنها:
جمل الشيل مات يا حبوبتي
جبيرين فات خلانا..
يا نفيسي هسي أنا أقبل وين
أباكي منو
آآآبنبقى بلاهو يا نفيسي
غتانا فات يا نفيسي
صمدنا شالو الموت آآآنفيسي
واااضيقنا يا نفيسي
يا نفيسي كيفن أمشي ألقاهو تحت التراب
لا أقالدو لا اترمي في حجرو
يا جبيرين ما قلتلي بنتظرك في الدرابزين جيب بُطانك تعال
البيجيبني شنو تاني يا جبيرين
وأجي لي منو يا الحبيب
لا إله إلا الله محمد رسول الله
ربنا يرزقك جنة عرضها السماوات والأرض
اللهم أجعله مع الصديقين والشهداء
اللهم قه عذاب القبر والنار
اللهم ارحمه
اللهم اجعله في ضمانك وأمانك وإحسانك
اللهم ارزقنا رضاه ونعوذ بك من عقوقه
وإنا لله وإنا إليه راجعون
ــــــــــــــــــــــــ
الشكر أجزله لكل من ذهب إلى دارنا معزيا
لكل من هاتفني
لكل من أرسل لي ايميل
لكل من ارسل لي رسالة على هاتفي
لكل من عزاني على امتداد المنابر في النيت
لكل من حاول الاتصال بي ولم يفلح
لكل من ترحم عليه
أحبكم جميعا
ورحم الله حبيبي جبيرين رحمة واسعة
وألهمنا الصبر وجعلنا أبناء صالحين ندعوا له
|
|
 
|
|
|
|
|
|
|
|
Re: ما أوسع الحزن وما أضيق الكلمات.. (Re: وليد محمد المبارك)
|
يا طارق .... في بوستيك الأخير ... قلت الوالد مريض وشغلك عن البوست.
بعدها ناغمتك ما رديت .. إتحسبنت وقلت ربنا يجيب العواقب سليمة.
ود أبودية نشر الخبر ... ما كان عندنا غير نعزيك ونعزيهو ونعزي ناصر.
ربنا يتولى الوالد بي رحمتو ويصبركم.
طارق ... إتصبر وإترحّم عليهو وأسعد ياخي.
أيوه أسعد .... مش قال ليك عافي منك؟ .... ياخ دي السعادة ذاتها.
ربنا يرحمو ويرحم كل الرحلو.
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: محمد أبوالعزائم أبوالريش)
|
Quote: يا طارق .... في بوستيك الأخير ... قلت الوالد مريض وشغلك عن البوست.
بعدها ناغمتك ما رديت .. إتحسبنت وقلت ربنا يجيب العواقب سليمة.
ود أبودية نشر الخبر ... ما كان عندنا غير نعزيك ونعزيهو ونعزي ناصر.
ربنا يتولى الوالد بي رحمتو ويصبركم.
طارق ... إتصبر وإترحّم عليهو وأسعد ياخي.
أيوه أسعد .... مش قال ليك عافي منك؟ .... ياخ دي السعادة ذاتها.
ربنا يرحمو ويرحم كل الرحلو.
|
يا حبيب الوجعة كانت كبيرة
وفي المنافي بتتضاعف
ربنا يلزمنا الصبر
ويرحم جميع موتانا
قضاء الله لا مراد له
دمت بخير يا عزيزي
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: محمد علي شقدي)
|
....
...
..تقبله الله بواسع رحمته ..مع عباده الصادقين ...
...و اظل مرقده بدوحه من دوحات جنانه ...
...و الهمك و الاسره نبيل الصبر مع حسن العزاء و صالح الدعاء ..
...و انا لله و انا اليه راجعون ...
..
..
..
...هي الدنيا يا صديق ... لن تتوقف الدوران بنا من المبتدا الي المنتهي ...
...من مهد الارحام... ...و حتي لحد العظام ..
..ويبقي وجه ربك ذو الجلال .......و الاكرام ...
..
..و انا لله ....و اليه راجعون ..
..شدوا حيلكم .... و احسن الله عزاكم
...
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: Hololy)
|
Quote: ....
...
..تقبله الله بواسع رحمته ..مع عباده الصادقين ...
...و اظل مرقده بدوحه من دوحات جنانه ...
...و الهمك و الاسره نبيل الصبر مع حسن العزاء و صالح الدعاء ..
...و انا لله و انا اليه راجعون ...
..
..
..
...هي الدنيا يا صديق ... لن تتوقف الدوران بنا من المبتدا الي المنتهي ...
...من مهد الارحام... ...و حتي لحد العظام ..
..ويبقي وجه ربك ذو الجلال .......و الاكرام ...
..
..و انا لله ....و اليه راجعون ..
