يا الحبان كيفنكم كلما اسويلي بوست وفيهو كلام أليل شوايقة يجيني واحد مبنقر من ناس الشهادة العربيي يقولي دي شنو دي ما فهمتها دحين يا الحبان داير اسويلي دكشنري أليل شوايقة باقي عندهم كلاما معوج ومجوبق ماهو معروف كدي ساعدوني انا ذاتي شايقي أليل خرطوم سااااااااااكت
ابراهيم كيفنك فعلا كثير من الاسامي هي متطابقة لدى الدناقلة والمحس والسكوت والشوايقة ياخي يا ريت نقدر نعمل قاموس للهجات المحلية لكل قبيلة دة تراث ما مفروض يندثر نهائي
بعدين عشان خرخرتكم يا محس الواحد عرس محسية
تسلم يا حبيبنا
02-02-2010, 10:39 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
هبتروك : قبضة الذرة (هين من الذرة) ـ تيلان : السقايي التالتي للنبات ـ فاريق : الشي البيزرعوه في الجروف جنب النيل. ـ اركج : الولد البيساعد في الزراعة ـ أروتي : الولد البيقعد فوق الساقية وهي شغالة
02-02-2010, 10:54 AM
ابراهيم قناوي ابراهيم قناوي
تاريخ التسجيل: 06-17-2008
مجموع المشاركات: 2087
جيت اسلم والوم نفسي والله الوم الشبكة ماعارف قدر ما حاولت الخرابة ده اصلو ابي يقول ترن علي العموم انت عارف المعزة علي شبكتي طشت ونفيستي علي قولك ما جرتني علي الخرابة الاسمو النيت ده علي تحياتي لي سيد الحولي واخياتو
02-02-2010, 12:26 PM
ابو جهينة ابو جهينة
تاريخ التسجيل: 05-20-2003
مجموع المشاركات: 22759
Quote: فاريق : الشي البيزرعوه في الجروف جنب النيل.
الفاريق جاى من فرق ,, اى فرق بين شيئين وهو نبات الدخن الذى يزرع على الحدود بين الجروف ليصبح علامة فارقة بين جرف وجرف.
Quote: أهن تعال اتوهط و اتنبرلها و اشرح آالبخيت
الأديب حمور الزول ده ماهو شايقى ده من اندينا بدليل انه عرف نفسه على انه من ام هبج وذكر الدلوكة والبل(الإبل) وان شاءت الأخت سنقوم بالترجمة على الشريط على ان يحفظ لنا ود جبرين الحقوق الأدبية. ود جبرين ترجم: جاتنى صدمة (بضم الصاد) وقليت لى قرض فوق قلشوب. جرحتنى الساسوية فوق الكدمبس.
02-02-2010, 05:15 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
المحيرني ياابا ريم الكلام ده يطرشني ، نزلت البلد كم مرة كمان قبل مايلدوك عمرى ماسمعت بيهو معارف الشايقية بتاعين { البرصة } باين عليهو شايقية نص كم طلعوني مسطح شديد ،،، الله يديهم العافية
02-07-2010, 08:34 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: المحيرني ياابا ريم الكلام ده يطرشني ، نزلت البلد كم مرة كمان قبل مايلدوك عمرى ماسمعت بيهو معارف الشايقية بتاعين { البرصة } باين عليهو شايقية نص كم طلعوني مسطح شديد ،،، الله يديهم العافية
هيي سووووووود علي يا عمر نان واااخجلتكم في البرصة انت باقيلي راقد كداد متل ناس الشهادة العربيي
ابو انس كيفنك ياخ
02-02-2010, 05:38 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
اللهم ارحمه واغفر له واجعله من اصحاب اليمين اللهم ابدله دارا خيرا من داره اللهم ان كان مسيئا فتجاوز اللهم عن سيئاته اللهم ان كان محسنا فزد ياربنا فى احسنه اللهم خفف المصاب على اهله واصدقائه اللهم بارك فى عقبه ووفقه الى البر اليه واجعلهم صدقة جارية له يارب العالمين.
