جانا لص يا عوووضة

(عدل بواسطة طارق جبريل on 02-09-2016, 11:34 AM)
(عدل بواسطة طارق جبريل on 02-09-2016, 11:37 AM)

Quote: تحياتي وليك وحشه وبلغ سلامي ... قرب يبقى جواب فلان لي بت فلان يا زول إنت بتشرب أبو تركتر ولا شنو ، ده خيال أوسع من عرض البحر ، أوصيك بتجربة أبو سمبرية فهو خطير وسوف يضيف بعداً تالياً لإبداعك يالمطموس . أصبحت مقلاً في الفترات الماضية ومشاركاتك معدودة صحيح أنها بالكيف لا بالكم بس أكيد محدودة وأصبح بالضرورة خرمانين ليك عديل كده. آخر مرة دلفت إلى بوست من بوستاتك كنت أحاول جاهداً أن أفك شعر الحسناء من كرعين الحمامه ولو إنت نسيت أنا ما نسيت ، اها جيتنا الليلى بالحرامى أو ما يسمى لص حنكشةً والحرامية زاتهم خشم بيوت أها ما كل حرامي كما يتبادر إلي أذهاننا فليس بالخبز وحده يحيا الإنسان. وحوارك وهذه الحيطبول أوجد فجوة كبيرة إتسعت لولوج رائعة المستعرب الخلوي والتي أقطفت لك منها هذه الأبيات وزى ما انتو يا الحلوين فى الدور والقصور ساكنين هناك الناس كمان ساكنين مافى فيلا .. فى راكوبة بى شوك الكتر مزروبة وفى حر الهجير منصوبة --- كسرة أولى البطن زاتا بتسرق (وجوه ضاحكه كميات) كسرة أخيرة جانا كلب سنونو صفر

Quote: المهم الكتوف إتساوت والعاصمة والقرية بقن سوا سوا في كل شئ ، شارع الظلط زاااتو سوهو لينا عليك أمان الله جلطولهم أسفلت زي ودك الضريرة في نص الراس وبعد سفر السفنجات واللوري الأوستن بقينا نسافر بالأمجادات والهوايس (جمع هايس) والروزات ديل ناس روزا ، وإنفكينا من كتاحة الطرق غير المعبده ووعثاء السفر وكآبة المنظر.

بااااارك الله في الإنقاظ
ودجبريل إزييييك مليح ....
:
:
:
:
:
:
:
:
:
مع التحيات لله الزاكيات

Quote: بااااارك الله في الإنقاظ ودجبريل إزييييك مليح .... : : : : : : : : : مع التحيات لله الزاكيات

Quote: ود جبريل تحياتي دشيك إت براك آآآخوي أبداً ماني غاطس ولاني زارع لي بطاطس ويومياُ بتسلل إلى حوش بكري أبوبكر وبعاين بي عيوني وبمتع نفسي بالدهشه وفي كلام غلاد وفي خج وفي دواس وفي كل حاجه قد تخطر على ذهنك يا أخي نحن شعب جميل بكل ما فيه من تناقضات وسلبيات ووهمه فاكنها في نفسنا وكل يغني على ليلاه ، والما عندو ليلى يغني يا ليلي ليلك جنا. يا أخي الكلام البتقول فيهو دا بقي من وحي الخيال ، فالقرية ما عادت قرية شكيت سنوات الضياع والأجنحة المنكسرة وحريم السلطان على اللانام ولا أكل الطعام يازول المسلسلات التركية دي عملت في حريمنا ما لم تسويهو كريت في صالون برستيج أو القمة أو جاردن سيتي أوكوافير سوزانا للتجميل ، الحريم حتى بناطلين الإستريتش من نوع جربان ياكل بي عينو عرفنها ، المهم الكتوف إتساوت والعاصمة والقرية بقن سوا سوا في كل شئ ، شارع الظلط زاااتو سوهو لينا عليك أمان الله جلطولهم أسفلت زي ودك الضريرة في نص الراس وبعد سفر السفنجات واللوري الأوستن بقينا نسافر بالأمجادات والهوايس (جمع هايس) والروزات ديل ناس روزا ، وإنفكينا من كتاحة الطرق غير المعبده ووعثاء السفر وكآبة المنظر. وحتى الخربشات الفي ضهور العربات إتغيرت من عبارات على شاكلة جميلة ومستحيلة ، الصيد ، ويا ود حسونه ، ويا راجل طيبه إلى عبارات غريبة (أحييي يا الكوكو) (الما عاجبو يحلق حواجبو) غايتو جنس كلام واحد أفرزو وواحد يغبا على بس لي الليلي في لسانا عوده صغيره يعني مثلا واحد سمع أضاني يقول لي التاني آزول مسكلو ، يعني أعمل ليهو مسكول وديل قطع شك ساعيين لهم موبايلات جلاكسي وأيفون

Quote: هسي ذنبي شنو تخلعني كدة وانا سيد دغت وسكري وعلى العلي ماتت لي بقرة فريزيان وسبعة حملان وخروفين