..شدوا حيلكم .... و احسن الله عزاكم
...
|
آميييييييييييين يا حبيب
تقبل الله دعواتك له
وربنا يلزمنا الصبر
تسلم كتير ياخي
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: حافظ انقابو)
|
وهو نان جنس ضسق يا طارق
اسأل الله ان اعطى لعمى جبيرين سؤله وهو حسن الخاتمة
البعدها مافى كلام
امسك فى كلام العفو ده يا طارق واحمد ربك عليهو
قدر ما اداك من عمر
الله يخليك للاولادك و يجعلك متل جبيرين عافى منهم و راضى عليهم
الله يصببببببركم
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: Siham Elmugammar)
|
Quote: وهو نان جنس ضسق يا طارق
اسأل الله ان اعطى لعمى جبيرين سؤله وهو حسن الخاتمة
البعدها مافى كلام
امسك فى كلام العفو ده يا طارق واحمد ربك عليهو
قدر ما اداك من عمر
الله يخليك للاولادك و يجعلك متل جبيرين عافى منهم و راضى عليهم
الله يصببببببركم
|
ضيقا كعب يا بت المجمر
كعب بالحيل
الله يلزمنا الصبر بس
له الرحمة والمغفرة من عند مليك مقتدر
تسلمي ياخي
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: طارق جبريل)
|
الله يا طارق
فعلا ما اوسع الحزن وما اضيق الكلمات
حزنك فتح على الجروح
ربنا بصبرك ويقدرك على تحمل فقد الوالد العزيز
ربنا يرحمه و يجعل الجنة مسواه
ويجعل دعواتك امنا وسلاما
ويجعلك نعم الابن البار الصالح الذى يرفل والده فى نعيم دعواته
انا لله وانا اليه راجعون
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: فتحية شامي)
|
Quote: الله يا طارق
فعلا ما اوسع الحزن وما اضيق الكلمات
حزنك فتح على الجروح
ربنا بصبرك ويقدرك على تحمل فقد الوالد العزيز
ربنا يرحمه و يجعل الجنة مسواه
ويجعل دعواتك امنا وسلاما
ويجعلك نعم الابن البار الصالح الذى يرفل والده فى نعيم دعواته
انا لله وانا اليه راجعون
|
مشى ود بت بغداد يل فتحية
مشى الزول السمح بالحيل جبيرين
له الرحمة والمغفرة
لك محبة انت تعلميها
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: عمر عثمان)
|
نسال الله العلى القدير له الرحمة و المغفرة و ان يسكنه فسيح جناته
و ان يجعل فى قبره الضياء و النور و الفسحة و السرور و يمد له فيه مد البصر
و نساله تعالى ان يثبته عند السؤال و يثيبه خير الجزاء قى الآخرة و ينزله مع الصديقين و الشهداء و الصالحين
و احسن الله عزاؤكم و العزاء موصول لكل الاهل بشبا
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: حيدر بشير)
|
Quote: نسال الله العلى القدير له الرحمة و المغفرة و ان يسكنه فسيح جناته
و ان يجعل فى قبره الضياء و النور و الفسحة و السرور و يمد له فيه مد البصر
و نساله تعالى ان يثبته عند السؤال و يثيبه خير الجزاء قى الآخرة و ينزله مع الصديقين و الشهداء و الصالحين
و احسن الله عزاؤكم و العزاء موصول لكل الاهل بشبا
|
له الرحمة والمغفرة يا بشير
كان رجلا كالهرم
محبتي الاكيدة
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: عمر عثمان)
|
اخى الحبيب طارق ، تحياتى، يعلم الله وجعنى خبر وفاة والدكم ، تقبله الله قبولا حسنا، وكلما أتخيل حزنك وانت الانسان الشفيف الحساس يزداد حزنى، لكن هذه ارداة الله سبحانه وتعالى ولا راد لقضائه ، عليك الصبر، والدعوة له بالرحمة والمغفرة، وكلنا ياطارق لها ، هم السابقون ونحن اللاحقون، الدنيا ام بناية قش مافيها حير، رحمه الله رحمة واسعة وانا لله وانا اليه راجعون .