اللهم ارحمه واغفر له واجعله من اصحاب اليمين اللهم ابدله دارا خيرا من داره اللهم ان كان مسيئا فتجاوز اللهم عن سيئاته اللهم ان كان محسنا فزد ياربنا فى احسنه اللهم خفف المصاب على اهله واصدقائه اللهم بارك فى عقبه ووفقه الى البر
اليه واجعلهم صدقة جارية له يارب العالمين.
02-03-2010, 07:23 AM
الرفاعي عبدالعاطي حجر الرفاعي عبدالعاطي حجر
تاريخ التسجيل: 04-27-2005
مجموع المشاركات: 14684
الانسان ابن الارض وهى التى تشكله ومنها غصبا عنه تخرج افكاره وثقافته وتخرج افراحه واحزانه وحين يقول وطنى فانما يقصد هذه الارض بكل ما فيها من اشياء .
وعندما يقول شاعرنا حميد فى قصيدة عم عبدالرحيم
تقرع بالقمر تزرع بالنجوم
فأنه يعبر ب ( تقرع ) عن فعل من افعال الزراعة الذى يمارسه المزارعين والتربالة هناك وهو حبس الماء والسقاية .
وعندما يقول : ( لكن الزمن آبدوم ) بلهجة الشايقية المحببة يقصد ما بدوم ، وبالطبع ان حميد لأنه ابن البيئة وابن هذه الارض المعطاء فانه يستخدم ثقافته وبيئته جيدا فى شعره
يقول : ( أمونه الصباح قالتلو النعال .. والطِرق إنهرن ) الطرق هى قطعة القماش أو الثوب
انظر معى اللهجة المحببة ( بس يا أم الحسن .. طقهن آبفيد .. طقن آبزيد ) آ بفيد : مابفيد آبزيد : مابزيد
ايضا انظر معى لكلمة أشهر يقولها بهذه اللهجة المحببة ( ياريت التمر ياريت لو يشيل كل تلات اشر )
بهذه المقدمة اقول انه فى هذه المنطقة اختلط العرب القادمين بالنوبة فصاروا شايقية وبديرية ولذلك تحمل لهجة الشايقية كثيرا من مفردات النوبة هذا عدا عن لهجتهم وطريقتهم فى الكلام ونطق الكلمات ، كذلك فى هذه المنطقة يسكن معهم وغير بعيد عنهم يسكن الهواوير والحسانية فخالطوهم ايضا وصارالشايقية يقولون :
الديناب : لحجرة الجلوس الكبيرة
الدانقة : للصالة
الدونكا : للمطبخ
الهبود : الرماد
ألارنيق : الامينة تنتصب فى منتصف الحجرة تسند المرق
الكبد : الباب
الكشر : مفتاح الباب
الكتاريق : البيوت المهدمة القديمة
الباريق : الزقاق الضيق
ألارتيق : ظل الجدار الشرقى فى صباح الصيف
التكيقة : شمس الجدار الغربى فى صباح الشتاء
الكرقة : الراكوبة
الكادق : البخسة يحفظ فيها اللبن
الكشمير : مثلث الارجل تعلق منه القربة فيها الماء والسعن فيه الماء او اللبن يخض فتخرج منه الفرصة والروب
البشنتيق : قطع البرش القديم
الكفريق : فصوص القصب الجاف
الدفيق : اول اطوار التمر يكون اخضر ثم يصفر او يحمر فيكون رطبا ثم يصير ام رأس اى يبدأ النضج من رأسه واخيرا يصير تمرا
ألشهيق : ليف النخلة
الكروق : مابقى على جزع النخلة من اصول الجريد بعد قطعه
التمساح أبكروق ، واذا قيل للرجل ابكروق فقد مدحوه
الكركتى : طمى النيل يجف ويتشقق فيصير الواحا صغيرة
ومن ادوات المزارع الواسوق والاربل والكارديق
ومن ادوات المطبخ ، المسديق وهى المعراكة أى الدلق الذى تعرك به الدوكة مع الطايوق .
مع تحياتى
02-03-2010, 01:09 PM
الفاتح شلبي الفاتح شلبي
تاريخ التسجيل: 02-27-2009
مجموع المشاركات: 2141
Quote: الفاريق جاى من فرق ,, اى فرق بين شيئين وهو نبات الدخن الذى يزرع على الحدود بين الجروف ليصبح علامة فارقة بين جرف وجرف.
الفاضلابي لكن بالغت فى دي
ياخي فى أستاذ لغة عربية أو تربية اسلامية درسنا فى مدرسة عطبرة الحكومية القديمة ومن البديهي ان يلفت انتباهنا لغته العربية الرصينة (وحقيقة ما عارف هل كان بالفعل رصيناً أم اننا لم نكن نجيد العربية كما نحن اليوم)
المهم أصل كلمة الفاريق هي بالنوبية فريق بدون الألف بعد الفاء أما الألف والياء دي من عنديكم اكيد لزوم التعريب وأعتقد أن المعنى المقتبس أعلاهـ فى مداخلتكم مجرد مصادفة فى التسمية وجدت مقابلها للتعليل لهذهـ الكلمة الغريبة لديكم
لكن أكثر شئ خلاني فاتح خشمي واقعد استخدامكم لكلمة: الهبود : الرماد , اها ودي معناها انكم عندكم برضو تلى شكيم toli shakeem دي ما عندها مقابلها بالعربي اللهم إلا نقول زي الصعوط يستخدمنها عجائز النساء وفى رواية أخرى فإن اجود انواع الهبود هو هبود الأرجون
Quote: وحقيقة ما عارف هل كان بالفعل رصيناً أم اننا لم نكن نجيد العربية كما نحن اليوم
سلام ياشلبى الفاضلاب الذين درسوا اللغة العربية فى عطبرة الحكومية انذاك هم: الأستاذ عمر يوسف الأستاذ الطاهر محمد على الأستاذ عبدالقادر محمد على الأستاذ عباس محمدعثمان ودرس الأستاذ عبدالغفار التربية الرياضية وفى الحقيقة كلهم ملكوا ناصية بت عدنان.
Quote: المهم أصل كلمة الفاريق هي بالنوبية فريق بدون الألف بعد الفاء أما الألف والياء دي من عنديكم اكيد لزوم التعريب
الحقيقة يا شلبى لا استطيع الجزم بعدم صحة تفسيرك لمعنى كلمة فاريق واصلها النوبى وارجو ان تحدثنا قليلا عن معناها فى اللغة النوبية وهذا هو الشئ الجميل فى هذا المنتدى. تبادل الثقافات والأفكار .ومعلوم ان تباين الفكر يثرى الفكر فلك الشكر على الإضافة.
Quote: لكن أكثر شئ خلاني فاتح خشمي واقعد استخدامكم لكلمة: الهبود : الرماد , اها ودي معناها انكم عندكم برضو تلى شكيم toli shakeem دي ما عندها مقابلها بالعربي اللهم إلا نقول زي الصعوط يستخدمنها عجائز النساء وفى رواية أخرى فإن اجود انواع الهبود هو هبود الأرجون
ود شلبي لي قدام باقيلي بتطلعنا من عندكم عدييييييييل
02-07-2010, 08:44 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: الأديب حمور الزول ده ماهو شايقى ده من اندينا بدليل انه عرف نفسه على انه من ام هبج وذكر الدلوكة والبل(الإبل) وان شاءت الأخت سنقوم بالترجمة على الشريط على ان يحفظ لنا ود جبرين الحقوق الأدبية. ود جبرين ترجم: جاتنى صدمة (بضم الصاد) وقليت لى قرض فوق قلشوب. جرحتنى الساسوية فوق الكدمبس.