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: هاشم محمد الحسن عبدالله)
|
Quote: اخى الحبيب طارق ، تحياتى، يعلم الله وجعنى خبر وفاة والدكم ، تقبله الله قبولا حسنا، وكلما أتخيل حزنك وانت الانسان الشفيف الحساس يزداد حزنى، لكن هذه ارداة الله سبحانه وتعالى ولا راد لقضائه ، عليك الصبر، والدعوة له بالرحمة والمغفرة، وكلنا ياطارق لها ، هم السابقون ونحن اللاحقون، الدنيا ام بناية قش مافيها حير، رحمه الله رحمة واسعة وانا لله وانا اليه راجعون .
|
يا قريبي كيفنك
مشى الزين خلانا يا حبيب
عليه الف رحمة ونور
دمت يا حبيبنا
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: جلال عثمان)
|
Quote: رحم الله الوالد جبريل ونسأل الله ان يتقبله ويحسن وفادته
حزنك ابكانا يالحبيب ووصيتي ليك من بينات الدموع ادعو له
فتلك الصدقة الجارية
ربنا يلهمك الصبر الجميل
|
ابو الجل يا حبيب
الفقد كان فوق التصور
لكن رحمة الله وسعت كل شئ
ربنا يجعلنا من الصالحين لندعوا له
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: عمر عثمان)
|
Quote: يا نفيسي كيفن أمشي ألقاهو تحت التراب
لا أقالدو لا اترمي في حجرو
يا جبيرين ما قلتلي بنتظرك في الدرابزين جيب بُطانك تعال
البيجيبني شنو تاني يا جبيرين
وأجي لي منو يا الحبيب
|
يالله يا طارق
يالله يالله يالله
صبرا يا صديقى
...صيرا ياناصر
ال جبرين صبرا
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: طارق جبريل)
|
Quote: [.. بدأت في البكاء والاستغفار..
وددت لو كانت «حبوبتي» نفيسي بقربي لأرتمي في حضنها:
جمل الشيل مات يا حبوبتي
جبيرين فات خلانا..
يا نفيسي هسي أنا أقبل وين
أباكي منو
آآآبنبقى بلاهو يا نفيسي
غتانا فات يا نفيسي
صمدنا شالو الموت آآآنفيسي
واااضيقنا يا نفيسي
يا نفيسي كيفن أمشي ألقاهو تحت التراب
لا أقالدو لا اترمي في حجرو
يا جبيرين ما قلتلي بنتظرك في الدرابزين جيب بُطانك تعال
البيجيبني شنو تاني يا جبيرين
وأجي لي منو يا الحبيب
|
لاحولا ولاقوة الا بالله
ياطارق البركة فيكم
كنت مع راشد وتجاني امس
الجبور فقد والله
كل مازرت بيتكم كنت بت ونس معاه في الدرابزين
كتير وكتير كان تجارب من الحياة
والمعرفة لدرجة بعيدة حكي لي اجمل زكرياته
وسفرياته الدوام لله والف رحمة ونور عليه
الفاتحة علي روحه
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: ست البنات)
|
يا الله يا طارق
إنا لله وإنا إليه راجعون
ولا حول ولا قوة إلا بالله العلي العظيم
بالجد فقد الوالد حاااااااااااار وصعب شديد ربنا يصبركم ويجبر كسركم
وبعد كده ما في غير انك تدعو ليه بالرحمة والمغفرة لانك ولده الصالح إن شاء الله
اللهم ارحم عم جبريل واغفر له واكرم نزله ووسع مدخله
اللهم اغسله بالماء والثلج والبرد
اللهم نقه من الخطايا كما ينقى الثوب الابيض من الدنس
اللهم اجعل قبره روضة من رياض الجنة ولا تجعله حفرة من حفر النار
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: ست البنات)
|
Quote: انا لله يا طارق ,
أمانة ما اتقطع قلبنا , كلامك يوجع القلب,
الله يرحم عمي جبرين الزول الطيب البشوش .
يا طارق ود عمي لا تزهلل رقبتك الموت حق ,
الله يرحمو ويدخلو الجنة مع الصديقين والشهداء
والله يرحمهم جميعا ,
|
حليلو الحبيب يا سكينة
حليل جبيرين
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: ندى صالح الطيب)
|
Quote: الاخ طارق لك التحية
و للوالد الرحمة والمغفرة وأحسن الله عزاكم
موت احد الوالدين يعطى الانسان إحساس كان هذا
الموت بدا من هناك
اسأل الله ان يلهمكم الصبر انت واخوتك |
ربنا يلهمنا الصبر يا ندى
والحمد لله على كل حال
تسلمي كثير
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: باسط المكي)
|
Quote: لاحولا ولاقوة الا بالله
ياطارق البركة فيكم
كنت مع راشد وتجاني امس
الجبور فقد والله
كل مازرت بيتكم كنت بت ونس معاه في الدرابزين
كتير وكتير كان تجارب من الحياة
والمعرفة لدرجة بعيدة حكي لي اجمل زكرياته
وسفرياته الدوام لله والف رحمة ونور عليه
الفاتحة علي روحه
|
باسط يا حبيب
ذهب الذي ملأ حياتنا حكاوي ودُرر
ذهب الرجل الجميل يا باسط
عليه رحمة من الله وغفرانه
كن بالف خير
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: طارق جبريل)
|
نسأل الله تعلى أن يتغمده بواسع رحمته مع الابرار
وألهمكم والأسرة الكريمة الصبر وحسن العزاء
وجعل البركة فيكم وذريته ..