الفاضلابي كيفنك النبي تجي تترجملنا كلام الزول أليلكم دة
02-07-2010, 08:31 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
قاموسك دة حيتشربك مع كلمات نوبية كتيرة ( خصوصا كلمات شايقية البركل و نوري )
مثال : كوركتي و كيم ديل كلمات نوبية عميقة جدا و مستعملة للآن في صلب القاموس النوبي واصل دمتم
حبينا ابو جهينة كيفنك ابوي ياخي اللهجات في المنطقة من ابو حمد لحدي حتة المحس افتكر انها تداخلت بشكل كبير عشان كدة بتلقى كلمات متشابهة كتير المهم نحاول نوثق للهجات دي قبل ما تندثر تسلم يا سيدي
02-07-2010, 08:23 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: جيت اسلم والوم نفسي والله الوم الشبكة ماعارف قدر ما حاولت الخرابة ده اصلو ابي يقول ترن علي العموم انت عارف المعزة علي شبكتي طشت ونفيستي علي قولك ما جرتني علي الخرابة الاسمو النيت ده علي تحياتي لي سيد الحولي واخياتو
يا حبيب الله يعلم سئلين منك ومن بنياتك ياخي وين الحي بيك والحجي مبروكي عليك وربنا يتقبلها ان شاء الله كدي اجدعلي موبايلك في الماسنجر
02-07-2010, 08:21 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
الكون شبر: قفة يستعملها المزارعين في شيل التراب العُمْرِة: الطبق البيختوا فوقه الكسرة النُطع: البرش المقدود في نصه وبيختوه فوق حفرة الدخان (دي غايتو حا يعجب ود الموج وود شيقوق) الدحلوب: نصف زير تماما (يعني زي الزير القاموا قطعوهو من نصه "الكشق أو الكشيق": هو باقي البلح "المكرن / المتبقي " بين جريد التمرة
تعلم جيّدا مدى اهتمامي بما تكتب وكذلك افتناني بكل ما ينتسب الى شايق.
أخبرني بعضهم أن "القفّة الصغيرة التي تكفي لحمل كوم تمر مقدار شبر واحد " هي "كوم شبر" و ليست كون شبر. ترى هل هي "كوم" أم "كون" كما تغنى بهاالراحل المقيم الاستاذ مصطفى سيد أحمد ؟
محمد الطيب شايقي تايوان (القضارف) إلاّ أن أصولي تعود الى "أوسلي" و "الكنيسة. أغدو شاكرا إن تكرمت علينا باضافة المزيد من أشعار بني شايق وطنابيرهم.
تعلم جيّدا مدى اهتمامي بما تكتب وكذلك افتناني بكل ما ينتسب الى شايق.
أخبرني بعضهم أن "القفّة الصغيرة التي تكفي لحمل كوم تمر مقدار شبر واحد " هي "كوم شبر" و ليست كون شبر. ترى هل هي "كوم" أم "كون" كما تغنى بهاالراحل المقيم الاستاذ مصطفى سيد أحمد ؟
محمد الطيب شايقي تايوان (القضارف) إلاّ أن أصولي تعود الى "أوسلي" و "الكنيسة. أغدو شاكرا إن تكرمت علينا باضافة المزيد من أشعار بني شايق وطنابيرهم.
حبيبنا ود الطيب كيفنك ابوي عاد يا الحبيب صعبتها علي شديد باقي انا شايقي أليل خرطوم ساكت عاد علي يجي واحد من الجهابزة حقننا ويصلحها لينا فشان ما يطلع دكشنري هبوب انا غايتو سامعها كون شبر كدي خلنا ننتظر الجهابزة
02-07-2010, 09:14 AM
nazar hussien nazar hussien
تاريخ التسجيل: 09-04-2002
مجموع المشاركات: 10466
يا طارق...لاحظت ان معظم كلماتكم دي عندنا في ديار الجعلين مع فرق بسيط أحيانا في تغيير مواقع الحروف...
الكرارة: انتو هنا اشرتو الي صوتها من كر كر كر...صوت حركة ما بين الصاج والوسيلة البنكروا بيها... نحن بنسميها مباشرة: السعفة لأنها غالبا مصنوعة من سعف الدوم وبعض الناس بسموها الكرارة زيكم...
الكركتي: بنقول ليه الكركي بدون تاء... ففي الغالب تم اضافة التاء عند الشايقية لزوم الحنية الزائدة.. الكركعوب: نفس الشي لكن نطلقها لنواة الدوم بعد ما يكدوها ويجدعوها..
يتكن: ياها زاتا يمتق: نحن عندنا يلبن بضم الباء...
الخوصة: يا ها زاتا...جاتنا من زمن حليل موسي اللي الرجال خوصة بس نحن بننطقها بالسين : خوسة
Quote: يا جنى هيي في (الكونيي) في جر جاو انتقو ارمو
جر ياها عندنا بمعني زير...جنا برضو ياها يا ولد... الكوني دي (فرنسية) ...جاو دا عندكم بس...انتقو...عندنا بمعني اتناولو يقول ليك عليك الله انتق لي معاك الفرع داك...وهي تقال للشي البعيد... من متناول اليد...(مش بمعني جيب...)
وبجيك تاني معقب
02-07-2010, 11:26 AM
حمزه بابكر الكوبي حمزه بابكر الكوبي
تاريخ التسجيل: 04-13-2009
مجموع المشاركات: 2121
Quote: يا طارق...لاحظت ان معظم كلماتكم دي عندنا في ديار الجعلين مع فرق بسيط أحيانا في تغيير مواقع الحروف...
نزار كيفنك زي ما قلت في مداخلة سابقة عندي شبه يقين ان كل القبائل على النيل من الخرطوم وانت ماشي عندها كلمات متشابهة واعتقد ان أصل الكلمات نوبية وحورت حسب كل قبيلة ياخي الشي اليبلمنا اكتر من البيفرقنا
02-08-2010, 08:25 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
عاد لكن لقيت نفسي شايقية اسم وليس فعل .. ده كلام شنو ده ؟ عاد اصلى ما مارقه من هنا .. صحي شايقية خرتوووووم ساي ...
زمان ياطارق عندنا جيرانا شوايقه 100%.. عندهم ولد نجااااض يوم اختي لمت فيهو فهمتو حاجه .. اها امه جات من هناك وتقول : محمد يايمه قدر شنو؟ ؟ محمد حبيبت الكرم كرم وسط الجرم .. ممكن تشرح لينا ما تحته خط .. مع اني عارفه الجرم هو التسالي الصغيروني ..
02-08-2010, 03:58 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
عاد لكن لقيت نفسي شايقية اسم وليس فعل .. ده كلام شنو ده ؟ عاد اصلى ما مارقه من هنا .. صحي شايقية خرتوووووم ساي ...
زمان ياطارق عندنا جيرانا شوايقه 100%.. عندهم ولد نجااااض يوم اختي لمت فيهو فهمتو حاجه .. اها امه جات من هناك وتقول : محمد يايمه قدر شنو؟ ؟ محمد حبيبت الكرم كرم وسط الجرم .. ممكن تشرح لينا ما تحته خط .. مع اني عارفه الجرم هو التسالي الصغيروني ..
لكن يا بت الصادق لقيتك شهادة عربية كدي براك كدي تعالي فرزي كل كلمة براها والله براك تصلي للحل والشرح
02-09-2010, 08:27 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
الكبنقرى: الكبنقرى ضارب او فلان لقى الكبنقرى ضارب او ضربنا الكبنقرى وجرينا النومة .ودة معناهو الهواء العليل المتوسط بين الحار والبارد ويميل الى البرودة قليلا مع استمراريته .
النسام: النسام أو النسمه هى موجة هواء ايضاً بين الحار والبارد وتميل الى البرودة قليلا ولكنها لفترة محدوده او بسيطة ومن بعدها تنقطع وتعاود بعد فترة مرة ثانية .