ورحم الله كل من رحل عنا وجمعنا بهم اذا صرنا اليهم في
جنات النعيم ..
إنا لله وإنا إليه راجعون.
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: عادل فضل المولى)
|
احسن الله عزاكم. ويظل مافى القلب فى القلب لا مرالسنين ينسينا ماسينا ولا زياده الافراح تعادل ما وقر فى القلب من حزن دفين اصيل
تلك قصتنا مع الحزن. وصدقت حن قلت ان فى الغربه تتضاعف الاحزان كما تتضاعف الحسنات مثنى وعشر وذلك قدرنا فاين المفر
اللهم ارحم موتانا وموتى المسلمين اجمعين
والزمنا الصبر الجميل
ولا حول ولا قوه الا بالله
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: Abobakr Shadad)
|
Quote: يا نفيسي كيفن أمشي ألقاهو تحت التراب
لا أقالدو لا اترمي في حجرو
يا جبيرين ما قلتلي بنتظرك في الدرابزين جيب بُطانك تعال
البيجيبني شنو تاني يا جبيرين
وأجي لي منو يا الحبيب
لا إله إلا الله محمد رسول الله |
الله ياطارق فتحت لى جرح لا يندمل أبدا...
نفس الحزن والمناحة ودعت الوالد له الرحمة ورجعت لقيتو تحت التراب لا قالدتو لا اترميت في حضنو.........
لهم الرحمة جبريل أبوك وأبو السيد أبوى.
الغربة حااااااره فى مواقف ذى دى فقد الاحباب وترجع تلاقاهم كوم تراب ... الله يصبرنا.
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: عمر سعد)
|
Quote: احسن الله عزاكم. ويظل مافى القلب فى القلب لا مرالسنين ينسينا ماسينا ولا زياده الافراح تعادل ما وقر فى القلب من حزن دفين اصيل
تلك قصتنا مع الحزن. وصدقت حن قلت ان فى الغربه تتضاعف الاحزان كما تتضاعف الحسنات مثنى وعشر وذلك قدرنا فاين المفر
اللهم ارحم موتانا وموتى المسلمين اجمعين
والزمنا الصبر الجميل
ولا حول ولا قوه الا بالله |
البعد اشد ايلاما يا حبيب
رحمهم الله
تعازينا يا عمر في الحاجة
وربنا يديها الجنة
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: نيازي مصطفى)
|
Quote: نسأل الله تعلى أن يتغمده بواسع رحمته مع الابرار
وألهمكم والأسرة الكريمة الصبر وحسن العزاء
وجعل البركة فيكم وذريته ..
ورحم الله كل من رحل عنا وجمعنا بهم اذا صرنا اليهم في
جنات النعيم ..
إنا لله وإنا إليه راجعون.
|
آمييييييييييين يا نيازي
تسلم كتير
| |
|
|
|
|
|
|
|
|
|
Re: ما أوسع الحزن وما أضيق الكلمات.. (Re: طارق جبريل)
|
لا إله إلا الله محمد رسول الله
ربنا يرزقه جنة عرضها السماوات والأرض
اللهم أجعله مع الصديقين والشهداء
اللهم قه عذاب القبر والنار
اللهم ارحمه
اللهم اجعله في ضمانك وأمانك وإحسانك
وإنا لله وإنا إليه راجعون
جبر الله كسركم أخي العزيز طارق
| |
|
|
|
|
|
|
| |
طارق جبريل
سلمى الشيخ سلامة
Saifeldin Gibreel
وليد محمد المبارك
عبد الله كسلا
قيقراوي
Tumadir
محمد أبوالعزائم أبوالريش
حافظ انقابو
محمد علي شقدي
Siham Elmugammar
وضاحة
فضل الصادق
محمد المسلمي
عبدالرازق الطيب يس
عمر عثمان
هاشم محمد الحسن عبدالله
ibrahim alnimma
جلال عثمان
سجيمان
باسط المكي
الفاتح ميرغني
ندى صالح الطيب
Ahmed al Qurashi
Abd Alla Elhabib
ست البنات
الامين موسى البشاري
ساميه حامد
جدو
حمد عبد الغفار عمر
Bushra Elfadil
نيازي مصطفى
عادل فضل المولى
عمر سعد
أمير عثمان
معاوية المدير
عبدالفتاح أبوشيمة
Abobakr Shadad
Nagat Sid Ahmed Elshiekh
Osman Musa
الزاكى عبد الحميد
خالد العبيد
نورالدين الفحل
عاطف عمر
khaleel
الصادق ضرار
محمد آدم النور
Dalal Ezzaldin
فيس بوك
تويتر
انستقرام
يوتيوب
بنتيريست