تليشة: شكرا للحبيب ضمرة بغداد ود عمي من شبا فهو المرجع الاساسي بالنسبة لي وكذلك الحبيب عبد الرحمن يوسف ود البركل الزين
02-09-2010, 08:52 AM
صلاح أبودية صلاح أبودية
تاريخ التسجيل: 03-29-2008
مجموع المشاركات: 4557
طارق :مساك وصبحك الله بالخير ياود العم. لدى طرفه حول هذه اللغه. عتد اول يوم جامعي قبل عدة سنسين قابلت ود عما لي جاى من الشماليه للتو ....سالني بتدرسي هني؟ ردت بالايجاب...قال لي مالها عاملي زى اللبقي المتدى . بالله اشرح هذا المعني او ساوافيك بالمقصود. ودمتم يا صاحب الفضل الكبير .
02-09-2010, 12:21 PM
عبدالحافظ سعد الطيب عبدالحافظ سعد الطيب
تاريخ التسجيل: 03-07-2008
مجموع المشاركات: 1003
الفلق :بكسر الفاء وهو ساق النخلة بعد اقتلاعه ويوضع في نص العرش حق الغرفة ( المفرده المتداولة المرق) الكود : بضم الواو وهو نهاية قعر الجريدة ورق النخيل التنقير: بكسر التاء وهو الطريق الذى يتخلل الزراعه ويطلق عليه ايضا كراع تربال الكشونبه :وهو اخر حوض تصل اليه الماء الكونشبر : وليس كما قال أحد المتداخلين كوم شبر هي قفه صغيره يستخدمها التربال لحمل التراب لردم الكسور اثناء القراعه القراعه: بكسر القاف هى عملية ري الزرع التربال هو المزارع الرهبانه:هي ثلاثه اعواد تربط من الاعلي ويعلق عليها السعن لخش الروب خش الروب: هو تحريك اللبن الرايب الي الامام والخلف وهو داخل السعن والسعن هو القربة حتي تنفصل الزبده عن اللبن
النوريق ( عملية تتم بعد الحصاد ) وهي عباره عن مجموعه من الدواب ( الحمير ) تربط مع بعضها البعض للقيام بعملية دق المحصول من القندول يعني بالعربي كده يختو ليها القناديل وتمشي فيها عشان تمرق العيش من القندول الكوشّيق : بتشديد الشين وهو باقي التمر بعد ما يتحشا
الارتيق الظل ياود جبريل باقى لى الباب فيهو كلبة ولا تقولى التقنت واللبقة والجرف والحاحاية والهدام والدفيق واللشميق ماك خابرن
02-09-2010, 04:44 PM
عمر ادريس محمد عمر ادريس محمد
تاريخ التسجيل: 03-27-2005
مجموع المشاركات: 6787
نان هو ان بقى ما حنكوش يكتب مع ناس عكس الريح وحاتك انا مشيت بهناك علي دكتور معز لقيت الحنكشي فايتي الحد لقيت نفسي زي لامن تغمسلك كعك في ملوحة (تركين) طبعا انا الملوحة
خلك معانا هني يا الحبيب الشي التاني كله هين
02-10-2010, 08:18 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: طارق :مساك وصبحك الله بالخير ياود العم. لدى طرفه حول هذه اللغه. عتد اول يوم جامعي قبل عدة سنسين قابلت ود عما لي جاى من الشماليه للتو ....سالني بتدرسي هني؟ ردت بالايجاب...قال لي مالها عاملي زى اللبقي المتدى . بالله اشرح هذا المعني او ساوافيك بالمقصود. ودمتم يا صاحب الفضل الكبير .
محاسن بت الاراك قريبتي كيفنك ياخي ما تجي تتوهطي في البوست دة وتحكيلنا كلام أهلنا الزينين دة
02-10-2010, 08:24 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
الترمة: القليل من الأكل تقول (داير لي ترمة ) ويصغروها أحيانا لتصبح تريمة وتنطق على وزن العمرة السنسني : قطعة واحدة من الكسرة وتنطق بفتح السين الأولى والثانية وسكون النون الأولى وكسر الثانية. طرقة : قطعة واحدة من الكسرة أو الفطير فنقول طرقة كسرة وطرقة فطير تنطق بالفتح. الحرف: حرف القراصة يعني القطعة الواحدة من القراصة (4 بوصة) تنطق بفتح الحاء وكسر الراء وسكون الفاء. التكل : وتعني المطبخ ،، وتنطق بضم التاء والكاف القاطوع : المطبخ أو التكل وتنطق بفتح القاف وتخفيفها وضم الطاء. اللدايات : الأدايات ثلاثة حجارة بحجم حبة الشمام تقريبا توضع فوقها الحلة أو الصاج وتوقد تحتها النار. المعراكة : إناء صغير توضع فيه أدوات العواسة من قطعة القماش وعلبة الصلصة والقرقريبة وغيرها وتنطق بضم الميم وفتح الراء والكاف على وزن المفراكة. البزيديك / البزيديق: قطعة من القماش لمسح الصاج بعد دهنه بالزيت وبين طرقات الكسرة. العمرة : طبق كبير و عميق توضع فيه الكسرة أو القراصة بعد العواسة وتنطق بضم العين وفتح الراء. المرحاكة : حجر كبير مسطح وشبه مجوف على شكل نصف قرعة مقطوعة بالطول يسحن عليه القمح والذرة وتنطق بضم الميم وفتح الحاء والكاف على وزن المفراكة. الخوسة : السكين وتنطق بضم الخاء وفتح السين. الهبود: الرماد
أتفق مع الإخوة النوبيين معظم المفردات السودانية في الشمال والوسط المتعلقة بالزراعة والري مفردات نوبية محضة ومعظم المفردات المتعلقة بالرعي والبادية والأنعام في الشمال والشرق والوسط والغرب هي في الأصل مفردات عربية
Quote: أتفق مع الإخوة النوبيين معظم المفردات السودانية في الشمال والوسط المتعلقة بالزراعة والري مفردات نوبية محضة ومعظم المفردات المتعلقة بالرعي والبادية والأنعام في الشمال والشرق والوسط والغرب هي في الأصل مفردات عربية
هناك تشابه كبير إلى درجة التماهي في بعض الأحيان لكل قبائل شمال السودان نوبية كانت ام عربية
Quote: لا خصوصية للحجيراب بهذه المفردات بل ليس للشايقية تفرد باستخدامها كلها بل تشاركهم قبائل أخرى
لا خلاف يا حبيب بيننا العرف فقط من نسب الكلمات للشايقية والحجير جزء من الشايقية حتى أنني حتى هذه اللحظة لم أجد إختلاف يذكر بين الشايقية والبديرية في جميع نواحي الحياة ومن ضمنها اللهجة
ربما تعني الكرارة القرقريبة أنا لست متخصصا في اللهجات فقط أحاول أن أنقل ما عايشته شفاهة من أهلي في منطقة البركل ويا ريت البوست يكون نواة للتوثيق للهجات سودانية جزء كبير منها في طريقه للانقراض
محبتي الاكيدة
02-10-2010, 09:12 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
يا زول الكرارة دي أكل عديل روب وبصل ودقيق مالك دار تجوعنا برانا جعانين الحاجة القاصدها إنت اسمها القرقريبة كر العجين دا حاجة مختلفة خالص عن عملية العواسة بالمناسبة العواسة في الأصل كلمة عربية زي قراعة الموية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طارق جبريل
SHIBKA
عمران حسن صالح
Abd-Elrhman sorkati
معاوية المدير
ابراهيم قناوي
الفاتح شلبي
السمؤال بدرالدين
ابو جهينة
ماجدة عوض خوجلى
كمال الشادي
حمور زيادة
عبدالعزيز الفاضلابى
omer abdelsalam
الرفاعي عبدالعاطي حجر
مجدي عبدالرحيم فضل
فايزودالقاضي
wadalzain
يحي ابن عوف
رغيم عثمان رغيم الحسن
nazar hussien
حمزه بابكر الكوبي
عفاف الصادق بابكر
صلاح أبودية
عبدالحافظ سعد الطيب
عمر ادريس محمد
الشفيع وراق عبد الرحمن
Mohamed E. Seliaman
فيس بوك
تويتر
انستقرام
يوتيوب
بنتيريست